CLOSE WINDOW

D1647
བོད་ཡིག

/ @##/ /rgya gar skad du/ sha pa saM ska ra sA d+hA naM bir+hiH/ bod skad du/ ro bsreg pa'i sgrub thabs kyi cho ga /dpal rdo rje 'dzin pa chen po la phyag 'tshal lo/ /'phags pa spyan ras gzigs dbang phyug la phyag 'tshal lo//gang dag sngon gyi las dang 'phral gyi rkyen dag gis/ /nad pa'i srog zad shi ba'i dus byas tshe/ rnam smin lus la brten nas sdig sgrib sbyang ba'i thabs/ /dri med lung dang bla ma'i bka' bzhin bri//de la re zhig dang por ro sreg cing sbyang bar 'os pa'i gnas skabs dang sbyar nas/ dang po bsnyen pa la 'jug par bya ste/ de yang bsnyen pa'i gnas gang yin par ro drangs la chu gtsang dri zhim po dang sbyar bas khrus byas la/ de nas dri zhim po'i lde gus dril phyi byas nas/yi ge tsi la sogs pa gnas drug tu bri ba'am gdags so/ /de nas ras sam snam bu gsar pas dkris la/ me tog gi phreng bas brgyan nas/ maN+Dal ba'i ko ba tsam pa byas la/der me tog sil ma gtor te/ ku sha'i chun po'i stan la gzhag go/ /de'i drung du yang mchod pa'i maN+Dal bya ba dang / me tog dgram pa dang / mchod pa dang gtor ma bshams pa dang / bla re dang / 'phan dang / yol ba la sogs pa'i rgyan dang bcas par bya'o//de nas bdag nyid khrus byas la/ stan bde ba la 'dug ste/ cho ga'i rim pa'am mos pa tsam gyis dpal he ru ka'i skur bsgoms la/ gnas drug tu yi ge dgod pa dang / cod pan gyi lhas rgyas gdab pa dang /snying gar zla ba la gnas pa'i yi ge hrIHla sngags kyi phreng bas bskor bar bsgom par bya'o/ /de nas mchod pa thams cad yi ge 'bru gsum gyis byin gyis brlabs la/ de'i 'og tu bdag gi snying ga'i sa bon gyi 'od zer gyis/lhun gyis grub pa'i gnas nas/ sangs rgyas dang byang chub sems dpa' thams cad kyi bdag nyid dpal he ru ka mkha' 'gro ma'i 'khor dang bcas pa ye shes kyi dkyil 'khor nam mkha' la spyan drangs te/ sprul pa/ de la mchod pa rnams kyis rim bzhin du mchod nas/de'i rjes la yan lag bdun pa'i mchod pa'am/ smon lam bya/ de nas bstod pa bya ste/ mche ba gtsigs shing 'jigs che ba/ /zhes bya ba la sogs pa'i bstod pas bstod la/ mkha' 'gro ma la gtor ma bsngos te/gsol ba btab nas/ yi ge brgya pas bzod gsol byas la gshegs su gsol lo/ /de nas shU n+yatA dz+nyA na'i sngags brjod pa'i sgo nas stong pa nyid bsgoms nas/ de'i ngang las hUM gi snang ba'i 'od zer las/ ra ba dang / dra ba las sa gzhi ste/srung ba'i 'khor lo dur khrod brgyad dang bcas par bsgom mo/ /de nas bdag nyid kyi snying ga'i sa bon gyi 'od zer gyi lcags kyus/ gang shi ba de'i sems rnam par shes pa bar do'i gnas sam/ rigs drug gang na gnas pa'i shes pa'i ngo bo a thung ngu dkar la phra ba gcig tu drangs te/ro'i kha'i lam nas snying gar bcug pas/ de nyid rnam par shes pa'i sems dang ldan par sngar gyi ji lta ba bzhin du bsams la/ de'i 'og tu bzlas pa bya ste/ oM AHhrIHhUM zhes pa la sogs pa'i lha rnams kyi phreng sngags bzlas pas/bdag gi snying ga'i sa bon phreng sngags dang bcas pa las 'od 'phros pas/ /bdag gi sna'i rlung dang 'dres nas/ bsgrub bya'i sna'i lam nas snying gar zhugs pas/ bsgrub bya'i snying gar zla ba la gnas pa'i sa bon phreng sngags dang bcas par gyur par bsam mo//de nas bzlas pa byas pas bdag gi snying ga'i sngags las 'od 'phros te/ bsgrub bya'i sna'i lam nas/ snying ga'i sngags la phog pas/ bsgrub bya'i snying ga'i sngags las 'od 'phros te/bsgrub bya'i las dang nyon mongs pa'i sgrib pa thams cad sbyang bar bsam mo/ /de ltar zhag du lcogs la sogs par bsnyen pa bya'o/ /de nas bsnyen pa