| བོད་ཡིག |
95a4 ts+tshe da ya ts+tshe da ya oM AHhUM phaT swA hA/ gtor ma'i sngags so// @##/ /rgya gar skad du/ e ka dzA Ti sA d+ha naM/ bod skad du/ ral
95a5 gcig ma'i sgrub thabs/ral gcig ma la phyag 'tshal lo/ /g.yas bskum g.yon brkyang zhabs kyis ro yi snying dang rkang mnan khro bo'i gad mos bsdigs mchog ma/ /ral gcig ut+pal gri gug thod pa g.yas g.yon phyag ldan hUM yig sa bon las byung mchog /mi thung
95a6 thod mo ral pa kham pa rgyas pa'i thor cog drag mo klu yis rab brgyan ma//'gro ba gsum gyi mun pa la bzhag rol ldan sgrol ma drag mo rang gi gsod par shog /rgya nag las byung srid pa gsum/ /grol byed sgrol ma la btud de/ /bla ma rnams kyi man ngag bzhin/ /de
95a7 yi sgrub thabs bdag gis brjod//mtshan ma gcig gam dur khrod dam/ /dus kun du ni khang stong du/ /rab tu mkhas pa'i rnal 'byor pas/ /srid pa mthar phyin rig ma sgrub/ /bu chung ro 'jam la gnas sam/ /yang na gdan 'jam 'bol ba la/ /kun
95b1 tu gnas te rnal 'byor pas//dngos grub mchog ni bsgrub par bya/ /skad cig rnam pa'i rnal 'byor pas/ /yang dag rnal 'byor la 'dug nas/ /gnas gsum rdo rje gsum bsgoms la/ /de nas 'od zer spro bar bya/ /srid gsum spyod pa'i sems can rnams/ /
95b2 gsal bar byas la tshur dgug cing / /bsdus rjes yang ni bsgom par bya/ /sna tshogs kun las stong pa nyid/ /de nas rgyal ba'i sngags brjod de/ /stong nyid bsgom zhing de dang las/ /a las mtsho skyes dmar po ltar/ /de yi steng du yang bsgom pa/ /T+wAM yig
95b3 las byung pad+ma'i snod//de yi dbus su yang ni bsgom/ /hUM mdzad yi ge sngon po ste/ /de nas hUM mdzad las skyes pa'i/ /gri gug sa bon gyis brgyan pa/ /gri gug yongs su gyur pa las/ /bdag nyid sgrol ma rab tu bsgom/ /g.yas bskum g.yon brkyang
95b4 'jigs su rung //mgo yi phreng ba 'phyang ba mo/ /mi'u thung 'jigs byed gsus pa sbom/ /sngon mo mtsho skyes kyis brgyan ma/ /zhal gcig spyan gsum ldan ma ni/ /khro bzhad sdigs byed shin tu gsal/ /kun nas dga' byed ro la gnas/ /klu brgyad
95b5 rnam par brgyan pa ste//spyan rtsa dmar zhing zlum pa'o/ /sku smad stag gi pags pas g.yogs/ /lang tsho dar bab phun tshogs ma/ /phyag rgya lnga yis rnam par brgyan/ /zhal nas ljags 'dril 'jigs ldan ma/ /mche ba gtsigs shing g.yon du gzigs/ /
95b6 g.yas pas ral gri gri gug 'dzin/ /g.yon pas ut+pal thod pa 'dzin/ /dbu skra kham pa drag pos brgyan/ /spyi gtsug mi bskyod rnam par brgyan/ /sgom gyi stobs kyis rdzogs pa na/ /rnal 'byor mkhas pa chen por 'gyur/ /gal te rmongs pa bems po yang / /
95b7 sgom gyi ro la dbang gyur nas/ /'bum phrag sngags kyi bzlas pa yis/ /'jam pa'i dbyangs dang mtshungs par 'gyur/ /sngags chen 'di ni yi ge gsum/ /phaT yig mtha' can snying la gnas/ /'od zer lnga dang yang dag ldan/ /mi shes bud shing sreg
96a1 byed pa//rnal 'byor spyod pas rjes 'brangs nas/ /de yi bsdu ba'i cho ga brjod/ /dang po sa yi phyi ma bzung / /dbyangs kyi yi ge bzhi pas brgyan/ /gsal zhing 'bar ba ra la zhon/ /zla tshes thig les rnam par brgyan/ /de nas tAM yig sbyin
96a2 par bya//dbyangs kyi yi ge bzhi pas brgyan/ /haM yig dbyangs yig drug pas brgyan/ /yang dag nyid du sbyin par bya'o/ /de nas phaT yig sbyin par bya/ /grub pa'am sngags ni yongs su rdzogs/ /mkhas pas ral gri stod sa ru/ /mi rus phreng ba bsgom par bya/ /
96a3 spro dang bsdu ba'i rnal 'byor gyis/ /sngags mchog yang dag bzlas pa bya/ /brtan pa'i sems kyis bsam par bya/ /paN+Di ta bdag snyan dngags mkhan/ /sgom stobs rgyun ni ma chad na/ /'grub 'gyur 'di la the tshom med/ /sgrol ma'i sgrub thabs byas pa yis/ /
96a4 bdag gi bsod nams gang bsags des/ /rgyal ba'i bstan par skye bo rnams/ /snyan dngags mkhan du 'gyur bar shog /'di ni blo gros rab bsgrub ma/ /rtag pa'i rdo rjes byas pa yin/ /mkhas pa chen po paN+Di tas/ /'di la shin tu bzod par 'os/ /rgya
nag las ni byung ba yi/