CLOSE WINDOW

D1662
བོད་ཡིག

rgya gar gyi mkhan po A tsAr+ya shrad+d+ha ka ra barma dang / zhu chen gyi lo tsA ba dge slong rin chen bzang pos bcos zhing bsgyur te gtan la phab pa/ /[]@##/ /rgya gar skad du/ sarba kalpa sa muts+tsha ya nA ma sarba bud+d+ha sa ma yo ga DA ki ni dzA la sam+b+ha ra ut+ta ra ut+ta ra tan+t+ra TI kA/ bod skad du/ rtog pa thams cad 'dus pa zhes bya ba sangs rgyas thams cad dang mnyam par sbyor ba mkha' 'gro ma sgyu ma bde ba'i mchog gi rgyud phyi ma'i phyi ma rnam par bshad pa/ dpal rdo rje sems dpa' la phyag 'tshal lo/ /de ltar rnam par bshad pa chen pos rtog pa bcu'i bdag nyid/ sangs rgyas thams cad dang mnyam par sbyor ba mkha' 'gro ma sgyu ma bde ba'i mchog gi de kho na'i rtog pa thams cad bsdus pa zhes bya ba'i rgyud phyi ma'i yang phyi ma yis/rtsa ba'i rgyud la sogs pa la brjod pa'i rtog pa'i don dang / /rgyud phyi ma'i dang po'i sa chog dang / gdod ma dang tha ma med pa'i rdo rje sems dpa' dang /yig 'bru dang / sngags dbyung ba dang / shin tu dga' ba dang / shin tu bzang ba nyid dang / rdo rje snying po'i gtso bo nyid dang / sems dang sems dpa' dang / ting nge 'dzin dang / rdo rje dang / rdo rje 'dzin pa dang / rdo rje 'dzin pa chen po nyid dang / byang chub spyod pa dang /bdud dang bdud las rgyal ba dang / byang chub dang / sangs rgyas nyid dang / rdo rje gtum po mthar byed dang / phyag na rdo rje dang / dang po'i rigs bskyed pa dang / 'dod pa'i thar pa dang rnam pa gsum thams cad nyid dang / dang po'i snying po 'byung ba dang / nye ba'i snying po de nyid dang /bde ba chen po dang / rdo rje dang / don yod pa'i dam tshig dang / dkyil 'khor gyi don shes pa dang / dkyil 'khor du bcug pa'i rnam par smin pa dang / dkyil 'khor gyi thig gdab pa dang / rtog pa'i dngos grub dang / gsang ba chen po lnga dang /de bzhin nyid chen po dang / dkyil 'khor gyi gtso bo dang / rigs dang / dbang thams cad bskur ba dang / phyag rgya chen po'i tshogs kyi de nyid dang / thams cad 'gugs pa dang / mchod pa chen po dang / byin gyis brlab pa la sogs pa dang sgrub pa'o/ /de rnams kyi tshig dang don gyi 'khrul pa bsal bar bya ba'i phyir bsam gtan dang /bsam gtan gyi bdag nyid kyi don du rig pa'i las thams cad bsal bar bya ba'i dngos grub thams cad 'grub par byed pa rnams gsungs pa/ sangs rgyas thams cad la phyag 'tshal te/ zhes pa la sogs pa ste/de la dpal rdo rje sems dpa' la sogs pa'i shes rab kyi pha rol tu phyin pa'i rang bzhin sems dang sems las byung ba dang / de dang rgyu mthun pa rnams sprul pa dang 'dra ba/ dpal rdo rje sems dpa' la sogs pa ni/ sangs rgyas thams cad ces pa'o/ / de dag la phyag 'tshal te/ zhes pa ni ste/ zhes pa'i sgra ni nges pa'i don te/ sangs rgyas de dag kho na la phyag 'tshal ba yin gyi/ gzhan ni ma yin zhes pa'i tha tshig gi/ /ma lus lus pa med ces pa la sogs pa ni/ de la ma lus zhes pa ni chos kyi dbyings dang / 'jig rten gyi khams thams cad la'o//lus pa med ces pa ni thams cad ma lus pa'o/ /grub pa zhes pa ni/ thabs dang shes rab kyi dngos po dpal rdo rje sems dpa' la sogs pa sgrub par byed pa'i sgom pa'i stobs kyis mngon du gyur pa'o/ /rnam rtog med pa'i sems la ni/ /zhes pa ni/gzung ba dang 'dzin pa'i rnam par rtog pa med pa mi rtog pa'i sems rtse gcig pa'o/ /yang de kho na gsungs pa de kho na nyid nges par zhes pa ste/ rtog pa'i don shes pa la sogs pa ngo bo ni de kho na nyid ces pa'o/ /de'i nges pa la bzung ba'i ngo bo nyid gnas pa ni nges par gnas zhes pa'o//don ni 'di ltar gsung bar 'gyur te/ rang bzhin dag pa'i chos thams cad dpyad pa la gnas pa'i sems 'di ni sangs rgyas thams cad la phyag 'tshal te zhes pa'o/ /dpal rdo rje sems dpa' la sogs pa'i thabs dang shes rab kyi rang bzhin bskyed pa'i chos kyi yi ges ni/yang nas yang du gtan la phab ste bskyed nas sgrub pa pos mngon du byed pa ni rtog pa'i don shes pa rnams kyi gzhir gyur pa'o/ /de bas de 'dra ba la ni/ de kho na nyid nges par gnas zhes so/ /des ni chos kyi phyag rgya gtso bor gyur pa shes rab kyi pha rol tu phyin pa la gsal bar byed pa'i rgyu 'di yin no//dpal rdo rje sems dpa'i rigs su gsungs pa'i chos kyi phyag rgya yis ni rtog pa thams cad 'dus pa 'jug pa la bshad par byed do/ /da ni chos kyi phyag rgyas gang grub par byed pa de ston pa ni/ sems dpa' sangs rgyas kun gyi dngos/ / zhes pa la sogs pa ste/ de dag kyang bshad zin to/ /de ltar gzung ba'i tshig gis chos kyi phyag rgya la de kho na nyid gnas par gsungs nas/ de gnas pa'i man ngag gi tshig gis re zhig gsungs pa/ 'dod chags chen po bde che la/ /zhes pa nas brtsams nas/ thams cad mi gsung 'os ma lags//zhes ji snyed pa'i bar du'o/ /da ni man ngag gi tshig rnams ston pas gsungs pa/ de nas ston pa rdo rje 'dzin/ /zhes pa la sogs pa ste/ de la de nas zhes pa ni zhus pa'i de ma thag pa'i tshig de kho na'o/ /skal ba ji lta ba bzhin du sems can gyi khams la rang gi bka' 'byor par byed pas ston pa zhes pa'o//rdo rje 'dzin zhes pa ni dpal rdo rje sems dpa' ste/ bka' stsal pa zhes pa dang 'brel to/ /dpal rdo rje sems dpa' la sogs pa'i dkyil 'khor gyi rang bzhin rtog pa la ni rtog pa kun gyi ces pa'o/ /de dag gi gtso bo chen po zhes pa ni nam mkha'i khams thams cad la rtag tu gnas pa'i sku dang /gsung dang / thugs rdo rje bcom ldan 'das bskyed pa'i rkyen to/ /the tshom dag gis zhes pa la sogs pa ni go sla ba'o/ /rnam par mi rtog chos dag la/ /zhes pa ni ji ltar gsungs pa'i dpal rdo rje sems dpa' la sogs pa'i rang bzhin gzung 'dzin rnam par rtog pa med pa la zhes pa'i tha tshig go//sems can don du yongs su rtog /ces pa ni 'dul ba'i sems can de dag gi don du dpal rdo rje sems dpa' la sogs pa'i mngon par 'dod pa'i don grub pa ni sems can don du yongs su rtog /ces pa'o/ /de'i don du rdo rje sems dpa' la sogs pa'i dkyil 'khor la sogs pa'i de kho na nyid 'di sgra'i don du shes pa rjes su 'gro ba'i shes rab kyis phyogs bcur rnam par gzhag pa ni yongs su rtogs zhes pa'o/ /de phyir rtog par yang dag bshad/ / ces pa ni 'dul ba'i sems can gyi don gyi rgyud yin pa'i phyir dpal rdo rje sems dpa' kho nas rtogs par bshad do/ /rtog pa yongs su dag phyir ro/ /zhes pa ni 'dul ba'i sems can gyi khams kyi gzung 'dzin gyi rnam par rtog pa spang ba'i don du zhes pa'i tha tshig go/ /de ltar rtog pa'i don shes pas dngos grub gsungs nas//rgyud phyi ma'i don shes pa med na/ dngos grub mi 'gyur te/ de bsal ba'i don du rgyud phyi ma'i don shes par gsungs pa/ 'di la ji ltar rgyud phyi ma yin zhe na zhes pa la sogs pa ste/ rgyud ni rab tu 'brel par bshad/ /ces pa ni rigs 'di lha thams cad kyi thun mong gi dkyil 'khor de kho na nyid la sogs pa 'brel pa ste/gsal bar byed pa'i sgra 'dus pa nye bar spyad pa ni de bzhin gshegs pa'i rgyud ces gsungs so/ /phyi ma gong du phyung ba yin/ /zhes pa ni de bzhin gshegs pa rnams byung yang rung ma byung yang rung bskal pa bzang po la sogs pa'i sngon du/da lta'i dus kyi rang bzhin nyid kyis dpal rdo rje sems dpa' la sogs pa'i rang bzhin rtag par gnas gcig cing mchog tu 'jig rten las 'das pa dam tshig chen po 'byung ba gang yin pa de ni rgyud phyi ma'i gong du byung ba'o/ /de kho na yang gsungs pa/ de nyid gsang ba gsang chen dag /de yang rgyud ni phyi mar 'dod/ /ces pa ste de nyid gsang ba gsang chen ni gong du bstan pas shes par bya'o/ /de yang zhes pa ni don de kho na nyid gsungs pa'o/ /des ni 'di gsung bar 'gyur te de nyid dang / /gsang ba dang / gsang chen du gang dang gang ston pa de dang de ni rgyud phyi ma zhes 'dir 'dod pa'o//de ltar yang gsungs pa/ gang dag 'jig rten gyi sbyor ba dang / 'jig rten las 'das pa'i chos de kho na nyid la sogs pa rnams de dag ni rtsa ba'i rgyud ces pa dang / gang dag 'jig rten las 'das pa dam tshig chen po'i de nyid rnams de dag ni rgyud phyi ma zhes 'dod do//de ltar rgyud phyi ma zhes pa bstan nas/ dang po'i sa'i de nyid ces pa gsungs te/ 'di la ji ltar dang po'i sa zhes pa la sogs pa ste/ phyogs bcu nas rdzas thams cad dngos po'i rang bzhin dngos po thams cad go 'byed pa sbyin pa'i ngo bo ni nam mkha' kun du zhes pa'o/ / de rab tu gnas pa gzhan gang de de ltar ro/ /dbang po rdo rje dang / rin chen dang / pad+ma dang / sna tshogs rdo rje dag gis byams pa de ni/ rdo rje kun gyi dngos po mchog /ces pa'o/ /de nyid bde ba chen po bskyed pa'i phyir bde ba chen po zhes pa'o/ / sems can thams cad kyi re ba kun yongs su bskang ba'i phyir de nyid dgyes pa che zhes pa'o/ /da lta'i dus kyi rang bzhin nyid kyis rtag par gnas pas na/ dam pa'i yi ge gzhal yas khang / /zhes pa ste brtan pa'o/ /de ltar dang po'i sa'i de bzhin nyid kyi shes pa bstan nas/ da ni rang byin gyis brlab pa la sogs pa'i cho ga brtsams pa nas dkyil 'khor bsgom pa la de kho na nyid bsam pa'am/ sbyor ba la sogs pa sgom par byed 'dod pas/ mi skye bar ston pa'i sgra yig dang po la yig 'bru ka kha la sogs pa rnams dang / sgra yig a la sogs pa bco lnga ni/de bzhin nyid kyi sbyor bas btsud nas/ rang gi rigs gtso bo dang po'i rdo rje la sogs pa'i gzugs bsams te/ zla ba'i dkyil 'khor gnyis kyis bskor ba'i spyi bo nas ma reg par zla gam gyis brgyan par bsams te/ de'i dbus su zla ba'i yi ge rnams yid kyis sangs rgyas thams cad kyi ri mo bris nas de kho na brjod pas/bzlas pa'i don du dkyil 'khor la sogs pa bsgom par bya'o zhes pa ston pa'i don 'di la ji ltar gdod ma dang tha ma med pa'i rdo rje sems dpa' yin zhe na/ lan btab pa shes rab mdun du byas pa'i yi ge ka la sogs pas gdod ma tha ma med pa'i rdo rje sems dpa' de nyid ces pas gsungs pa'o//de la yi ge ka la sogs zhes pa ni zla ba'i dkyil 'khor la bri bar bya'o zhes pa dang 'brel lo/ /de ji ltar bri ba yin zhe na gsungs pa d+ha yig mtha' dang nga nya spangs nas 'jug par bya zhes pa ste/ka'i sde la yi ge nga dang / tsa'i sde la yi ge nya spangs nas rang gi snying ga'i zla ba la g.yas kyi glo nas yi ge ka la sogs pa nga'i bar gyi yi ge 'bru bcu drug gi phreng ba yid kyis bri ba dang / yang g.yon gyi glo nas yi ge nga la sogs pa'i k+Sha'i bar yig 'bru bcu drug gi phreng ba dang /de ltar phreng ba gnyis kyis bskor ba bri bar bya'o/ /de nas phreng ba gnyis kyi dbus su se ral kha'i skud pa bzhin du sgra yig a la sogs pa bcu drug gi phreng ba yid kyis bri bar bya'o/ /de'i phyir gsungs pa/ dbus gnas par ni a yig phreng / /zla ba'i dkyil 'khor la bkod do//zhes pa'o/ /thig le zla tshes ldan par zhes pa ni sgra yig bco lnga pa la gang thig le'i gzugs su gnas pa zla tshes kyi tshul du yongs su btab pa'o/ /bar zhes pa'i sgra ni nges pa'i tshig yin pas zla tshes kyi tshul kho na zhes pa'o/ /tshes drag zla ba gnyis yin te//sgra yig bcu drug tshes drag tu gnas pa de ni yongs su gang ba'i zla ba gnyis kyi gzugs su bsam pa'o/ /a yig mi 'gyur bsgom par bya'o/ /zhes pa ni sgra yig bco lnga pa la rang bzhin gyis zla ba gnyis med pas yi ge a mi skye ba'i myu gu bsgom ste/ yi ge a de kho na myu gu'i gzugs su phyir gyur par bsgom par bya'o zhes pa'i don to//gnas gang du rang bzhin gang ltar sgra yig myu gu de bsgom par bya zhe na gsungs pa/ dbus su rdo rje dngos por gnas/ /zhes pa ni rang gi snying ga'i zla ba'i dkyil 'khor gyi dbus su sgra yig rnams kyi dbus su dang po rdo rje la sogs pa'i rang bzhin gnas pa de bsgom mo//de'i dbus rtag tu bsgom pa ni/ /'dod chags chen po bde ba che/ /zhes pa ni dang po'i rdo rje la sogs pa'i bum pa'i nang du rtag par sbyor ba yis bsgoms nas/ yang nas yang du mngon du byas pa'i yi ge hU~M la sogs pa'i rang bzhin snying po dang sngags dang phyag rgya dang /rig pa'i yi ge bdag nyid ji ltar gsungs pa'i dbus su sangs rgyas pa'i yi ge bris nas ji lta ba bzhin du rnal 'byor pas 'dod chags chen po bde ba ches rtag par bsgom pa yin te/ 'dod chags chen po dang bde ba chen po dang gnyis kyis ston pa dang /bskyed par bya ba'i phyir yang de las byung ba nyid kyi phyir ro/ /'dod chags chen po bde ba che/ /zhes gsungs pa ni phyag rgya dang / sngags dang / rig pa'i bdag nyid dpal rdo rje sems dpa' zhes pa'o/ /de bsgom pa'i man ngag kyang gong du bshad zin pas ma bshad do//'di de sangs rgyas thams cad kyi/ /sangs rgyas ri mor grags pa yin/ /zhes pa ni A li kA li mnyam par byas pa'i 'og nas phyir gyur pa de'i 'og tu ri mos yi ge thams cad btsud pa zhes pa ste/ gang du gsungs pa 'di de zhes pa'i don to//gang gi don du rang gi snying gar gnas pa'i rdo rje'i dbus su bzlas pa'i yi ge btsud nas bsgom par bya ba yin zhe na/ gsungs pa de las 'gro ba zhes pa la sogs pa ste/ ci'i phyir na 'di las thams cad lus pa med pa'i phyogs bcu na skye ba dang / 'byung ba dang / g.yo ba'i bdag nyid dpal rdo rje sems dpa' la sogs pa'i rang bzhin 'gro ba rnams yin pa de'i phyir rnal 'byor pas kyang dpal rdo rje sems dpa' la sogs pa'i rang bzhin du de dag thams cad rang gi rgyud skyed par byed 'dod pas/ji ltar gsungs pa'i rdo rje'i dbus su dpal sangs rgyas kyi ri mo zla ba'i yi ge rnams yid kyis bkod de bsgom par bya'o//rgyu ci'i phyir na dang po'i rdo rje nye bar brtag pa'i bcom ldan 'das gdod ma dang tha ma med pa'i gsung zhe na/ lan gsungs pa/ nam mkha' las byung mtshan nyid phyir/ /zhes pa la sogs pa ste/ kha cig gis ji ltar gsungs pa sa phyogs 'di la ri la sogs pa bsal bas nam mkhar bya'o zhes pa ste/de ni legs par ldan pa ste/ /gsal ba kho nar gsung bar 'gyur te/ ri la sogs pa bsal nas nam mkhar bya ba'o/ /de bzhin du rnal 'byor pas kyang yang dag pa ma yin pa'i kun brtags gsal ma thag tu rdo rje sems dpa' bskyed de zhes btags pa ste/de bzhin gshegs pa'i snying po'i ngo bo yis nam mkha' bzhin du rtag par gnas pa'i phyir ro/ /de bas na/ gdod ma tha ma med mchog yin/ /zhes pa'o/ /ci 'dra ba yin zhe na gsungs pa/rdo rje chen po dngos zhes pa ste/ de bzhin nyid rdo rje chen po'i rang bzhin zhes pa'i don to/ /de kho na sems can gyi don la chags pa'i phyir sems ni zhes pa'o/ /rdo rje sems dpa' zhes 'dod do/ /zhes pa ni rgyud 'di kho na la'o/ /de'i bde ba zhes kho nas dngos grub 'gyur ro zhes ston pas/'di la bcom ldan 'das gang yin zhes pa'i dri tshig sngon du byas nas/ dngos grub chen po kun gyi mchog /ces pa la sogs pa gsungs pa/ dngos grub chen po yang de ste/ /kun gyi mchog kyang de nyid pas/ /dngos grub chen po kun gyi mchog /ces te/ gdod ma dang tha ma med pa'i chos kyi dbyings mngon du byas pa'i phyir ro/ /de nyid dbang phyug chen po zhes te/ khams gsum na chos kyi rgyal po thob pa'o/ /de'i mtshan ma dbang du byed pa'i lha ni rig pa'i lha zhes pa'o/ /longs spyod rdzogs pa'i sku'i rang bzhin ni dpal rdo rje sems dpa' ni skyes bu'am/lhag pa'i lha zhes gsungs pa'i phyir ro/ /rgyal po rdo rje chen po 'dzin/ /zhes pa ni de la gzugs thams cad yang dag par snang bar byed pas rgyal po zhes so/ /rdo rje 'dzin yang de chen po yang de nyid pas rdo rje 'dzin chen po zhes te de bzhin nyid dang ro gcig pa'i chos thams cad bdag med pa'i ye shes kyi dngos po thams cad rjes su rtogs pa'i rang bzhin 'dzin pas na/rdo rje sems dpa' ni rdo rje 'dzin zhes pa'o/ /dga' ba dam pa zad med yin/ /zhes pa ni bshad zin to/ /de ltar gdod ma dang tha ma med pa'i rang bzhin gyis bcom ldan 'das kyi gsang ba dang /bden pa dam pa'i rang bzhin gyis sku'i gsang ba bstan nas/ da ni khyad par du bsgrub pa'i ngo bo dpal rdo rje sems dpa' la sogs pa chos kyi yi ge'i sngags rnams gsung gi gsang ba gsal bar bya ba'i don du gsungs te de la/ji ltar yi ge rtogs pa yin/ /zhes pa'i dri tshig tu byas nas/ /yi ge a la sogs pa zhes pa la sogs pa'o/ /de dag kyang go sla'o/ /yig 'bru zhes pa dang / mi zad dga' ba'i zhes pa ni bshad zin to/ /rdo rje can zhes pa ni dpal rdo rje sems dpa'i rgyu ci'i phyir ro//a la sogs pa'i yig 'bru'i rang bzhin dga' ba'i rdo rje can zhes pa yin zhe na gsungs pa/ de nyid kun don mtshan nyid phyir/ /zhes pa ste/ dkyil 'khor la sogs pa de nyid bcu ni de nyid kun zhes pa'o/ /de dag gi don zhes pa ni thabs dang shes rab kyi rang bzhin no//de'i mtshan nyid ces pa ni gsungs pa'o/ /de'i phyir yi ge a la sogs pa'i gsung gi byas pa'i mtshan ma'i phyir yi ge zhes gsungs te/ de nye bar ston pa'i phyir de ltar phyi nang gi rang bzhin sems can gyi don bya ba'i thabs kyi ngo bo bcom ldan 'das yi ge a la sogs pa'i ngo bo'i rnam par sgom pa'i don gsungs nas/da ni nges par ston pa'i don gsungs pa/ 'di la ji ltar sngags dag 'byung / /zhes pa la sogs pa ste go sla'o/ /re'u mig sum cu tham pa la/ /bcu dgu dang ni ldan par bya/ /zhes pa ni nub phyogs su kha bltas nas 'dug pas ji ltar gsungs pa'i gru bzhir byas nas/phyogs la ji ltar 'dod pa'i cha mnyam par byas pa'i re'u mig bzhi bcu rtsa dgu thig bcu drug gis bya'o/ /brgya phyed stan la zhes pa la sogs pa ni dbus kyi re'u mig la yi ge k+Sha thig le dang nga ros brgyan pa mgo nub [(]du [,]tu [)]bltas pa bri bar bya'o//mtshams dang phyogs kyi re'u mig la/ zhes pa la sogs pa ni/ ji ltar gsungs pa'i yi ge k+Sha de dbang ldan gyi re'u mig la yi ge ya dang / shar na yi ge sha dang / me mtshams na yi ge ra dang / lho na yi ge Sha dang / bden bral na yi ge ya dang / nub na yi ge sa dang /rlung mtshams na yi ge wa dang / byang phyogs na yi ge ha rnams bri bar bya'o/ /me mtshams la sogs re'u mig la/ /zhes pa la sogs pa'i re'u mig dgu'i phyi rol gyi me mtshams kyi re'u mig las brtsams nas/ sgra yig bcu drug bri bar bya'o/ /zhes pa'i tha tshig go//'di lta ste g.yas su bskor ba'i rim pas dang por re zhig sgra yig bdun pa dang / de nas bzhi pa dang / de nas lnga pa dang / drug pa dang / brgyad pa dang / bcu gcig pa dang / bcu gnyis pa dang / bcu gsum pa dang / dgu pa dang / bcu bzhi pa dang / bco lnga pa dang / bcu drug pa dang / bcu pa dang / dang po dang / gnyis pa dang / gsum pa'i sgra yig rnams bri bar bya'o/ /de la sgra yig rnams ni 'di lta ste/ r-i i/ u U r-I/ e ai/ o l-i/ au a~M aH l-I a A I zhes so/ /dbang ldan la sogs re'u mig /ces pa la sogs pa ni sgra yig bcu drug gi re'u mig de'i phyi rol na/ nyi shu rtsa bzhi pa'i re'u mig la dbang ldan gyi re'u mig nas brtsams nas g.yas su bskor ba'i rim pas yi ge ka nas brtsams nas yi ge b+ha'i mthar thug pa'i yig 'bru nyi shu rtsa bzhi bri bar bya'o/ /yig 'bru de dag thams cad kyang shar gyi phyogs su mgo bstan la bri'o/ /sgra yig kyang de bzhin no/ /yig 'bru dam pa dbyung bar bya/ /zhes pa la sogs pa ni go sla'o/ /re'u mig nyi shu rtsa bzhi la gnas pa zhes pa la sogs pa ni yi ge ha'o/ /zla phyed gtsug phud zhal zhes pa ni zla tshes thig le dang ldan pa'o//'og gi drug ces pa ni sgra yig drug dang ldan pa'o/ /dpal rdo rje sems dpa'i chos ni yi ge hUM ngo / /re'u mig bcu bzhi zhes pa la sogs pa ni tsheg drag dang ldan pa'i yi ge dzaHste dpal bde mchog ma'i 'o/ /re'u mig nyi shu rtsa bzhi zhes pa la sogs pa ni dpal rdo rje sems dpa'i chos kyi yig 'bru kho na te/e ma bde ba mo'i sa bon hUM ngo / /re'u mig sum cu rtsa gcig pa zhes pa ni yi ge wa'o/ /gnas pa nga ro thig ler ldan/ /zhes pa ni zla tshes dang thig ler ldan pa'i baM de mar me ma'o/ /re'u mig nyi shu rtsa bzhi la gnas pa zhes pa ni yi ge ha'o//tsheg drag sbyor bar bya zhes pa ni sgra yig bcu gsum dang ldan pa ste/ lha mo zla ba mo'i sa bon ha'o/ /re'u mig bcu gcig pa la gnas/ /zhes pa ni/ sgra yig gnyis pa'o/ /thig le nga ro yang dag ldan/ /zhes pa ni zla tshes dang thig ler ldan pa'i yi ge oM ni sangs rgyas byang chub ma'i 'o//re'u mig brgyad pa la