| བོད་ཡིག |
63b3 rje btsun ma 'phags ma sgrol ma'i lha bcu'i sgrub pa'i thabs/ slob dpon chen po lhan cig skyes pa'i rol pas mdzad pa rdzogs so// //'brog mi lo tsA bas bsgyur ba'o// @##/ /rgya gar skad du/ Ar+yA pi thI shwa ri sA d+ha naM nA ma/ bod skad du/
63b4 'phags ma gnas kyi dbang phyug ma'i sgrub pa'i thabs zhes bya ba/ 'phags ma gnas kyi dbang phyug ma la phyag 'tshal lo/ /de nas gsang ba bdag gis bshad/ /gsang ba'i de nyid man ngag ste/ /cho ga snga dro langs nas ni/ /snying rjes brlan pa'i sems kyis su/ /yid ni
63b5 g.yo ba med bya ste//sems can thams cad gnod bya'o/ /bdud rtsi lnga ni blangs nas su/ /thod par rtog med sems kyis bzhag /rlung dang me yi steng du ni/ /dag dang khol dang tshos par bya/ /nor 'dzin maN+Dal byas nas ni/ /byang chub yan lag rab tu sbyin/ /'jam pa'i
63b6 stan la 'dug nas ni//rab brtan rdo rje skyil krung bcas/ /ting 'dzin phyag rgya yang dag bya/ /khams gsum stong pa nyid du blta/ /'di ni thams cad rmi lam 'dra/ /nye bar rnyed pa gang yang med/ /dri za'i grong khyer rnam pa 'dra/ /'gro ba sgyu mar bltas pa'o/ /thugs ka'i
63b7 nam mkha'i dbus gnas par//ye shes zla ba dri med bya/ /dbus su taM yig bsam mi khyab/ /'od zer lnga ldan 'bar ba yis/ /phyogs bcur gnas pa'i sangs rgyas rnams/ /sgrol ma'i gzugs rnams rnam bsgom bya/ /de rnams spyan drangs byin gyis brlab/ /ye shes
64a1 sku ni rjes su dran//de ni sems can thams cad la/ /ye shes 'od zer rnam dag bya/ /sangs rgyas de nyid rab gnas bya/ /byang chub snying po mchis kyi bar/ /myur du sangs rgyas sgrol ma can/ /nam mkha' yi ni mdun du blta/ /ye shes mchod pa sna tshogs
64a2 pa//ye shes las ni skyes pas bya/ /dkon mchog gsum la skyabs su 'gro/ /sems can thams cad don byas te/ /cho ga gsum gyi sbas pa'i sdig /bla ma'i mdun du rab tu bshags/ /sdig pa thams cad grol bdag nyid/ /myur du sangs rgyas thob pa'o/ /bdag
64a3 nyid sgrol ma'i rnam par bya//'gro kun de bzhin sgrol ma ru/ /bltas nas sangs rgyas rnams kyis ni/ /byin brlabs sa bon de rab bzhugs/ /chos rnams rnam rtog bral ba dang / /rang bzhin med cing bdag med rnams/ /dbyer med rnal 'byor pas gzigs bya/ /sngags
64a4 'di dag ni brjod par bya//oM swa b+hA wa shud+d+haHsarba d+harmAHswa b+hA wa shud+d+hou0f85haM/ oM swa b+hA wa shU n+ya tA sarba d+harmA swa b+hA wa shud+d+hou0f85haM/ oM shU n+ya tA dz+nyA na badzra swa b+hA wa At+ma kou0f85haM/ nam mkha'i khams zla dbus gnas par/ /stong pa nyid kyi ye shes mchog /de yi lte ba'i dbus na ni/ /
64a5 zla bar haM yig ye shes so/ /rdo rje'i rlung dang me dang chu/ /de nas sa yi dkyil 'khor ro/ /ri rab dang ni b+h+rUM las byung / /gzhal yas khang ni rnam par blta/ /de yi dbus su pad+mar gnas/ /lte ba ge sar 'bar ba'o/ /'dab ma brgyad ldan dga' ba'o/ /rnam pa sna tshogs yid
64a6 'phrog pa'i//de phyir 'bar ba'i 'khor lo ste/ /rtsibs ni bcu gnyis shin tu mdzes/ /thig ni lnga dang yang dag ldan/ /de yi sgo ni bzhi pa la/ /lha yi rta babs rnam bzhi'o/ /me long la sogs rnams kyis brgyan/ /sangs rgyas kun gyis byin brlabs pa'o/ /gnas skyes
