CLOSE WINDOW

D1705
བོད་ཡིག

rgya gar gyi mkhan po ma hA dza na dang / lo tsA ba gzhon nu 'od kyis bsgyur ba'o// @##/ /rgya gar skad du/ Ar+yA tA re maN+Da la bi d+hi nA ma sA d+ha nAM/ bod skad du/ 'phags ma sgrol ma'i dkyil 'khor gyi sgrub thabs cho ga zhes bya ba/ dpal dgyes pa'i rdo rje la phyag 'tshal lo//bla ma dam pa'i zhabs kyi ni/ /pad+ma la gus phyag byas te/ /'phags ma sgrol ma'i sgrub pa'i thabs/ /man ngag rgyud la brten pa bri/ /bla ma la gus dad pa che/ /byang chub sems dpa' snying rje che/ /rtog pa legs par 'joms pa des/ /rje btsun mnyes byas man ngag mnos//dang por dben zhing nyams dga' bar/ /nyer spyod yo byad rdzogs par bya/ /de nas byang chub sems bskyed la/ /phyag dang mchod dang gsol ba gdab/ /rjes su yi rang bsngo ba sogs/ /byas te tshangs pa'i gnas bzhi bsgom/ /de nas gzung 'dzin brtan g.yo kun//stong par byas te sngags bzlas bya/ /oM swa b+hA ba shud+d+haHsarba d+harmAHswa b+hA wa shud+d+hou0f85haM/ zhes pas stong par bya'o/ /de yi ngang las hUM bsams te/ /ra ba gur dang phyogs mtshams bcing / /khro bo bcu yi srung 'khor bsgom/ /de steng e las c hos 'byung bsam//laM baM raM yaM rnams las ni/ /sa chu me rlung dkyil 'khor bsam/ /de steng bruM las 'khor lo 'o/ /der ni nA da babs pa las/ /bsgyur te gzhal yas khang bsam bya/ /gru bzhi pa la sgo bzhi pa/ /ka ba brgyad mdzes rgyan ldan bsam/ /oM sarba ta thA ga ta a ta la badzra swa b+hA wa At+ma kou0f85haM/zhes brjod par bya'o/ /de nang paM las pad+ma ni/ /'dab ma brgyad pa 'phar ma gnyis/ /dbus su A li kA li las/ /nyi zla ga 'ur bsam par bya/ /dbus su yi ge tAM ser bsam/ /de ltar kA li ar gyur pas/ /mnyam sbyar de gnyis gyur par bsam//oM sarba ta thA ga ta a nu rak+to badzra swa b+hA wa At+ma kou0f85haM/ zhes brjod par bya'o/ /de ltar dbus kyi tA las ni/ /shar gyi nyi ma'i bar du ni/ /yi ge oM gyi rnam par spros/ /lhor ni tA dang nub tu re/ /byang du rgyu yi yi ge spro/ /de nas sgo yi phyogs d ag tu//tA re tu dang re bzhi spro/ /steng du tA dang re gnyis spro/ /'od zer 'phros pas sems can sbyangs/ /lhar byas sa bon thim pa las/ /rang rang sa bon gyis mtshan pa'i/ /rdo rje me tog phreng ba yis/ /mar me kong bu dung chos dang / /lcags kyu zhags pa lcags sgrog dang //dril bu rnams su gyur par bsam/ /de las 'od 'phros sbyang bsdus la/ /lha mo rnams su bsam par bya'o/ /de las dbus su lha mo sgrol ma ni/ /phyag brgyad zhal bzhi kha dog ser/ /rgyan ldan mdangs sdug lang tshor ldan/ /mtshan dang dpe byad bzang pos brgyan//g.yo zhing pad+ma'i gdan la bzhugs/ /rdo rje de bzhin zhags pa dang / /mdung dang mda' ni g.yas na bsnams/ /rdo rje lcags kyu ut+pa la/ /gzhu dang sdigs mdzub g.yon pa na/ /skyil krung phyed pa'i gar gyis bzhugs/ /sa gsum dbang du sdud pa bsam/ / de yi shar du me tog gi/ /sgrol ma dkar mo zhal gcig ma/ /phyag gnyis me tog phreng ba 'dzin/ /rgyan rnams kun gyis spras par bsam/ /lhor ni spos kyi sgrol ma ste/ /kha dog nag mo spos 'dzin ma/ /nub tu mar me'i sgrol ma ste/ /ser zhing mar me'i snod 'dzin