CLOSE WINDOW

D1685
བོད་ཡིག

/thugs rje chen po 'phags ma sgrol ma'i sgrub thabs spyi'i mngon par rtogs pa zhes bya ba/ slob dpon 'phags pa klu sgrub kyis mdzad pa rdzogs so// @##/ /rgya gar skad du/ tA re de bi sto traM e ka bi shaM ti ka sA d+ha naM nA ma/ bod skad du/ lha mo sgrol ma'i bstod pa nyi shu rtsa gcig pa'i sgrub thabs zhes bya ba/rje btsun 'phags ma sgrol ma la phyag 'tshal lo/ /phyag 'tshal sgrol ma myur ma dpa' mo/ /spyan ni skad cig glog dang 'dra ma/ /'jig rten gsum mgon chu skyes zhal gyi/ /ge sar bye ba las ni byung ma/ /de la dang por re zhig bcom ldan 'das ma sgrol ma nam mkha'i dkyil na pad+ma dmar po'i steng na bzhugs pa sku mdog dmar mo me lta bu'i 'od 'phro ba can/zhal gcig la spyan gnyis ma phyag brgyad pa'o/ /phyag dang po gnyis sgrog par bzhengs pa'i rab tu dga' ba'i phyag rgya dang ldan pa'o//de'i 'og ma gnyis kyis mda' dang gzhu gzhan la 'phen pa thugs kar bkang ba/ g.yas kyi gsum pa na 'khor lo/ bzhi pa na ral gri/ g.yon gyi gsum pa na dung / bzhi pa na zhags pa bsnams pa/ rgyan thams cad kyis brgyan pa'o/ /'phags ma sgrol ma myur zhing rab tu dpa' ba zhes bya ba'i sgrub thabs le'u dang po rdzogs so// //phyag 'tshal ston ka'i zla ba kun tu/ /gang ba brgya ni brtsegs pa'i zhal ma/ /skar ma stong phrag tshogs pa rnams kyis/ /rab tu phye ba'i 'od rab 'bar ma/ /de la dang por re zhig ston ka'i zla ba ltar dkar ba'i sgrol ma dkar mo zhal gsum phyag bcu gnyis ma/zhal gsum ni rtsa zhal dkar ba/ g.yas sngo zhing g.yon ser ba'o/ /phyag dang po gnyis mnyam par gzhag pa/ g.yas gnyis pa kha T+wAM ga /gsum pa na 'khor lo/ bzhi pa na rin po che/lnga pa na rdo rje/ drug pa na me tog gi phreng ba'o/ /g.yon gyi gnyis pa na ril ba spyi blugs/ gsum pa na ut+pa la/ bzhi pa na dril bu/ lnga pa na bum pa/ drug pa na po ti bsnams pa'o/ /'phags ma sgrol ma ston ka'i zla ba ltar dkar ba zhes bya ba'i sgrub thabs le'u gnyis pa rdzogs so// //phyag 'tshal gser sngo chu nas skyes kyi/ /pad+mas phyag ni rnam par brgyan ma/ /sbyin pa brtson 'grus dka' thub zhi ba/ /bzod pa bsam gtan spyod yul nyid ma/ /rje btsun ma sgrol ma gser gyi mdog can zhal gcig phyag bcu ma/sna tshogs pad+ma'i steng gi nyi ma la gnas ma/ phyag g.yas kyi dang po na phreng ba thugs kar 'dzin pa/ gnyis pa na ral gri/ gsum pa na mda' 'phen par mdzad pa/ bzhi pa na rdo rje/ lnga pa na dbyu gu'o/ /g.yon gyi dang po na dar dpyangs/ gnyis pa na zhags pa/ gsum pa na pad+ma/ bzhi pa na dril bu/ lnga pa na gzhu bsnams pa'o/ /de yang rdo rje skyil krung gis bzhugs pa'o/ /'phags ma sgrol ma gser mdog can gyi sgrub thabs zhes bya ba'i le'u gsum pa rdzogs so// //phyag 'tshal de bzhin gshegs pa'i gtsug