64a7 rnal 'byor rnal 'byor ma'o//phyogs skyong mgon po rnams spyan drangs/ /byang sems de bzhin gshegs pa rnams/ /ye shes rlung gis dgug par bya/ /rnal 'byor ma kun dga' byed rnams/ /kun mkhyen til gyi gang bu rnams/ /zla bar rab tu zhugs par bsgoms/ /
64b1 de gyur pa las bdag nyid ni/ /lha mo sgrol mar bsgom par bya/ /sku mdog dmar la zhal bzhi pa/ /phyag ni brgyad kyis rnam par brgyan/ /nyi ma 'char ka brgya yi ngang / /dang po'i zhal ni dran par bya/ /dri med nam mkha'i rang bzhin sngo/ /g.yas kyi zhal ni dran par bya/ /
64b2 sha ka sa la sha bzhin ljang / /g.yas kyi zhal ni yid dga' bas/ /de ltar dkon mchog gsum drag po/ /rnam par 'gyur ba'i zhal 'jigs byed/ /cung zad mche ba gtsigs pa po/ /mi sdug de nas bsgom par bya/ /ser po zhi ba steng gi zhal/ /rgyan kun gyis ni brgyan
64b3 pa'o//thod pa'i phreng bas dbu brgyan pa'o/ /ye shes lnga ni nye bar mdzes/ /de ltar de ni gzi brjid che/ /zhal bzhi par ni bsam gtan bya/ /thod pa rdo rje ral gri dang / /Da ma ru g.yas phyag na bsnams/ /yid bzhin nor bu kha T+wAM ga /dril bu de bzhin ut+pal dmar/ /
64b4 de yi g.yon par bsgom par bya/ /de yi brla la yod pa ni/ /stag gi sham thabs gyon pa'o/ /skyil krung phyed pa'i gar byed pa/ /sna tshogs pad+ma zla dbus gnas/ /snying rje'i khro ba 'jigs byed ma/ /spyan gsum dmar po bgrad pa'o/ /drag po g.yon phyogs lta bar byed/ /
64b5 rlung gi dkyil 'khor la rtag gnas/ /gnas rnams kyang ni dgug pa'i mchod/ /rnal 'byor ma tshogs dbus gnas par/ /bde ba thams cad rab sbyin pa'o/ /pU dza o a go ra de ma/ /ka o tri ko ka la hi/ /pre gri sau su na si ma ku/ /de ltar yi ge nyi shu bzhi/ /rnal 'byor ma
64b6 rnams dkyil 'khor ro//lus la cho ga'i cho ga yis/ /rnal 'byor dbang phyug rab tu 'grub/ /mtshog kha spyi bo rna ba g.yas/ /ltag pa g.yon gyi rna ba dag /smin mtshams dang ni spyan dang ni/ /dpung pa'i rtsa gnyis de bzhin no/ /mchan khung gnyis dang nu ma gnyis/ /lte ba'i
64b7 sna yi rtse mo dang //kha dang mgul la go cha bya/ /snying ga dang ni mdoms dang ni/ /gsang gnas bshang lam de bzhin brla/ /pus mo go rims ji bzhin no/ /dang po su ra te shwa ri ti/ /gnyis par su ra ta son+ta ri/ /gsum pa su ra ta tsan+d+ra dang / /bzhi pa su ra ta ma li ni/ /lnga pa
65a1 su ra ta b+ha k+Shi'o//drug pa su ra ta ka mi ni/ /bdun pa su ra ta u gra dang / /brgyad pa su rata ut+ta ma/ /gnas dang nye ba'i gnas song bsgom/ /rnal 'byor dbang phyug rab tu gyur/ /dkar dang ljang dang sngo ba dang / /bzhi pa sku mdog ser po dang / /ser dang
65a2 dkar dang dmar ba dang //sku mdog sngon po brgyad pa'o/ /thod pa dang ni kha T+wAM 'dzin/ /dril bu Da ma rus brgyan pa'o/ /thod pa'i phreng bas dbu brgyan pa'o/ /rgyan ni thams cad kyis brgyan pa/ /rin chen ye shes steng dbus brgyan/ /de rnams pad+ma'i 'dab mar gnas/ /