gnas pa/ /zhes pa ni yi ge b+ha ste/ de la zla tshes dang thig les brgyan pa'i 'og tu yi ge ra dang / sgra yig drug pa dang ldan pa'i chos kyi 'khor lo sa bon yi ge b+h+ru~M ngo / /re'u mig nyi shu rtsa bzhi la/ /zhes pa la sogs pa ni yi ge ha la tsheg drag dang bcas pa'i khams gsum rnam par rgyal ba'i sa bon te yi ge ha'o//re'u mig gnyis pa zhes pa la sogs pa ni yi ge kha la thig le dang nga ro ldan par bya ste/ 'dod pa kun mdzad ma'i sa bon khaM 'o/ /re'u mig sum cu rtsa brgyad ces pa la sogs pa ni sgra yig bcu gsum pa ste/thig le dang nga ros brgyan pa'i gling bu ma'i sa bon yi ge oM mo/ /dbus gnas bco lnga zhes pa ni yi ge ta la sgra yig bcu gcig pa'i thig le dang ldan par bya ste/ pi wang ma'i sa bon yi ge ta~M ngo / /re'u mig sum cu gcig ces pa la sogs pa ni yi ge wa la sgra yig e dang thig le dang ldan par byas te/rnga chen ma'i sa bon yi ge waM ngo / /re'u mig nyi shu rtsa gcig ces pa la sogs pa ni yi ge sa la thig le dang / sgra yig gnyis pa dang ldan par byas la rdza rnga chen mo'i sa bon yi ge saM ngo / / re'u mig bcu pa la gnas pa zhes pa ni sgra yig dang po ste/ me tog ma'i sa bon yi ge oM mo/ /bcu gcig pa yang de bzhin te/ /zhes pa'i sgra ni sgra yig gnyis pa ste spos me ma'i sa bon yi ge a'o/ /re'u mig nyi shu rtsa gsum pa zhes pa la sogs pa ni sgra yig bco lnga pa mar me ma'i sa bon yi ge oM ngo //bcu drug pa'ang de bzhin te/ /zhes pa ni sgra yig bcu drug pa ste/ dri chab ma'i sa bon yi ge a'o/ /rta mgrin 'phang mtho lcags kyu sogs/ /zhes pa ni rta mgrin 'phang mtho ma'i sa bon yi ge dza'o/ /phag mgo ma'i haM ngo / / thal bar 'jig pa'i ro langs ma'i ha'o/ /chos kyi yig 'bru rnams so/ /de ltar dpal rdo rje sems dpa' 'khor dang bcas pa'i khyad par gyi yi ge 'bru rnams ston nas/ da ni dpal rnam par snang mdzad 'khor dang bcas pa'i gsungs na/ re'u mig gnyis pa can kho na//zhes pa la sogs pa ste yi ge kha la zla tshes brgyan par byas pa dpal rnam par snang mdzad kyi chos kyi yi ge khaM ngo / /re'u mig bco brgyad la zhes pa la sogs pa ni yi ge sha la thig le dang nga ror ldan par byas la/ phyag rgya'i dkyil 'khor la sangs rgyas chos gos ma'i phyag rgya te yi ge shaM ngo //re'u mig bcu dgu zhes pa la sogs pa ni yi ge ra la thig le dang nga ror ldan par byas nas sangs rgyas lhung bzed ma'i phyag rgya ste yi ge raM ngo / /re'u mig nyi shu rtsa lnga zhes pa la sogs pa ni yi ge k+Shal thig le dang nga ror ldan par byas nas sreg shang ma'i chos kyi phyag rgya ste yi ge k+ShaM ngo //dbus gnas nyi shu pa zhes pa la sogs pa ni/ yi ge tha la nga ro dang thig ler ldan par byas nas/ shes rab kyi pha rol tu phyin pa'i glegs bam gyi phyag rgya ste yi ge thaM ngo / /re'u mig nyi shu rtsa bzhi zhes pa la sogs pa ni yi ge a la nga ro dang thig le ldan par byas la/dpal sangs rgyas dbyangs ma'i ljags kyi phyag rgya ste yi ge haM ngo / /re'u mig bdun pa de bzhin du/ /zhes pa la sogs pa ni/ yi ge tsha la sgra yig bcu gcig pa dang ldan pa'i thig le nga ros rgyas par byas pa la/dpa' bo ma'i sil snyan gyi phyag rgya ste yi ge tshaM ngo / /dbus nas nyi shu rtsa gcig ces pa la sogs pa ni yi ge ta 'og tu yi ge ra dang ldan par byas nas thig le dang nga ros brgyan pa kun tu bzang mo'i phyag rgya ste yi ge traM ngo / /dbus nas bco brgyad ces pa la sogs pa ni yi ge d+ha la thig le dang nga ro dang ldan par byas pa/zad med snod kyi de'i phyag rgya ste yi ge d+haM ngo / /lhag ma lha mo rnams kyi ni dpal rdo rje sems dpa'i dkyil 'khor kho na la gsungs pa'i chos kyi yi ge gzung bar bya'o/ /de ltar dpal rnam par snang mdzad 'khor dang bcas pa'i chos kyi yi ge bstan nas/de ni dpal khrag 'thung 'khor dang bcas pa'i gsungs pa/ nyi shu rtsa bzhi'i re'u mig /ces pa la sogs pa ste yi ge ha la sgra yig bzhi pa dang ldan par byas nas/ dpal khrag 'thung gi chos kyi phyag rgya yi ge ha'o/ /re'u mig nyi shu rtsa bzhi zhes pa la sogs pa ni/ ha la 'og tu ra btags nas sgra yig gsum pa dang ldan pa glo na tsheg drag can byas te/ dpal gau rI ma'i sa bon yi ge hriH'o/ /re'u mig nyi shu rtsa bzhi la gnas pa dbus na bcu gcig dang ldan pa zhes pa la sogs pa ni yi ge ha la 'og tu na btags nas/ mgo la yang sgra yig gsum pa tsheg drag dang bcas pa ni tso rI ma'i sa bon yi ge hriH'o//re'u mig bcu bzhi la gnas pa/ /zhes pa la sogs pa ni/ yi ge dza'i 'og tu dza 'dogs te/ mgo la yang sgra yig gsum pa dang / tsheg can pra mo ha'i sa bon te yi ge dz+dziH'o/ /re'u mig bcu bzhi pa la gnas pa zhes pa la sogs pa ni yi ge dza la tsheg drag dang sgra yig gsum pa dang ldan par byas la/be ta li'i sa bon te yi ge dziH'o/ /re'u mig nyi shu rtsa bzhi la zhes pa la sogs pa ni yi ge ha la sgra yig lnga pa dang ldan pa la thig le dang nga ror ldan par byas pa'o/ / thig le 'byung gnas gsum pa can/ /zhes pa la sogs pa ni yi ge hUM de kho na yi ge ma dang ldan par byas pa'o/ /dbus gnas bcu pa gang yin la/ /drag tu a med par 'gyur ba/ /zhes pa ni yi ge Ta la a med par bya ba'o/ /yi ge ni 'di ltar gsung par 'gyur te hUM phaT ces so//puk+ka sI dang / tsaN+Da lI dang / g+hasma rI dang / dpal khrag 'thung dang 'dra ba'i sma sha ni'i lha mo rnams kyi chos kyi phyag rgya 'di yin no/ /re'u mig nyi shu rtsa lnga zhes pa la sogs pa ni yi ge ma thig le dang ldan par byas la mda' rnon 'dzin ma'i sa bon yi ge maM ngo / /dbus na drug pa zhes pa la sogs pa ni yi ge wa la thig le dang nga ros brgyan par byas pa/kha T+rA~M 'dzin ma'i sa bon yi ge waM ngo / /re'u mig de bzhin bcu bdun pa/ /zhes pa la sogs pa ni yi ge ya la thig le dang nga ros brgyan par byas la/ 'khor 'dzin ma'i sa bon yi ge yaM ngo //re'u mig bcu dgu zhes pa la sogs pa ni yi ge ra la nga ro thig ler ldan par byas nas sna tshogs ba dan 'dzin ma'i yi ge raM ngo / /gling bum la sogs pa'i lha mo bzhi ni dpal khrag 'thung gi dkyil 'khor la lhag par 'gog pa yin pas/ de'i chos kyi phyag rgya ma gsungs so//me tog ma la sogs pa'i lha mo bzhi dang dpal rta mgrin 'phang mtho ma la sogs pa'i lha mo bzhi ni dpal rdo rje sems dpa' las byung ba'i chos kyi yi ge rnams gzung ba'o/ /de ltar dpal khrag 'thung 'khor dang bcas pa'i chos kyi phyag rgya bstan nas/da ni dpal pad+ma gar gyi dbang phyug 'khor dang bcas pa'i gsungs pa/ re'u mig nyi shu rtsa bzhi la/ /zhes bya ba la sogs pa ste/ yi ge ha'i 'og tu ra btags nas mgo la yang e'i sgra yig bzhi pa dang / tsheg drag dang ldan par byas pa dpal pad+ma gar gyi dbang phyug gi chos kyi phyag rgya yi ge hriH'o//re'u mig bcu bzhi la gnas pa/ /zhes pa la sogs pa ni yi ge dza la tsheg drag dang ldan pa ste/ rnam par gzigs ma'i sa bon yi ge dzaH'o/ /re'u mig nyi shu rtsa bzhi zhes pa la sogs pa ni/ yi ge ha la sgra yig drug pa dang ldan pa'i thig le can ni sgrol ma'i sa bon yi ge hUM ngo / /re'u mig sum cu rtsa gcig ces pa la sogs pa ni yi ge wa la thig le dang nga ro dang ldan par byas nas/ sa 'dzin ma'i sa bon yi ge waM ngo / /re'u mig nyi shu rtsa bzhi zhes pa la sogs pa ni yi ge ha la sgra yig bcu gsum pa btags nas tsheg drag dang ldan pa khro gnyer ma'i sa bon yi ge hoH'o//re'u mig nyi shu rtsa bzhi zhes pa la sogs pa ni yi ge ha la thig le dang sgra yig drug pa btags pa rdo rje gtum po'i dbang phyug ma'i sa bon yi ge hUM ngo / / re'u mig nyi shu rtsa bzhi pa zhes pa la sogs pa ni yi ge ha la sgra yig bcu gcig pa btags pa sna tshogs pad+ma'i sa bon yi ge he'o/ /re'u mig bcu gcig ces pa la sogs pa ni sgra yig gnyis pa la tsheg drag dang bcas pa pad+ma'i na bza'i sa bon yi ge AH'o/ / re'u mig nyi shu rtsa bzhi zhes pa la sogs pa ni yi ge ha la sgra yig bcu gsum pa dang ldan pa'i tsheg drag can 'dod pa'i dbang mo'i sa bon yi ge hoH'o/ /lhag ma rnams kyi dpal rdo rje sems dpa'i dkyil 'khor kho na la gsungs pa'i chos kyi yig 'bru rnams so/ /da ltar dpal pad+ma gar gyi dbang phyug 'khor dang bcas pa'i phyag rgya bstan nas/de ni dpal rdo rje nyi ma 'khor dang bcas pa'i gsungs pa/ nyi shu rtsa gcig ces pa la sogs pa ste yi ge ta la sgra yig gnyis pa dang ldan pa'i thig le can yi ge ra btags pa dpal rdo rje nyi ma'i chos kyi phyag rgya'i yi ge traM ngo //dbus gnas bcu gsum zhes pa la sogs pa ni sgra yig bcu gsum pa la zla tshes kyis brgyan pa dbang bskur ba ste yi ge oM mo/ /re'u mig nyi shu rtsa bzhi la/ /zhes pa la sogs pa ni ra la gdan byas pa'i yi ge ha la sgra yig bzhi pa dang / / tsheg drag dang ldan par byas pa lha mo gter ldan ma'i sa bon yi ge hriH'o/ /re'u mig nyi shu rtsa bzhi zhes pa la sogs pa ni yi ge ha la sgra yig bcu gsum pa ldan par byas pa la tsheg drag lha mo rgyal mtshan mchog ldan ma'i sa bon yi ge hoH'o/ /re'u mig nyi shu rtsa bzhir gnas//zhes pa ni yi ge ha la sgra yig gnyis pa dang ldan pa zla tshes kyis brgyan pa'i lha mo mchod pa chen po'i sa bon yi ge hAM ngo / /re'u mig bcu bzhi la gnas pa/ /zhes pa la sogs pa ni yi ge dza la tsheg drag can mda' gzhu 'dzin ma'i sa bon yi ge dzaH'o/ /re'u mig nyi shu rtsa bzhir gnas//zhes pa ni yi ge ha la sgra yig drug pa dang ldan pa'i zla tshes kyis brgyan pa rdo rje ral gri ma'i sa bon yi ge hUM ngo / /re'u mig sum cu rtsa gcig gnas/ /zhes pa la sogs pa ni yi ge wa la zla tshes dang thig les brgyan pa rdo rje nyi ma'i sa bon yi ge waM ngo //re'u mig nyi shu rtsa bzhir gnas/ /zhes pa la sogs pa ni yi ge ha la sgra yig bcu gsum pa dang ldan pa tsheg drag can rdo rje sbyin sreg ma'i sa bon yi ge hoH'o/ /gling bu ma la sogs pa rnams kyi ni dpal rdo rje sems dpa'i dkyil 'khor kho na la gsungs pa'i chos kyi phyag rgya rnams gzung bar bya'o//de ltar dpal rdo rje nyi ma'i dkyil 'khor 'khor dang bcas pa bstan nas/ da ni dpal rta mchog 'khor dang bcas pa gsungs pa/ re'u mig nyi shu rtsa bzhir gnas/ /zhes pa la sogs pa ste/ yi ge ha la sgra yig lnga pa dang ldan pa zla tshes dang thig les brgyan pa/dpal rta mchog gi chos kyi phyag rgya yi ge hUM ngo / /re'u mig bcu bzhi la gnas pa/ /zhes pa la sogs pa ni yi ge dza la ras gdan byas pa ste sgra yig bzhi pa dang ldan pa tsheg drag can sna tshogs pad+ma'i phyag rgya ste yi ge dzA 'o/ / re'u mig nyi shu rtsa bzhi la/ /zhes pa la sogs pa ni yi ge ha la tsheg drag can sna tshogs rdo rje ma'i chos kyi phyag rgya ste yi ge haH'o/ /lhag ma'i lha mo rnams kyi ni dpal rnam par snang mdzad kyi dkyil 'khor la gsungs pa'i lha mo la gzung bar bya'o/ /de ltar khyad par gyi chos kyi phyag rgya bstan nas//da ni dpal rdo rje sems dpa'i sngags 'byung ba gsungs pa/ 'dab brgyad pad+ma'i phyi rol du/ /zhes pa la sogs pa ste ji ltar 'dod pa'i tshad ri mo zlum po gcig gis 'khor lo bris te/ de'i phyi rol du yang de yang 'gyur gyi tshad byas te/ de'i nang du byas nas gnyis pa zlum por ri mo bri bar bya'o//de ltar ri mo gnyis pa'i 'khor lor 'gyur ro/ /de nas de'i phyi rol du legs par bri bas/ phyogs bzhi na 'dab ma brgyad bris te/ 'khor lo ri mo gnyis kyi dbus su dbang ldan gyi mtshams nas brtsams nas/ g.yas su bskor ba'i sbyor ba yis/ /a A/ i I/ u U ri r-I/li l-I/ e ai/ o au/ aM a/ yi ge a la sogs pa'i sgra yig bcu drug dang / ka kha ga g+ha nga / zhes pa'i ka'i sde shar gyi pad+ma'i 'dab ma la/ tsa tsha dza dz+nya nya/ zhes pa lho na/ Ta Tha Da D+ha Na/ zhes pa nub na/ ta tha da d+ha na/ zhes pa byang phyogs kyi pad+ma'i 'dab ma la bris nas/ 'khor lo'i lte bar pa pha ba b+ha ma zhes bya ba'i yi ge ste/yi ge k+Sha dang lhan cig pa de bri'o/ /de nas dbang ldan gyi pad+ma'i 'dab ma'i dbus su yi ge ya/ me mtshams kyi dbus su yi ge ra/ bden bral gyi mtshams su yi ge la/ rlung mtshams kyi pad+ma'i 'dab ma la yi ge wa/ yang dbang ldan gyi 'dab ma'i phyi rol du yi ge sha//me mtshams na yi ge Sha/ bden bral gyi mtshams pad+ma'i phyi rol du yi ge sa/ rlung mtshams kyi pad+ma'i phyi rol du ha bri bar bya'o/ /dbus kyi mtha' ru gang yin pa/ /zhes pa la 'khor lo'i lte bar gnas pa'i sde tha mar yi ge ma'o/ / thig le ldan pa'i yi ge o zhes pa ni sgra yig bcu gsum pa'i thig le can no/ /rlung mtshams kyi phyi rol zhes pa la sogs pa ni yi ge ha la sgra yig gnyis pa dang ldan pa'o/ /bden bral phyi rol gnas pa la/ /zhes pa la sogs pa ni yi ge sa la sgra yig lnga pa dang ldan pa'o/ / shar gyi 'dab ma gnyis pa ni zhes pa ni yi ge kha'o/ /dbus las dbu ma'i de bzhin te/ /zhes pa ni pa'i sde la yi ge ba ni dbus ma'o/ /lho nas de bzhin dbus ma las/ /zhes pa la sogs pa ni tsa'i sde la dza ni dbu ma ste/ yi ge ra gdan du byas pa'o/ /bden bral gyi phyi rol la gnas pa ni yi ge sa'o//de nas byang gi dang po'o/ /zhes pa la sogs pa ni yi ge ta la wa btags pa'o/ /a yig tsheg drag ces pa la sogs pa ni sgra yig gnyis pa tsheg drag dang bcas pa'o/ /lho na dbus ma gang yin zhes pa la sogs pa ni yi ge dzaHtsheg drag dang bcas pa'o//rlung mtshams phyi rol zhes sogs ni yi ge ha ste/ sgra yig drug pa dang ldan pa'i thig le can no/ /dbus las dbu ma zhes pa la sogs pa ni ba thig le dang bcas pa'o/ /rlung mtshams zhes sogs ni yi ge ha sgra yig bcu gsum pa dang ldan pa tsheg drag can no/ /bden bral zhes sogs ni yi ge sa sgra yig lnga pa dang ldan pa'o//me mtshams 'dab ma la gnas pa ni yi ge ra'o/ /byang nas dang po pa dang yang / /zhes pa ni yi ge ta'o/ /bden bral phyi rol zhes sogs ni yi ge sa'i 'og tu ta dang ldan pa la thig le can no/ /yi ge de dag 'dus na ni 'di ltar gsung bar 'gyur te/oM ma hA su kha badzra sa twa aHdzaHhUM baM hoH/ su ra te s+t+waM zhes bcom ldan 'das dpal rdo rje sems dpa'i yi ge bco brgyad pa'i sngags so/ /lho nas dbu ma zhes sogs ni yi ge dzaHla tsheg drag dang bcas pa/ dbus nas dbu ma de bzhin du/ / zhes pa ni yi ge ba'o/ /lho nas dbu ma zhes sogs ni yi ge dza ra la gdan byas pa'o/ /byang nas dbu ma zhes sogs ni yi ge da ral gdan byas pa sgra yig gsum pa dang ldan pa'o/ /me mtshams phyi rol zhes sogs ni sde bdun pa'i gnyis pa me mtshams kyi phyi rol gyi yi ge Sha sgra yig gsum pa'i yi ge da gzung bar bya'o//bden bral gyi phyi rol zhes sogs ni yi ge sa sgra yig gnyis pa dang ldan pa'o/ /de bzhin dbang ldan 'dab ma la/ /zhes pa ni yi ge ya dbang ldan gyi 'dab ma can no/ /sgra yig e dang 'byor ba'i zhes pa ni yi ge ka la sgra yig bcu gcig pa dang ldan pa'o//de nas dbu ma'i tha ma la/ /zhes pa'i dbus kyi sde tshan la yi ge ma'o/ /nub kyi dang po la bzung nas/ /zhes sogs ni yi ge Ta a med pa'o/ /yi ge de dag 'dus pa ni 'di ltar gsung bar 'gyur te/ dzaHbadzra dr-iSh+Ti sa ma ke ma Ta ces dpal bde mchog ma'i sngags so//rlung mtshams phyi rol pa bzung nas/ /zhes pa la sogs pa ni yi ge ha sgra yig drug pa dang ldan pa zla tshes dang thig les brgyan pa'o/ /de nas dbus nas dbu ma'o/ /zhes pa ni yi ge ba'o/ /lho nas dbus ma zhes pa la sogs pa ni yi ge dza la ra btags pa'o//shar nas dang po zhes pa la sogs pa ni/ yi ge ka la sgra yig bcu gcig pa dang ldan pa'o/ /bden bral 'dab ma la gnas pa/ /zhes pa la sogs pa ni yi ge la la sgra yig bzhi pa dang ldan pa'o/ /shar gyi dang po bzung nas/ /zhes pa la sogs pa ni yi ge ka la sgra yig gsum pa dang ldan pa'o//bden bral 'dab mar la gnas zhes pa la sogs pa ni yi ge la la sgra yig bcu gcig pa dang ldan pa'o/ /rlung mtshams phyi rol zhes pa la sogs pa ni yi ge ha la sgra yig drug pa dang ldan pa la thig le dang nga ros brgyan pa'o/ / 'dus pa ni 'di ltar 'gyur te/ hUM badzra ke lI ke le hUM zhes e ma bde ba chen po'i sngags so/ /dbus nas dbu ma zhes sogs ni yi ge ba thig le dang ldan pa'o/ /de bzhin dbus nas dbu ma yang / /zhes pa ni yi ge ba kho na'o/ /lho nas dbus ma zhes sogs ni yi ge dza ra la gdan byas pa sgra yig gsum pa dang ldan pa'o//nub nas tha ma zhes sogs ni yi ge Na sgra yig gsum pa dang ldan pa'o/ /bden bral zhes sogs ni yi ge sa la ma ldan pa'o/ /me mtshams lan gnyis brjod nas su ru ra zhes par sgra yig gnyis pa dang ldan pa'o/ /nub las dang po zhes sogs ni yi ge Ta a med par gzung ba'o//'di ltar gsung bar 'gyur te/ baM badzre Ni smar rAT zhes snang mdzad ma'i sngags so/ /rlung mtshams phyi rol pa zhes sogs ni/ yi ge ha sgra yig bcu gsum dang ldan pa tsheg drag gzung bar bya'o/ /dbus nas dbu ma de bzhin du/ / zhes pa ni yi ge ba'o/ /me mtshams pa zhes pa la sogs pa ni yi ge dza ra dang ldan pa'o/ /shar nas dang po zhes pa la sogs pa ni yi ge ka sgra yig gnyis pa dang ldan pa'o/ /dbus las tha ma zhes pa la sogs pa ni yi ge ma la sgra yig bcu gcig pa dang ldan pa'o/ /dbang ldan gyi phyi rol du zhes pa la sogs pa ni yi ge sha la yi ge ba ldan pa'o//me mtshams kyi 'dab ma yi ger sgra yig gsum pa dang ldan pa'o/ /byang nas dang po zhes pa la sogs pa ni yi ge ta ra'i gdan byas pa can la sgra yig gnyis pa dang ldan pa'i thig les brgyan pa'o/ /de dag ni 'di ltar gsung bar 'gyur te/ho badzra kA me shwa ri trAM/ zhes lha mo zla ba mo'i sngags so/ /o yig thig le dang ldan pa/ /zhes pa ni sgra yig bcu gsum pa la thig le dang ldan pa'o/ /a yig thig le dang ldan pa/ /zhes pa ni sgra yig gnyis pa thig le dang bcas pa'o/ /dbus la tha ma bzung nas su//zhes pa ni yi ge ma'o/ /yi ge u dang ldan pa yi/ /zhes pa la sogs pa ni yi ge da sgra yig lnga pa dang ldan pa'o/ /dbus nas dbu ma bzung nas su/ /zhes pa ni pa'i sde la yi ge ba'o/ /lho nas dbu ma zhes sogs ni ra'i gdan la gnas pa'i yi ge dza sgra yig gsum pa dang ldan pa'o//shar nas bzhi pa la sogs pa ni/ yi ge g+ha sgra yig drug pa dang ldan pa'o/ /thig le dang bcas pa lan gnyis brjod pa'o/ /des ni 'di gsung par 'gyur te/ oM AM ma tu badzri g+hUM g+hUM/ zhes sangs rgyas byang chub ma'i sngags so/ /o yig thig le dang ldan pa zhes pa ni sgra yig bcu gsum pa la thig le dang bcas pa'o//dbu ma la ni dbu ma yang / /zhes pa ni yi ge ba'o/ /me mtshams 'dab ma zhes sogs ni ra'i gdan can yi ge dza'o/ /dbus nas tha ma zhes pa la sogs pa ni yi ge ma sgra yig bcu gcig pa dang ldan pa'o/ /shar nas bzhi pa la sogs pa ni g+ha la sgra yig bcu gcig pa dang ldan pa'o//shar las gsum pa zhes sogs ni yi ge ga sgra yig lnga pa dang ldan pa'o/ /bden bral 'dab ma zhes sogs ni/ /yi ge ga la sgra yig lnga pa dang ldan par byas ste/ lan gnyis brjod pa shes par bya'o/ /dbus las bzhi pa zhes sogs ni/ /ra'i gdan la gnas pa'i yi ge b+ha sgra yig drug pa dang ldan pa zla tshes dang thig les brgyan pa'o/ /des ni 'di gsung bar 'gyur te/ oM badzra me g+he gu lu gu lu b+h+rUM/ zhes chos kyi 'khor lo ma'i sngags so//o yig thig le dang ldan pa/ /zhes pa ni sgra yig bcu gsum pa thig le can no/ /rlung mtshams phyi rol zhes sogs ni tsheg drag can yi ge haH'o/ /dbang ldan phyi rol la gnas pa/ /zhes pa ni yi ge sha'o/ /me mtshams 'dab ma can de bzhin/ / zhes pa ni sha sa'o/ /byang nas gsum pa zhes sogs ni yi ge ta ba dang ldan pa'o/ /lho nas dbu ma zhes sogs ni ra'i gdan can yi ge dza sgra yig gsum pa dang ldan pa'o/ /a yig thig le zhes sogs ni shes sla'o/ /des kyang 'di gsung par 'gyur te/ oM haH shaSha sa twa badzri aM aM/zhes khams gsum rnam rgyal ma'i sngags so/ /oM yig thig le dang ldan pa/ /zhes pa ni bshad zin to/ /zla tshes thig le gtsug gi zhal/ /zhes pa ni yi ge kha thig le dang bcas pa'o/ /dbus nas dbu ma de bzhin du/ /zhes pa ni yi ge ba'o/ lho nas dbu ma zhes sogs ni ra'i gdan can yi ge dza'o/ /dbang ldan gyi phyi rol zhes sogs ni yi ge sha sgra yig bcu bzhi dang ldan pa'o/ /de nyid phyi rol zhes sogs ni yi ge sha sgra yig gsum pa dang ldan pa'o/ /me mtshams 'dab ma zhes sogs ni yi ge ra sgra yig gsum pa dang ldan pa'o//rlung