CLOSE WINDOW

D1645
བོད་ཡིག

slob dpon grub pa thob pa'i rnal 'byor pa chen po rgyan pas mdzad pa rdzogs so// @##/ /rgya gar skad du/ gu ru u pa de sha nA ma ma hA mA yA maN+Da lo pa yi ka /bod skad du/ sgyu 'phrul chen mo'i dkyil 'khor gyi cho ga bla ma'i zhal snga'i man ngag ces bya ba/bcom ldan 'das 'jam dpal gzhon nur gyur pa la phyag 'tshal lo/ /'jig rten dbang phyug la phyag 'tshal lo/ /rang rig rnam pa yid du 'ong ba'i sku/ /rnam par rtog pa'i 'jug pa ma lus bsal/ /rnam dag rig pa gnyis med sku 'chang ba'i/ / khrag 'thung dpa' bo rdo rje can phyag 'tshal/ /sgyu 'phrul chen mo'i cho ga de'i/ /man ngag legs par rgyun chags pa/ /'dul bas byin gyis legs par ni/ /dkyil 'khor rim pa gsal bar bya/ /rgyud 'di shin tu zab dang drang ba'i tshig ni phal cher spros pa'i bdag nyid la/ / chags med blo yin nor can rnams kyis kyang ni rig min bdag la'ang smra nus med/ /'on kyang dpal ldan bla ma'i zhabs kyis legs par gsungs pa phra mo sgom tsam dang / /rdo rje spun gyis gsol ba btab pas bdag gis dran par bya phyir cung zad brjod/ /de la dang por bden pa dang /dkon mchog dang / las dang 'bras bu la sogs pa la mngon par yid ches pa dang ldan pa/ sems can ma lus pa la bu gcig pa ltar byams pa/ khams gsum pa'i sems can gyi tshogs kyis sdug bsngal gsum gyi sbyor bas sdug bsngal bar gyur pa la dmigs nas/de dag gdon pa'i bsam pa rdzogs pa'i byang chub tu byas la/ sbyin pa dang tshul khrims la sogs pa dang ldan pa sgyu 'phrul chen mo nas gsungs pa'i rim pas chu la sogs pa'i rjes su gnang ba dag gis dbang bskur ba 'jig rten gyi chos brgyad kyis ma gos pa'i bsam pa can gsang sngags dang rgyu dang dngos grub shes pas/me tog dang 'bras bu la sogs pas brgyan pa'i raM 'am/ chu bran dang 'bab chu'i 'gram mam/ dur khrod la sogs pa'i yid dang mthun pa'i gnas gang yang rung ba 'ba' zhig tu/ tho rangs gdong dag pa la sogs pa bya ste/ stan shin tu 'jam pa la 'dug nas/snying gar nyi ma la yi ge hUM bkod la de'i 'od zer las byung ba'i phyi dang nang gi mchod pa rnams kyis/ mdun gyi gnas su bla ma dang sangs rgyas dang byang chub sems dpa' rnams dang / dkyil 'khor lha lnga'i bdag nyid can gyi 'khor lo can mgon po la yang dag par mchod de/ sdig pa bshags pa dang / bsod nams la rjes su yi rang ba dang / gsum la skyabs su 'gro ba la sogs pa dang / smon lam gdab par byas la/ stong pa nyid bsgom par bya'o/ /oM shU n+ya tA dz+nyA na badzra swa b+hA ba At+ma kou0f85haM zhes yid kyis gdon par bya'o/ /de ma thag tu nam mkhar mtsho skyes dmar po 'dab ma bzhi pa la gnas pa'i nyi ma la thig le 'phro 'du can lnga gnas pa sngon du bsams la/de nas yud tsam phyogs bcu'am bzhi'i thig le las byung ba'i mkha' 'gro ma bde ba chen po shin tu dga' ba las chags pa'i gzugs/ byams pa chen po dang / snying rje dang / dga' ba dang / btang snyoms sngon du goms pa'i rang bzhin can bzhi gar byed cing glu yid du 'ong ba'i skad snyan pas skul bar byed par bsam mo//ha le sa hi bi ya ka ma la pa po hi u pa dz+nye a la la la la ho/ /ma hA su kha na/ a ra hi u nre te Na/ ra bi ki ra Ne/ Na pa phul Ni li u ka ma lu ma hA su he a la la la la ho//ma hA su he na a ra hi u ne t+ya na/ de nas 'gro ba ma lus pa 'khor ba'i sdug bsngal las gdon pa'i bsam pa can/ 'gro ba sgyu ma dang / smig rgyu dang / dri za'i grong khyer dang yang dag pa ji lta ba bzhin du de kho na'i ngo bor bltas la/ / thig le dbus ma las byung ba'i yi ge hUM yongs su gyur pa na in+d+ra nI la lta bu'i 'od ye shes lnga dang sku gsum gyi bdag nyid mchog tu dga' ba mdzes pa'i zhal bzhi pa/ phyag bzhi pa sku la thal ba'i rdul gyis bsgos pa/ 'di'i rtsa ba'i zhal ni lus ltar mthing ba/g.yas ser po rgyab dmar po g.yon mar gad ltar 'bar ba spyan gsum pa/ mi'i pags pa la sogs pa dang / phyag rgya lngas brgyan pa/ dbu skra dmar ser gyen du 'bar ba nyi ma'i gdan mnga' ba mi bskyod pas dbu brgyan pa'i thod pa'i phreng ba can/ rol pa'i phyag g.yas dang cig shos dag gis mda' gzhu bsnams pa/ khrag gis bkang ba'i thod pa dang / dril bu g.yer kha dang bcas pa kha T+wAM gas 'brel pa dag gis rang gi ngo bo dang gnyis su med pa'i rang snang ba'i sangs rgyas mkha' 'gro ma'i gzugs la 'khyud pa/'od zer gyi sgo'i mtha' las byung ba'i thub pa'i dbang po'i tshogs kyis 'gro ba'i bya ba bsgrub pa/ rang rang gi phyogs na gnas pa'i lha mo bzhi'i zhal du bltas pas gar gyi gom pas gnas pa'i sbyor bas gar mdzad pa'i snying rje'i stobs su bdag nyid bsam par bya'o//gzhan dag na re phyag drug pa yin te sngar bstan pa'i phyag bzhis snga ma bzhin du phyag mtshan bzhi bsnams pa/ gzhan dag gis sangs rgyas mkha' 'gro ma la 'khyud pa'o zhes zer te/ rgyud nas phyag bzhi zhes pas phyag gnyis 'khyud pas 'brel bar bstan pa'i phyir legs par byas pa'o//ji skad du dpal gsang ba 'dus par 'dod pa'i rgyal po phyag bzhi par bshad pa lta bu'o zhes so/ /mkha' 'gro ma rnams kyi phyag mtshan la sogs pa brjod par bya ste/ de la shar phyogs su rdo rje mkha' 'gro ma mdog sngon mo/sngon po dang / ser po dang / dkar dmar dang / ljang gu'i zhal bzhi dang ldan pa/ sa dang me long lta bu'i ye shes la sogs pa'i ngo bo/ g.yas pa dag gis rdo rje sngon po dang thod pa 'dzin pa/ g.yon pa dag gis dril bu dang kha T+wAM ga 'dzin pa'o//lho phyogs su mnyam pa nyid kyi ye shes dang chu'i khams la sogs pa rnam par dag pa rin chen mkha' 'gro ma ser mo phyag g.yas pa dag gis rin po che'i snyem dang mdung rtse gsum pa 'dzin pa/ phyag g.yon pa dag gis ce spyang gis mgrin pa btsir ba dang / bden mchog bzung ba'o/ /kha cig na re/ ce spyang thod pa na gnas pa 'dzin pa'o zhes pa'o/ /ser po dang / sngon po dang / dmar po dang / ljang gu'i zhal can no/ /nub phyogs su pad+ma mkha' 'gro ma/ dkar dmar/ me dang so sor rtog pa la sogs pa'i rang bzhin dkar dmar dang /gser bzhu ba dang / sngon po dang / ljang gu'i zhal bzhis mdzes pa/ g.yas dag na sna tshogs pad+ma'i 'dab ma dang mda' 'dzin pa'o/ /cig shos dag gis thod pa dang gzhu 'dzin pa'o/ /byang phyogs su sna tshogs mkha' 'gro ma rin po che mar gad ltar 'bar ba bya ba grub pa dang rlung la sogs pa rnam par dag pa'i rang bzhin/ljang gu dang / ser po dang / dkar po dang / sngon po'i zhal dang ldan pa g.yas pa dang cig shos dag gis ral gri dang Da ma ru dang zhags pa dang zhag gi bum pa can bsam mo/ /lha mo thams cad ni zhal bzhi pa ste/bcom ldan 'das kyi zhal gyi mdog phyogs kyi cha gang gi ci 'dra bar phyogs kyi cha de'i bcom ldan 'das ma'i mdog kyang de 'dra ba yin no/ /de ma thag tu yan lag drug dgod par bya ste/ dpral ba dang / mgul pa dang / mig dang / rna ba dang /sna dang / snying ga rnams su/ oM AHhUM khe/ tsi ra yi ge ra'i gong du hUM dgod par bya'o/ /de nas rdo rje se gol gyi sbyor bas ye shes kyi dkyil 'khor spyan drangs la/ mchod yon la sogs pa phul te dam tshig gi dkyil 'khor dang lhan cig tu bya'o/ /de'i rjes la snying ga na gnas pa'i nyi ma'i dkyil 'khor la gsang sngags kyi yi ge hUM gnas pa'i 'od zer gyis phyogs bcu na bzhugs pa'i mgon po rnams bskul te/de'i 'od las byung ba'i rig pa chu shel lta bu'i bum pa ye shes kyi bdud rtsis gang ba lag na thogs pa rnams kyis dbang bskur ba dang /bdag nyid la mi bskyod pa cod pan du bsam mo/ /btsun mo rnams la ni/ yang 'dir rim pa bzhin du mgo bor rtag pa dang / rin chen dbang dang / snang ba mtha' yas dang / don yod grub pa rnams bsam mo/ /de nas ting nge 'dzin las byung ba'i lha mo mchod pa dam pas brel pa rnams kyis 'dod pa'i yon tan rnams kyis phyogs bcu na bzhugs pa'i dkyil 'khor gyi 'khor lo can mgon po bdag nyid he ru ka la legs par mchod de/mche ba gtsigs shing 'jigs chen po/ /sgyu ma'i me tog phreng bas brgyan/ / sha chen po dag gsol mdzad pa/ /he ru ka la bdag phyag 'tshal/ /zhes bya ba'i bstod pa'i glu rnams kyis bstod par bya'o/ /de ma thag tu rang snang ba dpal sangs rgyas mkha' 'gro ma dmar mo dga' ba la spros pa'i mgo dang / snying ga dang / lte ba dang / gsang ba dang / brla zur dang / rkang pa la thug par rim pa bzhin du sa bon/ oM hUM sa bon A ha rnams kyi rigs lnga'i bdag nyid can dang / yi ge hrIHyongs su gyur pa las gsang ba'i pad+ma dmar po/ yi ge b+h+rUM yongs su gyur pa las grub pa'i 'od zer 'bru ser po can bltas la lha mo bzhis sngar glus bskul bzhin pa/yi ge hU~M yongs su gyur pa las gsang ba'i rdo rje/ yi ge oM las sprul pa'i nor bu/ bu gar phaT bkod la/ byed pa sna tshogs pa las rgyal ba rjes su chags par bya ba brtsam par bya'o/ /rdo rje dang pad+ma'i phaT kyi sgra dag gis bkug pa'i rgyal ba'i tshogs bde bar gnas pa phab pa las zhu ba'i rdo rje'i lam nas byung ba lha mo'i pad+ma'i lte bar ltung ba sems dam pa'i ngo bo lces rnam pa sna tshogs pas phyogs te myang la mgon po'i lus dang ngag dang sems tshim par bya'o//snying gar 'byung ba bzhi'i rang bzhin pad+ma dmar