65a3 shi khi b+hi ma shi khaN+DI/ /ke rA lI de bzhin dza ti li/ /u Ti dzi Ta de bzhin tsaN+Di/ /mauN+Di bi ka Do ut+ka ti/ /ki ri Di nar te ki dang ngo / /zhing dang nye zhing tshan do ha/ /de bzhin nye ba'i tshan do ha/ /'du ba nye ba'i 'du ba'o/ /gnas ni de rnams gnas pa yi/ /lha mo bcu gnyis
65a4 bsgom par bya//phyed dmar phyed ni ljang ba rnams/ /thod pa'i phreng bas brgyan pa'o/ /sna tshogs rgyan gyis brgyan pa rnams/ /skra grol ba dang khro gnyer can/ /rtag pa'i mchog ni dbu rgyan rnams/ /thod pa kha T+wAM ga 'dzin pa'o/ /phyag gzhan 'khor lo rdo rje'o/ /kaM pu tsi dang
65a5 puk+ka sA+e//Dom+bi de bzhin ma taM gi /bzhi ni sna tshogs mdog rnams so/ /sgo srung khro gnyer chen mo'o/ /mche ba gtsigs pa'i zhal mnga' ba/ /g.yon bskum g.yas brkyang nges par gnas/ /nyi ma'i dkyil 'khor la gnas pa/ /mi bskyod pa yi dam tshig ste/ /dbu
65a6 rgyan steng du rgyan rnams so//thod pa kha T+wAM gi 'dzin pa/ /phyag mtshan gri gug mgo bo bsnams/ /rgyan rnams kun gyis lus brgyan pa/ /bdud bzhi'i steng du yang dag gnas/ /thod pa'i phreng bas brgyan pa rnams/ /dur khrod nye ba'i dur khrod rnams/ /dad sogs dbang po
65a7 rnam par dag /snying rje ldan pa bsgom par bya/ /thams cad gcer bu 'dzin pa rnams/ /snying rje'i dga' ma mdzes pa rnams/ /lte ba'i dbus su yang dag gnas/ /lha mo sgrol ma rnam par bsgom/ /pur ti shwa ra'i sde rnams ni/ /rim dang rim min bskor ba'o/ /'khor lo
65b1 rtsibs chen bcu gnyis la//shi khi la sogs nor bur bar/ /rim dang rim pa min pa'o/ /'gro ba'i bdag mo rnam par dgod/ /rkang pa bkug dang brkyang ba dang / /yang ni brkyang dang dgug pa'i bar/ /kaM pu tsi sogs sgo rnams su/ /g.yon du bskor bar rnam par dgod/ /
65b2 de ltar rdzogs pa'i sgrub pa ni/ /dkyil 'khor gnas dang yang dag 'brel/ /de nas cho ga rab tu phye/ /rigs lnga po ni bsgom par bya/ /spyi bor bruM yig dkar po ste/ /mgrin pa'i hrIH ni nyi ma'i mdog /bruM yig nag po thugs ka ru/ /a ni lte bar gser gyi mdog /gsang
65b3 ba'i gnas su khaM ljang gu//bsgoms shig rnam pa'i cho ga'o/ /'khor pad rdo rje rin chen mchog /sna tshogs rdo rje 'di rnams gnas/ /rnal 'byor ma ni thams cad la/ /cho ga des ni cho ga bya/ /thugs ka'i sa bon 'od lcags kyus/ /sangs rgyas ye shes 'khor lor
65b4 dgug /ba spu'i sgo rnams pad+ma gnas/ /mchod pa'i lha mo rang las sprul/ /dad pa mchog gis yang dag mchod/ /yang ni rang la gzhug par bya/ /de nas dbang bskur gsol ba gdab/ /bde gshegs rnams ni dngos grub ster/ /ji ltar bltams pa tsam gyis ni/ /
65b5 de bzhin gshegs kun khrus gsol ltar/ /lha yi chu ni dag pa yis/ /de bzhin bdag gis khrus bya'o/ /oM sarba tiSh+ThA a b+hi She ka sa ma ya hri ye hUM/ oM sarba tiSh+ThA a b+hi She ka ta sho d+hi sho d+ha At+ma ki sa ra sa ra pra sa ra pra sa ra/ sarba bud+d+ha a d+hiSh+ThI te swA hA/ ma lus sems can
65b6 thams cad rnams//sgrol ma'i gzugs su nges lta bar/ /sgom sbyor gyis ni sgom gyis shig /bsgom pa sgom min skad cig tsam/ /gnas kyi man ngag rim gyis dang / /bla ma'i rnal 'byor ma rim gyis/ /man ngag dam tshig rnyed pa ste/ /bla ma'i zhabs kyi mchog sbyin gyis/ /