tor//mtha' yas rnam par rgyal bar spyod ma/ /ma lus pha rol phyin pa thob pa'i/ /rgyal ba'i sras kyis shin tu brtan ma/ /pad+ma ser po dang zla ba'i dkyil na sems dpa'i skyil mo krung gis brtan par bzhugs pa'i rje btsun ma gser gyi mdog can/ zhal gcig phyag bzhi ma/ g.yas dang po mchog sbyin pa/ gnyis pa na phreng ba/ g.yon dang po na ril ba spyi blugs/ gnyis pa na dbyu gu bsnams pa'o/ /'phags ma sgrol ma de bzhin gshegs pa'i gtsug tor rnam par rgyal ma zhes bya ba'i sgrub thabs kyi le'u ste bzhi pa rdzogs so// // phyag 'tshal tut+tA re hUM yi ges/ /'dod dang phyogs dang nam mkha' gang ma/ /'jig rten gsum po zhabs kyis mnan te/ /lus pa med par 'gugs par nus ma/ /rje btsun ma sku mdog ser mo/ zla ba'i gdan la rdo rje skyil mo krung gis bzhugs pa/ zhal gcig phyag gnyis ma/g.yas skyabs sbyin pa/ g.yon pad+ma ser po bsnams pa'o/ /'phags ma sgrol ma hUM gi sgra rab tu sgrogs ma zhes bya ba'i sgrub thabs kyi le'u ste lnga pa rdzogs so// //phyag 'tshal brgya byin me lha tshangs pa/ /rlung lha sna tshogs dbang phyug mchod ma/ /'byung po ro langs dri za rnams dang //gnod sbyin tshogs kyis mdun nas bstod ma/ /rje btsun ma dmar mo/ pad+ma dmar po dang nyi ma'i gdan la sems dpa'i skyil mo krung gis bzhugs pa/ zhal gcig phyag bzhi ma/ g.yas kyi dang po rdo rje/ gnyis pa ral gri/ g.yon gyi dang po sdigs mdzub/gnyis pa na zhags pa bsnams pa'o/ /'phags ma sgrol ma 'jig rten gsum las rnam par rgyal ma zhes bya ba'i sgrub thabs kyi le'u ste drug pa rdzogs so// //phyag 'tshal traT ces bya dang phaT kyis/ /pha rol 'khrul 'khor rab tu 'joms ma/ /g.yas bskum g.yon brkyang zhabs kyis mnan te//me 'bar 'khrug pa shin tu 'bar ma/ /rje btsun ma nag mo/ pad+ma ser po dang nyi ma'i dkyil 'khor la g.yon brkyang bas bzhugs pa/ na bza' ser po mnabs pa/ rin po che'i cod pan can/ rkang gdub la sogs pa dang ldan pa/ zhal gcig phyag bzhi ma dbu skra gyen du brdzes shing sbrul gyis brgyan pa/ g.yas dang po na 'khor lo/ gnyis pa na ral gri/ g.yon dang po skye gnas kyi steng na zhags pa bsnams pa/ gnyis pa brkyang ste sdigs mdzub mdzad pa'o/ /'phags ma sgrol ma gzhan 'joms ma zhes bya ba'i sgrub thabs kyi le'u ste bdun pa rdzogs so// //phyag 'tshal tu res 'jigs pa chen mo/ /bdud kyi dpa' bo rnam par 'joms ma/ /chu skyes zhal ni khro gnyer ldan mdzad/ /dgra bo thams cad ma lus gsod ma/ /rje btsun ma gser gyi mdog can zhal gcig phyag bzhi ma/pad+ma dmar po dang zla ba'i steng na chu srin la skyil mo krung phyed pas bzhugs pa/ g.yas dang po na shing mya ngan med pa'i yal ga bzung ba/ gnyis pa na rin po che bsnams shing mchog stsol ba/ g.yon dang po na pad+ma/ gnyis pa na bum pa bsnams pa'o//'phags ma sgrol ma bdud