CLOSE WINDOW

D1686
བོད་ཡིག

/ @##/ /rje btsun ma 'phags ma sgrol ma la phyag 'tshal lo/ /sangs rgyas kun gyi rang bzhin che/ /mi rtog gzhan don mthar phyin pa/ /gdul bya'i dbang gis lha mo yi/ /tshul 'chang de la phyag 'tshal nas/ /nyi shu rtsa gcig sgrub thabs kyi//spyi dang so so'i cha la brten/ /las kyi yan lag dngos grub rim/ /mdor bsdus bdag gis bstan par bya/ /rtsod ldan dus kyi rnal 'byor pas/ /gzhan gyis byas pa 'jig pa'i phyir/ /bsgrub bya'i yul gyi lha rten nam/ /gdug cing gnag pa'i rang bzhin la//dkyil 'khor nag po mda' gang tshad/ /de dbus drag po'i hom khung du/ /dug dang khrag dang nag pos byugs/ /de la skyed shing ra bas bskor/ /de yi dbus su bsgrub bya'i gzugs/ /de nyid las byung rdzas rnams dang / /gzhan yang drag po'i rdzas rnams las/ /nying lag brgyad pa skye mched rdzogs//de yi snying gar zhing chen nam/ /dur khrod ras la drag po yi/ /rdzas dang smyu gus 'khor lo bri/ /rtsibs brgyad gsang sngags spel tshig can/ /kha sbyar legs dril gzhug par bya/ /rgyus chen dag gam drag po yi/ /gzugs kyi thag pas snying gar drang / /lcags sam rnal 'byor gling bu yi/sbu gus snying gar gtad byas nas/ /bdag nyid lha yi sbyor ldan pas/ /sbod dang sbod byed rten phral nas/ /sngar gyi gzugs la legs par gzhug /de yi steng du la gsum dang / /lung gsum sa dang chus sbrus pa'i/ /mchod rten nag po khru gang tshad//khri 'phang bzhi pa bum rten bcas/ /bum pa drag po'i dbyibs can de/ /rgod dang bsrung dang rna ba yi/ /'gul dang thos dang bsnam pa yi/ /sdug byed rnams ni go rims bzhin/ /ngos gsum po la byug byas pa'i/ /bum pa phyogs skyong snying por bcas/ / gdugs la yi ge bcu pa ni/ /spel tshig dang bcas kyis brgyan pa/ /ji srid ma thob rab tu mnan/ /spyi dang khyad par lha rnams la/ /mchod dang bstan pa skyong ba la/ /gtor ma mnyes byas bden tshig can/ /lha yi sbyor ba rgyun mi bcad/ /dgug dang gzhug dang bstim sogs kyi//sbyor ba rab tu brtsam byas nas/ /me tog la ni rdo char bzhin/ /cig shos myur du pham 'gyur te/ /pha rol nus pa che na rung / /nang gi mtshan ma rnyed gyur nas/ /snga ma'i gzugs de bsreg byas la/ /bdag bcas sar gzhug de yi steng / /cai t+ye nag pos mnan par bya//oM tA re tut+tA re tu re che ge mo a mu kaM mA ra ya phaT/ oM tA re tut+tA re tu re At+ma rak+Sha rak+Sha swA hA/ oM tA re tut+tA re tu re che ge mo gr-ih+Na gr-ih+Na ban+d+ha ban+d+ha/ ha na ha na/ da ha da ha/ d+ha ra d+ha ra/ bi d+h+wa na sa ya bi d+h+wa na sa ya/ a mu kaM mA ra ya hUM hUM phaT phaT swA hA/ oM tA re tut+tA re tu re ma hA pany+tsa yak+Sha/stam+b+ha stam+b+ha thaM hri baM ril mA ra ya phaT ku ru kul+le b+h+yo/ 'phags ma sgrol ma myur zhing rab tu dpa' mo zhes bya ba'i las kyi yan lag phyir zlog pa'i cho ga zhes bya ba'i le'u ste dang po rdzogs so// //rje btsun ma 'phags ma sgrol ma la phyag 'tshal lo/ / yams sogs 'jig rten ma rungs rnams/ /rab tu zhi bar bya ba'i phyir/ /dkar po'i phyogs kyi zla ba la/ /khru do khor yug maN+Dal te/ /pad+ma 'dab brgyad dbus su ni/ /'od dpag med dang 'phags ma ste/ /phyogs bzhir rigs bzhi mtshams bzhi la/ /yum bzhi'i mtshan ma dgod par bya//de yi phyi rol phyogs skyong dgod/ /grwa bzhir mda' bzhi me long bzhi/ /ral gri bzhi dang rma bya bzhi/ /tshon skud lnga yis dkri bar bya/ /bkra shis shing ngam zangs ma las/ /byas pa'i phur pa phyogs bzhir gzugs/ /gdugs dang rgyal mtshan la sogs dang / / me tog phreng ba la sogs pa'i/ /mchod pa'i khyad par rgya chen bsham/ /dar ram ras sam gro ga la/ /bkra shis dar dpyangs bris byas nas/ /dbus su yi ge bcu pa ste/ /g.yas dang g.yon du rigs lnga yi/ /yab dang yum du bcas pa yi/ /gsham du phyogs skyong snying po rnams//gur gum gyis ni bri bar bya/ /'phags ma la sogs rten bzhugs la/ /ci 'byor pa yis mchod pa ste/ /bstan skyong rnams la gtor ma sbyin/ /de nas dge slong dge 'dun nam/ /gso sbyong ldan pas bsnyen pa bya/ /khri phrag re la mchod pa dang / / gtor ma re ste gsol ba gdab/ /cha lang la sogs sngags bkod la/ /shin tu bsgrims pas bsgrags par bya/ /de ltar 'bum phrag gcig tu byas/ /de yang lha yi sbyor ldan pas/ /zhi bar bya bar 'dod pa dang / /kun du gtsang sbrar gnas pa yis/ /las ni 'grub par 'gyur ba ste//yams bdag mo la bskang ba yang / /'di la shin tu bsngags pa yin/ /de nas dkyil 'khor mtshon cha sogs/ /phyogs mtshams rnams su dgram byas te/ /mchod rten sngags bcas nang du gzhug /des ni de nyid 'grub 'gyur bar/ /rje btsun nyid kyis gsungs pa yin//oM tA re tut+tA re tu re sarba byA d+hi pra sha ma ni shAn+tiM ku ru swA hA/ 'phags ma sgrol ma ston ka'i zla ba ltar dkar ba zhes bya ba'i las kyi yan lag yams nad rab tu zhi bar byed pa zhes bya ba'i le'u ste gnyis pa rdzogs so// //rje btsun ma 'phags ma sgrol ma la phyag 'tshal lo//tshe yi snyigs mar gyur pa yi/ /mi rnams tshe ni bsring ba'i phyir/ /shin tu nyams dga'i gnas dag tu/ /phyi nang khrus ni sngon 'gro bas/ /rnal 'byor pas ni 'phags ma yi/ /bskyed pa'i rim pa rdzogs byas nas/ /sa bon las byung 'od zer gyis/ /'phags ma tshe dpag med stsol ma//phyag na tshe yi bum pa bsnams/ /de bkug mdun du pad sdong la/ /bzhugs byas yan lag bdun pa dang / /gsol ba btab nas bsnyen pa byas/ /oM tA re tut+tA re tu re A yur+dz+nyA na d+ha ra d+ha ra/ bi d+ha ra bi d+ha ra/ ma ma brah+la d+ha ya de hi de hi swA hA/ de nas mar la mar blugs bzhin//de dang bdag nyid tha dad med/ /sangs rgyas kun gyi ye shes kyi/ /bdag nyid tshe yi dbang phyug mchog /bdag la stsal nas rgya mtsho ltar/ /tshe yis rgyas par gyur bsams nas/ /lan grangs bdun la sogs par bstod/ /de nas rnam shes bskyod pa'i rta//'dod pa'i phyogs su gyur pa na/ /tha mal gsum gcig sbyor ba yis/ /ring por drangs la mthar gyis bskyil/ /'gyed pa shin tu zhi bar bya/ /de yang ma 'phos bar du'o/ /de ltar na ni zla re la/ /zhag res tshe ni 'phel 'gyur na/ /dus min 'chi sogs smos ci dgos//rje btsun 'phags ma sgrol ma gser mdog can gyi las kyi yan lag tshe 'phel ba'i cho ga rgyas par phye ba zhes bya ba'i le'u ste gsum pa rdzogs so// //rje btsun ma 'phags ma sgrol ma la phyag 'tshal lo/ /gang gi stobs kyis srog g.yo ba/ /'bar ba'i me la chu rgyun bzhin//de dag gsad phyir kaM ka dang / /rgyal ba'i spyan dang a k+Sho b+h+ya/ /rin chen snying po rtsa ba mchog /gcig pur skyes dang sbrul gyi dug /tshes ma thog gi rnam snang la/ /bskyed dang brgya stong bzlas rim gyis/ /de yi khong du gtang bar bya/ / gnas lnga rnams su'ang gdab bya ste/ /dmigs pa rtse gcig sbyor ba yis/ /hal yis 'tsho sgro yis bya ba/ /rang bzhin dang ni bcos pa dang / /gyur pa'i stobs dang dri bzod dka'/ /gang yang 'di yis the tshom med/ /oM tA re tut+tA re tu re na maHSha re Sha re/ pi Sha re bi Sha re/ sarba bi Sha g+ha Ta ni swA hA/ 'phags ma sgrol ma de bzhin gshegs pa'i gtsug tor rnam par rgyal ma zhes bya ba'i las kyi yan lag dug gsad pa'i cho ga'i le'u ste bzhi pa rdzogs so// //rje btsun ma 'phags ma sgrol ma la phyag 'tshal lo/ /gang la gang zhig rag las pa/ /de nyid dbang du bya ba'i phyir//gro ga'am ni gos gzhan