65b7 ye shes rtog pa bsgom bdag nyid/ /ye shes rtog pa sgom gyis shig /rtog pa bral ba med pa ni/ /ye shes ma yin rtog pa min/ /chos kyi bdag nyid mnyam pa nyid/ /rang gzhan med cing yi ge med/ /sku mdog 'das dang rnam pa med/ /ring po ma yin zlum po min/ /
66a1 de nyid 'byung po thams cad rnams/ /rnal 'byor ye shes yid med pa/ /de ni de nyid bzlas pa yis/ /rnal 'byor dbang phyug thob pa'o/ /oM tA re tut+tA re tu re hUM phaT/ de ltar dam tshig sngags yin te/ /bcom ldan 'das mas rab tu bshad/ /dang po oM dang
66a2 de nas ming //hUM phaT yi ge yang dag ldan/ /zlos shig lha mo rnams kyi sngags/ /thams cad la ni mchod pa'o/ /dzaHhUM baM hoHsa rim pa bzhin/ /sgo rnams la'ang dran par bya/ /oM hUM phaT/ sngar bshad pa yi ming ldan pa/ /cho ga 'di yis yang dag bzla/ /oM trAM
66a3 hrI khaM hUM laM maM saM traM dza/phung po khams rnams dag pa'o/ /oM AHhUM lus ngag yid gsum dag pa yi/ /sngar bshad cho gas bsngags pa yis/ cho ga 'bum phrag gcig bzlas bya/ /sdig pa thams cad rnam dag don/ /sdug bsngal thams cad zad don du/ /rnal 'byor
66a4 pa rnams rtag tu ni//bdud rtsi lnga ni lha bshos te/ /dus kun rnal 'byor rnams kyi ni/ /dud 'gro bsad nas mchod par bya/ /sngags pas tsA ru'i bsgrub pa bya/ /rnal 'byor ma ldan bza' bar bya/ /bza' dang bza' min bza' bar bya/ /btung dang btung min rtag tu btung / /
66a5 bya dang bya min bya ba'o/ /rnal 'byor ma tshogs dkyil 'khor du/ /sdig pa yis ni mi reg go/ /mnyam nyid bstan pa'i chos nyid do/ /rnal 'byor bla med nor bu'o/ /gsang ba bla med bla med do/ /rab snang min pa bshad min bya/ /skye ba 'di la grub pa thob/ /srog gcod la
66a6 sogs spangs pa ste//brdzun dang phra ma mi bya'o/ /blo ni sems can don du bya/ /de ni rnal 'byor thob pa'o/ /dge ba bcu ni nges par bya/ /de bzhin tshangs pa'i gnas bzhi dang / /sbyin pa la sogs gtong la dga'/ /mnyes shing mchog ni sgrub pa'o/ /gzhan yang rnal
66a7 'byor bla med bsgom//ji ltar blo yi rim pa ltar/ /rnal 'byor sogs bdag rnal 'byor ma/ /rigs rim ji ltar bstan bcos so/ /ri dgas thogs pa sna tshogs pad nyi la/ /sgrol ma bdag nyid bsgom bya ba/ /sna tshogs mdog dang zhal bzhi pa/ /g.yon bskum g.yas
66b1 brkyang gnas pa ste//dbus kyi zhal ni ljang gu la/ /g.yas ni ser bar blta bar bya/ /g.yon gyi zhal ni sngo ba la/ /steng gi zhal ni dkar ba'o/ /bsam gyis mi khyab mche ba gtsigs/ /thod pas dbu la brgyan pa mo/ /dbu la don yod grub pas brgyan/ /mi yi rus pa'i rgyan
66b2 gyis brgyan//skra grol mig ni yangs pa mo/ /spyan gsum dmar mo mdzes ma ste/ /ral gri rdo rje gsor ba ste/ /'khor lo lcags kyu 'dzin pa mo/ /dril bu thugs kar sdigs mdzub mdzad/ /gri gug mgo bo'i lag pa gzhan/ /ut+pal thod pa kha T+wAM ga /tshangs pa'i pags pa
66b3 steng du gnas//khyab 'jug dbang phyug che zhabs dag /mnan pas gdan la 'jigs rung 'gyur/ /sngar smos rnal 'byor ma tshogs rnams/ /reg gi dkyil 'khor dbus gnas pa/ /de rnams thams cad sna tshogs mdog /gcer bu 'jigs pa'i rjes su song / /gsang ba
