CLOSE WINDOW

D1703
བོད་ཡིག

@##/ /rgya gar skad du/ Ar+yA tA ra de bI sto tra sarba ar+tha sA d+ha na nA ma sto tra rA dza/ bod skad du/ 'phags ma lha mo sgrol ma'i bstod pa don thams cad grub pa zhes bya ba bstod pa'i rgyal po/ mgon po thugs rje chen po dang ldan pa 'phags pa spyan ras gzigs dbang phyug la phyag 'tshal lo//zla ba skar ma'i tshogs ltar mkha' la mdzes/ /mgon po sems dpas bskor cing 'gro na'ang mdzes/ /zla ba dri med gdung ba sel ba bzhin/ /mi shes kun spangs 'gro ba'i sdug bsngal sel/ /byang chub phyogs chos sum cu rtsa bdun dang / / bsam gtan ting 'dzin rnam thar mang po can/ /sum cu rtsa gnyis mtshan gyis brgyan pa la/ /dpe byad bzang po brgyad cus rab tu brgyan/ /srung byed gsum dang ma 'dres dran gsum dang / /mi 'jigs bzhi brnyes yongs su dag bzhi mnga'/ /stobs bcu'i rtsal ldan skye la thugs rje che//bag chags kun bcom mi bsnyel rnam kun bcom/ /rigs lngas nyon mongs lnga bcom ye shes lnga/ /sku lnga mngon par byang chub rnam lnga brnyes/ /lam lnga sbyong mdzad sangs rgyas lnga yi sku/ /phung po lnga spangs zag zad mngon shes lnga/ /dus gsum rgyal ba kun gyi snying po khyod//yon tan kun gyi 'byung gnas rgyu yi mchog /chags sdang bral yang 'gro ba'i don gyi phyir/ /cha lugs rnam pa sna tshogs 'dzin pa khyod/ /sna tshogs phrin las sku mdog ljang gu can/ /dbu la 'od dpag med pas rab tu brgyan/ /'khor los sgyur ba'i rgyal po'i cha lugs can//'gro ba'i ded dpon sgrol ma khyod kyi sku/ /mdzes pa'i ral pa dbu rgyan cod pan dang / /dar dpyangs zla tshes sna tshogs rdo rjes mdzes/ /rna rgyan mgul rgyan dpung rgyan gdu bu dang / /ska rags zhabs gdub ba da'i smad dkris mdzes//rin chen nor bus spras pa'i do shal dang / /dpung rgyan se mo dos ni shin tu brgyan/ /bcos bu'i ras dang kha dog sna tshogs pa'i/ /dar dang lha yi dar zab na bza' mnabs/ /pad+ma'i rigs ni pad+ma las 'khrungs can/ /sna tshogs pad+ma mchog gi gdan la bzhugs//chags dang zhe sdang gti mug la sogs kyis/ /ma gos pad+ma dmar po bzhin du dag /dbang po gshin rje chu lha gnod sbyin dang / /'byung po me lha rlung lha srin po dang / /sa bdag steng gi lha tshogs ma lus rnams/ /phyogs skyong 'gro don sprul mdzad khyod kyi sku//tshangs pa khyab 'jug dbang phyug lha chen dang / /drag po zhi ba u ma la sogs las/ /rgyal gyur lha yi lha ste sgrol ma khyod/ /khams gsum kun gyi dbang phyug chen por grags/ /thod pa mi 'chang thugs rje'i thod pa can/ /ral pa rnam spangs shin tu dga' bas mdzes//g.yang gzhi dang bral mtshan dang dpe byad spras/ /thal bas ma bskus byams pas khyab pa'i bdag /dbyu gu gsum spangs bslab pa gsum dang ldan/ /dur khrod gnas der chos kyi dbyings su rol/ /rked phran cang te'u la sogs sgra spangs nas//gsung dbyangs yan lag drug cus chos kun sgrogs/ /tshangs skud mi bsnams mya ngan 'das pa'i sku/ /mtshan spyod spangs nas dus gsum mnyam par spyod/ /log sred las byung gdung ba'i dka' thub spangs/ /dam pa'i brtul zhugs ma lus