CLOSE WINDOW

D1671
བོད་ཡིག

@##/ /rgya gar skad du/ shrI sarba bud+d+ha sa ma yo gI ni maN+Dal bid+hi nA ma/ bod skad du/ dpal sangs rgyas thams cad dang mnyam par sbyor ba'i dkyil 'khor gyi cho ga zhes bya ba/ dpal rdo rje sems dpa' la phyag 'tshal lo/ /dpal ldan mi mthun tshogs 'joms rgyal ba'i sku//ye shes dbang phyug phun sum tshogs pa'i bdag /shes rab rnam 'phrul brgya dang nyi shu brgyad/ /rang 'od thabs tshogs sbyor de rnams phyag 'tshal/ /rang rgyud pas bsgrubs drag po'i tshogs sogs 'joms/ /dbugs 'byung sna tshogs rang gi rigs las sprul/ / rten dang brten pa'i 'jig rten rnam 'phrul mdzad/ /khams gsum snang mdzad gtsor bcas phyag 'tshal te/ /dgongs mdzad gzhi lam 'bras bu gsang ba'i don/ /dpal ldan sangs rgyas thams cad mnyam sbyor ba'i/ /mkha' 'gro sgyu ma bde mchog rgyud dag las//dkyil 'khor drug gi gsang don rnam bkod nas/ /tshogs bsags bsrung zhing byin rlabs gnas pa dang / /sgrub don slob ma las su rung ba'i phyir/ /rgyud bzhis yan lag phyogs mthun las bsdus pa'i/ /rigs drug gzugs brnyan cho ga bshad par bya//bde chen sangs rgyas kun gyi dngos/ /rdo rje sems dpa' dpal gyi lha/ /rnam pa sna tshogs kun gyi mchog /'khor lo thams cad rnam 'phrul lo/ /gsang ba mchog gi dgyes par ni/ /thams cad bdag nyid rjes su bsgrub/ /rten gnas phun sum tshogs ldan pas//sngon 'gro'i bsnyen pa rdzogs byas te/ /sa gzhi sta gon gnas pa dang / /gzugs brnyan dkyil 'khor rtsom sgrub cing / /'jug pa'i sbyin sreg gtor ma'i las/ /rab gnas dbang bskur la sogs rnams/ /bdag gzhan smin cing grol ba'i phyir/ /dam pa'i lung bzhin bsgrub par bya//gzhan don rtsom pa'i blo ldan pa/ /rang bzhin mngon par 'dus byas pa'i/ /thun mong khyad par dbang thob nas/ /yon tan rtsal ldan gang yang rung / /dkyil 'khor ting 'dzin phyag rgya sngags/ /dgug mchod las sbyor srung ba che/ /myur du gshegs su gsol ba yi//de nyid bcu sogs las la mkhas/ /khyad par las kyi rim pa yis/ /gsal mdzad rgya chen 'gro la dmigs/ /rgya mtsho ri rab nor bu rdzing / /nam mkha' sa gzhi gser bzhin gnas/ /des shing 'jam la snyan par smra/ /dad brtson shes rab dang ldan pas//thos bsam bsgom pa'i las la brtson/ /sems can kun la byams sems can/ /snying rje dga' ba btang snyoms gnas/ /pha rol phyin pa drug ldan zhing / /dkyil 'khor rgyud dang bla ma dang / /zab mo'i chos la rtse gcig dga'/ /bstan bcos kun la 'jigs med cing //brtan po byang chub don gnyer bas/ /dang ba'i bla ma dri med la/ /lan gsum yon bcas gsol ba gdab/ /rigs kyi bu khyod 'byor ldan nam/ /dgos pa'i rdzas rnams gang yod smros/ /ma tshogs pa rnams rnyed 'gyur na/ /phun sum tshogs dus gzung bar bya//dkyil 'khor kun du ma zhugs shing / /dam tshig rnams ni spangs pa dang / /gsang ba yang dag mi shes pas/ /sgrub pa ci yang mi 'grub po/ /kun du sna tshogs skal bzang por/ /bdag rang bsgrubs pas skal ba bzang / /bdag med chos nyid dang ldan pas//dam tshig la sdang skal ba ngan/ /srid pa shin tu bsgrubs pas na/ /skal bzang sangs rgyas bcom ldan 'das/ /skal ngan nyan thos 'jig rten na/ /shin tu yongs su mya ngan 'das/ /rtog pa thams cad bsgrub pa'i phyir/ /skal bzang phyag na rdo rje dpal//stong pa nyid la rab sbyor bas/ /rang rgyal rnams na skal ba ngan/ /'dod chags thams cad rnam dag pas/ /skal bzang spyan ras gzigs kyi dbang / /log par lta dang ldan pas na/ /skal ngan mu stegs 'jig rten rnams/ /dam pa'i nor mchog sdud pa'i phyir//skal bzang rdo rje nyi ma dpal/ /bdag gi bu la'ang ma chags pas/ /skal ngan dka' thub spyod pa kun/ /rgyal srid mchog rnams bsdus pas na/ /rta mchog dpal ni skal pa bzang / /bdag med yongs su 'dzin med pas/ /thub pa thams cad skal ba ngan//bde ba thams cad rab bsgrub phyir/ /kun gyi slob dpon skal ba bzang / /lta ngan dam tshig la sdang ba'i/ /slob ma thams cad skal ba ngan/ /gsang ba'i don ni yang dag nyid/ /'di ni gsal bar shes pa yin/ /sangs rgyas kun gyi bka' bzhin du/ /sangs rgyas kun gyi grub par 'gyur//dben pa yi ni gnas dag gam/ /rang gi skyed mos tshal sogs par/ /kun du sna tshogs skal bzang po/ /kun du sna tshogs bde mchog gis/ /kun du sna tshogs dgos pa rnams/ /ci bde bar ni bsgrub par bya/ /rten dang dgon pa gtsug lag khang / / ri yi rtse rnams thams cad du/ /rnam pa du ma sna tshogs pa'i/ /sangs rgyas dgongs pa bsgrub par bya/ /dur khrod dang ni lha rten dang / /ma mo'i gnas la sogs 'dug na/ /rdo rje 'dzin pa'i dgos pa dag /rnam pa du ma sgrub par 'gyur/ /pad+mo skyed mos tshal dag dang / / chu bo dag gi mdog dag tu/ /pad+mo 'dzin pa'i dgos pa rnams/ /rnam pa du mas 'grub par 'gyur/ /rgyal po'i pho brang dga' ba dang / /pad+mo skyed mos tshal nyid du/ /rnam pa sna tshogs du ma yi/ /rgyal po'i dgos pa bsgrub par bya/ /mkhar ni rnam pa sna tshogs dang / /de bzhin chu bo'i 'gram dag gam//rgyal khams gzhan las grub pa ru/ /rdo rje rta ni bsgrub par bya/ /cha lugs rnam pa sna tshogs dang / /sgrub pa rnam pa sna tshogs kyis/ /rdo rje sems dpa'i go bgos la/ /dkyil 'khor la sogs rab tu bsgrub/ /sangs rgyas rnams kyi pad+mo dmar/ / phyag na rdo rje sna tshogs pa/ /'jig rten dbang gi kha dog dkar/ /rdo rje nyi ma dpal gyi ser/ /kha dog kun dang ci 'byor pa/ /bla re rgyal mtshan rgyan gyi rnams/ /thams cad rab tu sgrub pa dpal/ /rta mchog rdo rje can gyi'o/ /gnas dang 'khor rnams ci 'dra dang / /bkod dang 'gro ba ci 'dra dang //'khor rnams bkod pa ci 'dra ba/ /de yi 'khor lo mchog gis mdzad/ /rdo rje sems dpa'i lha rnams kyi/ /'khor lo mngon sum mthong ba las/ /bsod nams rtag pa ci 'dra ba/ /phyis byas pa yang de bzhin no/ /snying rje byang chub sems ldan pas/ /khams gsum gnas sogs blta byas te//rgyu rkyen 'bras bu rnam dag pa'i/ /chos bdag med pa'i rnam par bsam/ /rigs kyi rnam 'phrul las byung ba'i/ /rnam gsum nus pa mthu bskyed de/ /phyag rgya mthu ldan dag pa'i phyir/ /g.yas pa'i nyi ma drug skyil du/ /hUM oM hrIHhrI trAM haM las//rigs drug sangs rgyas bskyed par bya/ /g.yon pa'i zla dkyil drug dbus su/ /mi 'gyur a dkar gsal 'bar bas/ /rigs mthun lha mo drug bsam bya/ /'phro 'du mdzad bcas gnyis med 'gyur/ /sgra gnas chos kyi phyag rgya che/ /thugs kar ye shes sems dpa' gnas//sku gsung thugs kyi mtshan ma yis/ /gnas gsum byin brlabs rgyan byas te/ /bdag dang 'gro ba sbyang ba yi/ /sbyor ba'i ting 'dzin la gnas bya/ /dbang po mdun du dgug byas nas/ /'phags dang sems can la dmigs te/ /bcu bzhi'i bya ba rgya chen tshogs//yongs su dag pa'i gsum gnas gzhag /srung ba'i 'khor los mtshams bcad nas/ /bzhi yi ting 'dzin rten dang bcas/ /sbyor ba bzhi la legs gnas shing / /dmigs pa gsum gyi bya ba spyad/ /gtso bo gang gi dkyil 'khor rtsom//de nyid bzlas brjod 'bum yin te/ /'khor gyi lha mo'i tshogs rnams la/ /re re la yang khri 'am stong / /gzhan yang bsnyen pa rnam lnga ste/ /grangs dus mtshan ma mthong ba dang / /gnang ba thob dang 'gog pa yi/ /'khor lo goms pa las byung bas/ /rang sems dag pas gtor ma brtsom//thun bzhi'i sbyor bas 'jug byas te/ /cho ga yan lag sngon 'gro rnams/ /rdzogs pas dkyil 'khor las dag brtsam/ /so so'i rigs kyi sbyor ldan pas/ /bdag dang gzhan gyi don ched du/ /tshogs rdzogs bar chad bsal ba dang / / lha mnyes las kun grub bya'i phyir/ /dkyil 'khor sa gzhi brtag par bya/ /des ni bkra shis phun sum tshogs/ /so so'i rang gnas nyams dga' ba/ /nags tshal me tog lcug ma'i ri/ /chu rgyun g.yas su 'khyil pa'i ljongs/ /rin chen 'byung gnas rgya mtsho'i ngogs/ / me tog 'bras bzang nyams dga' ba'i/ /de bzhin dgon pa'i gnas mchog ni/ /sa gzhi chags med dbus mtho zhing / /phyag rgya chen po'i rig 'dzin rtags/ /shar dang byang gzhol dngos grub gnas/ /lho nub gzhol ba'i 'jig rten pa/ /nub byang mtho bas las phra mo//shar mtho dbus dma' 'grub mi 'gyur/ /nam mkha' 'khor lo rtse brgyad pa/ /sgrub gnas las mthun so so'i dbyibs/ /pus nub tsam du brko byas te/ /slar la sa des dgang pa'am/ /chu rgyun gang ba dri ldan la/ /mnyam gzhag rdo rje dril 'dzin shar/ /gom pa brgya yi gnas nas log /sngags bcas mtshan ma brtag cing sbyang / /gzhan yang rnam shes phyag rgya dang / /ye shes phyag rgyas brtag par bya/ /rgyal po'am yul gyi bdag po la/ /slong ngam rin gyis nyo bar bya/ /bar chad med pa'i sa dbus su/ /rang rig lha yi sbyor ldan pas//rgyan bcas so so'i skyil krung gis/ /'gying zhing nga rgyal gnas byas nas/ /sa yi lha tshogs srung mal/ /mchod sbyin gtor ma dbul bar bya/ /khyad par las kyi bdag po dang / /snying rje lan chags gyur pa dag /ma lus dgug cing tshim byas nas/ / bsgo zhing 'tshe ba rin gyis brdzangs/ /dri yi chu yis legs gtor zhing / /sbyor ba bzhi la legs gnas pas/ /bdud rtsis rdzas kyis sbyang bya zhing / /yi ge gsum gyis dag par bya/ /lto 'phye'i rim pa shes byas la/ /dngos grub rab 'bring gsum don du/ /mgrin lto pus mo man chad de//gnas gzhan spang par bya ba yin/ /rus pa gseg ma gyo mo dang / /sol ba pha rgan sa ro bsal/ /sa gnyen 'jam zhing snum sres te/ /dri yi chus gdab dgad zhing bcag /dkyil 'khor gnas kyi tshad mnyam bya/ /sor bzhi khru gang lus phyed tshad/ /brkos pa'i tshad mnyam 'phang du bstod//rin chen dri sbyor snying por gzhug /chos nyid dag pa'i sngags brjod pa'i/ /dri yi chu yis legs byugs par/ /sna tshogs mchod gtor nyer sbyar nas/ /rnal 'byor grogs bzhi dang bcas pas/ /rang rig gtso 'khor lnga bsgoms te/ /sa gzhi byin gyis brlab par bya//oM b+hUM ga ga na khaM AHhUM/ nam mkha' dag pa'i rang bzhin las/ /'byung ba rim brtsegs ri rab ste/ /rdo rje sa gzhi ra ba dang / /bla re gur bcas 'od 'phro ba'o/ /rdo rje gtams pa dgye byas te/ /rang gi gnas su gzhag par bya/ /oM me di ni badzra b+ha ba badzra ban+d+ha hUM/thal mo sa la lan gsum du/ /lha mo rgyan rnams kun gyis mdzes/ /mdog ser bum pa'i mtshan ma can/ /lus phyed sa la bton byas te/ /mdun na bka' nyan tshul gnas la/ /mchod gtor zhabs bsil sogs dbul zhing / /ji srid las rdzogs rnams kyi bar/ / de srid dpang por gsol ba gdab/ /skyob pa sangs rgyas thams cad kyi/ /spyod pa'i tshul dang khyad par gyi/ /sa dang pha rol phyin pa la/ /lha mo khyod ni dpang du shog /skyob pa shAkya seng ge yis/ /ji ltar bdud kyi sde bcom pa/ /de bzhin bdag kyang bdud las ni/ /rgyal bar bya phyir dkyil 'khor bri//lan gsum gsol ba btab byas nas/ /lha mo dgyes pas mdangs phyung ste/ /slob dpon chen po'i dkyil 'khor mdzod/ /dga' ba chen pos las bsgrubs shing / /bcu gnyis rgyan gyis mdzes byas pa'i/ /rdo rje dril 'dzin dpa' bo yis/ / dkyil 'khor bdag por gnas pa la/ /phyogs bzhi'i lha mo bstod cing bskul/ /oM byams chen nam mkha'i rigs sbyor ba/ /rdo rje 'dzin rgyal 'jigs pa'i gnas/ /rnam 'byed gsal ba'i chos mchog can/ /yang dag ye shes spyod pas grol/ /a la la la la ho//oM thugs rje'i gnas mchog dag pa'i dngos/ /mnyam nyid chos kun 'byung ba'i gzhi/ /yon tan rin chen mchog ston pa'i/ /rnam 'phrul chos las rab tu grol/ /a la la la la ho/ /oM dga' ba'i pad+mos mtshan ldan pa/ /kun rtog dngos gsal chags pa med//rdo rje gsang gsum sngags 'don pa'i/ /brjod 'byung tshig las 'das pa'o/ /a la la la la ho/ /oM btang snyoms gnas ngan dra ba sel/ /phrin las bdag po stobs dang ldan/ /bya ba'i ye shes mthar mdzad