thams cad 'joms shing / dbang mchog ster bar byed pa zhes bya ba'i sgrub thabs kyi le'u ste brgyad pa rdzogs so// //phyag 'tshal dkon mchog gsum mtshon phyag rgya'i/ /sor mos thugs kar rnam par brgyan ma//ma lus phyogs kyi 'khor los brgyan pa'i/ /rang gi 'od kyi tshogs rnams 'khrugs ma/ /rje btsun ma pad+ma rA ga'i mdog can/ pad+ma dmar po dang zla ba'i steng na bzhugs pa/ zhal gcig phyag bzhi ma/ rgyan thams cad kyis brgyan ma/ phyag dang po gnyis rab tu dga' bar byed pa'i phyag rgya ste/dang po'i phyag rgya lta bu'o/ /g.yas gnyis pas gar byed pa/ g.yon gnyis pa shing mya ngan med pa'i yal ga 'dzin pa'i phyag gis sems can thams cad la rin po che'i char rgyun 'bebs par mdzad pa'o/ /'phags ma sgrol ma mchog stsol ba zhes bya ba'i sgrub thabs kyi le'u ste dgu pa rdzogs so// //phyag 'tshal rab tu dga' bas brjid pa'i/ /dbu rgyan 'od kyi phreng bas spel ma/ /bzhad pa rab bzhad tut+tA re yis/ /bdud dang 'jig rten dbang du mdzad ma/ /rje btsun ma dmar mo pad+ma dmar po zla ba'i steng na rol pas bzhugs pa/zhal gcig phyag bzhi pa/ phyag dang po gnyis spyi bor rab tu dga' ba'i phyag rgya bcings pa/ g.yas gnyis pa na ral gri'i phyag rgya dang ldan pa/ g.yon gnyis pa na shing mya ngan med pa'i yal ga bzung ba'o/ /'phags ma sgrol ma mya ngan thams cad sel bar byed pa zhes bya ba'i sgrub thabs kyi le'u ste bcu pa rdzogs so// //phyag 'tshal sa gzhi skyong ba'i tshogs rnams/ /thams cad 'gugs par nus pa nyid ma/ /khro gnyer g.yo ba'i yi ge hUM gis/ /phongs pa thams cad rnam par sgrol ma/ / rje btsun ma mun pa'i mdog can nyi ma'i dkyil 'khor gyi steng na pad+ma la zhabs g.yas brkyang pa'i rol pas bzhugs pa/ zhal gcig phyag gnyis ma/ phyogs mtshams brgyad nas gza' brgyad g.yas na bsnams pa'i lcags kyus 'gugs pa/ phyag g.yon pas rol pa'i zhags pa bsnams pa'o//'phags ma sgrol ma 'gro ba thams cad 'gugs shing phongs pa thams cad sel ba zhes bya ba'i sgrub thabs kyi le'u ste bcu gcig pa rdzogs so// //phyag 'tshal zla ba'i dum bus dbu brgyan/ /brgyan pa thams cad shin tu 'bar ma/ / ral pa'i khrod nas 'od dpag med las/ /rtag par shin tu 'od ni mdzad ma/ /rje btsun ma 'phags ma gser gyi mdog can/ sna tshogs pad+ma'i steng na zla ba'i dkyil 'khor la rdo rje skyil mo krung gis bzhugs pa/ zhal gcig phyag brgyad ma/ g.yas dang po na rtse gsum pa/ gnyis pa na lcags kyu/ gsum pa na rdo rje/ bzhi pa na ral gri/ g.yon dang po na rin po che thugs kar bsnams pa/ gnyis pas lcags kyu/ gsum pas dbyu gu/ bzhi pas bum pa bsnams pa'o/ /'phags ma sgrol ma bkra shis thams cad sbyin pa zhes bya ba'i sgrub thabs kyi le'u ste bcu gnyis pa rdzogs so// //phyag 'tshal bskal pa'i mtha' ma'i me ltar/ /'bar ba'i phreng