mtshams phyi rol zhes sogs ni shes pa'o/ /des 'di gsung bar 'gyur te/ oM khaM badzra shai shi ri hUM hUM/ zhes 'dod pa kun mdzad ma'i sngags so/ /o yig thig le dang ldan pa/ /zhes pa la sogs pa ni bshad zin to/ yi ge e yi sbyor ba dang / / zhes sogs ni yi ge a sgra yig bcu drug dang ldan pa'o/ /me mtshams 'dab ma de bzhin zhes sogs ni yi ge ra'o/ /e yis mnyam ldan zhes sogs ni yi ge ta sgra yig gsum pa dang ldan pa'o/ /dbus las dbu ma de bzhin du zhes pa ni yi ge ba'o/ /me mtshams 'dab ma zhes sogs ni ra yi gdan can yi ge dza'o//yi ge i dang mnyam ldan zhes sogs ni yi ge ba sgra yig gsum dang ldan pa'o/ /bden bral 'dab ma zhes sogs ni yi ge la sgra yig gnyis pa dang ldan pa'o/ /bden bral phyi rol zhes sogs ni yi ge sa sgra yig gsum pa dang ldan pa'o//byang nas tha ma zhes sogs ni yi ge na sgra yig gsum pa dang ldan pa'o/ /byang nas dang po zhes sogs ni ra'i gdan can yi ge ta'o/ /nub nas dang po zhes sogs ni yi ge Ta a med pa'o/ /des ni 'di gsung bar 'gyur te/ oM aM ra ti badzra bi lA si ni tra Ta/ zhes gling bu ma'i sngags gsungs so//rlung mtshams phyi rol zhes sogs ni yi ge ha sgra yig bcu gcig pa dang ldan pa'o/ /me mtshams 'dab mar gnas pa nyid/ /ces pa ni yi ge ra'o/ /sgra yig i dang zhes sogs ni yi ge ta sgra yig gsum dang ldan pa'o/ /dbus nas dbu ma bzung nas zhes sogs ni yi ge ba'o//me mtshams 'dab ma zhes sogs ni ra'i gdan can yi ge dza'o/ /shar nas gsum pa zhes sogs ni yi ge ga sgra yig bzhi pa dang ldan pa'o/ /byang nas dang po zhes sogs ni yi ge ta sgra yig bcu gcig dang ldan pa lan gsum brjod par bya'o/ / zhes shes par bya'o/ /nga ro bzhi pa dang ldan pa zhes pa ni sgra yig bcu gcig pa dang ldan pa'o/ /yi ge ta nga ro dang ldan pa bzhi par gyur pa'i don to/ /des ni 'di gsung bar 'gyur te/ he ra ti badzra gI te te te/ zhes pa'i pi wang ma'i sngags gsungs so/ /rlung mtshams phyi rol zhes sogs ni yi ge ha sgra yig bcu gcig pa dang ldan pa'o//me mtshams 'dab ma la yang zhes pa ni yi ge ra'o/ /sgra yig i ni zhes sogs ni yi ge ta sgra yig gsum pa dang ldan pa'o/ /dbus nas dbu ma bzung nas su/ /zhes pa ni yi ge ba'o/ /me mtshams 'dab ma zhes pa ni yi ge dza la ra btags pa'o//rlung mtshams phyi rol zhes sogs ni yi ge ha sgra yig gnyis pa dang ldan pa'o/ /de bzhin bden bral zhes sogs ni yi ge sa sgra yig bcu gcig pa dang ldan pa'o/ /rlung mtshams phyi rol zhes sogs ni yi ge ha lan gnyis brjod pa'o zhes shes par bya'o//dbus nas dbu ma zhes sogs ni yi ge ba thig le dang ldan pa'o/ /'di ltar gsung bar 'gyur te/ he ra ti badzra hA se ha ha baM zhes rnga chen ma'i sngags gsungs so/ /rlung mtshams phyi rol zhes sogs ni yi ge ha sgra yig bcu gcig pa dang ldan pa'o//me mtshams 'dab mar gnas pa yang / /zhes pa ni yi ge ra'o/ /sgra yig i ni zhes sogs ni yi ge ta la sgra yig gsum pa dang ldan pa'o/ /dbus gnas dbu ma de bzhin du/ /zhes pa ni yi ge ba'o/ /me mtshams 'dab ma zhes sogs ni ra'i gdan la gnas pa'i yi ge dza'o//byang nas tha ma zhes sogs ni ra'i gdan la gnas pa'i na la sgra yig gsum pa dang ldan pa'o/ /byang nas dang po zhes sogs ni yi ge ta sgra yig bcu gcig pa dang ldan pa la 'og tu ya btags pa'o/ /de bzhin dbus nas zhes sogs ni yi ge ba sgra yig bcu gcig pa dang ldan pa'o//dbus nas dang po zhes pa yi ge pa lan gnyis brjod pa'o/ /de ni lan gnyis brjod par bya/ /zhes go sla'o/ /lho nas bzhi pa zhes sogs ni yi ge dza nga ro dang ldan pa la sgra yig gnyis pa dang ldan pa'o/ /des 'di ltar gsung bar 'gyur te/he ra ti badzra nre t+ye be pa pa dzAM/ zhes rdza rnga ma'i sngags so/ /a yig dang po byang nas su/ /zhes pa ni sgra yig dang po'o/ /dbus nas dbu ma pa la yang / /zhes pa ni yi ge ba'o/ /me mtshams zhes sogs ni yi ge dza la 'og tu ra btags pa'o/ /dbus nas dang po zhes sogs ni yi ge pa sgra yig drug pa dang ldan pa'o//me mtshams phyi rol zhes sogs ni yi ge Sha la pa 'dogs pa sgra yig bcu gcig pa dang ldan pa'o/ /des ni 'di ltar gsung bar 'gyur te/ a badzra pu Sh+pe/ zhes pa me tog ma'i sngags so/ /a yig dang po byas nas su//zhes pa sgra yig gnyis pa'o/ /dbus nas dbu ma pa la yang / /zhes pa ni yi ge ba'o/ /me mtshams 'dab ma zhes sogs ni ra'i stan la gnas pa'i yi ge dza'o/ /byang nas bzhi pa zhes sogs ni yi ge d+ha la sgra yig drug pa 'dogs pa'o/ /dbus nas dang po zhes sogs ni yi ge pa sgra yig bcu gcig pa dang ldan pa'o//des ni 'di gsung bar 'gyur te/ a badzra d+hU pe/ zhes spos me ma'i sngags gsungs so/ /a yig dang po byang nas su/ /zhes pa ni sgra yig dang po thig le dang ldan pa la yang ste/ dbus nas dbu ma la yang ste/ /zhes pa ni yi ge ba'o//me mtshams 'dab ma zhes sogs ni ra'i stan la gnas pa'i yi ge dza la sgra yig gnyis pa 'dogs pa'o/ /bden bral 'dab mar zhes sogs ni yi ge ka la sgra yig bcu gsum pa dang ldan pa'o/ /shar gyi dang po zhes sogs ni yi ge ka la sgra yig bcu gcig pa dang ldan pa'o//des ni 'di gsung bar 'gyur te/ oM badzra A lo ke zhes snang ba zhes bya ba mar me ma'i sngags gsungs so/ /a yig dang po byas nas su/ /zhes pa ni sgra yig dang po tsheg drag tu bcas pa'o/ /dbus las dbu ma de bzhin yang / /zhes pa ni yi ge ba'o/ / me mtshams 'dab ma zhes sogs ni yi ge dza la 'og tu ra 'dogs pa'o/ /shar gyi gsum pa zhes pa la sogs ni yi ge ga thig le can no/ /byang nas bzhi pa zhes sogs ni yi ge d+ha la sgra yig bcu gcig pa dang ldan pa'o/ /des ni 'di gsung bar 'gyur te/ a badzra gan+d+he/ zhes dri chab ma'i sngags gsungs so/ /o yig thig le dang ldan pa/ /zhes pa ni sgra yig bcu gsum pa dang ldan pa thig le dang bcas pa'o/ /dbus nas dbu ma zhes pa ste/ zhes pa ni yi ge ba'o/ /me mtshams 'dab ma zhes sogs ni ra'i gdan la gnas pa'i yi ge dza la sgra yig gnyis pa thig le dang ldan pa'o//shar las dang po zhes sogs ni yi ge ka sgra yig gnyis pa dang ldan pa'o/ /dbang ldan phyi rol zhes sogs ni yi ge sha sgra yig gsum pa dang ldan pa'o/ /tsheg drag mnyam po zhes sogs ni yi ge dza tsheg drag dang bcas pa'o//des ni 'di gsung bar 'gyur te/ oM badzrAM kA shi dzaHzhes rta mgrin 'phang mtho'i sngags so/ /o yig thig le dang ldan pa/ /zhes pa ni sgra yig bcu gsum pa thig le dang bcas pa'o/ /dbus las dbu ma 'gyur byas te/ /zhes pa ni yi ge ba'o//me mtshams phyi rol zhes sogs ni ra'i gdan la bzhugs pa'i yi ge dza'o/ /dbus nas dang po zhes sogs ni yi ge pa sgra yig gnyis pa dang ldan pa'o/ /dbang ldan phyi rol zhes sogs ni yi ge sha sgra yig bcu gcig pa dang ldan pa'o/ /me mtshams phyi rol zhes sogs ni yi ge ha sgra yig drug pa dang ldan par zla tshes dang thig les brgyan pa'o//des ni 'di gsung bar 'gyur te/ oM badzra pA she hUM/ zhes phag mgo ma'i sngags so/ /o yig thig le dang ldan pa/ /zhes pa ni sgra yig bcu gsum pa thig le dang bcas pa'o//dbus las dbu mar 'gyur byas te/ /zhes pa ni yi ge ba'o/ /me mtshams 'dab ma zhes sogs ni ra'i gdan la gnas pa'i yi ge dza'o/ /dbang ldan phyi rol zhes sogs ni yi ge sha thig le dang nga ros brgyan pa'o/ /shar gyi dang po bzung nas su/ /zhes pa ni yi ge ka'o//sgra yig e dang zhes sogs ni yi ge la la sgra yig bcu gcig pa dang ldan pa'o/ /de bzhin du dbus las zhes sogs ni yi ge ba thig le dang bcas pa'o/ /des ni 'di gsung bar 'gyur te/ oM badzra shaM ka le baM/ zhes rdo rje snang mdzad ma'i sngags so/ / o yig thig le dang ldan par/ /zhes bcu gsum pa thig le dang bcas pa'o/ /dbus nas dbu ma yang yin zhes pa yi ge ba'o/ /me mtshams 'dab ma zhes sogs ni ra'i gdan la gnas pa'i yi ge dza'o/ /shar las bzhi pa zhes sogs ni yi ge g+ha nga ro dang thig les brgyan pa'o//nub las dang po zhes sogs ni yi ge Ta sgra yig bcu gcig pa dang ldan pa'o/ /rlung mtshams phyi rol zhes sogs ni yi ge ha sgra yig bcu gsum pa dang ldan pa la tsheg drag dang bcas pa'o/ /des ni 'di gsung bar 'gyur te/ oM badzra g+haM Te hoH zhes thal bar 'jig pa'i ro langs ma'i sngags so//dpal rdo rje sems dpa' 'khor dang bcas pa'i sngags 'byung ba rdzogs so// //de ltar dpal rdo rje sems dpa' 'khor dang bcas pa'i sngags 'byung ba gsungs nas/ da ni dpal rnam par snang mdzad 'khor dang bcas pa gsung ba/o yig thig le dang ldan par/ /zhes pa la sogs pa ste/ sgra yig bcu gsum pa thig le dang bcas pa'o/ /dbus nas bzhi pa zhes sogs ni yi ge b+ha sgra yig drug pa dang ldan pa la tsheg drag dang bcas pa'o/ /shar las gnyis pa zhes sogs ni yi ge kha thig le dang nga ros brgyan pa'o//des ni 'di gsung bar 'gyur te/ oM b+hUHkhaM/ zhes rnam par snang mdzad kyi sngags so/ /o yig thig le dang ldan par/ /zhes pa ni sgra yig bcu gsum thig le dang bcas pa'o/ /dbus las dbu ma yang yin te/ /zhes pa ni yi ge ba'o//me mtshams 'dab ma zhes sogs ni ra'i gdan la gnas pa'i yi ge dza'o/ /bden bral phyi rol bzung nas zhes pa ni yi ge sa'o/ /byang nas dang po ta yang ste/ zhes pa la sogs pa ni yi ge ta ba 'og tu btags pa'o/ /dbang ldan phyi rol zhes sogs ni yi ge sha thig le dang nga ros brgyan pa'o//des ni 'di gsung bar 'gyur te/ oM badzra sa twa shaM/ zhes sangs rgyas dbyangs ma'i sngags so/ /o yig thig le dang ldan par/ /zhes pa ni sgra yig bcu gsum pa thig le can no/ /dbus las dbu ma yang yin te/ /zhes pa ni yi ge ba'o//me mtshams 'dab ma zhes sogs ni ra'i gdan la gnas pa'i yi ge dza'o/ /me mtshams 'dab mar gnas de bzhin/ /zhes pa ni yi ge ra'o/ /byang las dang po zhes sogs ni yi ge ta'i 'og tu 'dogs pa'o/ /mjug tu me mtshams zhes sogs ni yi ger la zla tshes dang thig les brgyan pa'o//des ni 'di gsung bar 'gyur te/ oM badzra rat+na raM/ zhes dpa' bo ma'i sngags so/ /o yig thig le dang ldan par/ /zhes pa ni sgra yig bcu gsum pa thig le dang bcas pa'o/ /dbus las dbu mar 'gyur te zhes pa ni yi ge ba'o//me mtshams 'dab ma zhes sogs ni ra'i gdan la gnas pa'i yi ge dza'o/ /byang nas bzhi pa gang yin pa/ /zhes pa ni yi ge d+ha'o/ /dbus nas tha ma yin te zhes pa ni yi ge ma'i mgo na ra bzhag pa'o/ /dbus las dang po zhes pa ni yi ge bzla tshes dang thig les brgyan pa'o//des ni 'di gsung bar 'gyur te/ oM badzra d+harma baM/ zhes kun du bzang mo'i sngags so/ /o yig thig le dang ldan pa/ /zhes pa ni sgra yig bcu gsum pa thig le dang bcas pa'o/ /dbus la dbu mar 'gyur byas te//zhes pa ni yi ge ba'o/ /me mtshams 'dab ma zhes sogs ni yi ge dza'i 'og tu ra 'dogs pa'o/ /shar las dang po bzung nas su/ /zhes pa ni yi ge ka'o/ /me mtshams can gyi zhes sogs ni yi ge ra la 'og tu ma bzhag pa'o/ /byang nas gnyis pa zhes sogs ni yi ge tha zla tshes dang thig le dang nga ros brgyan pa'o//des ni 'di gsung bar 'gyur te/ oM badzra karma thaM/ zhes zad med snod gyi sngags so/ /rlung mtshams phyi rol zhes sogs ni yi ge ha yig thig le dang nga ros brgyan pa'o/ /bden bral phyi rol bzung nas su/ / zhes pa ni yi ge sa'o/ /dbus las dbu ma zhes sogs ni yi ge ta la 'og nas ba btags pa'o/ /dbus nas dbu ma de bzhin du/ /zhes pa ni yi ge ba'o/ /me mtshams zhes sogs ni ra'i gdan la gnas pa'i yi ge dza sgra yig bcu gcig pa dang ldan pa'o/ /des ni 'di gsung bar 'gyur te/haM sa twa badzre/ zhes sangs rgyas sku ldan ma'i'o/ /lho nas dbu ma zhes sogs ni yi ge dza sgra yig bcu gcig pa dang ldan pa la thig le can no/ /dbus nas dbu ma de bzhin du/ /zhes pa ni yi ge ba'o/ /me mtshams zhes sogs ni yi ge dza la 'og tu ra btags pa'o//me mtshams 'dab mar gnas pa nyid/ /ces pa ni yi ge ra'o/ /byang las dang po zhes pa ni yi ge ta sgra yig bcu gcig pa dang ldan pa la 'og tur btags pa'o/ /des ni 'di gsung bar 'gyur te/ dzeM badzra ra tre/ zhes zhal mdzes ma'o/ /byang nas dang po zhes sogs ni ra'i gdan la gnas pa'i yi ge ta thig le dang ldan pa'o//dbus nas dbu ma de bzhin du/ /zhes pa ni yi ge ba'o/ /me mtshams pa la sogs pa ni ra'i gdan la gnas pa'i yi ge dza'o/ /dbus nas dang po bzung nas su/ /zhes pa ni yi ge pa'o/ / byang nas dbu ma zhes sogs ni sgra yig bcu gcig pa dang ldan pa'i yi ge ra'i 'og tu ma 'dogs pa'o/ /des ni 'di gsung bar 'gyur te/ traM badzra parme/ zhes sprin chen ma'i sngags so/ /byang nas bzhi pa zhes sogs ni yi ge d+ha thig le dang nga ro can no/ /dbus nas dbu ma zhes sogs ni yi ge ba sgra yig gsum pa dang ldan pa'o//dbang ldan phyi rol zhes sogs ni yi ge sha'i 'og tu ba btags pa'o/ /dbus nas dbu ma dang ldan zhes pa ni yi ge ba'o/ /e yig me mtshams zhes sogs ni ra'i gdan la gnas pa'i yi ge dza la sgra yig bzhi pa 'dogs pa'o//des ni 'di gsung bar 'gyur te/ d+haM bi shwa badzrI/ zhes nam mkha' spyan ma'i sngags so/ /gling bu ma la sogs pa'i lha mo rnams kyi ni dpal rdo rje sems dpa'i dkyil 'khor la gsungs pa kho na gzung bar bya'o/ /dpal rnam par snang mdzad 'khor dang bcas pa'i sngags 'byung ba rdzogs so// //de ltar dpal rnam par snang mdzad 'khor dang bcas pa'i gsungs nas/ da ni dpal khrag 'thung 'khor dang bcas pa'i gsung pa/ o yig thig le dang ldan par/ /sogs te 'gyur zhes pa dang 'brel to/ /de la o yig thig le dang ldan par zhes pa ni sgra yig bcu gsum pa thig le dang bcas pa'o//yi ge e yis zhes sogs ni yi ge ha sgra yig bcu gcig pa dang ldan pa'o/ /me mtshams 'dab ma zhes sogs ni yi ge ra sgra yig lnga pa dang ldan pa'o/ / shar nas dang po de bzhin du/ /zhes pa ni yi ge ka'o/ /dbus las dbu ma yang yin te/ /zhes pa ni yi ge pa'o/ /me mtshams 'dab mar zhes sogs ni ra'i gdan la gnas pa'i yi ge dza'o/ /bden bral phyi rol bzung byas te/ /zhes pa ni yi ge sa'o/ /dbus nas tha ma yang ste/ zhes pa ni yi ge ma'o//dbang ldan 'dab mar yang nyid ces pa ni yi ge ya'o/ /yi ge e dang zhes sogs ni yi ge ha sgra yig bzhi pa dang ldan pa tsheg drag can no/ /bden bral phyi rol gnas pa la/ /zhes pa ni yi ge sa'o/ /me mtshams 'dab ma zhes sogs ni yi ge ba la 'og tu ra btags pa'o//byang las dbu ma de bzhin du/ /zhes pa ni yi ge du'o/ /me mtshams phyi rol zhes pa ni yi ge Sha la 'og tu Ta 'dogs pa'o/ /bden bral phyi rol pa la yang / /zhes pa ni yi ge sa'o/ /dbu ma'i tha ma yang yin te/ /zhes pa ni yi ge ma'o//dbang ldan 'dab mar gnas pa nyid/ /ces pa ni yi ge ya'o/ /yi ge u dang mnyam ldan zhes sogs ni ma sgra yig lnga pa dang ldan pa'o/ /me mtshams pa stan zhes sogs ni ra'i gdan la gnas pa'i da sgra yig gnyis pa dang ldan pa'o/ /dbus nas dang po zhes sogs ni ra'i gdan la gnas pa'i yi ge pa'o//dbus nas bzhi pa zhes sogs ni yi ge b+ha thig le dang bcas pa'o/ /lho las dbu ma de bzhin du/ /zhes pa ni yi ge dza'o/ /shar las dang po yang yin te/ /zhes pa ni yi ge ka'o/ /rlung mtshams phyi rol zhes sogs ni yi ge ha la thig le dang bcas pa'i sgra yig lnga pa dang ldan pa'o//dbus las gnyis pa zhes sogs ni yi ge pha'o/ /nub kyi dang po a med par/ /zhes pa ni yi ge Ta a med pa'o/ /des ni 'di gsung bar 'gyur te/ oM he ru ka badzra sa ma ya hri/ sarba du Sh+Ta na sa ma ya mu drA pra b+hAM dza ka hUM phaT/ces dpal khrag 'thung gi sngags so/ /rlung mtshams phyi rol zhes sogs ni yi ge ha thig le dang bcas pa sgra yig lnga pa dang ldan pa'o/ /dbus las dbu ma de bzhin du/ /zhes pa ni yi ge ba'o/ /me mtshams stan ldan zhes sogs ni ra'i gdan la gnas pa'i yi ge dza'o//shar las gsum pa zhes sogs ni yi ge ga sgra yig lnga pa dang ldan pa'o/ /dbang ldan 'dab mar zhes sogs ni yi ge ha sgra yig bcu gcig pa dang ldan pa la 'og na ya 'dogs pa'o/ /bden bral phyi rol zhes sogs ni yi ge sa sgra yig gsum pa dang ldan pa'o//byang nas bzhi pa gang yin pa/ /sgra yig i sbyor byas te zhes pa ni yi ge d+ha sgra yig gsum pa dang ldan pa'i 'og na ba 'dogs pa'o/ /dbus las dang po zhes sogs ni yi ge pa dang yi ge ra dang ma'o/ /dbang ldan 'dab mar zhes sogs ni yi ge ya sgra yig bcu gsum pa dang ldan pa'o//shar las gsum pa zhes sogs ni yi ge ga sgra yig bzhi pa dang ldan pa'o/ /dbang ldan phyi rol gnas zhes sogs ni yi ge sha 'og na ba 'dogs pa'o/ /me mtshams 'dab mar zhes sogs ni yi ge ra sgra yig gsum pa dang ldan pa'o/ /rlung mtshams phyi rol la gnas pa//zhes sogs ni ra'i gdan la gnas pa'i yi ge ha sgra yig bzhi pa dang ldan pa la tsheg drag dang bcas pa'o/ /des ni 'di gsung bar 'gyur te/ hUM badzra gu h+ye sid+d+hi pa ra ma hA yo gI shwa ri hriH zhes dpal kai ri ma'i sngags so/ /rlung mtshams phyi rol zhes sogs ni yi ge ha thig le dang bcas pa'i sgra yig lnga pa dang ldan par sbyar te/lan gnyis brjod pa'o/ /dbus las dbu ma yang bzung ste/ /zhes pa ni yi ge ba'o/ /lho nas dbu ma de bzhin du/ /zhes sogs ni yi ge dza la 'og na ra 'dogs pa'o/ / lho nas dang po zhes sogs ni yi ge tsa thig le dang bcas pa'o/ /nub nas dbu ma zhes sogs ni yi ge Da sgra yig bcu gcig pa dang ldan pa'o/ /dbang ldan phyi rol gang zhes sogs ni yi ge sha'i 'og tu ba 'dogs pa'o/ /me mtshams 'dab ma la zhes pa ni yi ge ra sgra yig gsum pa dang ldan pa'o//shar nas gnyis pa gang yin pa/ /zhes pa ni yi ge kha'o/ /nub nas dang po zhes sogs ni yi ge ta 'og na ba btags pa la thig le bcas pa'i sgra yig gnyis pa dang ldan pa'o/ /shar las gsum pa zhes sogs ni yi ge ga sgra yig gsum pa dang ldan pa'o//dbus nas tha ma bzung nas su/ /zhes pa ni yi ge ma'o/ /rlung mtshams phyi rol zhes sogs ni yi ge ha sgra yig gsum pa dang ldan pa'o/ /dbus nas dbu ma bzung nas su/ /zhes pa ni yi ge ba'o/ /lho nas gsum pa zhes sogs ni ra'i gdan la gnas pa'i yi ge dza'o//shar las dang po zhes sogs ni yi ge ka dang ba sgra yig gnyis pa dang ldan pa'o/ /bden bral 'dab mar dbus gnas par/ /zhes pa ni yi ge la'o/ /yi ge a yis zhes sogs ni yi ge ma dang yi ge la la sgra yig gnyis pa btags pa'o//dbus las tha ma yang yin te/ /zhes pa ni yi ge ma'o/ /shar las dang po zhes sogs ni yi ge ka sgra yig lnga pa dang ldan pa'o/ /nub kyi dang po bzung nas su/ /zhes pa ni yi ge Ta sgra yig bcu gcig pa dang ldan pa'o/ /me mtshams 'dab ma la zhes pa la sogs pa ni yi ge ra sgra yig lnga pa dang ldan pa'o//bden bral 'dab mar dbus gnas par/ /yi ge la gnyis la sgra yig bcu gcig pa dang ldan pa'o/ /rlung mtshams phyi rol zhes sogs ni yi ge ha 'og na yi ge na 'dogs la/ tsheg drag dang bcas pa'i sgra yig gsum pa dang ldan pa'o//des ni 'di gsung bar 'gyur te/ hUM hUM badzra tsaM De shwa ri kha T+waM ga ma hi badzra ka pA la mA lA ma ku Te ru lu ru lu h+niH/ zhes tsau ra mi'i sngags so/ /rlung mtshams phyi rol zhes sogs ni yi ge ha la thig le dang bcas pa'i sgra yig lnga pa dang ldan pa'o/ /dbus las dbu ma bzung ba dang /zhes pa ni yi ge ba'o/ /me mtshams zhes sogs ni ra'i stan la gnas pa'i yi ge dza'o/ /byang nas tha ma zhes sogs ni yi ge na dang yi ge ra sgra yig gnyis pa dang ldan pa'o/ /dbang ldan 'dab mar gnas nas kyang / /zhes pa ni yi ge yaM ngo / /sgra yig i dang zhes sogs ni yi ge na sgra yig gsum pa dang ldan pa'o//lho nas u zhes sogs ni yi ge dza 'og na dza 'dogs pa la tsheg drag dang bcas pa'i sgra yig gsum pa dang ldan pa'o/ /des ni 'di gsung bar 'gyur te/ hUM badzra nA rA yaM ni dz+dziH/ zhes pra mo ha'i sngags so/ /rlung mtshams phyi rol zhes sogs ni yi ge ha thig le dang bcas pa'i sgra yig lnga pa dang ldan pa'o//dbus las dbu ma de bzhin pa/ /zhes pa ni yi ge ba'o/ /me mtshams stan zhes sogs ni ra'i stan la gnas pa'i yi ge dza'o/ /dbus nas dang po bzung nas su/ /zhes pa ni yi ge pa'o//sgra yig gnyis pa dang zhes pa la sogs pa ni yi ge ta la sgra yig gnyis pa dang ldan pa'o/ /shar las dang po zhes sogs ni yi ge ka sgra yig bcu gcig pa dang ldan pa'o/ /lho nas dbu ma zhes sogs pa ni yi ge dza tsheg drag dang bcas pa'i sgra yig gsum pa dang ldan pa'o/ / des ni 'di gsung bar 'gyur te/ hUM badzra pa tA ke dziH/ zhes be tA li'i