CLOSE WINDOW

D1664
བོད་ཡིག

/[]@##/ /rgya gar skad du/ shrI badzra satwa gu h+yAr+tha d+ha ro byU ha nA ma/ bod skad du/ dpal rdo rje sems dpa'i gsang ba'i don rnam par dgod pa zhes bya ba/ dpal rdo rje sems dpa' la phyag 'tshal lo/ /dpal ldan sangs rgyas kun gyi dngos//rdo rje sems dpa' bde chen po/ /gsang ba mchog gi dgyes pa na/ /thams cad bdag nyid la phyag 'tshal/ /sangs rgyas thams cad mnyam sbyor ba/ /mkha' 'gro sgyu ma bde mchog las/ /sna tshogs las kyi sbyor ba yis/ /cho ga sna tshogs 'dod pa yi/ / sems can rnams ni 'dul ba dang / /bde ba thams cad bsgrub pa'i phyir/ /ci rigs par ni sprul byas pa'i/ /gtam dag rab tu bshad par bya/ /yang dag grub pa gcig pu nyid/ /ji ltar 'dod pa bzhin du sbyar/ /rtog pa'i cho ga thams cad la/ /grub pa dam pa mchog gi mchog /sangs rgyas bstan pa rnam 'phrul bas/ /rang bzhin gzhi las 'khrul pa dang / /dam chos spyod la 'khrul pa dag /rgyus rkyen las 'bras gdul don du/ /rdo rje sems dpa' de bzhin gshegs/ /dbugs dbyung rnam pa drug gi tshul/ /de las mtha' yas rnam 'phrul bas//sna tshogs dkyil 'khor lha rnams dang / /sna tshogs rgyud don gsungs pa dang / /sna tshogs las kyi 'dul mdzad pas/ /de bas 'di ni rgyud kun gyi/ /rtsa ba'i don du shes par bya/ /gang zhig sngon 'gro phun sum tshogs/ /shes bya dngos gnas lta gzhi shes//gnas mchog phun tshogs gzhi ldan pas/ /dkyil 'khor dbang dang dam tshig dang / /ting 'dzin phrin las spyod pa'i don/ /tshogs kyi 'khor lo sgrub pa'i thabs/ /bdag gzhan don gyi dbye ba yis/ /rim pa gnyis su shes par bya/ /lam gnyis nyams su blangs byas pas//'bras bu mdzad dang bcas par snang / /de dag rnal 'byor don snang ba'i/ /rnal 'byor tshig gis rnam par grol/ /mu stegs sogs sbas gsang ba'i brda/ /sgra tshad rtog ges shes pa min/ /bzhin bzangs rang bzhin zhi ba'i chos/ /skye bo kun dga' mkha' 'dra'i blo//dri med ras dkar legs gnas la/ /sngon po'i tshon zhen 'gyur ba med/ /la lar rgyal rigs bram ze dang / /rigs ngan mtshon cha'i 'khor lo can/ /drang srong slob sbyong dpon po ltar/ /byang chub sems ldan don spyod pa/ /ma ltar byams shing pha ltar slob//bran dang rgyal po lta bu'i tshul/ /khyim bdag rig byed smrang 'don dang / /blon po las mkhan bzhin du gnas/ /bya ba rnam pa bcu bzhi yis/ /bdag dang gzhan gyi don spyod pa/ /yid bzhin nor bu'i sgrom 'byed cing / /'od kyi snang ba gsum la spyod/ /theg chen gsang don gnas mthong nas//gzhung bzhin khang par zhugs pa dang / /gnas gsum dag cing rtsal rdzogs pa'i/ /smin byed phyi nang gsang mthar phyir/ /rang gnas 'da' ba med pa'i chos/ /thun mong khyad par rim pa bzhin/ /ma nyams rgyud la gnas bya ste/ /bskang so'i las la brtson ldan pas//bdag gzhan don gyi bya ba rnams/ /gzhung bzhin bsgrub par bstan pa yin/ /srog chags gsad par mi bya zhing / /dkon mchog gsum ni yong mi spang / /byang chub sems kyang mi btang ste/ /slob dpon skal bzang yong mi spang / / kun du sna tshogs skal bzang por/ /bdag rang sgrub pas skal ba bzang / /rang gi ngo bo yongs spangs pa'i/ /dka' thub kyis ni gzir mi bya/ /ci bde bar ni bde bar spyad/ /'di ni phyi dus sangs rgyas yin/ /rnal 'byor longs spyod thams cad la/ /cis kyang mi 'jigs dga' bar spyad//dkyil 'khor kun du ma zhugs shing / /dam tshig rnams ni spangs pa dang / /gsang ba yang dag mi shes pas/ /sgrub pa ci yang mi 'grub po/ /bdag med chos nyid dang ldan pas/ /dam tshig la sdang skal ba ngan/ /srid pa shin tu bsgrubs pas na/ /skal bzang sangs rgyas bcom ldan 'das//chos kun rang bzhin gnas pa'i tshul/ /rtog thabs yon tan skyon dag dang / /log rtog snying rje'i gnas bstan pa'i/ /dngos po de nyid don bstan mdzad/ /'di ni rang 'byung bcom ldan 'das/ /gcig pu rab tu che ba'i lha/ /sangs rgyas thams cad mnyam sbyor ba//mkha' 'gro sgyu ma bde ba'i mchog /bud med kun gyi sgyu ma'i rgya/ /'di ni gnyis med theg pa'i mchog /sgyu ma dag ni thams cad las/ /bud med sgyu ma khyad par che/ /ngo bo nyid kyi mthu dag dang / /rang bzhin kyis ni de 'grub bo/ /DA ni nam mkhar 'gro ma zhes//khams las mngon du brtag pa ste/ /nam mkha' kun du spyod 'grub pas/ /mkha' 'gro ma zhes rab tu grags/ /chags min chags dang bral ba yin/ /dbu mar yang ni mi dmigs so/ /thams cad ma lus phyag rgya yis/ /thams cad ma lus bde mchog gi/ / sgyu ma thams cad rab sbyor ba/ /mchog tu bde bas bde ba'i mchog /de nyid 'dod chags 'dod chags bral/ /'dod pa dang ni 'gro ba yin/ /dus gsum srid gsum mchog gsum dang / /'jig rten gsum dang khams gsum dang / /rnam pa sna tshogs tha dad pa'i/ /gnas pa thams cad de nyid do//'gro ba dag ni ma lus kun/ /thams cad du ni 'di 'gyur ro/ /de la sogs pa mtha' yas mchog /chos nyid mnyam dang mi mnyam pa/ /nam mkha' dbyings kyi mtha' klas pa'i/ /dngos po thams cad de yin no/ /sku mchog mtshan dang dpe byad dang //yon tan ma 'gags rtsal rdzogs shing / /dkyil 'khor la sogs rdzogs par ldan/ /gsung thugs phrin las gsal bar ldan/ /nam mkha' kun gyi skabs na dpal/ /rdo rje sems dpa' de bzhin gshegs/ /sangs rgyas thams cad mnyam sbyor bas/ /mkha' 'gro sgyu ma bde mchog go//dus gsum sgrib pa mi mnga' ba'i/ /mgon rnams bde chen gnas bzhugs te/ /gsal ba stobs dang mi 'jigs thogs/ /bdag gzhan gnyis med sna tshogs snang / /thams cad nam mkha'i mtshan nyid de/ /nam mkha' la yang mtshan nyid med/ khams gsum dag ni ma lus pa'i/ /thams cad sgyu ma lta bu ste/ /ji ltar sgyu ma thams cad du/ /mthong ba dang ni reg par 'gyur/ /dmigs su yod pa ma yin te/ /de bzhin 'gro ba kun gyi tshul/ /yod pa ma yin med pa min/ /dbu mar yang ni dmigs su med/ /shes rab pha rol phyin sbyor ba//sangs rgyas byang chub rab bsgrub pa'o/ /thabs kyi sgo nas bde ba che/ /thig le phra mo las 'das shing / /rlung gi gnas la'ang gnas mi mdzad/ /gsang ba sngags kyi dmigs bral ba'o/ /shes rab las la brten pa'i mthus/ /'khor lo'i byang sems 'bebs dang gzung //rang gi gnas sam gzhan du spro/ /rtsa sogs dman pa dbyibs las 'das/ /gnyis med phyag rgya chen po'i ngang / /snang ba nyid na stong pa ste/ /stong pa nyid na snang ba yin/ /dbang po drug gi yul la rol/ /chos rnams mngon sum bde chen po/ /gzugs sogs rab 'bring tha ma med//snang bde stong pa'i rgyas btab pas/ /dmigs pa kun las rnam par grol/ /rnal 'byor dbang phyug bde ba che/ /bde bas bde ba kun thob bo/ /sangs rgyas thams cad mnyam sbyor ba/ /rnal 'byor mtshan mas g.yengs med pa/ /'di la khrus dang bsdam mi dgos//dka' thub dka' ba spyad mi dgos/ /dka' thub sdom pa med pa dang / /bde ba dang ni dga' bas 'grub/ /de bas ji ltar 'dod spyod cing / /kun za de bzhin thams cad spyod/ /spyod pa ci dgar spyod par byed/ /g.yo ba dag kyang ci dgar byed//gang la ci dgar spyod kyang rung / /gnyis med bde chen grogs su 'gyur/ /dkyil 'khor kun du ma zhugs shing / /sgrib pa kun dang ldan pa yang / /rang gi lhar ni bdag sbyor na/ /bsod nams chung yang 'grub par 'gyur/ /bskal pa bye bar mi thob pa/ / sangs rgyas dam pa thams cad de/ /phyag rgya'i cho ga gang dag gis/ /bsgrubs na kun du thob par 'gyur/ /bdag nyid sgrub par byed pa'i mchog /de ni bdag gis brtag par bya/ /rang gi rang bzhin ma rtogs shing / /gzhan du 'khrul pa'i 'gro ba dag /yul drug rang rgyud brtags pa yis//sna tshogs gnyis kyis chos su snang / /mi mthun bde sdug gnas la spyod/ /chos brgyad mtshan mas g.yengs gyur zhing / /nyon mongs yan lag dang bcas pas/ /'gro drug gnas rnams so sor snang / /sdug bsngal gsum dang brgyad kyis gdungs/ / las kyi 'brel pa'i dngos la chags/ /kye ma 'di dag snying re rje/ /bde chen gnas las 'di ltar gyur/ /sdug bsngal 'di gzhan ga las 'gyur/ /nam zhig rang gi de nyid mthong / /nam zhig rang 'byung ye shes 'char/ /nam zhig bde ba chen pos rgyas/ /kye ma'o log par rtog pa yis//kha cig lam ngan log zhugs pa'i/ /rgyu las 'khrul dang lam las 'khrul/ /'bras bu'i dngos las 'khrul gyur pa/ /'jig rten 'dir yang sdug bsngal te/ /khyi dang ba lang dbyi gu gsum/ /me lnga sogs kyis lus gdungs te/ /tshe zad ngan song gsum du 'gro//rigs ngan dman pa'i lam zhugs pas/ /bde 'dod de nyid lam las gol/ /sdug