CLOSE WINDOW

D1648
བོད་ཡིག

/ @##/ /sgyu 'phrul chen mo'i sgrub thabs bzhugs/ @##/ /rdo rje mkha' 'gro ma la phyag 'tshal lo/ /dang por sngags pa bdag nyid kyi/ /zhal gdong dag par byas pas na/ /de ni 'jig rten pa yi lugs/ /don dam rnal 'byor 'di lta ste/ /snying gar zla ba'i dkyil 'khor la//nag po hUM ni bsam par bya/ /'od zer rnam lngas khyab par spros/ /'jig rten khams ni gsal byas nas/ /slar 'dus zhal ni dag par bya/ /de nas bsgom pa'i sa gzhi ni/ /bdud rtsi lngas ni gtor bar bya/ /de steng bde ba'i stan la 'dug /snying gar zla dkyil hUM ni bsam/ /de las 'od zer rab 'phros nas/ /rang bzhin dkyil 'khor spyan drangs nas/ /mdun gyi nam mkhar bsam par bya/ /rang gi snying ga'i hUM las ni/ /mkha' 'gro ma bzhi rab spros la/ /phyi nang mchod bstod la sogs bya/ / de nas sdig pa bshags par bya/ /lus ngag yid gsum las byas sdig /rang gi byas sogs sdig pa kun/ /rang bzhin dkyil 'khor dag pa bshags/ /sangs rgyas la sogs bsod nams la/ /rjes su yi rang ba byas nas/ /rjes su yi rang bsod nams 'dis/ /sems can thams cad don du bsngo//dkon mchog gsum la skyabs su mchi/ /byang chub sems ni rnam gnyis kyis/ /rang gi lus ngag yid gsum 'dis/ /sangs rgyas la sogs rnams la dbul/ /yan lag bdun mchod byas nas su/ /rang gi lus ngag yid gsum la//rang bzhin yi ge gsum 'di bsam/ /yi ge gsum ni 'di lta ste/ /he dang ru ni ka dang gsum/ /he zhes chos rnams rgyu med pa/ /ha zhes chos rnams skye 'gag med/ /e zhes chos rnams smra brjod bral/ /ru zhes chos rnams brag ca 'dra/ /ra zhes yang dag bde chen lus//u zhes chos rnams mi rtog brten/ /kA zhes chos rnams gnas med pa'o/ /ka zhes chos rnams bde dang ldan/ /a las chos rnams skye med bstan/ /rang gi lus ngag yid gsum gyi/ /rang bzhin yi ge gsum po 'di/ /nan tan gyis ni de ltar bsgom//oM shU n+ya tA dz+nyA na badzra swa b+ha ba At+ma kou0f85haM/ stong nyid sems ni brtan byas nas/ /de nyid nyi ma'i dkyil 'khor gyur/ /de steng hUM nag bsam bya ste/ /de gyur rdo rjer bsgom par bya/ /rdo rje bum par hUM nag bsam/ /de las 'od zer rdo rje 'phros/ /gru bzhi r do rje brtsig byas te//steng du rdo rje gzeb bsams nas/ /'og ni rdo rje sa gzhi ste/ /rdo rje ra ba'i phyi rol du/ /laM gyur sa gzhi gru bzhi ste/ /rdo rje rtse gsum gyis ni mtshan/ /sa yi dkyil 'khor phyi rol du/ /baM gyur chu yi dkyil 'khor zlum/ /de dbus bum pa dag tu bsam//chu yi dkyil 'khor phyi rol du/ /yaM gyur rlung dkyil gzhu lta bur/ /g.yas g.yon ba dan mtshan par bya/ /yang na de yi phyi rol du/ /raM gyur me dkyil gru gsum bsam/ /rdo rje ra ba'i nang du ni/ /phyogs bzhi mtshams bzhi dag la ni/ /dur khrod brgyad ni bsam par bya//paM gyur pad+ma dmar po bsam/ /pad+ma'i ze 'bru'i steng du ni/ /nyi ma'i dkyil 'khor bsam par bya/ /dbus su mthing nag hUM ni bsam/ /hUM las 'od zer rab spros pas/ /phyogs bcu'i bde gshegs rnams bkug nas/ /hUM la thim nas zhu bar gyur//pad+ma'i 'dab ma bzhi la ni/ /lha mo bzhi ni bskyed par bya/ /tshad med bzhi yi rang bzhin las/ /rdo rje mkha' 'gro la sogs bzhis/ /'di bzhi'i rdo rje glu yis ni/ /mnyam nyid la gnas bskul bar bya/ /dpal rdo rje glu'i dam pa'i srid pa shin tu sgrub byed pa//kye ma gnyen mchog rdo rje'i 'od kyis pad+ma rab phye shig /a la la la la ho/ /bde ba chen po rab tu dgyes pa'i gar mdzod cig /nyi ma'i 'od kyis pad+ma'i kha rab phye ba bzhin/ /a la la la la