po 'dab ma bzhi pa la nyi ma'i dkyil 'khor la gnas pa'i thig le dkar po zla ba'i dkyil 'khor dang kha sbyar ba pad+ma'i rtsa lag gi skud pa dang 'dra ba'i ri mo phyed dang bdun gyis legs par dkris pa ste/de la rgya mtsho'i chu lta bu blugs pas skyes bu chen po'i mtshan sum cu rtsa gnyis dang / dpe byad bzang po brgyad cu sgrub par byed pa dbyangs dang gsal byed rnams nyis ldab tu brgyus pa'o/ /de'i steng gi bu ga nas zlos pa'i tshe na me tog ma la ti brgyus pa'i phreng ba lta bu phyung la/ sdud pa'i tshe na de bzhin du gzhug go/ /yi ge gsum bzlas par bya ste/ rlung 'byung ba nas yi ge gsum yang 'byung zhing 'byung ba nas yang de 'jug la/gnas pa yang thig le dkar po'i dbus su gnas pa yin no/ /de ltar ri mo phyed dang bdun la dbyangs dang gsal byed brgyus pa yang 'jug pa dang gnas pa dang 'byung ba sems kyi rgyu ba gzhan du ma song bar bsam mo//oM AHhUM zhes pa ni bzlas pa bya ba'i sngags so/ /mngon par rtogs pa'i rim pa 'di ni go sla ba yin la/ bla ma'i zhal snga'i man ngag kyang yin no/ /de ltar thun bzhir gnas par bya'o/ /gzhan min par bya ste/ sems kyi tshogs pa ting nge 'dzin la bzhag la/sems can mtha' yas pa bsgral ba'i don du smon lam gdab bo/ /rdo rje 'chang gi rnam par bsgoms pa yi/ /stobs las bdag gi dge ba gang byung ba/ /de yis 'gro ba 'di dag myur bar ni/ /snying rje'i stobs kyi lus can du gyur cig /rdo rje 'chang gi rnam pa'i sems 'di 'dra ba/gzung ba dang 'dzin pa'i rnam pa dang bral ba'i lus dang ngag gi rang bzhin gyi las gang ci yang rung ba de dag ni phyag rgya dang sngags kyi rnam pa yin no zhes de bzhin gshegs pa rnams kyis gsungs so/ /gzung ba la sogs pa'i rnam pa dang bral ba nyid kyang de'i dus na de la snang ba med pa'i phyir ro//'di ltar gang snang ba de kho na yang dag pa'i tha snyad kyi lam la 'jug pa yin no/ /de ltar sems yongs su gsal ba'i ngo bo bde bar myong ba de'i dus na sdug bsngal ni ma yin la/ rnam par rig byed nyid kyang thams cad du snang ba yin no//'di ltar yang bems po rang gsal ba nyid na/ bems po nyid du mi rigs pa'i phyir ro/ /log pa yin na yang na gsal ba mi dmigs pa'i phyir te/ de'i dus na rang gsal ba bzhin mgon po'i rnam pa bde ba chen po'i ngo bo dang rnal 'byor ma la sogs pa'i gzugs su snang ba ma gtogs pa gsal ba'i ngo bo gzhan snang ba ni med do//gal te ka ba'i gsal ba bzhin du rnal 'byor ma rnams kyi snang ba yin no zhe na/ 'di ni tha dad pa med kyang mthong ste/ nam mkha'i rang bzhin blta'o/ /gzhan yang dus mnyam pa na yang cig car dmigs pa'i phyir g.yas dang g.yon gyi rwa lta bu yin na ci gang gi gzung ba'am 'dzin pa yin/ dus tha dad pa na yang cig car snang ba yin pa na gzhan mi dmigs pa'i phyir na yang gzung ba dang / 'dzin pa'i dngos po med do/ /mgu ba dang yid bsad pa la sogs pa nang gi bde ba la sogs pa'i ngo bo dang sngon po la sogs pa ni phyi rol gyi gzung ba yin no zhes so/ /brjod par bya ba ni ma yin te mngon sum gyi phyi rol dang nang gi yin no zhes bya bar ni mi nus te/ mngon sum ni rnam par mi rtog pa med pa'i phyir ro/ /de'i rjes las thob pa'i rnam par rtog pa'i yul dngos po med pa'i phyir ro/ /rjes su dpag pa la khyab pa ma grub bo/ /de bas na lha'i bdag nyid kyi dkyil 'khor gyi 'khor lo'i ye shes de ni gcig nyid dang / du ma nyid dang / tha dad pa dang / dngos po dang / dngos po med pa la sogs pa'i kun tu rtog pa ma lus pas stong pa'i phyir rnam par rtog pa gzung ba la sogs pa'i rnam pa dang bral ba gang yin pa'i ngo bo yin no/ /bde ba'i bdag nyid kyi rgyu las skyes pa'i phyir bde ba'i rang bzhin gnyis su med par snang ba nyams su myong ba bdag dang bdag gir 'dzin pa'i mtshan nyid 'khor ba dang 'gal ba yongs su nyams pa med pa'i chos yin te/'tshe ba med pa yang dag pa'i don gyi rang bzhin yin pa'i phyir/ blo de'i phyogs su 'dzin pas na mngon sum du bya ba yin no//'gal ba yang gang dang lhan cig tsam yang dmigs pa de ni shin tu goms pa'i dbang gis gnyen pos rang gi mi mthun pa rtsad nas 'byin pa kho na yin no/ /gang yang shin tu goms pa de'i bsgom pa'i stobs kyis gsal bar nye bar 'gro ste/'dod pa dang mya ngan la sogs pa khyab pa grub cing rang gi mi mthun pa'i phyogs tha mal pa'i nga rgyal dang / tha mal pa'i rnam pa dag rtsad nas 'don par grub pa yin no/ /rnam pa med pa'i shes pa ni rmi lam du yang nyams su myong ba ma grub pa'i phyir 'ga'i yang gnyen po nyid ma yin no//pha rol tu phyin pa'i tshul gyi lta ba las kyang sgyu ma lta bu bdag med pa'i lta ba dang ldan pa yang sbyin pa la sogs pa tha mal pa'i rnam par rtog pa'i gnyen po yin mod kyi/de lta na yang tha mal pa'i rnam pa 'di mi 'gyur la/ tha mal pa'i rnam par rtog pa dang / tha mal pa'i rnam pa gnyis ka ni spang bya yin no/ /gal te sbyin pa la sogs pa la longs spyod chen po la sogs pa nyid dang / sbyin pa la sogs pa'i 'bras bu las skyes bu chen po'i mtshan sum cu rtsa gnyis dang dpe byad bzang po brgyad cu'i bdag nyid kyis sprul sku 'grub par 'gyur ba yin no zhe na/de dag ni mngon sum dang rjes su dpag pa dag gis las de dang de dag gi 'bras bu nye bar longs spyod pa'i mtshan nyid 'di yin no/ / de dag gis ni skyes bu chen po'am tshan 'di dag yin zhes grub pa yin no/ /yang bsgom pa'i stobs kyis ni dus mnyam par phun sum tshogs pa thams cad la dmigs pa'i mtshan dang dpe byad 'bar ba'i sku dmigs pa dang / yang dag par rig pa tsam gyi ngo bo dkyil 'khor gyi 'khor lo'i rnam pa'i sems gsal bar snang ba nye bar 'gro ba na ci ste mi 'grub//don 'di ni bla ma'i zhal snga nas kyang don gyi skad du gsungs te/ gzugs sku chos kyi sku yin sgom byed pa/ /ka yis nges par byang chub thob pa yin/ /chos sku rgyal ba'i bsam gtan gyis thob na//gzugs kyi sku la ci ste bsgom mi byed/ /gal te gzugs sku bsod nams tshogs kyis thob na'ang / /de yis yun ring dus gzhan dman pa ste/ /'bras bu'i khyad par rgyu yi khyad par las/ /sku gsum dus mnyam par ni snang ba yin//zhes so/ /yang na bdag gis/ /gzugs gang dag 'dzin par lhag par sgro btags pa la sogs pa'i rgyu de dag las sbyin pa la sogs pa 'byung ba ni de kho na nyid du bdag med pa dang ldan pa yin mod kyis/ de ltar na yang srid pa'i sdug bsngal dang lhan cig 'gal ba med de/gang gi phyir 'dir sbyin pa la sogs pa yod kyang de tha mal pa'i rang gi ngo bo las byung ba srid pa'i sdug bsngal ldog par mi 'gyur ro/ /dgongs pa ni 'di yin no/ /re zhig sems can du blta bas sbyin pa la sogs pa ni tha mal pa'i rnam par rtog pas srid pa'i sdug bsngal dang 'gal bar mi 'gyur te/bdag med pa'i lta ba dang ldan yang sbyin pa la sogs pa dang dngos su 'gal ba med la bdag med pa'i lta ba kho na dang dngos su 'gal ba yin no/ /de ltar yang ye shes zhabs kyi zhal snga nas/tha mal pa yi rang gi gzugs kyis ni/ /bdag med ldan pa'ang sbyin pa la sogs pas/ /'gal ba dag ni yod min gang gi phyir/ /'di ni bden yang der ni ldog mi 'gyur/ /zhes gsungs so/ /mchog tu dga' ba bde ba'i rgyur ni mi 'gyur te btang snyoms kyi rang bzhin yin pa'i phyir ro//dka' ba brgya phrag gis brten cing 'khrug pa rdzogs pa'i byang chub kyang skal pa mi nyung bas thob par bya ba yin te/ des na pha rol tu phyin pa'i tshul ni skyes bu mchog gi don gyi lam gyi rgyu legs pa ma yin no/ /dkyil 'khor gyi 'khor lo'i rnam pa'i sems 'di ni dngos po kho nar 'khor ba'i sdug bsngal ma lus pa dang 'gal lo//mchog tu dga' ba bde ba'i tshogs med cing bde ba'i thabs myur bas bla na med pa'i rgyu yin te/ 'di kho nar lam gyi bden par rig pa'i phyir na/ rtog pa dang ldan pas bden par bya ba yin no//gal te 'o na de lta na ni sbyin pa la sogs pa 'bras bu med pa nyid yin no zhe na/ de ni dka' bas brten par bya ba ste/ 'gro ba'i don bya ba kho na dgos pa'o/ /'di ltar yang dang po kho nar 'gro ba'i sdug bsngal nye bar zhi bar bya ba'i don du 'gro ba sdug bsngal bar gyur ba la blta bas byang chub kyi sems smon pa dang 'jug pa'i ming can rnam pa gnyis bskyed pa snying rje kho nas rgyu med par mchog tu mnyes gshin pa kho nar 'jug pa ni dgos pa ma yin no//des ting nge 'dzin gyi skabs na spro ba dang bsdu ba'i tshul gyis byed cing ting nge 'dzin las langs pa na chos dang zang zing la sogs pa dmigs pa med pa'i sbyor bas byed pas rdzogs pa'i gnas skabs na yid bzhin gyi nor bu'i tshul gyis sbyin pa la sogs pa sems can gyi don byed pa ni dgos pa'i gtso bo yin te/de bzhin gshegs pa nyid ni zhar la 'byung ba yin no//ji srid du tha dad par 'khor bar zhen pa de srid du dge ba bcu'i las kyi lam dang de'i cig shos spang ba dang / dkyil 'khor la sogs bya ba dang / mchod rten gyi las la sogs pa la nges par nan tan du bya'o/ /gzhan yang rig pa dang ldan pa'i phyir dang /skyes bu'i don gtso bo slu ba med par bcom ldan 'das kyis gsungs pa dang 'brel pa'i phyir ro/ /de bzhin du rgyan las kyang / gal te gnyis med par brten nas/ /'jig rten pha rol zlog byed na/ /'di