CLOSE WINDOW

D1739
བོད་ཡིག

rje btsun sgrol ma'i nang gi gtor ma'i cho ga /slob dpon tsan+d+ra go mis mdzad pa rdzogs so// //yul bal po rdzong du bsgyur ba'o// @##/ /rgya gar skad du/ ta lis ti tsakra/ bod skad du/ phyir zlog pa'i 'khor lo//rje btsun ma sgrol ma la phyag 'tshal lo/ /bsnyen pa yongs rdzogs rnal 'byor pas/ /bar chod bzlog pa'i cho ga brtsams/ /dben pa'i gnas su maN+Dal dang / /mchod pa gtor ma bshams la ni/ /bskyed pa'i rim pa rdzogs bsgoms la/ /mchod pa bstod pa dus gsum dbul//de nas snying gar rtsa bsams la/ /zhu bas 'khor lo rtsibs bzhir gyur/ /lte ba stong pa'i nang nyid du/ /bdag nyid lha yi rnal 'byor gnas/ /rtsibs gnyis rtse la gri gug bsam/ /gnyis pa ral gri me 'bar bsam/ /'bar ba me dang 'od 'khrugs nas//'khor lo de la mtshon cha ni/ /char pa bab pas gsod par bsam/ /de nas sngags 'dis 'khor lo bskor/ /oM hrIM triM d+ha ra d+ha ra/ tsa kra lo ka mA ra ya mA ra ya/ b+h+ruM b+h+ruM/ tsi ri tsi ri/ ta ra ta ra/ phaT phaT swA hA/ de ltar drag po'i sngags bzlas pas//'khor lo skad cig mi sdod 'khor/ /mtshon cha'i char dang 'od 'khrugs pas/ /gzhan gyi rig sngags smod pa dang / /gdon dang bar chod gang yin pa/ /bkug la 'khor lo mtshon chas gtub/ /ting 'dzin gsal dang bzlas pa ni/ /brtson pas rab tu 'bad par bya//de ltar zhag ni lnga'am bdun/ /gsum gsum bar du byas gyur na/ /phyag na rdo rje'i stobs kyang rdugs/ /phyir bzlog 'khor lo slob dpon rtag pa'i rdo rjes mdzad pa rdzogs so// //mkhas pa chen po rma ban chos 'bar gyis bsgyur ba'o//