ba'i dbus na gnas ma/ /g.yas brkyang g.yon bskum kun nas bskor dga'i/ /dgra yi dpung ni rnam par 'joms ma/ /rje btsun ma dmar mo pad+ma dmar po'i steng du nyi ma'i dkyil 'khor 'od zer dang bcas pa la g.yas brkyang bas gnas pa/zhal gcig phyag bzhi ma/ smin ma dang mchu gyen du rtsol bas lta ba/ g.yas dang po na ral gri/ gnyis pa na mda'/ g.yon dang po na 'khor lo/ / gnyis pa na gzhu bsnams pa'o/ /'phags ma sgrol ma yongs su smin par byed pa zhes bya ba'i sgrub thabs kyi le'u ste bcu gsum pa rdzogs so// //phyag 'tshal sa gzhi'i ngos la phyag gi/ /mthil gyis bsnun cing zhabs kyis brdung ma/ khro gnyer can mdzad yi ge hUM gis//rim pa bdun po rnams ni 'gems ma/ /rje btsun ma sku mdog nag mo nyi ma'i dkyil 'khor gyi steng na pad+ma dmar ser la g.yas brkyang ba'i gar gyis yi dags mnan cing bzhugs pa/ zhal gsum la spyan gsum mnga' ba'i rtsa ba'i zhal nag po/ g.yas dkar ba/g.yon dmar ba/ phyag drug pa khro gnyer dang ldan zhing zhal dang smin ma bsdus pa can/ mi'i rgyu ma zhal du gsol zhing mi mgo'i cod pan can/ thod pa'i do shal dang ldan pa/ stag gi pags pa'i sham thabs mnabs pa/ sbrul brgyad kyis brgyan pa/ phyogs dang mtshams bzhir myu gu 'dzin pa/ phyag g.yas dang po ral gri/ gnyis pa lcags kyu/ gsum pa dbyu gu/ g.yon dang po khrag gis bkang ba'i thod pa/ gnyis pa na zhags pa/ gsum pa na mgo bo bsnams pa'o/ /'phags ma sgrol ma 'gugs pa'i khro mo zhes bya ba'i sgrub thabs kyi le'u ste bcu bzhi pa rdzogs so// //phyag 'tshal bde ma dge ma zhi ma/ /mya ngan 'das zhi spyod yul nyid ma/ /swA hA oM dang yang dag ldan ma/ /sdig pa chen mo 'joms pa nyid ma/ /rje btsun ma dkar mo zhal gcig phyag drug ma/ pad+ma dkar po'i steng na zla ba la rdo rje skyil mo krung gis bzhugs pa/ g.yas dang pos phreng ba thugs kar bsnams pa/ gnyis pa mchog sbyin/ gsum pa dbyu gu/ g.yon dang po na pad+ma/ gnyis pa na ril ba spyi blugs/ gsum pa po ti bsnams pa'o/ /'phags ma sgrol ma zhi ba chen mo zhes bya ba'i sgrub thabs kyi le'u ste bco lnga pa rdzogs so// //phyag 'tshal kun nas bskor rab dga' ba'i/ /dgra yi lus ni rab tu 'gems ma/ /yi ge bcu po'i ngag ni bkod pa'i/ /rig pa hUM las sgrol ma nyid ma/ /rje btsun ma dmar mo zhal gcig spyan gsum ma/phyag gnyis ma/ pad+ma dmar ser gyi steng na nyi ma'i dkyil 'khor la sems dpa'i skyil mo krung gis bzhugs pa/ g.yas thugs kar rtse gsum pa bsnams pa/ g.yon snying po dang bcas pa'i phyag rgya dang ldan pa'o/ /'phags ma sgrol ma chags pa 'joms ma zhes bya ba'i sgrub thabs kyi le'u ste bcu drug pa rdzogs so// //phyag 'tshal tu re zhabs ni brdabs pas/ /hUM yig rnam pa'i sa bon nyid ma/ /ri rab man+da ra dang 'bigs byed/ /'jig rten gsum rnams g.yo ba nyid ma/ /rje