bsngal kun 'byung spong shes 'dod/ /phyir zhing sdug bsngal kun 'byung gnas/ /'gog lam mngon par sgom byed kyang / /'phags pa'i lam la rgyab kyis phyogs/ / kye ma'o yang dag bde las gzhan/ /'khrul pa'i bden pa bzhi ru brtag /rkyen rtog dgra bcom sa 'dod pas/ /rten 'brel la brjod de nyid spong / /nyon mongs las dang sdug bsngal gyis/ /rang bzhin rmongs las bde spyod pa/ /de nyid mtshan mas 'khrul 'gyur te/ /thams cad ma rig las byung na//de nyid rgyud gzhan gang las byung / /thams cad rang byung ye shes yin/ /kye ma'o dgra bcom sa 'dod pas/ /rgyun zhugs lan cig 'ong ba dang / /mi ldog spyod sogs dka' ba yis/ /dgra bcom lam zhugs grol mi 'gyur/ /yang dag bden pa'i don med par//kun du brtags pas gnyis 'dzin pa/ /bskal pa mang por dka' spyad kyang / /yang dag sangs rgyas thob mi 'gyur/ /kye ma nges don ma rnyed pas/ /lam gzhan g.yengs pas tshi chad de/ /gyad kyi nor bzhin kun du tshol/ /sku gsum 'bras bu skye mi 'gyur//gang zhig phun sum tshogs ldan zhing / /bar chad med cing nyams dga' ba'i/ /dben pa yi ni gnas dag gam/ /rang gi skyed mos tshal sogs par/ /kun du sna tshogs skal bzang por/ /kun du sna tshogs bde mchog gis/ /kun du sna tshogs dgos pa rnams//ci bde bar ni bsgrub par bya/ /de ni dkyil 'khor legs pa la/ /dri sna lnga yis byugs byas nas/ /shes rab ldan pas srad bu gdab/ /cha dbye lha yi gdan sogs dgod/ /lugs ma 'am ras bris sogs bkram nas/ /mchod pa sna tshogs sbyor bar bya/ de bzhin gshegs pa'i lha rdzas mchog /rin chen rgyan la sogs pas spras/ /dril bu rgyal mtshan mchog ldan pa'i/ /bla re dam pa bres ba dang / /rdo rje tshig dang mchod la sogs/ /glu dang sil snyan rnam par 'phrul/ /me tog bdug pa'i sbyor ba dang / /mar me dri la sogs ldan par//der ni dang por gdan bshams te/ /'jam zhing reg na bder 'gyur ba'i/ /sna tshogs pad+ma ras kyis g.yogs/ /de ni thams cad dag pa'i gdan/ /gzugs sgra dri ro reg bya dang / /bza' btung myang dang ldan pa yi/ /'tsho ba'i zas dang rkyen bzlog sman/ / dam rdzas mi 'chi gsang ba lnga/ /lcags kyu lnga po grogs dang bcas/ /gsang ldan dpa' bos spyad par bya/ /rigs bzang gzugs sogs mtshan ldan pa'i/ /de ci gsang ba'i gnas thub pa/ /rtog med theg chen la dga' zhing / /gtso bo mnyes pa'i las la mkhas//khrus byas dris byugs rgyan dang bcas/ /dbang bskur byin brlabs spro ba bskyed/ /rdzas rnams 'tshogs pa sbyang bya zhing / /byin brlabs bsdus nas gnas su dgod/ /cha lugs rnam pa sna tshogs dang / /sgrub pa rnam pa sna tshogs kyis/ /rdo rje sems dpa'i dgongs pa las//dkyil 'khor la sogs rab tu bsgrub/ /kye ma'o rang gis bslang byas pa/ /rmongs rnams 'khrul zhing gdungs pa la/ /tshad med khyab pas bkab byas nas/ /myur du sgrol bar dam bca'o/ /bdag kyang goms par ma gyur te/ /'dod kyang nus med yod ci phan//de phyir dang po bsgral byas te/ /grub pas gzhan don rgya cher bsam/ /spros bral de bzhin nyid dbyings las/ /'gro la khyab pa'i thugs rje 'byung / /rdo rje sems dpa'i sbyor ldan pas/ /rnam gsum dag cing mthu bskyed phyir/ /yan lag nying lag dag pa la//hUM sogs bsal bas mtshan mar gnas/ /lce la na mo sarba d+har+m+ma/ /bud+d+he b+he sngags mtshan dang bcas/ /thugs kar sems dpa' gsum ldan pa/ /sngags dang bcas te bdag byin brlab/ /lus dang ngag sems rdo rje yis/ /mtshan ma'i phyag rgya ldan byas te/ /thams cad 'byung ba'i sbyor ba yis//bdag gi lhar ni bdag nyid bya/ /mdzod gnas las byung de nyid gsal/ /srid gsum rang gi gnas su dag /de las spros pa rten sogs dang / /'gro gzhan gnas sogs rnam par sbyang / /bskal pa gsum gyi sdig bral zhing / / rang gnas sku gsung thugs su dag /dngos grub rgyal ba bskul byas pas/ /tshangs bug sgra gnas mdzod gsal byas/ /yang sprul ma lus khyab byas shing / /sna tshogs gar las byung ba yi/ /rdo rje se gol gtogs pa dang / /dzaHhUM baM hoH'i sbyor ldan pas/ /thun mong khyad par spros dang bcas//bla ma lhag pa'i lha bskul nas/ /rang gi gnas nas bskyod mdzad de/ /chags med ri bong can rnams bsam/ /oM phyogs bcu kun nas legs bzhugs pa'i/ /bcom ldan rgyal ba sras bcas kun/ /thugs rje chen pos dgongs mdzod la//smon lam dbang gis gshegs su gsol/ /oM badzra sa mA dzaHhUM/ /yang dag nyid du dag mod kyang / /'gro ba kun gyi don slad du/ /phyag dang zhabs ni bsil bar mdzod/ /gnas 'di nyid du bzhugs su gsol/ /ma hA sa ma ya s+t+waM/ oM thugs rje chen po gzigs nas kyang //sna tshogs rgyud rnams 'phrul mdzad pa'o/ /gar mkhan 'khor lo'i rgyud mnga' ba/ /'gro ba'i don du mchod bzhes mdzod/ /gsang sngags rgyal po las byung ba'i/ /sna tshogs mtshon cha'i tshogs spros te/ /bgegs kun bshig cing gtor nas ni/ /sa gzhi ra ba gur du gyur//yi ge gsum sogs rnam spros pas/ /mchod sogs rdzas rnams sbyang ba dang / /byin brlabs lha mo dang bcas pa/ /mang du spros te dbul bar bya/ /oM rdo rje sems dpa' bsdus pa na/ /rdo rje rin chen bla na med/ /rdo rje chos ni glur blangs pas/ /rdo rje las ni byed par 'gyur//me tog la sogs lha mo dang / /gling bu la sogs lha mo yi/ /so so'i sngags dang phyag rgya dang / /ting 'dzin dbyangs su bcas pas dbul/ /sna tshogs gzugs mdzes sgra snyan cing / /dri zhim ro mchog brgya ldan pa/ /reg bya'i bde ba sprin phung bzhin/ / nam mkha' gang bar 'byung ba dang / /gzhan yang 'gro ba drug po dag /lha dang lha mo'i tshogs gyur pas/ /rgyan rnams kun gyis legs par mdzes/ /glu dbyangs tshigs su bcad pa dang / /bro dang gar gyis bskyod byas te/ /stong gsum rdul snyed sprul byas pas/ /dkyil 'khor kun la legs 'bul na//mgon po thugs rje can gyis bzhes/ /oM bde bar gshegs so bcom ldan 'das/ /rgyal ba rgyal mtsho ye shes kyi/ /srid pa'i rgya mtsho mtha' yas kun/ /kun bzang mchod sprin mchog tu rol/ /oM na maHsarba ta thA ga te b+h+yo/ /bi shwa mu khe b+h+yaHsarba tat+khaM ut+ga te s+pha ra Na hi maM ga ga na khaM swA hA/de las byung ba'i 'bras bzang mchog /kun mkhyen gnas mchog snyoms mdzad pa'i/ /don rnams gang la chags med de/ /byang chub sems dpa'i lam chen pos/ /'gro ba thams cad bcom ldan 'das//rdo rje 'dzin pa'i gnas thob shog /sna tshogs snang grags rnam grol ba/ /dbyings snang cho 'phrul dpag med kyang / /de yi rang bzhin de nyid las/ /nam mkha'i khams ltar sngo dang bral/ /'khor gsum yongs su dag pa yi/ /mnyam nyid bde ba chen po'i dang / thams cad kun du 'bral med pa'i/ /don gnyis ngo bo lhun 'grub shog /oM badzra satwa sa ma ya/ ma nu pA la ya/ badzra satwa twe no pa/ tiSh+Tha dr-i D+ho me b+ha ba/ su toSh+yo me b+ha ba/ a nu rak+to me b+ha ba/ su poSh+yo me b+ha ba/ sarba sid+d+hi m+me pra yats+tsha/ sarba kar+m+sa su tsa me/ tsit+taM shri yaHku ru hUM/ ha ha ha ha hoH b+ha ga bAn sarba ta thA ga ta badzra mA me muny+tsa/ badzrI b+ha ba ma hA sa ma ya satwa AH oM AHhUM/ rdo rje khu tshur gnyis bcings te/ /mtheb chen bsgrengs nas g.yob par bya/ /rdo rje thal mo lan gsum du/ /mi drag smad gnyis brdab par bya/ /oM badzra gats+tsha muH oM badzra tu b+h+ya ho//rdo rje sems dpa'i sbyor ba yis/ /dpung pa gnyis ni rdo rjer bcings/ /rdo rje se gol brdabs pa yis/ /sangs rgyas thams cad bsdu bar bya/ /shin tu gdug cing gtum pa la/ /zhi bas phan par mi 'gyur te/ /shes rab thabs kyi ngo bo yi/ /khro bor de bzhin gshegs kun mdzad//khro bo'i tshul can khros pas kyang / /'jig rten gsum dag sreg byed na/ /sangs rgyas thams cad khros pa yis/ /khams gsum ma lus smos ci dgos/ /de nas sna yi rtse mo la/ /yid ni yang dag brten par gzung / /sna yi dbugs ring dro ba las//rgyal bas sbyor ba'i phyag rgya 'byung / /bcom ldan de nyid rnal 'byor pas/ /rdo rje khro bor bsgyur nas 'byung / /rdo rje chen po he ru ka /'bar bas thal bar rab tu 'jig /sems dpa' sngon po 'bar ba'i ngang / /'od kyi dkyil 'khor dmar po 'bar/ /'jig pa chen po'i dus ltar drag /dur khrod kyi ni me dang 'dra/ /'bar ba chen po sku 'bar ba/ /thod pa mang po'i dbu rgyan can/ /'jig pa chen po'i dus ltar drag /dur khrod bzhin du rab tu 'jigs/ /khro la sogs pa'i tshul ldan pa/ /zhal rnams sna tshogs bsgyur ba dang / /smin ma khro gnyer bcas par bsgyur//'bar ba'i thal bas gar byas pa/ /gu lang