la/ /bcu drug rtsibs can 'khor lo bri/ /pho dang mo yi snag tsha la/ /dkar po gcig rgyug sogs bslad pas/ /dbus su gzugs dang ming yig bcas/ /rtsibs la yi ge bzhis brten pa'i/ /bsgrub bya'i ming ni bri bar bya/ / phyi rol oM yig gsum gyi dbus/ /srad bu dmar bcings spra tshil gyis/ /gzugs brnyan snying gar bcug byas la/ /seng ldeng me la dus gsum bsro/ /pho dang mo yi bye brag gis/ /rkang pa'am ni mjug sgo ru/ /zangs ma'i thur mas bru bar bya/ /sa bon 'od kyis drang ba ni//bsgrub bya rlung gi dkyil 'khor dbus/ /skra g.yengs gcer bu'i snying gar ram/ /mgrin dang mtshan mar lcags kyu'am/ /zhags pa lta bur rab drangs nas/ /rlung gi shugs ldan sngags kyi mthus/ /rkang pa'i drung du lhags byas na/ /ci dang ci bgyi zhes brjod brtag /chu dang rdul khrod las byung sbyar/ /dus gsum dag tu bsten bya zhing / /de nyid rdo rje'i chus sbangs la/ /de la sbyin par bya ba yin/ /de nyid dang ni skye tshe dag /ming dang bcas par sbyin sreg bya/ /yang na rdul khrod nyid kyi'o/ /rdo rje bskyod dang bde bcas dang / /mthar phyin pa dang byang chub sems//rgyu bzhin rngub pa'i sbyor ba yis/ /las 'di rab tu 'grub 'gyur te/ /nyi ma bdun gyis pho dang mo/ /bdun phrag gsum gyis skyes bu che/ /bdun phrag bdun gyis lha mo sogs/ /sa bla rnams kyang 'dod pa yi/ /mda' yis myos nas de mdun du//rang dbang med par lhung bar 'gyur/ /oM tA re tut+tA re tu re la ban a b+ha so a ti k+Sho si u du kro si ba shaM ka ra a mu ka s+ya da ha ga Ta ni/ da ha ga Ta ni/ da ha Ta tsa naM kha bya si/ da ha a s+thi ni/ a s+thi b+h+yaM/ madz+dza ke da ha la ba NaM/ bin+du ti ba la naM pa tsa ti ba la naM ba tsa ti sho ni taM/ba la ni dar+ya ma nI hi/ ku tro nI tra/ ku tro ro tri ya/ tI ba si ti yo de na sha de na dri naM tsa sha ta na ta re/ nA ga re le ha pra ka re/ gri k+Sh+Na sarba kri taM g+ga te tud dre pa pas mA na hI/ pa la ni ban+d+ha/ pu ra sa ti trAM/ oM tsi ti tsi ti bi lo li bi lo li swA hA/ a mu kaM sA d+ha nAM sa ri ba raM/ me ba sa ma na swA hA/oM ku ru ku l+le swA hA/ 'bum phrag drug gi sbyor ldan pas/ /me tog bdug pa la sogs pa/ /gang la byin pa de dbang 'gyur/ /bza' btung gis kyang de bzhin te/ /me tog dmar po'i sbyin sreg gis/ /gang dag 'dod pa dbang du byed/ /skyes bu mchog la yungs kar bsngags/'khar ba'i snod du sbrang rtsi mar/ /sngags dang bcas btsug dus gsum du/ /mchod dang bzlas pas don rnams 'grub/ /kham phor dung phor bcas pa la/ /brgya dang brgyad bzlas mig la byugs/ /gsod par 'dod pa'i dgra bos kyang / /bu sdug bzhin du sems par 'gyur//dur khrod gnas su snod chen du/ /pad+ma dkar dang chen po'i snum/ /brgyad dang bcu bzhir bsgrub byas pa'i/ /mig sman gyis ni gzhan dbang 'gyur/ /'phags ma sgrol ma hUM gi sgra rab tu sgrogs ma zhes bya ba'i las kyi yan lag dbang du byed pa'i cho ga zhes bya ba'i le'u ste lnga pa rdzogs so// //rje btsun ma 'phags ma sgrol ma la phyag 'tshal lo/ /gang la gser gyi g.ya' bzhin du/ thog ma med dus nas bsags pa'i/ /nyes pa'i tshogs rnams sbyang ba'i phyir/ /rab tu shis pa'i dus nyid du/ /dam tshig 'di la mi bsngags pa'i//longs spyod dag ni rab tu spangs/ dben pa'i gnas su dkyil 'khor bya/ /rten dang mchod pa sna tshogs bsham/ /bar chad bsrung phyir bstan skyong la/ /rab tu shes pa'i gtor mas mchod/ /rten la rje btsun bzhugs byas nas/ /rdzogs sangs rgyas dang byang chub sems//thugs rje can gyis bdag la ni/ /mi dge'i las rnams sbyang ba'i phyir/ /gso sbyong dam pa stsol bar mdzod/ /rgyal sras rnams kyis ji lta bar/ /bdag kyang de bzhin bsgrub par bgyi/ /gsum la drug tu rnal 'byor pas/ /rdo rje lta bu'i tshul gyis su//sdig pa ma lus zad byed pa/ /brgya dang brgyad bzlas gsol ba gdab/ /gnas gsum dag tu sdig pa'i gzugs/ /bris sam bsams la byab par bya/ /yang na til gyis sreg pa'am/ /dag byed chu yi sbyor bas kyang / /de yi nyes pa bkru bar bya/ /de lta na ni myur nyid du/ / dkar gyi mtsho dang ngan skyugs zags/ /mkha' la rgyu zhing chu skyes sdud/ /rtsod las rgyal ba la sogs pa'i/ /mtshan ma de yis dga' byas nas/ /dpal ldan gnas su 'gro bar 'gyur/ /na mo rat+na tra yA ya/ na mo Ar+yA ba lo ki te shwa rA ya/ bo d+hi sa twA ya/ ma hA sa twA ya/ma hA ka ru Ni kA ya/ tad+ya thA/ oM tA re tut+tA re tu re ma ma sarba pA paM/ sho d+ha ya sho d+ha ya/ bi sho d+ha ya bi sho d+ha ya/ sarba b+ha ba sa mud+d+h+rots+tsha sha na ka rA ya swA hA/ sarba pA paM shAn+tiM ku ru swA hA/ 'phags ma sgrol ma 'jig rten gsum las rnam par rgyal ma zhes bya ba'i las kyi yan lag sgrib pa yongs su sbyong ba'i cho ga'i le'u ste drug pa rdzogs so// //rje btsun ma 'phags ma sgrol ma la phyag 'tshal lo/ /rnal 'byor srog ni g.yo ba yi/ /mtshan ma byung bar gyur pa na/ /'chi bdag bdud ni gzhom pa'i phyir/ /'gro ba rnams la srog sbyin zhing / /phyi rol dngos pos bsod nams bsags//bde gshegs mchod rten mdzes pas brgyan/ /phyi nang chos rnams nam mkha' ltar/ /dmigs pa med pa rab tu bsgom/ /des ni rkyen skyes zhi bar gsungs/ /'phen pa'i nus pa zad pa'i phyir/ /des kyang rab tu mi spong na/ /bdag gi lus dang longs spyod dang //bshes rnams nam mkha'i glog bzhin du/ /'gyur ba'i rang bzhin shes byas nas/ /tha ma'i dus su gyur pa na/ /'dod pa'i lha yi ting 'dzin gyis/ /dkar bsil lus la phan byed pa/ /rlung la dmigs bya gnyis su drang / /sgo rnams bsdams la rab tu mnan//ldog pa'i tshe na bsring bar bya/ /spyi bo tshangs pa'i bu ga ste/ /gnas gsum dag tu yi ge gsum/ /rten dang brten pa byang chub sems/ /chu la chu bzhin tha dad med/ /thig le la ni thig le bzhin/ /gyen du gcig la gcig bsdus te/ /hi ka zhes pa'i 'bru gnyis po/ / nyi shu rtsa gcig brjod par bya/ /gyen du phyin pas 'og min te/ /thur du phyin pas btson dong ngo / /yi ge dang pos 'pho bya ba/ /shing la zhon bzhin khyab pa bdag /snying gar 'dod lha'i gzugs gyur te/ /mnan dang bsdam dang sbyar bzlog cing / /nam mkha'i mthongs te rab gsal la/ / yi ge gnyis kyis rab drangs nas/ /longs spyod rdzogs sku'i dkyil 'khor du/ /rdzu 'phrul shugs kyis phyin par bya/ /'di ni thun mong ma yin par/ /skal ldan rnams kyi lam yin te/ /bla med gsang sngags khyad par thabs/ /rdzogs pa'i sangs rgyas nyid kyis gsungs/ / des na sgrub ldan rnal 'byor pas/ /'di la ma yengs 'bad pa che/ /goms pa'i yan lag sngon 'gro bas/ /byas na rdzogs pa'i sangs rgyas 'gyur/ /'phags ma sgrol ma gzhan 'joms ma zhes bya ba'i las kyi yan lag gong du 'pho ba zhes bya ba'i cho ga'i le'u ste bdun pa rdzogs so// // rje btsun ma 'phags ma sgrol ma la phyag 'tshal lo/ /ji ltar dug la dug sbyar zhing / /'khor ba'i rtsa ba nyon mongs te/ /de la de nyid kyis 'byung ba'i/ /thabs kyi cho ga gang gsungs pa/ /bskyed pa'i rim pa bstan pa yin/ /pad+ma can nam dung can sogs/ /rigs gsum las skyes shes rab ma//bcu gnyis pa dang bcu drug pa/ /nyi shu bzhi yi lo lon pa/ /mig dkyus ring zhing dkar mdangs ldan/ /'jam mnyen 'khril ldem gzhon nu'i tshul/ /lus la ga pur ngad ldan zhing / /ngag 'jam rjes 'gro yon tan phyug /skyabs 'gro nas ni smin pa'i bar/ / ci rigs pa la de bkod nas/ /lus sogs gsum po dag byas nas/ /byang gi phyogs su de bsrungs nas/ /gru bzhi lham pa khru gang tshad/ /byi dor legs byas me tog dgram/ /bdud rtsi lnga dang mchod gzhan bcas/ /rdo rje'i khri steng de bzhag nas/ /bkru dang bkru ba'i cho ga bya//rigs kyi bdag po'i rnam pa yis/ /sa bon lcags kyu'i spro bsdu las/ /thabs dang shes rab bkug byas nas/ /gnyis pa'i tshangs pa'i bu ga gshegs/ /rab smin rdo rje pad+ma ste/ /de brtag pad+ma snying po btsal/ /de nas bde ba mnyam sbyor phyir/ /pad+ma'i ze 'bru rgyas pa dang //ye shes rdo rje rtse lnga pa/ /kha sbyar gnyis su med par bya/ /bsdams dang klod pa'i sbyor ba yis/ /gnas lngar rnam lngas khyab par bya/ /sbu gus snying po bzung byas nas/ /nyams kyi stobs kyis drang bar bya/ /dga' ba bzhi yi bdag nyid kyi/ /gsal la mi rtog bde ba'i mchog /gzung dang 'dzin dang dmigs bral ba/ /lhan cig skyes pa'i ye shes ni/ /go rims bzhin du nyams su blangs/ /mi 'bral cung zhig bsten par bya/ /gsal ba'i ye shes ma zin na/ /rol pa'i sgra la sems gtad nas/ /cung zhig bsgom par bya ba yin/ /yang dang yang du nyams su blang //de las mi rtog ye shes skye/ /rlung la goms pa'i sbyor ba yis/ /rdo rje'i chu ni 'thung ba'am/ /yang na kun+da byang chub sems/ /rang gis rab tu gzhibs byas te/ /gsal bar bya ba'i yan lag dang / /goms par brtan pa'i rang bzhin gyis/ /byang chub sems ni dbab bya yi//de las gzhan pas bde ba ni/ /rab tu gzung phyir bsrung bya ste/ /ji srid kun+da ma shor ba/ /de srid snyoms 'jug de nas ni/ /mdun bzhag pa la dmigs pa'am/ /yang na yid kyis spyad par bya/ /shes rab ma yang lhag pa yi/ /lha bzhin rab tu ma zhen bya/ / 'di ni gsang ba bla med lam/ /tha mal rnam rtog las grol ba'i/ /rnal 'byor pa yis 'di spyad pas/ /gnyis med ye shes phyag rgya che/ /sangs rgyas kun mchog bde ba'i mchog /ring por mi thogs thob par 'gyur/ /'phags ma sgrol ma bdud thams cad 'joms shing dbang mchog ster ma zhes bya ba'i las kyi yan lag rdzogs pa'i rim pa'i le'u ste brgyad pa rdzogs so// //rje btsun ma 'phags ma sgrol ma la phyag 'tshal lo/ /sku gsum rang bzhin gzugs brnyan gang / /thams cad spros dang bral yin pas/ /gang gis gang la rab gnas byas/ /ci zhig 'dir ni mchod par bya//sbyin bdag bsod nams spel ba dang / /sngags pas dge ba rnyed pa'i phyir/ /rab gnas bstan bcos las bshad pa/ /tha snyad tsam du byas pa yin/ /ji ltar sku gzugs yongs rdzogs nas/ /byin ma brlabs par ring gnas na/ /de la bkra mi shis 'byung zhing //de la bgegs kyang 'jug par 'gyur/ /de srid mchod par de mi 'os/ /de bas byin rlabs bshad par bya/ /sku gsum gzugs brnyan gang yin pa/ /bzo bos byas pa yongs rdzogs te/ /gzugs kyi sum cha'i cha mnyam pa'i/ /stegs bu'i steng du bzhugs su gsol/ / gza' dang nyi ma zla sogs la/ /mchod dang gtor sogs legs byas nas/ /bdag gi rnal 'byor yongs rdzogs pas/ /bum pa la ni bzlas pa bya/ /oM sarba ta thA ga ta a b+hi She ka ta sa ma ya shrI hUM/ bum pa la bzlas pa'i sngags so/ /dri ma bkrus rjes stong par bsam/ /b+h+rUM AM khaM dzrI hUM rnams las//sku gzugs rigs lnga'i rnam par bskyed/ /sku gsum ye shes yang dbang bskur/ /oM sarba ta thA ga ta kA ya bi sho d+ha ni hUM swA hA/ sku phyi ba'i sngags so/ /oM AHhUM dzaHhUM baM hoH/ sku gsung thugs byin gyis brlabs pa dang / /ye shes pa spyan drang ba'i sngags so/ /de nas rab tu mchod nas ni//gsang sngags zlos shing spyan phye nas/ /slar yang rab tu rgyas pa yis/ /mchod cing rab tu gnas par bya/ /oM badzra puSh+pe AHhUM/ oM badzra d+hU pe AHhUM/ oM badzra A lo ke AHhUM/ oM badzra gan+d+he AHhUM/ oM badzra nai wi d+ya AH hUM/ mchod pa'i sngags so/ /oM tsak+Shu tsak+Shu sa man+ta tsak+Shu bi sho d+ha ya swA hA/thur mas spyan dbye ba'i sngags so/ /oM su pra tiSh+Tha badzra ye swA hA/ oM hUM hrI b+h+rUM khaM badzrI b+ha ba dr-i D+ho tiSh+Tha buM khaM/ rab tu gnas pa ste me tog la bzlas la gtor zhing maN+Dal dbul ba'i sngags so/ /'byung po che la gtor ma sbyin/ /zhi ba'i sbyin sreg byas nas kyang //bsod nams 'phel bar bya ba'i phyir/ /yon gyis bla ma mnyes par bya/ /de ltar rab tu gnas byas na/ /'jig rten 'di dang pha rol tu/ /sems la gang ci 'dod pa yi/ /phun sum tshogs pa'i 'bras bu 'byung / /rje btsun ma 'phags ma sgrol ma mchog stsol ba zhes bya ba'i las kyi yan lag rab tu gnas pa'i cho ga'i le'u ste dgu pa rdzogs so// //rje btsun ma 'phags ma sgrol ma la phyag 'tshal lo/ /byang chub che dang dngos grub gzhan/ /ma smin pa las mi 'byung bas/ /de yi cho ga mdor bsdus pa/ / snod dang ldan pa'i slob ma yis/ /maN+Dal dang sbyor gzhan dag gis/ /mtshan nyid ldan pa'i bla ma la/ /rdo rje slob dpon dgongs su gsol/ /bdag ni dus 'di nas bzung nas/ /snying po byang chub ma thob par/ /bla ma dam par gsol 'debs kyis/ /bdag gis bla ma mdzad du gsol//ma brgal ba rnams bsgral ba dang / /ma grol ba rnams dgrol ba dang / /dbugs ma phyin pa dbugs dbyung dang / /mya ngan ma 'das bzla ba'i phyir/ /bla mar zhu ba khyod spro'am/ /de nas maN+Dal sngon 'gro bas/ /bla ma sangs rgyas byang chub sems/ /'dod pa'i lha la bdun rnam dag /lam la gnas pa byas nas su/ /bgegs mthar byed kyi yang snying ni/ /de yis de la dbog par bya/ /bla ma lha yi sbyor ldan pas/ /mchod pa dang ni gtor ma yis/ /sa yi bdag po mnyes byas nas/ /snang dang mi snang sa bdag la/ /gsol ba gdab sogs rgyas par bya//me long dbyibs can dkyil 'khor ni/ /'dab ma bzhi ldan pad+ma ste/ /kha dog gzhan dang 'dra ba'o/ /sa'am rin chen las byas pa'i/ /bum pa nyes pas ma gos pa/ /bsrung ba'i cho ga sngon 'gro bas/ /de dag steng du bkod byas nas/ /'bru dang spos dang snying po sman/ / rin chen lnga dang ar+g+ha dang / /mgul chings kha rgyan rdzogs par bya/ /de dag mi dmigs stong pa las/ /gzhal yas khang dbus ri rab steng / /de dbus pad+ma'i gdan khri la/ /dam tshig 'khor lo bskyed pa nas/ /dbang gi bar du rdzogs byas nas/ /mchod yon sngon du 'gro ba yi/ / mchod pas mchod nas rtsa ba'i sngags/ /'bum phrag gcig gis bsnyen pa bya/ /gsang sngags ye shes chu rgyun gyis/ /bum pa chos nyid gang byas nas/ /mchod dang gtor ma ci rigs bya/ /skad cig ma yi ting 'dzin gyis/ /mig tu ma dang Ta las ni/ /nyi ma zla ba gsal byas te//bsnyen pa'i 'khor lo mkha' la bteg /sngags 'di bzlas shing gsal bar bsgom/ /oM badzro tiSh+Tha hUM phaT/ de nas khro rgyal bdud rtsi 'khyil/ /bdag bskyed nas ni bgegs bskrad de/ /hUM lus ngag sems la gnas pa'i bgegs/ /'dir nyon nga ni dpal dang ldan//bka' yi 'khor lo rab sbyor ba/ /nga yi bka' yi dam tshig las/ /su 'das brlag 'gyur the tshom med/ /mi dang mi min 'byung po'i tshogs/ /gdon gyi rigs su gtogs pa rnams/ /'di ru ma gnas gzhan du deng / /bdud rtsi 'khyil pa'i sngags brjod cing / / khro bo'i gom stabs brgyad pa'i gar/ /rkang lag smin bskyod 'degs pa dang / /zur mig nyi ma'i dbus gnas dang / /'dzum bcas mche gtsigs phreng ba'i gar/ /bskor nas ra ba gur sogs bya/ /skyob pa sangs rgyas thams cad kyi/ /spyod pa'i tshul dang khyad par las/ / sa dang pha rol phyin pa la/ /lha mo khyod ni dbang du gyur/ /skyob pa shAkya