CLOSE WINDOW

D1644
བོད་ཡིག

/de ltar na gtor ma'i cho ga'o// @##/ /rgya gar skad du/ ma hA mA yA sA d+ha naM maN+Dal bi d+hiH/ bod skad du/ sgyu 'phrul chen mo'i sgrub thabs kyi dkyil 'khor gyi cho ga /dpal rdo rje mkha' 'gro la phyag 'tshal lo//'phags pa spyan ras gzigs dbang phyug la phyag 'tshal lo/ /'jig dus chu yi mdog can brgyad phyed zhal/ /phyag bzhi zhabs gnyis bdud kyi snying gar mnan/ /rang rig 'od kyis 'khril zhing bde gang yin/ /bde gshegs kun 'bod rdo rje 'dzin la bdud//skye bo rtog pa'i dba' rlabs g.yengs pa yis/ /so so'i gzhung mangs blta bar mi nus phyir/ /lung dang man ngag rigs pas gzhung bkod de/ /mdor bsdus dran pa tsam gyis bri bar bya/ /de ltar re zhig dang por slob ma dbang bskur ba'i snod dang skal bar ldan pa ni/de yang / 'jam zhing snyan smra snying rjer ldan/ /dge ba'i las la mngon par brtson/ /theg pa che la lhag par dang / /rgyun du bla ma la gus shing / /sbyin dang gtong la mngon dga' ba/ /slob ma de ni yongs su gzung / /de bas na mtshan nyid de lta bu dang ldan pa'i slob mas dbang nod pa'i 'os su gyur pa'i bla ma la gsol ba gdab par bya ste/de yang / brtan zhing dul la blo gros ldan/ /bzod ldan drang zhing g.yo sgyu med/ /gsang sngags rgyud kyi sbyor la mkhas/ /des ni dkyil 'khor bri bar bya/ /de bas na de lta bu dang ldan pa'i slob dpon la lan gnyis nas gsum gyi bar du gsol ba gdab par bya'o//de nas slob dpon gyis gal te khyod kyis dkyil 'khor gyi rdzas dang / yo byad 'di dang 'di la sogs pa 'byor ram mi 'byor zhes dri bar bya'o/ /de nas de dag 'byor bar khas len na/de'i tshe gnang ba byin la slob ma sbyong zhing bsrung ba bya ste/ slob ma'i rkang mthil du yaM las rlung gi dkyil 'khor/ gsang bar raM las me'i dkyil 'khor/ snying gar las dang nyon mongs pa'i sdig pa'i ngo bo paM mam/ kaM nag po cig bsams la/de nas rlung gis me sbar bas snying ga'i kaM bsregs te/ las dang nyon mongs pa'i sdig pa mi dge ba thams cad sbyang bar bsams la/ slob ma'i gnas gsum du 'bru gsum bkod la/ 'khor lo can gyi sngags nyi shu rtsa gcig la sogs pa bzlas te bsrung ba bya'o//de nas slob dpon gyis bsnyen pa la 'jug ste/ maN+Dal dang mchod pa dang gtor ma la sogs pa bshams/ ye shes kyi dkyil 'khor nam mkha' la bltas la/ mchod pa la sogs pa bya/ de nas lha'i ting nge 'dzin dang ldan pas bzlas pa bya ste/ 'khor lo can gyi 'bum phrag gcig tu bzlas la/lha mo rnams kyi khri phrag re re bzlas so/ /de nas yang sa mchod la sogs byas la/ grogs bzang po dag dang bcas pas sa brtag cing spyad bar bya ste/ de yang / gtsug lag khang dang tshong dus dang / /ldum ra grong ngam grong khyer gyi//shar dang byang gi sa yi char/ /mnyam par gzhag cing gzung bar bya/ /de bas na de dag tu brtags pa'am/ yang na dur khrod dang nags tshal la sogs pa gang dang gang yid du 'ong ba'i gnas der sa sbyang bar bya ste/ de la 'ang gnyis te/phyi