CLOSE WINDOW

D1744
བོད་ཡིག

/zhus pa rin chen lta bu 'di/ /sgrol ma'i zhabs la gtugs par smon// @##/ /rgya gar skad du/ se dan+ta shrI yo ga yo gi ni swar+b+hU ta saM b+ho ga sh+ma shA na ka lpa nA ma/ bod skad du/ dpal u rgyan gyi rnal 'byor dang rnal 'byor ma'i rang byung gi longs spyod dur khrod kyi rtog pa zhes bya ba/bla ma dam pa rnams la phyag 'tshal lo/ /rdo rje rnal 'byor ma rnams la phyag 'tshal lo/ /shar gyi dur khrod dbang po gtum drag dpag tshad bcu gnyis khor yug la/ dpag tshad lnga zheng du gnas pa dbyibs ni shing rta rkang pa gsum pa lta bu/gtso bo klu sgrub snying pos byin gyis brlabs/ /shing ni gser mdog lo ma brgyar gyes shing / /zhing skyong dkar po gri thod glang chen gdong / /phyogs skyong brgya byin glang chen gdan rigs bcas/ /rdo rje mkha' 'gro pre ta yi dags za//byang chub chen po'i mchod rten gyis sa 'dzin/ /mtha' yas sngon po'i klu ni 'dud byed cing / /thod pa brtsegs pa'i spyil bus kun bkang zhing / /de na rnal 'byor pa'i rgyal po Ar+ya de ba la sogs pa shin tu mang ba bzhugs so/ /rnal 'byor ma ni mdzes ma dang snying stobs can ma la sogs pa'o//de dag ni rgyud gsang 'dus kyi rjes su 'jug cing klu sgrub yid la byed pa'o/ /lho'i dur khrod gshin rje 'bar ba'i nags tshal/ dpag tshad drug cu gnyis khor yug /dpag tshad bco lnga rgyang grags gcig /dbyibs ni 'khor lo 'dra/Dom+bi he ru ka yis byin gyis brlabs/ /bai DUr+ya mdog lo ma brgyar gyes shing / /zhing skyong nag po gri thod ma he gdong / /phyogs skyong gshin rje ma he'i gdan rigs bcas/ /rin chen mkha' 'gro kang ka dbang bskur byed/ /cho 'phrul ston pa'i mchod rten gyis sa 'dzin/ / dung skyong dkar po'i klu ni 'dud par byed/ /thod pa rus pa dum bu'i spyil bus bkang / /rnal 'byor pa ni a wa d+hU tI dang / phyag mo la sogs pa'o/ /de dag ni gsang 'dus dang / gshin rje gshed nag po'i rjes su 'jug cing Dom+bi he ru ka yid la byed do/ /nub kyi dur khrod chu bdag thod pa can dpag tshad bzhi bcu brgyad khor yug la/dpag tshad bcu gnyis zheng du gnas/ dbyibs ni ban long spyod lta bu zlum po ste/ mkhas pa rta dbyangs kyis ni byin gyis brlabs/ /shing ni byi ru'i mdog can lo 'dab rgyas/ /zhing skyong dmar po gri thod chu srin gdong //phyogs skyong chu lha chu srin gdan rigs bcas/ /pad+ma mkha' 'gro chos ston kun d+ha ra/ /lha las babs pa'i mchod rten gyis sa 'dzin/ /dmar po dga' bo'i klu rnams 'dud byed cing / /ro rnams brtsegs pa'i spyil bus kun bkang zhing / /de ni rnal 'byor pa ni ku ku ri pa dang /rnal 'byor ma ni snying po'i rgyan ma dang / de dag thams cad ni rgyud sgyu 'phrul chen mo'i rjes su 'jug cing slob dpon rta dbyangs yid la byed pa'o/ /byang gi dur khrod lus ngan 'jigs byed dang / /dpag tshad brgyad cu pa khor yug la/ dpag tshad nyi shu zheng du gnas/dbyibs ni shing rta rkang pa bzhi pa lta bu/ slob dpon pad+ma can gyis byin gyis brlabs/ /ma rgad ljang mdog lo ma brgyar gyes shing / /zhing skyong ljang gu gri thod khyu mchog gdong / /phyogs skyong gnod sbyin khyu mchog gdan rigs bcas/ /las kyi mkha' 'gro las 'byor dam tshig la//bkra shis brtsegs pa'i mchod rten gyis sa 'dzin/ /ljang gu karko Ta yi klu rab 'dud/ /ro yi spyil bus kun nas bkang ba'i zhing / /de na rnal 'byor pa ni bzang po dang / rnal 'byor ma ni brdung ma la sogs pa'o/ /de dag rgyud dgyes pa rdo rje'i rjes su 'jug cing slob dpon