seng ge yis/ /ji ltar bdud kyi sde bcom ltar/ /de bzhin du ni bdud kyi sde/ /pham par byas te dkyil 'khor bri/ /lha yi nga rgyal ldan pa yis/ /thig le byas nas rdzas dgram dang / /byin rlabs byas nas rab bskor te//spos dril thogs nas 'di skad du/ /ma lus phyogs na bzhugs pa yi/ /dpa' bo rnal 'byor dgongs su gsol/ /bdag ming 'di zhes bgyi ba yis/ /bcom ldan 'das ma'i dkyil 'khor bri/ /deng 'dir thams cad kun gshegs te/ /dngos grub 'di ni stsal du gsol//stegs bu'i steng na gnas pa yis/ /phyogs bzhi nas ni gsol ba gdab/ /de bzhin gshegs pa kun zhi ba/ /de bzhin gshegs pa kun gyi gnas/ /chos kun bdag med pa yi dngos/ /dkyil 'khor dam pa bshad du gsol/ /mtshan rnams thams cad yongs su rdzogs//mtshan min thams cad rnam par spangs/ /kun du bzang po sku yi mchog /dkyil 'khor dam pa bshad du gsol/ /zhi ba'i chos ni mchog las byung / /ye shes spyod pa rnam sbyong ba/ /kun du bzang po gsung gi mchog / dkyil 'khor dam pa bshad du gsol/ /sems can kun gyi sems chen po/ /rang bzhin dag pas gos pa med/ /kun bzang thugs mchog kha lo sgyur/ /dkyil 'khor dam pa bshad du gsol/ /thig le byas nas dkyil 'khor steng / /ye shes 'khor lo gzhug byas nas/ / dbang bskur bar gyi cho ga yang / /byas la mchod pa dbul byas nas/ /byin gyis brlabs pa la sogs pa'i/ /bum pa'i cho ga rdzogs par bya/ /thig le re la re re ste/ /rdzas la bsang zhing gsol ba gdab/ /yol bas de bcad bdag nyid nang / /khrus byas spyod lam mdzes pa yis//dga' chen khyod la bdag dga'o/ /slob dpon khyod ni dgongs su gsol/ /byang chub chen po'i tshul brtan pas/ /mgon po chen po bdag la stsol/ /dam tshig de nyid bdag la stsol/ /byang chub sems ni bdag la stsol/ /sangs rgyas chos dang dge 'dun dang / /skyabs gsum dag ni bdag la stsol//thar pa chen po'i grong mchog tu/ /mgon po bdag ni 'jug par 'tshal/ /bu tshur theg pa chen po yi/ /gsang sngags tshul bzhin spyod pa dag /khyod la yang dag bstan par bya/ /khyod ni tshul chen snod yin te/ /dus gsum 'byung ba'i sangs rgyas rnams//sku gsung thugs kyi rdo rje can/ /rdo rje gsang sngags 'di bsgoms pas/ /dpa' bo byang chub shing drung du/ /thams cad mkhyen pa'i mtshan ma brnyes/ /gsang sngags spyod pa mnyam med de/ /shAkya seng ge skyob pa yis/ /bdud sde shin tu mi bzad pa/ /dpung dang bcas pa rab bcom ste//'jig rten rjes 'jug rtogs pa yis/ /'khor lo bskor nas mya ngan 'das/ /de bas kun mkhyen thob bya'i phyir/ /bu yis blo gros 'di gyis shig /de yi mdun du maN+Dal bya/ /slob ma mi dmigs stong pa las/ /'dod lha'i gnas gsum thig le bya//rang gi gsum spros phyag mtshan no/ /slob ma'i mdun du maN+Dal rten/ /bsang gtor bya zhing mchod pa dbul/ /deng nas bzung nas bu khyod kyis/ /'khor ba'i nyes pa ma phog par/ /mchod pa kun dang ldan par ni/ /bu yis blo gros 'di gyis shig /de la maN+Dal dbul bar bya/ / de yis so shing sor brgyad pa/ /yi ge bcu bzlas de la sbyin/ /bcad nas de der rtags shes bya/ /'jig rten du ni kun mkhyen rnams/ /u dum+WA ra'i me tog bzhin/ /brgya lam na ni res 'ga' zhig /'byung 'gyur yang ni mi 'byung srid/ /gsang sngags spyod pa'i tshul 'byung ba//de bas kyang ni dkon pa ste/ /gang gis mnyam med sems can don/ /mya ngan mi 'da' byed par nus/ /bskal pa bye ba du ma ru/ /chos kyi 'khor lo bskor ba dang / /'gro don mnyam med byed par 'gyur/ /gzhan yang theg pa chen po yi/ /lam mchog 'di ni dpal dang ldan//khyed rnams der ni 'dod par nus/ /thams cad mkhyen pa'i 'bras bu thob/ /rdzogs pa'i sangs rgyas nyid du 'gyur/ /des na bu yis brtson par gyis/ /sngags sam srung skud 'khor lo yis/ /ku sha'i stan la byang shar du/ /yi ge drug bzlas nyal bar bya/ /skad cig ma yi ting 'dzin gyis//cho ga sngar bzhin 'khor lo gdeg /bzang po'i dris sbangs thig skud la/ /'od kyis ye shes der bstims nas/ /lha mo mdzes ldan slob mas drang / /dza dza gsum brjod thig skud bsgyur/ /des kyang lan gsum brjod la blang / /snying po lnga yis gdab par bya//chos nyid rgyas btab tshon rtsi la/ /yi ge lnga po'i sa bon las/ /'od 'phros ye shes gzhug par bya/ /gzhal yas lte ba ser po la/ /gtso bo'i phyag mtshan dgod par bya/ /ze 'bru dmar po las skyes pa'i/ /sna tshogs pad+ma phyogs bzhi dang / /mtshams bzhir rigs kyi yab yum mo//mu khyud dmar la ral gri'i phreng / /lha snam gru chad sgo rnams ni/ /phyogs mtshon dag tu shes par bya/ /sgo bzhir sgo ma dgod par bya/ /rgyan la sogs pa gzhan dang 'dra/ /phyogs skyong rnams dang bkra shis kyi/ /rtags kyang rab tu dgod par bya//de nas rdo rje me ri ste/ /kun gyi phyi rol rgya mtsho'o/ /lha yi sbyor ldan bla ma yis/ /yi ge gnyis dang bsnol ma las/ /g.yo sdud sna tshogs rdo rje ste/ /lte bar gzhal yas rgyan gyis mdzes/ /dbus su sna tshogs pad+ma bskyed/ /rang nyid 'dod lha'i thig le can//lan gsum du bskor bcu pa brjod/ /ting nge 'dzin gyis sgo dbye ste/ /gsang sngags 'di yang brjod par bya/ /oM badzra d+ha rod badzra sa ma ya swA hA/ steng dang phyogs bzhir legs brgyan nas/ /mchod pa la sogs dgod par bya/ /'dod yon bdud rtsir skad cig mas//ye shes byin gyis brlab par bya/ /de nas sgrub thabs las gsungs ltar/ /bskyed pa'i rim pa rdzogs byas nas/ /mchod pa rnams kyis mchod par bya/ /brtan skyong rnams la gtor ma ste/ /phyi rol 'byung po rnams la sbyin/ /chos rnams gzugs brnyan lta bu ste//dag cing gsal la rnyog pa med/ /gzung du med cing brjod du med/ /rgyu dang las las kun tu 'byung / /de bzhin nyid las nges par skyes/ /bden pa de yis dkyil 'khor du/ /gzugs brnyan gsal bar slob ma ni/ /kun gyis dri ma med mthong shog / de nas spyod mdzes khrus byas la/ /de la de yis 'di skad du/ /de bzhin gshegs pa thams cad kyi/ /mchog tu gsang ba'i dkyil 'khor 'di/ /ma mthong snod dang mi ldan la/ /su la'ang ston par ma byed cig /bdud rtsi lnga la byin brlabs pas/ /yi ge gsum brjod de la sbyin//'di ni rdo rje dam tshig chu/ /srungs shig ma bsrungs sreg par byed/ /bsrungs na dngos grub ster bar byed/ /bdud rtsi 'di ni myang bar gyis/ /oM pany+tsa a mr-i ta u da ka Tha Tha Tha/ des ni de ltar byin gyis brlab/ /gdong g.yogs rdo rje dril bu gtad/ /rdo rje nas gzung ha ha hI'i//sngags brjod bskor nas yol ba'i nang / /phyag 'tshal lha la me tog gtor/ /gang la phog pa blta bar bya/ /dud btang thugs ka'i yi ge a/ /snying gar gzhug bya bde ba bsgom/ /rtags ldan brtan pa'i yan lag bya/ /de nas yum nyid de'i spyi bor//spyan drangs sa bon yi ge ste/ /de las phyag mtshan bu gar zhugs/ /snying ga'i dbus su rje btsun no/ /oM tA re tut+tA re tu re tsit+ta maN+Dal badzra sa ma ya s+t+waM/ sangs rgyas kun dngos rje btsun ma/ /khyod kyi snying du yang dag zhugs/ /rtag tu yi dam lha gyis shig /tshul 'di smra bar ma byed cig /gal te tshul 'di smras na ni/ /de ma thag tu dral te gshegs/ /nga ni 'phags ma sgrol ma ste/ /nga yis bsgo ba'i las nyon cig /ma mos brnyas par ma byed cig /gal te khyod kyis smras na ni/ /dam tshig 'di yis sreg par byed/ /tsha ba chen po'i gnas su sreg / rang bzhin rnam dag bdag nyid lus/ /dpa' bo dang ni dpa' mo'i gnas/ /dri med rang bzhin dkyil 'khor