cing / /'phrul pa'i dkyil 'khor bstan du gsol/ /a la la la la ho//oM sangs rgyas thams cad mnyam sbyor ba'i/ /mkha' 'gro sgyu ma'i dkyil 'khor gtso/ /sdig pa thams cad las grol zhing / /bsod nams dngos grub 'grub pa yi/ /rgyal ba kun gyi 'byung gnas mchog /mthong dga' mthong ba grol byed pa/ /lam mchog gsang ba chen po'i tshogs//bdag nyid chen pos bstan du gsol/ /a la la la la ho/ /dkyil 'khor gang yang rung ba'i bdag /sna tshogs rta mchog rol pa'i sku/ /'jigs pa'i cha lugs mtshon cha 'bar/ /ma las kun la bka' bsgo zhing / /mig gi rdzi ma 'den pa yis//'bar ba'i lta bas gar byas nas/ /rab tu myur bar g.yo mdzad cing / /dgug gzhug spros pas rol pa'i tshogs/ /ma ta a yi 'phro 'du yis/ /rdo rje me 'od rlung sogs kyis/ /bshigs gtor ra ba sa gzhir bcas/ /bskor zhing bskor ba'i rnam par gnas//rdo rje kha T+wAM dril 'khrol zhing / /sum+b+ha ni yi sngags brjod de/ /khro tshogs rang gi gzugs 'dzin cing / /mtshon cha 'bar ba rnams spros pa'o/ /hUM lha klu gnod sbyin 'byung po dang / /dri za srin po sha za'i tshogs/ /gshin rje ma mo mkha' 'gro'i tshogs/ /gnod sbyin drag po ma lus rnams//gang dag sa gzhi 'dir gnas pa/ /srung byed pa yi bdag po'i bka'/ /thos pa tsam gyis mar du dengs/ /nga yi bka' la 'da' ma byed/ /gang zhig gnas pa'i mthu bo che/ /rdo rje dril bu kha T+wAM gas/ /thal ba'i tshogs bzhin bshigs par byed/ /rab 'bar khro bo'i gnas 'joms pa'i//rdo rje 'bar ba'i gzugs 'di yis/ /gang dang gang gis bdag tshig bcag /'dod gsum skyes rnams dgas byas te/ /'jig par 'gyur phyir gzhan 'dis med/ /sa la yongs su bskor byas te/ /bgegs med bya phyir phur pas gdab/ /oM g+ha g+ha g+hA ta ya g+hA ta ya/sarba duSh+Tan phaT/ kI la ya kI la ya/ sarba pA paM phaT/ hUM hUM hUM badzra kI la ya/ badzra d+ha ro Adz+nyA pa ya ti/ kA ya wAka tsit+ta badzra kI la ya hUM phaT/ gsum brjod dbang ldan mtshams dag nas/ /thugs non sngags bcas lan gsum bskor/ /rkang pa bskyod nas lag pa bskyod//cung zad ngo mtshar zur mig tshul/ /rab dga' 'brang bas smin ma 'degs/ /g.yas 'dren g.yon 'dren mig gi gar/ /brla rgyas nu ma 'gying ba dang / /kha yi pad+ma 'dzum bcas pa/ /dkar dmar mche ba gnyer ba dang / /so yi phreng zlum ljags bsgyur zhing / / rta mchog rol pa'i gar thabs kyis/ /khams gsum 'dul ba rmad du byung / /de la sogs pa mtha' yas mchog /gar sogs rnam 'phrul bsam yas kyis/ /drag po'i tshogs 'joms gnas sbyor zhing / /rang gi las gnas bsrung bar bya/ /ba yi rnam lnga dri bsres pa'i/ / bdud rtsi rdzas sogs kyis byugs nas/ /lha gnas dri yi thig le la/ /me tog sngags dang bcas pa dgram/ /mchod pa'i rnam grangs legs bkod nas/ /srung ba'i 'khor lo bsam par bya/ /gzhi rten sbyor ba'i ting 'dzin gyis/ /rigs kyi dkyil 'khor gang rung bsgom/ /ye shes dkyil 'khor la dmigs shing //mdun gyi dkyil 'khor mnyes pa bya/ /so so'i bstod pa sgra snyan tshul/ /rigs drug dkyil 'khor so so'i dbyangs/ /pus mo sa la btsugs byas nas/ /g.yas pas spos snod bteg byas te/ /dkyil 'khor rdzogs pa'i lha rnams la/ /tshig 'dis gsol ba gdab par bya//thugs rje chen po bcom ldan 'das/ /ma lus sems can don mdzad pa'i/ /rgyal ba'i dkyil 'khor sras dang bcas/ /stobs mchog rgya chen rnams la bstod/ /sangs rgyas thams cad mnyam sbyor ba'i/ /rigs bdag che ge'i dkyil 'khor ni/ / mgon gyur las rnams 'grub pa'i phyir/ /rdo rje gsang ba bdag gis bris/ /brtse bas slob ma rnam phyir dang / /bdag nyid rnams la mchod pa'i phyir/ /bcom ldan khyod la bdag gus te/ /dgyes mdzad 'ongs par gyur pa las/ /thams cad bdag la dgongs su gsol/ /bya ba chen po'i 'khor lo'i phyir//'bras gnas byang chub sems sogs dang / /gsang sngags gsang ba'i lha nyid dang / /'byung sogs 'jig rten skyong ba dang / /rdzogs sangs rgyas kyi rjes dga' ba/ /bstan la gnas pa'i 'gro ba dag /gang dag rdo rje'i spyan ldan pa/ /che ge mo yi dkyil 'khor gtso//don grub gsang ba bdag gis brtsam/ /rjes su brtse bas nyer dgongs te/ /gnang bar mdzad pa'i 'os lags so/ /lan gsum gsol ba gdab byas nas/ /dri zhim me tog phreng ba dang / /legs sbyar mchod pas mnyes pa dag /dbang por brtan par bzhugs su gsol//bu khyod tshul ldan snod yin pas/ /theg chen gsang ba'i gzhung 'di nyon/ /gsang sngags spyod tshul cho ga ni/ /khyod la yang dag bshad par bya/ /rdzogs sangs rgyas rdzogs 'das rnams dang / /de bzhin gang dag ma byon dang / /da ltar byung ba'i rdzogs sangs rgyas/ / 'gro la phan phyir gnas bzhugs pa/ /de kun gsang sngags zab mo yi/ /cho ga bzang po [(]'idi [,]'di [)]rtogs nas/ /skye mchog rang gi gnas nyid du/ /thams cad mkhyen pa mtshan med pas/ /gsang sngags sbyor ba mnyam med pa/ /bcom ldan che ge'i dkyil 'khor gyis/ / bdud tshogs shin tu mi bzad pa'i/ /dpung chen mtha' dag rnam bcom pas/ /de phyir kun mkhyen ye shes phyir/ /bu yis blo gros 'di gyis shig /sangs rgyas chos dang dge 'dun la/ /rtag tu skyabs su 'gro bar gyis/ /rnal 'byor mkha' 'gro gsang sngags can/ / rigs kyi dkyil 'khor so so yi/ /'khor lor bzhugs pa'i bdag nyid rnams/ /kun la skyabs su 'gro bar gyis/ /dpa' bo dpa' mo 'khor bcas dang / /byang chub sems dpa' bdag nyid che/ /khyad par du yang slob dpon la/ /khyod kyis skyabs su 'gro bar gyis/ /ma lus phyogs na bzhugs pa yi//dkyil 'khor bdag la dgongs su gsol/ /bdag gis dus 'di nas bzung ste/ /ji srid snying po byang chub par/ /de yi tshangs spyod gnyis med par/ /bdag gis sdom pa ma lus bzung / /slob ma sbyor dang dngos gzhi yis/ /dbang po yan lag rnam bkod de//bsod nams tshogs mchog rgya chen po/ /yan lag bcu bzhis dag par bya/ /dkon mchog gsum la phyag 'tshal lo/ /dkon mchog gsum po gzung bar bya/ /bdag gi sdig pa bgyis pa dang / /bgyid la rjes su yi rang ba/ /mgon po'i spyan sngar mchis nas su//de dag thams cad bshags par bgyi/ /rgyal ba sras bcas tshogs rnams dang / /rang rgyal dgra bcom 'gro rnams kyi/ /bsgom bzlas la sogs bsod nams la/ /dang bas rab tu yi rang ngo / /sems bskyed mngon par sangs rgyas dang / /chos kyi 'khor lo bskor bgyid cing //tshogs spyod byang chub sems dpa' la/ /bdag ni gus par skyabs su 'chi/ /sangs rgyas rnams 'byung ji lta bar/ /skal ldan byang chub sems dpa' yis/ /thugs mchog byang chub rgya chen po/ /'gro ba rgya chen don la dmigs/ /mgon rnams bdag la dgongs su gsol//ma lus phyogs bzhugs dkyil 'khor rnams/ /dus 'di nyid nas sangs rgyas bar/ /bla med rgya che dang bas gzigs/ /ji ltar dus gsum bde gshegs rnams/ /byang chub tu ni nges mdzad pa'i/ /byang chub sems ni bla med pa/ /dam pa bdag gis bskyed par bgyi/ / sangs rgyas rnal 'byor sdom pa la/ /tshul khrims kyi ni bslab pa dang / /dge ba'i chos ni sdud pa dang / /sems can don byed tshul khrims gsum/ /bdag gis brtan par gzung bar bgyi/ /sangs rgyas chos dang dge 'dun te/ /bla na med pa'i dkon mchog gsum/ /ding nas brtsams te bzung nas ni//nam du yang ni mi spang ngo / /rdo rje rigs mchog chen po yi/ /rdo rje dril bu phyag rgya yang / /yang dag nyid du gzung bar bgyi/ /slob dpon dag kyang gzung bar bya/ /rin chen rigs mchog chen po yi/ /dam tshig yid du 'ong ba la/ /nyin re bzhin du lan drug tu//sbyin pa rnam bzhi rab tu sbyin/ /byang chub chen po las byung bas/ /pad+ma'i rigs chen dag pa la/ /phyi nang gsang ba'i theg pa gsum/ /dam pa'i chos ni gzung bar bya/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi/ / mchod pa'i las kyang ci nus bgyi/ /byang chub mchog tu sems bskyed cing / /bdag gis sdom pa ma lus gzung / /ma grol ba rnams dgrol bar bgyi/ /ma brgal ba rnams bdag gis bsgral/ /dbugs ma phyin pa dbugs dbyung zhing / /thams cad mya ngan 'das la dgod/ /dge ba'i las rnams 'di dag gis//'jig rten sangs rgyas myur grub nas/ /'khor ba'i rgya mtshor bying ba rnams/ /bla med byang chub dgod par bgyi/ /gnas gsum mtshan ma'i yi ger bcas/ /rdo rje sngags bcas dri yis byugs/ /mgo bor me tog mdun du spos/ /mar me dris byug snying ga ru//u dum+bA ra la sogs shing / /drang po gas med 'bu rjes bral/ /sor tshad bcu gnyis dri yis byugs/ /rtse mo me tog bcas pa la/ /rigs sngags mang du bzlas byas te/ /bden pa bdar nas byin pa dang / /me tog la sogs byin byas la/ /bya ba'i bye brag rim bzhin bstan/ / shar phyogs kha bltas mi smra bar/ /bca' zhing so rtsi'i skyon bsal nas/ /lci bas sa gzhi ba ko tsam/ /rnam lngas maN+Dal byas pa ru/ /phan tshun dag tu mi blta zhing / /drang po'i mdun du tshems shing dor/ /de tshe mtshan ma'i bye brag ni/ /[(]rtso [,]rtse [)]mo bdag la bstan pa dang / / rtse mo gyen du phyogs gyur na/ /mchog gi dngos grub mtshan ma yin/ /gzhan du kha bstan dngos grub 'bring / /mtshams dang byang du bltas pa na/ /'jig rten pa yi las 'grub 'gyur/ /rtse mo thur du bstan pas ni/ /sa 'og dngos grub nges par 'gyur/ /phyogs bzhi'i rtse mo bye brag gis/ / las bzhi'i mtshan ma shes par bya/ /dri chab byin brlabs sngags ldan pa'i/ /'thor 'thung khyor gsum kha bshal bya/ /oM hri bi shud+d+ha sarba d+ha rmA pA pa ni tsA sh+ya bi shwa d+ha ya/ /sarba bi kal pa a pa nA ya hUM/ /yi ge sngags kyis byin brlabs pa'i/ /ku sha sngas dang stan du sbyin/ /hUM AH oM a hi a/hriHa trAM/ a haM a/ sarba ruta te ku ru ku ru swA hA/ /rang sngags yi ge gsum bzlas pa'i/ /srung skud mdud pa gsum ldan pa/ /sku sha gsum 'gyur sbom phra'i tshad/ /dpung par bsrung ba'i don phyir bcing / /kun mkhyen 'jig rten khams 'byung ba/ /u duwA ra'i me tog bzhin//brgya lam na ni res 'ga' zhig /'byung 'gyur yang ni mi 'byung srid/ /gsang sngags spyod tshul cho ga ni/ /de bas kyang ni dkon pa ste/ /gang gis sems can dpag med don/ /mya ngan mi 'da' byed nus pa'o/ /bskal pa bye ba grangs med du/ /gang gis sdig pa sbyong byas pa'ang //dkyil 'khor 'di 'dra mthong bas ni/ /de dag thams cad zad par 'gyur/ /gsang sngags spyod tshul cho ga ni/ /mnyam par gyur pa gzhan gang yod/ /tshe 'di nyid la sngags bzlas pas/ /bla med gnas su 'gro 'gyur te/ /sdug bsngal kun 'byung nyam thag pa'i/ /ngan 'gro'i gnas ngan sdong bar 'gyur//des na spyod mchog las 'di la/ /blo gros shin tu brtan pas na/ /de ring khyod ni rnyed pa mchog /bdag nyid chen po thob par 'gyur/ /gang gi rgyal ba thams cad ni/ /sras bcas rnams kyis bstan pa ni/ /blo mchog ldan pas yongs bzung ste/ /gnas ni bdag nyid chen po la//theg chen gsang ba'i gnas dag tu/ /de ring 'gro bar 'gyur ba yin/ /lam mchog 'di ni dpal dang ldan/ /theg chen gsang ba cher 'byung ba/ /khyod ni 'gro bar gyur pas na/ /de bzhin gshegs pa 'byung bar 'gyur/ /sta gon gnas mchog de nyid du/ /mchog dbul gtor ma btang byas te//ku sha'i sngas stan legs pa la/ /mi smra dge ba'i sems bcas gyis/ /seng ge'i nyal stabs legs pa yis/ /rmi lam mtshan ma brtag par bya/ /slob dpon nang du bzhugs mnyam gzhag /dkyil 'khor mchod cing bstod par bya/ /de ltar mtshan ma bzang mthong na//yi rang dngos grub rab 'bring bstan/ /ngan pa'i ltas dag sbyin sreg dang / /gtor ma sngags dang phyag rgyas bzlog /ba yi rnam lnga dri bsres chu/ /sngags kyis sbyangs pas dag par bya/ /mkha' dbyings dbang phyug phyag rgya yis/ /gnas kun byin gyis brlab par bya/ / oM d+harmA d+hA tu badzra swa b+hA wa At+ma kou0f85haM/ gser dngul zangs lcags la sogs pa'i/ /rin chen