CLOSE WINDOW

D1670
བོད་ཡིག

slob dpon chen po ku ku rA dzas mdzad pa rdzogs so// //rgya gar gyi mkhan po bid+yA ka ra sid+ha dang / zhu chen gyi lo tsA ba ban+d+he lha rin po ches bsgyur cing zhus te gtan la phab pa'o// @##/ /rgya gar skad du/ sarba maN+Da la a nuta bita ra sha swa pany+tsa bi d+hi nA ma/bod skad du/ dkyil 'khor thams cad kyi rjes su 'jug pa'i cho ga lnga pa zhes bya ba/ dpal rdo rje sems dpa' la phyag 'tshal lo/ /gang zhig thog mtha' kun gzigs shing / /thams cad don 'byung gsang ba'i tshul/ /phyag rgya'i bdag nyid ma 'dres stobs/ /rigs kun 'khor lo'i gnas rdzogs shog /rang bzhin dpa' bo kun du snang / /'joms byed chos kun ma 'dres pa/ /yon tan tshogs bdag rol pa'i sku/ /rigs kyi lha mo tshogs rgyal shog /dngos med gsang ba'i phyag rgya che/ /de dag ma lus mtha' sel mdzad/ /kun 'byung kun gyi bdag nyid don//thabs mang cho ga rdzogs pas gsal/ /der 'jug de yi gnas ldan pa/ /sgra yi rgyun gyis don tshogs bskyed/ /mngon 'byung gnas kun 'grub byed pa'i/ /dkyil 'khor thabs rnams 'jug par bshad/ /dkyil 'khor thams cad rjes bstan pa'i/ / 'jug thabs cho ga lnga pa'i don/ /ston pa'i lung las gsal bshad pa/ /gzhung 'di bsdu bar 'os pa yin/ /don kun 'dod pa'i rnal 'byor bdag /thabs kyi cho ga mang po yis/ /der 'jug lam kun rdzogs byed pas/ /dri med dag pa'i rgyud gzung mdzad/ /ji ltar gsang sngags legs sbyar bas//dngos grub tshul mang thob 'gyur ba/ /don dam bya ba mthar phyin pas/ /gzhan dag don tshogs rnam par dag /myur bar phyag rgya sngags sogs 'jug /bla med dngos grub don kun rtogs/ /bstan pa'i tshul gyis gdams pa'i rgyun/ /ji ltar bya ba'i sgo ston byed/ / shin tu sbyang dka'i las rnams dag /rang sngags rten 'brel mthu yis 'grub/ /tshul rnams ma nyes dus mtshungs 'jigs/ /gnas dang gnas pa'i tshogs rnams rgyas/ /rgyas par 'di dag kun bstan phyir/ /thabs mang tshul gyis theg pa kun/ /ngo bo byang chub sems gnas skyong //rang bzhin bskyed du med pa'i chos/ /gzhan dag theg chen mchog zhugs pas/ /sngags tshul 'dus pa'i cho ga shes/ /byin rlabs brda don yon tan gnas/ /dbang bskur byang chub rjes su slob/ /rang sems rnam dag dri ma med/ /gsang sngags cho ga rdzogs par 'gyur//des ni dngos grub kun thob cing / /phrin las bya ba 'gag pa med/ /dang por bdag gzhan srung 'dod pas/ /bsod nams ye shes tshogs gnas bya/ /de dag 'grub byed yan lag gzhan/ /dngos kun gsang ba bstan pa'i sgo/ /thog mar skyabs su 'gro ba yis/ / rten gnyis dag par sbyang bya ba/ /de dag thun mong khyad par gyis/ /mngon par 'gyur ba'i don chen 'grub/ /sangs rgyas chos dang dge 'dun la/ /dus kun skyabs su 'gro byas na/ /gzhan gyi phyogs rnams 'jig byed cing / /bag med 'khrug pa'i nad kun zhi/ /rgyal ba'i 'khor du gyur pa'i phyir//rang gi sdom pa dam tshig gzung / /de yang rgya che blo dmigs te/ /ma lus khams rnams kun du spyad/ /ji srid rtog pa'i rgyun gnas pa/ /de srid rtog pas nyen par 'gyur/ /'di dag slob dpon la brten te/ /dam pa'i rjes su gzhol bar bya/ /rkang gnyis rnams kyi gtso bo mchog /sangs rgyas mchog la bdag skyabs mchi/ /zhi sogs 'dod chags sogs 'joms pa'i/ /theg chen chos la skyabs su mchi/ /thugs rjes don mi gtong ba yi/ /spyod bcas dge 'dun la skyabs gsol/ /dus 'di dag nas gzung byas te/ /ji srid snying po byang chub bar//dad brtson gus pas de dag kun/ /mya ngan 'das pa'i don du gzung / /srog gcod pa yi sems can dang / /gzhan gyi nor la 'phrog pa dang / /'dod pa log par g.yem pa dag /sems can dmyal bar myur du 'gro/ /dbyen byed pa dang tshig rtsub dang / /brdzun du smra zhing mi sdom dang //byis pa 'chal ba smra ba rnams/ /so so skye bo slu bas bcings/ /gzhan gyi spyod la brnab sems dang / /gnod sems dag ni mang ba dang / /mi gang lta ba log zhugs pa/ /ngan 'gro dag tu 'gro bar 'gyur/ /des na lus kyi sdig gsum dang / /ngag gi sdig pa rnam pa bzhi//yid kyi gsum po ma lus rnams/ /sdig pa'i las kun zad byed 'bar/ /des ni ngan 'gror lhung bas na/ /bag med las kun bshags par bgyi/ /'di dag bdag gis mi bgyid cing / /gzhan la'ang gdams par mi byed de/ /dus kun ma 'dres rgya chen blos/ /nyin mtshan dran pas bshags par bya//khyad par so sor thar ba'i tshul/ /rtsa ba bzhi dang yan lag tshogs/ /rnam bzhi 'khor tshogs bcas sdom gang / /ci nus bdag gis blang bya zhing / /ston pa slob dpon la sogs mdun/ /bsgo ba'i bka' don dam pa gzung / /ci nas 'gro kun bsgral ba'i phyir//dkon mchog gsum la skyabs 'gro'i don/ /yun ring mang du spel ba'i yid/ /phyogs rnams kun du rgyas par gzung / /stong gsum 'jig rten ma lus kyi/ /'gro drug sems can thams cad la/ /byams pa'i sems ni sngon 'gro bas/ /sdug bsngal gsum dang brgyad sogs kyis//gdungs pa rnams la blta byas la/ /bde dang sdug bsngal brje byas te/ /kun gyi bde ba thob 'gyur na/ /bdag nyid sdug bsngal gyur kyang bla'i/ /'gro don bsgrub par bya ba'i phyir/ /thabs mang rnam pa sna tshogs kyis/ /ji lta ji ltar 'dul 'gyur ba/ / de lta de ltar 'gro ba rnams/ /sdug bsngal rgyu dang de nyid las/ /grol zhing thar bar byas nas ni/ /bde dang ldan par bya ba dang / /bla med 'bras bu thob bya'i phyir/ /dang po bdag nyid bsgral byas nas/ /mi ldog sems kyis dam bcas te/ /smon pas rdzu 'phrul dpag med dang / /zhi gnas lhag mthong mngon shes sogs//thogs pa med par 'byung ba yis/ /myur du mthu stobs brtas gyur nas/ /g.yeng med 'gro don brtson byed cing / /dbugs dbyung theg chen lam la dgod/ /dus gsum bzhugs pa'i sangs rgyas dang / /dbyer med slob dpon mnyes byas la//yang dang yang du phyag 'tshal zhing / /gsol btab lam la gnas par bya/ /phyogs bcur bzhugs pa'i rgyal sras kun/ /ma lus phyogs nas dgongs su gsol/ /bdag gis me tog phreng sogs kun/ /khyed la legs par dbul bar bgyi/ /maN+Dal bzang bcas mchod pa'i tshogs//gnas 'dir rgyas par bkod byas pas/ /de dag 'khor tshogs mnyes gyur cig /sdom pa'i man ngag sbyin par bsam/ /dus de nyid nas ji srid par/ /zhal gcig par yang lan gsum sogs/ /'gro don dmigs pa rgya chen gyis/ / byang chub sems mchog bskyed par bya/ /bris sku la sogs rtse gcig tu/ /thal sbyar gus pas 'dug byas te/ /bla med byang chub 'dod pa yis/ /sems nyid rgya cher nges par bskyed/ /phyogs bcu dag na bzhugs pa yi/ /sangs rgyas byang chub sems dpa' rnams/ /gzhan du dbye ba med pa'i thugs//dus 'dir bdag la dgongs su gsol/ /bdag [(]min [,]ming [)]'di zhes bgyi ba yi/ /skye ba 'di dang gzhan dag tu/ /sbyin pa las byung bsod nams dang / /tshul khrims las byung bsod nams dang / /bsgoms pa las byung bsod nams kyis/ /dge rtsa bdag gis bgyis pa dang //bgyid du stsal ba nyid dang ni/ /gzhan yang rjes su yi rang ba'i/ /dge ba'i rtsa ba de dag gis/ /ji ltar sngon gyi de bzhin gshegs/ /rgyal ba sras dang bcas pa rnams/ /bla na med pa'i byang chub tu/ /thugs mchog rin chen bskyed pa ltar/ /bdag ming 