rab tu ldan/ / mtshon cha dor nas shes rab mtshon cha bsnams/ /zhe sdang rnam spangs sgrub pa'i rtsa rgyun gcod/ /phyogs 'dzin mi mnga' grub mtha' kun gyi bdag /chags pa mi mnga' kun la mkha' ltar spyod/ /mtha' spangs nam mkha' lta bur khyod kyi thugs/ /shes bya'i dkyil 'khor thams cad khyod kyi sku//sgra dang brjod par snang ba thams cad gsung / /sgrol ma chos kun bsdus pa'i snying po can/ /zhi dang rgyas dang dbang dang mngon spyod dang / /dgug dang dgar dang sde rengs bskrad pa dang / /lkugs dang tshig 'phrog gzugs sgyur bsrung la sogs//dus gsum rgyal ba kun gyi phrin las can/ /sku yi dbang phyug gsung gi dbang phyug dang / /thugs kyi dbang phyug 'dod yon dbang phyug ldan/ /rdzu 'phrul kun 'gro yon tan brgyad dang ldan/ /chos sku mkha' ltar dbyer med rtogs gyur kyang / /gzugs sku 'ja' tshon lta bur 'gro la ston//ji srid dkyil 'khor kun gyi bdag po mchog /sgrol ma 'gro ba 'khor ba'i gzeb las grol/ /gang gis dran na ngan song 'jigs pa dang / /rgyal po rkun po me chus 'jigs pa dang / /seng ge stag sbrul srin po'i 'jigs las sgrol/ / 'byung ba 'khrugs dang gdon gyis bskyed pa yis/ /srog 'phrog nad kyi bye brag ma lus dang / /drang srong mkha' 'gro'i dmod gyur kun las sgrol/ /nor bu sngags dang sman sbyor 'dod pa bzhin/ /'gro la 'jig rten 'das pa'i dngos grub kun/ /mos pas dran pa rnams la stsol pa yin//rgyal srid 'dod pas g.yul ngor rgyal ba dang / /longs spyod grags pa 'dod pa de dag dang / /bkur ba'i dri ngas bral 'dod spyod pa yin/ /gang gis bstod pas bde gshegs kun la bstod/ /dus gsum sangs rgyas kun gyi bskyed mdzad ma/ / sangs rgyas sras bcas ma lus khyod kyi sku/ /rje btsun sgrol ma yon tan phung po can/ /tshangs pa khyab 'jug dbang phyug la sogs dang / /drag po zhi ba u ma dkar sham sogs/ /skul byed lu gu rgyud dang khro gnyer can/ /mA ma kI dang spyan dang gos dkar mo/ / 'gro ba gang gis 'dul ba de don du/ /ji ltar khyad 'phags brjid pa'i cha lugs can/ /thabs tshul rnam pa mtha' yas ston pa'i sku/ /'gro ba'i skyabs mchog rje btsun sgrol ma mchog /spyi bor 'od dpag med bzhugs phyag 'tshal lo/ /'jigs pa brgyad skyob sgrol ma'i sku la 'dud//grags pa mtha' yas sgrol ma'i sku la 'dud/ /'gro don sgrub pa sgrol ma'i sku la 'dud/ /sdug bsngal nges sel sgrol ma'i sku la 'dud/ /phyag stong spyan stong sgrol ma'i sku la 'dud/ /mkha' ltar mtha' yas sgrol ma'i sku la 'dud//mtshan dang dpes brgyan sgrol ma'i sku la 'dud/ /zla 'dra'i yan lag sgrol ma'i sku la 'dud/ /nyi ma ltar gsal sgrol ma'i sku la 'dud/ /dus gsum 'gyur med sgrol ma'i sku la 'dud/ /sa ltar rten gyur sgrol ma'i sku la 'dud/ /chu ltar bsil mdzad sgrol ma'i sku la 'dud//me ltar smin mdzad sgrol ma'i sku la 'dud/ /rlung ltar rgyas mdzad sgrol ma'i sku la 'dud/ /sman pa'i rgyal po sgrol ma'i sku la 'dud/ /sman ltar nad 'joms sgrol ma'i sku la 'dud/ /thugs rje'i chu rgyun sgrol ma'i sku la 'dud/ /'dul ba'i thabs mkhas sgrol ma'i sku la 'dud//sgeg