rgyan las byung ba'am/ /'byor med sa las byas pa ru/ /bum pa mgrin ring lto ba zlum/ /nag po dri bral kha gyed can/ /dri zhim tshon dkar gyis byugs shing / /pad+ma'i lte bas mtshan pas rgyan/ grangs bzhin tshogs pas legs gnas la/ /rigs kyi cho gas byin brlab cing / /cha rigs nyi shu rtsa bdun bsag /bum pa lha yi gnas yin te/ /kha rgyan mgul chings rta babs brgyan/ /gzungs thag thugs rje chen po'i rtags/ /sman lnga thugs rje byang chub sems/ /'bru rnams lha yi rang bzhin yin//rin chen rnam lnga sku yi 'od/ /snying po ye shes thugs kyi dbyings/ /spos sogs tshul khrims yon tan rgyal/ /rang gi gnas su dgram byas nas/ /rigs kyi dkyil 'khor dgug gzhug rnams/ /dam tshig lha dang gnyis med par/ /mchod bstod bzlas pas mnyes byas te//brgya stong brgya lhag grangs tshad nas/ /sngags kyi chu dang gnyis med gyur/ /ras gtsang me tog bcal bkram zhing / /shing bzang lo ma 'bras bur bcas/ /rdo rje gzungs skud phreng bas mtshan/ /bgegs bskrad bdug mchog bsrung bar bya/ /dkyil 'khor bsgrubs pa'i rjes thogs la//rten rnams lha yi rim pas dgram/ /bskrad bsrung sbyang zhing tshe bzung ba/ /byang nas g.yon skor sgo bzhir gzhag /mchod dang khrus kyi las dag kun/ /phyi mtshams khyams kyi gnas dag tu/ /las kun pa ni kun ldan pa/ /rnam rgyal rang gi gnas mchog mdzes//slob dpon mtshan nyid kun ldan zhing / /yang dag ye shes de nyid shes/ /rang gi lha yi sbyor ldan pas/ /shes rab mtshan ldan bcu gnyis brgyan/ /thig skud sar pa tshad ldan pas/ /sngags bcas lha mos bkal byas pa'i/ /ring thung dkyil 'khor nyis 'gyur la/ /sbom phra sgo yi nyi shu cha//rin chen thod pa'i snod gzhag la/ /rigs kyi yi ge'i sngags kyis bskyed/ /sU tra mA ti kra ma hUM/ oM AHhUM/ mig gi blta bas bkug byas pa'i/ /sangs rgyas rigs rnams gzhug par bya/ /nyi zla 'bar ba'i lcags kyu yis/ /gnyis med gcig tu gnas pa dag /mchod dbul bstod pas mnyes byas nas/ /gtso ba'i sngags brjod bsgril bar bya/ /oM dib+ta driSh+Ti aM ku sha dzaHoM badzra sa ma ya sU tra mA ti kra ma hUM/ oM AHhUM/ sgrub pa'i grogs mchog nus gnas pas/ /de nyid gsum gyis gsang sngags bzla/ /dzaHgdags gtso bo'i thugs ka nas//rang gi smin mtshams drang por 'dren/ /stobs mchog dpa' bo dgongs su gsol/ /rdo rje thig gi sgra ldan pas/ /nam mkha'i dkyil 'khor legs grub cing / /'gro ba'i don la bskul bar mdzad/ /oM a n+yo n+ya a nu gta sarba d+harmA/ s+pha ra s+pha ra a nu gta sarba d+harmA/ a t+yan+ta a nu pra biSh+Tha sarba d+harmA hUM/grogs mchog rdo rje phyag rgya yis/ /dza gsum lte ba'i gnas su 'dren/ /rdo rje khu tshur sar gzhag cing / /dang po'i thig skud gdab par bya/ /shar nub lho byang thig bzhi yis/ /logs dang mtshams su gdab par bya/ /dang po cha chen bcu drug las/ /khyams kyi snam bu ma gtogs pa/ /cha bran bzhi bzhir dgod byas la//phyi nas bcu drug rta babs sgo/ /rtsig pa rgyan bcas g.yon pa nas/ /ra ba dur khrod ci rigs brtag /dbu ma rang gi rigs 'khor lo/ /dkyil 'khor so so'i cha bzhin bgo/ /thig gdab cho ga rdzogs byas nas/ /ye shes skud pa mchod bstod cing / /phyag rgya'i ting 'dzin gsang sngags kyis//rang gi gnas su gshegs su gsol/ /rigs kyi nga rgyal sbyor ldan pas/ /mig gnyis nyi zla'i lta ba yis/ /hrI bcas sgo dang cha rnams dbye/ /oM badzra be ga a kra ma hUM/ oM thams cad rnam 'phrul rang bzhin mchog /dngos med zhi ba'i 'od ldan gsal/ /rdo rje 'dzin pa'i gter chen 'byin//dkyil 'khor dag par byin gyis brlabs/ /mnyam pa'i sngags blo rnams gsal bas/ /nyes pa'i zug rngu dag par 'gyur/ /dkyil 'khor thig gdab shes rab can/ /phyogs kun mnyam pa nyid 'grub cing / /shar nub byang gi phyogs rnams su/ /thig bzhi btab pas dkyil 'khor brgyad//dkyil 'khor yang dag ji lta bar/ /rab tu brtag par su zhig nus/ /rang gi lha yi rang bzhin gyis/ /dkyil 'khor brtag par 'grub par 'gyur/ /bdag nyid rang gi lhar sbyor bas/ /dngos grub thams cad bsgrub par bya/ /cho ga lhag gam ma tshang na'ang / / nyes pa med de 'grub par 'gyur/ /gru bzhi pa la sgo bzhi pa/ /tshad ldan rnam par phyed pa la/ /rnam 'khor phreng ba'i ra bas mdzes/ /rta babs brgyad kyis rnam spras shing / /bar khyams cha chen gcig gi tshad/ /ka ba mchog brgyad gdung rnams la/ /so so'i mtshan ma'i phreng bas brgyan/ /rin chen rdor sogs tog ger bcas//kun du sna tshogs skal bzang po/ /kun du sna tshogs 'khor lo can/ /kun du sna tshogs grub pa'i phyir/ /dkyil 'khor kun du sna tshogs pa'o/ /dkyil 'khor zlum po sangs rgyas kyi/ /rdo rje can gyi zla gam bzhin/ /pad+ma dbang gi pad+mo'i dbyibs/ /rin chen mchog gi rin chen dbyibs//ji ltar 'dod pa ci 'byor pa/ /ji lta'i dus dang ci bde bar/ /dkyil 'khor kun du gnas pa dpal/ /rta mchog phyag rgya rdo rje'o/ /rin chen lnga sogs phye ma rnams/ /snod mdzes legs par blugs byas te/ /cho ga gsum gyis rigs kyi lha/ /spyan mig 'bar bas dgug byas te//rigs kyi dkyil 'khor gnyis med gzhug /mchod bstod rang gi gnas nas dbye/ /oM badzra tsi tra sa ma ya hUM/ dkar po mthing ga dmar ser ljang / /rigs drug so so'i dbye ba yis/ /pany+tsa rang gi go rims bzhin/ /byang shar mtshams nas brtsams nas ni/ / hUM brjod rdor 'dzin g.yon gyis bris/ /re khA ma yo ma 'dres par/ /mchod dbul thod pas bkab nas ni/ /bden pa brjod cing blta bar bya/ /'di ni chos dbyings rnam par dag /sems can khams na rab sgrol byed/ /dpal ldan rgyal po che ge mo/ /de bzhin gshegs pa kun gyi gnas//yang dag bden pa'i byin rlabs kyis/ /dkyil 'khor las rnams shis par mdzod/ /thig ni phyi nas btab pa la/ /tshon rtsi nang nas dgye bar bya/ /dang po slob dpon gyis bri zhing / /phyi nas ci bder shes pas bri/ /nyes pa kun las rnam grol bas//tshon gyi las ni yang dag brtsam/ /rtse gcig las su rung byas te/ /mtho zhing drang ba'i rgyan bcas pa'o/ /re khA dma' bas mi 'grub cing / /yon pos gdung ba skyed par byed/ /chad pas slob dpon slob ma dag /'chi 'am na bar 'gyur ba yin/ /lhag chad las ni nad 'byung zhing //phyogs 'khrul rmongs pa'i las su 'gyur/ /pad+ma so so'i gdan dag la/ /rigs kyi mtshan mas brgyan pa dang / /kun du sna tshogs skal bzang po/ /rang 'byung rnams kyi mtshan ma'i rgya/ /nam mkha' dbyings kyi mtha' klas pa'i/ /lha mo rnams kyi bde ba'i mchog / gzhu dang mda' dang de bzhin te/ /skal bzang de bzhin skal ba bzang / /thod pa dang ni kha T+wAM ga /rdo rje rgya gram de bzhin no/ /pad+ma rgya gram dpag med tshe'i/ /sangs rgyas kun gyi tshe sgrub pa/ /lha mo'i tshogs rnams thams cad kyi/ /mtshan ma'i phyag rgya'i tshogs bsgrubs nas/ /mda' dang de bzhin tshangs pa'i mgo /de bzhin 'khor lo'i phyag rgya dang / /rdo rje dril bu phyag rgya'i mchog /dpag bsam shing gi lcug ma dang / /pad+mo rta mgrin 'phang mtho ba/ /rta mgrin ljang gu de bzhin no/ /phag gi mche ba grub pa dang / /zla ba nyi ma de bzhin te/ /rin chen sna tshogs snod chen du/ / sangs rgyas kun gyi ra sa yan/ /thams cad bdag nyid myong skal bzang / /mtshan ma'i phyag rgya'i tshogs gzhan no/ /gling bu dang ni pi wang dang / /ku mu ta dang muny+tsa ra/ /me tog bdug pa mar me dang / /sna tshogs dri rnams de bzhin no/ /rim bzhin snying po sngags bcas pas/ /rang rang mtshan ma sngags bcas dgod//mtshams bzhir bum pa gang ba bzhi/ /bdud rtsi lnga yi thod par bcas/ /rgyan bcas mchod pa ma lus pa/ /phyogs mtshams steng 'og gnas su dgod/ /chos gos dang ni lhung bzed dang / /de bzhin du ni 'khar gsil dang / /dam pa'i chos kyi glegs bam dag /mtshan ma'i phyag rgya'i tshogs bzhin no/ /de bzhin lce yi phyag rgya dang / /cha lang dang ni rnga yab dang / /rdo rje dang ni rin chen sgron/ /mtshan ma'i phyag rgya'i tshogs gzhan no/ /de bzhin sangs rgyas gzugs brnyan dang / /me long dang ni rlung yab dang / /rdo rje ser po sprin dang bcas//de bzhin mig gi phyag rgya'o/ /lha mo rdo rje glang sogs kyang / /'khor lo'i mtshan mas bsgyur te dgod/ /rdo rje 'bar ba kha T+wAM ga /thod pa kham phor de bzhin no/ /dmar chen po dang snying chen po/ /sha chen po yang de bzhin no/ /rnon po mda' dang de bzhin 'dren//chang dang chu yang de bzhin te/ /lcug ma rlung gis bskyod pa dang / /rang dang de bzhin me dag dang / /rdo rje 'bar ba kha T+wAM ga /gzhu dang kha T+wAM dril bur bcas/ /'khor lo rtse brgyad rnon po dang / /sna tshogs ba dan dril bur bcas/ /me tog ma sogs lha mo brgyad/ /rdo rje sems dpa'i dkyil 'khor bzhin//pad+ma sna tshogs dmar po dang / /ljang gu de bzhin dkar po dang / /mthing kha ser po le brgan dag /pad+ma'i mtshan mchog rnam pa bdun/ /pad+ma'i snying po bud med brgya/ /de bzhin chos kyi 'khor lo dang / /bsad cing dpal bskyed rdo rje dag /pad+ma'i mtshan ma'i tshogs gzhan no//pad+mo dmar po tri shU la/ /pad+ma sna tshogs 'khor lo che/ /pad+ma ser po chu srin rgyal/ /pad+ma le brgan rdor rtse lnga/ /gling bu la sogs pad+mas mtshan/ /bcu gnyis la sogs dgod par bya/ /gzhu dang mda' dang ral gri dang / /de bzhin du ni 'bar ba'i me//dbang bskur gter dang rgyal mtshan dag /mchod pa'i mtshan mas bsdu ba dang / /mda' dang gzhu dang ral gri dang / /rdo rje nyi ma'i 'od zer bcas/ /rin chen gling bu la sogs rnams/ /so so'i gnas su dgod par bya/ /sna tshogs rgya gram la sogs brgyad/ /de bzhin sna tshogs pad+ma dang //rdo rje rgya gram de bzhin te/ /mtshan ma'i phyag rgya grub pa gnyis/ /dkyil 'khor gang gi gnas zhugs pa/ /lha mo'i mtshan ma rab bstan te/ /khyad par las kyi mtshan ma dang / /yi ge'i rigs kyis brgyan pa'o/ /kha dog rigs kyis rnam 'byed cing //mtshan ma'i phreng bas mdzes byas pa/ /bar khyams sa gzhi dkar po la/ /dbus ni kha dog lnga ldan pa'o/ /shar sgo kar ti 'od gsal zhing / /gser mdog lho yi sgo phyogs brjid/ /nub sgo pu sha rA ga'i mdog /byang sgo in dra nI la'o/ /rta babs rgyan bcas mtshan ma'i tshogs//nyi shu rtsa lnga'i mtshan dang ldan/ /pad+ma rdo rje me 'od kyi/ /kha dog rang bzhin rnam par gnas/ /dur khrod phyogs mdog khyad par dang / /thun mong dbye bas rnam bstan pa'o/ /'dod 'byung bdud rtsi'i mdog can la/ /phyi yi ra ba bai DUr+ya/ /de ni sna tshogs bum pa dang //mchod pa'i tshogs mang rab dgod cing / /rgyan sogs phreng bas mdzes byas la/ /sna tshogs me tog sngags bcas dgram/ /me tog dkar dang dmar ba dang / /mthing gser po kun bsdus pa/ /me tog phyag rgya mchog 'di ni/ /'dod pa'i yon tan lnga la spro//rgya skyegs mthing ga ljang gu'i tshogs/ /tshon sna lnga yis btsos pa dang / /dkar po lnga yi phyag rgya dang / /snga ma bzhin du mnyam par 'grub/ /khams las byung ba thams cad dang / /srog dang rtsa ba de bzhin te/ /rnam par mdzes shing dri zhim pa/ /snga ma bzhin du mnyam par 'grub//tsan+dan gnyis dang gla rtsi dang / /ga pur na ga la la ti/ /bdug pa bu ram dang sbyar ba/ /las rnams thams cad las 'grub pa'o/ /gar dang tri dang gu gul dang / /sardza ga pur gla rtsi dag /rdzas 'di dag las btsos pa'i mar/ /mar me byas na snang ba bskyed//tsan+dan gur kum pri ka dang / /ga pur dang ni gla rtsi dag /btsos pa'i bdug pa bsgrub pa ste/ /spos kyi phyag rgya spos mchog 'gyur/ /ka ko la dang sug smel dang / /gla sgang ga pur gla rtsi dang / /'di rnams zhib tu btags pa ni/ /seng ldeng bu ram dag dang sbyor/ /shing tsa pa Ta lo ma dang //na le sham dang ga pur sbyar/ /ha sa ka