CLOSE WINDOW

D1678
བོད་ཡིག

bod kyi lo tsA ba lha rin po ches bsgyur zhing gtan la phab pa'o/ /[]@##/ /rgya gar skad du/ saM sid+d+hi mahA shrI he ru ka no pi ka nA ma/ bod skad du/ dpal khrag 'thung chen po'i sgrub thabs yang dag par grub pa zhes bya ba/ bcom ldan 'das khrag 'thung chen po la phyag 'tshal lo//yang dag grub pa gcig pu nyid/ /sangs rgyas bde chen kun 'dus pa/ /rnal 'byor zab mo sku gsum rdzogs/ /mkha' 'gro sgyu ma bde mchog de'i/ /shes rab kyi ni blo phye nas/ /nges par rtogs pa'i sa gzhi las/ /bla mas nges pa'i lung 'di bstan//snum pa yi ni dam tshig dang / /gtsang dang 'jigs pa'i brtul zhugs can/ /de dag goms nas nyams su blang / /blo zhan shes rab chung bas ni/ /bsgrubs kyang 'grub par mi 'gyur te/ /phung byed gnyis ka bsregs pas na/ /de bas gzhan du bstan pa min//phun sum tshogs pa bzhi ldan nas/ /rdzas dang sa gzhi brtag pa ni/ /cir yang 'gyur ba'i yig 'bru bsam/ /'od zer tshul du 'phros nas kyang / /ma lus khyab pas mnyes byas te/ /re dang dam pa'i tshul zhes dgongs/ /'od zer de dag bsdus nas kyang //dur khrod sa ru brtag par bya/ /'byung po'i gtor ma btang nas kyang / /gsang ba'i don gyi las rnams bya/ /dkyil 'khor nub phyogs de bzhin gzhi/ /kham phor ri mo bris pa dgu/ /snang ba'i 'od dang bcas par dgram/ /rdzas kyis mdzes par 'khor bar bzhag /mig gi rten yang mngon par bya/ /de nas dur khrod bdag po dag /phyag rgya che dang ldan pa yis/ /ci rigs su ni las rnams bya/ /mi dmigs chos la blo brtags shing / /ye shes can gyi byin stobs kyis/ /thams cad tshul bzhin byin brlabs nas/ /rtogs pa'i blo can de dag gis//srog lus man chad rdzas kyi rnams/ /bla ma mnyes par bya phyir dbul/ /dngos grub 'dod pas gsol ba gdab/ /slob dpon ji bzhin stan bder gnas/ /rdo rje'i tshul du dbang can sbyin/ /g.yog phyogs gnas la tshul bzhin du/ /ji ltar 'dod pa bzhin du sbyar//gar mkhan tshul 'dra sgyu ma'i rgya/ /de la 'ja' tshon bzhin du gsal/ /'dod chags ye shes gsal ba'i phyir/ /'bar ba sna tshogs 'khrigs pa'i 'od/ /thim pas rgyal mor byin gyis brlabs/ /ye shes dam tshig chen po yis/ /bde mchog sgyu ma'i brdas mtshon te//pad+mo rin chen ldan byas nas/ /dbyings kyi bde chen 'byung bya ste/ /rang rig ye shes de la 'od/ /ji bzhin mkha' la gsal ba dag /dri med nyi ma'i 'od pas 'tsher/ /byang chub sems de kun du dag /khams gsum rab tu 'das nas kyang //ma lus snying rjes khyab byas te/ /'dod par bya ba rab tu mnyes/ /'od 'dus thog ma'i gzugs la bzung / /de dag dngos grub chen po bas/ /ji ltar 'dod par nan tan bya/ /dbang thob mdzes pa de dag gis/ /dul ba'i sems su bzhag nas kyang //dam tshig chen pos bde bar gnas/ /bsnyen par gnang ba'i dbang thob nas/ /sgom dbyangs yi ge 'bru brgyad bstan/ /ston pas bstan pa'i lung bzhin du/ /sgom rgyud gsal bar ci nus bya/ /lhag pa'i rtags kyis kun mtshon nas//grub rdzas de dag byin gyis brlab/ /dmigs med rtogs pa'i gdeng can gyis/ /sku mchog 'bar ba'i tshul du bsam/ /khams gsum khrag tu dmigs nas ni/ /dur khrod kun du khyab par bsam/ /dngos ni a ru byin brlabs nas/ /rin chen gsal bar shar ba dang //byang chub sems ni 'od zer spro/ /mos pa'i thugs la mnyes bsams nas/ /'od 'dus thog ma'i gzugs la gzung / /phyag mtshan snying po pho mo dag /bstan par red nas mkha' la gzhag /bskul ba'i rang bzhin kun 'dus pas/ /des kyang spro ba'i las rnams byed//dngos kyang mchod pa'i rdzas su bsngo/ /sangs rgyas tshe 'dis bsgrub pa'i phyir/ /sku gsum sa la goms par bya/ /dang por chos kyi dbyings nyid la/ /dmigs pa med pa'i don gyis bsgom/ /chos kyi dbyings kyi ye shes kyis/ /thams cad du yang khyab par bya//rdo rje sems dpa' la sogs pa/ /dkyil 'khor lnga la sogs pa'i 'khor/ /zhi ba'i mchod pas mnyes pa dag /bsnyen pa'i don du de dag byung / /sgrub pas bstan pa'i lung bzhin du/ /sku mdog so so'i phyag mtshan dang / /rgyan dang cha lugs gsal ba dang //bskyed rdzogs grub pa'i lha dag bsgom/ /dngos grub dam pa blang ba'i phyir/ /snga ma las ni gnas bsgyur te/ /bskal ba'i me dpung 'khrigs pa bzhin/ /'bar ba'i tshogs ni rnam par bsam/ /ye shes dkyil 'khor spyan drangs te/ /bzhugs dang rten dang mi g.yo ba//dam tshig zil gnon phyag byed dang / /mchod dang bstod dang bza' ba dang / /tshul rigs goms pa'i blo dag gis/ /ci rigs su ni brtan par bya/ /dam tshig mchog gi mchod pa dang / /bskul tshig dbyangs kyis de dag mnyes/ /'khor bcas mchod pa rdzogs nas ni//bsnyen pa'i lung bzhin brtson par 'bad/ /zhag grangs dus ni brtags pa'o/ /mtshan ma brtan po byung ba na/ /sgrub pa chen po brtsam par bya/ /bar chad byed pa'i bgegs chen yang / /'jigs pa med pa'i sems kyis bzlog /dngos grub sbyin pa'i gzugs can yang //re dang dogs pa la sogs pa/ /ngan pa'i don gyi sems mi 'byung / /phan gnod byed pa rnam gnyis po/ /gzugs dang sgra dang dri dag ni/ rnam pa gsum po byung ba ni/ /dogs dang chags pa'i sems spangs te/ /bye brag tu ni shes par bya//nyams kyi phyag rgyas rang don spyad/ /gal te 'byung po mnan par bya/ /kun kyang sems can don du bsngo/ /sgrub pa chen po yang dag grub pa zhes bya ba/ grub pa'i slob dpon chen po badzra hUM ka ra'i zhal snga nas mdzad pa rdzogs so// //