la'ang gyis shig min zhe na/ /'di zhes bya ba gnyis gnas so//gal te gnyis med kyis mgu yod/ /thams cad du ni grol bar 'gyur/ /tha snyad du ni 'jug ce na/ /'jig rten pha rola'ang som shig /ces gsungs so/ /bla ma'i zhal snga nas kyang / ji srid du ni tha dad tha snyad yod/ /sdig pa spang zhing bsod nams tshogs bsag gyis//zhes gsungs so/ /de nas ting nge 'dzin las langs la rang dang gzhan he ru ka'i rnam pa sgyu ma'i rnam pa lta bur sems shing / g.yeng ba med pa'i yid kyis bsod nams dang mnyam pa dang bshad pa la sogs pa bya'o/ / mchod ston gyi dus su ni yi ge yaM sngon po las byung ba/ zla ba phyed pa'i rnam pa rgyal mtshan gyis mtshan pa'i rlung gi dkyil 'khor de'i steng du yi ge raM dmar po las byung ba'i zur gsum pa me'i dkyil 'khor/ de'i steng du yi ge a yongs su gyur pa las pad+ma'i snod/de'i nang du bza' ba la sogs pa'i yi ge hU~M gis byin gyis brlabs pa 'bar ba/ rtog pa dang gsal ba'i rim pa las/ yi ge oM gyis ye shes kyi bdud rtsi'i rang bzhin thim pas thabs cig tu byas pa sngags kyis byin gyis brlabs te/ yi ge hU~M las byung ba'i rdo rje dkar po bkod pa'i lce dam pa de las byung ba'i 'od zer sbu gu 'dra bas drangs pa'i sbyor bas lha'i gzugs rgyal ba'i tshogs tshim par bya'o/ oM AHhUM guh+ya b+hak+Sha b+hak+Sha haM zhes pas ni/ bdud rtsi myang ba'i sngags so/ /khrus kyi dus su ni sngar bstan pa'i dbang bskur ba'i cho ga yis bya'o//de ltar sna tshogs pa'i snying rje'i stobs kyis rang bzhin du brtag cing de'i phyir gzhan dang gzhan ma yin pa'i rang bzhin yongs su shes na'ang rnal 'byor pa 'dod pa lnga'i longs spyod kyi srid pa'i nyes pas mi gos so/ /cung zad dbang sgyur thob pa yi//ma lus pa ni mdzes zhes so/ /gang zhig gar byed 'thung byed pa/ thos pa tsam las sems rmongs pa'o/ /de lta bu'i rdo rje slob dpon mnyam par gzhag pa kun rdzob dang don dam pa'i bden pa gnyis rnam par 'byed pa rigs pa/ rgyud kyi don len pa dang 'chang ba dang ston par nus pas/ slob ma dad pa can phyi dang nang gi yo byad thams cad tshogs pas dbang bskur ba'i don du lan gsum gsol ba btab pas/ rang nyid bcom ldan 'das kyis gnang bas sam/ lha so sor yi ge gsum 'bum phrag re re kho na bzlas nas sngon du bsnyen pa byas pa/rang bzhin thun bzhir rang gi 'dod pa'i lha'i rnal 'byor pas phyi nang gcig tu sa sbyang ba rab tu bsgrub pas 'dir bshad pa'i gtor ma'i sbyin pa sngon du byas la bgegs bskrad pa'i sngags bzlas shing / dkyil 'khor bri bar bya ba'i phyir brtsam par bya'o/ /de nas dkyil 'khor gyi khang pa'i don du sa yongs su brtags pa la/ khyims brtag pa'i mtshan nyid bstan pa'i cho ga dang / mchod yon gyi cho gas khung bu brkos pa dgang ba la sogs pa byas nas/ shing dang rdo dang / gseg ma dang / sol ba bsal ba'i gnas su dkyil 'khor bzhengs par bya'o/ /btung ba dang mnyam par bcas par byas nas/ oM b+hU khaM zhes bya ba'i sngags kyis nam mkha'i rang bzhin du bltas la hUM laM hUM zhes pas rdo rje'i rang bzhin du byas nas/oM me di nI badzrI b+ha wa badzra ban+d+ha hUM zhes bya bas byin gyis brlab bo/ /zug rngu'i nyes pa thams cad ni/ /gal te dbyung bar mi nus na/ /lag pa gtad de sngags bzlas te/ yi ge gsum gyis de brko bya/ /yang thog steng dang ba lang lhas//gtsug lag khang sogs mtsho 'gram dang / /sngar nis byang byas sa yi char/ /sbyang ba la sogs mi bya'o/ /zhes so/ /de nas mtshan mo rang gi 'dod pa'i lha'i rnal 'byor gyis gnas pas sa rdo rje'i rang bzhin du byin gyis brlabs nas nang gi dag par bya'o//de la cho ga 'di yin te/ /'ol ba ris kyi thig gis btab la/ ji skad du bstan pa'i dkyil 'khor de'i dbus su bsdad de/ he ru ka'i nga rgyal mngon sum du byas la/ sgro skyong ma'i rnal 'byor ma lo bcu gnyis lon pa'i na tshod bzhi/ rdo rje mkha' 'gro ma la sogs pa'i nga rgyal byas la/rnal 'byor gyi bya ba gcig la goms pa'i lha mo de rnams kyis tshigs su bcad pa re re brjod par bya'o/ /de bzhin gshegs pa kun zhi ba/ /de bzhin gshegs pa kun gyi gnas/ /chos kun mchog la yang dag byung //dkyil 'khor dam pa bshad du gsol/ /mtshan nyid thams cad yang dag rdzogs/ /mtshan min thams cad rnam spangs pa/ /kun du bzang po sku yi mchog /dkyil 'khor dam pa bshad du gsol/ /zhi ba'i chos ni mchog las byung / /ye shes spyod pa rnam sbyong ba//kun du bzang po gsung gi mchog /'khor los sgyur ba dkyil 'khor gsungs/ /sems can kun gyi sems chen po/ /rang bzhin dag pa dri ma med/ /kun du bzang po thugs kyi mchog /'khor los sgyur ba dkyil 'khor gsungs//de nas bla mas 'khor lo de blo yis nam mkhar bteg la/ 'dod pa'i lha'i sbyor ba khros pas/ rkang mthil rdo rje 'bar ba dang / /rdo rje gsor ba la brtson pa/ /'gying ba rdo rje gom pa'i gar/ /mche ba gtsigs bcas hUM sgrogs pas/ /lus ngag sems la gnas pa yi//bgegs kyi tshogs rnams kun nyon cig /da ni dpal ldan rdo rje 'chang / /srung ba'i 'khor lo rab sbyor ba/ /gal te 'ga' zhig 'da' 'dod na/ /rdo rje 'bar ba'i lus kyis ni/ /lus gsum 'byung ba dag byas te/ 'di ni de gzhom gzhan du min//oM g+ha g+ha g+hA ta ya g+hA ta ya/ sar+b+ba du Sh+TAn phaT/ kI la ya kI la ya/ sar+b+ba pA paM phaT/ badzra kI la ya/ badzra d+ha ra Adz+nyA pa ya ti/ kA ya wAka tsit+ta kI la ya/ hUM phaT ces brjod la bgegs med par bya ba'i phyir/ smad rgya mdud lta bu la stod bgegs kyi dgras dbus su blos btab la rdo rje ra ba'i phyi rol du dbang chen dang me'i dkyil 'khor dag gis phyogs dang mtshams bcings par byas nas sa gzhi rdo rje'i rang bzhin du byas te/de nyid du rnal 'byor ma sgo skyod ma bzhi dang lhan cig nyal bar bya'o/ /de dag ni phyi dang nang gis 'dul bya ba dang /nyi ma dang po la sa yongs su bzung ba yang yin no/ /nyi ma gnyis pa la ni bum pa lnga la sna tshogs pad+mar nyi ma la gnas pa'i lha mo lnga'i mtshan ma bris te/ lhag par gnas par bya'o/ /de dag kyang gser la sogs pa las grub pa'am/ sa'i rang bzhin nag po dang rtsa ba med pa mchu 'phyang ba/mgrin pa mtho ba/ lto ba che ba la/ shing ha sa ka ra la sogs pa 'bras bu dang bcas shing / 'dab ma dang ldan pa la/ mgul bar ras zung gis brgyan pa/ mon sran gre'u dang / til dang / nas dang / gro dang / 'bras so ba zhes bya ba'i 'bru lnga dang /ha sa dang / ha sa de ba dang / gi ri karni ki dang / kaN+Da ka ri dang / br-i ha ti zhes bya ba sman lnga dang / gser dang / dngul dang / mu tig dang / byu ru dang / mu men zhes bya ba'i rin po che lnga dang / de dag dang ldan pa las 'dren pa'i bum pa ni dbus su ste/go rims ji lta ba bzhin du bzhag la/ de dang de dag tu mchod yon gyi snod du dri chab blugs te/ me tog dkar po cig kyang bcug la/ nye bar mchod pa lngas mchod nas/ rdo rje rtse mor me tog gi phreng ba btags te/ rang gi lha'i gzugs can du bsams nas/yi ge gsum so so la brgya rtsa brgyad mngon par bsngags la/ snod du mchod yon gyi chu blugs par bya'o/ /'di dag ni rab gnas kyi cho gar grags pa'i bum pa yang lhag par gnas pa'o/ / yi ge gsum gyis me la sogs pa'i yo byad lhag par gnas pa'o/ /de nas phyi de nyin par dkyil 'khor gyi khang pa'i khyams dang sgo dang nye bar zhugs te/ slob dpon gyi mdun du 'dug la/ mkhas shing spro ba chen po dang / /byas pa gzo zhing nga rgyal med/ /rigs dang yon tan dang ldan dang //gzugs dang kha dog lang tshor ldan/ /bde bar gshegs pa'i sngags bsgrub la/ /don du gnyer zhing mngon par brtson/ /dge bsnyen ma yin yang dge bsnyen gyi sdom pa phog la spro ba bskyed pa'i phyir brjod do/ /dkyil 'khor gyi cho ga las/'khor bzhi char yang rjes su gnang / /rang gi bslab dang shin tu ldan/ /theg chen la dga'i bdag nyid can/ /kha cig gsang sngags grub don gnyer/ /'di ni dkyil 'khor 'jug par byed/ /bsod nams 'dod pas de las gzhan/ /gzhan dag 'jig rten gzhan don gnyer//'jig rten pha rol don gnyer ba'i/ /dad pa mang du byas na ni/ /blo ldan dkyil 'khor 'jug bya yi/ /tshe 'di'i 'bras bu 'dod mi bya/ /tshe 'di 'dod par gyur pa la/ /'jig rten pha rol de bzhin min/ /skyes bu 'jig rten pha rol gnyer/ / tshe 'di'i 'bras bu rgyas pa yin/ /de nas de dag rang gi lus la bcug ste/ rang gi rdo rje nas byung ba rang gi pad+mar bcug la bton te/ lan gsum du gdon du gzhug go/ /dga' chen khyod bdag ston pa po/ /slob dpon khyod ni dgongs su gsol//byang chub chen po'i tshul bstan pa/ /mgon po chen po bdag 'tshal lo/ /dam tshig 'di nyid bdag la stsol/ /byang chub sems kyang bdag la stsol/ /sangs rgyas chos dang dge 'dun te/ /skyabs gsum dag ni bdag la stsol/ /thar pa chen po'i grong mchog tu//mgon po bdag ni gzhug par mdzod/ /ces so/ /bla mas ni/ /bu tshur theg pa chen po yi/ /gsang sngags chen po'i cho ga 'di/ /khyod ni tshul chen snod yin te/ /khyod la yang dag bstan par bya/ /dus gsum byung ba'i sangs rgyas rnams/ / sku gsung thugs kyi rdo rje can/ /rdo rje gsang sngags mthu yis ni/ /ye shes mnyam med yang dag brnyes/ /gsang sngags sbyor ba mnyam med de/ /shAkya seng ge tshogs mchog gi / bdud sde drag po chen po yi/ /dpung chen dag kyang de yis bcom/ /'jig rten rjes 'jug gshegs nas ni//'khor lo bskor nas mya ngan 'das/ /de bas kun mkhyen thob bya'i phyir/ /bu yis blo gros 'di gyis shig /ces brjod do/ /de dag la skyabs gsum sbyin par bya ste/ lan gsum du 'don du gzhug go/ /sdig pa bshags pa dang /bsod nams la rjes su yi rang ba dang / byang chub tu sems bskyed par bya ste/ sems dang ngag dang lus rnams la rdo rje dang pad+ma dang de bzhin du 'khor lo ste/ de rnams su hUM AHoM bkod la/ dri'i chu dang rdo rjer bcas pa'i khu tshur gyis/ /hUM oM AH/zhes de bzhin du 'don cing snying ga dang mgo bo dang mgrin par byugs te/ me tog la sogs pa'i rim pas sbyin no/ /me tog spyi bor mdun du spos/ /mar me slar yang snying gar dri/ /he ru ka yi rnal 'byor pas/ /'di dag snyoms par 'dzin pas so/ /so shing a shwat+tha dang u du m+WA ra ma 'khyog pa srin bu med pa ma gas pa rma med pa sor bcu gnyis pa/mthe'u chung tsam rtse mor me tog mdzes pa can sbyin no/ /der yang 'char bcug la ba lang gi lci bas zur bzhi par gru bzhi tsam du byug pa'i sa la mdun du kha shar du bltas te ltos pa med par dor bar bya'o//phyi rol du lhung na bgegs sna tshogs pas dngos grub med do/ /nang du lhung na ni zhi ba la sogs pa'i las go bar bya'o/ /de nas yi ge hUM las byung ba'i de nyid bzlas pa'i chu 'thor 'thung gi phyi nas oM hrIHbi shud+d+ha d+harmA sarba pA paM ni sh+tsa s+ya bi sho d+ha ya sar+b+ba bi kalpa na A pa na ya hUM zhes pa sngags kyis 'khyor ba gsum 'thung ngu gzhug go//de nas khrid de bcug la skud pa sum sgril mdud pa gsum dang ldan pa rang gi 'dod pa'i lha'i bzlas pa byas la lag par bcing la/ yi ge hUM las skyes pa'i ku sha gsar pa ma nyams pa cig sngas kyi phyir/gzhan sa bon hUM las skyes pa gding bar byin la/ rang gi sngags kyis yang dag par bsrungs nas/ chos bstan pas spro ba bskyed pa'i phyir brjod do/ /'jig rten du ni kun mkhyen rnams/ /u du m+WA ra'i me tog bzhin//brgya lam na ni res 'ga' zhig /'byung 'gyur yang ni mi 'byung ngo / /gsang sngags spyod pa'i tshul 'byung ba/ /de bas kyang ni dkon pa ste/ /gang gis mnyam med sems can don/ /mya ngan mi 'da' byed par nus/ /bskal pa bye ba du ma ru/ /sngon chad sdig pa byas pa gang //de kun dkyil 'khor 'di 'dra ba/ /mthong bas zad par 'gyur yin na/ /grags pa mtha' yas sngags spyod pa'i/ /tshul la gnas pa smos ci dgos/ /skyob pa'i gsang sngags bzlas na ni/ /go 'phang bla na med par 'gyur/ /gang dag spyod pa mchog 'di la//blo gros shin tu mi g.yo ba/ /de dag gi ni ngan 'gro dag /sdug bsngal kun 'byung bcad pa yin/ /bdag nyid chen po khyed rnams kyis/ /rnyed pa mnyam med de ring rnyed/ /gang phyir rgyal ba sras bcas pa/ /bdag nyid chen po kun gyis ni//bstan pa 'di la khyed rnams kun/ /yongs bzung skye bzhin bar gnas pa/ /de phyir khyed rnams theg chen la/ /legs pa nyid du skye bar 'gyur/ /theg pa chen po cher 'byung ba'i/ /lam mchog 'di ni dpal dang ldan/ /khyed rnams der ni dong bsan//rang byung skal ba chen po pa/ /'jig rten thams cad mkhyen pa yi/ /de bzhin gshegs pa rnams su 'gyur/ /zhes so/ /slob ma slob dpon nyid don gnyer/ /'khor los mi ldog dbang bskur ba/ /stsal nas mgon pos bdag la ni/ /'khor lo'i lha ni de nyid dang //slob dpon gyi ni las rnams dang / /sangs rgyas kun gyi dam tshig dang / /sdom dang gsang ba dam pa dag /sems can kun gyi don gyi phyir/ /rtag tu slob dpon bdag gyur gsungs/ /zhe so/ /khyad par gyi sdom pa lan du bcug la rmi lam du gang cung zad mthong ba nang par nga la smros shig ces brjod do//khyim dag tu seng ge'i nyal thabs su nyal du gzhug go/ /de dag ni slob ma la lhag par gnas pa'o/ /de nas bla ma dkyil 'khor gyi khang par slob dpon rnal 'byor ma bzhi dang lhan cig tu zhugs te/ phyogs su phur bus btab nas/rdo rjer ba'i phyi rol du dbang chen dang / raM las me'i dkyil 'khor gyi phyogs dang mtshams bcing bar byas la sa'i lha mo la mchod de/ skyob pa sangs rgyas thams cad kyis/ /spyod pa'i tshul dang khyad par dang / /sa dang pha rol phyin pa la/ /lha mo khyod ni dbang du gyur//shAkya seng ge skyob pa yis/ /ji ltar bdud kyi sde bcom pa/ /de bzhin bdag gis bdud kyi stobs/ /pham par byas te dkyil 'khor bri/ /zhes brjod do/ /de dag ni sa lhag par gnas pa'o/ /de nas nam mkhar bzhugs su gsol ba'i 'khor lo blo yis spyan drangs la bdud rtsi lnga nye bar byugs pa'i dkyil 'khor lnga rnams su rang ji lta ba bzhin bcug nas legs par mchod do//mche ba gtsigs pa zhes bya ba la sogs pa'i tshigs su bcad pas yang dag par bstod nas bdud rtsi lnga dbul lo/ /pus mo g.yas pa phab la lag tu bdug spos kyi snod thogs te/lan gsum brjod par bya ste/ bcom ldan khrag 'thung chen po mchog /rig sngags rgyal khyod phyag 'tshal lo/ /thugs rje'i bdag nyid dkyil 'khor ni/ /mgon po bri bar 'tshal lags na/ /slob ma rnams la brtse ba dang / / khyed rnams la yang mchod pa'i phyir/ /bcom ldan bdag ni gus pa la/ /de ni bka' drin mdzad par rigs/ /'gro ba'i 'khor lo bya don stsol/ /sangs rgyas rnams ni bdag la dgongs/ /byang chub sems dpa' 'bras gnas dang / /gang gzhan gsang sngags lha rnams dang //'jig rten skyong ba'i lha rnams dang / /rang byung rdzogs byang la gnas dang / /yang dag rdo rje'i spyan mnga' ba'i/ /bstan pa la mngon dga' ba kun/ /bdag ni che ge mo rdo rje/ /dpal ldan khrag 'thung dkyil 'khor ni/ /ji ltar nus pa'i yo byad kyis/ /'gro ba'i don phyir bri lags na//thugs brtse bar ni dgongs nas su/ /deng bdag slob mar bcas pa la/ /dkyil 'khor lan cig gyur pa kun/ /nye ba ru ni mdzad par rigs/ /zhes so/ /de dag ni 'khor lo'i dbang po lhag par gnas pa dang / sangs rgyas dang byang chub sems dpa' rnams lhag par gnas pa'o//gal te rab tu gnas par bya ba'i lha yod par gyur na/ lha'i bkra shis kyi tshigs su bcad pa rnams kyis phyi dang nang gi dbang bskur ba sbyin pa sngon du song bas/ de la yang tshigs su bcad pa 'di nyid gdon pa sngon du 'gro ba'i rab gnas kyi cho ga las bstan pa'i rim pa las lhag par gnas par bya'o//'di ni rab tu gnas par bya ba'i lha lhag par gnas pa'o/ /de nas thig skud kha dog lnga bdud rtsi lngas brlan pa snod lngar gzhug pa dkyil 'khor gyi 'khor lo lnga'i bdag nyid dbu brgyan du bzhugs pa'i rtag pa la sogs pa'i ngo bo nyid rnams la nam mkhar bzhugs pa'i thugs kar gnas pa de dag gi kha dog can gyi 'od zer gyis thig skud bltas la/oM me pra yats+tsha sha shwa ta su traM sA tsakrA su traM sA tsakrA su tra NA hUM zhes rtag pa'i gnas su rin chen 'byung ldan la sogs pa yang sbyar te/ gsol ba btab pa dang / de rnams kyis btang ba rab tu g.yo zhing 'bar ba'i mig gis rdzi mas 'dren pa'i 'bar ba'i lta bas bkug la gcig tu byas te/ oM AHa n+yo n+yA nu ga tA sar+b+ba d+harmA hUM/ oM AHs+pha ra s+pha ra a nu pra biSh+Ta sar+b+ba d+harmA hUM/ oM AHA t+yan+ta a nu pra biSh+Ta sar+b+ba d+harmA hUM/ zhes brjod cing lnga po gcig tu bsgril lo/ /chur 'khor lo nyis 'gyur la sgo'i nyi shu'i cha yod pa ste/ slob ma rang gi 'dod pa'i rnal 'byor pa/ thig skud 'dzin cing rdo rje dril bu 'dzin pa dang lhan cig tu bla ma rdo rje dang dril bu 'chang bas ye shes kyi thig skud g.yon pa'i rdo rje khu tshur gyis bzung ste/dzaHzhes bya ba gsum gyis slob ma la btang la/ slob mas kyang dzaHdzaHdzaHzhes brjod cing 'gro bas song ste/ lte ba'i phyogs su bzhag la/ gnam thig gdab bo/ /de bzhin du 'og gi thig kyang gdab bo/ /oM badzra sa ma ya sU traM mA ti kra ma hUM/thig gi sgras sems can gyi don gyi phyir/ de bzhin gshegs pa rnams bskul bar bya'o/ /bla ma nub kyi sgor gnas te/ /shar du kha bltas la tshangs thig gdab bo/ /de nas g.yas skor du 'gro bas song nas lho'i sgor gnas te/ byang du kha bltas la tshangs thig gnyis pa'o//de nas de bzhin du song nas me'i phyogs kyi grwar gnas te/ byang du kha bltas la/ shar phyogs kyi thig go/ /de nas de bzhin du song nas rlung gi phyogs kyi grwar gnas te/ lhor kha bltas la nub phyogs kyi thig go/ /de nyid du gnas te/ shar du gdong bltas la byang phyogs kyi thig go//de nas de bzhin du song ste/ me'i phyogs kyi grwar gnas la nub tu gdong bltas la lho phyogs kyi thig go/ /de nyid du gnas te rlung gi phyogs kyi grwar mngon du phyogs kyi grwar thig go/ /de nas de bzhin du song nas bden bral gyi phyogs kyi grwar gnas te/dbang ldan gyi phyogs su gdong bltas pas grwa'i thig gdab po/ /slob mas g.yas skor gyi rim pas song nas bla ma la kha bltas la de dang der bsdad do/ /gal te thig 'debs su yang med na ni de'i tshe grogs med pas rang nyid kyi phur bu la btab la de bzhin du thig gdab po//de nas thig skud nyis bltab byas la/ dbang ldan gyi phyogs nas brtsams te/ khor yug gi gdab po/ /mtshan min nas ni dngos mi 'gyur/ /thig skud chad na bla ma 'chi/ /lhag chad las kyis nad du 'gyur/ /phyogs rmongs slob ma rnam par 'khor//zur bzhi pa la sgo bzhi pa/ /rta babs bzhi yis