CLOSE WINDOW

D1697
བོད་ཡིག

/ @##/ /rgya gar skad du/ srag+d+ha ra sA d+ha naM/ bod skad du/ me tog phreng 'dzin gyi sgrub pa'i thabs/ rje btsun ma sgrol ma la phyag 'tshal lo/ /lha dang lha min nor lha'i cod pan ston ka'i nyi 'od 'bar ba'i tshogs kyis zhabs kyi rdul la reg /rnyog med gzigs pa'i shes rab mig ni snying rje'i rlan gyis rab tu gang zhing nyon mongs dra ba gcod/ /rmongs pa'i mthu yis srid pa'i mtsho chen mi zad skye 'chi'i dba' rgal drag pos kun nas g.yengs gyur pa/ / skyob pa'i gzings chen dri med gzugs mdzes dpal gyi snying po me tog phreng 'dzin de la bdag phyag 'tshal/ /gang zhig spros bral mkha' ltar dag pa'i dbyings su ro gcig pa/ /bsam gtan sprin med a sogs yi ges snying gar rab brgyan cing / /gus pa'i sbyor bas sna tshogs mthu ldan yon tan rin chen gter//drang srong tshe 'dzin bla ma'i gsung las bdag gis 'dir brjod bya/ /rab tu zhi la dga' ba'i bden 'dzin nags tshal lam/ /g.yeng ba'i rdul bral phug gam ljon shing dur khrod mchog /chu 'gram dben pa'i sa phyogs rang bzhin nyams dga' bar//chu gtsang spos kyi chag chag me tog dri zhim gtor/ /rgyal ba'i sku gzugs dam chos rin chen bzhugs pa dang / /me tog bdug spos snang ba dri dang zhal zas mchog /rgyal sras yum dang dkyil 'khor mchod phyir legs bzhag bya/ /ri dgas 'gan 'ji sngon po legs par btags gyur pa'i//stan la 'dug nas bsam gtan bdag gis bsgom par bya/ /thog mar 'od gsal rten 'brel bde stong mi g.yo ba/ /gang zhig shar bas spyod pa'i dus na yul rnams dang / /dbang po'i tshogs dag rtog bral tshul gyis kun du nub/ /rtog med rtog bral rdo rje'i mchog 'dzin kun du khyab//ji bzhin rtog pa'i mtha' las rang sems sa bon mchog /zla 'od dkar mdzes tAM las phyogs bcu nam mkha'i mthar/ /shin tu rno ba'i 'od zer chen pos khams gsum gyi/ /mun pa'i tshogs bcom rgyal ba sras rnams nam mkha' la//bzhugs par bltas la bdag yid rtse gcig dri med kyi/ /gang zhig sna tshogs ro gcig dbang po'i gzhu 'dra ba/ /nyon mongs rdul bral zhi bde spros bral bde 'gro zhing / /ye shes rgyun 'bab rgyal ba'i sku mdzes pad+mo la/ /gus pa'i tshul gyis mgrin pa smad nas bdag phyag 'tshal//kha dog sna tshogs dri zhim dbyibs mdzes me tog dang / /bdug spos a ga ru dang sbrul gyi snying po dang / /snod mdzes rin chen sgron ma snang ba drir bcas dang / /chu gtsang dri zhim snying po sbyor ba dpag med dang / /mdog bzang ro brgya ldan pa'i zhal zas mang po rnams//gus bcas yid 'ong rgyal sras khyed la 'bul lags kyis/ /sems can tshogs rnams srid pa'i gdung bzhi bar mdzod/ /oM badzra puSh+paM AHhUM/ oM badzra d+hU paM AHhUM/ oM badzra A lo ke AHhUM/ oM badzra gan+d+he AH hUM/ oM badzra nai wi t+ya AH hUM/ gnod pa byed rnams dge ba'i phyogs las nyams pa dang //sdig pa'i gzhir gyur bsten du mi rung ji snyed las/ /dug gi sgregs pas sems gdung gyur pa bdag sogs kyi/ /phra rgyas tshon chen zag pa'i tshang tshing zad par mdzod/ /gang zhig rgyal sras thub pa'i 'od tshogs mdzes pa'i tshal/ / 'bras bu smin pa'i ljid kyi zug rngu gnon mdzad cing / /snying rje'i rgyun gyis nyon mongs tha ba brlan mdzad pa/ /dregs pa'i rdul bral skyong ba'i mgon la skyabs su mchi/ /yang dag lam bral lta ba'i dug gis myos gyur