ri'i shing mngar gyis/ /sbrus pa kha yi spos yin no/ /me tog dmar po sangs rgyas la/ /rdo rje can la sna tshogs pa/ /'jig rten dbang la kha dog dkar/ /ser po mkha' las byung ba la/ /tsan+dan bdug pa sangs rgyas la//rdo rje can la du ru ka /spyan ras gzigs la ka pi ta/ /lce pog rdo rje nyi ma la/ /mar me phreng ba sangs rgyas la/ /rdo rje can la mar me bdun/ /spyan ras gzigs la mar me brgyad/ /stong ni rdo rje nyi ma la/ /sangs rgyas rnams la tsan+dan spos/ /rdo rje can la gur kum yin//spyan ras gzigs la tsan+dan dmar/ /ga pur rdo rje nyi ma la/ /me tog phreng dang bdug pa kun/ /de bzhin mar me thams cad dang / /spos rnams thams cad ji snyed pa/ /rdo rje can la dbul du rung / /srung ba'i 'khor lo'i cho ga yis/ /dkyil 'khor rdzas bcas bsrung byas nas//sta gon nam mkhar bteg pa rnams/ /rang gi gnas su ma nor dgod/ /gzhi rten sbyor ba'i ting 'dzin gyis/ /dam tshig dkyil 'khor gsal ba dang / /ye shes dkyil 'khor la dmigs te/ /mdun gyi dkyil 'khor gnyis med pa'i/ /dkyil 'khor mnyes pa'i las rdzogs na//gzugs brnyan dkyil 'khor gsal ba gdab/ /rgyan bcas rdo rje dril thogs pas/ /yi ge brgya pa'i sngags bcas kyis/ /bskang zhing stang stabs sbyor ldan pas/ /dkyil 'khor lan gsum bskor zhing bstod/ /dkyil 'khor sgrub pa shis byas shing //las 'grub bar chad bsal ba'i phyir/ /gtor ma'i cho ga rgya chen pos/ /'jig rten pa yi mchod sbyin bya/ /dkyil 'khor chen po'i phyogs bzhi ru/ /so so'i maN+Dal legs dgod de/ /shar du chu dkyil dkar po'i tshul/ /lte ba gru gsum zla gam gsum//gru bzhi bar khyams sgo dang bcas/ /rin chen phreng ba'i rgyan tshogs mdzes/ /gtso bo'i mdun du lha chen po/ /kaM las byung ba drag po yi/ /mig gsum tri shUl dgra sta dang / /ral gri thod pa sha khrag bcas/ /sngo skya thod pa zhags pas dkris/ /nyi zla rin chen phreng bas mdzes//dbu ma ljang skya thod pa thogs/ /na ra'i rgyan bcas rnam 'khril gnas/ /g.yas su tshangs pa oM las byung / /gser mdog gdong bzhi phreng bas mdzes/ /khams gsum skyob tshul rnam 'grub ma/ /mdzes ma kun gzugs rin chen 'dzin//dbang po mig stong a las byung / /rdo rje rtse gsum zla 'dra'i mdangs/ /'dod pa'i longs spyod kun la rol/ /sha tsi dkar mo rin chen dang / /g.yon du ha las khyab 'jug ste/ /nag po drag chen khros pa'i gzugs/ /'khor lo rtse gsum mda' dang gzhu//gzugs chen chen mo pad+ma'i mdog /'dod dbang dam pa las byung ba'i/ /ser skya sna tshogs rgyan gos can/ /snang ba'i mda' 'dzin mos pa'i dpung / /drag mo gnas rgyal rin chen skyes/ /kun kyang rang rigs g.yog 'khor dang / /stan dang longs spyod tshogs bcas pa'o//dbang po dkar skya rtse gsum 'dzin/ /gshin rje sngo nag thod dbyug gdengs/ /chu lha dmar ser zhags pa thogs/ /gnod sbyin ljang gu in+d+ra nir/ /dbang ldan ser skya rin chen mdzod/ /me lha dmar ser bgrang phreng bum/ /rlung lha dud kha ba dan phreng //bden bral ljang sngon rin chen dbyig /rgyan bcas bzhon pa chung ma'i tshogs/ /las mdzad g.yog 'khor bran dang bcas/ /sgo bzhi nyi ma zla ba'i lha/ /sa bdag sa yi lha mo gnas/ /rang mdog mtshan ma rgyan dang bcas/ /g.yog 'khor bzhon pa'i gnas la 'khod//lho phyogs dkyil 'khor zur gsum gnag /gru gsum zla gam khyams dang snod/ /mdun du las dag mkha' 'gro ma/ /g.yas su rdo rje rin chen ma/ /g.yon du pad+ma sna tshogs ma'i/ /mkha' 'gro lnga rnams 'jigs pa'i tshul/ /phyogs bzhi mtshams kyi khyams dag la//dur khrod mkha' 'gro chen mo brgyad/ /sgo bzhi'i gnas srung drag mo'i tshogs/ /ru lu ru lu'i sgra 'don ma/ /kun kyang b+h+yo las rnam 'phrul zhing / /mdog nag gri gug thod pa thogs/ /mi yi thod phreng legs pas mtshan/ / dam tshig mtshan ma g.yog 'khor bcas/ /nub kyi pad+ma dmar po la/ /klu brgyad yi ge phu las byung / /sna tshogs sbrul mgo gdengs ka can/ /phyogs mdog rin chen snye ma dang / /bcas pa'i thal mos phyogs su gus/ /nor bu'i rgyan phreng chung ma dang / /longs spyod g.yog 'khor bcas pa yis//rang gi las bzhin rnam par spyod/ /byang du maN+Dal 'byung chen dbyibs/ /ser po bar khyams drug pa la/ /a nri su tri pre du las/ /'gro ba drug po ma lus pa/ /sgor bzhir 'byung po ma lus rnams/ /gzugs gzhag rid pa mi sdug dgod//rang rig sngags dang phyag rgya yis/ /sbyang zhing byin brlabs sku rdzogs par/ /byas nas rang rigs bdag pos brgyan/ /rang gi rigs las rnam par dag /sgeg mo dang ni na chung dang / /mos dang de bzhin bdud rtsi dang / /gcig pu pa dang 'dod chags sra/ / g.yon can bran mo de bzhin te/ /lan tsha la sogs ro kun dang / /ka ra la sogs bdud rtsi sbyin/ /bdag nyid kun gyis ro grub pas/ /ma lus lus pa med par 'grub/ /sha dang chang du ldan pa yi/ /bza' ba sna tshogs grub pa ni/ /dag pa'i longs spyod skal mchog ste//tshe yi dam tshig rab tu grub/ /a mra smin dang rgun 'bru dang / /pa na sa dang ni li ger/ /a ru ka la sogs pa yi/ /'bru yi phyag rgya mchog rnams dang / /kha ra sbrang rtsi'i byug pa yi/ /a mra la sogs tshi gur bcug /ha sa ka ri mar la sogs/ /mnyam pa'i dri yis bsku bar bya//spang dang rgya skyegs la sogs pa'i/ /tshon gyis mthun par kha bsgyur nas/ /shun pa gro ga la sogs byas/ /mchod pa'i tshe na dbul bar bya/ /sangs rgyas rnams la spos dbul ba/ /sha dang chang ni rnam par spang / /glu dang sil snyan grub pa dang //gdugs dang rgyal mtshan ba dan dang / /sha dang chang du bcas par ni/ /gtor ma'i mchod rten sna tshogs pa'o/ /bdag gi dbang phyug skal bzang po/ /rdo rje las ni dpal grub pa'o/ /bshos dang gtor ma dkar po dang / /pad+ma'i me tog ldan pa ni/ / spyan ras gzigs dbang gtso bo la/ /phul nas dgos pa thams cad 'grub/ /rgyal po kha zas sna tshogs pa/ /sha dang chang du ldan pa dag /glu dang sil snyan skal bzang kun/ /rdo rje lta stangs nyi ma yi/ /rdo rje nyi ma'i 'khor la dbul/ / kha zas kun gyi ro rnams dang / /sha dang sha yi mchog rnam dag /sha yi sbyor ba sha skam tshogs/ /bshos dag rdo rje rta la dbul/ /thod pa snod du sbyar ba yi/ /bza' btung bca' ba sna tshogs rnams/ /ha hoHhrI yis bsregs sbyangs brlabs/ /mgron tshogs rnams la bsngo bar bya//mchod pa rdzas chen ma lus pa/ dang po dri yi chus sbyangs pa/ /sna tshogs sgra snyan ba dan tshogs/ /bkod pa'i mchod gtor byin brlabs spel/ /sangs rgyas rdo rje sems dpa' sogs/ /rta mchog gzugs su sprul byas nas/ /mchod pa'i tshe na dbul bar bya//mgron gyi tshogs rnams bsdu bar bya/ /oM badzra sa ma ye/ e a ra li b+h+yo a a dza dza/ 'khor bcas bsdus pas 'ongs pa dang / /dam tshig phyag rgya rnam gsum bstan/ /oM badzra gu h+ya dr-i sh+ya sa ma ya s+t+waM/ oM badzra gu h+ya dr-i sh+ya ho sa ma ya ho/ /oM badzra gu h+ya dr-i sh+ya ho sa ma ya phaT/i dam puSh+pe d+hU pe tI pe gan+d+he pU dza s+pha ra Na ar+g+haM ba liM khA hi/ yaM las bskyed pa'i gzhu 'dra dbyibs/ /ba dan g.yo bas mtshan pa'i steng / /raM byung me yi dkyil 'khor dmar/ /'bar ba gru gsum ra yis mtshan/ /kaM byung thod pa mtshan ldan nang //'od gsal chags med la gnas pa'i/ /mi 'chi lnga sogs phyogs dang mtshams/ /a las byung ba'i zla ba dang / /hUM las rdo rje dgab par bya/ /hUM oM hrIHhrI traM haM bzhi pa'o/ /oM AHhUM sarba pany+tsa a mr-i ta hUM hrI thA/ rim bzhin sngags dang mtshan ma dang / /sku gyur 'phro dang 'du ba yis//ye shes bdud rtsi bkug byas te/ /rdo rje bzhugs nas snod bzang gtams/ /zla 'dra 'od zer lnga bcas pas/ /dkyil 'khor tshogs bcas mnyes par bya/ /oM 'jig rten kun gyi gtso mdzad pa'i/ /'jigs chen dregs byed stobs ldan pa/ / bde gshegs sras mchog bran mdzad pa'i/ /byang chub sems ldan snying rje can/ /dbang phyug chen mo chung mar bcas/ /de bzhin khyab 'jug tshangs pa dang / /brgya byin 'dod khams chung mar bcas/ /lha chen 'khor dang bcas tshogs dang / /phyogs skyong brgyad po 'khor bcas dang //klu chen brgyad po 'khor bcas dang / /mkha' 'gro drag po gsum 'dzin ma/ /dur khrod ma mo'i tshogs bcas dang / /gzhan yang lha srin sde brgyad dang / /mkha' 'gro drug po 'khor bcas rnams/ /sku gsung thugs sogs sbyang byas nas/ /rang gi lha yi gzugs 'dzin rnams//gnas 'dir 'dus pa'i dam tshig can/ /mchod gtor rgyun dang bcas pa bzhes/ /dam tshig srungs shig dam tshig can/ /las la sogs pa'i mkha' 'gro'i tshogs/ /mkha' 'gro chen mo 'khor bcas rnams/ /rnal 'byor sgrub pa'i grogs mdzod cing //las mdzad rdo rje bran mdzad pas/ /zhi rgyas dbang drag las grub cing / /theg chen gsang sngags bsrung ba dang / /nad dang gdon sogs zhi ba dang / /tshe dang bkra shis spel ba dang / /bde legs 'bras bu grub par mdzod/ /oM AH hUM pad+ma ba mu khi hUM hrIH/rta mgrin phyag rgya rnam gnyis kyis/ /las rnams dngos grub tshogs gyur cig /dngos grub dbang du byas nas ni/ /rang gi gnas la dgod par bya/ /oM hrI badzra DA ki ni maM ba liM ta pra tIts+tsha hUM khA hi/ oM ha hri ha khA hi/ thugs rje chen pos gzigs nas kyang / /sna tshogs rgyud rnams sprul mdzad pa'i//gar mkhan 'khor lo'i rgyud mnga' ba/ /drag po zhi mdzad khyod lags so/ /sna tshogs gar gyis rnam par 'phrul la phyag 'tshal lo/ /rdo rje la sogs mtshon chas rol la phyag 'tshal lo/ /ma lus lha yi lha mchog skyong la phyag 'tshal lo//dpa' rtsal rdzogs bcu shugs la phyag 'tshal lo/ /oM a ti b+hu ho/ /a la la la la ho/ /oM shing gcig dang ni dur khrod dang / /ri bo'i sul dang 'bab chu'i gling / /khyim grong grong gi ngogs gnas sogs/ /zhing khams grong khams stong pa dag /sems can snod dang thang sogs pa/ /chu yi gnas mal khyad par du/ /drag po nag po drag chen mo/ /ma mo dang ni mnyam par gnas/ /nag po gtsigs pa 'jigs su rung / /dga' las 'das dang log 'dren ma/ /gdol pa chen mo lam pa kyi//sum cu rtsa gsum dbang phyug ma/ /g.yon ldan mar me 'jigs byed ma/ /grong du gnas pa'i rnal 'byor tshogs/ /'jigs pa'i gzugs 'dzin 'jigs chen mo/ /mche ba gzugs ngan 'jigs pa nyid/ /thod pa'i phreng ba 'phyang ba dang / /mthu chen lag na kha T+wAM ga /lag na dgra sta ral gri dang / /rdo rje mtshon cha gzhu yi lag /mkha' 'gro chen po de nyid che/ /las rnams rjes su sgrub par byed/ /rnal 'byor dkyil 'khor rgyal chen po/ /de bzhin rdo rje dbang phyug gtso/ /de bzhin gshegs pa'i sku chen las/ / skyon med rnal 'byor 'byin pa mo/ /thams cad gnas nas tshogs pa rnams/ /rang gi dam tshig las mdzod cig /oM kak+ka D+ha na/ bab+ban+d+ha na/ kha kh+khA da na/ sarba dush+Ta naM/ ha na ha na/ g+ha g+ha g+hA ta ya/ a mu ka s+ya/ shAn+tiM ku ru/ hUM hUM phaT phaT dz+wa la swAhA/ oM AHhUM muHbadzra gats+tsha/dkyil 'khor chen po thog ma dang / /bar dang tha ma'i gnas rnams su/ /zhi rgyas dbang dang mngon spyod dang / /las kun pa yi sbyin sreg brtsam/ /gsang sngags kyis ni 'grub byed cing / /sbyin sreg las kyis 'bras bu 'byin/ /sgrub pa thams cad don yod par//sngags bzlas sbyin sreg shis pa yin/ /bzlas brjod grangs ni bcur 'gyur te/ /sbyin sreg sngags grangs bcu cha'o/ /dkyil 'khor chen po'i shar phyogs su/ /las kun pa dang rgyas pa brtsam/ /byang du zhi ba lhor mngon spyod/ /nub tu dbang dang dgug pa'i las//thab khung gi ni nang rgya ru/ /khru gang zabs su phyed brko zhing / /kha khyer rim gsum bskyed byas la/ /rim bzhin sor ni bzhi bzhir gnas/ /zhi la zlum po rgyas gru bzhi/ /dbang la zla gam gru gsum drag /dkar ser dmar gnag rim bzhin no//las kun dbyibs