66b4 zab mo bla med sngags//dbu rgyan dpal rim las byung ba/ /rnal 'byor ma gnas thams cad la/ /rim pa yang dag spyod pa mchog /gnas kun bla med mnyam sbyor te/ /rnal 'byor ma thugs bla na med/ /lha mo'i las ni thams cad byed/ /dag pa sdig pa sel bar byed/ /
66b5 mnyam gzhag med pa'i sgrub pa yis/ /rnal 'byor bsgom pa sgom pa ste/ /sngags pas rtag tu bsam gtan gang / /nyon mongs ma lus zad par 'gyur/ /g.yo dang mi g.yo sa gzhir ro/ /de yi rnal 'byor che rnams spyod/ /gnas kyi cho ga grub bdag nyid/ /ji ltar bde bas
66b6 spyad par bya//hUM thugs kar ro/ /oM mtshog khar ro/ /hrIHspyi bor ro/ /hUM spyan la'o/ /hUM go cha'o/ /phaT phyag mtshan la'o/ /go cha'i go cha 'dir shes bya/ /rim pa'i rjes su rim pa ni/ /bdag nyid yi dam lha grub bdag /'gro ba ma lus de ltar blta/ /srid pa'i
66b7 dba' rlabs sgrol sgrol ma//bsgom pa bzlas pa rtag tu bya/ /dur khrod dam ni shing gcig gam/ /ri yi rtse mo sa phug khyim/ /khyim mam smad 'tshong gnas su 'am/ /gzhan yang / rgyal po'i khab tu'am rtags gcig drung / /phyi yi nags tshal shi ba'i gnas/ /rgya
67a1 mtsho dang ni chu mig rnams//ma mo'i gnas su nges par gnas/ /gang yang lon med grub pa'o/ /thogs med rtag tu sbyang bar bya/ /rnal 'byor de yis sgom pa rnams/ /gnas kyi sde yi rnal 'byor ma/ /rigs kyi rdo rje skyes pa'ang rung / /ye shes
67a2 rdo rje'i sgom pa'ang //rim pa sde yi rnal 'byor gyis/ /bla yi sde yi rjes rim pa'o/ /byang chub sems ni rab brtan bya/ /thams cad shin tu rab brtan blo/ /bden min rnam par rtog pa bral/ /yul chos rnam par spang bar bya/ /lus dang ngag yid sde yis ni/ /myur du de
67a3 gsung dngos grub thob//zla ba'i dkyil 'khor dbus gnas pa/ /oM yig dag ni rnam par bsgom/ /spyi bo'i steng du song bar lta/ /bdud rtsi lnga yi char phab bo/ /ji ltar rnal 'byor rab tu bya/ /u pa ha ra dbul bar bya/ /der ni rnal 'byor rnal 'byor gyis/ /skad cig tsam
67a4 gyis gzi brjid 'grub//rnal 'byor thams cad sel bar byed/ /ji ltar rdo rje sems dpa'i gtam/ /sgrol ma'i gzugs ni gzugs chen mo/ /bsgoms shig de nyid yang dag don/ /baM yig khar song bsgom par bya/ /oM ni lce yi rtse mor blta/ /thams cad bza' ba'i
67a5 gnas yin cing //yid bzhin nor bu mchog bzhin no/ /zhi ba thams cad sdug bsngal sel/ /ye shes sems dpa' rab bsgom bya/ /rnal 'byor gang zhig 'di bsgom de/ /byang chub sems dpa' grags pa che/ /gnas gsum grub pa thob par 'gyur/ /sgrol ma'i
67a6 lha mo rnal 'byor ldan//rdo rje gsang rgyud bla med du/ /rdo rje ldan mas bris pa'o/ /sems can ye shes 'phel ba'o/ /'phags ma gnas kyi dbang phyug ma'i sgrub thabs zhes bya ba/ rdo rje gsang ba'i rgyud las mkha' 'gro ma rdo rje ldan mas phyung ba rdzogs so// //
67a7 thugs rje chen pos dbang lan gsum bskur ba'i grub thob wa ni ta b+ha dra'i slob ma saM g+ha shrI b+ha dra dang / bod kyi lo tsA ba 'jam dpal sgeg pa'i rdo rjes bsgyur ba'o/ /rdo rje ldan ma/ paN+Di ta ba ra he ta/ wa ni ta b+ha dra/ saM g+ha shrI b+ha dra/ 'jam dpal sgeg pa'i rdo rje/ mkhas pas
phug pa/