'di zhes bgyi bas kyang //dus 'di nas ni gzung byas te/ /bla med yang dag rdzogs pa yi/ /byang chub chen por sems bskyed de/ /rgyal ba rnams kyi rjes su slob/ /sngon tshe 'phags pa 'jam dpal gyis/ /ji ltar byang chub sems rgya chen/ /grong khyer rgyal ba'i rgyal por gyur/ /rdzogs pa'i byang chub sems bskyed cing //'gro ba thams cad don du gnyer/ /de dag 'khor ba las bsgral lo/ /gnod sems dus min khro ba dang / /ser sna dang ni phrag dog nyid/ /deng nas bzung ste byang chub dag /thob 'gyur don gzhan dag kyang spang / /dge ba bcu sogs spyad bya zhing //sdig dang 'dod pa spang bar bya/ /tshul khrims sdom pa la dga' bas/ /sangs rgyas rjes su bslab par bya/ /bdag nyid myur ba'i tshul gyis ni/ /byang chub thob par mi spro zhing / /sems can gcig gi rgyu yis ni/ /phyi ma'i mu mthar gnas par bgyi/ /tshad med bsam gyis mi khyab pa//zhing khams rnam par sbyang bar bya/ /ming las gzung ba byas pa dag /phyogs bcu dag tu rnam mang thos/ /bdag gi lus dang ngag gi las/ /ci nus su ni dag par bya/ /yid kyi las kyang dag bya zhing / /ma dag pa rnams mi bya'o/ /ma brgal ba rnams bsgral ba dang //ma grol ba rnams grol bya zhing / /dbugs ma phyin pa dbugs phyung nas/ /sems can mya ngan 'das la dgod/ /sangs rgyas chos dang tshogs rnams la/ /byang chub bar du skyabs su 'chi/ /bdag gi sbyin sogs 'di dag gis/ /'gro la phan phyir sangs rgyas shog / byang chub smon pa'i sems dang ni/ /'jug pa'i sems dag ci nus pas/ /yul ngan gnod pa ci byung yang / /de las bzlog ste yang dag bzung / /snying stobs che zhing dpa' ba yis/ /las gzhan rnam par spang bya ste/ /bsam pa rtse gcig gnas pa dang / /dad brtson dge ba'i las kun gyis//mi mthun phyogs rnams kun spangs shing / /shes rab rnam gsum bskyed byas nas/ /log sel ri bo thams cad 'joms/ /dran dang shes bzhin bskyed byas pas/ /rtag tu 'gro don brtson par byed/ /grogs 'dis bdag gzhan grol bar byed/ /byang sems 'phel bar byed pa ni//rnam pa bzhir ni shes bya ste/ /srog gi phyir yang bsams bzhin du/ /brdzun tshig smra bar mi byed dang / /lhag pa'i bsam pa rnam dag pas/ /dus kun du ni gnas bya zhing / /sems can rnam pa thams cad la/ /g.yo sgyus slu bar mi bya dang / /sems bskyed byang chub sems dpa' la//ston pa'i 'du shes bskyed bya zhing / /yang dag par ni yon tan dag /phyogs bcu'i zhing khams rjod par byed/ /sems can gang zhig dge ba dang / /bkod bya de dang nyan thos sogs/ /theg pa dman par mi sbyor zhing / /yang dag byang chub sems dpa' che//byang sems 'grib par byed pa yang / /rnam pa bzhir ni shes bya ste/ /dam pa'i dkon mchog bla ma sogs/ /mchod par 'os pa bslus pa dang / /'gyod pa'i gnas pa yin pa la/ /gzhan dag nye bar sbyor ba dang / /sems bskyed byang chub sems dpa' che//zhe sdang tshig gis tshar gcod cing / /sems can rnam pa thams cad la/ /g.yo dang sgyu yis spyod byed pa'o/ /byang chub sems kyi bsod nams gang / /de la gal te gzugs mchis na/ /nam mkha'i khams ni kun bkang nas/ /de ni de bas lhag par 'gyur/ /gang gA'i bye ma grangs snyed kyi//sangs rgyas zhing khams mi gang gis/ /rin chen rdzas kyis kun bkang ste/ /ston pa mchog la phul byas pas/ /gang gis thal mo nyer sbyar nas/ /byang chub mchog tu sems bskyed nas/ /mchod pa mchog 'di khyad par 'phags/ /de la mthar thug ma mchis so//'khor lo dpag tshad bcu gnyis pa/ /lcags las byas pa mgo la 'khor/ /byang chub sems ni bskyed pa yis/ /bsal bar gyur zhes rab tu grags/ /byang chub sems mchog ma bskyed par/ /dge gzhan gang gis grol mi 'gyur/ /'o mas dug ni sel lo zhes/ / 'jig rten pa la rab tu grags/ /de nyid sbrul gyis 'thungs pa na/ /shin tu dug ni 'phel bar byed/ /mar dang bu ram sman gyi mchog /byis pas bza' nyes dug tu 'gyur/ /'bru mar sdong bu'i phung pos kyang / /me med bar du gsal mi 'gyur/ /shel sgong dag par gyur pa yang / / tshon gzhan dag gis bsgyur ba yin/ /long ba dmigs bu med pa dag /brgya stong grong gzhan rgyu mi nus/ /rlung dang bral ba'i me nyid [(]gyis[,]kyis[)]/ /nags tshal bsreg par ga la nus/ /gsher bral rdul gyi phung po'i tshogs/ /'du bar mi 'gyur rlung gis 'thor/ /chu rnams bsags pa'i lteng ka dag /gnyen pos mod la 'joms par byed/ /sems nyid rab tu dang ba yis/ /dge ba'i bshes la brten bya ste/ /bsnyen bkur cho ga bzang po'i tshogs/ /bya ba'i khyad par gnas kun 'phags/ /mngon 'dod the tshom med pa'i yul/ /don kun gsang ba ston byed pa//rab tu smin pa 'di nas 'jug /bla ma'i byin rlabs mthu yis grol/ /lan grangs mang por gsol gdab cing / /phun sum tshogs pas mthu bskyed nas/ /mos pa'i dkyil 'khor gsang ba'i sgor/ /rang rgyud dag pas sdom gnas 'dod/ /dbang bskur cho ga rdzogs pa yis//las kun rim bzhin mngon gnyer zhing / /phyag rgya'i bsam gtan mthu bcas pas/ /las kun gsang ba'i sngags rgyun 'jug /thun mong khyad par dam tshig gis/ /nyes bskyed rten gnas dag par bya/ /thams cad sdom pas rjes gzung zhing / /bdag gzhan bya ba mthar phyin brtsam//byang chub chen po'i gnas spyod pa/ /der 'jug de nyid lam chen sgo/ /don kun ngo bo gsal byed pas/ /sgo gsum bya rgyu rtag tu brtag /'gro gnas sems can rgya chen tshogs/ /theg chen gsang bas gzung bya ste/ /mthar thug gcig tsam don gyi phyir//rgyal ba'i bka' don gus pas gzung / /rdo rje bla ma sangs rgyas mchog /dus gsum thugs rje gtsor ldan pas/ /phyogs bcu'i sangs rgyas thams cad kyi/ /phyag 'tshal mchod pa'i gnas nyid yin/ /mi mkhas phrag dog nyams pa'i gzhi/ /de rgyud gtan du nyams par 'gyur//thog mar don kun sgo 'jug pas/ /bcas pa'i dam tshig sdom la gzung / /thabs rnams kun gyis bstan pa'i sgo/ /mtshan med mtshan ma sna tshogs kun/ /ma nor de bzhin ston byed pa/ /rdo rje theg pa'i sngags lam rgyud/ /phyag rgya kun las mi 'da' zhing //mchod bstod tshogs kyi bya ba shes/ /sems can don spyod 'tshe ba spang / /der 'jug thugs rjes rnam par gzung / /rtag tu rang gi lha nyid dang / /rang gi sngags dang phyag rgya'i tshogs/ /stobs ldan rnams kyis spyod byed pa/ /de dag kun gyi sgor 'jug brtsam/ /rtag tu dkon mchog mchod bya zhing //rtag tu rang gi dam tshig bsrung / /mchod rten gtsug lag khang bzang po/ /yid dga' gus pa'i sems kyis gnas/ /lha gzhan dag la phyag byed dang / /ngan pa'i spyod yul kun ston pa'i/ /theg dman rgyun gzhan bstan pa'i phyir/ /don kun che ba'i gnas nyams 'gyur//dran tshogs shes bzhin blo gros mthus/ /dad brtson ting 'dzin bskyed byas te/ /sdom bcas sdom min gnas dag las/ /mchod brtson mthu yis rnam par grol/ /dkyil 'khor kun du ma zhugs shing / /dam tshig rnams ni spangs pa dang //gsang ba yang dag mi shes pas/ /sgrub pa ci yang grub mi 'gyur/ /bdag nyid chos nyid dang ldan pas/ /dam tshig la ldang skal ba ngan/ /srog chags gsad par mi bya zhing / /dkon mchog gsum ni yong mi spang / /byang chub sems kyang mi gtang ste/ /skal bzang slob dpon spang