dbang chen nye dbang bcas/ /nyi zla gshin rje tshangs par bcas/ /gnas gsum dag ni 'bar byas nas/ /thal ba bzhin du rab tu bshig/ /rdo rje rdo rje kha T+wAM ga /dril bu'i sgra ni gsil ba yis/ / thams cad phab nas slar yang ni/ /thal bar gyur pa'ang 'tsho bar byed/ /'dod pa'i rgyal po drag po yis/ /phyogs bcu'i bgegs rnams bkug mdzad nas/ /pho mor bsnol te nyi mar dgod/ /so so'i tshogs bcas myos par 'gyur/ /sum+b+ha ni yi sngags brjod cing //brjid gnon khro bo chen po'i sku/ /oM sum+b+ha ni sum+b+ha hUM/ /gr-ih+Na grih+Na hUM/ /gr-ih+NA pa ya gr-ih+NA pa ya hUM/ A na ya ho/ /b+ha ga bAn bid+yA rA dza hUM phaT/ oM in+d+ra ye swA hA/ rnam rgyal la sogs khro bo bcu/ /mthing nag zhal gsum phyag drug pa/ /phyag mtshan rgyan dang mtshan ma kun//he ru ka bzhin rnam par gnas/ /oM badzra kro d+ha b+hi dzA ya ha na ha na hUM/ oM badzra kro d+ha ya mAn+ta ka pa tsa pa tsa hUM/ badzra krod+ha ha ya gr-i ba hu lu hu lu hUM/ oM badzra kro d+ha a mr-i ta kuN+Da li ts+tshin+da ts+tshin+da hUM/ oM badzra kro d+ha nI la daN+Da da ha da ha hUM/ oM badzra kro d+ha Ar+ya a tsa la ban+d+ha ban+d+ha hUM/ oM badzra kro d+ha a pa rA tsit+ta tiSh+Tha tiSh+Tha hUM/ oM badzra kro d+ha trai lo kya b+hi dzA ya/ b+hin+d+ha bin+d+ha hUM/ oM badzra kro d+ha hUM ka ra hUM gardza gardza hUM/ oM badzra kro d+ha ma hA ba la s+pho Ta s+pho Ta hUM/ rdo rje bdud rtsi rnam 'phrul pas/ /rdo rje tho ba phyag bsnams shing / /steng 'og phyogs mtshams btab nas ni/ / rang gi gnas su nges par gdab/ /oM badzra g+ha g+ha g+hA ta ya g+hA ta ya/ sarba duSh+TAn phaT/ kI li kI la ya/ badzra d+ha rod A dz+nyA pa ya ti/ kA ya wag tsit+ta badzra kI la ya hUM phaT/ phyogs bcu yang dag byung ba yi/ /bgegs kyi chu bo kun bcom nas/ /'od zer gnon po 'khrug cing 'bar/shin tu bgegs med sa mthong nas/ /mtshams dang ra ba dra sogs kyi/ /rdo rje 'khor lo'i rtsibs rnams la/ /khro bo'i tshogs kyi sprul par bcas/ /yang sprul mtshon cha 'phro ba'o/ /dmigs pa'i yul bral thams cad sems kyi dbyings/ /mtshan rtog kun las 'das pas ye shes che//ma bcos byang chub sems kyi dkyil 'khor la/ /snang stong btang snyoms chen po'i ngang du gsol/ /oM d+harma d+hAr tu swa b+hA wa Ad+ma kou0f85haM/ 'gro la khyab pa'i thugs rje chen po ni/ /rtsol bral gsal ba'i ye shes lnga las byung / / stong gsal byang chub sems kyis kun du khyab/ /dmigs med kun du snying rjes cir yang snang / /oM ma hA shU n+ya tA dz+nyA na badzra swa b+hA wa At+ma kou0f85haM/ 'phrul dga'i tshul 'byung rdo rje sems dpa' ni/ /stong gsum yang thog dag tu gnas mdzad de/ /a nu rA ga ya mi'i sngags brjod pas//stong gsum 'byung ba'i dkyil 'khor rim brtsegs chags/ /stong gsal nam mkha'i rang bzhin gru gsum dkar/ /yum chen kun du bzang mo'i snang ba grub/ /rlung dkyil gzhu yi dbyibs sngo ba dan bcas/ /sra mkhregs rdo rje rgya gram grol ba'i mkha'/ / chu dkyil zlum zhing dkar ba bum pas mtshan/ /dbu ba 'o mar 'khyil pa mA ma kI/ /dbang chen gser gyi sa gzhi gru bzhi sa/ /rtsa mo rdo rjes mtshan pa sangs rgyas spyan/ /de steng rgya mtsho la gnas ri rab mchog /kar ti baiDUr+ya mdog mtsher ba dang / /pad+ma rA ga in+d+ra ljang mdog can//kha khyer bang rim mtsho dang ri brags bcas/ /ye shes gsal ba'i me dkar 'od 'bar zhing / /rtse gsum ras mtshan na bza' dkar mo'i dbyibs/ /ljon shing bya tshogs dga' tshal lcog bzhi dang / /bang rim ngos la nyi zla'i rgyan dang bcas/ / de steng rgyal ba'i yon tan snang ba'i gnas/ /rin chen las grub sna tshogs pad+ma la/ /gser gyi 'khor lo sna tshogs rdo rje'i dbus/ /gru bzhi sgo khyud rta babs bzhi yis mtshan/ /rin chen sna lnga phyogs kyi rtsig pa la/ /rang 'byung nyi shu rtsa lnga'i 'od dang bcas/ /rdo rjes mtshan pa'i ka ba mchog brgyad spras//rin chen me tog mu tig phreng bas mdzes/ /gzugs sgra dri ro reg gi lha mor 'khyug /gdugs dang rgyal mtshan bla re rnga yab dang / /zla phyed rdo rje rin chen ba dan dpyangs/ /dril bu snyan pa'i sgra snyan mtha' dag sgrogs/ /re'u cha brgyad pa'i thig bzhi phye ba la//sna tshogs pad mtshan myu khyud rdo rje can/ /mtshams kyi re'u char bum pa gang ba bzhi/ /bdud rtsi'i bcud ldan rgyan dang mtshan mas mdzes/ /re'u mig phyi ma kun du 'khor lo'i tshul/ /mtshams med rdo rje'i phreng ba dag dang ldan/ /phyi rol ra ba rim gsum gnas pa'i rgyab//phyi yi lcags ri rdo rje ra ba'i nang / /phyogs dang mtshams su dur khrod chen po brgyad/ /shing brgyad ngos ni zhing skyong lus phyed ston/ /gdong pa phyogs skyong brgyad kyi gdan dang mthun/ /g.yas kyis gri gug g.yon na thod pa 'dzin/ / mtsho brgyad nang na klu brgyad lus phyed ston/ /thal mo sbyar te bcom ldan phyogs su gus/ /shing brgyad drung du rnal 'byor 'khor bcas gnas/ /sprin dang mchod rten rang 'byung mkha' 'gro'i tshogs/ /ro langs sha za 'byung po mang gnas shing / /ro dang bya khyi ce spyang rnam par 'dres//de dus drag byed mkha' 'gro lha tshogs la/ /'dzam bu'i gling bzhin dur khrod rnam par snang / /phyi rol dpag bsam bum pa bya dang shing / /'dod pa'i longs spyod kun gyis rnam par mdzes/ /dbus kyi pad+ma'i gdan dag la/ /dpal mchog dang po bzhugs mdzad de//chos kun stong nyid mtshan mar bral/ /smon med rang bzhin 'od gsal ba'i/ /ting 'dzin la bzhugs byams par gnas/ /'gog pa'i rang bzhin la gnas pa/ /phyogs bcu'i rgyal bas bskul mdzad de/ /mngon byang lnga yis rdzogs skur gyur//rang sems zla ba'i dkyil 'khor la/ /a yig bcu drug gnas pa la/ /thugs rje chen po shar byed pa'i/ /nyi dkyil ka yig sum cu bzhi/ /lce rtsa can bzhi mi gsal gnyis/ /skar ma'i gzugs 'dra bsgom par bya/ /de dag 'phro zhing 'dus pa yis/ / tshogs gnyis mtshan dang dpe byad rdzogs/ /ye shes dang po gnyis ston cing / /byang chub sems gnyis mtshan nyid do/ /gsum pa rdo rje rtse lnga pa/ /dkar gsal dmar ba'i mdangs dang ldan/ /bum par hUM mtshan rnam gsal ba/ /tshogs gnyis 'bras bu yongs rdzogs rtags//kha dog lnga ni snang ba las/ /rigs drug dkyil 'khor bsam byas pas/ /rang gi gnas rnams sbyong mdzad cing / /dkyil 'khor so so'i 'khor bcas la/ /slar 'dus sku gsung thugs zhugs pas/ /rdo rje'i 'od bcas chen por gyur/ /ye shes bar pa gnyis ston cing //byang chub sems nyid mtshan nyid do/ /lnga pa cho ga rdzogs pa las/ /rdo rje sems dpa'i kur bzhengs te/ /ye shes byang sems lnga pa las/ /phyag rgya chen por gsal ba yin/ /oM badzra a haM/ oM ma hA su kha badzra satwa a/ dzaHhUM baM hoH su ra ta s+t+waM/gangs ri rdul bral me shel 'od/ /rin chen lnga yi gzer phreng mdzes/ /sgeg dgyes 'dzum mig bcas pa'i bzhin/ /dkar mthing ser mchog 'bar ba'i mdangs/ /zhal mang phyag bzhi sgeg bzhad 'chang / /g.yas na rdo rje rtse lnga 'bar/ /snyems bcas gsor zhing thugs kar brtan//g.yon pa kha T+wAM rgya gram can/ /dril bu ba dan bcas pa 'khrol/ /'og ma gnyis kyis mda' dang gzhu/ /mtshan dpe phyag rgya lnga yis mdzes/ /stod g.yogs dar kar gser ris can/ /sku smad tshi gu'i na bza' gsol/ /rin chen phreng ba'i rked chings can//mgul gdub do shal dpung rgyan dang / /phyag zhabs gdu bu se mo do/ /rdo rje rtse lnga'i phyag rgya ni/ /gnas lnga dag tu btugs bya ste/ /sngags kyis bde gshegs thams cad kyi/ /sku gsung thugs sogs rnam par bsam/ oM na mo sarba ta thA ga ta kA ya wAka tsit+ta gu Na badzra swa b+hA wa at+ma kou0f85haM/lus kyi ba spu'i gnas rnams su/ /dkyil 'khor drug gi rdul phran gnas/ /mkha' dbyings dbang phyug phyag rgya yis/ /gnas kun byin kyis brlab par bya/ /mthe bong sems dpa'i skyil mo krung / /mdzub mo gnyis kyi rtse mo dgug /gung mo gnyis ni mnyam par sbyar/ /lhag ma rdo rje thal mor bya/ /sor mo thams cad nang du bsnol/ /rtse mo nang du sprad byas nas/ /mthe bong rdo rjes mnan pa ni/ /sna dang mig phug lta bu ste/ /'di gnyis mgo bo'i gnas lngar gtugs/ /dar dpyangs bcing zhing mtha' nas 'grol//oM a b+hi Shiny+tsa maM/ hUM a b+hi Shiny+tsa maM/ rat+na mA le a b+hi Shiny+tsa trAM/ pa Ta laM a b+hi Shiny+tsa hUM/ badzra tu Sh+ya ho/ yon tan cha la rna ba yi/ /zab mo bde mchog sku lta bur/ /phyung nas byin gyis brlabs mdzad de/ /thabs dang shes rab ldan