sngags so/ /rlung mtshams phyi rol zhes sogs ni yi ge ha thig le bcas pa'i sgra yig lnga pa dang ldan pa'o/ /dbus nas dbu ma bzung ba dang / /zhes pa ni yi ge ba'o/ /me mtshams stan ldan zhes pa ni yi ge dza'i 'og tu ra 'dogs pa'o//dbus las dang po bzung zhes sogs ni ra'i stan la gnas pa'i yi ge pa'o/ /rlung mtshams phyi rol zhes sogs ni yi ge ha dang ra dang na la sgra yig gnyis pas brgyan pa'o/ /dbus nas tha ma yang yin te/ /zhes pa ni yi ge ma'o/ /nub las dang po zhes sogs ni yi ge Ta a med pa'o//des ni 'di gsung bar 'gyur te/ hUM badzra pra hA rA nA ma Ta/ zhes puk+ka sI'i sngags so/ /rlung mtshams phyi rol zhes pa la sogs pa ni yi ge ha thig le dang bcas pa sgra yig lnga pa dang ldan pa'o/ /dbus las dbu ma de bzhin te/ /zhes pa ni yi ge ba'o//me mtshams stan zhes sogs ni ra'i stan la gnas pa'i yi ge dza'o/ /dbang ldan phyi rol can zhes pa ni yi ge sha sgra yig drug pa dang ldan pa'o/ /bden bral 'dab mar zhes sogs ni yi ge la sgra yig gnyis pa dang ldan pa'o/ /shar las gsum pa zhes sogs ni yi ge ra'i stan la gnas pa'i ga sgra yig gsum pa dang ldan pa'o//dbus las bzhi pa zhes sogs ni thig le dang bcas pa'i sgra yig gsum pa dang ldan pa'i yi ge b+ha'o/ /byang las dbu ma zhes sogs ni yi ge da dang ma'o/ /nub kyi dang po zhes sogs ni yi ge Ta a med pa'o/ /des ni 'di gsung bar 'gyur te/ hUM badzra shU lA a gri b+hin+da ma Ta/ ces tsaN+Da lI'i sngags so/ /rlung mtshams phyi rol zhes sogs ni yi ge ha thig le dang bcas pa sgra yig lnga ba dang ldan pa'o/ /dbus las dbu ma de bzhin du/ /zhes pa ni yi ge ba'o/ /me mtshams pa'i gdan zhes pa la sogs pa ni yi ge dza ra'i gdan can no//shar las dang po zhes sogs ni yi ge ka sgra yig bcu gsum pa dang ldan pa'o/ /dbang ldan gyi phyi rol zhes sogs ni yi ge sha sgra yig bcu gcig pa dang ldan pa'o/ /lho las dang po zhes sogs ni yi ge tsha'i 'og tu tsha 'dogs pa la thig le dang bcas pa'i sgra yig gsum pa dang ldan pa'o//byang las dbu ma zhes sogs ni yi ge da dang ma'o/ /nub las dang po zhes sogs ni yi ge Ta a med pa'o/ /des ni 'di gsung bar 'gyur te/ hUM badzra ko shets+tshin+da maT/ ces g+ha sma rI'i sngags so//rlung mtshams phyi rol zhes sogs ni yi ge ha thig le dang bcas pa'i sgra yig lnga pa dang ldan pa'o/ /dbus las dbu ma de bzhin te/ /zhes pa ni yi ge ba'o/ /me mtshams stan zhes sogs ni ra'i gdan la gnas pa'i yi ge dza sgra yig bcu gcig pa dang ldan pa'o//dbus las dang po zhes sogs ni yi ge ba sgra yig bcu gcig pa dang ldan pa'o/ /dbus las tha ma bzung nas su/ /zhes pa ni yi ge ma dang la'o/ /dbus las dang po zhes sogs ni yi ge pa sgra yig gnyis pa dang ldan pa'o/ /dbang ldan zhes sogs ni yi ge sha sgra yig bcu gcig pa dang ldan pa'o//dbus las tha ma zhes sogs ni yi ge ma'o/ /nub las dang po zhes sogs ni yi ge Ta la a med pa'o/ /des ni 'di gsung bar 'gyur te/ hUM badzra be ma la pA she maT/ ces dpal khrag 'thung dang 'dra ba'i sma sha na'i sngags so/ /rlung mtshams phyi rol zhes sogs ni yi ge ha sgra yig bcu gcig pa dang ldan pa'o//dbus las dbu ma de bzhin te/ /zhes pa ni yi ge ba'o/ /me mtshams pa stan zhes sogs ni ra'i gdan la gnas pa'i yi ge dza'o/ /me mtshams 'dab mar gnas nyid dang / /zhes pa ni yi ge ra'o//sgra yig i dang zhes sogs ni sgra yig gsum pa dang ldan pa'i yi ge ta'o/ /dbus las dang po zhes sogs ni yi ge ma thig le dang bcas pa'o/ /'dis ni 'di gsung bar 'gyur te/ he badzra ra ti maM/ zhes sa 'dzin ma'i sngags so/ /dbus las dbu ma zhes pa ni yi ge ba thig le dang nga ros brgyan pa'o//dbus las tha ma bzung ba dang / /zhes pa ni yi ge ma'o/ /yi ge a dang mnyam par ldan/ /zhes pa la sogs pa ni sgra yig gnyis pa dang ldan pa'i yi ge ha'o/ /me mtshams 'dab mar zhes sogs ni/ /yi ge ra dang ta dang yi ge ba'o/ /e yig me mtshams zhes sogs ni sgra yig gsum pa dang ldan pa la ra'i stan can yi ge dza'o//rlung mtshams phyi rol zhes pa ni yi ge ha dang sgra yig bcu gsum pa dang ldan pa la tsheg drag dang bcas pa'o/ /des ni 'di gsung bar 'gyur te/ baM ma hA ra ta badzri hoH/ zhes kha T+wAM 'dzin ma'i sngags so//o yig thig le dang ldan pa'i/ /zhes pa ni sgra yig bcu gsum pa thig le dang bcas pa'o/ /dbus las dbu ma yang yin te/ /zhes pa ni yi ge ba'o/ /me mtshams 'dab ma zhes sogs ni yi ge dza ra'i gdan can no/ /o yig dang ni zhes pa ni/ /sgra yig bcu gsum pa dang ldan pa'i yi ge la'o//lho las dang po de bzhin du/ /zhes pa ni yi ge tsa'o/ /yi ge a yis zhes sogs ni sgra yig bcu gcig pa dang ldan pa'i yi ge na'o/ /dbang ldan 'dab mar zhes sogs ni thig le dang bcas pa'i yi ge ya'o/ /des ni 'di gsung bar 'gyur te/oM badzra lo tsa ne yaM/ /zhes 'khor ro 'dzin ma'i sngags so/ /me mtshams 'dab mar zhes sogs ni yi ge ra thig le dang bcas pa'o/ /dbus las tha ma de bzhin zhes pa ni yi ge ma'o/ /sgra yig i dang zhes sogs ni sgra yig gnyis pa dang ldan pa'i yi ge ha'o/ / dbang ldan 'dab mar zhes sogs ni ra'i gdan la gnas pa'i sha la sgra yig bzhi pa dang ldan pa'o/ /dbus las dbu ma nyid dang ni/ /zhes pa ni yi ge ba'o/ /me mtshams zhes sogs ni ra'i stan la gnas pa'i yi ge dza sgra yig gsum pa dang ldan pa'o/ /rlung mtshams phyi rol zhes sogs ni yi ge ha sgra yig bzhi pa dang ldan pa la tsheg drag can no//des ni 'di gsung bar 'gyur te/ raM ma hA shrI badzri hIH/ zhes sna tshogs ba dan 'dzin ma'i sngags so/ /me tog ma la sogs pa'i lha mo rnams kyi ni dpal rdo rje sems dpa'i dkyil 'khor las gsungs pa'i sngags yin no//dpal khrag 'thung 'khor dang bcas pa'i sngags 'byung ba rdzogs so// //de ltar dpal khrag 'thung 'khor dang bcas pa'i sngags gsungs nas/ da ni dpal pad+ma gar gyi dbang phyug 'khor dang bcas pa'i sngags gsungs pa/o yig thig le dang ldan par/ /zhes pa la sogs pa ste/ sgra yig bcu gsum pa thig le dang bcas pa'o/ /dbus las dbu ma zhes sogs ni yi ge sa'i 'og tu ba 'dogs pa'o/ /dbus las bzhi pa zhes sogs ni yi ge b+ha sgra yig gnyis pa dang ldan pa'o/ /dbus las dbu ma bzung ba dang //zhes pa ni yi ge ba'o/ /dbang ldan phyi rol zhes pa ni yi ge sha la sgra yig lnga pa dang ldan pa'o/ /byang nas dbu ma yang zhes pa ni yi ge da la 'og tu ha 'dogs pa'o/ /dbus las dang po bzung nas su/ /zhes pa ni yi ge pa'o/ /byang las dbus ma zhes sogs ni yi ge da 'og tu ma 'dogs pa'o//byang las tha ma de bzhin du/ /zhes pa ni yi ge na'o/ /sgra yig e dang zhes sogs ni sgra yig bcu gcig pa dang ldan pa'i yi ge ta'i mgor ra bzhag pa'o/ /dbus las dbu ma zhes sogs ni yi ge sha'i 'og tu ba 'dogs pa'o//me mtshams 'dab mar bzung nas su/ /zhes pa ni yi ge ra'o/ /rlung mtshams phyi rol zhes sogs ni ra'i gdan la gnas pa'i yi ge ha sgra yig bzhi pa dang ldan pa'i tsheg drag can no/ /des ni 'di gsung bar 'gyur te/ oM swa b+hA ba shud+d+ha pad+ma narte shwa rahrIH/ zhes pad+ma gar gyi dbang phyug gi sngags so//o yig thig le dang ldan pa'i/ /zhes pa ni sgra yig bcu gsum pa thig le dang bcas pa'o/ /bden bral phyi rol gnas pa yang / /zhes pa ni yi ge sa'o/ /me mtshams zhes sogs ni yi ge ra mgon btags pa'i ba'o/ /byang nas dang po zhes sogs ni yi ge ta'o//sgra yig a dang ldan zhes sogs ni sgra yig gnyis pa dang ldan pa'i yi ge tha'o/ /shar las gsum pa gang yin dang / /zhes pa ni yi ge ga'o/ /byang nas dang po gang yin te/ /zhes pa ni yi ge ta'o/ /dbus las dang po bzung nas su/ /zhes pa ni yi ge pa'o/ / dbus nas tha ma zhes sogs ni yi ge ma la sgra yig gnyis pa dang ldan pa 'og na ma 'dogs pa'o/ /lho nas dbu ma zhes sogs ni yi ge dza gnyis su brtsegs pa tsheg drag can no/ /des ni 'di gsung bar 'gyur te/ oM sarba ta thA ga ta pa m+mA dz+dzaH/ zhes rnam par gzigs ma'i sngags so/ / rlung mtshams phyi rol pa zhes sogs ni yi ge ha thig le dang bcas pa sgra yig drug pa dang bcas pa'o/ /dbus ma'i dbu ma bzung ba dang / /zhes pa ni yi ge ba'o/ /me mtshams stan ldan zhes sogs ni ra'i stan la gnas pa'i yi ge dza'o/ /dbus las dang po bzung nas su/ /zhes pa ni yi ge pa'o//byang las dbu ma zhes sogs ni yi ge da sgra yig gsum pa dang ldan pa'i 'og na ma 'dogs pa'o/ /des ni 'di gsung par 'gyur te/ hUM badzra pad+mi/ zhes sgrol ma'i sngags so/ /rlung mtshams phyi rol pa zhes sogs ni yi ge ha sgra yig bcu gcig pa dang ldan pa'o/ /dbus las dang po bzung ba dang //zhes pa ni yi ge pa'o/ /byang las dbu ma zhes sogs ni yi ge nga sgra yig gsum pa dang ldan pa la 'og na ma 'dogs pa'o/ /de gnyis lan gnyis sbyor byas te/ /zhes pa ni shes sla'o/ /dbus las dbu ma zhes sogs ni yi ge ba thig le dang nga ros brgyan pa'o/ /des kyang 'di gsung bar 'gyur te/he pad+mi pad+mi baM/ zhes pa sa 'dzin ma'i sngags so/ /rlung mtshams phyi rol zhes sogs ni yi ge ha sgra yig bcu gsum pa dang ldan pa la tsheg drag can no/ /dbus las dang po bzung nas su/ /zhes pa ni yi ge pa'o/ /byang nas dbu ma zhes sogs ni yi ge da 'og na ma 'dogs pa'o//dbus kyi tha ma bzung ba dang / zhes pa ni yi ge ma'o/ /nub las tha ma zhes sogs ni sgra yig gsum pa dang ldan pa'i yi ge Na'o/ /me'i 'dab mar zhes sogs ni yi ge ra sgra yig gnyis pa dang ldan pa'o/ /lho las dbu ma zhes sogs ni yi ge dza thig le dang nga ros brgyan pa'o//des ni 'di gsung par 'gyur te/ hoH pad+ma ma Ni rA dzaM/ zhes 'phags ma khro gnyer ma'i sngags so/ /rlung mtshams phyi rol zhes sogs ni yi ge ha sga yig drug pa dang ldan pa'i thig le nga ros brgyan pa'o/ /dbus las dang po bzung ba dang / /zhes pa ni yi ge pa'o//byang nas dbu ma zhes sogs ni yi ge da la ma 'dogs pa'o/ /lho nas dang po zhes sogs ni yi ge tsa thig le dang bcas pa'o/ /nub nas dbu ma zhes sogs ni yi ge da sgra yig bcu gcig pa dang ldan pa'o/ /dbang ldan phyi rol zhes pa la sogs pa ni yi ge sha'i 'og na ba 'dogs pa'o//me mtshams 'dab ma zhes sogs ni yi ge ra sgra yig gsum pa dang ldan pa'o/ /rlung mtshams phyi rol zhes sogs ni yi ge ha sgra yig drug pa dang ldan pa nga ros brgyan pa'o/ /dbus las gnyis pa gang yin pa/ /zhes pa ni yi ge pha'o/ /a med nub kyi dang po zhes pa ni yi ge Ta a med pa'o//des ni 'di gsung bar 'gyur te/ hUM pad+ma tsaN+Di shwa ri hUM phaT/ ces pad+ma gtum pa'i dbang phyug ma'i sngags so/ /rlung mtshams phyi rol zhes sogs ni yi ge ha sgra yig bcu gcig pa dang ldan pa'o/ /dbus las tha ma bzung ba dang / / zhes pa ni yi ge ma'o/ /sgra yig ya dang zhes sogs ni yi ge ha sgra yig gnyis pa dang ldan pa'o/ /dbus las dbu ma zhes sogs ni yi ge ba sgra yig gsum pa dang ldan pa'o/ /dbang ldan phyi rol zhes sogs ni yi ge sha'i 'og na ba 'dogs pa'o/ /dbus las dang po dang ldan bya//zhes pa ni yi ge pa'o/ /byang nas dbu ma zhes sogs ni yi ge da'i 'og tu ma 'dogs pa'o/ /dbus las tha ma zhes sogs ni yi ge ma sgra yig drug pa dang ldan pa'o/ /e yig me mtshams can ldan pa'i/ /byang las dang por 'gyur bar bya/ /zhes sogs ni yi ge ta'i mgo la ra 'dogs pa'i sgra yig bcu gcig pa dang ldan pa'o//bden bral phyi rol zhes sogs ni yi ge sa sgra yig gsum pa dang ldan pa'o/ /byang las bzhi pa zhes sogs ni yi ge d+ha'i 'og tu ya 'dogs pa'o/ /rlung mtshams phyi rol zhes sogs ni yi ge ha thig le dang bcas pa'i sgra yig drug pa dang ldan pa'o//dbu ma gnyis pa gang yin pa/ /zhes pa ni pha'o/ /nub kyi dang po zhes sogs ni yi ge Ta la a yig med pa'o/ /des ni 'di gsung bar 'gyur te/ he ma hA bi shwa pad+ma mA rte sad+d+h+yi hUM phaT/ ces sna tshogs pad+mo'i sngags so/ /rlung mtshams phyi rol zhes sogs ni ra'i gdan la gnas pa'i yi ge ha sgra yig bzhi pa dang ldan la tsheg drag can no//dbus las dang po bzung ba dang / /zhes pa ni yi ge pa'o/ /byang las dbu ma zhes sogs ni yi ge da sgra yig gsum pa dang ldan pa 'og tu ma 'dogs pa'o/ /mkhas pas lan gnyis brjod par bya//zhes sogs ni go sla'o/ /rlung mtshams phyi rol zhes sogs ni yi ge ha thig le dang bcas pa'i sgra yig drug pa dang ldan pa'o/ /tha mar yi ge a las zhes sogs ni thig le dang bcas pa'i sgra yig gnyis pa dang ldan pa'o/ /des ni 'di gsung bar 'gyur te/ hrIH pad+mi pad+mi hUM AM/zhes pad+ma'i na bza' ma'i sngags so/ /rlung mtshams phyi rol zhes sogs ni yi ge ha sgra yig bcu gsum pa dang ldan pa la tshig drag can no/ /dbus las dang po bzung ba dang / /zhes pa ni yi ge pa'o/ /byang nas dbu ma zhes sogs ni yi ge da la sgra yig bcu gsum pa dang ldan pa la 'og na ma 'dogs pa'o//dbus las dbu ma pa nyid la/ /zhes sogs ni yi ge ba la sgra yig gsum pa dang ldan pa'o/ /dbang ldan phyi rol zhes sogs ni yi ge sha sgra yig gsum pa dang ldan pa la 'og na ba 'dogs pa'o/ /shar las dang po zhes sogs ni ra'i stan la gnas pa'i yi ge ka'o//dbus las tham zhes sogs ni yi ge ma sgra yig gnyis pa dang ldan pa'o/ /shar las dang po zhes sogs ni ra'i stan la gnas pa'i yi ge ka'o/ /dbus las tha ma yang yin zhes pa ni yi ge ma'o/ /rlung mtshams phyi rol zhes sogs ni yi ge ha thig le dang bcas pa'i sgra yig gnyis pa dang ldan pa'o//lho nas dbu ma zhes sogs ni yi ge dza gnyis brtsegs tsheg drag can no/ /des ni 'di gsung bar 'gyur te/ hoHpad+mo bi shwi kra mA kra ma hUM dz+dzaH/ zhes rdo rje dbang phyug ma'i sngags so/ /gling bu ma la sogs pa rnams kyi ni dpal rdo rje sems dpa'i dkyil 'khor la gsungs pa'i sngags gzung bar bya'o//dpal pad+ma gar gyi dbang phyug 'khor dang bcas pa'i sngags 'byung ba rdzogs so// //de ltar dpal pad+ma gar gyi dbang phyug 'khor dang bcas pa'i sngags phyung ba ston nas/ da ni dpal rdo rje nyi ma 'khor dang bcas pa'i gsungs pa/o yig thig le dang ldan par/ /zhes pa la sogs pa gsungs te/ sgra yig bcu gsum pa thig le dang bcas pa'o/ /sgra yig i dang zhes sogs ni sgra yig gsum pa dang ldan pa'i yi ge sa'o/ /byang las bzhi pa gang yin pa//zhes sogs ni ya'i gnas la gnas pa'i yi ge d+ha'o/ /dbus las bzhi pa zhes sogs ni yi ge b+ha sgra yig lnga pa dang ldan pa'i tsheg drag can no/ /bden bral phyi rol zhes sogs ni yi ge sa sgra yig gsum pa dang ldan pa'o/ /byang las bzhi pa zhes sogs ni ya'i gdan la gnas pa'i yi ge d+ha'o//dbus las bzhi pa zhes sogs ni yi ge b+ha sgra yig lnga pa dang ldan pa'o/ /de bzhin dbus las zhes sogs ni tsheg drag can no/ /bden bral phyi rol zhes sogs ni yi ge sa sgra yig gsum pa dang ldan pa'o/ /byang nas bzhi pa zhes sogs ni yi ge d+ha 'og na ya 'dogs pa'o//bden bral phyi rol zhes sogs ni yi ge sa 'og na ma btags pa tsheg drag can no/ /de bzhin bden bral zhes sogs ni yi ge sa sgra yig gsum pa dang ldan pa'o/ /byang nas bzhi pa zhes sogs ni yi ge d+ha'i 'og tu ya btags pa'o/ / dbus las tha ma de bzhin dang / /zhes pa ni yi ge ma'o/ /yi ge a dang mnyam sbyor zhes sogs ni sgra yig a dang ldan pa'i yi ge ha'o/ /de bzhin dbus las dbu ma yang / /zhes pa ni yi ge ba'o/ /me mtshams pa'i zhes pa la sogs pa ni ra'i gdan la gnas pa'i yi ge dza'o//me mtshams 'dab mar de bzhin dang / zhes pa ni yi ge ra'o/ /byang las tha mar 'gyur zhes pa la sogs pa ni yi ge na la steng du ta btags pa'o/ /dbus las dbu ma de bzhin du/ /zhes sogs ni ba zhes pa la lan gnyis brjod pa'o/ /de bzhin nub las dang po zhes sogs ni yi ge Ta lan gnyis brjod pa'o//me mtshams pa'i zhes sogs ni ra'i gdan la gnas pa'i yi ge ta thig le dang bcas pa la sgra yig gnyis pa dang ldan pa'o/ /des ni 'di gsung bar 'gyur te/ oM sid+h+ya b+huH sid+h+ya b+huH sid+h+ya smaH si d+h+ya ma hA badzra rat+na ba pa Ta Ta trAM/ zhes dpal rdo rje nyi ma'i sngags so/ /dbus las dbu ma bzung nas su/ /zhes pa ni yi ge ba'o/ /me mtshams pa'i zhes sogs ni ra'i gdan la gnas pa'i yi ge dza'o/ /bden bral phyi rol zhes sogs ni yi ge sa'o/ /dbus las dbu ma zhes sogs ni ba'i gdan la gnas pa'i yi ge ta'o//tsheg drag mnyam sbyor zhes sogs ni yi ge dza tsheg drag can no/ /des ni 'di gsung bar 'gyur te/ badzra satwa dzaH/ zhes lha mo dbang bskur ma'i sngags so/ /dbus las dbu ma de bzhin du/ /zhes sogs ni yi ge ba'o/ /me mtshams pa'i zhes sogs ni ra'i gdan la gnas pa'i yi ge dza'o//me mtshams 'dab mar de bzhin zhes pa ni yi ge ra'o/ /byang las tha ma zhes sogs ni yi ge ta la 'og tu na btags pa'o/ /rlung mtshams pa zhes pa la sogs pa ni yi ge ha ste thig le dang bcas pa'i sgra yig drug pa dang ldan pa'o/ /des ni 'di gsung bar 'gyur te/badzra rat+na hUM/ zhes lha mo gter ldan ma'i sngags so/ /dbus las dbu ma bzung ba dang / /zhes pa ni yi ge ba'o/ /me mtshams pa'i zhes sogs ni yi ge dza'i 'og tu ra btags pa'o/ /byang las bzhi pa gang yin dang / /zhes pa ni yi ge d+ha'o/ /me mtshams zhes sogs ni yi ge ra'i 'og tu ma btags pa'o//dbus las dbu ma de bzhin du/ /zhes sogs ni yi ge ba thig le can no/ /des 'di gsung bar 'gyur te/ badzra d+harma baM/ zhes rgyal mtshan mchog ma'i sngags gsungs so/ /dbus las dbu ma de bzhin du/ /zhes pa ni yi ge ba'o//me mtshams pa'i zhes sogs ni ra la gnas pa'i yi ge dza'o/ /shar las dang po bzung ba dang / /zhes pa ni yi ge ka'o/ /me mtshams pa'i zhes sogs ni ra la gnas pa'i yi ge ma'o/ /rlung mtshams phyi rol zhes sogs ni yi ge ha sgra yig bcu gsum pa dang ldan pa'i tsheg drag can no//des ni 'di gsung bar 'gyur te/ badzra karma hoH/ zhes mchod pa chen mo'i sngags so/ /a yig thig le dang ldan par/ /zhes pa ni sgra yig bcu gsum pa thig le can no/ /a yig me mtshams zhes sogs ni ra'i gdan la gnas pa'i pa sgra yig bzhi pa dang ldan pa'o//yi ge i dang mnyam ldan zhes pa ni sgra yig gsum pa dang ldan pa'i yi ge ta'o/ /dbus las dbu ma de bzhin dang / /zhes pa ni yi ge ba'o/ /e yig me mtshams zhes sogs ni ra'i gdan la gnas pa'i dza sgra yig gsum pa dang ldan pa'o/ /nub nas tha ma zhes sogs ni yi ge Na sgra yig gsum pa dang ldan pa'o//dbus las tha ma zhes sogs ni yi ge ma'o/ /nub kyi dang po zhes sogs ni yi ge Ta a med pa'o/ /des ni 'di gsung bar 'gyur te/ oM pra ti badzri Ni maT/ ces mda' gzhu 'dzin ma'i sngags so/ /o yig thig le dang ldan par//zhes pa ni sgra yig gsum pa thig le dang bcas pa'o/ /dbus las dbu ma zhes sogs ni ra'i gdan la gnas pa'i ba'o/ /me mtshams pa'i zhes sogs ni ra'i gdan la gnas pa'i yi ge dza'o/ /e yig me mtshams zhes sogs ni ra'i gdan la gnas pa'i yi ge pa la sgra yig bzhi pa dang ldan pa'o//yi ge i dang mnyam ldan zhes sogs ni sgra yig gsum pa dang ldan pa'i yi ge ta'o/ /me mtshams pa'i zhes sogs ni ra'i gdan la gnas pa'i yi ge ha sgra yig bzhi pa dang ldan pa'i tsheg drag can no/ / des ni 'di gsung bar 'gyur te/ oM badzra prI ti hrIH/ zhes rdo rje kha T+wAM ma'i'o/ /o yig thig le dang ldan pa/ /zhes pa ni sgra yig bcu gsum pa thig le can no/ /thig le e yig zhes sogs ni sgra yig gsum pa dang ldan pa dza yig thig le can no/ /yi ge a dang mnyam ldan zhes sogs ni yi ge ra sgra yig gsum pa dang ldan pa'o//dbus las tha ma de bzhin du/ /zhes pa ni yi ge ma'o/ /e yig dang ni zhes sogs ni yi ge na sgra yig gsum pa dang ldan pa'o/ /tsheg drag o yig zhes sogs ni yi ge ha sgra yig bcu gsum pa dang ldan pa'i tsheg drag can no//des ni 'di gsung bar 'gyur te/ zhes rdo rje nyi ma mdzes ma'i sngags so/ /o yig thig le dang ldan pa/ /zhes sogs ni sgra yig bcu gsum pa thig le dang ldan pa'o/ /dbus las dbu ma yang yin te/ /zhes pa ni yi ge ba'o/ /me mtshams pa'i zhes sogs ni ra'i gdan la gnas pa'i yi ge dza'o//dbus las tha ma de bzhin du/ /zhes pa ni yi ge ma'o/ /yi ge a dang mnyam sbyor ba/ /zhes sogs ni yi ge ha sgra yig gnyis pa dang ldan pa'o/ /de bzhin dbus las tha ma dang / /zhes pa ni yi ge ma'o/ /e dang mnyam ldan zhes sogs ni yi ge ha sgra yig bcu gsum pa dang ldan pa'o//thig le u yig zhes sogs ni yi ge ha thig le dang bcas pa'i sgra yig gnyis pa dang ldan