mi bya//srid pa shin tu sgrub byed pa'i/ /mgon gyur rnams la bdag skyabs mchi/ /thog mar bslab par bya ba'i tshul gyis smin par bya ba'i cho ga ste dang po'o// //rten gyi dkyil 'khor sgrub pa pos/ /mngon par bsgrub bya'i gnas gang dag / rgyud las mngon par bsngags pa'i gzhi/ /phun sum tshogs pas don kun spyad/ /gnas mal phyag dar legs pa'i sar/ /rgyan sogs bkod pa legs dgram zhing / /'phags pa'i gnas mchog mthu ldan pa'i/ /rten gyi bya bas don kun rdzogs/ /sa chu lci ba sbyin pa'i zas//legs snyoms byugs pa tshul khrims mchog /grog sbur skyon bsal bzod pa nyid/ /kun du spro ba'i brtson 'grus dang / /mi g.yeng brtan pa'i bsam gtan dang / /legs par ri mo shes rab rdzogs/ /pha rol phyin drug dkyil 'khor 'di/ /rtse gcig sangs rgyas rnams la dbul//gser mdog nad rnams kun zhi zhing / /zla ba bzhin rgyas lha mi'i mchod/ /khyad par bla ma lhag pa'i lha/ /thun mong dkon mchog la dmigs pas/ /dus bzhin maN+Dal bzhin dag la/ /me tog sngags su bcas pas dgram/ /oM badzra re khe hUM/oM badzra tsakra maN+Dal hUM b+h+rUM/ dkyil 'khor bzang po gnas de nyid/ /don gyi byin rlabs mthu ldan pas/ /stan bzang legs par bshams pa la/ /khrus kyis dag byas bde bar gnas/ /rgyud dang po yi dbye ba nyid/ /brtan pas nyin rer gsum zhi ba/ / bya ba thun mong bye brag gis/ /las kun yongs su dag par brtsam/ /tho rangs mal nas legs langs te/ /bgegs kyi sbyor ba sel byed pa'i/ /sngags kyi rgyal pos bsrung byas nas/ /pha rol phyin sogs mtha' yas spyad/ /'gro ba rgya che la dmigs te/ /tshad med bzhi nas kun du khyab/ / bag med mtshan mo'i nyes dmigs kun/ /dran pa bskyed cing bshags pa bya/ /de bzhin 'bad pas dgongs mo'i dus/ /rang rgyud dmigs pas rnam par sbyang / /rgyan rnams kun gyis legs mdzes brgyan/ /kun du gzengs bstod dga' ba'i yid/ /lhag pa'i lha yi nga rgyal ldan//phyag rgya sngags kyis bsrung byas pa'o/ /me tog la sogs bcal bkram zhing / /mchod tshogs gtor ma rgyas byas nas/ /ras ris la sogs glegs bam la/ /yang dag mos pa dad pa skyed/ /snying ga'i sngags kyi 'od zer gyis/ /phyogs bcur khyab pa'i zla ba bsam//sbyor ba'i rgyal po'i phyag rgya sngags/ /gnas kun dkyil 'khor legs par bskyed/ /rnam pa kun mkhyen sangs rgyas gtso/ /rigs kyi dkyil 'khor tshogs rnams kun/ /sku rgyan cha lugs byin rlabs rdzogs/ /rigs kyi 'od zer sprul par bcas/ / thams cad rgyud kun rnam dag pas/ /pho brang dkyil 'khor sgo bzhir ldan/ /oM badzra tsakra maN+Dal hUM b+h+rUM/ dri chab sngags kyis byin brlabs pas/ /phyogs rnams kun du gsang gtor bya/ /me tog mar me mtha' rgyas pas/ /bkra shis gzi mdangs rgya cher bskyed/ /gnod byed khro bo'i sngags kyi tshogs//phyogs bcu phyag rgyas gnas sbyang zhing / /bgegs kyi dngos po bsreg byas te/ /srung ba'i 'khor lo rgya chen tshogs/ /dga' chen dpal gyi rdo rje las/ /rdo rje se gol rnam pa gnyis/ /rang gi sngags bcas mthu ldan pas/ /lhag pa'i lhar bcas dkyil 'khor bskul//oM badzra sa mA ya dzA hUM/ oM dam tshig chen po'i dkyil 'khor nyid/ /sna tshogs lhag pa'i bsam pa can/ /ma lus sems can don mdzad pa/ /ye shes che gnas byin gyis brlabs/ /dzaHhUM baM hoH/ oM e h+ye hi b+ha ga bAn ma hA ka ru Ni ka dr-i sh+ya ho//sa ma ya ho/ /sa ma ya s+t+waM/ oM phyogs bcu'i kun legs bzhugs pa yi/ /bcom ldan rgyal ba sras dang bcas/ /thugs rje che dgongs 'gro rgyud gzigs/ /thabs mkhas smon lam dbang gis spyon/ /oM badzra maN+Dal sa pa ri wa ra hUM/ yang dag nyid du dad mod kyang //'gro ba rnams kyi don slad du/ /phyag dang zhabs ni bsil mdzad cing / /dam tshig dkyil 'khor gnas 'dir bzhugs/ /oM badzra sa mA ya/ pad+ma maN+Dal hUM/ pra na rA ga swA hA/ gang dag bzhugs pa'i sangs rgyas spyan/ /sku mchog gsum mnga' dus gsum nyid/ / rab mchog theg chen bla na med/ /byang chub dge tshogs thugs ldan pa/ /rig pa gsang sngags tshogs su bcas/ /phyag rgya'i dkyil 'khor mthar phyin pa/ /bsam 'das brjod par dka' ba'i tshogs/ /gnyis med sbyor bas bstod pa'i gnas/ /thams cad don kun ston mdzad pa'i//dkyil 'khor kun la bdag phyag 'tshal/ /oM na maHsarba ta thA ga ta kA ya bAka tsit+ta ban+da nAM ka ro mi/ sdig las ldog pa'i sems nyid kyis/ /thal sbyar pus mo g.yas btsugs te/ /nyon mongs rgyu dang yan lag gis/ /rmongs pa'i tshogs 'phel 'khrul pa bskyed/ / sgo gsum mi dge sdig pa las/ /dus kun rgyun gyis bshags par bya/ /thun mong khyad par dkon mchog gi/ /bstan la mngon par ma dad cing / /dge bshes dam pa ston pa'i mchog /khyad par zhing du gyur kun la/ /mi dge las kun gang bgyis pa/ /thog med 'khor ba'i kha brgyud nas//rang bzhin bcas pa'i sdig pa kun/ /bdag gzhan rgyud las gang 'byung ba/ /dus 'dir bshags shing bsdom par bya/ /gang dag phyogs bcu'i sangs rgyas dang / /'phags pa rnams kyis byang bar mdzod/ /oM sarba pA paM spo Ta da ha na badzra pA paM swA hA/ gnyis med ye shes dag pa'i dbyings//mi 'gyur kun du dag pa'i bdag /bkod pa che snang sna tshogs gzhi/ /don kun phyag rgya 'byung ba'i tshul/ /sprul pa phyogs bcur ma 'gags pa'i/ /dbyer med pas ni las mdzad pa/ /thams cad don kun bskyed pa'i mchog /dus 'dir skyabs su gsol ba 'debs//oM bud+d+ha bo d+hi satwa/ sha ra NaM gats+tsha mi/ badzra d+harmA hrIH/ skyon med rnam par dag pa'i sgo/ /rdul phran grangs med bsam 'das pa/ /bzhi 'byung ma lus lhag pa'i tshogs/ /bde gshegs kun la dbul bar bgyi/ /oM sarba ta thA ga ta pU dza pra brtan ya At+ma nAM nir+yA ta yA mi/sarba ta thA ga tA sha a d+hi ti sh+tha maM/ sarba ta thA ga tA dz+nyA na maM a b+hi Shiny+tsa na tu swA hA/ skye rga na 'chi dba' klong gi/ /chu bo kun las sgrol byed shog /mi shes log rtog nges bcom dag /thugs rje mgon la skyabs su mchi/ /'gro rnams kun la sman slad du/ /sems mchog rin chen bdag gis sbyang //dus kun srog chags rnams kyi bdag /skyabs gnas dpung gnyen skyob gyur cig /oM bod+hi tsit+ta ud+pA da ya mi/ sarba pA paM bi ka ta kan t+ya tra Ta trA sa ma ya bo d+hi tsit+ta hUM swA hA/ phyogs bcu'i rgyal ba sras bcas kyi/ /bsod nams sna tshogs mkhas pa'i mchog /'phags dang lha mi dge spyod pa'i/ /brtul zhugs bzang po bla med pa/ /bya ba rgya chen gnas kun tshogs/ /der gzhol de nyid slob byed pa'i/ /bsod nams tshogs 'gyur gang yin pa/ /de dag kun la rjes yi rang / oM sarba ta thA ga tA pU n+ya dz+nyA na a nu mo da na pU dza me g+ha sa mu dra s+pha ra Na sa ma ye hUM/theg chen gsang ba bla na med/ /rdo rje lta bu yon tan brjod/ /rnal 'byor theg pa'i lam gyur pa'i/ /rin chen sgron mas gsal bar mdzod/ /dngos rtog rigs kun sel byed pa'i/ /ye shes nyi ma'i thugs rje bdag /dus kun rnam par grol ba yi//chos kyi 'khor lo bskor bar mdzod/ /oM sarba ta thA ga tA a d+hiSh+tha na pU dza me g+ha sa mu dra spa ra Na sa ma ye hUM/ dus kun rdzogs par grol byed pa'i/ /skyob pa rnams kyi gsang ba'i sngags/ /nyi ma'i snying po dri med pas/ /rgya chen phyogs rnams khyab byed pa'i/ /nyes pa'i skyon tshogs rab tu zhi//de dag de las der mtshungs ston/ /ston pa 'jig rten sgron ma'i tshogs/ /dus kun mi 'gyur brtan par mdzod/ /oM sarba ta thA ga tA ga ga naM/ a t+ye shA ya me/ sarba ta thA ga ta e ta ra tA ya/ d+harmA tra thA/ sti thir b+ha ba ye swA hA/ 'gro rnams kun la phan pa'i phyir//dge ba rgya chen gang bsags pa/ /'khor ba'i chu bo 'joms byed pa'i/ /mya ngan 'das las grol bar shog /ma lus 'di dag gcig pa'i blos/ /rnam par sbyor ba gang dang gang / /mthar thug dngos po zhi byed pa/ /don kun gsal ba gnyis med mchog / oM na maHsarba ta thA ga ta pu na niR+YA ta na pU dza me g+ha sa mu tra spa ra Na sa ma ye hUM swA hA/ chu rgyun sbyangs pa ku sha'i tshogs/ /gnas kun dri sbyangs dag par byed/ /so so'i sngags dang phyag rgya yis/ /de dag byin gyis brlabs shing dbul/ /dkon mchog gsum nyid gtsor gyur pa/ / lhag pa'i yon tan mtha' yas tshogs/ /sangs rgyas la sogs rjes su gzung / /rnam grol mtha' yas brjod cing bstod/ /rtse gcig 'dun pa'i rgyud kun du/ /'khor los gnas kun 'khor lor sbyor/ /dga' dang gus pa'i tshogs kun gyis/ /bsod nams rgya chen mtha' yas pa'o//oM na mo b+ha ga ba ti rat+na ke tu rA dzA ya/ sarba ta thA ga ta aR+ha te b+he samyakasaM bud+d+hA ya/ tad+ya thA oM rat+ne rat+ne/ ma hA rat+ne rat+no ta b+ha be/ /rat+na b+ha ye swA hA/ lus sam yang na sems kyang rung / /ci tsam nus par bskor ba bya/ /rgya cher 'gro ba la gnas te/ /smon lam mtha' yas gdab par bya//de nas rten gnas tshogs rnams kun/ /thams cad bdag la rnam btud cing / /'gro ba thams cad mgron du gnyer/ /de dag byang chub la gzhug phyir/ /rnam grangs mtha' yas 'jug pa'i sgo/ /khyad par brtan gnas skyabs 'os gzung //bla ma dam chos sangs rgyas dang / /byang chub sems dpa' rnams la yang / /dus kun btud de skyabs gsol zhing / /mchod 'os rnams la 'dud par bgyi/ /'di dag sdig las bzlog bgyid cing / /bsod nams tshogs kun yongs su gzung //lus can rnams la bsod nams dag /de dag kun la rjes yi rang / /lus btud thal mo sbyar byas te/ /gsang ba'i theg chen bshad pa dang / /'gro rnams rab tu gzhug slad [(]tu[,]du[)]/ /rdzogs pa'i sangs rgyas rnams la gsol/ /'di dag gis bgyis bsod nams dang //bdag gis bgyis dang ma bgyis dang / /de gang sems can thams cad kyis/ /bla med byang chub sems bskyed shog /chos kun rnam dag dri med dbang / /yongs rdzogs mi khom kun spangs nas/ /spyod pa rang dbang yod pa dang / /'tsho ba bzang po rgyu ldan shog /lus can dag ni thams cad kyang / /lag na rin chen nyid ldan zhing / /yo byad tshogs rnams mtha' yas pa/ /'khor 'das srid dus gnas par shog /bud med thams cad dus kun du/ /skyes mchog byang chub sems ldan zhing / /lus can thams cad reg pa dang //rkang par ldan pa nyid du shog /'gro rnams kha dog ldan pa rnams/ /gzugs bzang gzi brjid che ba dang / /blta na sdug cing nad med par/ /stobs chen tshe ring brtan par shog /thams cad thabs la mkhas gyur te/ /sdug bsngal tshogs rnams las grol zhing //dkon mchog gsum la gzhol byed par/ /sangs rgyas theg pa'i rgyan ldan shog /byams sogs snying rje dga' ba dang / /btang snyoms kun gyi gzhir gyur cing / /sbyin rnams tshul khrims bzod brtson 'grus/ /bsam gtan shes rab kyis brgyan cing //tshogs rnams thams cad yongs rdzogs shing / /mtshan dang dpe byad gsal bar bya/ /bsam gyis mi khyab sa bcu dang / /rgyun mi 'chad par 'gro byed shog /bdag gis yon tan de dag dang / /gzhan tshogs rnam par brgyan pa'i stobs/ /nyes pa kun las grol byed cing //sems can kun mchog byams pa'i gtso/ /sems can kun yid re ba bzhin/ /dge ba thams cad rdzogs bgyid cing / /rtag tu lus can thams cad kyi/ /sdug bsngal rtog pa'i rgyun sel shog /khams gsum kun gyi skye ba gang / /gang dag sdug bsngal nyan pa'i tshogs//bdag gi ming tsam thos pa'i dus/ /shin tu 'jigs pa med gyur cig /bdag nyid mthong zhing dran pa dang / /ming tsam grags pas gzhan dag kun/ /rab tu 'khrug med rnal ma'i yid/ /rdzogs pa'i byang chub nges gzhol zhing / /tshe rabs kun du rjes 'brang ba'i//mngon shes lnga po thob par shog /sems can kun la rnam kun du/ /rtag tu phan par bgyid gyur cig /'jig rten kun la skye bo gang / /sdig pa'i rgyun zhugs 'dod gyur dag /de dag thams cad gnod med par/ /rtag tu cig car zlog gyur cig / sa chu me rlung 'byung tshogs dang / /sman dang dgon pa'i shing bzhin du/ /rtag tu sems can thams cad kyi/ /rang dgar 'gag med spyod par shog /sems can rnams ni srog bzhin phongs/ /de dag la bdag cher phongs shing / /bdag la de dag sdig smin cing / /bdag dge ma lus der smin cig /ji srid sems can 'ga' zhig kyang / /gang du ma grol de srid du/ /de phyir bla na med pa yi/ /byang chub thob kyang gnas gyur cig /gang du sa gzhi legs pa'i gnas/ /der nam rten gyi las byas te/ /bar chad rkyen kun bsal nas ni/ /rigs kyi ting 'dzin bsgom par bya//sa gzhi 'jam zhing sbyin pa dag /gtsang ma'i gnas nas blang bya ste/ /dri zhim sngags kyi chus brlan nas/ /spyod med pha rol phyin drug spyad/ /oM na maHsa man+ta bud+d+hA nAM/ oM badzra A yu She swA hA/ oM badzrod b+ha ba ye swAhA/ oM a ra dze bi ra dze swA hA/ oM d+harma d+hA tu gar+b+he swA hA/oM badzra mung+ka ra a ko Ta ya swA hA/ sa gzhi byin brlab spyad pa dang / /dri gtsang chu yis bsdu ba dang / /tho bas brdung zhing gong bu'i gzugs/ /rigs kun sngags dang phyag rgya yis/ /so so'i phrin las rjes mthun par/ /'phro 'du'i gnas kun skye ba dang / /legs par snum bsku phyag rgya gzhug /gdab pas sku gsum gsal gyur pa'o/ /maN+Dal mchod pa rgyan dang bcas/ /rol cha kun gyis mngon par bstod/ /dam tshig dkyil 'khor rim bzhin gsal/ /ye shes dkyil 'khor spyan drangs gzhug /mchod pa'i tshogs mang legs bsngos nas//lha gnas dbang bskur byin brlab cing / /sku gsung thugs kyi phyag rgya che/ /gtor mas mgron tshogs tshim par bya/ /oM badzra aM ku sha dzaHd+harmA d+ha re swA hA/ oM pad+ma sa ma ya a pra ti ha ta ye tha b+ha badzrA ya swA hA/ oM na mo b+ha ga ba te badzra satwa pra b+ha rA dzA ya/ ta thA ga tA ya aR+ha te/saMmyaka saM bud+hA ya/ tad+ya thA/ sU k+Sha me sU k+Sha me/ sa ma ye sa ma ye/ shAn+te shAn+te/ dAn+te dAn+te/ sa ma ro bA/ a na ya/ a baM be/ a baM be ya/ sho ba ti/ ma hA te dza ni ra ku le ni ra bA ni ra bA bu traM/ a d+hiSh+Tha na a d+hiSh+Thi te swA hA/ oM sarba ta thA ga ta ni sha ti ti ba de dz+wa la dz+wa la d+harmA d+ha tu gar+b+he swa hA/mtha' mar bzod par gsol bya ste/ /byin rlabs brtan par mnga' gsol zhing / /bkra shis rgya cher brjod byas pas/ /de dag bsdu zhing gshegs su gsol/ /oM A ka sha gar+b+he swA hA/ oM ye d+harmA he du pra b+ha bA he tun te ShAM ta thA ga to h+ya ba data te/ ShAM tsa yo ni ro d+ha e baM bA dI ma hA shra maN/oM swa b+hA ba bi shud+d+he/ ha ra ha ra/ a ka dz+wa la/ a ka dz+wa la/ d+harmA