mdzes pa ste/ /do shal do shal phyed pas spras/ /dar dang me tog phreng bas brgyan/ /stegs bu la brten gzungs kyi tshogs/ /mchod pa rnams kyis 'brel pa ste/ /grwa yi cha ni thams cad dang / / sgo khyud kyi ni mtshams rnams su/ /rdo rje rin chen rnams kyis brgyan/ /rlung gis bskyod pa dril bur bcas/ /ba dan rnams kyi phyi yi grwar/ /phyi yi dkyil 'khor thig gdab bo/ /de yi nang du pad+ma ni/ /'dab ma brgyad pas nye bar mdzes/ /snying po ge sar dang ldan pa/ /phyi yi 'khor lo'i phyed du ni//zhes bya ba la sogs pa sbyar ba de dag ni ye shes kyi thig tu bya ba dang gdab pa'o/ /de bzhin du rin po che las byung ba'am/ lcags lnga las byung ba'am/ khams las byung ba'am/ yang na 'bras sA lu las byung ba'am/ dmar po so phag tshogs pa'ang rung /sol ba las byas dge ba ste/ /de ltar sbyar ba'i rdul tshon lnga/ /snod lngar bzhag pa la rtag pa la sogs pa bkod de/ /ye shes kyi rdul tshon de bzhin du bkug nas gzi brjid bskyed la/ oM badzra tsi tra sa ma ya hUM/ zhes pa 'dis bla mas mngon par bsngags nas 'khor lo'i nang du bzhag la/shar du kha bltas te/ dbang ldan gyi grwa nas g.yas skor gyi rim pas rdo rje khu tshur g.yon pas so sor thugs rje'i stobs kyis nga rgyal dang ldan pas bgegs 'jig par byed cing rdul tshon dgye bar bya'o//phyi nas bsgrub pa'i grogs mchog gi bya'o/ /dkar po ser po de bzhin dmar/ /ljang gu dang ni nag po nyid/ /mnyam zhing g.yas skor yo min dang / /ma chad par ni ri mo dgye/ /sbom par gyur na nad du 'gyur/ /phra mo yis ni nor 'joms te/ / yon po rnam snang chad pa yis/ /bla ma dag dang slob ma 'chi/ /shar phyogs su ni dkar po che/ /lhor ni ser po snang ba ste/ /nub kyi cha ni dmar po'o/ /byang du ljang gu yang dag ldan/ /dbus kyi sa gzhi cha de ni/ /in+d+ra nI la mtshungs pa'i 'od//'di dag tshon gyi rim pa ste/ /rnal 'byor ma rnams ni rtag pa la sogs pa'i ngo bo yin pa'i phyir dang / 'dren pa mi bskyod pa'i rang bzhin yin pa'i phyir ro/ /sngar bstan pa'i mdog dang mtshan ma 'dzin pa/ sna tshogs pa mnga' ba/ sngar bstan pa'i gnas rnams su lha lnga po dag mkhas pas bri'o//yang na gzhan dag na re/ rang gi bla ma'i rim pa gsal bar byas pas dbus dang phyogs bzhir shin tu gsal bar bya ba'i mtshan ma dgod pa yin no zhes zer te/ de bzhin du 'dab ma brgyad kyis bskor ba'i chu skyes mtshungs pa med pa la/phyogs rnams ni dmar po/ mtshams rnams ni ji ltar mdzes pas spras pa'o/ /phyogs kyi 'dab mar rdo rje nor bu'i snye ma dang / sna tshogs pad+ma des 'bar ba'i ral gri ste/ lte bar pad+ma'i snod ni 'ong chags pa dag tu'o/ / 'di ni bri ba'i dkyil 'khor cho gas bri bar bya'o/ /nyi ma gsum pa la mtshan ma dgod pa la sogs pa rdul tshon dgye bar grub pa dang / thugs rje'i stobs kyis rnal 'byor gyis zhugs la/ skor ba byed cing chad pa dang lhag pa'i nyes pa zhi bar bya ba'i phyir bltas la/ rgyas pa'i yang rung ste sbyin sreg bya'o/ /gser ram zangs las grub pa'i 'am ni mchod sbyin gyi shing las byas pa'i dgang gzar te/ de'i dbyug pa ni skyes bu tshad dang ldan pa'i mthe bo'i sor nyi shu rtsa bzhi pa dad pa gzung bar rung ba/ de'i steng du sor bzhi pa'i kha zur bzhi pa sor gnyis dma' bar bris pa/rdo rje rtse lnga pa sor gnyis pas byin gyis brlabs pa/ ro 'bab pa'i bu gar sor gcig tsam mam/ /mthe'u chung tsam ste/ de'i steng du pad+ma'i rnam pa chur sor brgyad pa zheng du thad kar sor bzhi pa/ sor gnyis brkos pas rdo rje rtse gsum pa sor bzhi pa can/dbyug pa'i 'og tu rdo rje rin po che sor drug pa can no/ /blugs gzar ni khru gang tsam pa kha pad+ma'i lo ma lta bu rgyar sor gnyis pa la/ sor gcig dma' bar bris pa'i dbus su rdo rje rtse lnga pa sor gcig tsam yod pa/ dbyug pa'i 'og tu rdo rje rin po che can no//sor mo lnga'i sbyor bas kyang dgang gzar blugs gzar bya zhing / sor mo gsum gcer bas sreg blugs cig bya'o/ /dkyil 'khor gyi khang pa'i shar phyogs su zhi ba'i thab khung dang / dbang gi thab khung bya'o/ /lhor rgyas pa dang / nub tu dgug pa dang /byang du drag shul spyod pa'i thab khung bya'o/ /las thams cad pa'i thab khung ni rgyar khru gang tsam/ khru phyed brus pa zlum po pad+ma rgyas pa lta bu'i rnam pa/ kha khyer can/ phyi rol rdo rje'i phreng bas bskor ba/ de'i nang du rim pa bzhin du thod pa dang / rdo rje dang rin po che dang /sna tshogs pad+ma dang / ral gri byin gyis brlabs pa/ bdud rtsi lnga'am/ snum chen nam/ ba'i mar ram/ las dang rjes su mthun pa'i sbrang rtsi dang bdud rtsir bcas pa'i yam shing dang / til dang / sA lu dang / zan dang / nas dang / 'o ma dang / zho dang / 'bras yos dang / ku sha sngon po dang / dUr ba dang / tsu ta'i 'o ma dang / tsan+dan gyi phye ma dang / me tog pri yang ku dang / me tog dkar po dang / se 'bru dang / dri zhim po dang ldan pa dang / ji ltar nus pa'i sreg rdzas rnams so//de la yam shing ni bal sha dang / u du m+bA ra dang / kasmi ri dang / a shwat+tha dang / p+lak+Sha dang / sha mi dang / n+ya gro d+ha la sogs pa 'o ma can gyi shing las byung ba/ rlon pa mnyam par bcad pa/ mtho gang tsam mam/ mthe'u chung tsam rtse mo'i cha las byung ba/sbrang rtsi dang 'o mas rtse mo gnyis byugs la/ bsreg par bya ba yin no/ /rnying pa dang / gas pa dang / khong stong dang / chag pa dang / shun pa med pa dang / thung ba dang / yo ba dang / rtse mo kha brag pa dang / 'phras pa dang / sbom pa dang / ring pa dang / srin bus zos pa dang / srog chags dang bcas pa nyid ni dor bar bya ba yin no/ /bud shing ni 'o ma can gyi shing de dag nyid srog chags med pa'am/ dgon pa'i ba lang gi lci ba skam po yin te/ thab khung bas dma' ba'o/ /zhi ba dang / rgyas pa dang / dbang gi las la 'o ma can gyi shing gtsubs pa las byung ba'i me'am/ rgyun bzhag gi me'am/ dge 'dun gyi tshang bang nang gi me ni zhi ba dang / rgyas pa'i las la'o/ /rgyas pa la ni rgyal po'am zhang blon gyi khyim nas byung ba'am/nags tshig pa'am/ dge 'dun gyi'o/ /dbang la ni rje'u rigs dang rje'u rigs min pa'i khyim nas byung ba'o/ /dgug pa la ni gar mkhan dang / slong mo pa'i khyim gyi'o/ /ma rungs pa ni dur khrod kyi rus pa dang / rdo ba dang / gtum po la sogs pa'i khyim nas byung ba'o/ /mchod yon gyi snod ni gser ram/ dngul lam/ zangs sam/ rdo'am/ shing ngam/ sa'i rang bzhin du/ dung ngam/ nya phyis sam/ lo ma bskyod pa'ang rung ste/ me tog dang / til dang / ku sha dang / 'bras yos dang ldan pa'i dri zhim po'i chu can no/ /zhi ba la sogs pa'i las dang rjes su mthun par lha'i nga rgyal de dang mthun par byas shing brgyan la/ las de la bstan pa'i phyogs su kha blta ba dang / de la brjod pa'i stan la sogs pa'i bye brag dang /rdo rje slob dpon gyi g.yon phyogs su mchod yon la sogs pa bkod de/ g.yas su las dang mthun pa'i bsreg bya la sogs pa'i yo byad thams cad bzhag la/ lhag pa'i bsam pa de dang / de bzhin du byas te/ rdzas de dag bsregs pa sngon du 'gro bas de dang de'i las bya'o//de la pad+mar gnas pa'i sa bon hU~M las byung ba'i rdo rje me'i snying gar raM dang bcas pa'i sum mdo'i ris can gyis mtshan pa/ phyag drug pa ser po/ ser po dang / sngon po/ dkar po zhal gsum pa/ rtsa ba'i phyag dag gis shes rab ma la 'khyud pa dang /phyag g.yas pa dang / cig shos gzhan dag gis mi 'jigs pa dang / phreng ba dang / thag gu dang / dbyug pa 'dzin pa dang / ye shes kyi me lha cho ga bzhin du spyan drangs pa la sogs pa sngon du 'gro ba can bsams la sbyin sreg bya'o//dgang gzar dang blugs gzar gyi kha la 'dod pa'i lha'i sa bon rab tu 'bar bar bsams te/ byin za'i zhal du yang yi ger bkod la dgang blugs dbul lo/ /de'i snying gar yang lha'i 'khor lo bsams la bdud rtsi'i bdag nyid can gyi gtor ma rnams kyis tshim par bya'o/oM ag+na ye swA hA/ zhes pa ni yam shing bsregs pa thams cad dang mar gyi'o/ /oM sar+b+ba pA paM da ha na badzrA ya sar+b+ba pA paM da ha swA hA/ til gyi'o/ /oM badzra A yu She swA hA/ dUr ba'i'o//oM badzra puSh+Ta ye swA hA/ 'bras thug po mchu ma grugs pa'i'o/ /oM badzra saM pa de swA hA/ zho zan gyi'o/ /oM a pra ti ha ta badzrA ya swA hA/ ku sha'i'o/ /rgyas pa'i mtha' mar yi ge oM bskul ba dang ldan pa'o/ /zhi ba'i mthar yi ge swA hA/ bskul ba dang ldan pa'o//dbang la ni yi ge hoH'o/ /dgug pa la ni yi ge dzaH'o/ /dbye ba la ni yi ge hUM ngo / /dga' ba la ni yi ge hUM ngo / /drag shul spyod pa la ni yi ge phaT de/ 'on kyang bskul ba'ang brjod par bya ste/ rim pa 'dis lha thams cad tshim par bya'o/ /'bar ba'i mtshan ma rnams brtag par bya ste/dbang po'i gzhu 'dra ba kha dog dkar ba dang / byu ru bcag pa lta bu dang / /g.yas su 'khyil zhing shin tu snum/ /lham bu chu gsher mtshungs pa'i 'od/ /le brgan rtsi 'dra mar gyi ni/ /sreg blugs blugs gzar rnam pa dang //rdo rje rtse gsum pa dang / dung dang / pad+ma dang / nya dang / dpal be'u dang / rnga yab dang / rgyal mtshan dang / gdugs la sogs pa dang / bum pa dang / g.yung drung gi rnam pa 