pa'o/ /des ni 'di gsung bar 'gyur te/ oM badzra ma hA ma ho hAM/ zhes rdo rje me'i sngags so/ /gling bu ma la sogs pa'i lha mo rnams kyi ni dpal rdo rje sems dpa'i dkyil 'khor las gsungs pa'i sngags kho nas gzung bar bya'o//de ltar dpal rdo rje nyi ma 'khor dang bcas pa'i sngags 'byung ba gsungs nas/ da ni dpal rta mchog 'khor dang bcas pa'i gsungs pa/ o yig thig le dang ldan par/ /zhes pa sgra yig bcu gsum pa thig le can no//de bzhin bden bral zhes sogs ni yi ge sa thig le dang bcas pa'i sgra yig lnga pa dang ldan pa'o/ /dbus las bzhi pa gang yin du/ /zhes pa ni yi ge b+ha'o/ /yi ge i dang mnyam ldan zhes sogs ni sgra yig gsum pa dang ldan pa'i yi ge na'o/ /thig le u yig zhes sogs ni yi ge sa thig le dang bcas pa'i sgra yig lnga pa dang ldan pa'o//dbus las bzhi pa gang yin dang / /zhes pa ni yi ge b+ha'o/ /thig le u yig zhes sogs ni yi ge ha thig le dang bcas pa'i sgra yig lnga pa dang ldan pa'o/ des ni 'di gsung bar 'gyur te/ oM suM b+ha ni suM b+ha hUM/ dpal rta mchog gi sngags so//o yig thig le dang ldan par/ /zhes pa ni sgra yig bcu gsum pa thig le dang bcas pa'o/ /de bzhin dbus las dbu ma dang / /zhes sogs ni yi ge ba la sgra yig gsum pa dang ldan pa'o/ /dbang ldan phyi rol zhes sogs ni yi ge sha'i 'og na ba 'dogs pa'o//dbus las dbu ma de bzhin du/ /zhes pa ni yi ge ba'o/ /me mtshams pa'i zhes sogs ni ra'i gdan can yi ge dza'o/ /byang nas bzhi pa yang yin dang / /zhes pa ni yi ge b+ha'o/ /me mtshams ba'i zhes sogs ni mgon ra btags pa'i yi ge ma'o/ /me mtshams pa'i stan zhes sogs ni ra'i gdan la gnas pa'i yi ge dza tsheg drag dang bcas pa'i sgra yig bzhi pa dang ldan pa'o//des ni 'di gsung bar 'gyur te/ oM bi shwa badzra d+ha rma dzrIH/ zhes sna tshogs pa'i sngags so/ /o yig thig le dang ldan par/ /zhes pa ni sgra yig bcu gsum thig le can no//o yig dang zhes sogs ni sgra yig gsum pa dang ldan pa'i yi ge ba'o/ /dbang ldan phyi rol zhes sogs ni yi ge sha 'og na ba btags pa'o/ /dbus las dbu ma de bzhin du/ /zhes pa ni yi ge ba'o/ /me mtshams pa'i zhes sogs ni ra'i gdan can dza'o/ /bden bral phyi rol bzung ba dang //zhes pa ni yi ge sa'o/ /dbus las dbu ma zhes sogs ni 'og na ba btags pa'i yi ge ta'o/ /tsheg drag dang ni zhes sogs ni yi ge ha tsheg drag dang bcas pa'o/ /des kyang 'di gsung bar 'gyur te/ oM bi shwa badzra satwa haH/ zhes pa ni sna tshogs rdo rje ma'i sngags so/ /lhag ma'i lha mo rnams kyi ni dpal rnam par snang mdzad la sogs pa'i dkyil 'khor las gsungs pa'i sngags gzung bar bya'o//dpal rta mchog 'khor dang bcas pa'i sngags 'byung ba rdzogs so// //de ltar sngags 'byung ba rdzogs nas/ da ni shin tu dga' ba nyid kyi shes pa grub pa'i don gsungs so//'di la bcom ldan 'das shin tu dga' ba yin zhe na zhes pa la sogs pa'o/ /de la legs par dga' ba ni shin tu dga' ba zhes pa sems can gyi don la chags so zhes pa'i don to/ /de'i ngo bor gyur pa ni shin tu dga' ba nyid ces pa'o/ /de kho na yang bshad pa skyon med rtag pa zhes pa la sogs pa ste/dga' ba che zhes pa dang 'brel to/ /de la nyon mongs pa'i bag chags med pa ni skyon med pa zhes bya'o/ /de lta bu'i dus kyi rang bzhin nyid du rtag par gnas pas na rtag pa zhes pa'o/ /skad cig ma re re pha rol gyi mtha' la mtha' yas gzugs ston pas sems can gyi don byed pas na gtan du ni zhes pa'o//'dod chags thams cad rjes chags phyir/ /de nyid gsang ba bcom ldan 'das/ /zhes pa ni rdo rje sems dpa'i sku'i gsang ba ni de nyid ces pa'o/ /de nyid de'i gsang ba yongs su grub pa'i rang bzhin gyis gzung 'dzin rnam par rtog pa thams cad bcings pa yis/brtags par mi bcing bar bya ste/ skal ba ji ltar gnas pa bzhin du gzhan rnams la ston par mdzad pas na de bzhin gshegs pa zhes bya'o/ /kun tu bzang po zhes pas ni dge ba byang chub sems la sogs pa mngon du byed pa'i ngo bo de las gyur pa yang kun du bzang po'o//kun gyi bdag ces pa ni yongs su grub pa'i rang bzhin gyis sems can gyi rgyud thams cad la rjes su rtog pa'o/ /byang chub sems zhes pa ni rang bzhin gyi sems kyis yang dag pa ji lta ba bzhin yongs su shes pa ni byang chub bo/ /de'i rang bzhin sems dpa' ni byang chub sems zhes pa'o//mchog gi mchog ces pa ni rab tu gyur pa'i byang chub kyi mtshan nyid kyi sems so/ /de ji ltar bcom ldan 'das rdo rje snying po yin zhe na zhes pa la sogs pa ni de la 'jig rten dang 'jig rten las 'das pa'i dngos grub kyi mchog rab tu gyur pa ni dngos grub mchog ces pa'o/ / chen po de bzhin gshegs pa thams cad kyi grub pa ni kun gyi mchog ces pa'o/ /gdod ma dang tha ma med pa'i chos kyi dbyings mngon du byas pa'i rang bzhin nyid kyis dbang phyug chen po zhes pa'o/ /dbang po nyid du gyur pa zin ma thag tu mchog gi phyag rgya ni/ dbang phyug che mchog phyag rgya yin/ /zhes pa ste/dpal rdo rje sems dpa'i phyag rgya'o/ /des kyang / /rdo rje dbang chen yar 'dren pas/ /rdo rje snying po'i gtso bo'i gtso bo/ /zhes pa ni rdo rje'i dbang chen ni rdo rje dbang chen zhes pa ste/ byang chub kyi mtshan nyid byang chub sems kyi spyod yul gtsor gyur pa'o/ /de'i yar 'dren pa zhes bya ba ni gsang ba chen po lnga ste/de kho na nyid ces pa rgyun mi 'chad pa'i skad cig ma re re kho na las byung ba'o/ /yar 'dren pa de'i phyir rdo rje snying po dpal rdo rje sems dpa'i phyag rgya chen po dang lha mo rnams kyi gtso bo zhes 'byung ba'i rkyen du gyur pa'o/ /de gang yin zhe na/ gsungs pa/ gtso bo zhes pa ste dbang phyug gam khyab bdag gdod ma nas tha ma med pa'i chos kyi dbyings kyi rang bzhin no//de nyid dam pa dang skyes bu'o zhes pa ste/ tshor ba tsam gyis gzugs tsam gyi skyes bu bskyed pa'i rkyen nyid kyis skyes bu zhes gsungs so/ /de kho na'i thams cad sems nyid gsungs pa/ de la ji ltar bcom ldan 'das thams cad kyis sems dpa' yin zhe na zhes pa la sogs pa ste/de la 'gro ba'i dngos po de rnams ni thams cad kyi sgrar gsungs pa de dag gi sems ni thams cad sems shes pa ste/ tshor ba'i gzugs tsam gyis yongs su grub pa'i rang bzhin no//de kho na gsungs pa/ bsam med rgya che zhes pa la sogs pa ste/ byang chub sems bdag brtan pa yin/ /zhes pa dang 'brel to/ /de la rnal 'byor thams cad kyi bsam pa ni mi nus pa spyod yul nyid du ma gyur pa ni bsam med ces pa'o/ /kun du khyab pa ni rgya che zhes pa'o/ /rgya mtsho chen po bzhi gting thug par mi nus pa'i sems ni zab ces pa'o//dngos grub thams cad kyi bde ba skyed pa'i rkyen nyid kyis rtag par gnas pa ni/ dngos grub thams cad zad med bde/ /zhes pa'o/ /de nyid kun khyab dri ma med/ /ces pa ni de bzhin gshegs pa'i snying po'i ngo bos sems kyi rgyud thams cad rjes su rtogs pa nyon mongs pa'i bag chags kyi dri ma med pa'o//de gang yin zhe na gsungs pa/ byang chub sems bdag brtan pa yin/ /zhes pa'o/ /rnal 'byor pas kyang ji ltar mngon du bya ba yin zhe na/ de mngon du bya ba'i thabs gsungs pa/ sems brtan pa'i byang chub sems dpa' yis//gang de sems can thams cad kyi khams gsum du rnam par rtog pas mi brtan pa'i sems de ni/ ji ltar gsungs pa'i rnam par rtog pa med pa ni sems brtan pa'i zhes pa'o/ /de'i ngo bo sems brtan pa nyid kyis ni 'di ni sems dpas gsungs pa'o/ / ting 'dzin sems bsgom pa'i zhes pa ni chos bdag med pa'i tshul gyis sems rtse gcig pa ni ting nge 'dzin zhes pa'o/ /chos bdag med par bsgom pa ni sems dpa' bsgom pa'o/ /de bas na ji ltar gsungs pa'i sems ni ting nge 'dzin zhes pa ni tha tshig go/ /rnam shes las sems rdo rje nyid//ces pa ni rnam par shes pas ni rnam shes zhes pa ste/ zla ba'i dkyil 'khor gyi tshul la sogs pa rnam par shes pa'o/ /rnam shes rgyud las ji ltar gsungs pa'i sems de ni/ sems rdo rje nyid ces pa ste/ zla ba dang rdo rjer gyur pa'o/ /rdo rje rdo rje 'dzin pa 'byung / /zhes pa ni gong du gsungs pa'i rdo rje las sems byin gyis rlob pa'i sbyor ba yis rdo rje 'dzin pa dang /rdo rje sems dpa' sgrub pa po'i rgyud las 'byung bar 'gyur ba'o/ /'di ltar gsung bar 'gyur te/ ji ltar gsungs pa'i tshul gyis dam tshig rdo rje khu tshur bcangs pa'i mthar thug pa'i cho ga brtsams nas/rang gi snying ga'i rdo rje'i dbus su yid kyis yi ge hUM bris te/ de nyid yid kyis brjod de/ chos thams cad bdag med par bsgom par bya'o/ /de nas zla ba'i dkyil 'khor gyi gzugs brnyan la rang gi sems bsgom ste/ de'i steng na zla ba'i dkyil 'khor gnyis pa/ dang / zla ba'i dkyil 'khor gnyis pa de yang rdo rjer byas nas rdo rje'i nga rgyal bsgom par bya'o/ /de nas sems dpar byin gyis brlab pa'i sbyor ba yis/ zla ba dang rdo rje las bskyed pa rdo rje dang dril bu 'dzin pa/ dpal rdo rje sems dpa'i phyag rgya chen po'i gzugs su bdag gnyid bsams nas ji lta ba bzhin du bsgom par bya'o//zla ba 'dra bar dag pa'i blo/ /rdo rje zhes su mngon par bshad/ /ces pa ni gzung ba dang 'dzin pa'i gzung ba'i dregs pa med pa'i shes rab ni rdo rjer gsungs te/ rnam par rtog pa thams cad mi 'byed pa nyid kyi phyir ro/ /'di la ji ltar bcom ldan 'das rdo rje 'dzin pa chen po yin zhe na zhes pa ni byang chub sems la sogs pa'i rang bzhin gnyis su med pa/sems dang sems las byung ba de bzhin nyid de las rdo rje chen po 'dzin pas na rdo rje 'dzin chen po'i sgrar gsungs so/ /de kho na'i don gsungs pa/ ting 'dzin la sogs rnam bzhi yis//gang gi bskyed pa yod pa ni/ /zhes pa ni chos thams cad rang bzhin dag pa yis/ dpyad pa las byung ba'i sems rtse gcig pa ni ting nge 'dzin zhes pa ni sems pa'i rdo rje'i tshul lo/ /de la sogs pa'i sgra ni chos thams cad bdag med par bsgom pa las byung ba/zla ba'i dkyil 'khor gyi tshul gtan la dbab pa ste de'i steng du zla ba'i dkyil 'khor gnyis pa gtan la dbab pa dang / rdo rje'i nga rgyal bsgom pa dag gzung bar bya'o/ /de nas sems dpa' byin gyis brlab pa'i sbyor ba yis/ sems dpa'i rdo rje rdo rje sems dpa'i bdag nyid gtan la dbab ste/ma hA sa ma ya satwa a haM/ zhes sogs pa'i don bsgom pa yis/ de bzhin nyid mngon du byed pa ni bskyed pa yod pa ni zhes pa'o/ /'o na ci'i phyir zhe na/ bsgom pa de yis gang bskyed pa/ /rdo rje 'dzin nyid chen po yin//zhes gsungs pa/ bsgom pa thams cad ces pa la sogs pa ste/ 'grub par 'gyur zhes pa dang 'brel to/ /ci'i phyir dam tshig sems dpa' chen po bdag ces sngags don bsgoms pa de yis thams cad kho na dpal rdo rje sems dpa' la sogs pa'i rang bzhin du sku dang gsung dang /thugs kyi rdo rje gzugs brnyan 'dra bar mnyam par gdod ma nas skyes pa bdag yin no zhes bsgom pa'i rnal 'byor pas/ de bzhin nyid mngon du byed pa yis tshe 'di kho na nyid du 'grub par 'gyur zhes pa'o/ /de'i phyir 'di kho na bsgom pa dang sgrub pa nges par bya ba'i don gsungs pa/sems dpa' byin gyis brlab phyir kyang / /zhes pa ste/ sems dpa' byin gyis brlab pa'i sbyor ba ni bshad zin to/ /yang zhes pa'i sgra ni nges pa'i don te/ sems dpa' byin gyis brlabs pa kho nas 'grub po zhes pa'i don to/ /rang byin gyis brlab pa 'dir 'grub pa ste/zhes pa ni rang byin brlab pa ni sems dpa' dang rdo rje las byung ba'i dpal rdo rje sems dpa' bdag nyid bskyed pa'o/ /de nyid sgrub pa'i mchog ces te/ mchog tu gyur pa'i dpal rdo rje sems dpa' de bskyed par bya ba'i phyir ro/ /ji ltar de 'grub pa'i mchog yin zhe na gsungs pa/de nyid nyin re la zhes pa la sogs pa ste/ thob pa'i zhes pa dang 'brel to/ /de 'dis zhes pa ni sems dpa' byin gyis brlab pa'i sbyor bas shes pa'o/ /nyin re zhes pa ni nyi ma re re'o/ /snga dro phyi dro le lo 'grub pa ni bdag bskyed pa la bya'o/ /rdo rje sems dpa' nyid 'thob bo//zhes pa ni shes sla'o/ /'di la ji ltar bcom ldan 'das kun tu bzang po spyod pa yin zhe na/ gsungs pa ni ji ltar gsungs pa'i mdun du/ bzang po de yis phun sum gyi gzugs kyis sems can gyi don byed pa'o/ /de kho na'i don gsungs pa/ snying stobs rdul zhes pa ste/ de la yang bar ston pa'i gzugs ni snying stobs zhes pa'o/ /rdul zhes pa ni 'dod chags so/ /mun pa yang zhes pa ni ma rig pa'i mun pa'o/ /tshig gsum kho nas stobs kyi lha dang / rab tu 'dod dang gnas pa'i mtha' dang / dbang phyug chen po dang / tshangs pa dang / khyab 'jug rnams dang gsang ba'i gzugs rnams gsungs pa'o//ci'i phyir sems can don zhes pa la sogs pa ni shes sla'o/ /ji bzhin byang sems spyod ces 'gro/ /zhes pa ni gdul ba'i skye bo rnams byang chub par bya ba'i don du spyod pa ni byang chub spyod ces pa ni/ des phun sum sprul pa'i gzugs kyis/gang bcom ldan 'das kyis sems can gyi don byed pa de ni byang chub sems dpa' la sogs pa'i chos bzhi'o/ /byang chub kyi rjes su 'gro ba ni rjes su 'gro zhes pa'o/ /'di las ji ltar bcom ldan 'das bdud dang bdud las rgyal ba yin zhe na/ de la sems de kho na bdud nyid de zhes pa ni bdud kyi rnam par 'gyur ba'i sems ni bdud do//de'i ngo bo nyid ni bdud nyid ces pa ste/ rang gi rnam par rtog pa las byung ba'i bgegs rnams de sngon du ser sna bskyed pa'i phyir gsungs pa'i phyir ro/ /sems de kho na de bzhin gshegs/ /zhes pa ni de bzhin gshegs pa'i gtan la phab par 'gyur ba'i sems ni de bzhin gshegs pa zhes pa'o//de nyid de bzhin gshegs pa'i rkyen gtan la phab pa/ bdud kyi rnam par rtog pa med pa/ bdud snang ba med pa'i phyir bdud las rgyal ba zhes pa'o/ /byang chub sems dpa'i snying po la gnas pa'i byang chub sems dpa'i brtson 'grus brtan pa la bskyed par bya ba'i don du/lha'i bu'i gzugs kyis brtse bar byed pa'i bcom ldan 'das dpal rdo rje sems dpa' ni bdud ces pa'o/ /de ltar gsungs pa ji ltar 'dod pa'i bcom ldan 'das rdo rje sems dpas lha'i bu'i gzugs kyis/ byang chub snying po la gnas pa'i byang chub sems dpa' la brtse nas/de lta de ltar byang chub sems dpas/ byang chub sems dpa' la shin tu brtan pa'i sems nye bar skyed par byed do zhes pa'o/ /de'i phyir gsungs pa/ rang sems gdul ba'i don du ni/ /bdag ni bdud nyid nye bar 'gro/ /zhes pa ste/ mgo rtsom pa'i rnal 'byor ba rnams kyis gang sems dang gang dpal rdo rje sems dpa' lha'i bu'i bdud du gnas pa de dang de ni/sgrub pa po sems dang chos nyid du lhan cig dbyer med par rang gi sems shes par bya ste/ de la 'dul ba dang bstan par bya ba'i phyir dang / de'i don du bdag ni bdud nye bar 'gro zhes pa'o//de la ji ltar bcom ldan 'das mngon par byang chub pa dang sangs rgyas yin zhe na zhes pa ni/ de la rang sems so sor rig pa ni zhes pa ni/ tsit+ta pra ti be d+haM ka ro mi/ zhes dang po nas bzung nas/ ji snyed du oM badzra At+ma kou0f85haM/zhes pa'i bar du b sgoms pa ni/rang sems so sor rtog pa ni zhes pa'i sgra ni ci'i phyir gyi don to/ /byang chub sems mchog rdo rje nyid/ /ces pa ni ci'i phyir ji ltar gsungs pa'i rang sems so sor rtog pa'i phyir/ byang chub sems mchog rab rdo rje nyid du gyur pa de'i phyir de nyid mngon par byang chub pa'o/ /de kho na bshad pa de nyid de las shes pa ste/rang gi sems so sor rtog pa de yis byang chub sems sbyin pa'i pha rol tu phyin pa dang / shes rab kyi pha rol tu phyin pa'i rang bzhin de kho na nyid ces pa'i don to/ /des sangs rgyas te/ rang bya ni brlab mchog 'grub phyir ro/ /zhes pa ni de la des zhes pa ni rjes snyegs pa'o//sems dpa'i rdo rjer gyur pa ni sems de yis sangs rgyas pa'i ngo bo ni des sangs rgyas zhes pa'o/ /oM ya thA sarba ta thA ga ta sta tha haM/ zhes sngags kyi don bsgom pa nyid kyis rnam pa thams cad dang ldan pa'i sangs rgyas kyi gzugs su bdag 'gyur ba'i rang byin brlab mchog 'grub pa'i phyir ro zhes pa'o//'grub pa de las des sangs rgyas zhes pa'i tha tshig go/ /de la ji ltar bcom ldan 'das phyag na rdo rje yin zhes pa la sogs pas ni/ de dbyer med ces pas ni sems can des sems ma yin pa thams cad gzung ba dang 'dzin pa'i rnam par rtog pa 'joms pa'o//so sor rtog pa dang zhes rgyu med pa'i chos thams cad ces gtan la phab pa'o/ /sdang ba thams cad nges par gnon pa zhes pa ni 'dod chags la sogs pa nyon mongs pa ni drag po la sogs pa sems can 'joms pa la gnas pa dag gi sdang ba thams cad ces pa'o//de dag nges par gnon zhes pa ni 'dod chags la sogs pa bag chags kyi nyon mongs pa spang pa dang / drag po la sogs pa'i 'og mar ltung bar byas te/ byang chub chen po'i sems kyi rkang pas gnon pa'o/ /sangs rgyas kun dngos rdo rje ni/ /byang chub sems sbyin pa'i pha rol tu phyin pa dang /shes rab kyi pha rol tu phyin pa dang / brtson 'grus kyi pha rol tu phyin pa dang / sangs rgyas thams cad gcig par 'dus pa'i ye shes ni sangs rgyas kun zhes pa'o/ /de'i dngos de'i rgyu can rtse lnga pa ni rdo rje ni zhes pa'o/ /de gang yin zhe na gsungs pa/byang chub sems bdag brtan pa yin/ /zhes pa ste/ bdag kho na rnam par rtog pa thams cad med pas byang chub sems dbyer med pa'o de rnam par 'jug pa yis bya ste/ sangs rgyas thams cad kyi dngos rdo rje rtse lnga pa'i gzugs so/ /bstan pa thams cad grub don du//zhes pa la sogs pa ni ji ltar gsungs pa'i rdo rje kho na/ de bzhin gshegs pa bdag gis kun tu bzang po zhes bya ba/ byang chub sems dpa' sprul par byas te/ kun tu bzang po de la ji ltar gsungs pa'i de bzhin gshegs pa thams cad kyi rigs 'khor los sgyur ba nyid dbang bskur nas/de bzhin gshegs pa thams cad kyi bstan pa 'grub pa'i don du phyag la byin pas ni/ de'i tshe de nas phyag na rdo rje zhes btags so/ /rdo rjes nye bar btags pa'i phyag dang ldan pa de la phyag na rdo rje gsungs so/ /ji ltar bcom ldan 'das dang po'i rigs 'byung ba yin zhe na zhes pa'i lan la/shes rab kyi pha rol tu phyin ma dang zhes pa la sogs pa ste go sla'o/ /'dul phyir rdo rje sems dpa' ni/ /zhes pa la sogs pa ni dpal rdo rje sems dpa' kho na byang chub sems kyi mtshan nyid thabs kyi pha rol tu phyin pa'i rang bzhin phar yongs su btags pa byang chub kyi sems sems can gyi khams 'dul ba'i phyir na brtsams pa'o//skye ba dag ni rigs yin no/ /zhes pa ni de bzhin gshegs pa las byung ba/ rdo rje sems dpa' la sogs pa'o/ /gzugs rnams kyang rdo rje sems dpa' la sogs pa'i gzugs rnams ni de bzhin gshegs pa'i rigs dag go//de ltar rdo rje dang / rin po che dang / pad+ma dang / las kyi rdo rje las byung ba'i rdo rje hUM mdzad la sogs pa'i gzugs rnams ni de bzhin gshegs pa'i rigs so/ /de ltar rdo rje dang / rin po che dang / pad+ma dang / las kyi rdo rje las byung ba'i rdo rje hUM mdzad la sogs pa'i gzugs rnams kyang rdo rje la sogs pa'i rigs bdag shes par bya'o//da ni 'dod pa'i sgra'i don dang / thar pa'i sgra'i don gsungs pa/ de la ji ltar bcom ldan 'das 'dod pa'i thar pa yin zhe na zhes pa la sogs pa mngon du byas nas lan btab pa/dngos grub thams cad rjes chags phyir/ /zhes pa ni dpal rdo rje sems dpa' la sogs pa'i dngos grub thams cad ces pa ste/ de dag gi rjes su chags pa'i phyir zhes pa ni mgo brtsams pa'i rnal 'byor pas yang nas yang du mngon du byed pa'o/ /de'i phyir na dngos grub kyi rjes su chags pas bcom ldan 'das 'dod chags zhes te/dpal rdo rje sems dpa' la sogs pa bskyed pa la mngon du byas nas 'dod pa'i phyir te gsungs pas/ 'dod chags chen po bcom ldan 'das/ /zhes pa ste mi dmigs pa'i snying rje chen po'i mtshan nyid bcom ldan 'das rdo rje 'dzin chen po ci'i phyir kun du rtog pa de'i phyir 'dod chags chen po zhes bya'o//kun 'grub zad med bde ba ni/ /bde ba chen po zhes 'dod do/ /zhes pa ni/ dpal rdo rje sems dpa'i dngos grub rnams ni kun 'grub ces pa'o/ /de yis bstan pa ni zad med ces pa'o/ /gang bde ba nye bar skye ba ni gzung 'dzin rnam par rtog pa med pa'i 'brel ba ni de ni thar pa zhes gsungs so//gsang chen zhes pa la sogs pa ni sgra'i don gsungs pa/ gsang ba khrag 'thung zhes sogs pa ste/ dpal khrag 'thung ni gsang ba chen po'i sgrar gsungs so/ /ci'i phyir yin zhe na gsungs pa/phyag rgya chen