d+hA tu gar+b+he swA hA/ bya ba'i las kun bstan 'gyur bas/ /phrin las bzhi bcas dngos grub tshogs/ /'byung ba lnga yi khams rnams la/ /rang gi sngags dang phyag rgyas gdab/ /bar skabs khrus kyi dus dag tu//dri bcas chu rgyun byin brlabs pas/ /bdag dang 'gro la sogs pa yi/ /phyi nang gsum gyi gnas gsum sbyang / /oM na maHsarba ta thA ga tA ma hA sa ma ya shrI ye hUM/ byang chub sems dpa' gnod gnas la/ /chu rgyun bzang po yi ni snod/ /sngags bcas brgya rtsa brgyad du 'bul//khrus gsol zug rngu sel bar byed/ /oM dzaM b+ha la dza len+d+ra ye swA hA/ phyogs bcu'i khyor chu'i byin brlabs pas/ /de bzhin gshegs pa'i mtshan brjod cing / /yi dwags rgya chen gnas dmigs te/ /lan grang nyi shu rtsa gcig 'thor/ /oM na maHsarba ta thA ga ta a pa lo ki te saM b+ha ra hUM/slar yang zas kyi dus dag tu/ /thog mar byin brlabs dkon mchog mchod/ /srung ma rgya chen mnyes byas nas/ /lhag mas 'byung po tshim par bya/ /oM a kA ro mu khaM sarba d+harmA NAM/ Ad+ya nut+pa n+natwA ta/ oM AHhUM phaT swA hA/ thams cad thugs rje'i mes bsregs nas//bdud rtsi'i rgyun gyis dag par byed/ /oM las 'dod lnga'i yon tan sogs/ /rgya chen nam mkha'i khams su sprul/ /dbyer med lha yi nga rgyal gyis/ /gnas rnams kun du longs spyod bya/ /rtag tu bsam gtan la gnas pas/ /zab mo rgya mtsho'i mdo gdon cing / / sems can kun gyi don gyur pa'i/ /phyogs rnams mthun par 'gro ba'i sgo/ /lus ngag sems kyi bya ba kun/ /rnam grol theg pa bsod nams tshogs/ /phyogs thams cad nas bslab par bya ba'i bsod nams kyi tshogs bsags pa'i cho ga ste gnyis pa'o// // dga' chen dpal gyi rdo rje las/ /rdo rje sems dpa'i sbyor gnyis bcing / /ting 'dzin sngags kyis bskul ba'i mthus/ /phyogs bcu'i sangs rgyas kun gshegs 'gyur/ /phyi nang phyogs kun snang ba yi/ /gdug pa thams cad zhi byed pa/ /rang bzhin sku gsung thugs kyi bdag / byin brlabs gsal bas brtan par 'gyur/ /sangs rgyas thams cad tshogs pa yi/ /gdan 'dzom bka' gros bgro mdzad cing / /bar chad bgegs kun gzhom pa'i tshogs/ /rang gi gnas nas rnam par spro/ /rdo rje 'khor lo ral gri dang / /be con rtse gsum la sogs kyi/ / phyag rgya sngags la rnam 'phrul pas/ /thams cad 'jig cing 'thor bar byed/ /rang gi gnas gzung brtan pa'i phyir/ /rang nyid rdo rje he ru ka'i/ /gnas kun mtshan ma bzang pos brgyan/ /shin tu 'phro ba'i tshogs kun gyis/ /phyogs bcu sprul pa'i 'khor lo brjod/ /'dod pa'i rgyal po khro bo ches//phyogs kun bgegs rnams gzir byas te/ /phyag rgya bzhis btab gnas su dgod/ /nyi ma la gnas khro tshogs bsgom/ /grangs med sprul pa'i tshogs ldan pas/ /phyogs bcu'i mtha' rnams gtam byas te/ /me ri 'bar ba'i mtshon char bcas/ / phyogs rnams byams pa'i lta ba yis/ /snying rje chen po'i gnas kun gsal/ /'di las lhag pa'i srung ba'i mchog /gnyis med stong pa'i rang bzhin las/ /ye shes lnga yi 'od 'bar ba/ /zab mo'i sngags kyis mtshams byas pa'o/ /phyogs gzhan khro tshogs bsrung ba'i phyir//rdo rje la sogs mtshon cha dang / /nyungs kar thal ba dri yi chu/ /legs sbyangs byin brlabs rigs kyi lha/ /khro bo'i dkyil 'khor rab 'bar bas/ /de dag mthar phyir sel bar byed/ /dbyibs dang ye shes gnyis med pa'i/ /don kun mchog tu gsang ba'i gnas/ / rang nyid ngo bo ma bcos dbyings/ /chos kyi rgyun gyi ting 'dzin gsal/ /phyogs rnams sprul pa'i dkyil 'khor la/ /dngos byung rdo rje sems dpa' che/ /ma chags g.yo ba'i dkyil 'khor gyi/ /gnas kyi mtshan ma kun las 'phags/ /dkar dmar zhal phyag bzhi bzhis mdzes/ / g.yas sngo g.yon dmar rgyab ser po/ /dang po ba dan gsum pa yis/ /phyag rgya rdo rje rtse lnga 'dzin/ /gnyis pas rin chen mda' gsor zhing / /g.yon gyi dang po kha T+wAM nyid/ /rgya gram ba dan dril bu'i sgra/ /gnyis pa rin chen sna lnga'i gzhu/ /mtshan dpe phyag rgya lnga yis mdzes/ /las bzhir gzigs pa'i spyan ldan pa//'od gsal rin chen sna lnga'i mdangs/ /rin chen phreng bas rgyan rnams spras/ /sku stod dar dkar gser ris la/ /sku smad tshi gu'i na bza' nyid/ /spyi bor zla dkyil skur ldan pa/ /sku yi dkyil 'khor de nyid bsngags/ /mgrin pa'i pad+ma gsung ldan par//gsung gi dkyil 'khor de nyid bsngags/ /thugs ka'i nyi ma'i thugs ldan par/ /thugs kyi dkyil 'khor de nyid bsngags/ /ye shes dkyil 'khor rten gsal ba'i/ /sngags kyi dkyil 'khor phreng ba'i tshul/ /'od kyi dkyil 'khor sangs rgyas rnams/ /rang gi gnas kun gzhug par bya//byin brlabs shes pas ye shes lha/ /rang rig tshul bzhin spyan drangs te/ /mdun gyi dkyil 'khor la bzhag nas/ /phyag 'tshal mchod pas mnyes par bya/ /de rjes phyag rgya rnam pa bzhis/ /rang gi gnas kun brtan byas la/ /byin brlabs 'dod don gsol gdab cing //mchod bstod mnyes pa'i rol mos mchod/ /dam tshig gsum gyi phyag rgya yis/ /mdun nas sems dpa'i dkyil 'khor la/ /sngags kyi phreng ba 'khor lo'i tshul/ /'phro 'du gsal ba'i ngo bor brtag /spyod lam kun du ma nyams blos/ / dkyil 'khor gnyis med tshul bsgom zhing / /byas pa'i tshogs gnyis rgyur shes pas/ /rang gi byin rlabs brtan par bya/ /ji srid kha zas dus kun dang / /bya ba'i tshul gzhan de bzhin nyid/ /'dri klog kha don la sogs pa'i/ /don kun bsngo ba rgya chen sogs/ /rang gi dbang po'i gnas las byung //de dag rol pa'i tshul rgyun bcas/ /ma nyams dus kun snang byed pas/ /de mtha'i chags pa grol bar 'gyur/ /de ltar dkyil 'khor rgya chen po'i/ /tshul rnams gang dag bshad pa yang / /las su bya bas 'jug pa ste/ /mi gnas gsal bar goms pa nyid//gdul bya'i rgyud rnams sbyang ba'i phyir/ /sngon 'byung sprul pa'i dkyil 'khor bzhin/ /rigs kyi 'khor lo gang gnas 'jug /de dag bsdus dang rgya chen tshogs/ /byin brlabs gsal bas brtan byas pa'i/ /sbyor ba'i don kun rdzogs par gnas//bsnyen sgrub yan lag rjes mthun pa'i/ /phyag rgya'i rigs kyi dkyil 'khor dag /de dag mtshan ma med pa'i gnas/ /rol pa'i byin rlabs che las 'byung / /ji srid de nyid snang ba yi/ /tshul gyis de rgyud gsal bar byed/ /don 'byung gsang ba'i kun ston pas/ /dkyil 'khor kun gyi ngo bo nyid//'di dag nang gi mtshan nyid de/ /thams cad spyi yi chos nyid don/ /nam zhig stong par 'dod pa'i dus/ /de dag dngos kun las grol ba/ /dkyil 'khor gnyis med sbyor byed cing / /byin rlabs mchog kun rnam par rol/ /nang gi ting 'dzin gsal ba las//thig le phra mo la sogs sbyor/ /dam tshig kun gyi gnas rgyas pas/ /brtan pa'i tshogs kun mthar phyin 'gyur/ /rgya chen dkyil 'khor rnam dag dang / /lha yi rnam dag gsal ba'i mthus/ /byang chub sems su sgyu ma'i dngos/ /chos rnams kun gyi mtha' bral ba'o//spyod pa yongs su dag pa rnal 'byor pas bar chad bsal ba'i cho ga ste gsum pa'o// //de nas bdag gzhan bsrung 'dod pas/ /dben pa'i gnas su tshogs bsags shing / /rdo rje sems dpa'i ting 'dzin sbyor/ /bsnyen pa'i cho gas brtan par bya/ /dur khrod lha yi gnas rnams dang //ma mo gnas kyi thal ba mchog /thod pa mtshan ldan sbyar