btsun ma sku mdog dmar ser/zhal gcig phyag gnyis ma/ pad+ma dkar po'i steng na nyi ma'i dkyil 'khor la sems dpa'i skyil mo krung gis bzhugs pa/ phyag gnyis kyis thugs kar zla ba'i dkyil 'khor bsnams pa'o/ /'phags ma sgrol ma bde ba thams cad sgrub pa zhes bya ba'i sgrub thabs kyi le'u ste bcu bdun pa rdzogs so// //phyag 'tshal lha yi mtsho yi rnam pa'i/ /ri dgas rtags can phyag na bsnams ma/ /tA ra gnyis brjod phaT kyi yi ges/ /dug rnams ma lus par ni sel ma/ /rje btsun ma dkar mo zhal gcig phyag bzhi ma/ pad+ma dkar po dang zla ba'i gdan la ngang pa'i steng na sems dpa'i skyil mo krung gis bzhugs pa/phyag dang po gnyis dga' ba'i phyag rgya dang ldan pa/ g.yas gnyis pas mchog sbyin pa/ g.yon gnyis pa snying po dang bcas pa'i phyag rgya dang ldan pa'o/ /'phags ma sgrol ma rnam par rgyal ma zhes bya ba'i sgrub thabs kyi le'u ste bco brgyad pa rdzogs so// //phyag 'tshal lha yi tshogs rnams rgyal po/ /lha dang mi 'am ci yis bsten ma/ /kun nas go cha dga' ba'i brjid kyis/ /rtsod dang rmi lam ngan pa sel ma/ /rje btsun ma dkar mo zhal gcig phyag gnyis ma/pad+ma dkar po dang nyi ma'i dkyil 'khor gyi steng na sems dpa'i skyil mo krung gis bzhugs pa/ 'od zer gyi phreng bas brgyan pa/ phyag gnyis kyi thugs kar me'i snod bsnams pa'o/ /'phags ma sgrol ma sdug bsngal thams cad bsreg pa zhes bya ba'i sgrub thabs kyi le'u ste bcu dgu pa rdzogs so// //phyag 'tshal nyi ma zla ba rgyas pa'i/ /spyan gnyis po la 'od rab gsal ma/ /ha ra gnyis brjod tut+tA re yis/ /shin tu drag po'i rims ni sel ma/ /rje btsun ma dmar ser zhal gcig phyag gnyis ma/pad+ma dmar po dang zla ba'i dkyil 'khor gyi steng na sems dpa'i skyil mo krung gis bzhugs pa/ phyag gnyis kyis gser gyi mdog can gyi bum pa bsnams pa'o/ /'phags ma sgrol ma dngos grub thams cad 'byung ba zhes bya ba'i sgrub thabs kyi le'u ste nyi shu pa rdzogs so// //phyag 'tshal de nyid gsum rnams bkod pas/ /zhi ba'i mthu dang yang dag ldan ma/ /gdon dang ro langs gnod sbyin tshogs rnams/ /'joms pa tu re'i rab mchog nyid ma/ /rje btsun ma dkar mo zhal gcig spyan gsum pa/ phyag gnyis pa/ khyu mchog gi steng na pad+ma dang zla ba'i dkyil 'khor la skyil krung phyed pas bzhugs pa/ stag gi pags pa'i sham thabs mnabs pa/ g.yas pa phreng ba/ g.yon rtse gsum pa bsnams pa'o/ /'phags ma sgrol ma yongs su rdzogs par byed ma zhes bya ba'i sgrub thabs kyi le'u ste nyi shu rtsa gcig pa rdzogs so// //@##/ /'phags ma sgrol ma'i bstod pa nyi shu rtsa gcig pa'i sgrub thabs zhes bya ba kha che'i paN+Di ta slob dpon nyi ma sbas pas mdzad pa rdzogs so// //paN+Di ta many+dzu shrI dang bod kyi lo tsA ba mal gyo blo gros grags pas bsgyur cing zhus te gtan la phab pa'o/