CLOSE WINDOW

D1731
བོད་ཡིག

/sgrol ma khros pa'i ba liM gi gtor ma rdzogs so// //rgya gar shar phyogs kyi paN+Di ta dA na shI las/[ (]'gren [,]'gran [)]gyi 'phyang sar du rang 'gyur du mdzad pa'o// @/ /sgrol ma ral gcig ma'i blo 'phel bzhugs/ @#/ /'phags ma sgrol ma rdo rje dbyangs can ma//ba liM gtor ma phul ba bzhes nas su/ /'gro rnams ma rig mun pa bsal nas su/ /shes rab blo yi pad+ma kha 'byed shog /dmar mo rab 'jigs nam mkha'i mdog /zhal gcig phyag bzhi stang stabs mdzes/ /mi shes yid 'joms la btud de//gzhung don sgom rim 'di gsal bya/ /dang po kho nar rig pa dang ldan pa'i gang zag gis/ dur khrod dam phyi nang gi rten stobs ldan bzhugs pa'am/ rab tu dga' zhing dben pa'i phyogs su gnas khang byi dor bya/ rten dang mchod pa dngos sam yid kyi rnam 'phrul gyis bkod de/bu chung gi ro 'jam zhing mnyen pa dri zhim po'i chus bkrus la/ me tog gi phreng ba btags la/ rang nyid bde bar gnas pa'am/ de med na yang stan 'bol ba la gnas te/ bdag gis ral gcig ma bsgrubs la/ rang gzhan gyi mi shes pa'i mun pa rnam par gzhom par bya'o snyam du bsam mo//de nas skad cig gis rnam pa kun tu rtog pa'i tshogs rang sar dag pa'i ting nge 'dzin la mnyam par gzhag go/ /rjes la spyi bo/ mgrin pa/ snying ga gsum du/ oM dkar po dang / AHdmar po dang / hUM sngon po dang gsum shin tu gsal bar blta zhing / 'od zer gyi tshogs spros pas 'gro ba'i mi shes pa'i mun pa rnam par bcom nas gnas gsum gyi yi ge la bsdus la/ sku gsung thugs rnam par dag cing 'pho 'gyur med pa'i ting nge 'dzin bsgom par bya'o//dngos po'am mtshan ma thams cad rang gi ngo bos stong pa'i don de nyid blta bar bya ba'i phyir/ oM shU n+ya tA dz+nyA na badzra swa b+hA ba At+ma kou0f85haM/ zhes brjod cing / dngos po dang mtshan ma'i bag la nyal phra mo tsam yang med pa'i ting nge 'dzin l a gnas par bya'o//de'i ngang las AHdang T+wAM rim gyis gyur pa las/ pad+ma dmar po dang thod pa khrag gis bkang ba/ de'i steng du nyi ma'i dkyil 'khor la hUM sngo zhing dngas pa blta bar bya'o/ /hUM yongs su gyur pa las gri gug gi yu ba nas nyi ma'i steng na hUM gnas [(]pa'[,]pa'o[)]//de yongs su gyur pa las bcom ldan 'das ral pa gcig ma sku sbom zhing thung ba/ mdog bai DUr+ya ltar sngo zhing dngas pa/ zhal gcig phyag bzhi ma/ dang po gnyis ral gri dang ut+pa la bsnams pa/ 'og ma gnyis gri gug dang thod khrag thugs kar 'dzin pa/zhabs g.yas bskum g.yon brkyang bas dbugs bral gyi snying dang rkang pa mnan pa/ phyag rgya lnga dang / brgya phyed dang / stag lpags dang / klu brgyad sbrul sngon po'i gzugs kyis dbu rgyan dang / rna rgyan dang / mgul rgyan dang / dpung rgyan dang / phyag gdub dang / zhabs gdub dang / ska rags dang / se ral kha rnams kyis rab tu dpa' ba'i chas su zhugs pa/ spyi gtsug na thub pa mi bskyod pa bzhugs pa/ spyan gsum me mdag ltar dmar zhing 'khrug pa cung zad g.yon du gzigs pa/ lce glog ltar 'khyug pa/gad rgyangs chen po sgrogs pa/ phyi nang gi bdud thams cad rlag par byed par bsgom mo/ /de'i thugs kar pad+ma dmar po 'dab ma bzhi pa'i steng du nyi ma'i dkyil 'khor la gnas pa'i hUM sngon po blta zhing / mdun gyi 'dab ma nas g.yas skor du/ hrIM triM hUM phaT rnams bsgom zhing yig 'bru de dag las dpag tu med pa'i 'od zer gyi tshogs 'phros pas 'gro ba'i mi shes pa'i mun pa thams cad bsreg par bsam zhing /'jig rten dang 'jig rten las 'das pa'i yon tan blo gros kyi snang ba thams cad tshur 'dus te rang la bstim zhing bdag nyid yon tan dang blo gros kyi snang ba thams cad phun sum tshogs pas brgyan par bsam mo//de nas bzlas pa bya ste/ g.yas dang po'i ral gri mi rus kyi phreng bar bsgyur la/ thugs pad+ma nyi mar rig sngags kyi ting nge 'dzin la ma g.yos pa'i ngang las hrIM triM hUM phaT ces ci nus bzlas so//de las skyo na pad 'dab kyi yi ge hUM la bsdu/ bdag gzhan gyi blo gros ngan pa'i mun pa thams cad gtan nas dag par gyur cig snyam pa'i smon lam drag po gdab bo/ /rjes shes kyi skabs su yang rtag tu dpa' mo'i nga rgyal dang ma bral bar bya'o//de 'dra'i ting 'dzin bzlas par bsam/ /brtan zhing tshad du skyol gyur na/ /mi shes sprin tshogs dpag med rnams/ /dbyar zad bzhin du dengs par 'gyur/ /sgrol ma'i blo 'phel slob dpon klu sgrub kyi man ngag snyan dngags mkhan rtag pa rdo rjes tshig le'ur byas pa/