ho/ /bde ba chen po rab tu dgyes pa'i gar mdzod cig / rdo rje'i glu ni blangs nas su/ /gong bu de nyid hUM du gyur/ /de las 'od zer rab spros pas/ /phyogs bcu'i bde gshegs kun bkug nas/ /hUM nyid la ni thim par bsam/ /snying rje'i stobs kyis rdo rjer gyur/ /sku mdog mthing nag zhal bzhi pa/ /phyag bzhi dag gis rab tu mdzes//dbus zhal sku ni mthing nag ste/ /g.yas kyi zhal ser g.yon zhal ljang / /lhag ma'i zhal ni dkar po'o/ /g.yas gnyis ka pA la dang mda'/ /g.yon gnyis kha T+wAM gzhu ni 'dzin/ /nyi ma'i dkyil 'khor gdan la bzhugs/ /zhal bzhi spyan ni gsum gsum ste//mi mgo gsar pa'i do shal la/ /rgyu ma rlon pa'i thag pas brgyus/ /thod skem phreng bas dbu la brgyan/ /rus chen rgyan dang yang dag ldan/ /dga' bzhad zhal gdangs mche ba gtsigs/ /dbu skra dmar ser gyen du 'bar/ /de nas gnas drug byin gyis brlab//dpral ba'i mtshams su tsi ser bsam/ /mig gnyis la ni oM dkar po/ /rna ba gnyis la A dmar bsam/ /sna gnyis la ni khe dkar po/ /mgrin par AHd+mar bsam par bya/ /snying gar re dmar bsam par bya/ /gnas drug yang dag byin brlabs nas/ / yab yum sku ni dus gcig rdzogs/ /stong nyid la ni shin tu 'khyud/ /gnyis med sku las 'od zer 'phros/ /'jig rten khams gsal byas nas ni/ /rdo rje 'dzin pas dbu ni brgyan/ /sku gsung thugs ni byin gyis brlabs/ /chos dbyings ye shes rnam dag gi /de yi ngo bo bdag nyid ni//shar gyi pad+ma'i 'dab ma la/ /rdo rje mkha' 'gro ma ni bsam/ /sku mdog mthing nag zhal bzhi ma/ /g.yas ser g.yon ljang gu yi zhal/ /lhag pa'i zhal ni dkar po ste/ /g.yon gnyis kha T+wAM dril bu la/ /g.yas gnyis ka pA la rdo rje/ /sa khams me long rang bzhin no//mdog ser rin chen mkha' 'gro ma/ /lho yi pad 'dab bsam par bya/ /g.yas nag g.yon ni ljang gu'i zhal/ /lhag pa'i zhal ni dkar po'o/ /g.yon gnyis ba dan ce spyang ste/ /g.yas gnyis rtse gsum rin chen 'dzin/ /chu khams mnyam nyid rang bzhin no/ / mdog dkar pad+ma mkha' 'gro ma/ /nub kyi pad 'dab bsam par bya/ /g.yas ser g.yon ni ljang ba'i zhal/ /lhag pa'i zhal ni nag po ste/ /g.yon gnyis gzhu dang ka pA la/ /g.yas gnyis mda' dang sna tshogs pad/ /me khams so sor rtog rang bzhin/ /ljang mdog sna tshogs mkha' 'gro ma//byang gi pad 'dab bsam par bya/ /g.yas ser g.yon ni sngo ba'i zhal/ /lhag pa'i zhal ni dkar po'o/ /g.yon gnyis zhags pa ka pA la 'dzin/ /g.yas gnyis ral gri cang te'u 'dzin/ /rlung khams nan tan rang bzhin no/ /rdo rje mkha' 'gro la sogs bzhi/ /nyi ma'i gdan la rab tu gnas//ka pA la sogs rgyan rnams ni/ /gtso bo'i rgyan dang mthun par bshad/ /spyan ni gtso bo nyid dang mthun/ /cung zad zhal gdangs mche gtsigs la/ /dbu skra dmar ser gyen du 'bar/ /thams cad kyi ni sku rnams la/ /me dpung 'bar ba'i 'od zer 'phros/ /snying rje'i stobs kyi rdo rje ma//lha mo 'di bzhis mdzes bskor bsgom/ /ji ltar rdzogs pa'i rim pa ni/ /slob dpon dag la dri bar bya/ /spyi bor rlung gi dkyil 'khor bsam/ /snying gar sa yi dkyil 'khor ro/ /lte bar chu yi dkyil 'khor bsam/ /gsang bar me yi dkyil 'khor te/ /ma ning gis ni bsgom par bya/ / oM AHhUM/ rnal 'byor pa ni ngal bso'i phyir/ /sngags kyi 'dzab ni bzlas par bya/ /oM AHhrIHhUM phaT/ ting nge 'dzin las langs nas ni/ /'khor ba dang ni myang na 'das/ /gnyis su med par bsgom par bya/ /rgya gar gyi mkhan po sku med rdo rjes mdzad pa sgyu 'phrul chen mo'i sgrub thabs rdzogs so// //

CLOSE WINDOW