par gyur//lus dang ngag sems rdo rje yis/ /mtshan ma'i phyag rgya ldan byas te/ /oM AHhUM/ thugs gsal nyi ma la gnas pa'i/ /ye shes sems dpa' hUM dang bcas/ /dkyil 'khor spyan drangs lha mo yis/ /khrus byas dri ma gsum dag nas/ /dbang bskur 'bras bu bsam par bya//sangs rgyas gtsug gi nor bu'o/ /khams gsum dag na rin chen gzhan/ /sangs rgyas rin chen lta bu med/ /sangs rgyas kun gyi rin po che/ /dbu rgyan du ni bde bas mchog /gzhan gyi nor min mi 'phrogs pa/ /lha yi chu ni dag pa ste/ /thod pa'i phreng ba'i dbu rgyan dang //dar dpyangs sogs kyis brgyan pa'o/ /mkha' gsang hUM las byung ba yi/ /rdo rje pad bcas nor bus mtshan/ /pad+ma 'dab brgyad a dang bcas/ /mdog ser lte ba ze'u 'bru dmar/ /sha ta pa la sogs brda yis/ /dzaHhUM baM hoH'i sbyor ldan bya//lha mo'i rol spyod gsang byas pas/ /dkyil 'khor mnyes pa'i las bya'o/ /oM pra be+e sha phaT/ a la la la ho/ ling ga bgreng ba rang 'byung ste/ /brla yi dbus su zhugs byas nas/ /ling ga rdo rjer byin brlabs nas/ /rdo rje sems dpa' bdag sngon skyes/ / byang chub sems dpa' kun du dag /ma lus nye bar khyab byas nas/ /'dod dgur bya ba rab tu mnyes/ /'od 'dus thogs ma'i gzugs la gzung / /bde ba chen po'i 'od zer las/ /lha mo bcu gnyis tshul 'dra bar/ /phyogs dus sangs rgyas yab yum rnams/ /dga' ba chen pos mnyes par mdzad//rdul phran yi ge'i dbyibs su gyur/ /gang zhig zhal du zhugs pa las/ /bde ba chen po'i gnas su 'dus/ /'khor lo bzhi nas rim bzhin spro/ /'bar ta ka ta'i gnas 'byung ste/ /bde chen chags dang gnyis med 'dres//khams gsum 'gro ba'i rgyud bsregs nas/ /rigs drug so so'i dkyil 'khor bsgrub/ /rnal 'byor dag pa'i rgyud bskul zhing / /rnam gsum dkyil 'khor gsal bar snang / /slar 'dus gnas su gzhal yas khang / /rgyan dang gdan bcas sngon bzhin 'byung //thig les gnas su mtshan byas nas/ /spros pas ye shes dkyil 'khor gsal/ /hUM las rdo rje sems dpa' ste/ /gsang gnas dbus kyi pad+ma la'o/ dzaHlas lha mo bde mchog ma/ /hUM las e ma bde ba'o/ /baM las lha mo snang mdzad ma/ /hoH las slob ma mo yi rgya//de dag sems pa'i phyogs bzhi nas/ /'khril ba'i tshul du bzhugs pa'o/ /oM las sangs rgyas byang chub ma/ /b+hUM las chos kyi 'khor lo yin/ /ha las khams gsum rnam rgyal te/ /khaM las 'dod pa kun mdzad ma'o/ /de dag shar la sogs pa yi//phyogs bzhi yi ni re'u cha la'o/ /oM las gling bu traM pi wang / /baM las rnga chen dz+dza rdza rnga/ /me mtshams la sogs re'u mig tu/ /lha mo bzhi ni rim bzhin bzhugs/ /a A me tog spos me ma/ /aM aHmar me dri chab ma'o/ /bar khyams mtshams kyi gnas bzhi ru//lha mo bzhi ni gnas pa yin/ dzaHlas rta mgrin 'phang mtho ma/ /hUM las phag gdong mche ba can/ /baM las nyi zla me 'bar ma/ /hoH las thal byed sgo bzhir gnas/ /b+ha ga'i gnas nas spro bya zhing / /slar 'dus phyi rol gnas la 'khod//rdo rje sems dpa'i gzugs 'dra ba/ /sku gnyis 'phro 'dus rang lag zhug /dza badzra tri sa ma ya phaT/ lha mo bde mchog 'gying bag can/ /dkar mo sna tshogs rgyan dang gos/ /phyag gnyis mda' gzhu 'gengs pa ste/ /'phro 'du'i las mdzad shar du bzhugs//oM badzra kI li ki la hUM/ e ma bde ba gser gyi mdog /g.yas pas bdag po la 'khyud cing / /g.yon pas rdo rje rin chen 'dzin/ /'gying bcas lho yi phyogs su gnas/ /baM badzra N-i smar ra phaT/ snang mdzad dmar mo g.yas pa na/ /sna tshogs rdo rje g.yon dag gis//'gying bcas thod pa'i snod thogs shing / /kha T+wAM la brten nub phyogs gnas/ /hoHbadzra kA me shwa ri traM/ /slob ma mo 'gying ljang gu'i mdog /g.yas pas bdag po'i sku la 'khyud/ /g.yon gyi bdud rtsi'i bum pa nas/ /sangs rgyas sku 'byung byang gi phyogs//oM aM ma du badzri g+huM g+huM/ sangs rgyas byang chub dkar dmar gsal/ /tshangs pa'i mgo bzhis mtshan pa yis/ /mda' bzhi dus gcig 'phan pa'i tshul/ /'gying bcas shar gyi re'u char gnas/ /oM badzra me ge gu lu hUM/ chos kyi 'khor lo dkar ser mdangs//g.yas kyi gung mo'i rtse mo la/ /'khor lo rtse brgyad 'degs tshul 'dzin/ /'gying bcas lho yi re'u char gnas/ /oM ha sha ra ta badzri iM iM/ khams gsum rnam rgyal dmar skya'i mdog /g.yas na tri shUl rtse gsum dang / /g.yon pas rdo rje rtse lnga 'dzin//gar mdzad nub kyi re'u char gnas/ /oM khaM badzra shi ri hUM hUM/ 'dod pa'i dbang mo ljang gu'i mdog /phyag gnyis dpag bsam ljon shing la/ /me tog dang bcas rlung bskyod 'dzin/ /gar mdzad byang gi ngogs su gnas/ /oM de ra ti badzri bi la si tra tha/ gling bu sngon mo rdo rjes mtshan/ /sna tshogs sgra sgrogs me yi phyogs/ /he badzra g+hi te te te te/ /pi wang ser mo rdo rjes mtshan/ /glu dbyangs drug ldan bden bral phyogs/ /he ra ti badzra ha si ha sa baM/ /rnga chen dmar pos rdo rje rnga/ /brdung mdzad rlung mtshams la gnas pa'o/ / he ra te badzra ne tre pe pa sa dza/ rdza rnga ljang gu rdza rnga la/ /rdo rjes mtshan brdung dbang ldan phyogs/ /oM badzra puSh+pe/ me tog dmar ser rdo rjes mtshan/ /gzhong thogs mi yi mtshams su gnas/ /badzra d+hU pe/ spos me dkar sngo rdo rjes mtshan/ /spos thogs bden bral mtshams su gnas//a badzra A lo ke/ mar me dmar mo rdo rjes mtshan/ /gsal 'dzin rlung gi mtshams su gnas/ /a badzra gan+d+he/ dri chab ljang gu rdo rjes mtshan/ /gang 'thor dbang ldan mtshams su gnas/ /oM badzra aM ku sha dzaH/ rta gdong dkar mo lcags kyu dang //thod pa rta mgo ljang gu shar/ /oM badzra pA she hUM/ phag gdong sngon mo g.yas mche ba/ /g.yon zhags lho yi sgo la gnas/ /oM badzra shriM kha le baM/ snang ba mo dmar phyag gnyis kyis/ /nyi zla lcags sgrog nub kyi phyogs/ /oM badzra g+haN+Te hoH/thal byed ljang gu g.yas dril bu/ /g.yon pas b+han+d+ha ku bcas byang / /yang na lha mo thams cad kyang / /zla ba'i kha dog 'dzum pa'i zhal/ /brla yi dbus ni dmar la dkar/ /phyag mchog lo ma sngon mo 'dra/ /dkar zhing ser ba'i brla dang ldan/ / lha rdzas kha zas sna tshogs mchog /'bar ba sna tshogs 'khrigs pa'i 'od/ /pad+ma sna tshogs la gnas pa/ /sangs rgyas pad+ma la sogs mchog /rin chen sna tshogs rgyan dang gos/ /mu tig me tog la sogs mchog /mdzes pa'i rgyan cha sna tshogs 'chang / mgon po ro mnyam gnas bzhugs nas/ /chos dbyings ye shes snyoms 'jug las/ /lha mo bdag po bskul mdzad de/ /sems can don kun rnam 'phrul mdzad/ /rjes su chags pa'i rnam mang dga' ba'i pad+mo rnams/ /dag pa'i mchod pas gsal bar rjes su mchod byas pa//mchog tu rtag pa'i rnal 'byor bde bas bde ba grub par mdzod/ /e ma'o mchog tu bde ba'i dam tshig ngo bo nyid/ /mchog tu bde ba'i shin tu rnal 'byor skal bzang mchog dgyes pa/ /rang gi dam tshig skyon med rtag la rol cig rol cig ho/ /glo bur 'khrul pas 'khor ba yi//'gro ba kun la dgongs nas bzhengs/ /dkyil 'khor tshogs rnams gsal ba'i phyir/ /dbang bskur byin gyis brlab par mdzad/ /gzugs phung chos dbyings ye shes che/ /mig la sangs rgyas rnam snang mdzad/ /rnam gsum gzugs dang rol mdzad de//brtan g.yo'i dngos po rnam par 'phrul/ /tshor ba kun rtog ye shes che/ /rna ba rdo rje nyi ma yin/ /rnam gsum sgra dang rol mdzad de/ /brtan g.yo'i dngos po rnam par 'phrul/ /'du shes mnyam nyid ye shes che/ /lce la pad+ma dbang phyug rgyal/ / rnam gsum ro dang rol mdzad de/ /brtan g.yo'i dngos po rnam par 'phrul/ /'du byed bya ba grub pa'i gnas/ /sna la rta mchog rol pa ste/ /rnam gsum dri dang rol mdzad cing / /brtan g.yo'i dngos po rnam par 'phrul/ /rnam shes me long ye shes che/ /yid la rdo rje he ru ka /rnam gsum chos dang rol mdzad de/ /brtan g.yo'i dngos po rnam par 'phrul/ /kun khyab stong pa'i ye shes che/ /lus la rdo rje sems dpa' gnas/ /rnam gsum reg dang rol mdzad de/ /brtan g.yo'i dngos po rnam par 'phrul/ /rnam gsum phyag rgya'i tshogs ldan zhing //thugs kar ye shes sems dpa' gnas/ /rang rig dkyil 'khor spyan drangs nas/ /dbang bskur rigs kyi mtshan ma bsam/ /de ltar gtso dang sprul bcas pa/ /dbang bskur byin brlabs rdzogs byas nas/ /phyag rgya bzhi la gnas spro zhing //phyag rgya'i sku rnams gsal bar mdzad/ /sbyor ba bzhi yi bye brag gis/ /dkyil 'khor rdzogs par byas nas ni/ /rjes su 'gro ba'i las dag gis/ /dkyil 'khor bsgrub par bya ba yin/ /ye shes tsam la snyoms 'jug pa/ /sbyor ba zhes ni bya bar bshad//yum ldan byin brlabs rol pas mchod/ /gzhug pa rjes su sbyor ba'o/ /dag mdzad dkyil 'khor rdzogs mdzad nas/ /'phro 'du shin tu sbyor ba yin/ /byin brlabs dbang bskur las rdzogs pa/ /sbyor ba chen po zhes bya'o/ /thugs ka'i 'od zer 'phro 'du yis//ye shes dkyil 'khor sprul mdzad cing / /dzaHhUM baM hoH'i sbyor tshogs dang / /rdo rje bsdu ba'i phyag rgya bcing / /stong pa shin tu rnal 'byor yod med mthus/ /nam mkha' nyid du dam tshig nye bar gnas/ /bde gshegs bde bar gshegs pa bzhengs su gsol//rdo rje sems dpa' skal bzang dpal khyod bdag /dzaHhUM baM hoH e h+ye hi b+ha ga wA na ma hA ka ru Ni kI tri sh+ya ho/ /sa ma ya s+t+waM/ bde gshegs pho brang dkyil 'khor 'dir/ /'gro ba ma lus bsgral ba'i phyir/ /don gyi dbang du dgongs nas kyang //'khor bcas gshegs shing bzhugs su gsol/ /kA ya wAka tsit+ta hUM/ sgyu 'phrul dga' ba'i rdo rje rol mo'i tshogs/ /gzhan la snang ba'i dkyil 'khor rnam par mdzes/ /a la la ho/ /tshangs pa'i mchog rnams zil gyis gnon mdzad cing / / rtog pa du ma'i sgro 'dogs gcod par mdzad/ /a la la ho/ gnyis med ye shes gnyis can rnam mtha' yas/ /snang stong bde chen mnyam nyid dbyings la rol/ /a la la ho/ /kun 'byung yon tan rtsol med lhun grub snang / /rgyan gyi dkyil 'khor rnams bkod rang las byung //a la la ho/ /mdzad pa rgya chen 'gog med kun bsgrubs pas/ /tshogs bcas rol pas bya ba kun rdzogs nas/ /a la la ho/ /sku gsung thugs mchog yon tan phrin las rgyan/ /dkyil 'khor mdzes pa'i lha la phyag 'tshal lo/ /a la la ho//dpal ldan g.yon pa 'gying ba'i thabs/ /g.yas pa ba dan gsum par bya/ /sri zhur byas shing bteg pa'i mchog /bdag nyid rdo rje sems dpa'i dpal/ /'dzum dang bcas pa'i mig gis blta/ /bsam g.yos thal mo sbyar bar bya/ /oM AHhUM/ a ti pu ho/ ban+d+ha nAM kA ro ya mi/ gu ru pa ti/ a la la ho/ oM 'byung ba chen po thams cad 'byung / /stong gsum rdul snyed ma lus pa'i/ /gzugs sgra dri ro reg bya chos/ /lha mo'i tshogs rnams ma lus spro/ /me tog bdug pa mar me ma/ /dri sogs kun gyis mchod par bya/ /oM pa na pe na/ pa nu su ra ta/ ti pu pa ra mu/ sarba ta thA ga ta/ sa ma yo gi si d+d+hi hUM/ oM badzra puSh+pe/ oM badzra d+hU pe/ oM badzra A lo ke/ oM badzra gan+d+he/ /pra tIts+tsha ho/ /shI b+ha ga bAn kha kha khA hi/ skad kyi gsangs ni mtho dman dang / /gre 'gyur bcas shing bzlas pa yis/ /dus gsum rang bzhin mchog rnams kyis//hUM la sogs pa'i glu blang zhing / /tshig rnams kun gyis ci 'dod par/ /ji ltar spros pa'i glu kun gyis/ /hUM gi glu yis phyag rgya dpal/ /rdo rje sems dpa' rab bsgrub pa'o/ /gling bu dang ni rgyud gcig dang / /de bzhin du ni rgyud mangs sogs/ /gyen du 'thor dang thur du blugs//g.yas pa mi 'degs so so'i rgya/ /sbyor ba rnam pa gsum ldan pas/ /rang gi gnas la sbyar bar bya/ /dzaHhUM baM hoH/ bde ba kun la zhen pa dang / /dngos grub thams cad rnam dag phyir/ /rdo rje sems dpa' bde ba'i mchog /zla ba nya ltar rtsa dmar sku//g.yas g.yon rdo rje dril 'dzin pas/ /bde ba'i cha lugs gar byed cing / /sems dpa'i skyil krung snyems bcas nas/ /dpung 'joms dngos grub thams cad 'grub/ /oM ma hA su kha badzra satwa AHdzaHhUM baM hoH/ su ra ta s+t+waM/ zla ba'i kha dog 'dzum pa'i zhal//pad gnas bcas pa'i gar bcas 'khyud/ /mda' 'dzin sangs rgyas pad+ma sogs/ /rin chen sna tshogs rgyan gos can/ /bya ba dang ni bzlog pa dang / /'phrog pa dag kyang lhag pa mdzad/ /bdag la 'byung ba'i phyag rgya yis/ /yan lag thams cad 'phrog pa 'grub//rnam pa sna tshogs dam tshig chags/ /bde ba 'bar ba'i gar byed pas/ /bdag la 'khyud pa'i phyag rgya mchog /dbus kyi lha mchog chen po'o/ /se ral kha yi tshul bzhin du/ /rdo rje kha T+wAM ga bzung ste/ /bdag la 'khyud pa'i phyag rgya ni/ /pad bcas rdo rje rgya gram mchog /rdzogs sangs rgyas kyi kham phor grub/ /bdag 'khyud pa yi phyag rgya yis/ /rdo rje sems dpa' dpal sbyor ba/ /dbus kyi lha mo mchog chen po'i/ /gtsug lag ji lta'i rjes mthun par/ /dpal rdzogs rgya cher gar dag gis/ /mda' bzhi yongs su 'phang ba ni//bdud bzhi dag las rgyal bar 'gyur/ /rkang pa bteg cing 'phang ba dang / /gzhibs te 'phang pa'i stabs dag gis/ /'khor lo'i phyag rgya ston pa ni/ /khams gsum dag la mchod par 'gyur/ /bya ba dang ni bzlog pa dang / /dbrog pa dag gis khyad par du//sna tshogs phyag rgyas gar byed cing / /khams gsum dag ni bsdu bar bya/ /lcug ma gang yang rung bzung nas/ /bdag la 'khyud pa'i phyag rgya yis/ /bud med thams cad rtsen nas ni/ /dpag bsam shing dag yongs su 'grub/ /gling bu len pa'i tshul ston no//pi waM len pa'i tshul ston dang / /cang te'u tshul ston rnal 'byor dang / /rdza rnga tshul ston rnal 'byor pa'o/ /myang ba btung ltar byed pa dang / /sna yi myang ba rngub pa dang / /mig btsum zhen pa bltab dang / /thams cad bdag gis myang ba'o/ /rang 'byung lha mo dang bcas pa'i//phyag rgya sngags kyis gnyis med 'gyur/ /rdo rje sems dpa' bde chen skal bzang dpal khyod bdag cag sgrub la rtogs par mdzad du gsol/ /kye de bzhin gshegs pa kun gyi bdag nyid bde ba mkha' 'gro sgyu ma'i tshogs rnams bde ba'i mchog /'gro ba'i rgyud rnams rnam pa sna tshogs 'dul mchog grub pa bdag la grub par mdzad du gsol/ /a la la ho/ /de bzhin gshegs pa'i sbyor ba rnam pa sna tshogs gar rnams bstan du gsol/ /dzaHhUM baM hoH kye ma bde mchog bde bas zung la rnam par sprul hUM snang bar mdzad du gsol//a la la la la ho/ de bzhin gshegs pa kun gyi mkha' 'gro sgyu mas slob ma gzung du gsol/ /mdzub mos mtheb mo mnan nas ni/ /rang gi mtheb mos mdzub mo mnan/ /dpal grub spyan gyi phyag rgya ste/ /mdzub mo mig gi 'bras bur bya//rdo rje thal mo mnyam sbyar nas/ /khong stong du ni sbyar nas su/ /sngags bcas gnas su gzhag bya ste/ /rim bzhin mtha' nas dgrol bar bya/ /rab tu dga' ba'i bdag la phyag 'tshal lo/ /de bzhin gshegs pa'i bdag la phyag 'tshal lo/ /de bzhin gshegs pa'i dam pa grub par mdzod//oM AHhUM/ dam tshig dam pa grub par mdzad du gsol/ /mchod pa chen po thams cad dag par mdzad/ /mnyam pa chen po'i gnas la rol du gsol/ /rab tu dga' ba rjes su chags pa'i mda' gzhu rab tu phra ba'i rgyas btab pa'i//rab tu dga' ba'i sbyor ba'i bde bas myos pa'i bde bas thams cad bdag la grub par mdzod/ /rab tu bde mchog rnam pa sna tshogs rnam par rgyal ba'i rgyal mtshan bsgreng ba'i longs spyod dang / /rab tu dga' ba'i dbang phyug che mchog grub pa de bzhin gshegs pa rab tu sna tshogs bde ba'i mchog rol cig ho//bde bas bde ba slong zhing rnam par rol hUM snang bar mdzod/ /a la la la la ho/ /de bzhin gshegs pa kun gyi mkha' 'gro sgyu ma sna tshogs kun gyis slob ma gzung du gsol/ /kye bde ba'i mchog grub par mdzod//e ma'o bde ba gsol/ /dam pa rab tu zhugs par mdzod/ /bdag la rab tu bde bar 'gyur/ /a la la la la ho/ /e ma'o shi shi zhugs shing / /mkha' 'gro bde mchog kun du zhugs/ /la lar rab tu drag cing skye bo drag la drag pa'i bud med sku ltar rab tu snang //'gro ba mtha' dag 'dul phyir la lar rab tu rno ba'i 'khor lo phyag na bsnams pa'i sku/ /la lar rab tu des shing zhi bar mi 'gyur sbyin pa tshangs pa'i skur yang ston par mdzad/ /la lar rab tu 'bar ba'i chags pa pad+mo'i dam tshig bdag la grub par mdzod/ /thams cad dbang bskur dbang phyug dam pa mi zad gter mchog bdag la grub par mdzad du gsol//kun mchog rgyal mtshan bsgreng ba'i rdo rje rin chen shin tu che ba bdag la stsol/ /lha mo kun gyi bde ba'i mchog /mdzes pa'i zhal ni rnam par 'gyur/ /bde ba myong bar rab sbyor ba//mdzes par blta zhing gar byed pa'o/ /lha mo kun gyi bde ba mchog /mdzes pa'i ma mchu sos mnan pa'i/ /'dzum pa'i phyag rgya mchog 'di ni/ /sangs rgyas thams cad dgyes par byed/ /sna tshogs b+han+d+ha brtag pa las/ /sna tshogs bdud rtsi'i rnam par dag /lnga lnga lnga yi 'phro 'du yis/ /mtshan ma rnam pa lnga dang ldan/ /'od dang du ba dri dang sgra/ /lha mo'i gzugs ston bdud rtsir 'grub/ /rang byung gdod nas rnam par dag /mnyam pa'i don ldan rol bar mdzad/ /byin brlabs mtshan dang rgyan ldan pa'i/ /mi mo rnams kyi reg bya'i mchog /byin gyis rlobs shig rnal 'byor pa/ /gsang ba chen po