thon pa dang / bsgrub bya'i sngags kyi phreng ba 'od du zhu nas/ lus mgo mjug tu thim pas/sgrib pa thams cad byang nas lus shel dngas pa ltar gyur pa bsam mo/ /de nas lhag par gnas pa sta gon gyi cho ga gzhung dang mthun par bya/ de'i rjes la mdun du ye shes kyi dkyil 'khor sprul la der dkyil 'khor du gzhug pa nas dbang bskur ba gnas skabs dang sbyar la dbang bskur ro//gal te bsnyen pa ma lcogs par gyur na/ de'i tshe khrus bya ba nas dbang bskur ba'i yan lag rdzogs par bya'o/ /de nas bkra shis pa'i gnas su sa'i cho ga sngon du 'gro bar ro drangs la/ sba'am gur gyi nang du maN+Dal byas la/sa tshon gyis zlum po dkar por byas te/ der gzhag go/ /de nas phyogs gcig tu sreg khang brtsigs te/ ji tsam regs pa'i sa bcad de maN+Dal byas la/ de'i dbus su khru phyed dang do pa tsam la/ zabs su de'i phyed brkos la/de'i dbus su sor bcu pa'i lte bar 'phangs su sor bzhi pa byas la/ der sna tshogs pad+ma 'dab brgyad/ lte ba dkar po 'dab ma rnams dmar por byas la/ der mtshan ma mi dgos so/ /mtha' ma rdo rje'i phreng bas bskor ro/ /de'i steng gi kha khyer sor lnga pa'i chu zheng mnyam par byas la phyi rol gyi gzhi ser por bya'o//de nas mtshams bzhir ka ba bzhi btsugs la/ phyogs gnyis su gdung gnyis btang ste/ de'i steng du shing khang tshul bzhin du brtsigs la/ ro der gzhug go/ /de nyid kyi drung du las thams cad pa'i thab khung gzhung bzhin du byas nas/de nas/ sbyin sreg gi rdzas bud shing dang / yam shing dang / rlung g.yab dang / mar la sogs pa bsreg par 'os pa'i rdzas thams cad gzhung bzhin du bsham mo/ /de nas bdag nyid khrus byas la/rgyan chas kyis brgyan te/ mchod pa lnga la sogs pa thams cad bsags la/ bdag nyid dpal he ru ka'i skur bsgoms te/ mchod pa thams cad byin gyis brlabs la/ snying ga'i sa bon gyi 'od zer gyis/ ye shes kyi dkyil 'khor spyan drangs nas nam mkha' la sprul te bsams la/phyi nang gi mchod pa thams cad kyis mchod nas/ yan lag bdun pa'i mchod pa dang / bstod pa yan lag gzhung bzhin du bya'o/ /de nas stong pa nyid du bsgom pa sngon du 'gro ba'i srung ba'i 'khor lo gzhung bzhin du bsgoms la/der sbyin sreg bya ste/ de yang sbyin sreg gi cho ga nas byung ba bzhin du me lha'i mchod pa yan chad rdzogs par byas la/ de nas me lha 'od du zhu ste/ 'bar ba'i rnam par gyur bar bsams la der ye shes kyi lha la sbyin sreg gi mchod pa bya ste/ skabs 'dir bsgrub bya'i lhag pa'i lha gang yin pa der cho ga'i yan lag gis bskyed la ye shes sems dpa' snying ga'i sa bon gyis bkug nas bstims te/mchod pa lnga la sogs pas mchod/ de nas sreg rdzas rnams kyis rim bzhin du mchod la/ 'dod don gsol ba yan chad bya ste/sbyin sreg gi cho ga dang mthun no/ /slob dpon theb yod na/ gcig gis sdig pa bsreg pa'i ting nge 'dzin bya ste/ sreg khang du me 'bar la/ bsang gtor gyi chus bsangs la/ bsgrub bya'i rnam smin gyi lus de nyid/ dpag tu med pa'i dus rgyud la bsags pa'i las dang nyon mongs pa'i dri ma'i sdig pa'i ngo bo yi ge kaM nag po'i phung po gcig tu bsams la/'og gi sna tshogs pad+ma'i lte ba las me 'bar bas/ kaM de rim gyis bsreg par bsgoms te/ oM sarba pA paM shAn+tiM ku ru swA hA/ oM sarba karmA shAn+tiM ku ru swA hA/oM sarba duHkha shAn+tiM ku ru swA hA/ zhes brjod cing sdig pa bsreg pa'i ting nge 'dzin bya'o/ /slob dpon gcig gis nyes pa bshags pa'i bsam gtan bya ste/ shi ba'i rnam par shes pa'i sems bar do'i srid pa'i ngo bo lus ngag yid gsum gyi mtshan ma 'bru gsum kha dog so so ste/ser po gnyis kyis