dang mdog kun ldan/ /'khor lo rin chen pad+ma dang / /rdo rjes mtshan cing phreng bas brgyan/ /tsan+dan dkar po dan da ka'i/ /shing sogs 'o ma dang ldan pa'i/ /mngar gsum dri yi chus byugs pa'i/ /zhi ba'i khang pa zlum por brtsig / gser zhing bil ba ma dan dang / /'bras bu me tog dang bcas pa/ /gi wang dzA ti ser po'i shing / /rgyas la rin chen zur brgyad dbyibs/ /rgun shing kham bu d+hi ka ri/ /nags kyi lcug ma dri mar sogs/ /gur kum dri sogs dmar po'i mdog /dbang la rtse gsum zla gam dbyibs//bse shun sta ru marga ti/ /seng ldeng smug po 'bras bu'i shing / /chag gas gdug pa'i rdzas bcas pas/ /drag pa'i dbyibs bzhin bstan pa'o/ /rtse mo'i cha las byung ba yi/ /sor bzhi brgyad dang bcu drug gnyis/ /so sor dmar gyis byugs pa la//me tog dri bcas brgyan par bya/ /thab kyi phyi rol nye 'khor dag /ku sha rgyan dang mtshon cha dang / /me long rnga ma yol ba bcas/ /tshon sna lnga yi thag pas bskor/ /me tog bdug pa mar me dri/ /sman mar 'bru rnams bdud rtsi chang / /me tog rim gyis brgyan pa dang //til 'bru nyungs kar mngar gsum rdzas/ /'o ma 'bras chang zho mar chan/ /gro 'bras ma sha nas so ba/ /bil ba ku sha star ka dUr/ /dzA ti pha la 'bras bu gsum/ /u dum nags kyi lcug sogs shing / /rin chen phreng ba ba dan sogs/ /mi 'chi lnga dang lcags kyu bcas//sgrub pa po yi mdun du gzhag /g.yas su rdo rje dril bu dang / /yam shing til 'bru rlung g.yab gzhag /g.yon du me tog dri chu bcas/ /dUr ba ku sha'i chun po dag /mchod yon yan lag brgyad ldan pa/ /mchod rdzas kun gyi sna la dgod/ /hUM bzhi'i sbyor bas bgegs bsal zhing //rdzas rnams bsangs sbyangs gnas su dgod/ /rdo rje sems dpa'i sbyor ba las/ /rigs kyi dkyil 'khor gsal byas nas/ /chas gos lnga po bgos byas te/ /phyag rgya lnga sogs rgyan gyis mtshan/ /bdud rtsi'i ri lu khar bcug cing / / dbang po kun la thig les mtshan/ /snyoms 'jug phyag rgya'i tshul bzhin du/ /dkyil 'khor gru bzhi sogs rnam pas/ /byams pa'i sems sogs nyer gzhag ste/ /dus bzhi'i bye brag dbye ba yis/ /so so'i stan la legs gnas pas/ / phyogs bzhir lta tshul las la dmigs/ /ku sha rus pa mtshan ma'i dbyibs/ /dag byed g.yon pa'i ming med brgyan/ /lus ngag yid gsum mthu bskyed cing / /bdag dang 'gro ba sbyangs byas nas/ /'phags dang sems can la dmigs te/ /mdzad pa rgya chen rab spyod do//gzhi rten sbyor ba la gnas pas/ /dmigs pa gsum gyi las rdzogs nas/ /rang gi sngags dang phyag rgya yis/ /thams cad byin gyis brlab par bya/ /mdun du dpal mchog las byung ba'i/ /raM bskyed las dang rjes mthun pa'i/ /dkar ser dmar gnag go rims bzhin//zhi rgyas las mdzad me lha bskyed/ /mig gsum gdong bzhi ral pa can/ /gsus po che la phyag bzhi pa/ /mi 'jigs bgrang phreng spyi blugs dang / /dbyug pa srad bu'i phreng ba thogs/ /sum mdo ris mtshan yum dang 'khril//pad+ma'i gdan la rnam par gnas/ /dbang bskur byin brlabs dbu rgyan can/ /me ri 'bar bas mtshan bcas pa'o/ /dzaHhUM baM hoH'i sbyor ba dang / /sngags sogs 'od zer phyag rgya yis/ /snga ma'i cha lugs 'dra ba yi/ /lha nyid gnas su dgug par bya//g.yas ni mi 'jigs sbyin pa las/ /mthe bong srin lag rtsar bzung bskyod/ /oM e h+ye hi/ ma hA b+hu ta/ de ba r-i Shi dwi dza satwa/ ma ti kri ta a nu ma hA sa nod tota ba b+ha/ oM ba b+ha ka ag+na ye swA hA/ oM ma hA kro d+hi shwa ri sarba dra byaM shwa d+ha ya swAhA/ gnod mdzes sngags kyis bgegs bskrad de//gnyis med phyag rgya bzhi yis gdab/ /dge 'dun rgyal po smad 'tshong dang / /rigs ngan shan pa'i rigs dag gam/ /me long me shel gtsub shing dang / /rdo lcags sbyor ba'i me blangs nas/ /g.yas nas lan gsum bskor byas te//sngags dang phyag rgyas rlung g.yab g.yab/ /oM a Tak+ki hUM/ dzaHhUM baM hoH/ sa ma ya s+t+waM/ oM a dz+nyA na dz+wa la raM/ g.yas pas ku sha chun po yis/ /phyogs rnams kun du bsang gtor bya/ /lag gnyis mchod yon phyag rgya yis/ /dung chos blangs te dbul bar bya//dgang gzar rgyar ni so bzhi la/ /zabs su sor gnyis tshad brkos pas/ /rtse mo rgyun 'jug sor bzhi pa/ /pad 'dab bug pa mthe'u chung tshad/ /rang gi phreng ba'i mtshan mas bskor/ /khru gang rdo rje rin chen bcas/ /blugs gzar sor gnyis phyed brkos shing //pad 'dab rdo rje'i mtshan mas brgyan/ /thog ma bar dang mtha' mar bcas/ /bar du rdzas gzhan sna tshogs pa'o/ /oM badzra a na la ma hA b+hu ta dz+wA la sarba b+hi smiM ku ru sarba duSh+Ta hUM phaT/ me sbar ba yi don ched du/ /dgang blugs gsum mam bdun phul la//bgags kyi mtshan ma brtags byas te/ bzlog gzir mnan pa'i las rnams bya/ /oM na maHsa man+ta ag+na ye swAhA/ dgang blugs dbul ba'i sngags so/ /oM sarba pA paM da ha nA ya swAhA/ til gyi'o/ /oM ag+na ye badzra dz+nyA na swAhA/ yam shing gi'o/ /oM sarba pA paM da ha na badzrA ya swAhA/ til dang mar bsres pa'i'o/ /oM sarba saM pa de swAhA/ zho'i 'o/ /oM sarba si ma te swA hA/ ku sha'i'o/ /oM badzra A yu She swAhA/ dUr ba'i myu gu mar gyis byugs pa'i 'o/ /oM ma hA be+e ga ye swAhA/ nas kyi'o/ /oM badzra g+hasma ri ye swAhA/gro'i'o/ /oM badzra bi dzA ya swAhA/ 'bras so ba'i'o/ /oM ma hA ba lA ya swAhA/ ma sha'i'o/ /oM badzra puSh+Ta ye swAhA/ 'bras so ba'i 'o/ /oM pu she ye swAhA/ 'bras ma grus pa dang mar bsres pa'i 'o/ /oM ma hA sho pa ye swAhA/ bil ba dang star ga'i'o/ /rdzas gzhan sna tshogs gang yin dag /rigs kyi gtso bo'i gsang sngags sam/ /yi ge bdun nam lnga yis sam/ /rang ming sbyar bas dbul bar bya/ /oM pra ba ra sata kA ra pra tIts+tsha ho swAhA/ zhes bya bas yang dgang blugs dbul lo/ /de nas nye reg sogs dag byas/ /mchod pa lnga yis mnyes pa dang //bden pa'i dbyangs kyis bstod byas nas/ /rang gi las la rab tu bskul/ /lag gnyis thal sbyar bskyod byas te/ /rdzas rnams lan gsum sbyang bar bya/ /oM badzra kI li kI li bi ma la ri ti badzra Tak+ki ni hr-i da ya hUM phaT/me gnas gzhal yas gdan bcas la/ /gzugs brnyan dkyil 'khor rim bzhin dgod/ /bzhugs gsol zhabs bsil sogs dbul zhing / /mchod bstod cho ga rgya chen bya/ /las kyi cho ga bzhin du ni/ /me gnas khang pa gdan bskyed cing / /dam tshig dkyil 'khor rim bzhin dgod//ye shes lha tshogs spyan 'dren tshogs/ /mchod pa'i phyag rgyas mnyes pa dag /so so'i las la rnam par sbyar/ /rang gi rigs kyi dkyil 'khor dag /sbyor sngags mtha' ma'i gnas su spel/ /yam shing 'od la dbul byas te//til zho nas ni phyag tu'o/ /ku sha dUr ba gtsug tor la/ /mar khu nas gro so ba dang / /ma sha ka sogs zhal du dbul/ /zhu ba'i rdzas kun de bzhin no/ /spos rnams shangs la me tog spyan/ /dri mchog dkar dmar me yi 'od/ /mchod yon 'thor 'thung phyag tu dbul//bdud rtsi ljags la gos mchog sku/ /rin chen phreng ba dbu dang snyan/ /rol mo'i rdzas rnams mdun du'o/ /de nas slob dpon la sogs pa'i/ /sdig pa'i gzugs brnyan sbyangs byas nas/ /bsrungs shing shis pa'i las kun dang / /'dod don gang yin gsol ba gdab//slar yang mchod cing bstod byas te/ /dgang blugs phul te mnyes par bya/ /gzugs brnyan gnas nas spyan drangs pa/ /slar nyid rang gi gnas su dgod/ /ye shes dkyil 'khor bsdus pa dag /dam tshig lha dang gnyis su dbye/ /mchod bstod phyag rgyas gshegs su gsol//bskyed pa'i rim bzhin bsdu bar bya/ /mthar yang me lha mchod bya ste/ /gshegs gsol rang gi gnas su bsdu/ /sna tshogs rgyan rnams thams cad kyis/ /gnas kyi sa gzhi nyer mdzes par/ /slob dpon khrus byas rgyan gyis bklubs//rdo rje dril 'dzin sbyor ldan pas/ /rab gnas bya bar 'os pa dang / /sna tshogs mchod pa'i rdzas rnams bsags/ /rdo rje khro bor byin brlabs pa'i/ /mtshan ma'i rdzas kyis bgegs rnams bskrad/ /tshogs bsags srung ba'i 'khor lo dang / /gzhi rten sbyor ba'i ting 'dzin dang //ye shes lha dmigs las rdzogs nas/ /rab gnas rten rnams sbyang bar bya/ /bsang gtor sngags kyis gtor byas nas/ /nyungs kar sngags bcas lan gsum du/ /kham phor me yi nang du bsreg /slar yang chu yis shis par bya/ / oM sarba pA paM da ha na badzra ye swAhA/ ba yi rnam lnga legs sbyar ba/ /'dag chal rnam lnga bdud rtsi'i sbyar/ /dUr ba'i pir gyis sku byugs te/ /brlan 'jig pa la me long ngos/ /hUM oM hrIHhrIHtraM ho/ /oM rnam dag ku sha'i chu rgyun gyis/ /dri ma'i mtshan ma dag par bya//oM sarba ta thA ga ta kA ya wAka tsit+ta sho d+ha ne badzra swA hA/ dri zhim sbyar ba'i mar byugs te/ /skyu ru ra yi 'dag chal dang / /shun pa lnga yi rdzas rnams kyis/ /dngos sam me long gzugs brnyan phyi/ /mdun gyi sangs rgyas dkyil 'khor rnams/ /mchod pa'i tshogs kyis mnyes byas te//sta gon gnas shing dgongs bya'i phyir/ /spos snod bzung ste gsol ba gdab/ /ji ltar rdzogs pa'i sangs rgyas kun/ /dga' ldan gnas nas byon mdzad de/ /sgyu 'phrul chen mo'i lhums zhugs ltar/ /de bzhin 'dir yang bzhugs su gsol//mgon mchog gnas 'dir bzhugs nas kyang / /me tog la sogs mchod bzhes la/ /'di don gzung bar bya ba dang / /byang chub sems mchog 'phel bar mdzad/ /bcom ldan rdo rje che ge mo/ /rig pa'i rgyal po phyag 'tshal bstod/ / mgon po thugs rje brtse ba yis/ /nang par rab gnas bgyid par 'tshal/ /slob ma rnams la brtse ba dang / /khyed rnams la yang mchod pa'i phyir/ /bcom ldan bdag ni gus pa la/ /bka' drin cho ga bya bar 'os/ /'gro ba'i 'khor nas sgrol mdzad pa/ /sangs rgyas bdag la dgongs su gsol//byang chub sems dpa' dgra bcom dang / /gang dag gsang sngags kyi lha dang / /'jig rten skyong ba'i lha tshogs dang / /'byung po rdzogs sangs rgyas bstan pa/ /mngon par dga' ba'i gnas bstan pa/ / rdo rje'i spyan dang ldan pa'i tshogs/ /rdo rje che ge mo bdag gis/ /rig pa'i rgyal po che ge mo'i/ /rab gnas yo byad ci 'byor zhing / /'gro la phan phyir bgyid par 'tshal/ /bdag dang slob mar bcas pa la/ /thugs rjes nye bar dgongs nas kyang / /rab tu gnas pa'i las rnams la//byin gyis brlab par mdzad du gsol/ /sku gzugs lugs ma la sogs rnams/ /gzhi rten sbyor ba'i ting 'dzin gyis/ /rang rig lha yi rnam par bsam/ /phyag rgya bzhi yis brtan par bya/ /pu ti rigs kyi lha nyid las/ /gsung sogs yi ge'i rnam par gyur//mchod rten la sogs gzhir bcas pa/ /mos pa'i lha rnams gang yang rung / /dzaHhUM baM hoH'i sbyor ba yis/ /lha rnams brtan par bzhugs su gsol/ /mchod cing bstod pas mnyes pa dang / /sngags mang brjod cing na bza' g.yogs/ /de nas snga dro'i dus su ni//snga ma'i sbyor bcas tshig gis bskul/ /bzhengs gsol gos sogs bsal byas nas/ /sngar bzhin bsgom bzlas mchod sogs bya/ /ji ltar bltams ma thag tu ni/ /de bzhin gshegs kun khrus gsol ba/ /lha yi chu ni dag pa yis//de bzhin bdag gis sku khrus gsol/ /oM sarba ta thA ga ta sa ma ya shrI ye hUM/ dri med ras [(]gyis [,]kyis [)]rlan phyis shing / /dri zhim rdzas kyis byug par bya/ /dngul snod mar dkar sbrang rtsis bkang / /gser thur rtser blangs spyan la byug /oM tsak+Shu sa man+ta tsak+Shu bi sho d+ha ni swA hA/me yi sreg khang bzang po ru/ /rgyas pa'i sbyin sreg dbul bar bya/ /oM ru ru s+phu ru dz+wa la tiSh+Tha sid+d+ha lo tsa na sarba ar+tha sA d+ha ne swA hA/ oM me lha'i me tog shin tu dmar/ /lha yi dri yis nye bar byugs/ /me tog bzang po 'di bzhes la/ /gnas 'di nyid du bzhugs su gsol//oM mar me 'od bzang 'bar ba ni/ /ngan 'gro'i mun pa 'joms byed pa/ /lha yi mig 'byed dam pa 'di/ /bdag la dgongs te bzhengs su gsol/ /oM tsan+dan gur kum sbyar ba yi/ /dri mchog