cing / /nyon mongs mtsho chen brgal dka'i ngogs su lhung ba rnams//shes rab gzings chen snying rje'i go cha mi 'gyur mchog /dri med yid 'ong zla ba'i mdangs gsal thob par gyis/ /rab tu zab pa'i dka' thub dpal gyis 'bar ba dang / /nyon mongs chags bral byams pa snying rje dga' ba dang / /btang snyoms yid brtan rim gro byed pa'i bde ba'i mchog /khams dang dbang po la sogs mkha' ltar ro gcig bde/ /bde gshegs byed pa sgyu ma'i yon tan dpag med rnams/ /srid gsum 'gro ba dbang po'i dri ma sbyong byed pa/ /rab dga' sems kyi gru chen nam mkha'i dbyings su 'gyur/ / nyi zla'i sbyor bas mun pa zad 'gyur grong mchog lam/ /bdud rtsi sgron mi chu gter yid bzhin rin po che/ /rdul med rdul bral ye shes dbang phyug phyag rgya can/ /ye shes mthar son sna tshogs lus can kun ston pa/ /ting 'dzin dag pa'i lus can 'phags ma thob par shog / de nas byams pa snying rje dga' ba btang snyoms bsgom/ /gdod nas sems ni ma skyes rang bzhin mi 'gyur ba/ /nges don bdud rtsi nam mkha' las byung dag pa bsten/ /rtog pa rgyun chad sems nyid de nyid gzhan ma yin/ /chu tshod thun dang dbyu gu skad cig rim pa med/ /mi 'jigs sgro skur mi rtsol rgyal sras thu bo ste//gdod nas ma skyes chos rnams byed pa thig le yin/ /spros bral chos nyid yang dag nyid ni snang bas dben/ /bskyed rdzogs theg pa'i mtha' bral rtog med bde chen po/ /oM shU n+ya tA dz+nyA na badzra swa b+hA ba At+ma kou0f85haM/ de nas snying rje'i shugs kyis r ab tu bskul gyur nas//rang snying paM las sna tshogs pad+ma de steng AH/ /lte ba zla bas brgyan cing dbyangs dang gsal byed kyi/ /kun nas bskor ba'i tAM las phyogs bcur 'od tshogs 'phros/ /'gro ba'i don byas tshur la bsdus nas tAM la thim/ /de rnams skad cig nyid la sgrol ma'i sku lngar gyur//sngon mo zhal gcig phyag bzhi stag gi gos gyon ma/ /gri gug thod pa ral gri sdigs mdzub phyag rgya can/ /ser mo zhal gsum phyag drug g.yas sngo g.yon pa dmar/ /ral gri dgra sta mda' dang zhags pa gzhu dang dung / /zhal gcig phyag bzhi btsod kyi kha dog sna tshogs brgyan//mi 'jigs mda' dang gzhu dang ut+pal dmar po bsnams/ /sku mdog ljang ser chos kyi phyag rgyas thugs ka ru/ /ut+pal sngo 'dzin shar sogs go rims ji bzhin du/ /sna tshogs rgyan ldan phyogs rnams sreg cing gsang sngags bzlas/ /rnam snang la sogs rgyal po'i rigs kyis dbu brgyan pa//nu ma rgyas shing mi 'jigs phyag dang ut+pal 'dzin/ /brtson pa'i lus ldan zla ba'i mdangs can dbus su bsam/ /oM tA re tut+tA re tu re niSh+Thi dA ra Na pra ti ha ta tsit+tA uSh+ma ha na swA hA/ oM tA re tut+tA re tu re b+ha ya ha ra Na rak+Sha ba ra Ne gu ba tiM bid+d+h+ya sa ma he swA hA/oM tA re tut+tA re tu re a na b+hi pradz+nyA pra san+na ta a b+hi pradz+nyA pra sA d+ha swA hA/ oM tA re tut+tA re tu re b+ha ya ha ra Na hUM hUM hUM mr-it+yu daN+Da ya ma d+yu ta swA hA/ de ltar gsang sngags bzlas pa'i 'od kyis phyogs khyab cing / /gzungs kyi snying po mthu chen 'di yang brjod par bya/ /na mo rat+na tra yA ya/ na maH Ar+yA wa lo ki te shwa ra ya/bo d+hi sa twA ya/ ma hA sa twA ya/ ma hA kA ru Ni kA ya/ tad+ya tha/ oM tA re tut+tA re tu re sarba du Sh+TAn pra duSh+TAn ma ma kr-i te dzaM b+ha ya staM b+ha ya/ mo ha