| བོད་ཡིག |
56a2 / @##/ /rgya gar skad du/ ku dr-iSh+Ta dU Sha Na/ bod skad du/ log par lta ba sun dbyung ba/ khro gnyer can gyi sgrol ma la phyag 'tshal lo/ /yang dag lta ba'i sbyor ba yis/ /sna tshogs las kyi rnam pa can/ /ji ltar me yis bud
56a3 shing bzhin//khro gnyer can gyi sbyor ba bri/ /re zhig sgrub pa'i thabs nas byung ba'i cho ga rnams dang bsnyen pa 'bum phrag bcus mthu thob par byas la/ dur khrod la sogs pa'i shis pa'i gnas su skad cig gis khro gnyer can sgrol ma sku mdog sngon mo zhal gcig phyag bzhi ma
56a4 stag gi na bza' can rus pa'i phreng ba can sha lus rgyas pa spyan dmar zhing gdangs pa/g.yas gnyis na gri gug dang ral gri/ g.yon gnyis kyis thod pa dang sdigs mdzub bsgreng ba/ pad+ma dang nyi ma'i steng du bsgoms la/ de yi thugs ka'i tAM las 'od 'phros pas ma dag pa'i
56a5 las can gyi skyes bu la thim zhing bkug par bsams la/oM tA re tut+tA re tu re niSh+Tha dA rU Na pra ti ha ta/ tsit+tA uSh+maHhA ni swA hA/ zhes pa'i gsang sngags bzlas shing / rkang gnyis kyi khrag dang / rtsi nag pos 'khor lo rtsibs bcu pa bris la dbus su gzugs brnyan dang / rtsibs
56a6 dang mu khyud la gsang sngags ming dang bcas pa bri bar bya'o//de nas yungs kar gyis brab cing gsang sngags bzlas/ de'i rjes la sbyin sreg dang / gtor ma dang / mchod pas khro gnyer can lha mo la mchod la tsher ma can gyi mes spra tshil dang 'khor lo bsros la dug ha si nag
56a7 po'i shun pa'am/rnga mo'i rgyus pas dkris pa sa bdag gam klu chen po'i gnas su bskyal bar bya'o/ /smyo dang dbugs ni rtseg pa dang / /gyen du blta zhing rgyug par byed/ /lus po skem dang mig ser dang / /lus la sha bkra me dbal 'byung / /gzhan yang mdze dang shu ba dang / /
56b1 'brum bu bas ldag 'byung 'gyur zhing / /tshe yi dus kyang byed par 'gyur/ /gsang sngags sbyor ba'i che ba yis/ /gnod sbyin mkha' 'gro sems dkrugs shing / /las kyi myu gu zad byed pa/ /khro gnyer can gyi sbyor ba'o/ /lta ba ngan pa sun dbyung ba rdzogs so//