bdug pa 'di bzhes la/ /dbang po'i sgo rnams tshim pa'i mchog /byin gyis rlobs la bzhes su gsol/ /oM sna tshogs lha yi dri ldan pa/ /sna tshogs ga pur gyis ni brgyan/ /sna tshogs hUM las yang dag byung / /dri mchog 'di dag bzhes su gsol/ /oM kha dog dri dang ror ldan pa'i/ /bza' ba'i bye brag sna tshogs rnams//zhal zas thams cad phun sum tshogs/ /'gro ba'i don du bzhes su gsol/ /oM badzra puSh+pe AHhUM/ oM badzra d+hU paM AHhUM/ oM badzra A lo ke AHhUM/ oM badzra gan+d+he AHhUM/ oM badzra nai wi t+ye AHhUM/ oM dpag bsam shing sogs rgyu las byung / /lha yi na bza' rin thang 'phags//btso ma gser gyi mdog dang mtshungs/ /sna tshogs rin chen rgyan sogs dbul/ /oM badzra sa ma ye swA hA/ de nas mchod pa'i rol mo'i tshogs/ /sna tshogs rnam par dbul bya zhing / /dga' ba'i glu dang dbyangs kyis dbul/ /bkra shis 'don zhing bskor ba bya/ / dbang bskur lnga yi cho ga yis/ /byin brlabs bskyed de brtan par bya/ /sbyin sreg gtor ma la sogs pas/ /las bsgrub bar chad bsal bar bya/ /sngags bcas byin rlabs bskyed 'dod pas/ /khrus byas rgyan gyis brgyan par bya/ /mchod pa gtor ma'i tshogs bshams nas//ting 'dzin rim pas bskyed par bya/ /dbang bskur byin rlabs rdzogs byas te/ /dgug gzhug mchod cing brtan par bya/ /rang gi gsang sngags brgya rtsa brgyad/ /bkra shis glu bcas brjod par bya/ /phun sum tshogs pa mnga' ba gser gyi ri bo 'dra/ /'jig rten gsum gyi mgon po dri ma gsum spangs pa//sangs rgyas pad+ma rgyas pa'i 'dab 'dra'i spyan mnga' ba/ /bkra shis de ni skye dgu'i zhi byed dang po'o/ /de yis nye bar bstan pa mchog rab mi g.yo ba/ /'jig rten gsum na grags shing lha dang mis mchod pa/ /chos kyi dam pa skye dgu rnams la zhi byed pa//de ni 'jig rten dge ba'i bkra shis gnyis pa'o/ /dge 'dun dam pa chos ldan thos pa'i bkra shis phyug /mi dang lha dang lha ma yin gyis mchod pa'i gnas/ /tshogs kyi mchog rab ngo tsha shes dang dpal gyi gzhi/ /de ni 'jig rten dge ba'i bkra shis gsum pa'o//sems can kun la phan phyir byang chub mchog mnga' ba'i/ /don rnams ma lus mtshungs par brtul ba yang ldan pa/ /tshogs kyi las dgyes thub pa'i bkra shis gang byung ba/ /bkra shis de ni skye dgu rnams la zhi byed shog /'gro la phan phyir de bzhin gshegs pa dga' ldan lha'i//gzhal med khang gi snying po nas ni 'dir gshegs te/ /dbang bcas lhas bskor ba yi bkra shis gang byung ba/ /bkra shis des ni skye dgu rnams la zhi byed shog /grong khyer dam pa ser skya'i gnas zhes bya bar ni/ /rmad du grags pa'i che ba'i lha yis mngon bstod pa//bsam yas dge bsgrubs bsod nams phung po'i bkra shis gang / /bkra shis des ni skye dgu rnams la zhi byed shog /dgyes shing nam phyed grong khyer mchog nas mngon byung ste/ /dka' thub tshal du mngon par gshegs shing tshangs la sogs//lha yi tshogs kyis yongs su bskor ba'i bkra shis gang / /bkra shis des ni skye dgu rnams la zhi byed shog /rab tu 'od 'bar gser dang 'dra ba'i sku mnga' ba/ /bai DUr+ya ltar sngo ba'i rtsa bting steng na bzhugs/ /skyil mo krung bcas mi g.yo mchog gi bkra shis gang //bkra shis des ni skye dgu rnams la zhi byed shog /chu bo'i 'gram na tsaR+Sha'i phreng gis yongs bskor ba/ /shin tu rmad du byung ba'i srid pa sel mdzad pa/ /klu yi rgyal pos phyag byas pa yi bkra shis gang / /bkra shis des ni skye dgu rnams la zhi byed shog /shing rgyal drung gshegs byams pa'i stobs kyis bdud kyi phyogs//mang po btul te sa steng dang ni nam mkha' la/ /bcom ldan bkra shis rnam pa sna tshogs gang byung ba/ /bkra shis des ni skye dgu rnams la zhi byed shog /sdug bsngal mtha' dag gzhig phyir rdo rje'i gdan bzhugs te/ / nam gyi tho rangs bdud bzhi po dag rnam btul nas/ /ston pa bde bar gshegs pa'i bkra shis gang yin pa/ /bkra shis des ni skye dgu rnams la zhi byed shog /grong khyer wA rA Na sIr drang srong mchog bzhugs nas/ /chos kyi 'khor lo mchog bstan pa yi bkra shis gang / /lha yul dang 'dir shin tu rmad du byung gyur pa//bkra shis des kyang skye dgu rnams la zhi byed shog /mu stegs byed pa kun gyi nga rgyal gzhom pa dang / /'gro la bde ba bskyed phyir cho 'phrul dam pa dag /nye bar ston pa rgyal ba'i bkra shis gang yin pa/ /bkra shis des ni skye dgu rnams la zhi byed shog / 'gro la phan phyir mtho ris nas ni 'dir gshegs te/ /tshangs pa la sogs lha tshogs lag na rnga yab gdugs/ /sna tshogs thogs pas yongs su bskor ba'i bkra shis gang / /bkra shis des ni skye dgu rnams la zhi byed shog /de bzhin gshegs pa zhi ba mchog tu nyer gshegs pa//man+dA ra ba'i me tog mang pos mngon gtor ba/ /lha mchog rnams kyis mngon par bstod pa'i bkra shis gang / /bkra shis des kyang skye dgu rnams la zhi byed shog /lha dbang klu dang mi yi dbang pos phyag byas pa/ /mkha' lding gnod sbyin dri za'i dbang pos mchod gyur pa/ /de bzhin gshegs pa stobs bcu ldan pa'i bkra shis gang //bkra shis des ni skye dgu rnams la zhi byed shog /rigs rdzogs slob ma'i don gyi phyir/ /bsrungs shing dgongs mo khrus byas te/ /dris byugs phreng thogs rgyan btags shing / /dri bzang stan bde'i gnas dag tu/ / bdag nyid 'jug pa'i cho ga'i rim/ /brtan pa yan lag kun rdzogs pa'i/ /'dod chags chen po las byung ba'i/ /'khor lo de nyid gzugs brnyan bzhin/ /gang gis shes na slob ma rnams/ /gzhug phyir gtso sogs rnam par shes/ /oM nam mkha' las byung mtshan ldan phyir//thog ma tha ma med pa'i dbyings/ /sems dpa'i rdo rje che rang bzhin/ /rigs mchog mgon po bdag grub mdzod/ /dngos grub chen po kun gyi mchog /dbang phyug chen po lhag pa'i lha/ /rdo rje 'dzin pa kun gyi rgyal/ /mi 'gyur mchog tu bdag grub mdzod/ / nyes pa mi mnga' rtag pa khyod/ /'dod chags kun gyi rjes chags pa/ /'dod chags chen po dag pa ste/ /bcom ldan de nyid kyis sgrubs shig /'dod chags dag pa kun gyi mchog /gdong nas grol ba'i de bzhin gshegs/ /kun du bzang po kun gyi bdag /byang chub mchog tu bdag sgrubs shig /dngos grub chen po kun gyi rgyal/ /dbang phyug chen po phyag rgya'i mchog /grub pa'i rdo rje cher bstod pa/ /rdo rje can bdag bdag mdzod cig /sems can kun yid khyab pa'o/ /sems can kun gyi snying la gnas/ / sems can kun gyi yab nyid de/ /'dod chags bral ba'i dam tshig mchog /mchod pa'i gar tshogs glu bcas pa/ /dkyil 'khor mnyes pa'i bstod pa bya/ /shes rab thabs kyi dkyil 'khor mchog /bden pa'i byin rlabs chen po yis/ /mgon chogs 'phrul pa'i dkyil 'khor gyi//'dod pa thams cad skong byed shog /thams cad gzugs brnyan lta bu ste/ /gsal zhing dag la rnyog pa med/ /gzung 'dzin rab spangs brjod du med/ /rgyu dang rkyen las byung ba dag /chos nyid de kho nyid las byung / /bden pa de yis dkyil 'khor ni/ /gzugs brnyan gsal ba dri med gnas//sems can kun gyis mthong bar shog /dbang bskur phyi nang gsang chen dang / /gsang chen rim bzhin rgyud las skyes/ /sngon gyi bla ma dkyil 'khor tshogs/ /mchod cing yon gyis mnyes par bya/ /tshogs kyi ston mo sbyin sreg mchog / las mang nang du dmigs par mchod/ /kun gyi slob dpon la gnas pas/ /'khor lor 'jug par byed pa na/ /sgo mtshams maN+Dal stegs byas te/ /slob ma sgo drung bum pas bsang / /mchod pa'i sbyor ba rnam mang dang / /lha mo bzhi po dag gis ni/ /me tog la sogs mchod byas nas//slob ma thams cad gzung bar bya/ /de nas gdong ni mdzes pa dag /A khaM bI ra hUM bzlas pa'i/ /ras bzang so so'i rigs mthun pas/ /legs par bsgrims te gnas par bya/ /dngos grub 'dod pas ci 'dod pas/ /snying po'i khar ni kun bskyod nas/ /rin chen me tog kun phreng 'dzin//rtse gcig brtan pa'i sems bskyed nas/ /dkyil 'khor 'dod pa'i slob ma la/ /gsang ba yang dag mtha' yas mchog /thog ma nyid du gsal brjod pa/ /bu khyod ci la dga' zhes dri/ /skal ba bzang la bdag dga' zhes/ /'jug pa pos kyang smra bar bya//bla mas bu la slar smras pa/ /de yis khyod la ci zhig bya/ /sangs mchog sras bcas dam tshig las/ /yon phul thugs rjes bdag la dgongs/ /sangs rgyas sku gsum rang bzhin mchog /slob dpon mgon la bdag skyabs mchi/ /skal bzang lha mo tshogs bcas pa'i//dkyil 'khor tshogs la phyag 'tshal lo/ /thar pa chen po'i grong mchog tu/ /mgon pos bdag ni gzhug tu gsol/ /rgyal ba kun gyis gnas bzhugs pa'i/ /dkyil 'khor chen po nyams dga' ba/ /snying po'i grong khyer chen po 'dir/ /bdag gis slob ma gzhug par bgyi//de nas yol ba'i nang mtshams su/ /las kyi rdo rjes gzhug par bya/ /gsang ba yang dag 'di shes nas/ /ji ltar 'dod pa rab tu gzhug /gsang ba yang dag mi shes na/ /g.yas pa yis ni gzhug par bya/ /oM sarba yo ga tsit+ta ut+pA da ya mi hUM/ thog med dus nas 'khor ba yi/ /bdag gis sdig pa'i las gang bgyis//bgyid pa yi rang dus 'dir bshags/ /phyin chad mi bgyid sdom rab gzung / /rgyal ba sras tshogs dge rtsa'i gzhi/ /'gro gzhan legs byas gang yin pa/ /de dag kun la yi rang ste/ /byang chub chen por bdag gis bsngo/ /sangs rgyas tshogs rdzogs dge 'dun la//bdag ni dus gsum skyabs su mchi/ /nyon mongs sdug bsngal bcad pa dang / /dge ba'i tshogs mang spel ba'i phyir/ /byang sems gnyis med don bskyed nas/ /'gro don di ring dus 'dir gnyer/ /sangs rgyas gyur nas bdag gis ni//'gro rnams srid pa'i gnas nas gdon/ /rdo rje me tog phreng bcas pas/ /slob ma'i snying gar gzhag ste bsgo/ /bde gshegs kun gyis khyod nyid ni/ /de ring byin gyis brlabs pas na/ /de bzhin gshegs pa'i gsang chen 'di/ /dkyil 'khor dag tu ma zhugs shing //dad pa med pa'i mi rnams la/ /nam yang smra bar bya ba min/ /oM su ra ta sa ma ya s+t+raM/ ho sid+d+hi badzra ya thA su khaM/ oM rdo rje sems dpa' deng khyod kyi/ /snying la yang dag zhugs mdzad de/ /gal te tshul 'di smras na ni/ /de ma thag tu dral te gshegs//oM sa ma ya u da/ 'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub ni/ /rdo rje bdud rtsi'i chu 'dis grub/ /oM AHhUM sarba pany+tsa a mr-i ta hUM badzra A su ka ta hrItha/ di ring phyin chad khyod nyid kyi/ / rdo rje sems dpa' nga yin pas/ /gang zhig bsgo ba'i las rnams byos/ /nga la brnyas par ma byed cig /gal te cung zhig brnyas na ni/ /dus min 'chi zhing dmyal bar 'gyur/ /rgyal ba kun gyi ye shes thugs/ /sku dang gsung 'phrul las mdzad pa/ /phyag rgya'i cho ga gang dag gis//di ring bdag la dbab tu gsol/ /rkang thil snying ga mgrin spyi bor/ /sa bon las byung 'byung bzhi'i khams/ /so so'i sa bon mtshan 'dogs par/ /rta yi rgyal po'i sngags kyis bsrung / /rdo rje 'dzin cing dril bu dkrol/ /a be+e sha ya stam+b+ha dang / / ra bzhi dza la yang gnyis hUM/ a ha dz+heM sngags brgya rtsa brgyad/ /sku yi mtshan mas g.yo 'gyur zhing / /bdag gis sngags bcas tshig rnams brjod/ /thugs kyis mngon par shes pa gsal/ /gsum sngags brtan pa'i las la sbyor/ /rnal 'byor bcas dang gsang bcas pa'i/ / bdag gi ye shes brgya bsgrubs nas/ /ji lta'i tshul gyis gar byed pas/ /slob ma rnams la bde ba sbyin/ /slob ma dam pas deng phyin chad/ /phyag rgya'i ye shes rjes bzung bas/ /rnam par snang mdzad mchog sbyin du/ /sangs rgyas kun gyi bdag nyid 'grub/ /de nas bdag gis rab bsgrubs nas//kun gyi slob dpon la gnas pa/ /ji lta'i tshul gyis 'jug pa yi/ /bden pa'i chos ni brjod par bya/ /mgon mchog gsang ba'i dkyil 'khor 'dir/ /slob ma mchog 'di gzhug par bgyi/ /rigs kyi lha yi bye brag dang / /bsod nams gang yin de bzhin shog /de bzhin