ni/ /bu khyod kyis ni lta bar gyis/ /gdong g.yogs bkrol nas de bstan bya/ /bsam gyis mi khyab dam chos snod/ /dbang bskur dam pa mdzad du gsol/ /rnam rgyal du ni bsdus pa'i chu//dam tshig ye shes las byung ba'i/ /rigs bdag cho ga rdzogs pa las/ /snga ma'i rang bzhin bsgyur byas nas/ /slob ma la ni dbang bskur ro/ /oM badzra a dar sha dz+nyA na a b+hi Shiny+tsa mAM/ de ni mi bskyod par byas nas/ /mchod pa rnam lnga dbul bar bya/ / 'di ni chu yi dbang yin par/ /rdzogs pa'i sangs rgyas nyid kyis gsungs/ /cod pan rdo rje dril bu dang / /ming gi dbang ste bzhi po dang / /gong ma gsum dang slob ma nyid/ /mi dmigs pa las de dag ni/ /AM dang dzrAM dang khaM dang AH/ /de las phyag mtshan yi ger bcas/ /de las sangs rgyas bzhi bdag nyid//cho ga'i yan lag rdzogs par bya/ /mchod nas snga mar gyur pa yis/ /slob ma la ni dbang bskur nas/ /sangs rgyas tshul gyis de mchod bya/ /oM badzra sa mAn+ta dz+nyA na rat+na hUM/ a b+hi Shiny+tsa mAM/ oM badzra pra t+ya bek+Sha Na dz+nyA na a b+hi Shiny+tsa mAM/ oM kr-it+yA nuSh+TA na dz+nyAn badzra a b+hi Shiny+tsa mAM/ oM tsakra amu ka dz+nyA na badzra swa b+hA ba a b+hi Shiny+tsa mAM/ bla mas spos dri sbyor ba yis/ /mchod bya yi ge bcu pa bzlas/ /bcom ldan 'das kyis byin brlabs pas/ /'di la 'go bar mdzad du gsol/ /sngags kyi dngos grub stsal du gsol//me tog gtad la sngags bzlar gzhug /de nas de yis de dag la/ /me tog phul la 'di skad ces/ /bcom ldan bdag gis bzung lags kyis/ /bdag la 'go bar mdzad du gsol/ /de yis de la rdo rje sbyin/ /oM badzra sa ma ya s+t+waM/ a b+hi Shiny+tsa mAM/rgyan dang cha lugs kyis bskon te/ /lha yi nga rgyal ldan par bya/ /oM tA re tut+tA re tu re he he/ slob dpon nyid kyi cha lugs kyang / /de la bskon la bsrung bar bya/ /oM badzra rak+Sha rak+Sha hUM a b+hi Shiny+tsa mAM/ bu khyod 'khor lo'i dbang bskur gyis/ /sangs rgyas kun gyi bdag nyid yin//srid gsum ma lus sgrol mdzad ma/ /bde bar gshegs pa'i lung bstan to/ /khams gsum bdag por rgyal srid che/ /dpal ldan yon tan 'byung ba'i gnas/ /bdud kyi sde rnams bcom zin gyis/ /khyod ni grong khyer mchog tu zhugs/ /oM tA re tut+tA re tu re sid+d+hi sa ma ya s+t+waM swa b+hA ba a b+hi Shiny+tsa mAM/mtshan ma med par 'gro ba'i don/ /gang dag bdag gis byed nus pas/ /phyir mi ldog pa'i dbang bskur che/ /dpa' bo chen pos bdag la stsol/ /dkyil 'khor mchod nas khri yi khar/ /slob ma bzhag la dbang bskur bya/ /oM badzra a b+hi She ka a b+hi Shiny+tsa mAM/sgrar bcas glegs bam lag gtad de/ /chos kyi rgyal por dbang bskur bya/ /de yis de yi snying ga ru/ /'khor lo bcug la ye shes bstim/ /dbang gi bar du rdzogs par bya/ /rnal 'byor de nyid shes pa yis/ /mi bya ba ni gang yang med/ /dpa' bo chen po nga yi bkas//'dod yon lnga la spyad par bya/ /oM su pra tiSh+Tha swA hA/ rjes su gnang ba'i dbang bskur phyir/ /'di nas bzung nas bu khyod kyis/ /lus dang srog la mi phangs par/ /chos kyi 'khor lo bskor ba dang / /'gro ba'i don ni dpag med byos/ /sems can gzugs brnyan lta bu ste//rten cing 'brel ba'i chos dang ldan/ /khams gsum de ltar shes nas ni/ sems can don ni mtshungs med byos/ /de dag slob ma'i dbang bcu ste/ /phal cher bum pa la brten pas/ /bum pa'i dbang zhes brjod pa yin/ /phyir mi ldog dang rjes su gnang //rdo rje slob dpon dbang yin no/ /nyon mongs dri ma 'khru ba dang / /sa ni dang po thob par byed/ /de nas gsang ba'i dbang bskur phyir/ /tshogs dang dpa' bo'i sbyor byas nas/ /mtshan nyid ldan pa'i shes rab ma/ /sta gon gnas byas bla ma'i mdun/ /dkyil 'khor mchod pas mnyes byas nas//slob dpon khyod ni dgongs su gsol/ /gsang spyod thabs dang ldan pa yis/ /shes rab chen po'i snod gyur phyir/ /dbang bskur chen po mdzad du gsol/ /gsang spyod thabs dang ldan pa yis/ /shes rab bdud rtsi dri ma med/ /bdud rtsi chen po myang bar gyis//dbang bskur 'di la khyod spro'am/ /slob dpon khyod ni dgongs su gsol/ /lha mo 'di ni khyad par can/ /yon tan mtha' yas ldan pa ste/ /gsang spyod thabs kyi sbyor ba las/ /gsang ba'i dbang bskur mdzad du gsol/ /gzhal yas nang du de bzhag nas//'od kyis 'phags rnams spyi bor drangs/ /bu gar zhugs nas pad+mar zhugs/ /slob dpon nyid la'ang de bzhin no/ /mkha' gsang byin gyis brlabs nas su/ /gnyis su med pa'i sbyor ba bya/ /yab yum 'khril ba'i rang bzhin las/ /ye shes gsal ba byang chub sems//phab nas mtshan ldan blugs par bya/ /dpa' bo rnal 'byor ma kun gyi/ /dam tshig 'di ni ngo mtshar che/ /khams lnga yi ni ro yis gang / /bde ba chen po myang bar gyis/ /slob ma'i lce la de bzhag nas/ /a ho su kha skal chen po/ /dngos grub dam pa gsal bar mdzod//'das pa'i rdo rje 'chang sogs kyis/ /ji ltar sangs rgyas sras dbang bskur/ /byang chub sems ni yid 'ong bas/ /de bzhin bu khyod dbang bskur ro/ /'di ni gsang ba'i dbang yin te/ /sa bcu'i ye shes thob par byed/ /de nas shes rab ye shes dbang / /shes rab ma yi lus brgyan nas//lha mo 'di ni khyad par che/ /bde ba mtha' yas ster byed ma/ /blangs nas rnam pa thams cad du/ /bu yis bla med mchod par gyis/ /byang chub sems ni bla na med/ /bu yis de ring za nus sam/ /phyag rgya lnga las byung ba yi/ /rig ma dad pas mchod nus sam//bshang gci khu ba rak+ta sogs/ /'di nyid du ni za nus sam/ /nga yi gsang ba'i pad+ma yis/ /bde ba'i myu gu skyed par byed/ /khyod kyis rtag tu mchod nus sam/ /ji skad bshad pa'i dam tshig rnams/ /lha mo ci phyir bdag mi nus/ /lha mo'i pad+ma mchod par bgyi//thabs dang shes rab g.yas dang g.yon/ /de yis dar gyi mdud pa bya/ /dkyil 'khor phyi rol khri las bskyod/ /g.yon pas g.yon pa'i mkhal ma nas/ /g.yas pas gsang ba'i pad+ma ru/ /snying po btsal la rdo rje gzhug /shes rab bum pa'i mgul chings kyis//slob ma bum pa'i mgul pa bcing / /bde ba kha sbyor bsgom par bya/ /bde gsal mi rtog ye shes skyes/ /rim gyis nyams su de blangs nas/ /dal bar ldang bya byang chub sems/ /rdo rje sems dpa'i rang bzhin phyir/ /lce yis bzhibs shing sems la bstim/ /gnyis med ye shes gsal bar 'gyur//shes rab ma yi rkang pa g.yon/ /slob ma'i spyi bor bzhag nas ni/ /nga dang rdo rje slob dpon dang / /mched dang lcam dral thams cad dang / /khams gsum sems can ma lus la/ /ma mos brnyas par ma byed cig /gzhan yang dam tshig bshad pa rnams/ / rtag tu khyod kyis srung bar gyis/ /deng nas bzung nas bu khyod kyis/ /ji srid byang chub ma thob par/ /sems can kun gyi don rnams ni/ /rtag tu rmi lam bzhin du byos/ /'di ni shes rab ye shes kyi/ /dbang yin mi shes kun sel zhing / /bde gshegs sku gsum thob byed par/ / rdo rje 'chang gis yongs su gsungs/ /bzhi pa de nyid tshig gi dbang / /bla ma'i zhal las shes par bya/ /rjes la bya ba'i cho ga yi/ /mchod sogs byas nas dkyil 'khor bsdu/ /yi ge brgya pas bskang bar bya/ /tshogs dang dpa' bo'i ston mo yis/ /mkha' 'gro ma sogs mnyes par bya//de nas gzhan du gsungs pa yi/ /dam tshig rnams la bslab par bya/ /'phags ma sgrol ma mya ngan thams cad sel bar byed ma zhes bya ba'i las kyi yan lag dkyil 'khor du 'jug pa'i cho ga'i le'u ste dgu pa rdzogs so// //rje