sbyang ba dang / nang gi sbyang ba'o/ /phyi la yang gnyis te/ las kyis sbyang ba ni zhi ba'i thab khung du mi rus kyi phye ma la sogs pas sbyin sreg byas la/ nye bar zhi bar byas la bya bas sbyang ba ni/ de yang / pus nub tsam du brkos nas ni/ sa de nyid kyis dgang bar bya//gal te lhag par gyur na ni/ /dngos grub yod par 'dod pa yin/ /de bas na pus nub tsam du brkos la sa'i skyon rnams bsal nas/ de nyid kyis legs par bkang ste/ gzhung dang mthun par byas la/ de nas chu'i ltas bstan par bya ste/ de yang / mtho gang zlum por brkos nas ni//ba yis byugs la chu yis dgang / /ma yengs sems kyis shar phyin la/ /slar log ltas ni brtag par bya/ /de bas na chu'i ltas rab 'bring gsum brtags la de nas dri zhim po dang bcas pa'i sas khung bu legs par bkang nas/ rin po che lnga dang 'bru lngas sa'i dbus su bcug la legs par bcags te/ba'i rdzas lngas byug cing nye 'khor du me tog sil ma bkram pa dang / phyogs mtshams su ba dan dang / gdugs dang / rgyal mtshan la sogs pa btsugs la las thams cad pa'i sngags bzlas pa'i chus gtor ba ni bya bas sbyang ba'o//nang gi sbyang ba ni nang la gzhol ba'i sems kyis chos nyid kyi sngags bzlas te stong pa nyid du bsgoms la/ de'i ngang las yi ge hUM las rdo rje'i sa gzhir bsgom oM me di nI badzrI b+ha wa ban+d+ha hUM zhes pas byin gyis brlab pa'o/ /de nas sa bslang ste/ mchod pa bshams la sa'i dbus su lha'i ting nge 'dzin la gnas pas snying rje chen po dmigs te/lag pa g.yas pa sa la brdabs pas sa gas pa'i ser gnas/ sa'i lha mo sku mdog ser mo/ zhi ba'i bzhin can phyag gnyis kyis bum pa 'dzin pa cig byung bar bsams la/mchod pa dang gtor ma phul te/ dpal he ru ka mchod cing / ma ma sna tshogs rin chen 'dzin/ /lha mo khyod ni dpang du gyur/ /sa 'dir dkyil 'khor bri bar bya/ /zhes sa bslangs la/ de nas gsol ba gdab ste/ skyob pa sangs rgyas thams cad kyi/ /spyod pa'i tshul dang khyad par gyi//sa dang pha rol phyin pa la/ /lha mo khyod ni dbang du gyur/ /shAkya seng ge skyob pa yis/ /ji ltar bdud kyi stobs bcom pa/ /de bzhin bdag gis bdud las ni/ /rgyal bar byas te dkyil 'khor bri/ /zhes brjod la de nyid du thim par bsam mo/ / sa bzung ba ni slob dpon sa'i dbus su 'dug ste/ me tog gi phreng ba dang / cod pan la sogs pas brgyan te/ rdo rje dril bu gzung ste dpal he ru ka'i ting nge 'dzin la gnas pa la slob ma bzhis rgyan cha dang rdo rje dril bu 'dzin pas rdo rje mkha' 'gro la sogs pa'i lha mo bzhir bsgoms la/phyogs bzhi nas gsol ba gdab ste/ de bzhin gshegs pa kun zhi ba/ /de bzhin gshegs pa kun gyi gnas/ /rdo rje 'dzin pa las byung ba'i/ /dkyil 'khor gtso bo bshad du gsol/ /mtshan nyid thams cad yang dag rdzogs/ /mtshan ma thams cad yang dag spangs//kun du bzang po sku yi mchog /dkyil 'khor dam pa bshad du gsol/ /zhi ba'i chos ni mchog las byung / /ye shes spyod pa rnam sbyang ba/ /kun du bzang po gsung