rnam par rol/ /grub pa'i rdzas 'di thams cad la/ /hUM dang phaT kyis ldan par mdzod/ /mnyam nyid mi g.yo mnyam nyid mchog gi chos nyid can/ /thugs rje'i bdag nyid 'gro ba'i sdug bsngal sel bar mdzad//yon tan mtha' yas dngos grub thams cad sbyin mdzad pa/ /dri med mi g.yo mnyam med dam pa'i mchog chos can/ /yon tan shin tu phra ba'i cha la'ang tshad med de/ /dpe ni nam mkha' dang yang bskrun du yod ma yin//dngos grub mtha' yas mnyam med dpe dang bral ba rnams/ /sems can khams la dngos grub mchog rnams nges par stsol/ /rtag tu dri ma med pa'i thugs rje'i shugs las byung / /smon lam grub pa 'gag pa med pa'i chos nyid can/ /'gro ba'i don sgrub rab tu brtson pa mtha' yas pa//thugs rje chen po'i bdag nyid rtag tu rnam par snang / /tshad med tshad dang bral ba shin tu rdzogs pa yi/ /bde bar gshegs pa'i go 'phang dam pa brnyes gyur kyang / /khams gsum rnams la dngos grub mchog stsol mdzad pa yi//thugs rje'i spyod pa mi g.yo 'gag par yong mi 'gyur/ /e ma'o shin tu bzang po'i chos nyid mchog dang ldan/ /mchog sbyin rnams kyi nang nas go 'phang mchog brnyes pa/ /khams gsum rnams la dngos grub mchog stsol mdzad pa yi/ /mgon po dus gsum sgrib pa med par rab mkhyen pas//dam tshig mchog gsum dngos grub dam pa bdag la stsol/ /dzaHhUM baM hoHru Ta ma Ta/ sma ra ra Ta/ hu lu hu lu/ pra si d+d+ha/ Tak+ki hUM dza/ ka ni ku ni/ hUM hUM/ Tak+ki ni hUM dzaH hu lu hu lu/ a la la la la ho/ shud+d+ha sid+d+ha/ daR+sha ya/ sarba ta g+han g+he/ ta g+he g+he/ Ta Ta g+he g+he g+he/ ta g+he ta g+he/ g+he g+he ta ta/ ta g+he ta g+he/ hen don Tak+ki hUM dza/ g+he ta/ g+he don Tak+ki hUM dza/ Ta a la la la la ho/ /ru Ta ma Ta/ thal mo brdab pa brtag pa'o/ /ta g+he g+he/ ta g+he na ta g+he na/ g+he na g+he ta/ g+he na g+he na g+he na/ rgyun gyi rnga'o/ /bdag cag dam tshig 'di la mngon du zhugs pa rnams//bcad gtubs lus la 'byung bar mi 'gyur zhing / /grib mas phog pa'i sdug bsngal mi bzad pa'i/ /sku yi phyogs tsam mthong bas smon lam 'tsho ba dang / /gzi mdangs lus la 'jug pa bye ba stong phrag gi/ / 'od kyis phog pas 'jig rten khams kun snang ba dang / /lus ngag sems dang tshe ni rdo rje rab brtan te/ /re smon thams cad dus 'dir 'grub par mdzad du gsol/ /dkyil 'khor rgyas pa la dmigs nas/ /thun mong 'das dang po brtsam/ /sems dpa' rnam pa gsum ldan par//rang rang sku gsung thugs kyi rtags/ /nyi dkyil thabs dang shes rab kyi/ /phreng ba gnyis dang ldan pa las/ /sku gsung thugs kyi mtshan mas brgyan/ /gtso bos ji ltar bzlas pa bzhin/ /'khor gyi dkyil 'khor rnam par gnas/ / gnas dang 'khor dang 'phro ba yis/ /mthun pa'i lha tshogs mnyes mdzad cing / /rigs bsdus 'gro ba'i las la sbyar/ /gtso bo'i zhal nas sbyor sngags ni/ /rang gi gsang sngags bcu bzhi pa'o/ /de bzhin lha mo so so yi/ /sngags dang 'phro 'du las ldan pa'o//rdzogs nas mchod bstod bskul ba dang / /gsol gdab 'gro ba'i las la sbyar/ /gnyis pa so so'i las bya ba/ /gtso sogs rim pa bzhin du ni/ /phyag rgya bzhi dang ldan byas te/ /'od kyi rig ma dang bcas shing / /gsal ba rnam pa gnyis ldan par//rang gi gsang sngags brjod par bya/ /oM ma hA su kha badzra satwa AHdzaHhUM baM hoH/ rdo rje sems dpa' snying po'i gsang sngags yi ge bco brgyad pa'o/ /'khor gyi lha mo ma lus pa'i/ /bzlas rdzogs mchod bstod bskul bya zhing / /rang gi las la sbyar nas kyang //so so'i gnas su bsdu bar bya/ /mnyam nyid dkyil 'khor kun gyi mchog /don dam bde ba chen po'i sku/ /de bzhin nyid dbyings ye shes kyi/ /lha nyid brtson pas bsgom par bya/ /sna rtse thig le phra mo la/ /phyi yi dkyil 'khor bsdu bya ste/ /yi ge mtshan ma phra mo'i bar//mtshan ma lnga gsal bar du gnas/ /yi ge ka sogs da yig mtha'/ /nga nya spangs nas 'jug par bya'o/ /yi ge d+ha sogs k+Sha yig mtha'/ /phreng ba gnyis pa yang dag bri/ /dbus gnas par ni a yig phreng / zla ba'i dkyil 'khor la bkod de/ /thig le zla tshes dang ldan par/ /tsheg drag zla ba gnyis yin te/ /a yig mi 'gyur bsgom par bya/ /dbus su rdo rje ngo bor gnas/ /de dbus rtag tu bsgom pa ni/ /'dod chags chen po bde ba che/ /'di de sangs rgyas thams cad kyi//sangs rgyas ri mor grags pa yin/ /ling ga 'greng ba rang 'byung ste/ /brla yi dbus su gzhug byas nas/ /ling ga rdo rjer byin brlabs te/ /rdo rje sems dpa' bdag sngon bskyed/ /b+ha gar ling ga bcug nas ni/ /der ni hUM yig bsgom par bya//shin tu dga' 'dra'i gzugs dag ni/ /sku gnyis ldan par spro bya'o/ /kun kyang khyab cing dri med pas/ /byang chub sems dag brtan pa'o/ /mtshan ma rnam pa lnga yi bar/ /gsal ba'i dkyil 'khor rnam par bsgom/ /rten dang brten pa'i tshogs rnams kyis//rnam dag de nyid gsal bar brtag /dge bcu dag la rten bcas shing / /bden bzhi dngos po gcig tu gnas/ /rten 'brel yan lag bcu gnyis tshogs/ /rgyu 'bras sna tshogs dag pa'i dbyings/ /yon tan tshogs rnams kun rgyas shing / / tshangs pa'i gnas bzhi khyab mdzad nas/ /chos tshogs sum cu rtsa bdun las/ /ting 'dzin bzhi por 'jug par mdzad/ /rang bzhin ye shes drug dag las/ /rigs kyi mtshan ma sna tshogs snang / /rnam thar brgyad po rten bcas shing / /rdo rje theg pa'i tshul nyid mdzes//mdzad pa rgya chen phrin las rnams/ /yul drug dag gi phyag rgya che/ /mnyam nyid dkyil 'khor chen por spyod/ /thugs rje chen po'i char khebs dang / /bdud bzhi las rgyal theg chen mchog /mnyam par sbyor bas tshul 'jug cing / / rtog pa'i sgrib pa sel bar mdzad/ /smon lam las grub mdzad 'phro las/ /theg chen yon tan ci yang 'byung / /mtshan dang dpe byad rdzogs pa'i sku/ /brten pa'i theg pa sna tshogs sgrogs/ /dbang phyug la sogs yon tan brgya/ /phrin las bzhi yis rnam phye zhing //rten gnas rgyu dang spyod mdzad pa'i/ /gnas kyi mtshan ma 'grub pa yin/ /chags med mdzad pas spyod kun dang / /nyon mongs mtshan mas gos pa med/ /bde chen dbyings las ma 'phros shing / /sku gsung thugs kyi theg pa can/ /yon tan 'byung gnas 'chi med lngas//gang ba phyogs bzhir gnas dgod pa/ /shes lnga'i 'dod pa'i longs spyod tshogs/ /nyi shu bdun gyi rgyan gyis spras/ /phrin las mchod pa'i gnas gyur pa'i/ /'khor lo rang rtags mtshan mas mdzes/ /phyi yi mtshan ma tshogs dag gis/ / thams cad yon tan snang bas spras/ /sku gsum rdo rje'i rang bzhin gyis/ /sna tshogs phrin las dpag med tshogs/ /ye shes 'bar ba'i byin rlabs kyis/ /log rtog mtshan ma sreg par byed/ /mtshan nyid theg sogs gzhan dag las/ /khyad par 'phags pa theg pa'i mchog /khams gsum gzhan rtog sbyong mdzad cing / /lus sogs rnam par dag pa'i phyir/ /yon tan rgyan gyi rten dag las/ /sangs rgyas brgyad po sku snang mdzad/ /dregs byed 'dul phyir rigs mtshan mnan/ /snod bcud sgrol mdzad shes rab mtshon//srid gnas las byung rtog pa'i tshogs/ /gnyis med rang gi ngo bor mos/ /dbyings dang ye shes mnyam pa'i lha/ /snang srid gnyis med bsgom pa'i lha/ /thugs rje che la sprul pa'i char/ /tha ba las byung smin par mdzad/ /rang byung ye shes chen po las//tshogs brgyad snang ba sna tshogs nyid/ /thugs rje'i sprul pa dpag med kyis/ /stong gsum khams las 'gro bar byed/ /'byung ba'i snang ba tha dad rnams/ /thams cad rnam dag dkyil 'khor che/ /'khor ba'i rtog pas ma gos shing //byang chub thugs rje chags pa'i rtags/ /rdo rje sems dpa' bde chen sku/ /zla 'dra dmar ba'i mdangs dang ldan/ /chos dbyings stong pa'i ye shes las/ /rigs kyi mtshan ma bzhir snang zhing / /phrin las tshad med rnam spyod pas//'brel pa'i don bzhin spyod par mdzad/ /khams gsum rgyal ba'i rgyan bcas pas/ /cha lugs sbyong zhing 'gying bar mdzad/ /ye shes lnga ldan zab mo dang / /rgya chen rigs lnga'i sku snang mdzad/ /rang gi thugs bskul dran tshogs kyi//las la rnam par rol mdzad do/ /sna tshogs kun grub sku gsung thugs/ /khams gsum las rgyal gsung sgrogs shing / /chags phyir zhi gnas lhag mthong gi/ /mtshan nyid 'brel pa ston par mdzad/ /mtshan bzang sum cu rtsa gnyis dang / / dpe byad brgyad cus rnam spras pas/ /thun mong las grub zil gnon pa'i/ /dbyings dang ye shes 'brel pa'i rgyan/ /byang chub sems sogs bla gab la/ /thugs rje'i rim pas legs spras shing / /mdzad pa'i las mang