brten pa zla ba'i dkyil 'khor gyi steng na gnas par bsams la/ bsgrub bya'i sngar gyi lus de nyid kyis yi ge brgya pa zlos shing bshags pa byed par bsgoms te/ oM badzra satwa sa ma ya ma nu pA la ya/badzra satwa twe no pa tiSh+Tha/ dr-i D+ho me b+ha ba/ su to Sh+yo me b+ha ba/ a nu rak+to me b+ha ba/ su po Sh+yo me b+ha ba/ sarba sid+d+him+me pra ya ts+tsha/ sarba karma su tsa me tsit+taM shre yaH/ ku ru hUM/ ha ha ha ha ho/ b+ha ga wan/ sarba ta thA ga ta/ badzra mA me muny+tsa badzra'i b+ha ba/ ma hA sa ma ya satwa A/zhes brjod cing bshags pa byed par bsam mo/ /slob dpon theb med na/ gcig gis gsum ka'i ting nge 'dzin rim gyis bya bar yang rung ngo / /sbyin sreg sbyin nas/ thab de nyid du mar dang 'o ma dang / sbrang rtsi dang / ka ra dang / phye bzang po las tsA ru bcos la/tsA ru'i phung sbyin sreg tu phul la/ lhag ma longs spyod do/ /de nas smon lam gdab ste/ na mo sangs rgyas dang chos dang dge 'dun gyi bka'i byin gyi rlabs kyi bden pa dang / rig sngags dang gsang sngags dang snying po dang phyag rgya dang ting nge 'dzin gyi byin gyi rlabs dang /bdag cag gi lhag pa'i bsam pa rnam par dag pa'i stobs dang / chos nyid rten cing 'brel par 'byung ba zab mo bsam gyis mi khyab pa'i mthu dang bden pa'i byin gyi rlabs kyis/ deng tshe 'phos shing lus brjes pa 'di rnam par smin pa'i phung po 'di la brten nas/dge ba'i rtsa ba gzhung bzhin du bskrun pa 'dis/ tshe 'phos pa 'di dmyal ba'i gnas su mi skye bar gyur cig /gal te skyes par gyur na/ dmyal ba tsha grang la sogs pa'i sdug bsngal dang bral nas/ dmyal ba rnams la sprul pa'i sku gshin rje chos kyi rgyal po lta bus chos ston pa'i skal pa dang ldan par gyur cig /gzhan yang yi dags kyi gnas su mi skye bar gyur cig /gal te skyes par gyur pa na/ yi dags kyi bkres skom gyi sdug bsngal la sogs pa dang bral nas/ yi dags rnams la sprul pa'i sku kha 'bar ma lta bus chos ston pa'i skal pa dang ldan par gyur cig /gzhan yang byol song gi gnas su ma skye bar gyur cig /gal te skyes par gyur pa na/ byol song gi bsha' bzhur la sogs pa'i sdug bsngal dang bral nas/byol song rnams la sprul pa'i sku gser bzang lta bus chos ston pa'i skal pa dang ldan par gyur cig /gzhan yang mi'i 'dre mi'i sdug bsngal gsum dang brgyad la sogs pa dang bral nas/ mi rnams la sprul pa'i sku shAkya thub pa lta bus chos ston pa'i skal ba dang ldan par gyur cig /gzhan yang lha ma yin gyi 'dre/ lha ma yin gyi sdug bsngal khong khro dang 'thab rtsod la sogs pa dang bral nas/ lha ma yin rnams la sprul pa'i sku thags bzangs ris lta bus chos ston pa'i skal ba dang ldan par gyur cig /gzhan yang lha'i 'dre/lha'i sdug bsngal 'chi 'pho dang ltung ba la sogs pa dang bral nas/ lha rnams la sprul pa'i sku brgya byin lta bus chos ston pa'i skal ba dang ldan par gyur cig /de ltar khams gsum gyi sdug bsngal las grol te/ khyad par gyi lam lnga la brten nas/ sgrib pa gnyis spangs te/tshogs gnyis rdzogs nas/ mthar bla na med pa'i byang chub phyag rgya chen po mchog gi go 'phang lhun gyis grub ste/ 'khor ba ma stong gi bar du sems can thams cad kyi don rgyun mi 'chad par spyod pa'i skal ba dang ldan par gyur cig /de nas dge ba'i rtsa ba bsngo//de nas phyis sreg khang du 'o ma gtor te/ zhi ba'i sngags bzlas te/ rus bu btus la sAts+tsha btab nas/ rab tu gnas par bya'o/ /ro sbyang ba'i sgrub thabs kyi cho ga /bla ma dam pa'i gdams ngag la brten nas/ gzhung nye bar bsdus pa rdzogs so/

CLOSE WINDOW