bar gzhag /rigs kyi sngags dang phyag rgyas bsrung / /snying po nye ba'i snying po dang / /rtsa sngags lha rnams kun gyis sbyin/ /ting 'dzin 'phro 'du gsal rdzogs pa'i/ /brgya stong khri yi bzlas brjod bya//gang dag bsrung bar 'dod pa la/ /thig le 'am sor ris gsum du shis/ /phyogs mtshams nam mkha'i sa bcings na/ /srung ba kun gyi bla med yin/ /de bzhin snga ma'i sbyor ldan pas/ /rgya mtshor 'bab pa'i chu blangs te/ /rin chen snod bzang byin brlabs nas/ / dkyil 'khor brgyan pa la gzhag cing / /ku sha'i chu rgyun sngags thim par/ /lha rdzas zhi ba'i chu mchog gis/ /gtor ba dang ni blugs pa dag /khrus byas phog pas sngon bzhin 'grub/ /mi yi thod pa'i nang du ni/ /nyungs kar rgyal po sngags kyis bskyed/ /tshul bzhin phyung nas sa gzhi la//yun ring goms pa'i brtul zhugs ldan/ /phyag rgya'i rigs tshogs sna tshogs pa/ /rab tu grol bas gzhan dgug cing / /bzang po khrus kyi cho ga nyid/ /dus gsum bzlas brjod mtshams sbyar te/ /rigs tshogs brten gnas gdan bcas pa'i/ / rab tu sprul pa'i khro bo bskyed/ /zhi dang rgyas sogs las rnams la/ /dus bzhi rten 'brel mthun par spyad/ /de las byung ba'i rdzas rnams kyis/ /de nyid las kun byed par 'gyur/ /dpa' bo gcig pa'i phyag rgya nyid/ /byin rlabs tshogs kyis rnam par brgyan/ / rang rig snang ba'i dkyil 'khor kun/ /phyogs bcur spro zhing gsal bar bya/ /sku gsung thugs kyi rdo rje yis/ /gnas gsum mtshan ma'i tshogs 'joms shing / /phyogs mtshams bla 'og thams cad kun/ /gang 'dod de nyid ngo bor 'gyur/ /gzhug dka' bdag nyid ngan pa rnams//sangs rgyas kun gyi byin gyis brlabs/ /dkyil 'khor rgyas pa la dmigs te/ /sbyor ba bzhi yis rdzogs byas pa'i/ /rigs kyi dkyil 'khor mnyam par sbyor/ /gnas kun phyag rgya gsal bar mdzad/ /thams cad sprul pa'i byang chub sems/ /rigs rnams phyogs bcur rnam bkod pas//bsgrub bya gang dag de nyid la/ /gsang ba'i gnas su sbyor bar byed/ /don mthun phyag rgya 'di yis ni/ /'gro gnas thams cad bsrung bar 'gyur/ /chos dbyings ye shes phyag rgya las/ /'od 'bar 'khor lo'i gzhal yas khang / /rdo rje sems dpa' las byung ba'i//rnam par snang mdzad sbyor ldan pas/ /phyogs bcu legs par 'khor lo'i tshul/ /bla 'og dag tu byin brlabs shing / /dkyil 'khor bsdus dang rgyas pa yis/ /thams cad srung ba bla na med/ /rdo rje sems dpa' sbyor ba las/ /zhe sdang la sogs 'joms byed pa'i//drag po chen po'i skur sbyor zhing / /bsdus dang rgyas pa'i dkyil 'khor ches/ /phyag rgya rdo rje'i tshogs spro zhing / /rang gi sngags dang rnal 'byor pas/ /brtan g.yo thams cad srung bar byed/ /de bzhin tshar gcod rengs pa 'grub/ /sangs rgyas gar gyi rnam 'phrul ba//sbyor ldan rdo rje sems dpa' bzhin/ /bsdus dang rgyas pa'i dkyil 'khor gyis/ /gsang sngags phyag rgya bsam gtan las/ /sna tshogs pad+ma la brten bya/ /phyag rgya'i tshogs kun kha 'byed pas/ /sgrib pa'i las kun rnam grol zhing / /thams cad dag pa'i las la sbyor//sems dpa' chen po'i cha lugs kyis/ /sems dang ngo bo la gnas bya/ /de bzhin nyid la snang ba yi/ /rdo rje sems dpa'i rnal 'byor ldan/ /rin chen tshogs 'bar brjid pa'i gnas/ /'bar ba'i lta ba'i tshul bzhugs pa/ /rdo rje rab tu drag po'i me//rab 'jigs 'bar ba mi bzad 'grub/ /gang dag rgyas pa'i tshul sbyor zhing / /las rnams dngos grub skyed byed pas/ /dkyil 'khor bsdus dang rgyas pa'i tshul/ /gnas rnams kun du 'phros pa'o/ /thams cad dag pa'i las la sbyar/ /mi gnyis ting 'dzin brtan pa'i mthus//rdo rje sems dpa' las byung ba/ /las kyi phrin las kun gyi bdag /so so'i phyag rgya sngags kyis sbyor/ /ji lta'i phrin las grub pa yis/ /oM TuM rdo rje khu tshur gnyis/ /go cha bgos pa'i tshul du bya/ /gnas lngar rang gi sngags dang rgyas/ /nyis 'gyur dag tu bcings nas kyang //sangs rgyas gtsug gi nor bu dag /dar dpyang 'gying dang bcas pas dgrol/ /thal mo brdabs pas brtan byed pa/ /srung ba kun gyi bla med pa'o/ /phyi nang gdul dka' drag po'i tshogs/ /'di dag mthu yis 'jigs par 'gyur/ /thams cad kun gyis srung byed pa'i//bla na med pa'i go cha mchog /bsod nams ye shes las brgyud stobs/ /mthu yis thams cad 'jigs 'gyur ba/ /don kun gsang ba'i phyag rgya dang / /gsang sngags ting 'dzin gnas las skyes/ /rdo rje sems dpa'i ting 'dzin gyis//chos sems rtse gcig gnas pa yis/ /rdo rje khu tshur gnyis bcings te/ /zhi ba'i lta bas bltas nas ni/ /phyogs kyi rigs kun g.yo 'gyur zhing / /rims dug gdon rnams sel byed 'gyur/ /'di dag bsam gtan gyis 'grub pa/ /bsam gtan goms pa'i stobs kyis te//dang po las kyis sbyor byed na/ /phyag rgya sngags kyi mthu ldan pa'o/ /rdo rje khu tshur gnyis bcings nas/ /mthe'u chung lcags kyu rtse mos mnan/ /bsam gtan sngags kyis gnas rdzogs 'gyur/ /rtse gcig lha yi ting 'dzin gyis/ /phyag rgya bsgyur te dpral bar gzhag /mi mthun gnas kun lta ba'i tshul/ /rdo rje bsdams pa bstan byas pa'i/ /mdzub mo phan tshun skam pa'i tshul/ /nad dang zug rngu ma lus kun/ /'dren byed phyag rgya'i gtso bo mchog /rtag tu rang gi ting 'dzin gnas/ /byams dang snying rje lta bar ldan/ / grub pa dpal gyi spyan bcings nas/ /mig gsal phyag rgya'i sbyor ba 'dis/ /shes rab ye shes mig bskyed cing / /long ba dag kyang mthong bar 'gyur/ /rigs kyi sbyor ba mngon ldan par/ /phyag rgya'i yan lag brtan byas pas/ /glad pa'i nad rnams kun bsdus te//kha phyogs drang zhing btung bar bya/ /rtse gcig brtan pas yang dang yang / /rdo rje khu tshur dpal sbyor bas/ /nad kyi zug rngu nad tshogs kun/ /gang la dmigs pa sel bar 'gyur/ /de dag kun gyi gsang sngags 'di/ /don bzhin brtson pas rnal ma grags/ /oM sarba ta thA ga ta karma sta ma sid+d+hi hoH//de bzhin gshegs pa'i phyag rgya che/ /don kun rnam par 'phrul byed pas/ /lag g.yas sems dpa'i gtsug tor bcing / /byis pa nad med bde ba'i mchog /'od 'bar pad+ma'i dkyil 'khor du/ /bdud rtsi byang chub sems dpa' ste/ /lag g.yas klu yi gdengs ka bya//'bar ba'i tshul ston 'bebs par bcas/ /mi mthun gnas rnams dug rgyas btab/ /thams cad sel ba'i las byed pa'o/ /bde gshegs sku ni rigs chen pos/ /'khor lo'i phyag rgya mngon sbyar te/ /srung ba sngags kyi rgyud ldan dag /dga' ba'i rgyud kyis grol bar 'gyur/ /drag po che mchog sbyor ba yis/ /mdzes pa'i phyag rgya smin mtshams gzhag /ru lu'i sngags kyi don sbyar bas/ /mkha' 'gro'i las kun 'grub par 'gyur/ /'gro gzhan dud 'gro phra mo sogs/ /thams cad rigs kyis sbyangs byas te//rten dang sbyor ba sna tshogs dang / /sngags bcas bsam gtan rtse gcig mthus/ /de dag nad med bde ba dang / /gzi byin mthu rtsal phun sum tshogs/ /me tog 'bras bu skye shing rnams/ /rten 'brel cho ga ji lta bar/ /phyag rgya sngags kyis sbyor byas shing //rig pa'i ting 'dzin bskyed pa yis/ /de dag thams cad bcud rdzogs te/ /rtag tu gzi mdangs rgyas par 'gyur/ /pha rol gnon pa'i rtsal dag gis/ /'khrul 'khor mtshon cha'i phyag rgya rnams/ /ma