ya/ ban+d+ha ya/ hUM hUM hUM phaT phaT phaT/ sarba duSh+TA staM b+ha na tA re swA hA/ mang du bzlas la stobs bskyed cho ga 'di ltar bsam//snod mdzes nang du 'bras sogs kha zas bzang po rnams/ /mngon par bshams pa'i cha gnyis pad+ma kha bye ba'i/ /phyag rgya bcing zhing sku gsung thugs kyi snying po mchog /lan bdun brjod pas kha dog dri ro phun sum tshogs/ /oM na maHsarba bud+d+ha bo d+hi satwA nAM/a pra ti ha ta shA sa nA nAM/ he he b+ha ga ba ti me sa dA sarba bud+d+ha A ba lo ki te/ i daM pa liM gr-ih+Na gr-ih+Na/ a mr-i ta kha kha khA hi khA hi/ tiSh+Thi tiSh+Tha hUM hUM hUM phaT phaT phaT swA hA/ oM a kA ro mu khaM sarba d+harmA NA Ad+ya nat+pan+na twAta oM AHhUM phaT swA hA/ oM a mr-i ta kha kha khA hi khA hi tiSh+Thi tiSh+Tha/ ban+d+ha ban+d+ha/ ha na ha na/ da ha da ha/ gardza gardza/ bi s+pho Ta ya bi s+pho Ta ya/ sarba bi g+h+nAM bi nA ya/ ma hA ga Na pa ti dzI wi tAn+ta ka rA ya hUM hUM hUM phaT phaT phaT swA hA/ dpag med cha gcig rig pa'i lha mo rnams la 'bul/ /cha gcig nang du 'od zer sbu gu bskyed byas te/ /nag po chen po tha skar dbyig gi snying po dang //lha dang klu dang gnod sbyin grul bum tshogs rnams la/ /'dod pa'i gsol ba btab cing gus pas dbul bar bya/ /brgyad dang bcu bzhi bcu dang nyi shu gsum rnams la/ /zhi ba rgyas pa dbang dang mngon spyod sbyin sreg dbul/ /dkar dang ser dang dmar dang nag po'i tshogs rnams kyis//rtse khru gcig dang gcig dang phyed dang rtse khru gcig /zlum dang gru bzhi zla gam gru gsum bri bar bya/ /thams cad sor bzhi bskyed cing 'od phreng phyi rol bri/ /'khor lo dkar dang sna tshogs rdo rje ser po dang / /pad+ma dmar dang gri gug sngon po thabs rnams kyi//rim pa ji bzhin legs par nang du dgod par bya/ /mar dang zho dang 'o ma sbrang rtsi ka ra dang / /'bras til gro dang nas sogs 'bru yi rnam pa dang / /dUr ba ku sha la sogs cho ga gzhan bzhin bsogs/ /de las gzhan pa'i sreg rdzas khyad par mang po rnams//nye bar bshams la thog mar drang srong me lha mchog /zhal gcig phyag bzhi sku mdog dkar po tshangs skud can/ /dbyug pa spyi blugs bgrang phreng mi 'jigs phyag rgya can/ /ral pa'i cod pan dka' thub lus ring zla ba'i steng / /mngon par bskyed la dgang blugs bdun gyis rab tu mchod//dzaHzhes brjod cing se gol gtogs la gshegs par bsam/ /oM bah+Ni rA dz+nyA pra tIts+tsha swA hA/ de nas rdzas dang me thab dri chab bzang pos bsang / /oM pro k+ShA li bi shud+d+he swA hA/ mchod pa'i yo byad snying po'i sngags kyis dbul bar bya/ /mnyes par gyur nas smon lam btab cing mi snang bsgom//rdo rje sems dpa'i dam tshig sems can skyong / /ched du brjod la lus ngag yid gsum gyi/ /spyod lam khyad par can gyis gnas bya zhing / /de las gzhan pa'i bsod nams mang po bsags/ /drang srong tshe 'dzin bla ma'i gsung snyan bdag la bsnyad gyur pa//byang chub myu gu'i phreng bas lus brgyan gzhan don 'brug sgra sgrogs/ /snying rje'i shugs kyis bsod nams sprin chen grags pa'i char rgyun gyis/ /nyon mongs 'khrugs pa'i me chen rab tu bsil bar byed par shog /me tog phreng 'dzin sgrol ma'i sgrub thabs 'phags pa 'jam dpal dbyangs kyis byin gyis brlab pa paN+Di ta chen po ta thA ga tA rak+Shi tas mdzad pa rdzogs so/