ma/ /byang du dri yi sgrol ma ste//ljang gu dri yi dung chos bsnams/ /dkyil 'khor dbus su bsgom par bya'o/ /de nas shar sgor sgo skyong dkar/ /lcags kyu 'dzin pa bsam par bya/ /lhor ser zhags pa bsam par bya/ /nub dmar lcags kyi sgrog 'dzin ma/ /byang du ljang gu dril bu'o/ /de rnams zhal gcig phyag gnyis ma//rin chen rgyan gyis legs spras shing / /g.yo bcas gser gyi rna chas brgyan/ /spyan gnyis lang tsho phun sum tshogs/ /steng du rnam par sgrol ma ste/ /'og tu gnod mdzes sgrol ma'o/ /'khor lo sbrul zhags bsnams pa bri/ /de ltar thams cad mtshan nyid mtshungs//de nas skye mched dag la ni/ /mig gnyis rna ba gnyis dang sna/ /lce dang lus dang yid rnams su/ /maM daM i dang raM saM naM/ /gti mug zhe sdang ser sna la/ /'dod chags phrag dog bdag med la/ /gnag dang dmar dang ser mo sngo/ /ljang khu dkar mo rnams bsams te//zhal gcig phyag gnyis ldan pa'o/ /sku la oM las mkha' spyod ma/ /sa spyod bdag med ma gsum las/ /rdo rje gsum po bsam par bya/ /de nas 'od zer rab 'phros pas/ /rang bzhin gyi ni zhing khams nas/ /ye shes sems dpa' spyan drangs te//dzaHhUM baM hoHsa lha mo rnams/ /'gugs pas dgug gzhug bcings mnyes bya/ /de nas sems dpa' gsal bar lta/ /slar yang 'od zer 'phros pa las/ /sangs rgyas rigs lnga spyan drangs la/ /mchod bstod gsol ba gdab par bya/ /de nas dbang bskur rgyas btab ste//rtse mo rigs lnga rnam par mtshan/ /gzhan rnams rang gi rigs kyis gdab/ /oM sarba ta thA ga ta a b+hi She ka badzra swa b+hA wa At+ma kou0f85haM/ zhes brjod par bya'o/ /de nas sa bon las spros pa'i/ /lha mo rnams kyis mchod par bya/ /oM sarba ta thA ga ta pU dza ma g+ha b adzra swa b+hA wa At+ma kou0f85haM/zhes brjod par bya'o/ /de nas rigs kyi sa bon las/ /bdud rtsi lce la blangs byas te/ /oM sarba ta thA ga ta a mr-i ta badzra swa b+hA wa At+ma kou0f85haM/ zhes brjod par bya'o/ /de nas bstod pas legs bstod de/ /oM sarba ta thA ga ta stu ti badzra swa b+hA ba At+ma k ou0f85haM/zhes brjod par bya'o/ /gsal la yang dang yang du blta'o/ /de nas sngags bzlas pa ni/ na maHAr+yA wa lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ oM tA re tut+tA re tu re/ sarba duSh+TAn/ pra duSh+TAn/ ma ma kr-i te/ dzaM b+ha ya/staM b+ha ya/ mo ha ya/ ban+d+ha ya/ hUM hUM hUM/ phaT phaT phaT/ sarba duSh+TAn staM b+ha ni tA re swA hA/ oM tA re tut+tA re tu re swA hA/ phar phyin bcu yi lha mo la/ /yi ge bcu pas 'grub par 'gyur/ /bsnyen pa bye bas 'grub 'gyur zhing / /las la rang sngags khri bzlas so//de nas skyo na rnam dag bsgom/ /gtor ma byas te lha gshegs la/ /ci bde ba yi spyod pas gnas/ /de ltar yang dang yang goms pas/ /gcan gzan bsrung dang dbang du bya/ /bskrad dang bud med dgug pa dang / /bcings ba grol dang tshar bcad dang / /bsreg dang mnan pa bsrung ba sogs//rgyud thos man ngag ldan pas bsgrub/ /bla ma mnyes pa mchog yin pas/ /de yis rje btsun yun ring bsten/ /sgrub thabs bkod pa'i tshogs de yis/ /de nyid mthong bas phyag byas te/ /bla ma dam pa lhan cig skyes/ /mnyes par byas te de mthong shog /