gi mchog /dkyil 'khor snying po bshad du gsol/ /sems can kun gyi sems chen po/ /rang bzhin dag pa dri ma med//kun du bzang po thugs kyi mchog /dkyil 'khor snying po bshad du gsol/ /de nas bdag lha'i nga rgyal gyis bsgyings pa dang bcas pas mig g.yas par a las zla ba g.yon par Ta las nyi ma bsams te/ rkang pa'i mthil du hUM las sna tshogs rdo rje gdengs pa bsgoms la/dbang ldan du song la rdo rje gsor te/ hUM ring po brjod la/ deng slob dpon sa phyogs 'dir slob ma'i don du las 'di brtsams kyis/ 'di na gnas pa'i lha dang klu dang / gnod sbyin dang / dri za dang / 'byung po dang / sha za dang srin po la sogs pa gang dag gnas pa'i sa'i bdag po rnams myur du deng shig /'di ltar dpal he ru ka'i bka' thos nas myur ba nyid du song shig gang dag mi 'gro ba de dag la nga'i rdo rje dang bcas pa'i kha T+wAM ga 'dis mgo tshal pa brgyar bkas par bya'o zhes bya ba lan gsum du brjod nas de nas yang rdo rje gsor nas/hUM lus ngag sems dang ldan pa yi/ /bgegs kyi tshogs kun nga la nyon/ /nga ni dpal ldan snying rje'i stobs/ /srung ba'i 'khor lo rab sbyor bas/ /rdo rje 'bar ba'i kha T+wAM gas/ /sku gsum las byung dgas par bya/ /gal te bdag tshig las 'das na/ /zhig 'gyur 'dir ni the tshom med//g.yas brkyang dang g.yon bskum la sogs pa'i rdo rje'i 'gros kyis kun du bskor zhing bcags la/ seng ldeng gi phur pa sor brgyad pa la tsan+dan dmar po bskus te/ me tog dmar po btags pa dgu dbus dang phyogs mtshams su dgu btab la lha la phyag phya'o/ /sa bsrung ba ni dkyil 'khor gyi sa'i dbus gnas la bgegs nye bar zhi bar bya ba'i phyir/rab dang dra ba dang sa gzhi la sogs pa'i srung ba'i 'khor lo bsgoms la/ snying gnas bgegs mthar byed/ stod khro bo smad phur bu'i dbyibs can du byung ste/ oM g+ta g+ha/ g+hA ta ya g+hA ta ya/ sarba du Sh+TAM phaT/ kI la ya kI la ya/ sarba pA paM phaT/ hUM hUM badzra kI la ya/ badzra d+ha rod Adz+nyA pa yA ti/ kA ya bAka tsit+ta badzra kI la ya hUM hUM phaT/ ces pas bgegs rnams phur bus btab ste/ oM rak+Sha rak+Sha zhes pa dang 'bru gsum bzlas par bya'o/ /de nas lha sta gon la gnas pa'i bdud rtsi lnga dang bcas pa'i dri zhim po'i chus dbus su sor bcu pa gru bzhir byugs la/phyogs bzhir lha mo rnams kyi gnas su ni sor drug pa'i zlum por byas la/ so sor me tog re re gzhag ste/ snying ga'i sa bon gyis ye shes kyi 'khor lo nam mkha' la bkug la mchod pa'i khyad par gyis mchod de/ de'i rjes la bstod pa bya ste/mche ba gtsigs shing 'jigs pa che/ /sngags kyi me tog phreng bas brgyan/ /sha chen rtag tu gsol mdzad pa'i/ /he ru ka la bdag phyag 'tshal/ /rnam par snang mdzad ra btu dag /rdo rje zhi ba dga' ba che/ /rang bzhin gyis ni 'od gsal mchog /sangs rgyas mkha' 'gro phyag 'tshal bstod//mi bskyod pa yi ye shes che/ /rdo rje dbyings ni mkhas chen po/ /rdo rje gsum mchog dkyil 'khor gsum/ /rdo rje mkha' 'gro bstod phyag 'tshal/ /rin