mtsho skyes rjes su dran par byed do//shar lho'i dur khrod me mtshams dpal 'dren dpag tshad bcu gnyis khor yug la/ dpag tshad gsum ni zheng du gnas/ dbyibs ni skyes pa gzhon nu'i lag mthil lta bu ste/ gtso bo sa ra ha yis byin gyis brlabs//shing ni a mra'i mdog can lo 'dab rgyas/ /zhing skyong ser po gri thod ra skyes gdong / /phyogs skyong me lha ra skyes gdan rigs bcas/ /sna tshogs mkha' 'gro ro langs sbyin sreg byed/ /pad+ma spungs pa'i mchod rten gyis sa 'dzin/ /dkar po pad+ma chen po'i klu rab 'dud//yi dags ro yi spyil bus kun bkang zhing / /de na rnal 'byor pa ni g+hu na ka na ka dang / rnal 'byor ma ni pad+ma rdo rje la sogs pa'o/ /de dag ni rgyud bde mchog 'khor lo'i rjes su 'jug cing dpal sa ra ha pa rjes su dran par byed pa'o/ /lho nub kyi dur khrod dbang ldan ha ha sgrogs zhes pa dpag tshad drug khor yug la/dpag tshad bzhi ni zheng du gnas/ dbyibs ni pad+ma dkar po kha phye ba lta bu ste/ dpal mchog nag po zhabs kyis byin gyis brlabs/ /i n+d+ra nI la'i shing ni lo 'dab rgyas/ /zhing skyong nag po gri thod mi yi gdong //phyogs skyong srin po yi dags gdan rigs bcas/ /dam tshig mkha' 'gro [(]kyang [,]khyed [)]rnams nye bar ston/ /bdud 'dul chen po'i mchod rten gyis sa 'dzin/ /gzi can dkar dmar mdog can klu rab 'dud/ /keng rus yi dags lo ma'i spyil bus gang //de na rnal 'byor pa ni bram ze stobs can gyi bu rnal 'byor pa gser mdog can dang / rnal 'byor ma ni bzhin khro ma la sogs pa'o/ /de dag ni rgyud snying po gnyis dang / rta mchog gi rgyud kyi rjes su 'jug cing dpal nag po zhabs rjes su dran par byed do/ / nub byang dur khrod bden bral mun chen zhes pa dpag tshad bcu bzhi pa khor yug la/ dpag tshad bcu gnyis zheng du gnas/ /dbyibs ni chu'i ri mo 'khyil ba lta bu ste/ mkhas pa ku ku ri pas byin gyis brlabs/ /shel gyi mdog can shing ni lo 'dab rgyas/ /zhing skyong sngon po gri thod sha ba'i mdog /phyogs skyong rlung lha sha ba'i gdan rigs bcas/ /thams cad mkha' 'gro gsang ba'i chos ston cing / /gtsug phud dag pa'i mchod rten gyis sa 'dzin/ /pad+ma dkar po'i klu ni rab tu 'dud/ /rtsa spyil rus pa'i rgyan spras kyis gang zhing / /de na rnal 'byor pa ni rgyun tu zhugs pa dang /rnal 'byor ma ni zhing la sogs pa'o/ /de dag ni rgyud rnal 'byor ma'i rjes su 'jug cing dpal ku ku ri rjes su dran par byed do/ /byang shar gyi dur khrod rlung du ca co sgrogs zhes pa dpag tshad nyi shu khor yug la/ dpag tshad lnga ni zheng du gnas/ dbyibs ni dge slong gi lhung bzed lta bu ste/ mkha' 'gro rdo rje phag mos byin gyis brlabs/ /rin chen dung mdog shing ni lo 'dab rgyas/ /zhing skyong dkar sham gri thod rta yi gdong / /phyogs skyong 'byung po rta yi gdan rigs bcas/ /'jig rten mkha' 'gro bskyod cing gtor ma 'dzin//chos kyi 'khor lo'i mchod rten gyis sa 'dzin/ /nor 'dzin na ros mdog can klu rab 'dud/ /so phag brtsegs pa'i spyil bus kun bkang zhing / /de na rnal 'byor pa ni dpal he ru ka pa dang / rnal 'byor ma ni bdag med ma dang bdud rtsi ma la sogs pa'o//de ni rgyud mA hA mA ya nam mkha' dang mnyam pa'i rjes su 'jug cing rdo rje phag mo rjes su dran par byed do/ /dpal u rgyan gyi rnal 'byor pa dang rnal 'byor ma'i rang byung gi longs spyod dur khrod kyi rtog pa zhes bya ba/ slob dpon bir+Wa pas mdzad pa las btus pa/ rnal 'byor pa pradz+nyA shrI dz+nyA na kIrtis rang 'gyur du mdzad pa'o/