dngos grub mtshan ma dag /snying po'i gnas 'di legs ston par/ /kha dog dbyibs kyi bye brag gis/ /mtshan ma snang las las mthun 'grub/ /dngos grub ji lta thob 'dod pas/ /slob ma me tog 'thor du gzhug /lha mo gang la lhung ba ni/ /lha de de yis 'grub par 'gyur//oM pra tIts+tsha badzra ho/ /sku stod sku smad yan lag gam/ /de ltar mtshan sgo'i gnas rnams sogs/ /dngos grub rim pa bye brag ste/ /ra ba las 'das lan gsum bskyang / /slar nyid phreng ba'i me tog gis/ / slob ma'i mgo la bcings te brgyan/ /stobs ldan sems dpa'i rgyal po che/ /phreng ba 'di dang ldan par gyis/ /oM rat+na mA le a b+hi Shiny+tsa traM/ gser gyi thur ma'i oM sogs kyis/ /spus mtshan dri ma bsal bar bya/ /oM rdo rje sems dpa' deng khyod kyi/ /mig 'byed par ni brtson mdzad de/ /mig gi sgrib g.yogs kun bsal nas//rdo rje'i mig ni bla na med/ /oM badzra tsak+Shu dz+nyA na pra be sha phaT/ gdong g.yogs legs par bsal byas nas/ /snying po'i dkyil 'khor blta bar bya/ /legs par ltos shig sems dpa' che/ /thar pa chen po'i dkyil 'khor du/ /me tog gang la lhung ba ni//de nyid khyod kyi rigs kyi lha/ /rta mgrin 'phang mtho nas bzung ste/ /gtso bo'i bar du ming rnams bstan/ /de nas ro dang zas dang gnas/ /glu dang sil snyan la sogs pa/ /de dag mgon po rnams la dbul/ /rdo rje bla ma chen po dag /sbyor ba'i rdzas kyis mnyes byas shing //bdag dang gzhan yang 'dod dgus mchod/ /bu khyod dang bas rab gus bskyed/ /dkyil 'khor bzang po legs par ltos/ /sangs rgyas thams cad mnyam sbyor ba'i/ /mkha' 'gro sgyu ma'i rigs mchog 'dzin/ /'gro ba phun sum tshogs kun dang / /dngos grub thams cad mngon du 'gyur//dam tshig 'dzin cing rjes chags dang / /gsang sngags snying po 'dzin par gyis/ /blo ldan yon mchod thogs pa yis/ /bla ma'i zhabs gus gsol ba gdab/ /rgyal ba kun gyis gsang ba'i lam/ /'gro ba skyob pa'i gzi brjid can/ / mkha' 'gro ma yi 'khor lo mchog /yon tan thams cad 'byung ba'i gnas/ /de ring dbang bskur gnang ba yi/ /dus la bab pa'i 'os pa lags/ /dpa' bo chen pos mi ldog pa'i/ /dbang bskur rim bzhin bdag la stsol/ /rig pa chen po'i las bsgrubs nas//dngos grub tshogs rnams shes pa dang / /sems can kun gyi don gyi phyir/ /bdag gis rdo rje slob dpon gzung / /'jug pa'i sgo yi phyogs nyid du/ /khru dos chod pa dbus kyi tshad/ /slob ma'i stegs bu sgo dang bcas/ /pad+ma 'dab brgyad mtshan ma bri/ / seng ge sna tshogs pad+ma'i gdan/ /gnyis med gus pa'i sems bcas gzhag /'phan gdugs me tog phreng sogs dang / /sna tshogs gos kyis nye bar brgyan/ /dri chu nyungs kar sbyin sreg dang / /ku sha'i chu yis shis par bya/ /bdud rtsi'i sngags kyis bsrung ba dang / / de nyid gsum gyis sbyang bar bya/ /chos nyid rnam dag sbyor ba las/ /rigs kyi lha ru bsgom par bya/ /mchod dbyangs rol mo sil snyan tshogs/ /bkra shis tshigs bcad rgya chen gdon/ /rnam rgyal bum sogs khrus gsol zhing / /phyi yi bum pas dbang bskur bya/ / til gyi gang bu bzhin gang ba'i/ /rgyal bas bum pa bzung nas ni/ /'di nyid la ni blugs bsams te/ /bag chags ma lus dag gyur cig /ye shes sems dpa'i gnas 'byung bas/ /ye shes dkyil 'khor dgug byas te/ /gnyis med sbyor ba'i byin stobs kyis//mtshon byed rtags kyi zla ba gdan/ /rigs mthun dang po lha mo bzhi/ /phyogs bzhi nas ni dbang bskur mdzad/ /oM lha yi chu ni rnam dag pa/ /rdo rje gsang gsum gnas las byung / /rig pa'i lha mo tshogs ldan pa'i/ /rang bzhin gcig tu gyur pa yin/ /oM badzra a b+hi shiny+tsa mi/byang chub sems nyid dag pa'i rgyun/ /rang gi ye shes rnam par gsal/ /me long ye shes rang bzhin gyi/ /mi bskyod ngo bo chu yi dbang / /khams kyi rang bzhin thams cad dang / /srog dang rtsa ba de bzhin te/ /sangs rgyas rin chen dbang bskur ba/ / mkhas pas rnam pa sna tshogs brtag /spyi bo dang ni dpral ba dag /lhan pa gnyis dang dbral ba ru//sangs rgyas rin chen thams cad kyi/ /dbu rgyan mi 'gyur dam pa'o/ /khams kyi rang bzhin thams cad dang / /srog dang rtsa ba de bzhin te/ /thod pa rin chen dbu rgyan can/ /sangs rgyas gtsug gi nor bu dag /kun du sna tshogs bla mar ni/ /kun gyi slob dpon kun la bya/ /rin chen ngo mtshar gcig las byas/ /de bzhin sna tshogs rgyan gyis spras/ /sangs rgyas pad+mor dbang bskur bas/ /slob ma thams cad dbang bskur ro/ /sangs rgyas rdo rje rin chen phyed/ / rdo rje'i rigs la rdo rje yin/ /spyan ras gzigs kyi sangs rgyas sku/ /nor bu 'dzin gyi nor bu yin/ /sangs rgyas rin chen pad+mo dang / /rdo rje nor bu de bzhin du/ /thams cad mchog ni rta mchog la/ /rang gi dbang bskur bsdus pa'o/ /blugs pa dang ni byas pa dang / /brdung pa'am yang na bris pa'ang rung //sna tshogs rab tu legs pa yi/ /mtshan ma'i phyag rgya rab tu brtag /sangs rgyas rin chen dbang bskur bas/ /ji lta bar ni dbang bskur ro/ /oM sangs rgyas kun gyis bsngags pa yi/ /rin chen las byung dbu rgyan che/ /thor gtsug dbu rgyan gyis brgyan pa'i//dar dbyang dbang bskur sbyin par bya/ /oM badzra ba ra ta ka badzra a ra li ho/ /a b+hi Shiny+tsa traM/ mnyam nyid ye shes rang bzhin gyi/ /nyi ma'i ngo bo dbu rgyan no/ /rdo rje rtse lnga byin brlabs pa/ /g.yas pa slob ma'i snying gar gtug /'di ni sangs rgyas thams cad kyi//rdo rje gsang ba chen po'i don/ /di ring khyod la dbang bskur te/ /rab tu grub phyir gzung bar gyis/ /oM badzra satwa s+t+waM a b+hi Shiny+tsa mi/ slar nyid slob ma'i lag g.yas gtad/ /lan gsum gtod de thugs kar gzung / /thog mtha' med pa'i sems dpa' ni/ /rdo rje sems dpa' dga' ba che//kun du bzang po kun bdag nyid/ /rdo rje snyems bdag bdag po'i bdag /kun rtog ye shes rang bzhin gyi/ /gar dbang ngo bo'i rdo rje'i dbang / /dril bu mdun gzhag byin brlabs te/ /dkrol zhing slob ma'i lag g.yon gtad/ /'di ni rnal 'byor ma tshogs kyi//shes rab dbyangs kyi rjes 'gror bshad/ /khyod kyis rtag tu bcang bar bya/ /byang chub mchog tu rgyal ba bzhed/ /oM a d+hi ba ti s+t+waM/ a b+hi Shiny+tsa mi/ srid pa ngo bo nyid kyis dag /ngo bo nyid kyis srid bral byas/ /rang bzhin dag pa'i sems dpa' rnams//srid pa'i dam pa byed par 'gyur/ /bya ba'i ye shes rang bzhin gyi/ /rta mchog ngo bo dril bu'i dbang / /rdo rje dril bu bsnol ba'i phyag /sbyor bcas slob ma'i mgo bor gzhag /gang phyir chos rnams rnam dag pas/ /sangs rgyas ye shes rang bzhin nyid//dbang po'i spyod yul gang dang gang / /bde mchog sgyu ma'i dkyil 'khor nyid/ /oM shrI che ge mo a b+hi Shiny+tsa mAM/ badzra nA ma a b+hi She ka ta ya ho/ /chos dbyings ye shes rang bzhin gyi/ /rnam snang ngo bo ming gi dbang / /sangs rgyas thams cad mnyam sbyor ba'i/ / mkha' 'gro ma yi tshig gis kyang / /rgyas mi thebs shing mi rmongs te/ /de la gnod par mi 'gyur ro/ /de nas mna' ni bsgags byas nas/ /sangs rgyas thams cad mthun pa yis/ /mchog tu rtag pa'i bka' stsal te/ /dam tshig sdom pa sbyin par bya/ /sangs rgyas thams cad mnyam sbyor ba'i//sdom pa nyams par khyod byed pa/ /ji snyed sangs rgyas thams cad dang / /byang chub sems dpa' rdo rje 'dzin/ /lha rnams dang ni mi dag dang / /de bzhin rnal 'byor sgrub pa po/ /de dag la ni snying ring nas/ /snying las khrag chen 'thung bar 'gyur/ / sems can khams ni ma lus don/ /srid pa shin tu dag bya'i phyir/ /mi 'gog chos nyid sbyor ba yis/ /rtag pa nyid ni bsgrub par bya/ /rang gi ngo bo yongs spangs shing / /dka' thub kyis ni gzir mi bya/ /ci bde bar ni bde bar spyad/ /'di ni phyi dus sangs rgyas yin/ / rnal 'byor longs spyod thams cad la/ /cis kyang mi 'jigs dga' bar gyis/ /sdig pa med kyis khyed ma 'jigs/ /dam tshig 'da' bar dka' ba'o/ /mgon khyod thugs rje'i rang bzhin gyis/ /dkyil 'khor slob dpon dbang bskur sogs/ /bdag gzhan don gyi bya ba rnams//grub byed dbang bskur bdag la stsol/ /rdo rje dril bu phyag rgya che/ /zung shig yang dag gzung bar gyis/ /di ring rdo rje slob dpon che/ /slob ma'i tshogs rnams gzung bar gyis/ /'di ni sangs rgyas thams cad kyi/ /rdo rje sems dpa'i phyag na gnas/ /rtag tu khyod kyis kyang bzung ste//phyag na rdo rje'i brtul zhugs brtan/ /oM sarba ta thA ga ta badzra sa ma ya tiSh+Tha e Sha s+t+waM d+ha ra ya mi/ hi hi hi hi ho/ /'di de sangs rgyas thams cad kyi/ /shes rab dbyangs kyi rjes 'gror bshad/ /khyod kyis kyang ni rtag tu bcang / /byang chub mchog tu rgyal bas bskyed//oM ma hA badzra hUM/ oM badzra g+haN+Ta a/ yid kyi lus ni brtan pa'i phyir/ /dam tshig phyag rgya zhes byar brjod/ /lus kun brtan byed gang zhig ni/ /phyag rgyar rab tu grags pa yin/ /oM ma hA kA ya wAka tsit+ta ma hA sa ma ya hUM/ mchod tshogs gar bskor bstod dang bcas//dgyes pa'i brtul zhugs dbang mchog go/ /sems dpa'i nga rgyal rnal 'byor pas/ /snyems bcas me tog phreng 'phang bya/ /deng nas brtsams te rdzogs sangs rgyas/ /sras bcas kun nas rnam par rol/ /rdo rje sems sogs rab sbyor bas/ /bdag bstod bde chen mchod pa mdzod//oM badzra lA s+ya hUM/ sgeg dang bcas pas phreng ba 'phang / /sangs rgyas thams cad mchod par bya/ /bcom ldan kun du mi 'bral te/ /phreng ba de yi rgyan yin no/ /mA l+ye hUM/ lus can kun la dam chos kyi/ /glu dbyangs snyan pa'i tshig brjod pas/ / bde bar gshegs pa'i dngos grub mchog /myur du bde ba myong bar 'gyur/ /gi badzra gI ti hUM/ gar bcas thal mo sbyor ba yis/ /sangs rgyas thams cad bsdu bar byos/ /sangs rgyas 'dus pa'i phrin las kyi/ /gar dbang tshul bzhin bsgyur bar gyis/ /oM badzra nri d+ye hUM/rdzogs sangs rgyas la spos 'bul ma/ /brtul zhugs bzang pos legs par tshim/ /lus can bde gshegs cha 'dra bar/ /ye shes can gyis tshim par gyis/ /oM badzra d+hU pe hUM/ me tog sangs rgyas rnams su 'thor/ /byang chub yan lag tshogs pa'i sgo//mtshan bzang dpe byad kun ldan pa'i/ /bde bar gshegs pa'i sku thob 'gyur/ /b+h+rUM badzra puSh+pe hUM/ chos kyi mig 'byed sgron gsal bas/ /rdo rje chos dang 'dra ba ru/ /sems can ma rig mun 'thoms pa'i/ /ye shes snang ba gsal bar gyis/ /pra badzra A lo ke hUM/rgyal ba rnams la dri sbyor zhing / /tshul khrims phung po shes rab dang / /rnam grol ye shes mthong ba yis/ /byang chub lus can rnams la byug /a badzra gan+d+he hUM/ bdag gzhan dngos grub las kyi tshogs/ /thun mong 'bring po tshogs gyur pa'i/ /zhi rgyas dbang dang dgug pa dang //sdang gnod nges pa'i las kun dang / /'byed rmongs bskrad pa'i cho ga rnams/ /thogs pa med par bsgrub par gyis/ /ral gri mig sman sa 'og dang / /thog med mi 'bying skas 'dzeg cing / /gser 'gyur ri lu nyi zla gzung / /char dbab la sogs las kyi tshogs//rnam shes bsgrub dang ye shes bsgrub/ /phyag rgya shes pa'i dngos grub dang / /thams cad bsgrub cing grol ba yi/ /don nyid yang dag grol bar gyis/ /rgyal ba kun gyi gnas 'jug cing / /sku gsung thugs mchog yon tan rgyas/ /phrin las gzhan dag sbyor ba yi//mkha' 'gro sgyu ma'i dngos grub gnang / /ji ltar mig mkhan rgyal po yis/ /'jig rten ling tog bsal ba ltar/ /bu khyod kyi ni mi shes pa'i/ /rab rib rgyal ba rnams kyis bsal/ /oM badzra ne tra a ba ha ra pa Ta laM hrIH/ chos rnams gzugs brnyan lta bu ste//dag cing gsal la dri ma med/ /gzung du med cing brjod du med/ /rgyu dang las las kun du 'byung / /rang bzhin med cing bdag med pa/ /chos rnams de bzhin shes byas nas/ /sems can don la yang dag byos/ /'on kyang sangs rgyas rigs su