'byung ba dang / pi wang dang / rdza rnga ltar zab pa dang / dri zhim pa dang shin tu yid 'phrog pa dang /gser dang / dngul ltar snang ba dang / du ba med pa dang / 'bar ba dang / nyi ma ltar snang ba dri ma med pa ste/ de dag la sogs pa 'bar ba'i mtshan nyid dge ba rnams shes par bya'o/ /mtshan ma ngan pa ni dpal he ru ka'i rnal 'byor nyid kyis man ngag ji lta bar bgegs med par bya'o//mthar ni dgang blugs phul la bsang gtor dang / 'thor 'thung dang / mchod yon 'bul ba sngon du bya bas legs par mchod de/ yang dag par bstod la/ gshegs su gsol bar bya'o/ /sreg rdzas lhag mar slar yang me la sbyin sreg bya'o/ /yod srid na zhi ba la sogs pa don du gnyer ba'i skye bo de g.yon logs su bzhag la/ de'i mthe bong g.yas pa bzung la g.yas su bskor ba'i tshul gyis byur bsal ba sngon du byas nas che ge mo la zhi bar gyis shig ces bya ba la sogs pa'i bskul tshig dang ldan pas bdun phrag gsum sreg blugs phul te/de nas yon blangs la me lha yang gshegs su gsol bar bya'o/ /de'i rjes la rnam par rgyal ba'i bum pa shar ngos su gzhag ste/de'i steng du bum pa thams cad nas chu cung zad blugs pa'i pad+ma'i snod sa ha ka ra'i lo 'dab dang ldan pa zhig chu'i dbang bskur ba'i don du gzhag go/ /de dang nye bar man ji la sogs pa la gnas pa'i pad+ma b+han+d+ha gzhag bdud rtsi lnga dang ldan pa zhig bdud rtsi ltung ba'i don du'o//sna tshogs mkha' 'gro ma'i bum pa yang 'jug par 'dod pa rnams kyi g.yas logs su dkyil 'khor gyi khang pa'i sgo dang nye bar rtswa ku sha'i chun po dang ldan pa zhig bsang gtor gyi don du gzhag go/ /bum pa gzhan dag ni ji ltar mdzes pa'o/ / slob dpon gyi gdan yang sgo dang nye bar 'ding ngo / /de nas man ngag ji lta ba bzhin dkyil 'khor bsgrub par byas nas blo la yod pa la sogs pa'i mchod pa'i mthar/ mgon pos dngos grub thams cad yod par mdzod cig ces gsol ba gdab bo/ /de'i rjes su phyi rol du byung ste/'dir bsten pa'i cho gas gtor ma byin nas/ bla mas slob ma bzhin du blos zhugs la/ dbang bskur ba la sogs pa dang / so sor phyag btsal ba la sogs pa byas te/ bdag ni slob dpon du gyur nas thams cad bya'o zhes rang gi blos mos par bya'o//de kho na nyid dang 'khor lo yang gzugs brnyan ltar chos nyid kyis shes par byas nas gdon te/ nam mkha' las byung mtshan ldan phyir/ /thog ma tha ma med pa'i mchog /sems dpa' rdo rje che rang bzhin/ /he ru ka deng bdag grub mdzod/ / kun mchog dngos grub chen po ste/ /dbang phyug chen po lhag pa'i lha/ /rdo rje 'dzin pa kun gyi rgyal/ /mi 'gyur mchog tu bdag grub mdzod/ /nyes pa mi mnga' rtag pa khyod/ /'dod chags kun gyi rjes chags pa/ /'dod chags chen po dga' ba che/ / bcom ldan de nyid kyis grub mdzod/ /shin tu dag pa kun gyi mchog /gzod nas grol ba de bzhin gshegs/ /kun du bzang po kun bdag nyid/ /byang chub sems dpar bdag grub mdzod/ /kun mchog dngos grub chen po ste/ /dbang phyug chen po phyag rgya mchog /grub pa'i rdo rje cher bstod pa/ /rdo rje snyems bdag bdag mdzod cig /sems can kun gyi yid khyab pas/ /sems can kun gyi snying la bzhugs/ /sems can kun gyi yab nyid de/ /dam tshig mchog gi 'dod pa yin/ / bde ba gang gis ye shes mchog /shes rab thabs kyi dkyil 'khor yin/ /bden pa de yis bdag la mgon/ /khyod kyis 'dod pa yongs rdzogs mdzod/ /chos rnams gzugs brnyan lta bu ste/ /dag cing gsal la rnyogs pa med/ /gzung du med cing brjod du med//rgyu dang las las kun du 'byung / /de bzhin kho na nyid las skyes/ /bden pa 'di yis dkyil 'khor du/ /gzugs brnyan gsal bar slob ma ni/ /kun gyis dri med mthong bar shog /de nas slob ma mchod par 'os pa'i cha byad can phyi rol du gdod g.yogs dmar pos bcings la//me tog gcig tu dkar ba thal mos bzung la/ skyes bu mkhas pas khrid de yol ba gnyis kyi bar du bcug la/ bla mas hUM zhes pas yol ba'i slar nas bteg la/ ku sha'i chun po'i chus bsangs la/sdug pa khyod su yin zhes dri bar bya'o/ /sdug pa ngan bu ni skal ba bzang po ba yin no zhes brjod pa dang ldan pa la legs par mchod de dkyil 'khor gyi khang par gzhug par bya'o/ /oM sarba yo ga tsit+ta ut+pA da yA mi zhes bya bas byang chub dam par sems bskyed du bcug nas/de'i snying gar sa bon las rdo rje bsam ste/ brjod par bya'o/ /su ra ta sa ma ya s+t+waM ho sid+d+h+ya badzra ya thA su khaM/ deng khyod de bzhin gshegs pa thams cad kyi byin gyis brlab par 'gyur gyis/ de bzhin gshegs pa thams cad kyi mchog tu gsang ba'i dkyil 'khor du ma zhugs pa rnams la smra bar mi bya'o//ma dad pa yang ma byed cig /dza hUM dag gis blos bkug nas bcug ste/ de la a khaM bI ra hUM zhes gdong bcing bcug nas dkyil 'khor gyi sgor khri'i steng du bzhag la/deng khyod de bzhin gshegs pa thams cad kyi rigs su zhugs kyis/ ngas khyod la ye shes gang gis de bzhin gshegs pa thams cad kyi dngos grub kyang thob na/ dngos grub gzhan lta smos kyang ci dgos/ /de lta bu'i rdo rje'i ye shes bskyed par bya yis/khyod kyis dkyil 'khor ma mthong ba'i mdun du ma smra zhig /khyod rang gi dam tshig nyams par gyur ta re zhes brjod de/ /de'i snying gar rdo rje bzhag la/ rdo rje sems dpa' rang nyid ni/ /di ring khyod kyi snying la zhugs/ /gal te tshul 'di smras na ni//da ma thag tu dral te gshegs/ /zhes brjod do/ /pad+ma'i snod nas bdud rtsi lnga srin lag dang mthe bos de'i khar byin nas/ 'di ni khyod kyi dmyal ba'i chu/ /dam tshig 'das na sreg par byed/ /dam tshig bsrung las dngos grub ste/ /rdo rje bdud rtsi'i chu 'thung shig /oM badzrod ka thA zhes brjod la 'thung du gzhug go/ /slob ma'i dam bca' brtan par bya ba'i phyir 'di skad brjod do/ /deng nas brtsams te khyod kyis phyag na rdo rje nga yin gyis/ ngas 'di byos shig ces bsgo ba gang yin pa de khyod kyis bya dgos so/ / khyod kyis nga la brnyas par ma byed cig /khyod ya nga ba ma spang bar dus byas nas sems can dmyal bar ltung bar gyur ta re/ de nas de bzhin gshegs pa thams cad kyis kyang byin gyis brlab tu gsol/ rdo rje sems dpa' 'ang bdag la dbab tu gsol zhes smrar gzhug go//slob ma'i lus dang ngag dang yid la chu dang rlung dang sa las hA a hUM rkang mthil du yang yi ge dz+haiM zhes brjod cing bsams nas/ rlung dang me'i 'khor lor song ste/ rlung gis me'i 'khor lo sbar ba dang / yi ge dz+hai'i 'od zer rnams slob ma rdul phra rab rnams la zhugs pas dbab par bya ste/A be sha ya staM b+ha ya ra ra ra ra tsa la ya tsa la ya hUM a ha dz+hai zhes brjod cing 'gying ba dang bcas pas dril bu dkrol lo/ /sgo skyong ba bzhi'i dril bu dkrol ba la gzhol bas don du gzhug go/ /babs par gyur na de'i lce la yi ge dmar po can nyid kyi 'od dpag tu med pa bsams nas/rdo rje dge ba dang mi dge ba smros shig ces brjod do/ /dbab pa brtan par bya ba'i phyir tiSh+Tha badzra zhes bya bas nye bar bsdu bar bya'o/ /dbab pa'i cho ga'o/ /pra tIts+tsha badzra hoHzhes 'don du bcug la de'i lag pa na gnas pa'i me tog dkyil 'khor du dor du gzhug go//me tog de yang rigs gang du lhung ba yin par shes par byas nas blangs te/ de'i mgo bor pra ti grih+Na twAM i maM sa twa ma hA ba la zhes brjod cing brtag par bya'o/ /rigs gang du me tog de lhung ba de'i rnal 'byor sbyin par bya ba'am/ 'dod pa'i khyad par gyis rnal 'byor sbyin par bya'o//'di dag ni rgyud gzhan nas gsungs pa'i phreng ba'i dbang bskur ba yin no/ /de'i mig gnyis la yi ge oM bsams la/ rdo rje sems dpa' deng khyod kyis/ /mig 'byed par ni brtson par bya/ /mig ni thams cad 'byed mdzad de/ /rdo rje'i mig ni bla na med/ /ces brjod cing gdong g.yogs bkrol nas/rim gyis bcom ldan 'das kyi dkyil 'khor gyi 'khor lo bstan par bya'o/ /de dag ni slob ma gzhug pa'i cho ga'o/ /de nyid du khri la mngon par phyogs par skyil krung du 'dug tu bcug la/ sngar bstan pa'i rnam par rgyal ba'i steng du bzhag pa'i mchod yon gyi snod nas lo 'dab kyis blangs pa'i chus slob ma 'dod pa'i lhar bsgoms pa'i rnal 'byor pa'i mgo bor badzra a b+hi Shiny+tsa zhes dag tu brjod cing gtor bar bya'o//'di ni chu'i dbang bskur ba'i cho ga'o/ /ras la sogs pa la cod pan byas te/de'i rigs kyi dbang pos mtshan par bsams la/ de'i mgo bor bskon no/ /cod pan gyi dbang bskur ba'o/ /cod pan nyid la brjod par gyur pa gzhan dag bya ste/ de'i snying gar rdo rje legs par bzhag la/ sangs rgyas rdo rje'i dbang bskur bas/ de ring khyod la dbang bskur 'gyur/ sangs rgyas thams cad rab bsgrub phyir/ /rdo rje 'di de khyod kyis long / /zhes brjod cing lag pa g.yas pas 'dzin du gzhug go/ /de dag ni rdo rje'i dbang bskur ba'o/ /rang gi bdag po'i rnal 'byor pa de'i brang du de nyid kyis rdo rje dang / dril bu 'dzin pa'i lag pa gnyis dang por bzhag la/ oM badzra a d+hi pa ti s+t+waM a b+hi Shiny+tsA mi tiSh+Tha badzra sa ma ya s+t+waM/ zhes brjod cing phyi nas 'khyud par bya'o/ /de dag ni dril bu'i dbang bskur ba'o/ /rdo rje dril bu dang ldan pa'i lag pa de dag de'i spyi bor gtod du bcug la/ oM badzra satwa s+t+waM a b+hi Shiny+tsA mi/oM