po 'grub pa'i phyir/ /zhes pa ste/ chen po yang de phyag rgya yang de nyid pas phyag rgya chen po zhes te/ mi bskyod pa'i sems kyi rang bzhin byang chub kyi mtshan nyid me long lta bu'i ye shes kyi phyag rgya'o/ /des 'grub pa'i phyir zhes pa ste/ snying rje chen po'i khro bos bzang po la sogs pa'i khro bor gzhom pas so//mchog ni pad+ma 'dzin rgyal po/ /zhes pa'o/ /ci'i phyir yin zhe na gsungs pa/ dam tshig dam pa shes ldan phyir/ /zhes pa ste/ dam tshig ces pa ni mi 'da' ba'o/ /dam pa yang de shes pa yang de nyid pas dam pa shes pa'o//chos thams cad rang bzhin dag go zhes gtan la phab pa'o/ /de dang gang dag ldan pa de dag ni dam pa shes ldan zhes bya ste/ de bzhin gshegs pa rnams so/ /'di ltar gsung bar 'gyur te/ ci'i phyir de bzhin gshegs pa thams cad kyis so sor kun tu rtog pa'i ye shes kyi bdag nyid pad+ma 'dzin 'dar med pa de'i phyir dam tshig dam pa zhes bya'o//dgyes pa dam pa nyi ma ste/ /zhes pa ni dgyes pa dam pa shes rab ste/ 'jig rten las 'das pa'i nyi ma zhes so/ /de zhes pa'i sgra ni nges pa'i don to/ /sbyin pa la sogs mchog grub phyir/ /zhes pa ni rdzas la sogs pa'i gtor ma ni sbyin pa zhes te/zang zing gi sbyin pa dang / skyabs kyi sbyin pa dang / byams pa'i sbyin pa dang / dbang bskur ba'i sbyin pa zhes pa'o/ /sogs pa zhes pa'i sgra ni byang chub sems dang / shes rab kyi pha rol tu phyin pa dang / brtson 'grus kyi pha rol tu phyin pa dang / 'du ba'i ye shes thams cad gsung ba'o/ /sbyin pa la sogs pa'i chos de dag 'dul ba'i sems can gyi rgyud la/ bskyed par bya ba'i mchog 'grub phyir/ /zhes pa'o/ /bsgrub pa de'i phyir na yid bzhin nor bu 'dra ba ste/ dga' ba rdo rje nyi ma yin no/ /thams cad bdag nyid rtag tu bzhugs/ / zhes pa ni byang chub sems la sogs pa'i sgrub pa dang ldan pa ni thams cad bdag nyid ces pa'o/ /bdag nyid de la rtag par dus thams cad gnas pa ni dpal rta mchog go/ /ci'i phyir yin zhe na gsungs pa/ rdo rje rta mchog las nyid phyir/ /zhes pa ste/ brtson 'grus kyi kha lo bsgyur ba'i las rang gi rang bzhin nyid kyi phyir dpal rta mchog ces so//sangs rgyas kun dngos sems dpa' ste/ zhes pa ni mi bskyod pa dang / rin chen 'byung ldan dang / snang ba mtha' yas dang / don yod par grub pa rnams ni sangs rgyas kun zhes so/ /de'i rang bzhin ni dngos sems dpa' ste zhes pa ni dpal rnam par snang mdzad de/sangs rgyas thams cad ro gcig tu 'dus pa yin pa'i phyir ro/ /de kho na bshad pa/ rdzogs sangs rgyas phyir rnam snang mdzad/ /ces so/ /rdo rje sems dpa' rgyal chen po/ /ye shes rdo rje 'dzin mchog phyir/ /zhes bya ba la/de la rdo rje sems dpa' zhes pa ni sems dpa' byin gyi rlabs kyi sbyor ba las bskyed pa/ rdo rje dril bu 'dzin pa/ dpal bde mchog ma la sogs pa'i tshogs kyi dbus na bzhugs pa'o/ /rgyal po zhes pa ni dpal bde mchog ma la sogs pa'i lha mo'i dbus na bzhugs pa/ rdo rje dang dril bu 'dzin pa/ rdo rje sems dpa'i gzugs de la kun tu 'gro ba rgyal zhing snang ba ni rgyal chen po'o/ /ye shes rdo rje 'dzin mchog phyir/ /zhes pa ni gsang ba chen po lnga'i de kho na nyid kyi ye shes ston par byed pa des thob pa de las byung ba'i rtse lnga pa'i dang po'i rdo rje ni ye shes rdo rje zhes pa'o/ / rdo rje de shin tu sbyor ba'i phyag gis 'dzin pas na/ ye shes rdo rje 'dzin mchog ces so/ /de yang dpal rdo rje sems dpa' kho na'o/ /des ni 'di gsung par 'gyur te/ dpal khrag 'thung dang / gar gyi dbang phyug dang / nyi ma dang / rta mchog dang / dpal rnam par snang mdzad la sogs pa rnams kyi bdag nyid ni dpal rdo rje sems dpa' ste/ye shes thams cad 'dus pa'i ngo bor bshad pa'o/ /da ni rnam pa gsum gyi sgra'i don bshad pa/ de lta ji ltar bcom ldan 'das/ /rnam pa gsum yin zhes pa sogs pa ste/ de la/ 'jig rten gsum dag mtha' yas phyir/ / zhes pa ni 'dod pa'i khams dang / gzugs kyi khams dang / gzugs med pa'o/ /'jig rten gsum zhes pa ni snod bcud kyi rang bzhin no/ /ci'i phyir khams gsum nyid yin zhe na/ mtha' yas phyir zhes pa ste/ 'jig rten gsum gyi chos nyid gang yin pa de ni gdod ma dang tha ma med pa'i mtha' med pa dang bdag kyang gdod ma dang tha ma med pa'i mtha' med pa'i rang bzhin nyid pas lhan cig dbyer med pa mnyam pa nyid bsam pa dbang du byas nas gsungs te/'jig rten gsum bdag mtha' yas phyir/ /zhes pa'o/ /de ltar 'jig rten gsum gyi ngo bos rnam pa gsum bstan nas da ni srid pa'i ngo bor gsungs pa/ 'dul phyir srid gsum mchog gsum bdag /ces pa ste/ 'dod pa dang / gzugs dang / gzugs med pa gsum ni srid pa gsum zhes pa'o/ /ci'i phyir na khyod srid pa gsum yin zhe na gsungs pa/ 'dul ba'i don du zhes pa ste/ khams gsum du rdo rje sems dpa'i gzugs kyis sems can gyi khams 'dul ba'i don du de'i gzugs su sprul pa'i phyir zhes pa'i don to//rdo rje 'dzin dang 'jig rten dbang phyug dang / nam mkha'i snying po'i gzugs su snang bas/ dkon mchog gsum zhes pa'o/ /stobs bzangs dang / 'dod pa'i lha dang / gnas kyi mnga' bdag gi gzugs su snang bas mchog gsum mo//'jig rten gsum zhes pa ni sa 'og gi 'jig rten dang sa steng gi 'jig rten dang / sa bla'i 'jig rten ni gsum zhes pa'o/ /de'i gzugs su sprul nas sems can gyi don byed pa'i phyir na/ bcom ldan 'das thams cad du 'jig rten gsum zhes pa'o/ / khams gsum yin zhes pa ni/ sems can thams cad nyid la sogs pa dang / rjes su gnas pa'i g.yo ba dang / mi g.yo ba'i dngos po'i bdag nyid kyis 'dod pa dang / gzugs dang gzugs med pa'i rang bzhin gyis bdag ni khams gsum zhes te/ thams cad nyid la sogs pa dang ldan pa'o//ji ltar bcom ldan 'das de thams cad nyid yin zhe na/ gsungs pa/ de la ji ltar bcom ldan 'das thams cad nyid ce na zhes pa la sogs pa ste/ de la/ sems can bsod nams cher 'phags pa/ /zhes pa ni dge ba bcu'i las kyi lam bsags pa ni sems can rnams kyi bsod nams zhes pa'o//cher 'phags zhes pa ni rin po che sna bzhi la sogs pa'i gzugs su ri rab la sogs pa'i bskyed pa'o/ /bskyed pa de yang gzugs kyi shas kyi dngos kyis sems can gyi sems las dbyer med pa'o/ /de bas na de'i rang bzhin nyid kyang bdag yin no/ /de bas na gsungs pa/mi g.yo ba kho na bdag ces pa ni/ sems med pa'i dngos po rnams ni mi g.yo thams cad ces pa ste/ de'i phyir bcom ldan 'das mi g.yo thams cad yin no/ /g.yo ba ste zhes pa ni sems kyi dbang gis lhag par stobs kyi yul du 'gro ba ni g.yo ba zhes te/ sems dang ldan pa'i ngo bo'o//de'i phyir gsungs pa/ sems 'du byed phyir zhes pa'o/ /de la yang mnyam pa nyid du sbyor ba yin zhes pa'o/ /'du byed ces pa ni g.yo ba dang mi g.yo ba'i dngos po thams cad kyi bdag nyid dngos gzhi ni kun zhes pa'o/ /de kun sems kyi sprul pa yis byed pas na kun byed ces pa'o//sngon du 'phags pa'i stobs kyis sems can gyi don du dngos po thams cad kyi bdag nyid du de nyid 'gyur ro zhes pa'o/ /thams cad kho na yin zhes gsungs pa'o/ /mkha' 'gro ma'i sgyu ma'i rnam grangs gzhan gsungs pa/ mkha' 'gro ma dag lha mor gsungs/ / zhes pa ste nam mkha' thams cad la rgyu ba kha dog dang dbyibs kyi bdag nyid snying po dang / phyag rgya dang / sngags dang rig pa rnams kyi phyag rgya chen po la sogs pa phyag rgya ni lha mo zhes pa ste/ ci'i phyir sems ni/ bcom ldan 'das 'dod chen po'i lha mor gsungs pa'i phyir brda'i sgra'i don gsungs pa/brda ni mtshan mar gsungs pa'o/ /zhes pa ste/ gtsug lag gzhan la mi drag pa'i 'du shes kyi don to/ /skal bzangs kyi brda'i rnam grangs gzhan gsungs pa/ thams cad mdzad pa skal bzangs zhes pa ste/ thams cad kyis sems can gyi don byed pa thams cad mdzad ces bya'o//rnam par rtog pa skal bzangs mtshan/ /zhes pa ni sdug bsngal thams cad las bdag thar bar bya ba'i don du gtan du yongs su mya ngan las 'das pa mngon du byed pa'i don to/ /yi ge hUM gis dbyangs bskyed pa'i dgongs pa gsungs pa/ de la ji ltar bcom ldan 'das kyang dang po'i dbyangs 'byung ba ye shes kyi rgyud yin zhe na/zhes pa la sogs pa ste/ de la gtan du srid pa zhes pa ni mi gnas pa'i mya ngan las 'das pa'o/ /de grub par bya ba ni yang dag grub ces pa'o/ /de yis ni dbang phyug chen po zhes pa ste/ chos kyi rgyal po thob pa'o/ /de grub pa'i don du zhes pa ni/de thob par bya ba'i don du bcom ldan 'das kyis gsungs so zhes pa dang 'brel to/ /gang dag gis grub pa yin zhe na gsungs pa/ dpa' bo zhes pa ste mgo rtsom pa'i rnal 'byor pa dang / byang chub sems dpa' dag ni dpa' bo zhes pa'o/ /de dag gi rang bzhin dang rnam par smin pa dang /longs spyod dang sprul pa'i sku bskyed pa dag ni dngos grub kun don zhes pa'o/ /de'i don du skal ba bzang po la sogs pa'i mdun du bcom ldan 'das dpal rdo rje sems dpar gsungs so zhes pa'i tha tshig go/ /gsungs pa dag gi rang bzhin yin zhe na gsungs pa/ 'dod chags chen po'i phyir bcom ldan 'das zhes sogs te/hUM ni i yig ces pa dang 'brel to/ /de la 'dod chags chen po zhes pa ni bshad zin to/ /phyir zhes pa'i sgra ni ci'i phyir gyi don to/ /bcom ldan 'das zhes pa ni gzung 'dzin gyi rnam par rtog pa med pa mi bskyod pa'i rang bzhin chos kyi dbyings so/ / de lta bu'i rang bzhin gyis rtag par gnas pa'i phyir/ dam pa'i zad med ces pa'o/ /de kho na nyid dang sems can gyi don la shin tu chags pas ni shin tu dga' zhes pa'o/ /de kho na gsang ba nyid kyi phyir na snying po'i dbyangs zhes pa ste/ dpal rdo rje sems dpa' la sogs pa'i rang rang gi lha mo'i tshogs dang ldan pa'i dkyil 'khor gyi sku dang /gsung dang / thugs kyi rdo rje rnams ni gsang nyid ces pa'o/ /de la gtan la dbab pa'i ye shes ni snying po zhes pa'o/ /des bskyed pa'i dbyangs kyi sgra'i tha snyad hUM zhes bya ba dam pa zad med ces bstan pa dang / dang po'i dbyangs te/bcom ldan 'das kyis gsungs so zhes pa'o/ /de ltar snying po zhes gsungs nas/ da ni snying po de thob par byed pa nye ba'i snying po'i zhes gsungs pa/ de la ji ltar bcom ldan 'das nye ba'i snying po de nyid ces pa yin zhe na zhes pa la sogs pa ste/ de dkyil 'khor dag gis dman pa na zhes pa la sogs pa nas grub pa min zhes pa dang 'brel to//dkyil 'khor la 'jug na dkyil 'khor bsgom pa dang / gsol ba gdab pa med pa ni dkyil 'khor dag gis dman zhes pa'o/ /na zhes pa'i sgras ni ci'i phyir gyi don to/ /dkon mchog gsum dang byang chub sems kyi rang bzhin dag gi don ni dam tshig dag ni zhes pa'o//de dag med pa ni spangs pa dang zhes pa'o/ /yang ci 'dra ba'i grub pa yin zhe na gsungs pa/ de nyid gsang ba mi shes na/ /zhes pa ste/ de kho na nyid kyi gsang ba ni de nyid gsang ba zhes pa ste/ dkyil 'khor la 'jug pa dang /dkyil 'khor bsgrub pa dang / sngags yi ge hUM gi dbyangs len pa'o/ /de dag yongs su mi shes pa'i rnal 'byor pas ni mi shes na zhes pa'o/ /rdo rje sems dpa' 'grub pa min/ /zhes pa ni go sla'o/ /min zhes pa ni 'gog pa'o/ /des ni 'di gsung par 'gyur te/dkyil 'khor du 'jug pa la sogs pa dang ldan pa dang / de nyid gsang ba yongs su shes pas dpal rdo rje sems dpa' 'grub par 'gyur la/ yongs su mi shes na ni mi 'grub pa ci'i phyir/ de'i phyir na nye ba'i snying po zhes pa rtag par rnal 'byor pa rnams kyis mngon du bya'o zhes pa'i tha tshig go//yang rgyu ci'i phyir na nye ba'i snying po shes pas mngon du dngos grub du 'gyur la/ gzhan gyis ni mi 'grub pa yin zhe na gsungs pa/ 'dod pa bcom ldan 'das zhes pa la sogs pa ste/ 'dod chags dang mi 'bral 'grub ces/ /zhes pa dang 'brel to/ /de la 'dod pa zhes pa ni 'dod pa ste/rnal 'byor pa dag gis mngon par 'dod do zhes pa'o/ /de gang yin zhe na gsungs pa/ bcom ldan 'das sems dpa' ste/ nges par 'byed pa'i shes rab kyi rang bzhin rdo rje sems dpa'o/ /de kho na ni 'dod chags yang zhes pa ni gong du gsungs pa'i rdo rje sems dpa' ste/ chos bdag med pa'i 'dod chags kyi rang bzhin nyid kyi phyir ro//de ltar yang gsungs pa/ chos bdag med pa'i 'dod chags te/ /de las rgyal ba dpa' bo yin/ /zhes pa'o/ /gzhan yang gsungs pa/ 'dod chags dag ni dam tshig gsungs/ /chos kyi 'dod pa'i don dag phyir/ /de shes grub pa sbyor ba ni//rjes su 'dod chags shes dran no/ /zhes pa'o/ /rdo rje phyag na rdo rje'o/ /zhes pa ni bshad zin to/ /'dod chags de dang mi 'bral 'gyur/ /zhes pa ni ji ltar gsungs pa'i rdo rje sems dpa' dang / bsgom pa'i 'dod chags de dang ngo bo bral ba'i sems ni 'dod chags bral zhes pa'o//de ltar nye ba'i snying po'i de kho na nyid kyi shes pa bstan nas da ni de kho na yang 'brel pa ling ga 'greng ba zhes sogs te/ bsgom par bya zhes pa dang 'brel to/ /de la ling ga zhes pa ni mtshan ma gsungs pa ste/ pha rol tu phyin pa drug gi spyod pa byang chub sems dpa' rnams kyi mtshan ma'o//'greng ba zhes pa ni de yongs su rdzogs pa dang ldan pa de de ltar ro/ /rang byung zhes pa ni yongs su rdzogs pa'i bsod nams dang ye shes kyi tshogs grangs med pa'i 'jig rten gsum las skyes pa'i pha dang / pha rol tu phyin pa'i rgyu mthun pa'i ngo bo sems can gyi don grub pa srid pa tha ma pa'i byang chub sems dpa' chen po'i rang bzhin 'og min gyi gnas na byang chub snying po chen po'i nor bu seng ge'i khril bzhugs nas/zla ba'i mdog kha dog dkar ba'i rnam par bkod pa'i dbu rgyan gyis dbang bskur ba'i sems can la phan pa'i rgyu'i phyir sangs rgyas par shog shig ces 'gog pa'i ting nge 'dzin bsam gtan mngon du byed pa'o//bla yi steng du bzhugs byas nas/ /'phags pa de bzhin nyid 'dus pa las gsungs pa bzhin du/ mngon par byang chub pa lnga'i bsgom pa'i rim pas rnam par snang mdzad du bdag bskyed par bya ste/ rdo rje dbyings kyi dkyil 'khor chen po las ji ltar gsungs pa bzhin du sbyor ba chen po byas nas cho ga thams cad brtsams te/dpal rnam par snang mdzad kyi chos kyi 'khor lo las 'gyur ba'i ngo bo rtsa ba'i phyag rgya bcings nas/ sna tshogs pa'i nyi ma'i dkyil 'khor na sems pa'i skyil mo krung gis bzhugs pa yin te/ pad+mo bla zhes gsungs pa'i phyir la/ling ga mchod rten byin brlabs te/ /zhes pa ni da lta'i dus kyi rang gi snying ga'i zla ba la yi ge oM gyis dpal rnam par snang mdzad kyi dkyil 'khor sprul te/ yi ge oM mam sngags kyis dpal rnam par snang mdzad kyi dkyil 'khor brjod nas/ thal bar 'jig pa'i ro langs ma'i mthar thug pa'i bar du 'jug par bya'o//de nas badzra At+ma kou0f85haM/ /zhes brjod nas dpal rnam par snang mdzad la sogs pa'i sku dang / gsung dang / thugs kyi rdo rjer bdag bsgom par bya'o/ /oM swa b+hA wa shud+d+ho u0f85haM/ zhes brjod pas/ de kun shes rab kyi pha rol tu phyin pa'i ngo bo dang rang bzhin du bsgom pa'o//oM satwa sa ma ya haM/ zhes brjod nas chos bdag med par shes rab kyi pha rol tu phyin pa dang gcig pa'i ye shes las byung ba'i dpal rnam par snang mdzad la sogs pa'i sku dang / gsung dang / thugs kyi rdo rjer bdag byin gyis brlab par bya ste/ rdo rje dbyings kyi nga rgyal bskyed par bya'o//de nas yi ge khaM brjod nas/ rang gi snying gar gnas pa'i dpal rnam par snang mdzad kyi dkyil 'khor bsgom pa gsungs nas/ da ni dpal rdo rje sems dpa'i gsungs pa/ ling ga 'greng ba rang byung ste/ /zhes sogs ni ji lta ba bzhin du dpal rdo rje sems dpa'i sbyor bas sbyor ba chen po byas nas/dpal rdo rje sems dpa'i phyag rgya chen pos sna tshogs pad+ma'i steng du bzhugs nas/ nam mkha' dang mnyam pa nyid kyi sbyor bas nam mkha'i dbyings thams cad mnyam par gnas pa'i tshad rang gi snying gi zla ba la btsugs nas/ yi ge hUM gis lha mo'i tshogs dang lhan cig dpal rdo rje sems dpa' sprul te/yi ge hUM kho nas gnas ji lta ba bzhin du bzhugs su gsol nas/ sngon bzhin du don gsum po bsgoms te/ badzra sarba a haM a ti dza/ zhes pas rang gi snying gar gnas pa'i dpal rdo rje sems dpa'i 'khor gyi rang bzhin bdag gi nga rgyal du bskyed nas/lha thams cad kyi thugs kar gnas pa'i rdo rje bum pa na/ ji lta ba bzhin du yi ge hUM yid kyis de kho na brjod pas dpal rdo rje sems dpa' la sogs pa'i lha thams cad kyi rang bzhin dag bsgom par bya'o zhes pa'o/ /de ltar dpal rdo rje sems dpa'i gsungs nas/da ni dpal khrag 'thung gi gsungs pa/ ling ga 'greng bar rang byung ste/ /zhes pa la sogs pa ji lta ba bzhin du dpal khrag 'thung gi sbyor ba yis/ khams gsum rnam par rgyal ba'i dkyil 'khor las gsungs pa'i sbyor ba chen po byas nas/ dpal khrag 'thung gi phyag rgya chen pos sna tshogs pad+ma'i gdan gyi steng du ji lta ba bzhin du bzhugs te/dpal khrag 'thung gi rigs kyi snying pos rang gi snying ga'i zla ba la dpal khrag 'thung 'khor dang bcas pa sprul nas gnas ji lta ba bzhin du bzhugs su gsol te/ gong ma bzhin du don gsum pa bsgoms nas/ he ru ka a haM a ti ba dza/zhes brjod pas nga rgyal bskyed nas/ sgra yig bzhi pa dang ldan pa'i yi ge ha tshig drag can/ dpal khrag 'thung gi snying po 'bar ba'i rdo rje'i dbus su yid kyis bris te/ de bzhin du de kho na brjod pas/ dpal khrag 'thung la sogs pa lha thams cad kyi rang bzhin du bdag bsgom par bya'o/ / de ltar dpal khrag 'thung gi bsgom pa gsungs nas/ da ni dpal pad+ma gar gyi dbang phyug gi gsungs pa/ ling ga 'greng ba rang byung ste/ /zhes pa ste/ ji lta ba bzhin du dpal pad+ma gar gyi dbang phyug gi sbyor bas 'gro ba 'dul ba'i dkyil 'khor las gsungs pa'i sbyor ba chen po byas te/ sna tshogs pad+ma'i steng du dpal pad+ma gar gyi dbang phyug gi sbyor ba chen por zhugs pa ste yi ge ta yis rang gi snying ga'i zla ba la pad+ma gar gyi dbang phyug 'khor dang bcas pa sprul te/gnas ji lta ba bzhin du bzhugs su gsol nas sngon bzhin don gsum bsgoms te/ shrI pad+ma na rte shwa ra a haM man a ti dza/zhes nga rgyal bskyed pas dpal pad+ma gar gyi dbang phyug la sogs pa'i rang rang gi thugs kar gnas pa'i rdo rje'i bum par yi ge hrIHyid kyis bris te/ de kho na brjod pas lha thams cad kyi rang bzhin du bdag bsgom par bya'o/ /de ltar dpal pad+ma gar gyi dbang phyug gi rang gi dkyil 'khor bsgom pa gsungs nas/da ni dpal rdo rje nyi ma'i gsungs pa/ ling ga 'greng ba rang byung ste/ /zhes pa la sogs te/ ji lta ba bzhin du dpal rdo rje nyi ma'i sbyor ba yis/ nor thams cad grub pa'i dkyil 'khor chen po las sbyor ba chen po byas nas/ dpal rdo rje nyi ma phyag rgya chen po bya bas sna tshogs pad+ma'i steng du bzhugs nas yi ge hrIHyis rang gi snying gar lha mo'i tshogs dang lhan cig par dpal rdo rje nyi ma sprul te/gnas ji lta ba bzhin du bzhugs su gsol nas/ ji lta ba bzhin du don gsum bsgoms te/ badzra sUR+Ya a haM a te dza/ zhes pas nga rgyal bskyed nas rdo rje nyi ma la sogs pa'i thugs kar yid bzhin gyi nor bu'i dbus su traM yid kyis bris nas de kho na brjod pas rang gi dkyil 'khor gyi lha thams cad kyi rang bzhin du bdag bsgom par bya'o//da ni dpal rta mchog gi gsungs pa/ ling ga 'greng ba rang byung ste/ /ji lta ba bzhin dpal rta mchog gi sbyor ba byas pa yis rdo rje sems dpa'i dkyil 'khor chen po las gsungs pa'am/dpal rnam par snang mdzad la sogs pa'i dkyil 'khor la grub pa'i sbyor ba chen po byas te/ sna tshogs pad+ma'i gnas kyi steng du dpal rta mchog gi phyag rgya chen po yis bzhugs nas/ nam mkha' la mnyam pa nyid kyi sbyor bas nam mkha'i dbyings thams cad mnyam par gnas pa'i rang gi snying ga'i zla ba la btsud nas/dpal rta mchog gi snying pos dpal rta mchog 'khor dang bcas pa sprul te/ dkyil 'khor gyi sbyor bas gnas ji lta ba bzhin du bzhugs su gsol te/oM swa b+hA wa bi shud+d+haH/ a haM zhes pa dang / oM sarba sa ma ya a haM/ zhes pa'i snying po gsum brjod pas sngon bzhin du de ni gsum bsgoms te/ pra marta na a haM/ zhes pas lha thams cad kyi thugs ka nas sna tshogs rdo rje'i dbus su sgra yig lnga pa dang ldan pa'i yi ge ta thig le can yid kyis bris te/de kho na brjod pas dpal rta mchog gi dkyil 'khor gyi lha thams cad kya rang bzhin du bdag bsgom par bya'o/ /ji snyed nyin re bzhin bsgoms pa'i dus na mngon sum du mthong bar bya'o/ /de la gsang ba'i rang bzhin rang gi snying gar dkyil 'khor bsgom pa'i mtshan nyid nye ba'i snying po de nyid ces pa bstan nas/da ni de kho na'i gsang chen zhes pa kun du sbyor ba bsgom pa'i mtshan nyid nye ba'i snying po'i de nyid ces pa kho na gsungs pa/ b+ha gar ling ga bcug byas te/ /zhes pa ste/ bsgom par bya'o zhes pa dang 'brel to/ /de la dpal sangs rgyas dbyangs ma la sogs pa'i lha mo dang lhan cig pa dpal rnam par snang mdzad kyi sbyor bas/rang gi snying gar ji ltar gsungs pa'i 'greng ba'i mtshan ma can ji ltar gsungs pa'i yi ge kha thig le dang bcas pa brjod pas ji snyed mngon sum du mthong bar 'gyur ba'i bar/ de snyed kun du sbyor ba bsgom par bya'o//de nas 'jig rten gyi khams rdul phra rab dang mnyam pa'i lha mo thams cad dang kun du sbyor ba'i dpal rnam par snang mdzad kyi gzugs rnams kyis bar snang la bkang ba bsgom par bya'o zhes rgyud 'dus par byas te/ yi ge brgya pas brtan par byas nas gnas pa'o/ /dpal rdo rje sems dpa'i rnal 'byor pas yi ge hUM brjod pas/dpal rdo rje nyi ma'i rnal 'byor pas yi ge hUM brjod pas/ dpal rta mchog gi rnal 'byor ba dag gis kyang / rang gi tshogs dang lhan cig par sbyor ba ji snyed mngon sum du mthong ba'i bar de snyed bsgom par bya'o/ /de nas 'phro ba dang 'du ba bsgom par byas nas yi ge brgya pas brtan par byas te gzhag pa'o//de ltar ji snyed ting nge 'dzin thob par 'gyur ba'i bar de snyed nyin re bzhin du bsgom par bya'o/ /de nas mngon par shes pa bskyed par bya ba'i thabs kyis mngon par shes pa bskyed par byas nas tshogs kyi dkyil 'khor byas te/ gtam dang mtshan ma'i phyag rgya'i dpal rdo rje sems dpa' la sogs pa'i 'grub par bya'o//de ltar nye ba'i snying po de nyid shes pa'i de kho na nyid bsgrub pa bstan nas/ yang snying po dang nye ba'i snying po gnyis kyi ngo bo gsungs pa/ de nyid gsang ba gsang che na yang / /zhes pa la sogs pa ste/ de la dkyil 'khor la sogs pa'i ngo bo nyid rnam pa bcu ni de nyid ces te/rang gi snying gar dkyil 'khor sgom pa pos dkyil 'khor gyi tshul gtan la phab pa'i ye shes ni gsang ba zhes pa'o/ /kun du sbyor ba grub pa des gang gtan la phab pa'i ye shes ni gsang chen zhes pa'o/ /de nyid la sogs pa de dag gsum ni snying por gsungs so//snying por rjes su 'grub pa ni/ /nye ba'i snying por yongs grags so/ /zhes pa ni ji ltar gsungs pa'i snying po thob pa'i don du dkyil 'khor la btsud pa dang / byin gyis brlab pa dang / dbang bskur ba dang / ting nge 'dzin gyi mtshan nyid tshol ba'i las ni/snying po rjes su grub pa po bskyed pa ni/ nye ba'i snying por yongs grags so/ /zhes pa'o/ /des ni 'di gsung bar 'gyur te/ grub pa ji snyed de snyed thams cad nye ba'i snying po'o/ /de yis 'bras bur gyur pa 'jig rten dang / 'jig rten las 'das pa'i gtan la phab pa'i ye shes ni snying po zhes pa'o//da ni bde ba chen po rdo rje dam tshig don yod kyi dam tshig gi sgra'i don gsungs pa/ 'di la ji ltar bcom ldan 'das bde ba chen po rdo rje don yod dam tshig gi rgyud yin zhe na zhes pa la sogs pa ste/ de la kun yang de 'grub yang de nyid pas/ kun 'grub ces pa ste/ dpal rdo rje sems dpa' la sogs pa mngon du bskyed pa'o/ /des ni zad med bde ba ni/ /zhes pa ni thog ma dang tha ma med pa'i chos kyi dbyings mngon du byed pa'i mtshan nyid da lta'i dus kyi rang bzhin nyid kyis rtag par gnas pa'o/ /de gang yin zhe na gsungs pa/ bde ba chen po zhes su grags//zhes te/ de nyid gzung 'dzin rnam par rtog pas sems can dang sems can ma yin pa dbyer med pa'i phyir/ de nyid rdo rje can dang ni/ /de ni rdo rje 'grub pa ste/ /zhes pa ste don yod dam tshig ces pa ni longs spyod rdzogs pa'i sku dang / sprul pa'i sku gnyis kyi skad cig ma re re kho na la skye ba'i rgyu bde ba chen po rdo rje can de 'grub pa na don yod dam tshig ces pa'o//ci'i phyir bde ba chen po rdo rje grub pa de don yod dam tshig yin zhe na gsungs pa/ 'da' ka yin zhes pa/ longs spyod rdzogs pa'i sku dang / sprul pa'i sku bskyed par bya ba de ni de bzhin gshegs pa thams cad kyi dam tshig yin no//da ni dkyil 'khor gyi don rgyud la sogs pa'i zhes pa gsungs pa/ de la ji ltar bcom ldan 'das dkyil 'khor gyi don yin zhe na zhes pa ste/ de la ji ltar gnas su khaM 'khor lo zhes pa nas brtsams nas/ ji snyed ji ltar 'dod pa'i bar/ ci bde bar ni bshad par bya/ /zhes pa'i bar ni bshad zin to/ /nang gi dkyil 'khor dang ldan pa/ /re'u mig brgyad la 'dod pa ste/ /zhes pa ste/ rdo rje sems dpa' la sogs pa rnams kyi nang gi dkyil 'khor mngon sum du byas nas gsungs pa'o/ /de dag thams cad kyi ni dkyil 'khor gyi re'u mig brgyad pa dang /lte ba'i re'u mig dang dgur 'dod pa'o/ /nang gi dkyil 'khor zhes pa'i sgra'i don gsungs pa/ phyi yi dkyil 'khor dbus gnas pas/ /nang gi dkyil 'khor du ni 'dod/ /ces pa'o/ /re'u mig dgu pa'i gnas kyi tshad gsungs pa/ re'u mig brgyad kyi dbus gnas pa//gtso bo'i dkyil 'khor 'dod pa yin/ /zhes pa'o/ /ji ltar bde bar dkyil 'khor zhes pa nas/ ji snyed dkyil 'khor rtogs par bya/ /zhes pa'i bar ni bshad zin to/ /'dir sku bris pa'i sbyor ba yis/ /rang sems bri bar sbyor ba yin/ /zhes pa ni sbyor ba dang po'i ting nge 'dzin ni/'dir sku bris pa'i sbyor ba yin/ /zhes bshad pa'o/ /'dir sku bris pa'i sbyor ba yis/ /sbyor ba dang po'i ting nge 'dzin gyis rang gi snying ga nas dpal rdo rje sems dpa' la sogs pa 'khor dang bcas pa yid kyis sprul te/ gnas ji lta ba bzhin du bzhugs su gsol lo//de ni rang gi sems kyis bris pa'i dkyil 'khor bsgyur ba'o/ /lhag chad cho gar gyur na yang / /bsgrubs te skyon du mi 'gyur ro/ /zhes pa ni bshad zin to/ /de la ji ltar bcom ldan 'das/ /gsang ba lnga yi de nyid yin/ /zhe na/ /zhes pa nas brtsams nas/ goms pa'i gtso bo zhes pa'i bar yang bshad zin to/ /sems dpa' gdod ma tha ma med phyir yang / /mchog gi dang po zhes 'dod do/ /zhes pa ni da lta'i dus kyi rang bzhin gyis bskal pa bzang po la sogs pa'i sngon du yang rtag par gnas pa'i phyir gdod ma dang tham med ces pa'o/ / yang zhes pa'i sgra ni nges pa'i don to/ /mchog gi zhes pa ni rab bo/ /dang po zhes pa ni gong du gsungs pa'i rim pa yis so/ /'khor lo kun gyi gtso bo'i phyir/ /dam pa dam pa'i dbang phyug yin/ /zhes pa ni/ dpal rdo rje sems dpa' la sogs pa'i dkyil 'khor ni 'khor lo kun zhes pa'o/ / de dag gi bdag po bskyed pa'i rgyu nyid du gyur pa ni gtso bo zhes pa'o/ /dam pa zhes pa ni rab bo/ /dam pa'i dbang phyug ces pa ni go sla'o/ /da ni de'i rang bzhin gsungs pa/ de la ji ltar bcom ldan 'das/ /gang lags ji ltar lags zhes pa la sogs pa ste/ de la 'dod chen po zhes pa ni mi bskyod pa'i rang bzhin gnyis su med pa'i sems dang sems las byung ba la sogs pa'i tshogs so//'dod pa chen po yang de kun gyi mchog kyang de nyid pas/ 'dod chen kun gyi mchog ces pa'o/ /de sngon du rtogs pa'i mthus skyed par byed pa'i dga' ba ni yid dga' ba zhes pa'o/ / de rgyur gyur pas kun du khyab pa cung zad 'dzum pa de de ltar ro/ /dus gcig tsam gyi bar du bcom ldan 'das yid bde ba des 'dzum pa yin zhe na/ gsungs pa rtag par 'dzum pa zhes pa la sogs te/ skad cig ma re re kho na la gzhan dang gzhan gyi mthar thug pa'i bar du zhes pa'i don to/ / de nas de yi zla ba'i mdog /ces pa la sogs pa ni go sla'o/ /me long khrag 'thung zhes rnams zhes pa ni/ dpal khrag 'thung ni me long lta bu'i ye shes zin ma thag tu 'gyur ro zhes pa'i don to/ /mnyam pa nyid la gar dbang mchog /ces pa ni mnyam pa nyid kyi ye shes gzigs ma thag tu dpal pad+ma gar gyi dbang phyug tu 'gyur ro//mchog ces pa ni rab bo/ /so sor rtog pa nyi ma ste/ /zhes pa ni ser sna'i dri ma nye bar 'joms pa'i sems can gyi khams nye bar dran pa ni so sor kun du rtog pa'i mtshan nyid do/ /so sor kun du rtog pa'i ye shes de zin ma thag tu dpal rdo rje nyi ma de bskyed pa skye ba'o//bya ba la ni rta mchog kyang / /brtson 'grus kyi pha rol tu phyin pa'i rang bzhin bya ba nan tan gyi ye shes bya ba de la/ dpal rta mchog bskyed par 'gyur ro/ /chos kyi dbyings la sangs rgyas ni/ /thub chen rnam par snang mdzad do/ /zhes pa ni dpal rdo rje sems dpar 'gyur ba ste/me long dang / mnyam pa nyid dang / so sor kun du rtog pa dang / bya ba nan tan rnams kyi de bzhin nyid du 'gyur ba ni chos kyi dbyings zhes pa'o/ /de zin ma thag tu sangs rgyas thams cad ro gcig tu 'dus pa'i ye shes kyi ngo bo dpal rnam par snang mdzad du 'gyur ro/ /ye shes lnga yi bdag nyid ni//'dod chags chen po bde ba che/ /zhes pa'o/ /dpal rdo rje sems dpar 'gyur ba ste/ me long dang / mnyam pa nyid dang / so sor kun du rtog pa dang / bya ba nan tan dang / chos kyi dbyings kyi ye shes kyi yan lag gi ngo bos yang dag par gsungs pa bskyed pa ni/ ye shes lnga yi bdag nyid ni/ /zhes pa'o/ /gzugs dang / sgra dang / zhes pa ni/ rgya cher dngos grub ster bar 'gyur/ /zhes pa dang 'brel to/ /de la skyes bu chen po'i mtshan sum cu rtsa gnyis dang / dpe byad bzang po brgyad cu thams cad kyi gzugs ston pa'i me long mtshan mar 'dzin pa'i byang chub sems dpa' ni/gzugs dang zhes pa'o/ /sgra rnam pa brgyad du pi wang brdebs pa la brtson pa'i byang chub sems dpa' ni de bzhin gshegs pa rnams kyi sgra dang zhes pa'o/ /dri rnam pa gsum dang ldan pa'i dung phyag tu 'dzin pa'i byang chub sems dpa' ni dri dang zhes pa'o//ro drug la mos pa'i ros gang ba'i snod phyag gis 'dzin pa'i byang chub sems dpa' ni ro dang zhes pa'o/ /reg rnam pa bcu gcig gi bdag nyid rdo rje dang gos phyag gis 'dzin pa'i byang chub sems dpa' ni de bzhin gshegs pa rnams kyi reg ces pa'o/ /rdo rje sems dpa' 'dra ba ni//zhes pa ni gzugs la sogs pa de dag me long lta bu dang / mnyam pa nyid dang / so sor kun du rtog pa dang / bya ba grub pa dang / chos kyi dbyings rnam par dag pa rnams ye shes spyod yul nyid du 'gyur ba'i sa gzung ba'i cha'i ngo bo nyid kyi phyir na me long lta bu'i ye shes la sogs pa'i rang bzhin kho nar 'gyur ba yin no//ye shes rnam pa lnga'i bdag nyid dang / dpal rdo rje sems dpa'i bdag nyid dang ni mnyam pa'i tha tshig ste 'dra ba zhes pa'o/ /rang rang de bzhin nyid kyis brten pa ni gzugs kyi byang chub kyi mtshan nyid ni rang nyid ces pa'o/ /sgra ni sbyin pa'i pha rol tu phyin pa'o//dri ni shes rab kyi pha rol tu phyin pa'o/ /ro ni brtson 'grus kyi pha rol tu phyin pa'o/ /reg ni chos kyi dbyings rnam par dag pa'i ye shes so/ /dngos grub rab tu 'gyur zhes pa ni go sla'o/ /reg ni ye shes rnam pa lnga'i bdag nyid dpal rdo rje sems dpa' kho na ma yin/ gzugs la sogs pa'i spyod yul lnga'i bdag nyid yang de kho na'i bdag nyid yin par ston te/gzung ba'i ngo bo'i spyod yul dang / spyod yul can dbyer med pa'i phyir ro/ /dpal rdo rje sems dpa' las thos pa'i rigs thams cad kyi dkyil 'khor gyi gtso bor gyur pas/ dpal bde mchog ma la sogs pa'i dkyil 'khor thams cad kyi lha mor gyur pa dang /sbyor ba'i sgra yig gsum pa dang ldan pa'i yi ge tsa 'og na 'dogs pa'i khros nas bzlas pa'o/ /de yang ts+tshin+da ts+tshin+da ts+tshin+da ts+tshin+da hUM phaT/ ces pa'o/ /dpal khrag 'thung 'dra ba sma shA ni dang sbyor ba yis kyang / oM spush+ka mu pa zhes bud med gang gis bzlas pa ni rdo rje mkha' 'gro mar gyur to//ji lta ba bzhin du bsgrub par byas nas rol mo sgrub pa las dang po'i phyag rgya 'di ston pa na/ rnal 'byor pas kyang phyag rgya'i lan 'di ston par bya'o/ /des mkha' 'gro ma rnal 'byor pa'i dbang du 'gyur ro zhes ston pa'i don du/ 'di la ji ltar phyag rgya dang phyag rgya'i lan shes pa yin zhe na zhes pa la sogs pa gsungs pa'o//de yang rnam pa drug tu 'gyur/ /zhes ston pa'i don du/ /'phrog byed ma dang zhes pa la sogs pa gsungs pa'o/ /snying 'dren pa ni 'phrog byed ma'i phyag rgya'o/ /rgyas gdab pa ni mchog rgyu ma'i'o/ /phyag rgya phyed par byas te/gzung ba dang 'dzin pa ni gzungs thar ma'i'o/ /shi ba'i 'tsho byed phyag rgya yang bsgrub bya'i srog skyed par byed pa'o/ /gang de shi ba 'tsho bar byed nas nam mkha' la 'gro bar byed pa de ni bsgrub bya gar byed par byed pa'o/ /gang de ni lha mo zhes bya ste/ drug pa'o/ /da ni phyag rgya dang phyag rgya'i lan shes pa ston te/ gang gis sgra ni bstan 'gyur na/ /zhes pa la sogs pa'o/ /'di la ji ltar mkha' 'gro ma rnams kyi mtshan nyid yin zhe na zhes pa la sogs pa ni go sla'o/ /rjes su sbyor ba'i dus dang / dkyil 'khor la sogs pa sgrub pa'i dus su ye shes sems dpa' dgug pa'i cho ga dang /me tog la sogs pa'i dgug pa'i cho ga gsungs pa/ de la ji ltar thams cad dgug pa'i rgyu yin zhe na zhes pa la sogs pa ston te/ de la rtog pa thams cad ces pa la sogs pa ste/ dril bu dbyings su dkrol ba dang / /zhes pa dang 'brel to//dpal rdo rje sems dpa' la sogs pa'i dgug pa'i lcags kyu'i phyag rgya gsungs pa gang yin pa de ni/ dril bu dang lhan cig par gzung bar bya'o/ /dril bu dang bcas pa des dpal rdo rje sems dpa' la sogs pa dgug nas dam tshig dang chos dang las dang phyag rgya chen po de dag gis rgyas gdab ste/byin brlab dang / dbang bskur ba dang / mchod pa byas nas de nyid chos dam tshig gi dril bu'i sgras de dag la stsal bar bya'o/ /de ni rjes su sbyor ba dang / byin brlab dang / dbang bskur bar byas nas rdo rje mtshon cha la sogs pa mchod pa rnam pa bzhi ni mchod pa chen po thams cad ces pa'o//de'i cho ga zhes pa ni mchod pa'i dbyangs len pa dang / ji lta ba bzhin du gar byas nas mchod pa'o/ /me tog la sogs pa'i phyag rgya bzhi dang dpal rdo rje sems dpa' la sogs pa'i las kyi phyag rgya dang / sangs rgyas rdo rje mtshon cha la sogs pa'i las kyi phyag rgya bzhi dag go//de kho na bshad pa/ rtog pa thams cad gsang chen gyi/ /zhes pa la sogs pa ste/ rtog pa yang de thams cad nyid pas rtog pa thams cad ces pa ste/ dpal rdo rje sems dpa' la sogs pa'i rang bzhin no/ /de dag gi gsang chen zhes pa ni/ mchod pa rdo rje mtshon cha la sogs pa'i las kyi phyag rgya bzhi'i rang bzhin nyid du rgyur gyur pa'o//kyi zhes pa'i sgra ni nges pa'i don to/ /yid kyis mchod pa dang zhes pa ni shes sla'o/ /gzhan yang / dbyangs dang sil snyan gar gyis yin/ /zhes pa ni ji ltar gsang ba'i mchod pa bzhis mchod nas/ dkyil 'khor gyi sbyor bas bcom ldan 'das bzhugs su gsol nas/dril bu dkrol ba dang bcas pa'i yi ge hUM gi dbyangs dang / gling bu ma la sogs pa'i sil snyan dang / de'i 'od sna tshogs su 'khor ba'i gar gyis kyang ji lta ba bzhin du mchod par bya'o/ /cho ga des kyang sngon du bshad pa kho nas yang ma bshad/ de/ da ni ral gri la sogs pa'i dngos grub kyi cho ga gsungs pa/ de la ji ltar rang gi rig pa'i lha zhes pa la sogs pa ste/ de la rang gi rig pa'i lha thams cad ces pa ni/ rang gi lus ngag yid kyi rdo rje rnams la rdo rje sems dpa' la sogs pa'i sku dang / gsung dang / thugs kyi rang bzhin bskyed pa'i don du rnal 'byor pas mngon du bya ba'i dpal rdo rje sems dpa' la sogs pa'i sku dang gsung dang thugs kyi rang bzhin dag go//de dag ni sgrub pa chen po zhes pa ste/ sgrub pa la yang de/ chen po la yang de nyid las/ /sgrub pa chen po ni ral gri la sogs pa'i gzugs bsgrub pa dang / yi dam gyi lha'i rang bzhin bsgom pa'o/ /de rab tu 'brel pa ni rgyud yin zhes pa ste/ de ston pa'i sgra 'dus pa nye bar spyod pa'i phyir ro/ /de kho nas 'brel pa rtog pa kun la zhes pa ste/ dpal rdo rje sems dpa' la sogs pa'i rang bzhin dag ni rtog pa kun la zhes pa'o/ /de bsgrub bya gang zhes pa la sogs pa ni/ral gri la sogs pa mig stong g.yo ba'i dngos gzhi de kun rang gi lha'i gzugs gtan la phab pa de ltar byas te/ rang rang gi lha'i sbyor bas 'grub par bya ba'o zhes bya ba'i tha tshig go/ /da ni rjes su sgrub pa gsungs pa/ de nas ji ltar thams cad rjes su bsgrub pa zhes pa la sogs pa ste/de la/ rdo rje dril bu 'dzin gyur na/ /zhes pa la sogs pa ni mtshan ma thob pa'i rnal 'byor pas mngon par shes pa lnga bskyed nas/ rked pa'i phyogs la rang gi gzugs dang ldan pa'i dril bu gnyis bcings nas dkyil 'khor bris te/ ji lta ba bzhin du rdo rje dril bu 'dzin par gyur nas/dril bu'i sgra grag pa dang lhan cig par yi ge hUM bzlas nas sku dang gsung dang thugs kyi rdo rje gsal bar bya'o/ /de ltar na de'i rtog pa thams cad rjes su 'grub ces pa'o/ /de ltar legs pa'i de kho na bsam pa dang sbyor bas shin tu mnyam par gzhag pa'i sbyor ba bstan nas/da ni le lo can gyi mnyam gzhag med pa'i sbyor ba'i sgrub pa gsungs pa/ de la ji ltar rjes su sbyor ba dang ldan pa'i sgrub pa zhes pa la sogs pa ste/ de la/ oM yig thig le dang ldan par/ /zhes pa ni sgra yig bcu gsum pa thig le dang bcas pa'o//nub nas dang po yang yin te/ /zhes pa ni yi ge Ta'o/ /shar nas dang po bzung nas su/ /zhes pa la sogs pa ni yi ge ka gnyis brtsegs pa la sgra yig gsum pa dang ldan pa'o/ /rlung mtshams phyi rol zhes sogs ni yi ge ha thig le dang bcas pa'i sgra yig lnga pa dang ldan pa'o//lho nas dbu ma zhes sogs ni yi ge dzaHtshig drag dang bcas pa'o/ /des ni 'di gsung bar 'gyur te/ oM Tak+ki hUM dzaH/ zhes so/ /nyin re lan cig rang gi lha'i sbyor ba byas nas/ rang byin brlab pa la sogs pa yang byas te/ rtag pa kho nar mnyam gzhag med pa'i sbyor bas de kho na bzlas na/dpal rdo rje sems dpa' la sogs pa'i dngos grub grub par gyur to/ /de ltar mnyam gzhag med pa'i sbyor bas kyang dngos grub chen po 'grub par gsungs nas/ da ni rdo rje mkha' 'gro ma'i dngos grub sgrub pa yang gsungs pa/ lho las dang po bzung nas su/ /zhes pa la sogs pa ste/yi ge tsa sgra yig gsum pa dang ldan pa la 'og tu tsha 'dogs pa'o/ /des 'di gsung bar 'gyur te/ dpal rdo rje sems dpa' la sogs pa'i sbyor ba'am/ dpal rdo rje mchog ma la sogs pa'i sbyor ba byas nas/ yi ge ts+tshiM ts+tshiM bzla bar bya'o/ /de kho nas rdo rje mkha' 'gro ma'i gzugs bdag la bsgom pas/rdo rje mkha' 'gro ma'i gzugs kyis skad cig ma 'di kho nas/ bsgrub bya'i snying gi pad+ma la sogs pa gcod par 'gyur ro/ /ming rab tu bcug nas sam sbyor ba'i thal mo sbyar bar bya'o/ /de nyid thig le dang ldan par/ /zhes pa ni gong du gsungs pa'i yi ge ts+tshi thig le dang bcas pa'o//de ltar te ts+tshiM/ byang nas dbu ma yang yin zhes pa nas yi ge da de nyid lan gnyis brjod par bya zhes pa ni go sla'o/ /rlung mtshams phyi rol zhes pa la sogs pa ni yi ge ha thig le dang bcas pa'i sgra yig lnga pa dang ldan pa'o/ /drug pa yongs su zhes sogs ni yi ge pha'o/ /nub las dang po zhes pa la sogs pa ni yi ge Ta sgra yig med pa'o//des ni 'di gsung bar 'gyur te/ ji ltar gsungs pa'i rdo rje mkha' 'gro ma'i sbyor ba yis/ rdo rje mkha' 'gro ma'i gzugs kyi yi ge ts+tshiM gis bsgrub bya'i snying gi pad+ma bcad nas/ ts+tshin+da ts+tshin+da hUM phaT/ ces bzlas pas/ bsgrub bya'i thun/ mong gi sbyor bas kyang ma shi bar 'gugs par byed do/ /da ni khrag 'thung smra shA na'i sbyor bas rdo rje mkha' 'gro ma'i sgrub pa gsungs pa/ oM yig thig le dang ldan par/ /zhes sogs ni sgra yig bcu gsum pa thig le dang bcas pa'o/ /yi ge u yig mnyam ldan zhes sogs ni sgra yig lnga pa dang ldan pa'i yi ge sa'o//me mtshams phyi rol zhes pa la sogs pa ni sgra yig bcu gcig pa dang ldan pa'i yi ge sha 'og tu na 'dogs pa'o/ /tsheg drag u yig ldan pa yi/ /zhes sogs ni sgra yig lnga pa dang ldan pa'i yi ge ma tsheg drag can no/ /des ni 'di gsung bar 'gyur te/ dpal khrag 'thung dang 'dra ba'i sma shA na'i sbyor bas/ oM su sne muH/ tha zhes bzlas pas gong du gsungs pa'i mkha' 'gro'i las rnams 'grub par bya'o/ /de nas de'i thabs su 'gyur ba ni 'di lta ste/ kha T+wAM ga'i mgor gnas pa'i 'bar ba'i rdo rjes yid kyis bsgrub