CLOSE WINDOW

D1704
བོད་ཡིག

/yar ngo'i tshes brgyad mchod bstod bzlas/ /de dag the tshom med par 'grub/ /'phags ma lha mo sgrol ma la bstod pa/ don thams cad grub pa zhes bya ba bstod pa'i rgyal po rdzogs so// @##/ /rgya gar skad du/ Ar+ya mA yA dzA la kra men b+haT+TA ra ka tA re sA d+ha na/bod skad du/ 'phags pa sgyu 'phrul dra ba'i rim pas rje btsun sgrol ma'i sgrub thabs/ rje btsun sgrol ma la phyag 'tshal lo/ /re zhig dang por rnal 'byor pas yid dang rjes su mthun pa'i gnas su stan bde ba la 'dug la/ sems can thams cad la dmigs nas/byams pa dang / snying rje dang / dga' ba dang / btang snyoms kyi mtshan nyid kyi tshangs pa'i gnas bzhi bsgom par bya'o/ /de'i rjes la rang gi snying gar sna tshogs pad+ma'i steng du zla ba'i dkyil 'khor la yi ge tAM marka ta'i mdog can 'od zer lnga 'phro ba/'od zer gyi rtse mo las byung ba'i de bzhin gshegs pas nam mkha' gang bar bsgoms la/ de nas de bzhin gshegs pa rnams/ dzaHhUM baM hoHzhes bya ba'i sngags 'dis go rims bzhin du/ dgug pa dang / gzhug pa dang / bcing ba dang / gnas pa'i ngo bor gzhug par bya'o/ /bcug pa'i rjes la yi ge tAM las byung ba tAM gis byin gyis brlabs pa'i rdo rje rtse lnga pa dang in+d+ra nI la'i 'od lta bu bsgoms la/ rdo rje de las rnam par snang mdzad la sogs pa'i de bzhin gshegs pa nam mkha'i khams ma lus pa kun du khyab par spros pa bsgom mo//de bzhin gshegs pa rnams la yang / rdo rje de nyid las byung ba'i me tog dang / spos dang / mar me dang / dri dang / lha bshos dang / na bza' dang rgyan la sogs pa dag rgya che ba bsnams pa mtha' yas pas mchod nas/ de rnams kyi mdun du/ sdig pa bshags pa dang /bsod nams la rjes su yi rang ba dang / gsum la skyabs su 'gro ba dang / byang chub tu sems bskyed pa dang / theg pa chen po la yang dag par gnas par byas la/ sems can thams cad 'khor ba thog ma med pa nas lta ba sna tshogs pa'i dra bas bcings pa'i sems kyi rgyun la dmigs nas/stong pa nyid dang / mtshan ma med pa dang / smon pa med pa'i rang bzhin gyi byang chub kyi sems bsgoms la sngags 'di brjod par bya'o/ /oM shU n+ya tA dz+nyA na badzra swa b+hA wa At+ma kou0f85haM/ de nas rgyu ba dang mi rgyu ba dang 'di thams cad rang gi lus d ang lhan cig tu nam mkha'i rang bzhin du bsgom de nas sngags 'dis sngar bshad pa'i rdo rjer nga rgyal bya'o//oM badzra At+ma kou0f85haM/ de nas yi ge hUM las rdo rje'i bdag nyid kha dog ser po'i sa gzhir bsgom mo/ /de nas steng du sna tshogs pad+ma la zla ba'i dkyil 'khor/ de'i steng du yi ge t As byin gyis brlabs pa'i rdo rje/de las byung ba'i bcom ldan 'das ma sgrol ma'i ngo bor bdag nyid bsgom par bya'o/ /zhal gsum pa phyag drug pa nor bu marka ta'i mdog 'dra ba/ de bzhin gshegs pa lnga'i cod pan can/ rtsa ba'i zhal don yod grub pa'i dbu rgyan dang ldan pa'i sems dpa'i skyil mo krung gis bzhugs pa'o//de la dbus ma'i zhal ni nor bu marka ta'i mdog can/ g.yas pa nag po/ g.yon pa dkar po'o/ /g.yas pa'i phyag dang po mi 'jigs pa sbyin pa/ gnyis pa na rdo rje nag po/ gsum pa na mda'o/ /g.yon pa'i dang po sdigs mdzub mdzad pa/gnyis pa la ut+pa la sngon po/ gsum pa la gzhu bsnams pa'o/ /ba spu'i khung bu re re nas kyang de bzhin gshegs pa'i rigs kyis nam mkha' gang ba sangs rgyas dang byang chub sems dpas 'gro ba rnams kyi 'jigs pa thams cad sel ba'i bcom ldan 'das ma bsgoms la/de nas byin gyis brlab par bya'o/ /de la spyi bo'i dbus su oM gyi ngo bo dkar po sku rdo rje'o/ /mgrin par AH'i ngo bo dmar po gsung rdo rje'o/ /snying gar hUM gi ngo bo nag po thugs rdo rje'o/ /brang la nor bu marka ta'i mdog can gyi yi ge tAM ye shes sems dpa' de bzhin gshegs pa'i rigs dpag tu med pa 'phro bar bsgoms la/de nas sngags 'dis bzlas pa bya'o/ /oM tA re tut+tA re tu re swA hA/ bzlas pa byas nas dkyil 'khor gyi 'khor lo spros la ji ltar nus pa ci yod kyis mchod par bya'o//de la dkyil 'khor gyi dbus su bcom ldan 'das ma rje btsun sgrol ma sngar bshad pa'i rim pas so/ /de la shar gyi 'dab ma la/ oM satwa badzri hUM/ lho'i 'dab ma la/ oM rat+na badzri hUM/ nub kyi 'dab ma la/ oM d+harmA badzri hUM/ byang gi 'dab ma la/ oM karma badzri hUM/me'i phyogs su/ oM mA le badzri hUM/ bden bral gyi phyogs su/ oM d+hU pa badzri hUM/ rlung gi phyogs su/ oM gan+d+ha badzri hUM/ dbang ldan gyi phyogs su/ oM rA sa badzri hUM/ shar la sogs pa'i phyogs su/ oM badzra aM ku shi hUM/ oM badzra pA shi hUM/ oM badzri spo Ti hUM/oM badzra A be shi hUM/ bsgom pa dang bzlas pa byas la/ de nas gshegs su gsol bar bya'o/ /bsam gtan las langs nas kyang / de bzhin gshegs pa dang / mchod rten la sogs pa la nus pa ci yod kyis mchod par bya'o/ /oM badzra ar+g+haM hUM/ oM badzra puSh+pe hUM/oM badzra d+hU pe hUM/ oM badzra A lo ke hUM/ oM badzra gan+d+he hUM/ oM badzra a re hUM/ oM sarba ta thA ga tA a nut+ta ra pU dza me g+ha pra sa ra sa mu dra hUM/ 'phags pa sgyu 'phrul dra ba'i rim pas rje btsun ma sgrol ma'i sgrub pa'i thabs rdzogs so// //