skyes//thams cad nam mkha'i mtshan nyid de/ /nam mkha' la yang mtshan nyid med/ /nam mkha' dang mnyam sbyor ba yi/ /kun mchog mnyam pa nyid du gsal/ /rdo rje sems dpa' me long bzhin/ /dag cing gsal la rnyog pa med/ /bu khyod kyi ni snying la zhugs//rdo rje sems dpa' rang nyid gtso/ /rigs kyi yi ge mtshan ldan pa'i/ /mda' 'phang ba dang 'khor lo gnon/ /g.yas pas dung gi sgra 'byin zhing / /g.yon par rang gi glegs bam mo/ /oM pha rol phyin drug las rnams kyis/ /sems can kun don rab sbyor zhing / / 'khor ba'i rgyun gcod mya ngan 'das/ /chos kyi 'khor lo chen po bskor/ /the tshom rtog tshogs gcod mdzad pa'i/ /chos kyi dung ni sgra sgrogs shing / /gsang sngags snying po'i gsang chen 'di/ /snod ldan kun la rab tu shod/ /des ni rgyal ba thams cad la/ /phan 'dogs drin du gzo zhes bya//mkha' 'gro sgyu ma'i dkyil 'khor gyis/ /khyod la rtag tu srung bar mdzod/ /mdor na 'jig rten khams rnams su/ /sems can kun gyi don gyi phyir/ /ji ltar 'dul ba sna tshogs su/ /rdo rje'i 'khor lo bskor du gsol/ /rdo rje gnas su bde gshegs rin//pad+mo las kyi rjes su gnang / /'di ltar nga yis khyod lung bstan/ /rdo rje dpal ldan gsang ba'i bdag /dngos po mchog tu bsgrub pa'i phyir/ /srid pa'i ngan 'gro rnams las grol/ /che ge mo zhes bya ba ni/ /de bzhin gshegs pa b+hur b+hu ba swaH dus gsum rgyal ba thams cad kyis//dus gcig tu ni lung bstan pas/ /phyag rgya chen po'i sngags bcas mthus/ /skad cig dus kyi lung bstan mdzad/ /'dod chags bral ba lta bu'i sdig /khams gsum na ni gzhan med de/ /de bas 'dod la chags bral bar/ /khyod kyis nam yang bya ma yin//ma hA sa ma ya hUM phaT/ de ring dkyil 'khor slob dpon gyur/ /sngags sogs rgyud rnams 'dzin par gyur/ /sangs rgyas byang chub sems dpa' dang / /lha rnams kun gyis mthun par bsrungs/ /sems can kun la snying brtse bas/ /dkyil 'khor cho ga bzhin du bris//rtse gcig nan tan bskyed nas ni/ /sgrub pa po rnams rgyud la sbyor/ /mchog tu gsang ba'i dkyil 'khor 'dir/ /zhugs shing mthong la sogs pa yis/ /sdig pa kun las grol 'gyur zhing / /khyed rnams rab tu dgyes par gnas/ / bde chen theg pa 'di la ni/ /phyin kyang 'chi ba yod med cing / /mtshungs med thub par mi 'gyur te/ /cis kyang mi 'jigs dga' bar gyis/ /srid pa shin tu dag pas na/ /srid pa'i sdug bsngal las 'das so/ /byang chub sems ni yongs mi spang / / rdo rje zhes bya'i phyag rgya ste/ /gang zhig bskyed pa tsam gyis ni/ /sangs rgyas nyid 'gyur the tshom med/ /dam pa'i chos dag mi smad cing / /ma gus spang zhing dor mi bya/ /mi shes snod min rmongs pa la/ /nam yang bstan par mi bya'o/ /rdo rje dril bu mi spang ste/ /slob dpon dag la gus par gyis//khams gsum gyi ni rgyal srid che/ /bdag por rgyal chen dbang bskur zhing / /bdud rnams thams cad las rgyal bas/ /grong khyer mchog tu zhugs pa yin/ /'di yis khyed rnams dus 'di ru/ /sangs rgyas thob par the tshom med/ /dbang bskur rjes thob dbugs phyung bas//slob ma yon 'byung rgyal por 'gyur/ /slob dpon blo gros dam tshig ldan/ /brtan g.yo'i mtha' las rnam par grol/ /lam mchog 'jug sogs dbugs dbyung ste/ /ngal ba'i gnas ngan kun du spangs/ /rigs kyi 'khor gang yin pa yi//brten pa'i dkyil 'khor de bzhin nyid/ /rten gnas khang pa rgyan bcas pa'i/ /rnam dag rang bzhin rgyan bstan cing / /bskyed pa'i las lam bye brag sogs/ /slob dpon phyogs gcig nas 'jug pa'i/ /rig pa'i yan lag rgyud don bzhin/ /slob dpon dbang bskur don du bstan//de nas sna tshogs rgyan rnams dang / /mchod pa kun dang gtor ma kun/ /snga ma bzhin du phul byas te/ /dkyil 'khor lha rnams bstod par bya/ /kun du sna tshogs bla ma la/ /yon mchog bdag gis dbul bar bya/ /gang la yongs su gtang dka' ba//de ni mchog tu bshad pa yin/ /gang dang gang ni sdug pa'i mchog /yang na shin tu khyad par can/ /de dang de ni bla ma la/ /de ni zad par 'dod pas dbul/ /yang na de ni 'dod gyur pa'am/ /'on te sems la dgos pa dag /de bzhin yang na dgos par bya/ / de ni chung yang mchog yin no/ /gal te de la mchog bdog la/ /de yang ngan pa'i yon dbul na/ /kun gyi slob dpon brnyas pas na/ /de ni rtag tu sdug bsngal thob/ /bu mo shin tu brgyan pa'am/ /de bzhin chung ma sdug pa dag /phul nas rin gyis bslu ba ni/ /sangs rgyas byang chub mchog gi yon//mi chen dag ni phul nas su/ /slar yang rin gyis bslu ba ni/ /rdo rje 'dzin pa dpal sbyor ba/ /yon de mchog gi yon yin no/ /mu tig zangs dang nor bu dang / /shin tu dkar dang ras zung dang / /de bzhin rta ni dkar po dang / /pad+ma can gyi yon mchog yin//rgyal srid longs spyod gter rnams dang / /gos dang rgyan gyi tshogs rnams dang / /de bzhin mchod pa thams cad dang / /rdo rje nyi ma'i yon yin no/ /rta mchog shin tu brgyan pa'am/ /glang po shin tu brgyan pa dang / /shing rta rin chen bkang ba dag /rta yi rgyal po'i yon yin no//de nas dben pa'i gnas dag tu/ /dris byugs maN+Dal legs bshams nas/ /sna tshogs rgyan sogs me tog bkram/ /bla ma bde ba'i stan la gzhag /shes rab phun sum mtshan ldan pa/ /snod ldan dbang thob dam tshig gnas/ /yon bcas bla ma la phul nas//ston mo'i g.yos sogs dga' longs spyod/ /rdo rje yol bas bar bcad la/ /gus pas rgyang nas gsol ba gdab/ /dpal ldan mgon po bde ba che/ /bde chen bde ba'i gnas la bzhugs/ /sangs rgyas thams cad mnyam sbyor ba'i/ /mkha' 'gro sgyu ma'i bde stsol mdzod//byang chub sems dpa' che rnams kyis/ /yang dag don mchog rnam dag pa/ /ji ltar de nyid bdud rtsi yi/ /mchog gi dbang ni bskur ba bzhin/ /de bzhin bdag sogs 'gro kun gyi/ /sdug bsngal thams cad sel bar mdzod/ /rnal 'byor bdud rtsi dri med mchog /ma rig rtog pa'i rab rib sel/ /gang gis byang chub bla med pa/ /de ring bdag gis thob par mdzod/ /blo gros thugs rje chen po yis/ /brtse ba'i gsung gis slar brjod pa/ /bu khyod ji ltar 'dod pa bzhin/ /rgyal ba kun gyi bde chen sbyin/ /ting 'dzin sbyor sngags gsal ba yis//rang gi gnas su legs par sdod/ /de nas phyi nang khrus sogs kyis/ /dam tshig lha mo sbyang byas nas/ /nyungs kar sngags kyis bgegs bskrad cing / /sbyor ba rjes sbyor gyis bskyed de/ /dbang bskur byin brlabs rdzogs byas nas//rol pa'i brdas bskul spro ba bskyed/ /gnyis med sbyor ba'i byang chub sems/ /slob ma'i kha ru dbab par bya/ /ji ltar rgyal ba bde gshegs kyis/ /rang gi sras mchog dbang bskur zhing / /byang chub sems de dag pa'i chu/ /rtog tshogs dri ma dag par byas//oM ma hA bo d+hi tsit+ta sa ma ya a b+hi Shiny+tsa hUM/ a ho su kha zhes brjod cing / /longs spyod gnas la gzhug byas te/ /rigs kyi cha lugs gsal ba dag /chu zla sgyu ma'i rnam pa bzhin/ /rdzogs rim bcud rdzogs bla ma mchog /'gro ba skyob pa'i blo ldan pa//rdo rje 'dzin pa'i gsang gnas don/ /slob mas rgyud la rab bskul mdzad/ /mtshan ldan yul bcas bla ma la/ /mchod cing gsol ba gdab par bya/ /kye kye mgon po bde ba che/ /rdo rje sbyor las yang dag byung / /phyag rgya mi phyed rab sgrub pa/ /mngon sum nyams myong bskyed pa'i phyir//bdag nyid chen pos ji lta bar/ /gtso bos bdag la mdzad du gsol/ /rtog pa'i dri mas bsgribs pa rnams/ /byang chub chu yis dag par mdzod/ /rigs mthun mtshan ldan byin brlabs pa'i/ /lha mo bu yi lag tu gtad/ /dga' ba'i gnas chen lha mo 'di//sna tshogs sgyu rtsal yid du 'ong / /legs par zung shig blo gros mchog /dga' bde'i mchod pa rab tu gyis/ /thabs gzhan gyis ni 'tshang mi rgya/ /'gro ba 'di dag thams cad 'gyur/ /de bas khyod kyis 'di nyid [(]tu[,]du[)]/ /nam yang 'bral bar mi bya ste/ / 'di ni sangs rgyas thams cad kyi/ /rig pa'i brtul zhugs bla na med/ /blun po gang zhig 'di spong ba/ /de la mchog gi dngos grub med/ /lha mos grogs la dga' ba'i bzhin/ /rgyas mdzad pad+ma kha phye bstan/ /khyod kyis nus sam rdo rje can/ /dri chen dri chu'i bza' btung dang //raka ta ga pur mAM sa dang / /bud med rnams la dad gus dang / /b+ha gar 'o byed mi rtog pa/ /smros shig grogs po bde ba can/ /lha mo ci phyir bdag mi spro/ /khu khrag la sogs bza' ba dang / /bud med rnams la rtag gus shing / /b+ha ga'i pad+mar 'o bgyid cing //rmad byung gsang ba'i pad+ma 'di/ /thams cad bde bar yang dag ldan/ /rtag tu rim bzhin 'di spyod na/ /de nyid bde chen 'bral mi 'gyur/ /chos dbyings 'di ni rnam par dag /sems can thams cad rnam par grol/ /bde chen rgyal ba 'di nyid ni/ /dngos po kun gyi rang bzhin gnas//nang gi rtsa yi 'khor lo'i tshogs/ /pad+ma la bzhugs rab tu rgyas/ /b+ha ga'i mkha' dbyings nam mkha'i dbyings/ /'byung ba lnga po rgyan bzhin dgod/ /lte ba ze'u 'bru ge sar zlum/ /'dab ma brgyad sogs rnam par mdzes/ / de yi dbus su gnas pa ni/ /de nyid bdud rtsi bde chen gzugs/ /b+hany+dza mok+Sha ho/ /dben pa'i gnas mchog dri bcas brgyan/ /yol ba'i ra ba stan bde la/ /thabs shes sbyor ba'i ting 'dzin dang / /rjes su sbyor dang sbyor chen bsgom/ /ka ma la yi gtsug lag gzhung //rim gyis bde ba'i ye shes bskyed/ /dngos grub shis dang mi shis las/ /yi ge lnga bcu'i mtshan ma brtag /ye shes 'di ni shin tu phra/ /snying rje chen po mkha' 'dra zhing / /rdul bral thar pa zhi ba chos/ /rang gi rang bzhin de nyid do/ /byang sems rdo rje lce yis blang //mchod yon dbul bskor gtang rag gtang / /bla ma dam pa'i man ngag gis/ /dbang bzhi'i rim pa bstan pa'i phyir/ /thabs dang shes rab gnyis med pa'i/ /rnam gsum phyag rgya gang rung las/ /gnyis med bde ba'i ye shes don/ /mngon sum nyams myong rgyud las bskyed//rnal 'byor bde ba thams cad kyis/ /dbang bskur bde chen las byung ba'i/ /rin chen tshogs rnams thams cad kyis/ /rab tu myos pas dbang bskur 'gyur/ /de don rtog pa bdun pa las/ /rgyas par bstan pa'i gzhung bzhin bslab//phyi nang gsang ba gsang chen gyi/ /dbang bskur dam pa bzhi dag las/ /rgyud gzhan la las bum pa dang / /gsang ba shes rab ye shes dang / /bde chen bzhi pa zhes brjod de/ /de don rang bzhin mtshungs pa'o/ /khyod kyis srog chags gsad par bya//ma byin par yang blang bar bya/ /'dod pas log par g.yem par bya/ /brdzun gyi tshig kyang smra bar bya/ /rdo rje bla ma byang chub sems/ /srog gi phyir yang byang chub sems/ /dran pa gsal bas gzung byas nas/ /lhag pa'i lha bzhin rin chen tog / phyi dang nang gi sbyin sreg dang / /gtor ma'i las rnams rdzogs byas nas/ /rab tu gces pa'i rin chen sogs/ /bla ma'i zhabs la btud te dbul/ /deng nas brtsams te dus kun du/ /bla ma bzang la rab gus dang / /thugs rje brtse ba nyer bzhag nas/ /bdag la dgongs shing gzigs par mdzod//'gro ba kun gyi don gyi phyir/ /smon lam rgya chen gdab par bya/ /dkyil 'khor rnam gsum rim pa bzhin/ /bsdu ba'i cho ga rgya cher bya/ /sbyin pa rnam bzhi'i bye brag gis/ /mgron tshogs ma lus dgug par bya/ /bkra shis glu gar rol mo'i tshogs//de nyid longs spyod nye bar gnas/ /mgon pos ji ltar rnam bkod pa/ /de don gsang ba rgya mtsho'i rgyud/ /rab bsdus dkyil 'khor cho ga bzhin/ /dri med yan lag rgyas pa'i tshul/ /rnal 'byor 'jug pa'i yan lag tu/ /bstan pa'i dge bas 'gro ba rnams/ / rang gi ye shes zag pa med/ /bdud rtsi'i bcud kyis rgyas par shog /dpal sangs rgyas thams cad dang mnyam par sbyor ba'i rgyud kyi dkyil 'khor gyi cho ga zhes bya ba slob dpon chen po ku ku rA dzas mdzad pa rdzogs so// //rgya gar gyi mkhan po gu len+d+ra [(]gub+ta [,]gup+ta [)] dang /