btsun ma 'phags ma sgrol ma la phyag 'tshal lo//rlan dang mi ldan pad+ma bzhin/ /gang gi dbang gis rgud pa yi/ /nyes pa bsal phyir pad+ma'am/ /bil ba'i 'bras bu de bzhin du/ /ka ra bI ra'i me tog la/ /me yi las ni rgyas par bya/ /yang na pa la sha yis so/ /gzhong bu gnyis sam bzhi yis so/ /bum pa bzang po lta bu yi//snod chen nang du lnga tshan lnga/ /rin chen gyis bris snying po gzhug /longs spyod phyir ni gter bzung ste/ /'bru dang rin chen phyugs longs spyod/ /zhing dang mdzod dang phyugs lhas su/ /go rims bzhin du shes par bya/ /des ni rnam thos bu bzhin 'gyur/ /oM tA re tut+tA re tu re dzaM b+he mo he swA hA/'phags ma sgrol ma 'gro ba thams cad 'gugs shing phongs pa thams cad sel ma zhes bya ba'i las kyi yan lag longs spyod spel ba'i cho ga'i le'u ste bcu pa rdzogs so// //rje btsun ma 'phags ma sgrol ma la phyag 'tshal lo/ /dngos grub kun gyi rtsa ba ni/ / mnyes las yin phyir de yi thabs/ /dus dang sa phyogs shis rnams su/ /sa yi cho ga legs byas par/ /khru gang phyed dang bzhi dpangs brtsigs/ /dri zhim dkar po byugs byas te/ /kha khyer ut+pal phreng bas bskor/ /dbus su sa bon yi ge'o/ /g.yas dang g.yon du sreg rdzas dang //mchod pa'i rdzas rnams rim gyis dgod/ /ba lang gi'am 'o ma can/ /srog chags med pa'i bud shing ni/ /mar dang spra tshil la sogs pa'i/ /yam shing rnams ni sta gon bya/ /rin chen las byas khru gang ba/ /bzhi dang gnyis dang re re dang / /gcig dang phyed dang rdo rjes mtshan//dgang gzar blugs gzar rdo rje dril/ /rnal 'byor mdun du gzhag par bya/ /rdzas rnams byin gyis brlabs byas la/ /thab rtsig bsrung phyir ku sha dgram/ /rgyun gzhag pa'am bram ze'i me/ /bsags la rlung g.yab kyis sbar bya/ /'bar ba'i ched du gsum gsum mo//thab khung bdag med chu skyes te/ /byin za zhal gcig phyag bzhi dkar/ /dbyug pa skyabs sbyin phreng gun+d+he/ /tshangs sku dar skyes gdan can no/ /me yi mtshams nas rang bzhin dgug /bsang gtor dang ni zhabs bsil dang / /mchod pa rnams kyis mchod nas bstim//bsang gtor byas nas pad+ma yi/ /'dug stangs nang du lag gnyis so/ /bdun dang bdun gsum lan gsum du/ /mar gyi dgang blugs sbyin par bya/ /oM ag+na me A dI bya A dI bya/ a b+hi sa ma ya/ ma hA shrI ye ha bya ka bya/ bA hA nA ya swA hA/ me yi mtshan ma legs brtags te/ /ngan na bgegs bskrad bzlog par bya/ /oM AHbig+h+nAn+ta kr-ita hUM phaT/ zhal dang phyag dang me 'od la/ /yam shing mar dang 'o ma zho/ /til la sogs pa rim pa bzhin/ /bdun nam nyi shu rtsa gcig dbul/ /oM a b+ha ba ga ag+na ye ma ma shAn+tiM ku ru swA hA/de rjes dgang blugs byas nas ni/ /zhabs bsil sbyin la bstod pa dang / /'dod pa'i don ni bslang bar bya/ /'bar ba'i rnam par gyur pa'am/ /de yi snying gar sa bon las/ /'dod pa'i lha ni skyed par byed/ /ye shes bkug la bsang gtor bya/ /zhal bsil ba dang mchod byas nas//gnyis su med par bstim pa yi/ /ngag gi lam la hUM yig steng / /me yi sa bon gyis mtshan ma/ /de la dgang blugs dbul bar bya/ /de nas rdzas rnams rim gyis dbul/ /na mo rat+na tra yA ya/ na ma Ar+ya ba lo ki te shwa rA ya/ bo d+hi satwA ya/ ma hA satwA ya/ ma hA ka ru Ni kA ya/tad+ya thA/ oM tA re tut+tA re tu re ma ma shAn+tiM ku ru swA hA/ dgang blugs phul la bstod pa dang / /bzod par gsol la 'dod pa bslang / /ye shes gshegs la dam tshig bsdu/ /thab khung bsangs la me lha bskyed/ /dgang blugs sngon du 'gro ba yis/ /sreg rdzas lhag ma dbul bar bya/ / dgang blugs byin nas bstod pa dang / /bzod par gsol zhing 'dod pa bslang / /ye shes me lha gshegs byas la/ /dam tshig thab tu mi dmigs so/ /yi ge brgya pas bskang byas nas/ /thab khung bsdus te dben pa dor/ /'di ni zhi ba'i cho ga ste/ /rgyas dang dgug dang mngon spyod kyang //shugs kyis gnas par shes par bya/ /'dis ni mnyes par byed pa ste/ /sdig dang log 'dren zhi ba dang / /dngos grub ma lus kun 'byung ba'i/ /phrin las thams cad mdzad par 'gyur/ /'phags ma sgrol ma bkra shis thams cad sbyin ma zhes bya ba'i las kyi yan lag sbyin sreg gi cho ga'i le'u ste bcu gcig pa rdzogs so// //rje btsun ma 'phags ma sgrol ma la phyag 'tshal lo/ /'bar ba'i me la sbrang ma ltar/ /gang gi stobs kyis gang ldog pa/ /gser mdog nor bu in+d+ra dang / /sbur long 'phags pa rnams kyi gdung / / sa dang mkhris pa chu mu zi/ /'bras bu gsum dang b+h+ri ha ra/ /sbrang rtsi mar dang bdud rtsi lnga/ /dri lnga gu gul sogs sbyar spos/ /shin tu yun ring skyur dang mngar/ /mkhas pas ri lu legs byas la/ /rnal 'byor lha yi ting 'dzin gyis/ /spos des rab tu bdug byas na/ /rang bzhin gyis sam sbad pa yi//gang dag dbang du byas rnams kyang / /rnam par 'jig cing ltung 'gyur te/ /bgegs rigs stong phrag brgyad cu po/ /klad pa rnams ni rab 'gas shing / /lus kyang dum bu dum bu ste/ /mig ljongs yan lag nyams pa dang / /rlung gis nags bzhin g.yo bar 'gyur//sdig pa la sogs srog chags dang / /rims nad la sogs gnod gzhan yang / /gang du dri 'di yod gyur der/ /nam yang gnas pa ma yin no/ /'di ni zhi bsrung skrod pa ste/ /gal te gsad par 'dod gyur na/ /drag po'i rdzas las byas pa yi/ /gzugs brnyan la ni bdug pa dang //rtsub mo'i shing las byung ba'i mes/ /shes pa rten dang phral nas ni/ /ling+ga gtubs nas bsreg bya ste/ /gang yin ming smos de 'og tu/ /de la las sbyor byed pa yin/ /yi ge bris nas rab tu brtsam/ /bsnyen pa gsang sngags brgyad stong ste/ /las la brgya dang brgyad du gsungs//oM tA re tut+tA re tu re badzra d+harmA d+hA hU/ /spo Ta ya b+hasmi ku ru hUM phaT swA hA/ 'phags ma sgrol ma yongs su smin par byed pa zhes bya pa'i las kyi yan lag 'byung po bzlog pa'i le'u ste bcu gnyis pa rdzogs so// //rje btsun ma 'phags ma sgrol ma la phyag 'tshal lo//rnal 'byor byang chub bsgrub pa la/ /'khor los bsrung ba'i thabs gsungs pa/ /shin tu dkar zhing 'jam pa yi/ /dar la dri zhim byug par bya/ /dbus su pad+ma'i ze 'bru la/ /oM dang swA hAs mtha' brten pa/ /'dab brgyad la ni lhag ma'o/ /de yi mtha' yig rten 'brel can//de nas sna tshogs rdo rje ni/ /rigs lnga'i snying pos brgyan pa'o/ /A li kA li rim pa bzhin/ /mu khyud gnyis la dgod par bya/ /mthar byed sngags dang ral gri yi/ /ra ba phyi rol gnyis la dgod/ /de nas 'bar ba'i ra ba ste/ /rab tu shis pa'i snag tshas bya//de nas ye shes 'khor lo dgug /mchod cing cho ga'i yan lag rnams/ /rdzogs par byas la bsnyen pa bskyal/ /mi dmigs 'khor lo'i rang bzhin te/ /bar chad bsrung phyir gdags par bya/ /gang la bsrung ba 'dis brgyan pa/ /rdo rje rin chen lta bu ste//de la bar chad gang gis kyang / /nam yang tshugs pa ma yin no/ /'phags ma sgrol ma 'gugs pa'i khro mo zhes bya ba'i las kyi yan lag bsrung ba'i 'khor lo zhes bya ba'i le'u ste bcu gsum pa rdzogs so// //rje btsun ma 'phags ma sgrol ma la phyag 'tshal lo//bgegs dang yams nad zhi ba dang / /tshe dang bsod nams 'phel ba'i phyir/ /chu 'gram shing drung bzhi mdo'am/ /khang stong la sogs dben par bsdad/ /dkyil 'khor gru bzhi lham par bya/ /sna tshogs pad+ma lnga yi dbus/ /nyes pas ma gos bum pa bzang //cho ga ldan pas bcud rgyan bcas/ /phyi rol rdo rje'i ra bas mdzes/ /phyogs skyong 'jig rten dbang phyug dang / /bkra shis rtags kyis mdzes par bya/ /sgo ni lho'am nub tu gdod/ /mda' dang me long ral gri dang / /rma bya tshon skud dag kyang ste/ /gdugs dang bla re ba dan dang //me tog phreng ba sogs dgram bya/ /mchod dang gtor ma rgya cher bsham/ /rje btsun ma yi rnal 'byor gyis/ /de las rin chen khang brtsegs te/ /nang du bdud rtsi'i rgya mtsho'i steng / /sa bon las ni bcom ldan ma/ /cho ga gsum gyis bskyed par bya/ /de las ye shes sems dpa' gzhug /mchod dang bstod pa byas nas ni/ /'dod pa'i don yang gsol ba btab/ /de nas lan grangs brgya stong snyed/ /bsnyen pa rdzogs byas g.yas skor byas/ /de nyid de la thim gyur te/ /de yi yid du mi 'ong ba/ /ba spu'i khung sogs las 'thon par//dmigs pa'i tshul gyis khrus byas te/ /rma byas byab cing bkra shis gdon/ /nad pa la ni logs su ste/ /gos bcas bkrus nas dor bar byas/ /lhag ma la ni lhar bskyed de/ /mchod dang bstod dang 'dod pa'i don/ /gsol ba btab la bzod par gsol/ / de nas gshegs su gsol bar bya/ /'jig rten skyong sogs de bzhin no/ /de nas dkyil 'khor legs par bsdu/ /dben par dor la bskang ba bya/ /'dis ni bkra shis thams cad sbyin/ /yid du mi 'ong sel bar byed/ /gang yang mi 'byung med pa'i phyir/ /rnal 'byor pa yis rtag tu bya//na mo rat+na tra yA ya/ na ma Ar+yA ba lo ki te shwa rA ya/ /bid+hi satwA ya/ ma hA satwA ya/ ma hA kA ru Ni kA ya/ oM tA re tut+tA re tu re/ sarba gra he/ sarba byA d+hi/ sarba dz+wa re/ sarba bIr+ya/ sarba dur swAb ni b+h+yaHsarba pA paM pra sha ma na ye swA hA/ 'phags ma sgrol ma zhi ba chen mo zhes bya ba'i las kyi yan lag khrus kyi cho ga'i le'u ste bcu bzhi pa rdzogs so// //rje btsun ma 'phags ma sgrol ma la phyag 'tshal lo/ /'khor ba'i rtsa ba rmongs pa ste/ /de bsal bya phyir shes rab bskyed/ /thugs rje chen po'i rang bzhin sku/ /gcig tu phan mdzad dngos grub ste//ngag gi dbang phyug zhi phra ma/ /bdag bsam g.yas g.yon mdun rgyab tu/ /yid gzhungs dran pa shes rab dang / /blo yi rang bzhin lha mo bzhi/ /snga ma lta bur bsgom par bya/ /srid pa'i 'khor lo zla ba'i dbus/ /rnam snang las byung dag rang bzhin//rgyun mi 'chad 'byung de dbus gnas/ /mi smra'i sbyor bas gsang sngags bzlas/ /'o ma gser mdog tsha ba gsum/ /pad+ma shu dag rgyam tsha la/ /lan bdun bzlas pas bcom ldan 'grub/ /'o ma bre bzhi srang gcig sman/ /mar bre gang sbyar me la gdu/ /zla ba gcig gis lan med cing //drug gis mngon sum mthong bar 'gyur/ /shu dag shing mngar sen+d+ha ba/ /gser mdog dong gra la la phud/ /zi ra ru rta pi pi ling / /lan bdun bzlas nas zos gyur na/ /zla ba drug dang gsum dang gcig /go rims bzhin du thos 'dzin cing / /sa bdag nyid dang blo ldan zhing //tshangs pa'i nga ro thob par 'gyur/ /gangs las skyes pa'i gser mdog dang / /shu dag tho rangs lan bdun bzlas/ /zla ba gcig bsten de nyid du/ /bdag nyid yid gzhungs dbyangs snyan cing / /shes rab ldan de zla drug gis/ / ngag gi dbang phyug rang bzhin thob/ /oM tA re tut+tA re tu re hrI ma hA ma yaM ge ma hA swA ras t+yai nAM ma ma pra kr-i t+ya ba ri shud+d+ha sarba d+harma pra kr-i ta pa ri shud+d+hou0f85haM sa pa spya a pa yan+ta ra swA hA/ 'phags ma sgrol ma chags pa thams cad 'joms ma zhes bya ba'i las kyi yan lag blo 'phel bar byed pa'i cho ga'i le'u ste bco lnga pa rdzogs so// //rje btsun ma 'phags ma sgrol ma la phyag 'tshal lo/ /rnal 'byor bar chad bsrung ba'i phyir/ /dben pa'i phyogs su chag chag dang / /maN+Dal gnyis dang mchod sogs gnyis/ /bsham bya rje btsun rten yang gzhag /stan bde la gnas sems can la//snying rje che bskyed 'di rnams ni/ /rje btsun gnas dgod dam bcas nas/ /de yi gtor ma gtang bar bya/ /de nas snying ga'i 'od zer gyis/ /thun mong khyad par spyan drangs te/ /mchod pa cha res mchod par bya/ /de nas bdag gi spyi bor a/ /de las zla ba de steng tAM//gsum po yongs su gyur pa las/ /rje btsun zhal gcig phyag gnyis ma/ /mi 'jigs ut+pal g.yas dang g.yon/ /sna tshogs rin chen rgyan gyis brgyan/ /mgul chings gdu bu do shal can/ /sku gsung thugs mtshan ye shes sems/ /skye mched rnam dag dbu rgyan mdzes//phyag gi bdud rtsis bdag rgyas par/ /bsam zhing gsang sngags gdon par bya/ /phyi yi phyag rgya rdzas kyis bsdu/ /nang gi nang du bsdu bya'i tshe/ /bsgrub bya bsdus shing tshim par bsam/ /de nas gtor ma cig shos btang / /'gro ba'i phyogs su bcom ldan ma//zhal bzangs bdag la gzigs par bsam/ /de nas bstod dang bzlas pa bya/ /des ni 'jigs pa kun skyob 'gyur/ /oM na ma Ar+yA ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ oM tA re tut+tA re tu re sarba duSh+TAn/ pra duSh+TAn ma ma kr-i te/dzaM b+ha ya/ staM b+ha ya/ mo ha ya/ ban+d+ha ya/ hUM hUM hUM/ phaT phaT phaT/ sarba duSh+TAn staM b+ha ni tA re swA hA/ 'phags ma sgrol ma bde ba thams cad bsgrub pa'i lam gyi yan lag chom rkun bcing ba'i cho ga'i le'u ste bcu drug pa rdzogs so// //rje btsun ma 'phags ma sgrol ma la phyag 'tshal lo//bag med la sogs mi rnams la/ /gdug pa'i yid ldan dud 'gro'i rigs/ /yid dang bltas dang 'tshe ba dang / /rig pa'i sgo nas 'tshe bar byed/ /grog po phug dog mo yi sgor/ /lha khang 'dam rdzab mi sdug gzugs/ /ri gzar 'dzeg dang dud 'gros 'tshe//mtsho 'gram 'dug sogs gnod pa'i rtags/ /glu la dga' dang nub mo na/ /yan lag mi bde lus lci zhing / /shu ba g.yan pa bas ldag dang / /'brum bu la sogs thebs par 'gyur/ /mi dga' ba dang za 'phrug dang / /sha mdog nyams dang me ris dang / /res 'ga' chu grang blugs bzhin dang //bas ldag sha bkra 'byung ba yin/ /sha 'phrig sbrid dang bems por 'dug /mig ni tsha zhing zlum pa dang / /smin ma la sogs byi 'gyur te/ /lag sor skam por gyur pa'o/ /lus la dri nga 'byung 'gyur zhing / /chu bur dang ni nya lgang can/ /rnag dang chu ser rul dri mnam//ro stod dag kyang zug par 'gyur/ /phyi yi sha skam mdog 'chor zhing / /sha yi mdangs med zug dang bcas/ /gos kyang mdangs dang bral 'gyur te/ /glog pa char yag ma bzhin no/ /de dag bsrung bar bya ba'i phyir/ /lha yi sbyor bas gnas pa yis//gu gul gla rtsi shu dag dang / /ru rta btsan dug shing kun dang / /da lis rnams la gsang sngags che/ /'bum phrag gsum bsnyen byas pa yis/ /de bsrung gla rtsi mi bskyod sbyor/ /gnas lngar byug cing bkru bar bya/ /'di ni sbyor ba zab mo ste/ /mi la ri dgas ji bzhin du//gang la bsrung ba 'dis brgyan pa/ /de la sdang ldan 'bros par 'gyur/ /gnyis pa la ni shu dag dang / /gla rtsi ru rta gu gul dang / /mu zi ro ras rgya tshil dang / /shi ba'i dri chen phag pa'i bcud/ /sgog skya dang ni ma du dang / /mi yi bcud dang rus pa'i phye/ /mi bcud kyis bsdus ri lu ste//snga ma nyis 'gyur bsnyen pa yis/ /dbang po'i sgo rnams bdug bya ste/ /nyi ma'i 'od la mun pa bzhin/ /dug can rnams ni nam du yang / /'ong bar nus pa ma yin no/ /gsum pa la ni sum 'gyur te/ /gong ma'i rdzas kyi sbyor ba dang / / klu yi dug dang bdud rtsi bsten/ /'bar ba'i me yis nags tshal bzhin/ /des gzhan nad rnams 'tshig par 'gyur/ /bzhi pa la ni bya ba ste/ /gong ma'i rdzas kyi sbyor ba dang / /klu yi dug dang rnam rgyal bsten/ /rtsa mig dag kyang bsal bar bya/ /nyi mas gangs bzhin de 'joms so//lnga pa la yang de bzhin te/ /khyad par du ni a ru ra/ /dri chu gla rtsi bsten par bya/ /rdo rje yis ni rin chen bzhin/ /thogs pa med par 'jig par 'gyur/ /oM tA re tut+tA re tu re ku ru kul+le/ sarba sha trUM bak+Sha ya bak+Sha ya/ hUM hUM nA ga staM b+ha ya/ mo ha ya/ ban+d+ha ya/ yaM raM khaM suM ne ra la ne hUM hUM phaT phaT swA hA/ rje btsun 'phags ma sgrol ma rnam par rgyal ma zhes bya ba'i las kyi yan lag klu nad gso ba'i cho ga'i le'u ste bcu bdun pa rdzogs so// //rje btsun ma 'phags ma sgrol ma la phyag 'tshal lo/ /mi yi dbang po la sogs pas//shin tu dam par bsdams pa rnams/ /rab tu thar bar bya ba'i phyir/ /ba lang lci bas dkyil 'khor bya/ /dbus su phyag mtshan sa bon bcas/ /de la de nyid spyan drangs la/ /mchod pa sngon du 'gro ba yis/ /dang po bsnyen pa rdzogs par bya/ /de nas sbyor gzhan rab spangs te//bcom ldan mchod nas brgya phrag brgyad/ /gsol ba'i mchod pa dang bcas pas/ /legs par bzlas na grol bar 'gyur/ /na mo rat+na tra yA ya/ na ma Ar+yA ba lo ki te shwa rA ya/ bo d+hi satwA ya/ mahA satwA ya/ ma hA kA ru Ni kA ya/ tad+ya thA/ ri dzu kad+harmi/nir ya te/ tA re tA rA ya/ b+ha ga ba ti tut+tA re/ b+h+ra ma b+h+ra ma/ mo tsa ne tu re swA hA/ 'phags ma sgrol ma sdug bsngal thams cad sel ba'i las kyi yan lag khri mon las thar bar byed pa'i cho ga'i le'u ste bco brgyad pa rdzogs so// //rje btsun ma 'phags ma sgrol ma la phyag 'tshal lo//gang gis gang la rab bsngags pa/ /dngos grub de nyid bsgrub pa'i phyir/ /mig dang lce dang mkhris pa rnams/ /rin chen ga'u'i nang du gzhug /bdud rtsi 'khyil pas bsrung byas nas/ /'grub par byed pa'i bsnyen pa brtsam/ /chog par shes nas pad rtsar sba//dag pa'i mig las dben par 'gyur/ /na mo rat+na tra yA ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ oM tA re tA re tA ra dza yA/ dza ye dza ye/ tut+tA re dza ya/ b+ha ye tu re swA hA/ 'phags ma sgrol ma dngos grub thams cad ster bar byed ma zhes bya ba'i las kyi yan lag mi snang ba'i cho ga'i le'u ste bcu dgu pa rdzogs so// //rje btsun ma 'phags ma sgrol ma la phyag 'tshal lo/ /mthong ba'i chos la 'og min du/ /'phags rnams spyod yul dang gcig cing / / yid kyi shugs kyis skyong byed pa/ /zangs dang lcags dang gser dag las/ /'bar ba'i ral gri byas nas su/ /yu ba gzhung dang go rims bzhin/ /gnyis dang bcu gcig sor du ldan/ /A li kA li g.yas g.yon te/ /yi ge bcu pa dbus su'o/ /gnas skabs gsum du sku sogs gsum//sgra dang me stag 'od 'phro ba/ /rab 'bring rtags dang ldan pa las/ /chags med yid kyis bskyod byas te/ /'dab gshog rgyas pa'i bya bzhin du/ /gang dang gang du bsam pa yi/ /zhing khams dag tu 'dod pa'i don/ /thams cad de yi dbang du gyur/ /oM tA re tut+tA re tu re a mo g+ha sid+d+hi/khang+ge pra srid d+hi/ lo ka A lo kA/ tiSh+Tha rat+na tsa la tsa la/ hUM hUM baM baM a ti swA hA/ 'phags ma sgrol ma yongs su rdzogs par byed pa zhes bya ba'i las kyi yan lag mchog bsgrub pa'i le'u ste nyi shu pa rdzogs so// //rje btsun ma 'phags ma sgrol ma la phyag 'tshal lo//gser brtsegs rab mdzes snod dag tu/ /'o ma mar dang sran chan dang / /la phug mngar dang me tog spos/ /dge ba'i chu dang chang la sogs/ /sku gsung thugs kyi yi ge yis/ /sbyangs nas 'byung po rnams la sbyin/ /oM a kA ro mu khaM sarba d+harmA NAM/ Ad nut+pan na twAta oM AHhUM phaT swA hA/ gtor ma'i cho ga'i le'u ste nyi shu rtsa gcig pa rdzogs so// //rje btsun ma 'phags ma sgrol ma la phyag 'tshal lo/ /mtsho'am khron pa 'bab chu gtsang / /bcom ldan mchog sbyin bdud rtsi yis/ /gdung bral 'phags pa'i rang bzhin du//bsgyur nas gsang sngags rgyal po ni/ /bdun phrag gsum gyis yi dags rnams/ /rab tu tshim pa'i cho ga bya/ /oM tA re tut+tA re tu re sarba pre te b+h+yaHswA hA/ chu sbyin pa'i cho ga'i le'u ste nyi shu rtsa gnyis pa rdzogs so// //rje btsun ma 'phags ma sgrol ma la phyag 'tshal lo//dri zhim dkar ba'i sa rnams la/ /rigs lngar sbyangs nas de'i rang bzhin/ /de las mchod rten gdab byas la/ /de dag gnas su dam tshig ste/ /de la ye shes de dbang bskur/ /de la byin brlab de nas mchod/ /rab tu gnas byas de nas ni//dge ba'i gnas su bzhugs par bya/ /oM tA re tut+tA re tu re sarba ta thA ga ta hr-i da ya a d+hiSh+Tha na a d+hiSh+Thi te swA hA/ tsha tsha gdab pa'i cho ga'i le'u ste nyi shu rtsa gsum pa rdzogs so// //rje btsun ma 'phags ma sgrol ma la phyag 'tshal lo/ /gso sbyong dag la gnas pa yis/ / ka ti ka yi thal ba la/ /stong phrag bcu yi bsnyen pa bya/ /chu shel spyod yul yar ngo la/ /dri dbang phyed g.yas seng ge'i tshul/ /rtse gcig 'dod pa'i don rnams te/ /'dod pa'i lha dang dus gsum gyis/ /skye ba'i gnas rnams ston par mdzad/ /oM tA re tut+tA re tu re tad+ya thA/oM mug shi ri pra ma dan+te khargo ya sha//sho ma d+ha ra tsa ra phye ma hA ni swA hA/ dus gsum brtag pa'i cho ga'i le'u ste nyi shu rtsa bzhi pa rdzogs so// //rje btsun ma 'phags ma sgrol ma la phyag 'tshal lo/ /sbrum ma dang ni mgo mjug log /mo gsham bu ni skyed byed dang / / sri'u bsrung dang 'byung po bzlog /las gang byed pa'i lhar gyur bya/ /dang po go ro tsa na dang / /yung ba ba bla'i ri lu las/ /snag tsha byas la sngags bris la/ /bdud rtsi lnga dang 'bru sna lnga/ /rin chen lnga dang sman sna lnga/ /bum par bcug la gsang sngags 'di/ /nyi shu rtsa gcig bzlas byin brlab//sngags chus nam phyed yol ba'i dus/ /mchod pa byas la sbrum ma des/ /khrus byas bde bar btsa' zhing 'byung / /gnyis pa mar dag lag mthil du/ /bzhag la gsang sngags nyi shu gcig /bzlas la mgo lus b+ha gar byug /de ltar byas na bde bar skye//gsum pa bo d+hi tse yi 'brum/ /phye ma dag dang ba dmar ser/ /'o ma bsres la bum par blugs/ /gsang sngags nyi shu rtsa gcig bzlas/ /zla mtshan byung dus tha ma'i tshe/ /blud na bu dag myur du skye/ /bzhi pa 'phral skyes byis pa de/ /khrus byas bde bar 'tsho bar 'gyur//lnga pa gsang sngags de nyid kyis/ /yungs kar nyi shu gcig bsngags nas/ /gdong du brabs na 'byung po ldog /oM tA re ni ta rA ya/ oM mo tsa ni mo tsa ya/ oM mo k+Sha ni mok+Sha ya dzi ba bar b+hi swA hA/ bskyed cing bsrung ba la sogs pa'i cho ga'i le'u ste nyi shu rtsa lnga pa rdzogs so// //bde gshegs bskyed mdzad rje btsun gyi/ /rnal 'byor byang chub yan lag bzang / /thabs kyi khyad par mdor bsdus pa/ /zhi ba la sogs las bzhi'i tshul/ /bdag gzhan don du sgrub byed pa/ /thugs rje chu skyes las byung ba'i/ sbrang rtsi 'di ni bdag gis gzhibs//'gro la phan phyir 'dir bkod do/ /de las byung ba'i dge ba yis/ /'gro ba ma lus byang chub che/ /sku gsum rang bzhin mthar phyin pa/ /myur ba nyid du thob par shog /rje btsun ma 'phags ma sgrol ma'i sgrub thabs nyi shu rtsa gcig pa'i las kyi yan lag dang bcas pa mdor bsdus pa zhes bya ba/kha che'i slob dpon nyi ma sbas pa zhes bya bas mdzad pa rdzogs so// //rgya gar gyi mkhan po many+dzu shrI dang / bod kyi lo tsA ba mal gyo blo gros grags pas bi kra ma shI la'i gtsug lag khang chen po de nyid du bsgyur cing zhus te gtan la phab pa'o// //