nyams rang gi mtshan nyid rdzogs/ /sngags dang phyag rgyas sbyang bya ste//khro bo brjid pa'i stobs ldan pas/ /mi mthun gnas kun gzhom pa'i phyir/ /ji srid brtan par ma gyur par/ /de srid bsgom bzlas rtse gcig tu/ /khro bo'i tshogs kun legs gzhug cing / /'phro 'du yang yang don spyod pa/ /rigs kyi dkyil 'khor mngon sbyor mthus/ sde dpung 'joms pa'i stobs rdzogs 'gyur/ /de dag dkyil 'khor ji lta bur/ /yang dag brtan pas sngags rnams dang / /phyag rgya'i stobs skyed sbyor byas nas/ /mtshon cha so so'i tshul bzhin du/ /'degs shing 'phangs pa drag po'i tshogs/ /tshar bcad bsgral zhing brlag par 'gyur//mi gnyis ye shes che sbyor ba'i/ /zab cing rgya chen dkyil 'khor nyid/ /thog mtha'i yul las 'das pa'i dngos/ /dpal mchog dang po'i mtshan nyid can/ /nyon mongs drag po'i gnas tshogs bskyed/ /don kun 'joms byed theg chen sku/ /cha lugs ji bzhin gsal ldan pa//thabs dang shes rab snyoms 'jug nas/ /rnam par spros pa'i las rnams kun/ /de ltar sder bcas mnan pa'i tshul/ /rkang pa brkyang dang gnon pa dang / /bskum nas 'debs pa'i stabs dag ni/ /phrin las bzhi yi sbyor bas te/ /phyag rgya bsam gtan sngags bcas pas//g.yas g.yon sbyor ba'i rgya gzung zhing / /gzugs rnams gzhom zhing mnan par bya/ /rigs kun sbyor ba'i ting 'dzin gyis/ /las kun dkyil 'khor rnam par 'phrul/ /gzugs sogs phung po lnga rnams dang / /de rgyu nyon mongs dug lnga'i tshogs/ / yul bcas rnam par dag pa'i mthus/ /thams cad gnyis med sangs rgyas su/ /yon tan phrin las rol pa'i stabs/ /rigs kyi dkyil 'khor chen po rnams/ /yongs bkug dbang du bsdu bya ste/ /bsam gtan sngags dang phyag rgyas mnan/ /rang bzhin gcig pa'i btsun mo rnams//dga' zhing longs spyod dgyes pas spyad/ /'di dag zag med mthu ldan pas/ /gnyis med 'bras bu chen por sbyor/ /ji snyed rgyu dang las kyi chos/ /so so'i theg pa gzhung bzhin du/ /byang chub pha rol phyin pa dang / /grub dang gzung dang mdangs rnams dang / /rigs dang phyag rgya'i khyad par kun//so so'i las kun spyod cing gnon/ /rgyu 'bras gnyis su med pa'i tshul/ /so so'i mthu yis sbyor byed cing / /rnam pa'i don kun las rnams sbrel/ /bsod nams ye shes rdzogs pa'o/ /nye bar spyod pa lha mo'i tshogs/ /don grub gsang ba kun nas 'jug /rigs mthun gtsor gzung sbyor ba yi/ /phyag rgya 'phrul pas de non 'gyur/ /nyon mongs gnas kun rgyu rdzogs pa/ /dregs byed lha rnams dbang mdzad de/ /rigs kun dkyil 'khor cha lugs kyi/ /byin brlabs gsang ba lha mo dag /rang gi sngags dang phyag rgya'i mthus//'jig rten gsum tshogs rnam bkug cing / /mthu rtsal rdzu 'phrul dbrog bya ste/ /'da' ba med par las bzhin dgug /rigs kun phrin las rnam pa'i stobs/ /dregs byed sder bcas mnan byas te/ /chung ma rgyan tshogs yo byad rnams/ /mthu yis dbrog cing longs spyod do//de bzhin 'jig rten gsum dag gi/ /mthu chen sde brgyad dbang ldan sogs/ /phyogs skyong bcu po la sogs rnams/ /yud tsam zhig gis 'dir bkug ste/ /rang gi rten la sbyor bstims nas/ /sngags dang phyag rgyas dbang du byed/ /ma lus 'jig rten kun grags pa'i//zhi dang rgyas sogs las rnams kun/ /de dag rnal 'byor mthu sbyor bas/ /'bad pa med par 'grub par 'gyur/ /las kun dngos grub tshogs shes pas/ /bdag gzhan don kun spyad pa'i rnams/ /mi 'jigs gnas gsum theg pa dang / / rten 'brel gsang bas kun bstan pa'o/ /de ltar dgug dang dbye ba dang / /gsod dang skrod dang rengs pa dang / /rmugs pa la sogs las rnams kun/ /'di nyid mthu yis grub par 'gyur/ /so so'i ting 'dzin sngags bcas pas/ /rten cing 'brel pas spyad byas te/ / don kun gsang bas sna tshogs pa'i/ /tshul rnams gzhan du brjod pa bzhin/ /bsod nams ye shes tshogs kun gyi/ /thun mong cho ga bzhin gyur pa'i/ /ye shes phreng ba'i 'khor lo dag /byin brlabs tshogs bskyed brtsam par bya/ /rang gi lha yi rnal 'byor gyis/ / bsnyen rdzogs sgrub pa tshul bzhin du/ /rten cing dkyil 'khor la sbyor bas/ /de dag gsang sngags brjod pa gdon/ /thog mar 'khor lo tshul bzhin du/ /rtsibs brgyad bcu drug mu khyud gnyis/ /A li kA li mnyam byas te/ /shar gyi gnas su sbyor bar bya/ /'khor lo mu khyud bzhi rnams la//yi ge gsang sngags rdzogs par dgod/ /drag dal ring thung tshul bzhin du/ /g.yas g.yon phreng ba thabs shes rgya/ /oM AHhUM shrI de ba te badzra satwa s+t+waM tra na mo swa tu sti/ sarba bud+hA sa ma yo gI nI na hUM hUM swAhA/ /rig sngags phreng bas bsgyur byas pa'i/ / 'khor los gnas kun dag par 'gyur/ /'di nas dam tshig dkyil 'khor rnams/ /gsal bar bskyed cing brtan byas nas/ /ye shes lha dang gnyis med par/ /phyag rgya bzhi yis rgyas btab cing / /mchod bstod lhag gnas cho ga rdzogs/ /dus kun tshogs bsags dngos grub bzhi//'jug pa po rnams kyi phrin las sna tshogs 'grub pa'i cho ga ste bzhi pa'o// //de nas dngos grub bzang po ni/ /bdag gzhan kun la phan phyir du/ /ma nyams kun la 'jug pa'i sgo/ /don kun gsang dang spyad par bya/ /rdo rje sems dpa' dpal sbyor zhing / /gzugs dbyibs thams cad ldan pa'i rgyu//byin brlabs dbang bskur gnas rdzogs pas/ /sngon du bsnyen cing bsgrub pa dang / /rten gyi mtshan ma goms byas te/ /las kun bya ba'i sgo rnams dag /phyi rol pra se'i cho ga dang / /rten 'brel mthu las brtag par bya/ /'byung ba lnga yi khams kun las//rang rig sbyor ba'i phyag rgya sngags/ /sbyang zhing byin brlabs bsrung byas pas/ /don kun lha yi ngo bo nyid/ /yang dang yang du sngags brjod cing / /yi ge gcig pas kun ston 'gyur/ /de ltar phyi nang sna tshogs bdag /rigs kyi dkyil 'khor che rnams kyi/ /phyag rgyas brten pa'i las byas pas//bden brjod mtshan ma sna tshogs ston/ /nang gi ye shes zag pa med/ /rigs kyi dkyil 'khor che gnas sbyor/ /de nyid thugs kyi gsang ba mchog /so so'i rten la bsgrub bya ste/ /sngags bcas bden pa brjod cing brtag /don kun gsang ba ston par 'gyur//de dag ting 'dzin goms pa las/ /bden brjod sngags kyi mthu bskyed cing / /dus gsum chos rnams ma lus pa'i/ /rang gi tshul gyis gsal bar byed/ /rdo rje sems dpa'i ting 'dzin gnas/ /dkyil 'khor phyag rgya'i cho ga rdzogs/ /so so'i rten 'brel rdzas rnams la//phyag rgya sngags bcas don rnams bsgrub/ /'di dag rgyu rkyen tshogs pa'i mthus/ /rang gi ngo bo brtan par 'gyur/ /ri lu mig sman bcud kyis len/ /ral gri gser 'gyur la sogs rdzas/ /de dag dmigs pa'i yan lag gis/ /las kun rdzogs pa'i dngos grub 'gyur//dkyil 'khor chen po nyams dga'i gnas/ /cho ga'i tshogs rnams rdzogs pa'i gzhi/ /der ni rang gi rdzas dag las/ /don kun dngos grub skye bar 'gyur/ /so so'i rig pa phyag rgyar bcas/ /yun ring mtha' yis las rdzogs pa/ /ji bzhin 'jug pa'i byin rlabs kyis//bden pa'i chos kun gsal bar ston/ /phun sum tshogs pa bzhir ldan pas/ /sngon du 'gro ba'i yan lag rdzogs/ /phyi dang nang gi khrus byas nas/ /sgrub pa chen po la 'jug bya/ /rigs kyi dkyil 'khor gang rung bar/ /sngon du bsnyen pa rdzogs byas