sna tshogs pas/ /'gro ba'i rnam rtog spyod par ston//g.yas su bsdu ba bzhi dag dang / /g.yon du tshad med bzhi snang mdzad/ /spyi bor pha rol phyin drug dang / /gzungs dang ting 'dzin rtags sna tshogs/ /phyogs bcu'i sangs rgyas kun 'dus pas/ /yon tan rgyan gyi rin chen la/ /rnam pa lnga yi tshul zhugs shing //yon tan rgyan gyis spras pa yis/ /rigs kyi mtshan ma mi nub phyir/ /gzugs mthun pa yi do ker can/ /yon tan sna tshogs rgyan bcas pas/ /de nyid kun gyis gzugs su ston/ /dge bcu yan lag rnam spras shing / /zhabs la rnam thar brgyad kyis brgyan//bden bzhis gdu bus mdzes byas pas/ /rnam thar bzhi yi rang bzhin yin/ /dge dang pha rol phyin bcu yi/ /rked chings phreng ba nyi rim mdzes/ /chos bzang sum cu rtsa bdun gyis/ /tshangs skud bzhin du rgyan bcas shing / /ma 'dres chos bzang bco brgyad pos//rim gnyis phreng bar ldan pa yin/ /phyag rgya rnam pa bzhi ldan zhing / /'gro la de don ston par mdzad/ /phung po lnga rnams rnam dag pas/ /rigs lnga'i rgyan gyis mdzes par byas/ /'byung ba che rnams rnam dag phyir/ /lha mo bzhi dang kun du 'khril//skye mched bcu gnyis rnam dag pas/ /nang gi lha mo'i tshogs su byung / /khams sogs spyod pa rnam dag cing / /thugs rje'i phrin las rgya chen pos/ /lha mo'i tshogs rnams dgod byas nas/ /nyon mongs nyi shu dag par mdzad/ /ye shes snang ba bsam yas pas//sna tshogs dkyil 'khor cir yang snang / /bar chad bgegs bzhi bsrung ba dang / /dngos grub lhag par gnas pa'i phyir/ /brtson pas thun mtshams rnam pa bzhir/ /gtor ma'i las dag brtsam par bya/ /sgrib pa thams cad sbyong byed cing //tshogs kyi las rnams rdzogs byed pa/ /de nyid spyod dang mthun pa'i las/ /des ni mdzad pa rgya chen 'gyur/ /phyi rol dkyil 'khor zla gam la/ /dmar po'i tshon gyis kha bsgyur te/ /mkha' 'gro'i dkyil 'khor rnam lnga yi/ /thig le dbus dang phyogs bzhi ru/dbus su rta yi rgyal po la/ /lha chen lnga yi mtshan mas bskor/ /shar du phyogs skyong zhing skyong la/ /lho ru mngon spyod ma mo'i tshogs/ /nub [(]du [,]tu [)]dbang la klu chen brgyad/ /byang du rgyas pa'i 'gro ba rnams/ /rang gi gsang sngags kyis bskyed cing / /skur gyur ye shes 'od tshogs sbyang //sgeg mo dang ni na chung dang / /myos dang de bzhin bdud rtsi dang / /gcig pu dpa' dang 'dod chags sra/ /g.yon can bran mo de bzhin te/ /lan tsha la sogs ra kun dang / /ka ra la sogs bdud rtsi bzhin/ /bdag nyid kun gyi ro grub pa/ /ma lus lus pa med par 'grub//sha dang chang dang ldan pa yi/ /bza' ba sna tshogs grub pa ni/ /dga' ba'i longs spyod skal mchog ste/ /tshe yi dam pa rab tu 'grub/ /a mra smin dang rgun 'brum dang / /pa na se dang na le ker/ /a ru ra la sogs pa yi/ /'bras bu'i phyag rgya mchog rnams dang //kha ra sbrang rtsi byug pa yis/ /a mra la sogs tshi gus byug /ha sa ka ra'i mar la sogs/ /mnyam pa'i dri yis bsku bar bya/ /yungs dang rgya skyegs la sogs pa'i/ /tshon gyis mthun par kha bsgyur nas/ /shun pa dro ba la sogs byas//mchod pa'i tshe na dbul bar bya/ /thod pa'i nang du sbyar byas pa'i/ /bza' btung bca' ba la sogs rnams/ /ha hoHhrIHyis sreg sbyang brlab/ /mkha' 'gro'i 'khor lo bsngo bar bya/ /gtor ma rdzas chen ma lus pa/ /dang po dri yi chus sbyangs shing / / sna tshogs sgra snyan ba dan sogs/ /bkod pa'i mchod gtor brlabs la spel/ /sangs rgyas rdo rje sems dpa' nyid/ /rta mchog gzugs su sprul byas nas/ /mdzes pa'i phyag rgya sngags ldan pa/ /mkha' 'gro'i tshogs rnams bsdu bar bya/ /oM badzra TA ki nI b+h+yo/ /e a ra li dza dza/'khor bcas bsdu bar 'ongs pa dang / /dam tshig phyag rgya rnam gsum bstan/ /oM badzra gu h+ye dr-i sh+ya ho/ /sa ma ya s+t+waM/ oM badzra gu h+ye dr-i sh+ya ho/ /sa ma ya s+t+waM/ oM badzra gu h+ye dr-i sh+ya ho/ /sa ma ya phaT/ oM ar+g+haM puSh+pe d+hU pe gan+d+he pU dzA s+pha ra Na i daM ba liM kha kha khA hi/ yaM las skyes pa'i gzhu 'dra'i dbyibs//ba dan g.yo bas mtshan pa ste/ /raM byung me yi dkyil 'khor 'bar/ /dmar po gru gsum raM gyis mtshan/ /kaM byung thod pa mtshan ldan nang / /'od gsal chags med gnas pa yi/ /mi sha la sogs phyogs dang mtshams/ /a las byung ba'i zla ba dang //hUM byung rdo rjes bkab byas nas/ /hUM oM hrIHtrA bzhi rnams so/ /oM AHhUM/ sarba pany+tsa a mr-i ta hUM hrIHthA/ rim bzhin sngags dang phyag mtshan dang / /skur 'gyur 'phro dang 'du ba yis/ /ye shes bdud rtsi dgug bya ste/ /rdo rje bzhugs nas snod bzang bltams//zla 'dra 'od zer lnga bcas pas/ /dkyil 'khor 'khor bcas tshogs mnyes bya/ /oM 'jig rten kun gtso mnga' mdzad pa'i/ /'jigs byed dregs byed stobs ldan pa/ /bde gshegs sras sogs bran mdzad pa'i/ /byang chub sems ldan snying rje can/ / dbang phyug chen po chung mar bcas/ /de bzhin khyab 'jug tshangs pa dang / /brgya byin 'dod dga' chung mar bcas/ /lha chen 'khor bcas tshogs rnams dang / /phyogs skyong brgyad po 'khor dang bcas/ /klu chen brgyad po 'khor dang bcas/ /mkha' 'gro drag mo gsus 'dzin ma//dur khrod ma tshogs 'khor bcas dang / /gzhan yang lha srin sde brgyad dang / /'gro ba drug po 'khor bcas rnams/ /sku gsung thugs sogs sbyang byas nas/ /rang gi lha yi gzugs 'dzin rnams/ /gnas 'dir 'dus pa'i dam tshig can/ /mchod gtor rgyun dang bcas pa bzhes//dam tshig srungs shig dam tshig can/ /las la brtson pa'i mkha' 'gro rnams/ /mkha' 'gro drag mo 'khor bcas rnams/ /rnal 'byor sgrub pa'i grogs mdzod cig /las mkhan rdo rje bran bcas pas/ /zhi rgyas dbang drag las grub cing / /theg chen gsang sngags bsrung ba dang //nad dang gdon sogs zhi ba dang / /tshe dbang bkra shis spel ba dang / /bde legs 'bras bu grub par mdzod/ /oM AHhUM pad+ma mu ka hUM hUM/ rta mgrin phyag rgya rnam gnyis kyis/ /las rnams dngos grub tshogs gyur cig /dngos grub dbang du byas nas ni//rang gi gnas la dgod par bya/ /oM hrIHDA ki nI i maM ba liM ta pra tIts+tsha hUM khA hi/ oM AHhrIHkhA hi/ thugs rje chen pos gzigs nas kyang / /sna tshogs rgyud rnams sprul mdzad pa'i/ /gar mkhan 'khor lo'i rgyud mnga' ba/ /drag po zhi mdzad khyod phyag 'tshal/ / sna tshogs gar gyi rnam par sprul la phyag 'tshal lo/ /rdo rje la sogs mtshon chas rol la phyag 'tshal lo/ /ma lus lha yi lha mchog skyong la phyag 'tshal lo/ /dpa' bo rtsal rdzogs stobs bcu'i shugs la phyag 'tshal lo/ /oM a ti b+hU ho/ /a la la la la ho/ /thun bzhis dus su bya ba las//rdzogs nas dkyil 'khor mchod bstod cing / /rang las byung te mdun gzhag nas/ /gsol btab las la bskul bar bya/ /oM khyod kyis sems can don kun mdzad/ /rjes su mthun pa'i dngos grub stsol/ /sangs rgyas yul du gshegs nas kyang //slar yang 'gro ba'i don la dgongs/ oM badzra gats+tsha muH/ de nas phyag rgya rnams dgod pa/ /rim bzhin bdag la bsdu byas nas/ /rnam gsum sems dpa' hUM la thim/ /rim bzhin thig le mnyam pa'i dbyings/ /rjes 'byung mtshan ma'i skur gnas te//mtshan med rgyan dang cha lugs gsal/ /go cha go bcings bsrung bya zhing / /dbang bskur dbu rgyan cod pan ldan/ /kaM haM oM tuM rat+na mA le a b+hi Shiny+tsa/ paT laM ba/ a b+hi laM hUM/ spyod lam kun du ma nyams par/ /lha nyid du ni bsgom par bya/ /dbang po'i snang ba yul dus rnams//dkyil 'khor rol pa'i tshul du brtag /bza' btung byin brlabs ma nyams bzlas/ /sgyu ma gnyis med ye shes rol/ /byed spyod tshogs gnyis rgyu ru brtag /thams cad 'gro ba'i don du spyad/ /blo mchog mkhas shing rtsal ldan pas/ / bla ma mnyes las byung ba'i don/ /tshogs gnyis dus gcig rdzogs pa yin/ /rgyal ba rnams kyi yul la sbyor/ /gang zhig phyi yi g.yeng bral zhing / /nang gi bdag nyid gsal 'dod pas/ /mnyam bsams las rnams gdungs bsal nas/ /bla ma'i bdud rtsi'i ro myang bya//las dang po yis brtsam bya ba/ /zhi gnas mi mthun rgyu spong zhing / /lus sems bde bar bzhugs byas nas/ /skye ba'i mtshan nyid bsam par bya/ /kye ma'o rang bzhin la rmongs rnams/ /blo bur rtog pas kun du bslad/ /de bzhin yun ring goms shugs las/ /bde sdug gnyis tshogs dbang spyod pas//'khor ba'i nyon mongs tshogs su snang / /la las zhen chags rnam par 'khrul/ /la las spong 'dod sdug bsngal rgyu/ /la las spyod 'dod gnas ma dag/ /dga' ba kun la spyod rnams kyang / /lus ngag g.yeng zhing sdug bsngal rgyu/ /snang bde mnyam pa'i don gnas na//sku gsung gnyis su med pa'i lam/ /grol lam thabs la brten pa dag/ /bde ba'i ye shes rtogs bya'i phyir/ rtsa rlung so so'am thun mong gis/ /nyams myong bskyed par bya ba yin/ /'gro ba kun gyi phung po la/ /'khor lo dkyil 'khor bde chen bzhugs//rnal 'byor mthong bar 'dod pa yis/ /phung po'i dkyil 'khor blta bar bya/ /'og tu bskyed pa'i rkyen dbang gis/ /gtum mo raM bcas yang dag sbyor/ /dbyings snang ri bong 'dzin pa la/ /ye shes rdo rje rtse lnga gnas/ /dmar po oM sogs yig bcas pa'i/ /dbyibs can sprul sku gyen du phyogs//dkar po hUM sogs thur bltas pa'i/ /chos skus mngon du phyogs par mdzad/ /sgra gnas oM sogs yi ge tshogs/ /longs sku dmar po gyen du phyogs/ /tshangs bug 'og tu bde ba che/ /haM sogs dkar po thur bltas pa'o/ /steng gi yud tsam dgag byas pas//rgyun mi 'chad par rdo rjer bstim/ /bskyod pa'i ba dan gnyis bskul bas/ /'og nas yud tsam yud tsam dgag /rgyun mi 'chad par 'dren byas te/ /ri bong 'dzin pa'i khams zhus brgyan/ /bar skabs stod smad yan lag rnams/ /nyam chung 'bar sogs drags gyur na//cung zhig sbyor ba glod bya zhing / /g.yas g.yon steng 'og spro ba dang / /spyod lam sogs kyis bcos byas nas/ /bde 'gyur gang bzhin bslab par bya/ /de bzhin dbang po gzhan dag dang / /tshangs bug rten gnas dag kyang bsdu/ /dbye ba bzhi 'bum brten nus na//bum pa gang bar gnas pa yin/ /'byung 'jug gnas pa'i 'phro 'du yis/ /mtshan ma gsal bar brtag par bya/ /zla ba rdo rjes rgyas pa na/ /'khor ba'i gnas su rim pa bzhin/ /g.yas g.yon sdang mig gsum bsgyur zhing / /sdigs mdzub hri yi stsol bas spel//de bzhin gling bzhi gnas spro zhing / /slar nyid bde chen gnas su bsdu/ /haM las 'dzag pa'i bdud rtsi yis/ /dga' ba bzhi yi rim skyed cing / /phung po bcud bsdus k+Sha rtser gzung / /dga' ba chen pos rnam myos par/ /hUM gsum phyag rgyas 'dren byas nas//phyi yi dkyil 'khor spro bar bya/ /dngos kun bde ba'i ros rgyas te/ /stong nyid zag med ye shes gsal/ /de ltar 'khor ba mya ngan 'das/ /bde chen stong nyid rgyas btab nas/ /rang gi mtshan nyid rnam gsal cing / /rtog pa'i mtha' las rnam par grol//lhan cig skyes dga'i ye shes te/ /sprin med nam mkha' dri bral zhing / /brtan zhing 'bigs byed med par gnas/ /tshe 'dis sangs rgyas mngon du 'gyur/ /chags lam gzhan la brten pa yis/ /mtshan ldan rigs dang mthun pa la//dbang bskur byin brlabs gdams ngag 'bogs/ /glu dbyangs sman dang brdas bskul nas/ /b+ha ga'i mtshan mar rnam brtags te/ /phyag rgya so so'i sbyor ba dag/ /lnga nas drug cu rtsa bzhi'i bar/ /sbyor thabs drug cu rtsa bzhir bcas/ /phung po'i dkyil 'khor brtag bya ste//bsgrub gnas rol pa'i gnas shes bya/ /spyod pas gtum mo legs sbar bas/ /srub thabs sbyor ba 'dres pa yis/ /lnga phung sbyin sreg byas nas su/ /sprul skus lus rtog sbyong bar mdzad/ /gong nas gong du sbyor ba yis/ /chos dang longs spyod gnas spyod pas//sems dag dri ma rnam par spangs/ /bde ba chen po gnas rgyas pas/ /dga' dang mchog dga' rnam dga' dang / /lhan cig skyes dga' lugs su 'byung / /rdo rje dbyings mtshams sbyor ba'am/ /'bar ta ka ta'i rtse mor gzung / /gling bzhis rtse rnams bsdu bya ste//steng gi mtshan mas blta bar bya/ /dga' ba ma skyes bar dag tu/ /ma zin zin par brten gnas bya/ /lugs bzlog hUM dang k+ShaHyis 'dren/ /gtum mo nas bzung bde chen 'bar/ /dga' ba bcu drug 'phel gyur nas/ /phyi yi gling bzhir spro bar bya/ / shes rab la la thur bltas pa'i/ /yi ge las byung dkar po yis/ /'khor lo bzhi dang sbyor byas nas/ /k+ShaHrtse'i gnas gzung gong ma bzhin/ /thabs ldan sa dang gyen bltas la/ /gcig 'gyur a wa d+hU tIr zhugs/ /de la sprul pa'i 'khor lo yis/ /lus kyi dkyil 'khor rgyas par byas//slar nyid chos kyi 'khor lo'i gnas/ /bde ba'i ye shes gzung byas te/ /zin dang brtan dang bogs dbyung dang / /dbyung du med pa'i gnas 'jog pa'o/ /phyi yi gnas kyang rgyas byas shing / /gzung med 'dzin dang bral bar gzhag /khams gsum dngos po de lta bur//bde ba che las gzhan ma yin/ /blo mchog sbyangs pa'i 'phro ldan pas/ /phyi nang chos kun mkha' bzhin gsal/ /snang srid rang las rnam grol zhing / /'byung 'jug med par ye shes che/ /dbang po drug gi yul snang bas/ /de las gzhan med byang chub sems//rtog pa mtha' rnams 'dzin med pa'i/ /snang gsal bde ba chen po'i chos/ /gnas med btang snyoms chen po'i gnas/ /rtsol bral byang sems rtsol ba'i don/ /bcos med dran pa rang dgar gnas/ /chos nyid mnyam pa'i rgyan dang bcas/ / byung tshor 'gog dang rjes dran med/ /ma bcos mtha' bral bde ba'i rgyun/ /mngon sum gsal ba nyams myong ba/ /snang srid ma g.yos phyag rgya'i tshogs/ /chos kun rang bzhin de lta bur/ /bde chen rdo rje sems dpa'i sku/ /gsung thugs yon tan phrin las brgyan/ / ma rtsol rgod pa chen po'i dbyibs/ /de dus mtshan ma rnam myong ba/ /lus rtog sgra sogs snang zhing stong / /gsal ba'i don las gzhan mi 'gyur/ /chos rnams gang la chags sdang med/ /mkha' la khyung chen gnas pa dang / /chu la nya chen 'phyo ba bzhin/ /byis pa rnams ni gzugs sogs chags//'bring po'i blo ldan chags bral spyod/ /gzugs sogs ngo bo nyid shes pas/ /blo mchog rnams ni grol bar 'gyur/ /gzugs brnyan lugs ma la sogs la/ /rnal 'byor 'byung bar mi 'gyur gyi/ /byang chub sems la rab brtson na//de las rnal 'byor lhar 'gyur ro/ /byang chub sems ni rdo rje ste/ /sangs rgyas kun gyi bdag nyid yin/ /de bas thams cad bdag sbyor bas/ /sangs rgyas thams cad thob par 'gyur/ /de bas bdag nyid lhar sbyor bas/ /bdag nyid rab tu bsgrub par bya/ /'di yis sangs rgyas thams cad dang //dpa' bo rnams dang thams cad kyang / /rdo rje 'dzin pa thams cad du/ /tshe 'di nyid la 'grub par 'gyur/ /sbyor ba bzhi la legs gnas shing / /ting nges 'dzin nyams pa med pa'i blos/ /seng ge ri brags rgyu ba bzhin/ /'jigs med thams cad zil gyis gnon//thams cad mnyam pas spyad bya ste/ /'dod pa'i longs spyod kun gyis brgyan/ /bza' spyod kun la rol bya zhing / /rigs kyi dkyil 'khor mchod par bya/ /rnal 'byor thams cad nyer spyod pas/ /dpal ni bzhir 'gyur 'grub par 'gyur//rnal 'byor kun ni bcom ldan 'das/ /rdo rje sems dpa' de bzhin gshegs/ /de yi nye bar sbyor ba ni/ /khams gsum ma lus thams cad do/ /rnal 'byor kun gyis longs spyod kyis/ /ji ltar bde bar rten byed cing / /rang gi lha yi rnal 'byor gyis/ /bdag nyid rab tu mchod par bya//rjes su sbyor bas mchod byed cing / /rnal 'byor kun gyi bde ba dag /bdag nyid rab tu myong byed na/ /shin tu sbyor bas 'grub par 'gyur/ /sangs rgyas kun gyi bdag nyid kyi/ /ra sa ya na'i bde ba 'dis/ /rdo rje sems dpa'i dpal tshe dang / /[(]long [,]lang [)]tsho nad med bde ba 'grub//sangs rgyas kun dang mnyam sbyor bas/ /sangs rgyas kun dang mnyam par 'gyur/ /sangs rgyas kun dang mnyam pas na/ /sangs rgyas thams cad rab tu 'grub/ /rdo rje sems dpa'i dpal sbyor ba'i/ /mthu 'di nyid kyis thams cad du/ /mdor na phyag rgya thams cad ni//so so dag nas rab 'grub 'gyur/ /lta bas mi ngoms pa yi sku/ /thams cad bdag nyid ston par mdzad/ /legs so zhes pa grub pa ni/ /dam pa dag kyang rab tu stsol/ /sku gsum dbyer med las byung bas/ /sems can kun don rnam 'phrul zhing / /mdzad pa rgya chen sna tshogs kyis//don bzhin sprul pa mdzad pa yin/ /brtson ldan shes rab mchog gyur pa'i/ /mkhas mchog rnams kyis rnyed dka'i don/ /sangs rgyas thams cad mnyam par sbyor/ /mkha' 'gro sgyu ma bde mchog las/ /skyes mchog gang gis drin rnyed pa'i/ /rgya mtsho las byung rin po che//'gro ba'i don du brtag byas pas/ /'jug pa po rnams dga' bar gyis/ /rgyud rgyal rnams kyi rtsa ba'i don/ /gsang ba'i de nyid bzhi bcu gnyis/ /gces bsdus rtog pa bcu pa dang / /phyi ma'i phyi ma phyi ma las/ /gsang don rnam par dgod byas pas/ /'khrul rtog mi tshig bslad bral zhing //rgyud gzhan tshig phrad tsam bkod de/ /rgyal ba'i gsung bzhin rnam par bsdebs/ /cung zad bsags las byung ba yi/ /dri med ston ka'i zla 'dra bas/ /'gro ba'i ye shes gsal mdzad nas/ /dpal ldan sku gsum thob par shog/ /dpal rdo rje sems dpa'i gsang ba'i don rnam par dgod pa zhes bya ba/