bya'i snying dral te/ 'dzin pa'i sbyor ba'i kha nas shi bar 'gugs pa kho nar byed do/ /de ltar ston pa'i gnas kyi gzhung gis mnyam gzhag med pa'i sbyor ba 'grub pa gsungs nas nges par ston pa gsungs pa/ de ltar dang po bsgrub bya 'grub/ /ces pa la sogs pa ste/ dpal rdo rje sems dpa' la sogs pa'i gzugs sam/rdo rje mkha' 'gro ma'i gzugs legs par mnyam gzhag sbyor ba yis bdag bsgrub bya bsgrub par bya ste/ ji ltar 'dod pa ji ltar mos pa bsgrub pa'o/ /de gsungs pa/ de nas phyi nas ci 'dod par/ /zhes pa ste/ phyi'i dus na ji ltar 'dod pa'i las/ tsha tsha'i las dang gsung rab 'don pa la sogs pa dge bcu'i spyod pa ni/ ci 'dod 'dod pa'i bya ba las/ /zhes pa ste/ ji ltar 'dod pa yang / de'i bya ba'i las kyang de bas ci 'dod pa bya ba'i las zhes pa'o/ /gang yin zhe na bya ba'i rgyud las 'gog pa'i sbyor bas rgyud dang rjes su mthun pa la sogs pa'i za ba ni kun zas shes pa'o//gar gyi sbyor ba'i rjes su sgrub pa'i byed pa ni kun byed ces pa'o/ /langs pa'am ni 'dug pa'am/ /'gro ba yis sam 'greng ba yis/ /zhes pa des ni 'dug pa'i dam bcas pa med pa gsungs pa'o/ /gang dang gang du de ci'i bzhin//zhes pa ni gnas kyi tshad ma med pa gsungs pa'o/ /gang gang dbang po zhes sogs ni gang gang dngos po'i gzugs dang / sgra dang / dri dang / ro dang / reg dang / chos kyi rang bzhin mig gi dbang po la sogs pa'i spyod yul du slob par 'gyur na/ dbang po'i lam nyid du 'gro ba//dngos po de dang de ni de'i rang bzhin gzugs kyi rang bzhin dang lhan cig par bya'o/ /de ltar sgra ni rdo rje sems dpa' la sogs pa'i sgra dang dri ni rdo rje sems dpa' la sogs pa'i dri dang / ro ni rdo rje sems dpa' la sogs pa'i ro dang / reg ni rdo rje sems dpa' la sogs pa'i reg dang / chos ni rdo rje sems dpa' la sogs pa'i chos lhan cig par bya'o/ /de ltar na de'i dngos po'i rang bzhin dang gcig par bya'o zhes pa'o/ /sbyor ba gzhan med pa'i sbyor ba'i bsgom pa'i rang bzhin des/ de nyid sbyor bas 'grub pas bskyed par byas nas rigs kyi lha thams cad kyi rang bzhin thams cad kho na 'grub po zhes 'brel to//de gang las yin zhe na gsungs pa/ sangs rgyas kun dngos thams cad do/ /zhes pa ste/ lha thams cad kyi rang bzhin gzugs la sogs pa thams cad rtag par rgyun mi 'chad par mngon du bsgoms na rab tu 'grub ces pa'o/ /ci 'dra bar rab tu 'grub ce na gsungs pa/sangs rgyas thams cad ces sogs te/ dbang phyug 'gyur zhes pa dang 'brel to/ /de la/ sangs rgyas thams cad mnyam sbyor ba/ /zhes pa ni bshad zin to/ /mkhas pa gang gis dad pas klog/ /ces pa ni/ oM Tak+ki ni hUM dzaHzhes pa'i sngags gang gis dpal rdo rje sems dpa' la sogs pa'i sku dang gsung dang thugs rdo rjer bsgom pa nyid kyis mnyam gzhag med pa'i sbyor ba dang /sbyor nas bzlas na/ mkhas pa de ni bgegs kun las grol te zhes sgrib pa thams cad med nas/ dngos grub thams cad dbang phyug 'gyur/ /zhes so/ de ltar sna tshogs rjes su chags pa la sogs pa ni bshad zin to/ /bdag ni 'di na zhes pa ni gtan la phab pa'i ye shes so/ /snying po zhes pa ni sangs rgyas thams cad mnyam sbyor ba'i rgyud kyi rnam pa'o/ /chen po yang de mchog kyang de nyid pas chen po'i mchog ces pa'o/ /bde ba chen po'i mchog gi mchog 'gyur mthu chen po zhes pa ni mthu chen por 'gyur ba'o//kun mchog sems can 'byung ba yi/ /zhes pa ni dpal rdo rje sems dpa' la sogs pa ni kun mchog ces pa ste/ rgyud 'di las bskyed pa ni 'byung ba zhes pa'o/ /des na de dag gi rgyud 'di ni de ltar ro/ / ci'i phyir yin zhe na gsungs pa rtag par ci'i phyir zhes pa ste/ ci'i phyir gyi sgra ni dam tshig mgo 'dren pa'o/ /ci'i phyir rgyud 'di thams cad la rtag par gnas pa/ sems kyi khams thams cad la kun mchog sa'i dbang phyug nyid ni sbyin pa'o zhes pa ste/ /kun mchog kyang de sa yang de nyid pas/kun sa ni rigs la phun sum tshogs pa'o/ /de yis dbang phyug ces pa ni dbang phyug ni kun mchog sa'i dbang phyug ces pa ste rdo rje 'dzin no/ /de'i ngo bo nyid ni kun mchog sa'i dbang phyug nyid ni zhes pa ste/ sgrub pa po rnams la sbyin pa'i rgyud 'di ni/ yon tan 'di dag gis khyad par du gyur pa 'ba' zhig kho na ma yin te/gang gis kyang 'di yongs su rdzogs par bya bar nus pa ma yin te zhe na/ gsungs pa/ mtha' yas zhes pa la sogs pa ste/ 'di ni mtha' yas med pa na mtha' zhes pa'o/ /mtha' yas nyid kyi phyir kho nas/ gang gis 'di'i mtha' thog ma med ces pa'o//de bas na thog ma med pa'i phyir thub med ces pa'o/ /yongs su rdzogs pa med pa'o/ /phyir zhes pa'i sgra ni nges pa'i don to/ /thub pa med pa kho na zhes pa'o/ /tshul yang / de chen po yang de nyid pas/ /tshul zhes pa ste/ 'bras bu dang bcas pa'i byang chub sems dpa'i lam gyi rang bzhin gyi chos kyi dbyings zhes pa'i don to//'di gang dag yin zhe na gsungs pa/ chen po'i chen po thams cad kyi/ /zhes pa ste/ dpal rdo rje sems dpa' la sogs pa rnams/ /rigs kyi lha thams cad ni chen po'i chen po thams cad ces pa'o//de dag gi rgyud 'di 'di'i nam mkha' bzhin du khyab pas nam mkha' dang mnyam zhes pa'o/ /las ci byed pas yin zhe na/ gsungs pa/ mchog gi dngos grub 'phel bar sbyin/ /zhes pa ste/ dpal rdo rje sems dpa' la sogs pa ni dngos grub ces pa'o/ /de'i 'brel ba zhes pa ni skad cig ma re re kho na la phyi phyir rgyun mi 'chad par bskyed pa'o//de sbyin pas na mchog gi dngos grub 'phel bar sbyin zhes pa'o/ /de bas na rgyud 'di yongs su rdzogs par byed pas ni gang gis nus zhes pa dang 'brel to zhes tshig 'dren par byed do/ /gdod ma dang tha ma med ces pa ni gdod ma ni dngos po med pa'o//tha ma ni yongs su rdzogs nas 'brel pa med par 'jig pa'o/ /de gnyis med pa dang ldan pa de ni/ gdod ma dang tha ma med ces pa ste/ dang po dang gzhug med pa'o/ /des ni 'di gsung bar 'gyur te/ ji ltar gdod ma tha ma med pa gsungs pas/ da lta'i dus kyi rang bzhin nyid kyis nam mkha'i khams thams cad sku dang gsung dang thugs kyi rdo rjes kun du rtog pa'o/ /de bas na/ gang gis rdzogs byed nus pa min/ /zhes pa ste/ gang gis kyang rdzogs byed mi nus pa de ji ltar yongs su rdzogs pa yin zhe na gsungs pa/ sems can le lo can zhes pa la sogs pa ste/ci'i phyir na/ sems can le lo can rgyud rgyas pa la 'jigs pa'o/ /nyung bar 'dod pa'i rnam pa'i dbyings rtag par gnas pa'i sku dang gsung dang thugs rdo rjes de kun du khyab pa de bzhin gshegs pa yin no zhes mngon par mi ldan pa'o/ /de bzhin gshegs pa'i che ba'i yon tan la mi dad pa ste/bsgrub bya dang mi sbyor ba'i phyir lkog smra ba zhes pa ni gzhan smra zhing gzhan du byed pa'o zhes pa'i don to/ /ci'i phyir lkog smra ba yin zhe na/ gsungs pa ma dag pa zhes pa ste/ de bzhin gshegs pa la sogs pas ma byin pa ni ma dag pa zhes so//rtag tu zhes pa ni dus thams cad do/ /'dod pa'i yon tan lnga la chags pa ni rjes su chags pa'o/ /sdom pa'i tshul khrims kyi sngags la chags pa ni chags bral dga' ba yang zhes pa'o/ /de 'dra ba'i yongs su ma dag pa'i sems can de dag la phan gdags par bya ba'i don du rdzogs pa yin pa dang 'brel to//byams pa'i sems can gyis mtha' yas par ston pa thos nas/ spang bar byas nas mnar med pa'i dmyal ba chen po la ltung bar 'gyur ro/ /de bas na rdzogs pa zhes pa ni rgyud kyi rgyal po 'di mdor bsdus nas yongs su rdzogs par byas so//gang gis khyim du bzung ba zhes pa ni glegs bam du bris pa dang / bzung ba dang don bzung ba'o/ /gang gis 'grub pa dang / bdag gis ji ltar ston par 'grub par byed ces pa ni sbyor ba dang / rjes su sbyor bar bsgrubs pa yis/ /ji ltar gsungs pa'i rgyud 'di 'grub par byed pa gang bsgoms pa'i stobs kyis 'grub par 'gyur te/sgrub pa myong ba'o/ /thams cad phyag rgya chen po la sogs pa'i mchog bkod pa'i rgyun no/ /mi 'grub pa zhes pa ni dpal rdo rje sems dpa' la sogs pa'i phyag rgya chen po mi bskyod pa'i rnal 'byor pa'o/ /ci 'dra ba yin zhe na/gsungs pa/ gang gis bsgrub pa rdo rje 'dzin pa la sogs pa dang zhes pa ste/ bri bar byas zhes pa dang 'brel to/ /dpal rdo rje sems dpa' zhes pa ni rdo rje 'dzin pa chen po zhes so/ /sogs pa'i sgras ni dpal rnam par snang mdzad la sogs pa phyag mtshan gyi myu gu gzugs brnyan la sogs pa ni mdun du bzhag pa la gzung bar bya'o//de dag gang du bsgrub par bya ba yin zhe na/ gsungs pa/ gzugs la sogs pa thams cad 'di las zhes pa ste/ lugs ma brdungs ma byas pa bris pa'o/ /dpal rdo rje sems dpa' la sogs pa'i phyag rgya chen po phyag mtshan gyi myu gu gzugs brnyan la sogs pa mdun du gzhag pa la'o//'di dag thams cad ni gong du gsungs pa'i dpal rdo rje sems dpa'i phyag rgya chen po la sogs pa'i gzugs kyi ngo bo yin no/ /yang ji ltar gsungs pa'i gang gis nus pa'i ngo bos sbyor ba dang / rjes su sbyor ba la sogs pa bsgom pa'i ngo bo bzhi ni/ji ltar mos pa bzhin zhes pa dang gang ldan pa de de ltar ro/ /gang byas pa yin zhe na/ gsungs pa/ yi ge hUM yang ji ltar rab tu 'dod par bris byas na/ /zhes pa ste/ yang zhes pa'i sgra ni lhag pa'i don to/ /dpal rdo rje sems dpa' chen po la sogs pa phyag rgya chen po dang /mtshan ma'i phyag rgya 'ba' zhig bri ba ni ma yin te/ yi ge hUM yang bri bar bya'o zhes lhag pa'i don gsungs pa'o/ /des ni rang 'dod dngos grub cho ga bzhin du 'thob ces pa'o/ /dpal rdo rje sems dpa' la sogs pa'i rang bzhin sgrub pa pos yid kyis ji ltar 'dod pa'i dngos grub ni rang 'dod dngos grub ces pa'o//rang 'dod dngos grub de dkyil 'khor la sogs pa'i cho ga bzhin du 'grub par bya ba gang yin pa des ni thob ces te/ gzhan du ni ma yin no/ /sems can don du zhes pa la sogs pa ni ji ltar bya ba'i rgyud la sogs pa'i//sgrub pa pos sdig pa zad par bya ba'i za ba spangs pa la sogs pa btags pa byas so/ /de bzhin du de bzhin gshegs pas gsungs te/ bsgom pa'i stobs kho nas sdig pa zad pa'i phyir ro/ /rgyu de kho na'i phyir phyi'i bgegs ni med pa'o/ /de'i phyir gsungs pa/'di la bgegs med ces pa ste/ bdud kyang med pa'o/ /rtog pa yis zhes pa ni so sor kun du rtog pa'i bsgom pa'i stobs kyis bdud bzhi mi dmigs par rtog pa 'di'o/ /rtog pa 'di la yin pa ci'i phyir/ de bas na dngos grub thams cad 'phel ba kho na byin gyis rlob ces pa ste/rtog pa 'di la ji ltar bya ba'i rgyud la zhugs pa rnams kyis ni bdag bdud kyi gzugs kyis dmigs pa'i stobs kyi phyir/ bdud nyid kyi ni 'gro ba de ltar 'dir ma yin no/ /mi brtan pa nyid kyang min zhes pa ste/ ji ltar bya ba'i rgyud la sogs pa la gnas pa rnams kyis dran pa nyams par 'gyur ba la sogs pa'i ngo bos mi brtan par 'gyur ba bdag de ltar 'dir ma yin no//brtan pa'i rgyu'i phyir bdag gis ston par mi byed de zhes pa ni ji ltar bya ba'i rgyud kho na la za ba spangs pa la sogs pa'i ngo bor sgrub pa po la bdag gis brtan pa 'dir bdag ma yin te/dpal rdo rje sems dpa' la sogs pa'i bsgoms pa'i stobs kho nas bdag brtan par 'gyur ba dang / myur bar mchog gi mchog nyid 'grub pa'i phyir/ brtan 'gyur byed ces pa'i phyir ro/ /gang gi yin zhe na/ gsungs pa/ gang dag gis ni rtog pa 'di'i mchog chen po sgrub byed pa'o zhes pa'o//khyad par ci 'dra ba phyin 'gyur ba yin zhe na/ gsungs pa/ mchog chen dngos grub ces pa la sogs pa ste/ rtag par bdag gis thub par byed/ /ces pa dang 'brel to/ /de la mchog chen zhes pa ni rdo rje 'dzin pa chen po ste/ de la gnas nas dngos grub ces pa'o/ /dag par zhes pa ni da ltar gyi dus kyi rang bzhin nyid du rtag par gnas pa'o/ /bde chen dang zhes pa ni thar pa chen po'o/ /chags dang zhes pa ni sems can smin par bya ba dang grol bar bya ba la chags pa'o/ /shin tu dga' dang zhes pa la sogs pa ni go sla'o//yig chen zhes pa ni gdod ma dang tha ma med pa'o/ /rtag par zhes pa ni dus thams cad do/ /khyad par ci 'dra ba yin/ gang gis grub pa yin zhe na/ gsungs pa/ gang gi snying pos bdag la rtag tu 'grub byed pa'i zhes pa ste/ yi ge hUM la sogs pa'i snying pos rtag par sgom pas bsgoms na/gang gis bdag 'grub par byed pa des bdag brtan par byed ces pa dang 'brel to/ /de nas de ma thag pa'i sgras te rtog pa brtan pa de ma thag tu kho na zhes so/ /mchog skyes zhes pa ni sems rtogs pa'i mtshan nyid de nyid rnam pa lnga ni mchog ces pa'o//de la skye ba ni mchog skyes zhes pa'o/ /rgyal ba thams cad ces pa ni dpal rnam par snang mdzad dang / mi bskyod pa dang / rin chen 'byung ldan dang / snang ba mtha' yas dang / don yod grub pa'i gzugs rnams 'jig rten gyi khams thams cad kyi rdul phra rab dang mnyam pa'i de bzhin gshegs pa rnams so//dga' gnas su zhes pa ni legs par shin tu bde ba bskyed pa'o/ /'dzum pa chen po zhes pa ni 'jig rten gyi khams thams cad kyi rdul phra rab dang mnyam pa'i bdag gi dngos pos kun du khyab par cung zad 'dzum pa chen po zhes pa'o//de kho na'i 'grel pa thams cad khyab pa zhes pa ste/ kun du khyab pa ste 'dzum pa chen po mtshar por byed pa dang ldan pa ni rnam par byed ces pa'o/ /kun nas de la legs pa'i sgra ni 'bul bar byed ces pa ni/ shin tu dga' ba'i rgyud de'i phyir/'og na ston pa'i legs pa'i sgra de ni de bzhin gshegs pa thams cad kyi sku la dbul bar byed ces pa'o/ /rgyu gang yin zhe na/ gsungs pa/ bdag gi dbyings kun zhes pa la sogs pa ste/ bdag gi dbyings kun gyi zhes pa ni de bzhin nyid dang nam mkha'i dbyings so//de rdul phra rab ni rdul phran zhes so/ /de la rtog pa gnas pa kun du cher khyab pa mchog sangs rgyas bcom ldan 'das rnams kyi rdul phran ni bdag gi dbyings nam mkha'i rdul phran zhes pa'o/ /che mchog gzugs kyi zhes pa ni/ de la rtog pa kun du gnas pa cher khyab pa sku gsang ba'i gzugs rnams so//de dag gis ji ltar gsungs pa'i legs pa'i sgra 'byin to zhes pa'i tha tshig go/ /sbyin pa de ji ltar 'dra ba yin zhe na/ gsungs pa/ pha mchog ces pa la sogs pa ste/ byang chub sems kyi rang bzhin rdo rje sems dpa' ni pha zhes pa'o/ /de nyid de bzhin gshegs pa dang /de bzhin gshegs pa la khyab par ngo bor 'gyur bas mchog gyur pa zhes pa'o/ /de kho na yang de bzhin gshegs pa thams cad byung ba'i dus su/ /rang gi snying ga nas sprul pa'i phyir na pha mchog gyur pa sangs rgyas zhes pa'o/ /de 'dra ba la de bzhin gshegs pa thams cad kyis bod pa'i tshig kho na gsungs pa/kye legs so legs so zhes pa ste/ khyod kyis gang dpal rdo rje sems dpa' dang / rnam par snang mdzad kyi dkyil 'khor la sogs pa'i de kho na nyid ston pa/ de kun legs so mdzes so skyon thams cad med do zhes pa'o/ / mchog gi rdo rje zhes pa ni rdo rje rin chen gyi mchog ces pa'o/ /rdo rje las byung zhes pa ni dpal khrag 'thung dang / rdo rje nyi ma 'khor dang bcas pa gsungs so/ /legs so legs zhes pa ni gong ma bzhin no/ /des ni 'di gsung bar 'gyur te/ khyod kyis 'dir gang dpal khrag 'thung dang /rdo rje nyi ma'i de kho na nyid gsungs pa/ de kun ni legs so zhes pa'o/ /dam pa'i chos kyi bdag nyid legs so legs so zhes pa ni rnam pa rnams kyi chos ni dam pa'i chos zhes pa ste/ shes rab kyi pha rol tu phyin pa'i rang bzhin sems dang sems las byung ba'i tshogs dang pad+ma'i rigs so//chos kyi bdag nyid ces pa ni shes rab kyi pha rol tu phyin pa dang / pad+mo'i rigs ni chos zhes pa ste/ de'i rang bzhin ni chos kyi bdag nyid pad+ma gar gyi dbang phyug go/ /legs so legs so zhes pa ni bshad zin to/ /des kyang 'di gsung bar 'gyur te/ khyod kyis 'dir gang pad+ma'i rigs kyi de kho na nyid gsungs pa/ de kun yang mdzes so zhes de bzhin gshegs pa rnams kyis bstan pa'i tha tshig go/ /dam pa'i las can mchod pa'i bdag nyid legs so legs so zhes pa ni/ dam pa sangs rgyas bcom ldan 'das kyi las ni dam pa'i las zhes pa ste/sems can gyi don byed pa dang / 'phags pa la mchod pa'i las byed pa'i mtshan nyid do/ /de'i brtson pa ni mchod pa ste/ de'i bdag nyid dpal rdo rje sems dpa'o/ /des ni 'di gsung bar 'gyur te/ brtson 'grus kyi pha rol tu phyin pa'i rang bzhin dpal rta mchog gang khyod kyis sprul pa de yang legs so zhes so//de bzhin gshegs pa thams cad kyis bcom ldan 'das dpal rdo rje sems dpa' la bde ba'i tshig gsungs pa'o/ /rtog pa byin brlab ces pa ni sangs rgyas thams cad dang mnyam par sbyor ba'i rgyud kyi rang bzhin slob dpon rim pas/ji ltar ma 'ongs pa'i dus su rgyun mi 'chad par gnas par 'gyur ba de ltar brtan par byed pa'o/ /mnyam par byin gyis brlabs zhes pa ni phyogs bcu na gnas pa'i de bzhin gshegs pa de dag gis kyang rtog pa 'di byin chags pa'i don du byin gyis brlabs pa'o//don yod grub ces pa ni dpal rdo rje sems dpa' la sogs pa tshad mar gyur pa dang gang ldan par rtog pa de ni don yod dngos grub ces pa'o/ /don yod dngos grub de la rtag tu zhes rgyun mi 'chad par skad cig re re la yig 'bru chen po zhes da lta'i dus kyi rang bzhin gyis rtag par gnas pa'o//grub pas phyin mi 'dul ba'i dus ni zhes pa ni dus kyi snyigs ma la 'thab mo'i dus zhes so/ /de dag gi yang ji ltar zhes pa ni ji ltar gsungs pa'i le lo can gyi sems can nyung ba tsam 'dod pa rnams kyis dpal rdo rje sems pa la sogs pa rnams kyi bsgoms pa las byung ba dam pa'i bde bar gyur pa'i phyir zhes pa ni/de bzhin gshegs pa bcom ldan 'das dpal rdo rje sems dpa' nyid la gsol ba gdab pa'o/ /de ltar ngag chen zhus nas su/ /zhes pa ni gong du gsungs pa'i legs so la sogs pa'i sbyin pa'i ngag go//sras bcas sangs rgyas thams cad kyi/ /zhes pa ni ji ltar gsungs pa'i dpal rnam par snang mdzad la sogs pa de bzhin gshegs pa dang / byams pa la sogs pa'i byang chub sems dpa' dang bcas pa ni sras bcas zhes pa'o/ /rdo rje sems dpa' chen po yis/ / gsungs pa la ni mngon par bstod/ /ces pa ni kun la khyab pa kun gyi bdag nyid rdo rje sems dpas gang dag 'dir gsungs pa/ dpal rdo rje sems dpa' la sogs pa'i dkyil 'khor la sogs pa'i de kho na nyid de dag la de bzhin gshegs pa de dag gis mngon par bstod par gyur to zhes pa'o//sangs rgyas thams cad mnyam sbyor ba/ /mkha' 'gro sgyu ma bde mchog la/ /sangs rgyas nyi ma zla ba ni/ /dam pa'i yig 'bru dar bar shog /sngon gyi smon lam 'byung ba yis/ /sku yi sprin ni mtha' yas pas/ /yon tan mtha' yas grags pa yi//rdo rje sems dpa' gsungs pa la/ /rdo rje sems dpa' 'byung ba 'dir/ /dngos grub bdag nyid lhan cig pa'i/ /byang chub sems sogs la chags pa'i/ /'gro ba dkar por 'gyur bar shog /thabs dang shes rab dngos bstan pa/ /thar pa thams cad rnam dag pa/ / gtan du srid pa 'grub pa'o/ /dpal ldan khrag 'thung zhes bya ba/ /drag po sdang ba 'joms byed pa/ /drag sogs sdang ba med don du/ /snying rje thabs kyis sred gnas pa/ /sangs rgyas kun gzhi dar bar shog /pad+ma 'dra bar 'byung dag pa/ /shes rab mar me 'bar ba che/ /ye shes mun pa med byed phyir//'jig rten kun gyi dbang phyug gtso/ /pad+ma'i zla ba dar bar shog /yid bzhin nor bu nyams dga' ba/ /ser sna'i nyes pa med byed phyir/ /kun gyi bdag por sbyin byed pa/ /snying rje'i nyi ma dar bar shog/ /dpal ldan rta mchog rgyal po yang / /rgyal po thams cad 'joms byed pa//le lo'i dri ma med don du/ /brtson 'grus las kyi dngos po dge/ /dge ba'i las la brtson 'grus dngos/ /lta ba ngan pa med don du/ /dge ba'i shes rab snang byed shog /ces so/ /rgyud 'di rnam par bshad byas pas/ /bdag gis thob pa'i dge ba gang //byang chub sems kyi dge dga' ba/ /snying po bsam med rdzu 'phrul che/ /des ni 'jig rten ma lus pa/ /rgyal ba rdo rje 'dzin chen shog /dpal sangs rgyas thams cad dang mnyam par sbyor ba mkha' 'gro ma sgyu ma bde ba'i mchog gi rgyud ji snyed pa'i rnam par bshad pa shes rab snang bar byed pa zhes bya ba'o//rnam par bshad pa 'di'i rnam grangs kyi tshad ni tshigs su bcad pa drug stong lnga brgya bdun cu'o/ /sangs rgyas mnyam sbyor gyi rnam par bshad pa 'di'i mdzad mkhan ni shrI na len+d+ran bzhugs pa rdo rje slob dpon kun dga' snying po'i zhabs kyis mdzad pa rdzogs so/