CLOSE WINDOW

D1723
བོད་ཡིག

/ @##/ /rgya gar skad du/ Ar+ya tA ra sA d+ha nAM/ bod skad du/ 'phags ma sgrol ma'i sgrub thabs/ 'phags ma sgrol ma la phyag 'tshal lo/ /thog mar phyag 'tshal ba la sogs pa'i yan lag rnams byas la/ byams pa dang / snying rje dang /dga' ba dang / btang snyoms te tshangs pa'i gnas bzhi bsgom par bya'o/ /de nas/ oM swa b+hA wa shud+d+haHsarba d+harmAHswa b+hA wa shud+d+hou0f85haM/ zhes brjod pas chos thams cad stong pa nyid du mos par byas te/ de'i ngang las paM las pad+ma dang / a las zla ba'i steng du yi ge t AM ljang gu yongs su gyur pa dang /ut+pa la tAM gis mtshan pa las 'phags ma sgrol ma sku mdog ljang gu zhal gcig /phyag gnyis ma/ g.yas pa mchog sbyin dang / g.yon pa ut+pa la'i sdong bu 'dzin pa/ zhabs skyil krung gis gnas pa rgyan sna tshogs kyis nye bar mdzes pa/me long dngas pa'i gzugs brnyan lta bur bsgom par bya'o/ /de'i thugs kar zla ba'i steng du mtshon gang gi sku tshad dang ldan pa'i sgrol ma/ de'i thugs kar ut+pa la'i steng na sa bon gyi yi ges mtshan pa bsam par bya'o/ /de'i 'od kyis 'og min nas ye shes sems dpa' bkug la mchod pa bya zhing /dzaHhUM baM hoHsa dgug pa dang / gzhug pa dang / bcing ba dang / mnyes par bya'o/ /de nas spyi bo dang / mgrin pa dang / snying ga rnams su oM AHhUM zhes pa'i yi ge gsum po dkar po dang dmar po dang mthing nag gi kha dog can gyis sku gsung thugs byin gyis brlab par bya'o//de nas yi ge tAM gi 'od zer gyis de bzhin gshegs pa lnga la sogs pa'i sangs rgyas dang byang chub sems dpa' thams cad spyan drangs pa la mchod pa dbul ba dang / dbang bskur ba bya ste/ oM AHsarba ta thA ga ta a b+hi She ka sa ma ya shri ye hUM/zhes brjod pas de dag gis ye shes kyi bdud rtsi'i chu rgyun phab pa dang / bdag nyid kyi sku gsung thugs yongs su tshim par 'gyur te/ bdud rtsi de'i rgyun phyi ma las grub pa'i de bzhin gshegs pa don yod grub pa spyi bo'i steng du bsam par bya'o//yang tAM de las 'od zer phyogs bcur 'phros te/ sems can thams cad la phog pas sgrol ma'i skur gyur nas slar de nyid la 'dus par bsam mo/ /de ltar yang dang yang spro bsdu byas te/ de la skyo bar gyur na oM tA re tut+tA re tu re swA hA/