te/ / bdud rtsi rnam pa lnga po dag /sha lnga'i grogs dang bcas par bsags/ /ban+d+ha mtshan dang ldan pa rnams/ /phyogs mtshams dbus kyi gnas su dgod/ /rigs kyi dkyil 'khor ji bzhin pa'i/ /pho brang gdan khang pa rdzogs nas/ /yig 'bru phyag mtshan sku phra mo/ /spro dang bsdu bas yongs su rdzogs//sangs rgyas kun gyi dam tshig nyid/ /gnyis med bsgoms pas gsal bar 'gyur/ /'di dag rang rang mthu skyed pa'i/ /byin rlabs rten 'brel stobs rdzogs nas/ /ye shes dkyil 'khor spyan drangs bstims/ /dgug gzhug gnyis su med par gnas//rang gi lha yi sbyor ldan pas/ /srin lag dang ni mthe bong rtses/ /zhi ba'i btung ba bzhin myangs nas/ /rtag pa yi ni dngos grub thob/ /tshul bzhin rigs kyi dkyil 'khor che/ /'khor lo chen po gnas rgyas par/ /bdud rtsi gsang ba bsgrub bya ste/ /rang rig rgyu rkyen tshogs pas so//bsnyen sgrub yan lag rnam bzhi yis/ /byin brlabs dkyil 'khor rdzogs byas te/ /rigs dang rigs kyi dkyil 'khor tshul/ /gnyis med thabs dang shes rab gsal/ /'od dang du ba dri sgra rgyun/ /lha mo'i gzugs dang mang du 'phel/ /yi ge dgu dang bcu gcig dang //bcu bdun nyi shu rtsa gcig sogs/ /bar skabs sngags kyis gsal byas pas/ /phyag rgya'i gnas kun rdzogs par 'gyur/ /nyi zla'i dkyil 'khor la gnas pa'i/ /dmar po hrIHyis kun sdud de/ /rta mchog yon tan rol pa'i mthus/ /rigs kyi dkyil 'khor kun mnyes mdzad//tshogs chen yongs su rdzogs pa yi/ /dkyil 'khor gnas kun spro bsdu ba/ /ye shes 'khor lo gzhug byas te/ /bdud rtsi gsang ba chen po'i rgyun/ /rdo rje sems gtso lha mor bcas/ /bsdus dang rgyas pa'i 'khor lo rnams/ /de dag rigs kyis khyab byed pa'o//bdud rtsi shel sgong dag pa'i gzugs/ /bsnyen sgrub yan lag rnam pa bzhi/ /cho ga'i don kun rab tu rdzogs/ /'di dag skyed dang spro ba dang / /rgya chen spros pas kun gsal zhing / /sangs rgyas rigs sogs 'gro ba'i tshogs/ /kun gyi dngos por 'di gyur cig /thams cad bsgrub pa'i bdag nyid kyi/ /ra sa ya na'i bde ba'o/ /'dis ni srung ba byas na dpal/ /rdo rje sems dpa' nyid du 'gyur/ /de nas tshe gnas bskyed pa'i phyir/ /mkhas pas de nyid dkyil 'khor bzhin/ /cho ga rdzogs pas brtsams byas te/ /phun sum tshogs pas kun spyad rdzogs//mgon po tshe dpag med pa'i sku/ /cho ga shes pas bsgom par bya/ /byin rlabs rang gi ngang tshul bstan/ /lha mo'i tshogs rnams rdzogs par gnas/ /rtag tu bsnyen sgrub yan lag bzhi/ /sbyor ba bzhi rgyun cho ga rdzogs/ /phyogs dus dkyil 'khor rten sdud cing //bzlas brjod gsal bas brtson pas 'grub/ /thod pa mtshan dang ldan sngags pa/ /rang gi dkyil 'khor gnas su gzhag /thabs dang shes rab 'phro 'du yis/ /phyogs kun sangs rgyas gsal bar 'gyur/ /nyi ma'i 'od zer sna tshogs pas/ /tshe gnas byin rlabs bskyed par bya//ye shes 'khor lo kun bsdus te/ /rang rig gnas kun rgyas par mdzad/ /'od 'bar g.yo ba la sogs kyi/ /dngos grub bzang po rtag rnams kun/ /yi ge bdun dang bcu gcig pa/ /bco lngas 'phro 'du rdzogs par 'gyur/ /rtag tu rang gi dam tshig ni/ / gnas kun rgyas par byed pa'i mchog /rigs kun dkyil 'khor gnas gsal bas/ /phrin las bzhi yi dngos grub 'grub/ /de dag dkyil 'khor rgya chen dang / /bsdus tshogs gang la mos pa bzhin/ /dmigs par bya ba'i bsgrub bya rnams/ /phyag rgya'i dkyil 'khor so so'i gnas//phrin las gsang ba 'di rgyud kyis/ /so so'i phrin las mnyam par sbyor/ /rang gi gsang sngags ji lta ba/ /rang gi ting 'dzin rtse gcig nyid/ /don kun gsang ba la dmigs te/ /phyag rgya'i gnas kun rdzogs par spyad/ /des ni zhi rgyas dbang drag gi/ /dngos grub thun mong las 'phags pa'i//rnam pa mang po mtshan ldan zhing / /de dag las kun rdzogs par byed/ /don 'di gsang ba la brten nas/ /rgya chen sngags don tshul mang po/ /de nyid rnam kun gsal 'gyur te/ /thogs pa med par 'grub pa'o/ /rtag tu rang gi dam tshig gnas//des ni dngos grub kun sbyor zhing / /'gro ba rgya chen la dmigs pas/ /mchog gi ye shes bsgrub par bya/ /bsnyen sgrub kun gyi sngon 'gro ba'i/ /cho ga rgya chen rdzogs gyur nas/ /rigs kyi dkyil 'khor tshul bzhin du/ /rang rig dngos grub rnam par sbyor/ / rten gyi dbye ba rnam bzhi ste/ /dbang po yul dus bsnyen sgrub sogs/ /rang gi 'jug pa tshul bzhin du/ /cho ga rdzogs pa'i yan lag rnams/ /phyag rgya'i gnas kun la brten nas/ /don dam gsang ba spyad par bya/ /gcig bzhin du ni gcig spyod pa/ /lhan cig spyod pa rjes spyad sdug /go rims so so'i khyad par dag /ma 'dres gsal bas don kun rdzogs/ /de yi dam tshig de 'byung ba/ /sdug pa'i dam tshig bdag rjes 'brang / /shin du sbyor dang sbyor chen po/ /thams cad bdag nyid dam tshig mchog /de dag tshul gyis las kun la/ /rnam par sbyor bas rdzogs par 'gyur//dngos grub mchog gi mchog sbyor ba/ /phyag rgya la gnas gsang bas 'grub/ /rnal 'byor thams cad bde ba yi/ /dbang bskur bde chen las byung ba/ /rin chen tshogs rnams thams cad kyi/ /rab tu rmongs las dbang bskur 'gyur/ /lha mo kun gyi longs spyod la//ci bde bar ni bsten par bya/ /bdag nyid che ba'i lhar sbyor bas/ /bdag la bdag gis rab tu mchod/ /rnal 'byor thams cad bde ba yi/ /rjes su sbyor bas mchod byed cing / /kun la myong bar byed pas na/ /shin tu sbyor bas rab 'grub 'gyur/ /sangs rgyas thams cad bdag nyid kyi//ra sa ya na'i bde ba des/ /rdo rje sems dpa'i tshe 'grub pa'i/ /lang tsho nad med bde mchog 'grub/ /sangs rgyas kun gyi sku chen dang / /sangs rgyas kun gyi gsung snyan pa/ /sangs rgyas kun gyi thugs chen po/ /sangs rgyas kun gyi mchod pa che//sangs rgyas kun gyi rgyal chen po/ /rdo rje 'dzin pa kun gyi bdag /'jig rten dbang po kun gyi gtso/ /rin chen dbang phyug kun gyi bdag /de dag dang ni dga' spyad na/ /'dod pa bzhin du 'gro 'ong lding / /lha mo [(]gun [,]kun [)]gyi grub chen po/ /'khor los sgyur ba rab tu grub/ /theg chen gsang ba gnyis med pa'i//don mchog 'bras bu'i lam ston pa/ /rgyal ba kun gyi dgongs mdzad de/ /rjes su 'jug pas spyad pa'i lam/ /'di dag don tshogs rgya chen las/ /nye bar bstan pa'i cho ga rnams/ /bdag don sgrub pa'i thabs tsam zhig /legs bshad gsal bar byas pa yin//sangs rgyas rnams kyis gang bstan pa/ /de dag byang chub sems dpa'i yul/ /mchog tu gyur pa'i rnal 'byor pas/ /de gsal sgo rnams gzung bar 'os/ /thun mong dang mchog gi dngos grub bstan pa'i cho ga ste lnga pa'o// //dam pa'i bka' don rgya chen po/ / rnam kun sdud par su yis nus/ /de dag don ni 'dor byed pa/ /tshul ldan gsang ba'i man ngag mchog /legs bshad dri med dge ba bzang / /cho ga'i gnas kun rnam gsal bas/ /'jig rten 'di dag kun sgrol zhing / /thams cad mkhyen nyid rdzogs gyur cig /dkyil 'khor thams cad kyi rjes su bstan pa la 'jug pa'i cho ga lnga pa zhes bya ba/slob dpon chen po ku ku rA dzas mdzad pa rdzogs so// //rgya gar gyi mkhan po shrI badzra ha sa dang / sgra bsgyur gyi lo tsA ba rma rin chen mchog gis bsgyur cing zhus te gtan la phab pa'o/ /