CLOSE WINDOW

D1732
བོད་ཡིག

rgya gar shar phyogs kyi paN+Di ta chen po dA na shI la'i gsung lhag chad med par bkod pa rdzogs so// @##/ /rgya gar skad du/ shukla e ka dzA Ti sA d+ha naM/ bod skad du/ ral gcig ma dkar mo'i sgrub thabs/ ral gcig ma la phyag 'tshal lo//pad+mar gnas pa'i snod mchog la ni yi ge hUM las byung ba'i dkar mo ni/ /g.yas brkyang g.yon bskum zhabs kyis gnas ma nu ma rab rgyas spyan gnyis yang dag dmar/ /g.yas pas mi rus phreng 'dzin g.yon pas kha ma bye ba'i ut+pa la sngon po bsnams//ral pa kham pa dang ni ldan pa'i lha mos rtag tu khyed la skyong gyur cig /klu brgyad 'jigs rung dang bcas sems kyi dbang phyug dbu rgyan can/ /snying rje ro yis kun nas gang ba'i ljags bskyod bzhad mdzad ma/ /ri dgas dgra bo'i yi ni pags pa'i na bza' 'chang ba mo//de lta'i sgrol mas mi shes mun pa gsod par byed par shog /dpal ldan gnyis med rdo rje yis/ /bla ma'i zhabs kyi chu skyes la/ /btud de rol pa sbas pa yis/ /sgrol ma'i sgrub thabs brjod par bya/ /dang por re zhig sngags pas kha bshal ba la sogs pa byas te stan bde ba la nye bar 'dug nas me tog dri zhim po bkram pa'i sa phyogs su ji ltar 'byor pa'i mchod pa bshams la/rang gi snying gar hUM dkar po nye bar blta'o/ /hUM dkar po de las rang gi ba spu'i bu ga dang / kha la sogs pa'i sgo las 'od zer rnam pa lnga 'phro bar bsams te/'od zer de dag gis gang+gA'i klung gi bye ma snyed kyi 'jig rten gyi khams mtha' yas pa snang bar byas nas/ de nas 'og min na bzhugs pa'i bcom ldan 'das ma 'chad par 'gyur ba'i sku mdog la sogs pa dang ldan pa/gang yang bdag la gsol ba 'debs pa'i sems can de dag la byin gyis brlab par bya'o zhes pa cig car mdun na 'dug par bsams la/ de nas yi ge hUM las me tog bdug spos dri dang phreng ba la sogs pa spros pas mchod do//de nas byams pa dang / snying rje dang / dga' ba dang / btang snyoms dang / mchod pa dbul ba dang / sdig pa bshags pa dang / bsod nams la rjes su yi rang / gsum la skyabs su 'gro ba la sogs pa bya'o/ /oM badzra puSh+pe AHhUM zhes pas bsngags pa'i me tog la sogs pa ming spel dang bcas pas dbul lo//de nas bdag dang chos thams cad gdod ma nas ma skyes pa'i rang bzhin stong pa nyid bsgom par bya ste/ oM swa b+hA wa shud+d+haHsarba d+harmAHswa b+hA wa shud+d+hou0f85haM/ oM shU n+ya tA dz+nyA na badzra swa b+hA ba At+ma kou0f85haM/ zhes brjod do/ /de nas smon lam gyi dbang gis yi ge a yongs su gyur pa las pad+ma dmar po dang / de'i dbus su yi ge TaM yongs su gyur pa las thod pa nor bu chu shel lta bu'i 'od can khrag gis yongs su gang ba/ de'i dbus su yi ge hUM dkar po 'od zer lnga dang ldan pa/shin tu mdzes pa de yongs su gyur pa las ut+pa la sngon po kha ma bye ba yi ge hUM gis byin gyis brlabs par bltas la/ de dag yongs su gyur pa las bdag nyid bcom ldan 'das ma'i sku zhal gcig phyag gnyis ma/ sku mdog dkar mo stag gi pags pa'i smad dkris can phyag g.yas pas mi rus kyi phreng ba 'dzin pa/g.yon na ut+pal sngon po kha ma bye ba bsnams pa/ ral pa kham pa gyen du brdzes pa tshangs pa'i gnas kyi bar du shin tu khyab pa/ klu gdug pa can brgyad kyis brgyan pa/ karko Ta sngon pos thod byas pa/'jog po dmar po'i do shal can/ dga' bo dang nye dga' bo ser po dag gis rna cha dag dang ldan pa/ mtha' yas dkar po'i tshangs skud can/ nor rgyas dkar po'i ska rags dang / dung skyong dkar pos phyag gdub byas pa/ pad+ma dang pad+ma chen po dmar pos zhabs gdub byas pa/do shal dang / zhabs gdub dang / dbu rgyan dang / se ral khas brgyan pa/ zhabs g.yas brkyang zhing g.yon bskum pas ro'i steng du gnas pa/ shin tu 'jigs su rung ba zhal mche ba cung zad gtsigs pa/ ljags 'dril ba/ dpal mi bskyod rdo rje'i cod pan gyis spyi bor brgyan pa/ byams pa dang snying rje chen po'i sems dang ldan pa cig bsgom mo/ /rang gi snying ga'i hUM dkar po'i 'od zer gyis ye shes sems ma'i dkyil 'khor dgug par bltas te/ de nas dzaHhUM baM hoHzhes pa dgug pa dang /gzhug pa dang / bcing ba dang / dbang du bya ba ste/ ye shes sems ma dang chu dang 'o ma 'dres pa ltar dbyer med par blta'o/ /de nas rje btsun ma'i thugs ka'i pad+ma'i steng du yi ge hrIMshel dag pa'i mdog lta bur 'od zer brgya stong 'phro bar bya'o//bsgoms pa las dub na sngags don dang ldan pa gzhal du med par myur ba dang / bul ba dang / mi gsal ba dang / ma tshang ba spangs nas yid kyis dmigs te bzlas par bya'o/ /de la sngags btu ba ni sde tshan bdun pa'i bzhi pa la mes yang dag par ldan pa'i yi ge i yis brgyan cing zla tshes dang thig les mdzes par byas pa'o//ji ltar 'dod pas bzlas pas so/ /lte ba'i dbus su pad+ma 'dab ma brgyad kyi steng du yi ge hUM shin tu 'bar ba blta'o/ /de nas phreng ba'i rdog po rnams yi ge hrIM gi gzugs su bltas la/de rgyun ma chad par rang gi kha nas 'thon te lte ba'i lam du zhugs shing kha nas byung bar bsams la/ sngags kyi rgyal po yig 'bru gcig po 'dis yid bzhin nor bu ltar sdig pa dang yams thams cad 'jig pa dang / dbang du bya ba dang / dbab pa dang 'gro ba 'khrug par byed pa'i sngags sangs rgyas kyi gsung blo gros brtan pas bzlas par bya'o/ /'di lta bu'i sngags 'bum phrag gcig bzlas pas snyan dngags mkhan du 'gyur ro/ /'dzin par nus pa dang / rdo rje lta bu'i tshig dang ldan pa dang /nor che ba dang / tshe ring ba dang / bstan bcos thams cad la mkhas par 'gyur ro/ /khyung gi dbang po ltar srid pa gsum gyi dug med par byed pa dang / myur du bla na med pa'i byang chub thob par 'gyur bar gdon mi za'o/ /oM AHhrIM hUM haM ha/ zhes pa'i sngags kyi rgyal po 'dis sangs rgyas nyid kyang sbyin par byed na dngos grub gzhan lta smos kyang ci dgos/oM AHhrIM hUM g+hA ta ya sarba big+h+nAn hUM phaT swA hA/ sngags 'dis gtor ma dbul bar bya'o/ /bcom ldan 'das ma ral pa gcig ma dkar mo'i sgrub thabs/dpal gnyis med rdo rje las byung ba slob dpon rol pa'i sbas pas mdzad pa rdzogs so// //rgya gar shar phyogs pa ren+d+ra dzI ga ta la'i paN+Di ta chen po dA na shI las yul dbus kyi grub pa thob pa'i gnas drang srong srin po rir bsgyur ba'o//