badzra nA ma a b+hi She ka ta kye rdo rje che ge mo zhes bya ba ste/ phreng ba sa la lhung ba dang mthun pa'i ming gdags so/ /ming gi dbang bskur ba'o/ /de bzhin gshegs pa lnga'i ngo bo'i dbang bskur ba lnga po 'di ni me long lta bu la sogs pa'i ye shes lnga'i ngo bo sgrub par byed do//dbang bskur ba lnga po de dag la rig pa'i dbang bskur ba'i sgras kyang brjod par bya ba yin te/ ma rig pa lnga'i gnyen po rig pa'i ngo bo'i ye shes lnga po rnams sgrub par byed pa'i phyir ro/ /de nas 'di la brtul zhugs dang / lung bstan pa dang / dbugs dbyung ba sbyin par bya ste/ 'di de sangs rgyas thams cad nyid/ /rdo rje sems dpa'i lag na 'dug /khyod kyis kyang ni rtag tu bcang / /phyag na rdo rje'i brtul zhugs brtan/ oM sar+b+ba ta thA ga ta sid+d+hi badzra sa ma ya tiSh+Tha e Sha s+t+waM d+ha ra ya mi hi hi hi hi hUM zhes rdo rje'i brtul zhugs sbyin nas/rdo rje de kho na nyid kyis gzung ngo / /thog mtha' med pa'i sems dpa' ni/ /rdo rje sems dpa' dga' ba che/ /kun du bzang po kun bdag nyid/ /rdo rje snyems tshul bdag po'i bdag /ces so/ /'di de sangs rgyas thams cad kyis/ / shes rab dbyangs kyi rjes 'gro bshad/ /khyod kyis kyang ni rtag tu bcad/ /byang chub mchog tu rgyal ba bzhed/ /ces brjod cing dril bu legs par blangs la/ de chos kyis dkrol bar bya ste/ srid pa ngo bo nyid kyis dag /ngo bo nyid kyis srid bral byas/ /rang bzhin dag pa'i sems dpa' mchog /srid pa mchog ni byed pa yin/ /zhes so/ /gal te phyir mi ldog pa'i dbang bskur ba sbyin par bya ba ma yin na chos bstan pa'i 'og tu rjod par byed bzhin pa'i rim pas lung bstan pa dang / dbugs dbyung ba dag sbyin par bya ste/ cho ga 'di ni rig pa'i dbang bskur ba dang 'brel pa yin no//slob ma khri las babs la bla ma la yang dag par mchod de/ byang chub rdo rje sangs rgyas la/ /mchod chen ji ltar stsal ba bzhin/ /bdag kyang skyabs pa'i don gyi phyir/ /nam mkha'i rdo rje bdag la stsol/ /de nas bla ma mnyes pa dang sdom pa bzhi byin nas khri de nyid la pad+ma 'dab ma brgyad par snga ma bzhin du 'dug ste/'dod pa'i lha'i rnal 'byor pa'i rang gi snying gnas sprul pa'i rig ma mchod pa dang ldan pa rnams kyis/ /rdo rje chen po'i dbang bskur ba/ /khams gsum pa yis phyag byas pa/ /gsang ba gsum gyi gnas las byung / / sangs rgyas kun gyi sbyin par bya/ /zhes brjod cing de dag gis dbang bskur bar bsams te/ bla mas kyang tshigs bcad 'di brjod do/ /zur bzhi pa la gru bzhi pa/ /bkra shis rnams kyis nye bar mdzes/ /dpangs su khru do nyams dga' ba'i/ /khrus kyi stegs bu rab brtag bya/ /rab gnas la yang rim pa 'di yin te/phyi rol gyi khrus kyi cho ga la'ang rim pa 'di ltar khong du chud par bya'o/ /de nas dkyil 'khor dang lha'i de kho na nyid man ngag ji lta ba bzhin du bstan par bya'o/ /phyir mi ldog pa'i dbang bskur ba'o/ /bdun po gcig tu byas nas bum pa'i dbang ni dang po zhes bya ste/dbang bskur ba bdun ni bum pa'i dbang bskur ba'i sgras brjod par bya ste/ de yang dang po yin no/ /gal te gsang ba dang shes rab kyi dbang bskur sbyin par bya ba ma yin na de'i tshe 'dir lung bstan pa dang / rjes su gnang ba byin nas dbugs dbyung sbyin no/ /de'i tshe 'di bya ba dang / spyod pa'i rgyud la sogs pa gzhan la 'char bar 'os par 'gyur te/ rnal 'byor bla med la sogs pa ni ma yin no/ /'di'i ming slob dpon gyi dbang bskur ba'i sgras kyang brjod par bya ba yin no/ /phreng ba chu dang bde gshegs cod pan 'ching / /phyag rgya gtso bo rang rigs bdag po dang / /dpal gyi rdo rje ming phyir mi ldog ces//'dir ni the tshom med par bdun yin no/ /zhes bya ba ni bsdu ba'i tshigs su bcad pa'o/ /de nas bla ma yang dag par mchod de/ bzhin mdzes mig ni dkyus ring zhing / /gzugs dang lang tshos rnam par brgyan/ /rgyan rnams kun dang gos bzang dang / / lha rdzas dri yi byug pa can/ /rnal 'byor cig gis bya ba goms/ /rigs kyi bu mo gang yang rung / /bla ma la ni phul byas nas/ /byang chub rdo rje sangs rgyas la/ /mchod chen ji ltar bgyis pa ltar/ /bdag la'ang skyabs pa'i don gyi phyir/ /nam mkha'i rdo rje deng bdag stsol/ /zhes tshigs bcad 'dis gsol ba btab pa dang /bla mas slob ma sdom pa bzhin gyi yol ba'i bar du bzhag la gsang ba'i mchod pa'i mthar yol ba'i sla nas btegs la/ g.yon pa'i sor mo ming med dang rgan pos rdo rje bzung ste/ gsang ba'i dbang bskur sbyin no/ /des kyang e ma ho bde ba zhes brjod de blang bar bya'o//slar log nas bla ma chu skyes na gnas pa rang nyid kyis myangs la/ des kyang rang gi rdo rje myang du bcug la/ rang gi stan gor bu la sogs pa la 'dug par gyur pas/ de nas phan yon brjod par bya ste/ 'di ni rdo rje thams cad kyi/ /dbang bskur ba yi go 'phang mchog /gsang sngags rnams ni thams cad dang / /las mchog rab 'byam 'grub par byed/ /de dag ni gnyis pa gsang ba'i dbang bskur ba yin no/ /de yang de bzhin du gsol ba gdab po/ /mdun na 'dug pa de dag gi lag pa g.yas pa dag rang gi lag pa g.yon pa'i steng du gzhag pa byas nas kha bltas te/dpal ldan shes rab dang phrad las/ /de nyid yang dag dmigs par bya/ /'di de gzungs ma nyams dga' ba/ /bsten byar sangs rgyas rnams kyis brtags/ /'khor lo'i rim pa rab 'byor bas/ /bde ba dam pa myang bar gyis/ /rdo rje skyil mo krung gi sems/ / nor bu'i nang du son pa ltos/ /zhes brjod do/ /yol ba'i nang na slob ma'i lus la gzhug par bya'o/ /phyi'i lha'i bu mo rnams kyis kyang mnyam na 'dug pa'i bla ma phyir bskyed la/ slob ma gsang ba'i mchod pas gnas pa la bltas te/ nam mkha' la gnas pa'i dkyil 'khor gyi 'khor lo kha dog dkar po khang pa brtsegs pa dang /lhan cig skyes par bsams nas/ mar gyi bum pa bzhin du zhu bar gyur pa dbang bskur ba'i gnas su mdzad de/ slob ma'i lus la gzhug par bya'o/ /phyi'i lha mo bu mo rnams kyis kyang mnyan na skal ba bzang po'i ca co dang gar dang glu dang sil snyan gyi sgra dbyangs dang /dris bsgos pa'i gos dang tsan+dan gyi phye ma 'thor ba la sogs pa bya'o/ /bkra shis gang zhig dga' ldan lha yi gzhal yas khang gi ni/ /snying po nas ni 'gro la phan phyir 'dir gshegs las byung dang //dbang po bcas dang lha yi de bzhin gshegs pa bskor ba yi/ /bkra shis des ni de ring khyod la zhi bar byed gyur cig /ces bya ba la sogs pa'i tshigs su bcad pa 'don par bya'o/ /de bzhin du/ rmongs la gti mug bdag nyid sbyor/ /gti mug dga' ma bdag ldan pas//gti mug rgyun gyis dbang bskur bas/ /gti mug rdo rje rang nyid 'gyur/ /sdang la zhe sdang bdag nyid sbyor/ /zhe sdang dga' ma bdag ldan pa/ /zhe sdang rgyun gyis dbang bskur bas/ /zhe sdang rdo rje rang nyid gyur/ /chags la 'dod chags bdag rnal 'byor//'dod chags dga' ma bdag ldan pa/ /'dod chags rgyun gyis gsal ba'i phyir/ /'dod chags rdo rje rang nyid gyur/ /shes rab ye shes bdag rnal 'byor/ /rdo rje dga' ma bdag ldan pa/ /ye shes rgyun gyis dbang bskur bas//shes rab ye shes rang nyid 'gyur/ /zhes kyang brjod do/ /de dag gis mchod pa'i mthar bla ma yol ba'i bar nas 'ongs te/ rang gi stan la 'dug la/ /mdun du tsog pur 'dug pa de dag gi lag pa g.yon par bzhag la/ lag pa g.yas pa slob ma'i mgo bor gtad de//thabs gzhan gyis ni sangs rgyas min/ /de phyir rig pa 'di ni mchog /gnyis su med pa'i chos kun ni/ /gnyis kyis dngos po mtshon gyur pa/ /de phyir khyod kyis rtag tu ni/ /'khor ba bral bar mi bya'o/ / 'di de sangs rgyas thams cad kyis/ /rig pa'i brtul zhugs bla na med/ /rmongs pa gang zhig 'da' byed pa/ /de la dngos grub mchog med do/ /zhes so/ /gzhan yang ji ltar dbang bskur ba las ni/ /sangs rgyas la sogs kun thob pa/ /de ltar byang chub spyod sogs dang / /dge ba tshul gzhan gyis kyang min//lhag pa'i dam tshig bsrung bar bya/ /rtag tu sdom pa bskyang bar bya/ /bza' ba sha lnga bdud rtsi ste/ /bsrung ba 'di las dam tshig gzhan/ /dkon mchog 'jig gsang bud med kun/ /gzhan la len dang ngag gi brdzun/ /rnal 'byor rgyun du'ang bshad pa kun//de dag cho ga bzhin bsrung bya/ /'di dag ni gsum pa dang bzhi pa'o/ /dge ba'i bshes gnyen rigs dang tshul khrims dang ldan zhing / /man ngag dang bcas yan lag bcu gnyis gsungs goms pa/ /shes rab can dang mngon brtson tshul gnyis shes pa yin/ 'bad pas shin tu dus ni ring por mnyes par bya//dad pa'i rang bzhin brtson 'grus rang bzhin rtse bdag nyid/ /las dang 'bras bu rnams dang zab mo'i chos rnams dang / /gang zhig 'di 'dra rnams la rtag tu gus par 'brel/ /ji bzhin ltar ni blo gros gsal bar thob par 'gyur//gzhan ni sdig pa'i gsang sngags 'don par byed pa las/ /dug ni bsal bar bya phyir zhugs pa lta bu ste/ /skye ba 'di nyid la ni sdug bsngal myong 'gyur zhing / /shin tu mun nag ches mi bzad par 'jug par 'gyur/ /de nas lung bstan pa dang rjes su gnang ba dang dbugs dbyung bar bya ste/bla ma lha las babs pa'i phyag rgya dang ldan pas/ oM 'di ni khyod lung bstan pa ste/ /rdo rje sems dpa' de bzhin gshegs/ /srid pa shin tu dag bya'i phyir/ /srid pa'i ngan 'gro rnams las bton/ /kye de bzhin gshegs pa rdo rje che ge mo zhes bya bar/sid+d+hi sa ma ya s+t+waM b+hu ra b+hu ba swaH 'di yis lung ston 'gyur ba yi/ /sngags pa 'gro ba kun gyi bdag /bla na med pa'i byang chub tu/ /bder gshegs kyis kyang lung bstan mdzad/ /ji lta ji ltar sems can rnams//ngo bo nyid kyis 'dul 'gyur ba/ /de lta de ltar chags la sogs/ /gtsang mas sems can don bya'o/ /nyin re bzhin ni thun bzhi ru/ /'dod lha'i rnal 'byor dang ldan pa/ /gyur nas thun mong cig shos kyi/ /dngos grub thob par sgrub par byos//mi snang ba ni khams stong la/ /mngon shes ldan pa nyis stong yin/ /rig pa 'dzin pa sum stong la/ /rdo rje can ni 'gro kun bdag /zhi rgyas la sogs las gang ngam/ /de las gzhan pa gang 'dod pa/ /'khor los rjes mnyes sbyor ba yis/ / bsgrubs na myur du 'grub par 'gyur/ /de dag ni rjes su gnang ba'o/ /mchog gsang dkyil 'khor dam pa ni/ /mthong ba dang ni zhugs gyur pas/ /sdig pa kun las nges grol bar/ /khyed rnams de nyid legs par gnas/ /zhes bya ba la sogs pa ni dbugs dbyung ba'o//de nas bla ma la rang gi lus dang / bu dang chung ma la sogs pa'i yon phul la phyag 'tshal te/ bla mas kyang shin tu gnas par gyur cig ces shes pa sbyin par bya'o/ /de nas brtsams te/ rgyud gzhan dag tu bri ba'i phyag rgya la sogs pa spras pa'i de kho na nyid bcu gang yin pa bstan par bya ste/skal ba can du gyur pa'i phyir ro/ /bzang po'i zhal snga nas/ /gsang ba dang shes rab dag gis dbang bskur nas de kho na nyid yang dag par bstan par bya'o zhes gsungs so//rmongs la zhes bya ba la sogs pa/ /sngar brjod pa'i tshigs su bcad pa'i don dang / blang bar bya ba'i don de kho na nyid rang rig pa'i mngon sum gyis grub pa yang brjod bya rjod byed kyi ngo bor brdar byas pas go bar bya'o/ /gtor ma'i nye bar sbyar ba yang thun bzhir shing rta'am/skon pa'am/ khur ram tha na snyim pa gsum tsam bza' ba dang / bca' ba dang / btung ba dang / bldag pa dang mur ba dang / gzhib pa dang / me tog dang / bdug pa dang / dri dang / lha bshos dang / gdugs dang / rgyal mtshan dang /ba dan dang ldan pa/ /bla re rnam par bkra bas bres pa/ sgra chen po rnga brdung ba dang ldan pa ltas te/ med na yang yid kyis thams cad bsams la/ gsang sngags 'di dag byin gyis brlabs la sbyin no/ /oM shrI he ru ka ma hA badzra A kaD+D+h+ya ya/ A kaD+D+h+ya ya/pra be sha ya/ pra be sha ya/ ban+d+ha ya/ ban+d+ha ya/ to Sha ya/ to Sha ya/ sarba badzra DA ki nI nAM hr-i da ya hUM hUM hUM phaT/ oM bud+d+ha DA ki nI pra tIts+tsha ma ma bi laM hUM phaT/ oM badzra DA ki nI pra tI ts+tsha ma ma bi laM hUM phaT/ oM rat+na DA ki nI phra tIts+tsha ma ma bi laM traM phaT/ oM pad+ma DA ki nI pra tIts+tsha ma ma bi laM hrIHphaT/oM bi shwa DA ki nI pra tIts+tsha ma ma bi laM a phaT/ oM sarba bud+d+ha DA ki nI pra t+'+ts+tsha ma ma bi laM hUM ho/ /oM sar+b+ba yo gi nI pra tIts+tsha maM laM hUM ha ha ha ha hi/ gal te dur khrod la sogs par gnas nas sbyin par bya ba yin na/ de'i tshe he ru ka'i gzugs sprul pas bstan par gyur pa rnal 'byor ma'i tshogs kyis yongs su bskor bar sbyin no//yang na he ru ka'i rnam par brgyan cing bcos nas 'dren pa mo la sogs pa na tshod lo bcu gnyis dang ldan pa bcom nas/ sangs rgyas mkha' 'gro ma la sogs pa'i gzugs su sgrub par byed par brgyan te/he ru ka'i spyod pas phye ba rdo rje'i glu len cing rol pa'i rdo rje'i gom pas kyang gar byed pa kha T+wAM ga dang / Da ma ru la sogs pas 'phrog pa'i rnal 'byor ma stong phrag rnams dang cher rnam par sgeg pa sngon du song bas rtag tu 'gro ba 'don pa'i bsam pa ma btang ba/stong pa nyid dang / snying rje'i snying po can rnal 'byor pa'i tshogs bzhin du/ de dang de byed cing 'gro ba'i dge legs kyi don kho nar sbyin no/ /dkyil 'khor rtsom pa nas gshegs su gsol ba'i mthar thug par nyi ma re re zhing dge 'dun la mchod yon dang bcas pa sbyin no//rgyun mi chad par dpag tu med pa'i me tog dang / bdug pa dang / dri dang / lha bshos dang / mar me la sogs pa dang / gar dang / glu dang / sil snyan dang / pheg rdob pa sna tshogs dang / gdugs dang / rgyal mtshan dang / ba dan sna tshogs pa la sogs pa dang rnam par rgyal ba'i tshogs dgod pa dang / sgeg pa rnam pa sna tshogs pa rnams kyis mchod pa bya'o/ /dkyil 'khor gyi khang pa la yang mu tig dang / nor bu dang / byu ru rab tu 'phyang ba dang /me tog dri zhim po dang / ras shin tu yid du 'ong ba rnams kyis brgyan par bya'o/ /phyogs brgyad du phyogs skyong ba'i kha dog lta bu'i ba dan gyis bklub par bya'o/ /dkyil 'khor gyis khang pa'i phyi rol gyi phyogs kyi cha bzhir bla res bkab pa rnams su yu ba bsgreng pa gser gyi yu ba can rnams su bkur sti chen po sngon du 'gro bas seng ge'i gdan bshams la/'phags pa shes rab kyi pha rol tu phyin pa dang / sa bcu pa dang / zla ba'i sgron ma dang / gser 'od dam pa la sogs pa'i mdo sde gdon par bya'o//dkyil 'khor bri ba na/ gal te bgegs la sogs pa byung na de'i tshe/ man ngag ji lta ba bzhin du seng ge rnam par bsgying ba'i phyag rgyas sdang ba rnams gcad par bya'o/ /nyi ma re re bzhin las so so la bla ma la yon dbul bar bya'o//sa gzhi sdug pa'i chung ma dang / /rin po che dang 'bar ba'i gser/ /nor bu mu tig byu ru sogs/ /lus kyang gus pas dbul bar bya/ /rta dang glang po de nyid kyang / /rgyan kun gyis ni brgyan pa dang / /bud med bzang po'ang bla ma la/ /dngos grub 'dod pas dbul bar bya//ras ni rnam pa sna tshogs dang / /rgyan rnams kyang ni dbul bya ste/ /gang gis bla ma 'dis mnyes pa/ /de ni rab tu 'bad pas bya/ /de nas ting nge 'dzin zin nas phyi dang nang gi mchod pa byas la/ /gtor ma byin nas/ /smon lam sngon du byas te/ phyi rol gyi 'khor lo'i snying ga'i nang du chud par bya'o/ /oM a kA ro mu khaM sar+b+ba d+harmA NAM A d+ya nu t+pan+na twA ta hUM muHzhes bya ba'i sngags kyis rdul tshon gshegs su gsol bar bya'o/ /'di nyid kyis bum pa dang / phyag mtshan dang / sman la sogs pa rnams kyang gshegs su gsol bar bya'o//mkha' 'gro ma'i gnod pa zhi bar bya ba'i phyir lha'i rdul tshon 'dod pa rnams la byin nas gzhan dag bsdus te/ rnam par rgyal ba'i bum par blugs la/ yod par gyur na glang po che'i phrag par bzhag la/ sel snyan du ma sgra sgrogs pa'i sgra sngon du 'gro ba'i rgya mtshor 'bab chu dang lteng ka chen po rnams su man ngag ji lta ba bzhin du klu'i rigs brgyad la phyi'i me tog dang 'o ma la sogs pas legs par mchod do//de dag kyang de bzhin gshegs pa'i rdul phra rab kyi tshogs mgo bor bzhag nas/ rang gi khyim du dad pas 'gro bar byed do/ / de nas bum pa chus dgang bar byas nas de bzhin du 'ong ste/ zhi ba'i chu des khrus dang gsang bar 'dod pa'i don kun grub par bya ba'i phyir/ khrus dang btung ba'i don du 'dod pa rnams la chu de sbyin par bya'o/ /nyi ma gsum mam/ nyi ma bdun nam/ nyi ma gcig tu 'tsham par dga' ston chen po bya'o//sgyu 'phrul chen mo brjod pa'i rgyun shin tu rgya che ba stong phrag bcu gnyis yod de de yang de kho na nyid bsdus pa la sogs pa'i rgyud rnams kyi bla ma ste/ de nas dkyil 'khor gyi rim pa 'di dag thams cad mdor bsdus pa dang rgyas par sems can gyi bsam pa tha dad pa'i dbang gis skabs sna tshogs pa na yod pa yin no//rgyud bla ma'i yang gzhung dgu bcur bgrang ba 'di ni mdor bsdus pa la dga' ba'i sems can gyi bsam pa'i dbang gis bsgom pa'i rim pa tsam la brten nas bstan pa yin no/ bar ma la dga' ba rnams kyis mtshan yang dag par brjod pa la sogs pa'i dkyil 'khor bzhin du bsgom pa'i rim pa mtshungs pa yin pa de'i phyir na rgyud rgyas pa las thams cad bstan pa ste/ bsgom par bya ba dang bri bar bya ba lha lnga'i bdag nyid kyi dkyil 'khor gyi 'khor lo zur bzhi pa la sogs pa dang ldan par bya'o//rgyas pa la dga' ba rnams kyis kyang rgyud rgyas par lha shin tu rnam pa mang po'i bdag nyid can du bri bar bya ba dang / bsgom par bya ba'i dkyil 'khor de nas bshad pa'i dkyil 'khor rim pa kho nas shes par bya'o zhes bdag gi bla mas gsungs so//'di nyid kyi phyir/ 'dir tshigs su bcad pa dgu bcur grags pa ni rgyud rgyas pa'i phyogs gcig tu gyur pa yin pas na/ 'di skad bdag gis thos pa dang zhes bya ba la sogs pa ma gsungs so//de nyid kyi phyir/ rgyud rgyas pa'i rjes su 'brangs nas/ de nas mkha' 'gro ma kun gyis/ /zhes bya ste/ de nas kyi sgra ni de ma thag pa'i rjod par byed pa yin pas dang por sbyor ba yin no/ /'di dag spros pa dang bcas par ni rgyud phyi ma'i phyi mar thub pa nyid kyis thams cad gsungs pa yin no//de yang tshig tsam tha dad pas bstan pa yin gyi yang 'dir sngon med pa ni cung zad kyang med do/ /cho ga sngon 'gro dkyil 'khor cho ga gzhung du legs byas pas/ /'dir ni bdag gis dge ba 'bar ba thob pa gang yin des//khams gsum par gtogs pa yi sems can de ni yud tsam gyis/ /dri ma med pa'i dkyil 'khor 'khor lo'i lus can 'dir gyur cig /sgyu 'phrul chen mo'i dkyil 'khor gyi cho ga /bla ma'i zhal snga'i man ngag ces bya ba/

CLOSE WINDOW