kyang chags bral sgrol ma'i sku la 'dud/ /thar pa'i lam ston sgrol ma'i sku la 'dud/ /stong nyid nam mkha' lta bu'i chos kyi sgra/ /'gro ba ma lus pa la nges sgrogs pas/ /mu stegs ri dgas skrag mdzad seng ge che//rje btsun sgrol ma'i sku la phyag 'tshal lo/ /mi phyed rdo rje 'dzin pa'i zhags pa dang / /chos sgrogs dung dang shes rab mda' 'dzin dang / /'dren pa'i lcags kyu yid 'ong ut+pa la/ /snying rje gzhu dang lta ngan sdigs mdzub mdzad/ /thugs kyi rnam par dag pa brda tshul du//rdo rje la sogs rtag tu byin brlabs pa'i/ /phyag brgyad mtshan ma brgyad kyis rab brgyan pa'i/ /rje btsun sgrol ma'i sku la phyag 'tshal lo/ /rdo rje sgrol ma rin chen sgrol ma dang / /pad+ma'i sgrol ma las kyi sgrol ma dang / /bdug pa'i sgrol ma me tog sgrol ma dang //mar me'i sgrol ma dri yi sgrol ma dang / /lcags kyu'i sgrol ma zhags pa'i sgrol ma dang / /lcags sgrog sgrol ma dril bu'i sgrol ma dang / /bcu gnyis 'khor lo'i tshogs kyis rab bskor ba'i/ /rje btsun sgrol ma khyod la phyag 'tshal lo/ /mgon po 'od dpag med la phyag 'tshal lo//phyag na pad+ma khyod la phyag 'tshal lo/ /spyan ras gzigs dbang khyod la phyag 'tshal lo/ /'jig rten dbang phyug khyod la phyag 'tshal lo/ /don yod zhags pa khyod la phyag 'tshal lo/ /khro rgyal rta mgrin khyod la phyag 'tshal lo/ /'jigs pa brgyad skyob khyod la phyag 'tshal lo//phyag stong spyan stong khyod la phyag 'tshal lo/ /thugs rje bcu gcig zhal la phyag 'tshal lo/ /dbang phyug chen po khyod la phyag 'tshal lo/ /rdo rje chos chen khyod la phyag 'tshal lo/ /de nyid don mchog khyod la phyag 'tshal lo/ / 'jig rten dbang rab khyod la phyag 'tshal lo/ /rdo rje spyan rgyas khyod la phyag 'tshal lo/ /ral pa gcig ma khyod la phyag 'tshal lo/ /lha mo khro gnyer can la phyag 'tshal lo/ /thugs rje chen po khyod la phyag 'tshal lo/ /bud med sgyu 'phrul khyod la phyag 'tshal lo/ /ku ru ku l+le khyod la phyag 'tshal lo//lha mo gos dkar khyod la phyag 'tshal lo/ /oM tA re tut+tA re tu re swA hA/ gang zhig sdom pa de bzung nas/ /sgrol ma'i sku gzugs spyan sngar ni/ /khrus byas dang bas rtse gcig gis/ /bstod pa'i rgyal po 'dis bstod nas/ /gsang sngags bzlas brjod 'di byas na//rje btsun sgrol ma zhal bstan nas/ /gdung ba thams cad sel ba dang / /dngos grub ma lus byin brlab 'gyur/ /zla ba yar ngo'i tshes brgyad la/ /lci ba'i dkyil 'khor dbus su ni/ /rje btsun sgrol ma mchod byas nas/ /bstod dang gsang sngags 'di bzlas na//mgon po bzhin du bdag 'gyur te/ /sgrib pa rnams dang bral ba dang / /dri ngas skur pa dag pa dang / /rgyud gsum yon tan ma lus 'grub/ /rgyal po g.yul du 'jug pa'i tshe/ /spyi bor snying po 'di bcangs na/ /bstod dang gsang sngags 'di brjod na//dgra bo 'dod sbyin dbang du 'gyur/ /bud med gang zhig bud med kyi/ /dngos po las ni bral 'dod dang / /'jig rten dgos pa mchog dang ni/ /'jig rten 'das pa grub 'dod pas/ /khrus byas gos dkar bgos nas ni/ /bsnyen nas bsrung bar nges gnas te/