chen rgyal po rab tu zab/ /rdo rje nam mkha' dri ma med/ /dngos nyid dag pas gos med pa'i//rin chen mkha' 'gro phyag 'tshal bstod/ /rdo rje dpag med rgyal po che/ /mi rtog nam mkha' rdo rje 'dzin/ /'dod chags pha rol phyin pa brnyes/ /pad+ma'i mkha' 'gro phyag 'tshal bstod/ /rdo rje dag pa gdon mi za/ /bsam pa thams cad rab rdzogs byed//sangs rgyas ngo bo nyid las byung / /sna tshogs mkha' 'gro phyag 'tshal bstod/ /ces pas bstod la/ de nas bskor ba byas la bdud rtsi lnga dang ldan pa'i bdug spos lag tu thogs te/ bus mo g.yas pa'i lha nga sa la btsugs la 'di skad ces gsol ba gdab ste/he ru ka dpal dpa' bo'i mchog /rig pa'i rgyal la phyag 'tshal 'dud/ /khyed rnams la ni mchod pa dang / /slob ma rnams la brtse bya'i phyir/ /mgon po thugs rje'i bdag nyid kyis/ /dkyil 'khor sa ni bsgrub par 'tshal/ /bcom ldan bdag ni gus pa la//de bas gnang bar mdzad par 'os/ /'gro ba'i 'khor lo'i don mdzad pa'i/ /sangs rgyas mgon po brtser ldan dang / /byang chub sems dpa'i dgra bcom dang / /sngags kyi lha gzhan gang lags dang / /'jig rten skyong ba'i lha rnams dang / / gang yang 'byung po mthu chen dang / /gang yang rdo rje'i spyan mnga' ba'i/ /sems can bstan la dga' ba rnams/ /bdag la dgongs par mdzad du gsol/ /rdo rje che ge mo bdag gis/ /he ru ka 'byung dkyil 'khor mchog /yo byad ci 'byor bdag gis/ / 'gro ba dag phyir bdag sgrub na/ /bdag dang slob mar bcas pa la/ thugs rjes thugs dpag mdzad nas kyang / /dkyil 'khor par bcas thams cad kyis/ /byin gyis brlab par mdzad du gsol/ /zhes lan gsum gyis gsol ba gdab pa ni lha sta gon la gnas pa'o/ / de nas las kyi bum pa sta gon la gnas pa'i bum pa mtshan nyid dang ldan pa gcig dri zhim pos byugs te/ las thams cad pa'i mtshan ma bris la/ de nyid kyi sngags kyis yungs kar gyis brdeg go/ /gu gul gyis bdug la der chu dang 'bru dang sman dang rin po che rnams stsal te/ / kha rgyan dang mgul chings dang phreng ba la sogs pas brgyan la/ de nas stong pa nyid du bsgom/ /de'i ngang las paM las pad+ma/ baM las bum pa/ de'i nang du pad+ma la gnas pa'i khro bo bskyed la snying ga'i sa bon gyis ye shes kyi khro bo bkug ste bcug nas mchod pa dang gtor ma gtang ba dang /kha rgyan gyi steng du rdo rje bzhag ste/ las thams cad pa'i sngags 'bru gsum dang spel ba bzlas la/ bcom ldan 'das rig pa'i rgyal pos/ /bdag cag gis las 'di ma grub kyi bar du bgegs thams cad bzlog cig ces brjod la sgo phyogs su bzhag go//slob ma sta gon la gnas pa ni sngar bstan pa ltar shin tu brtags pa'i slob ma khrus byas la gos gsar pa bgos nas maN+Dal byas te/ lag na me tog dang bcas pa dkyil 'khor gyi drung du bzhag ste/ pus mo btsugs te thal mo sbyar nas gnas pa la/ slob dpon gyis 'di skad brjod de/sngags kyi dngos grub don de gang / /dkyil 'khor 'dir ni gzhug par bya/ /bsod nams 'dod pa de las gzhan/ /gang dag 'jig rten pha rol gnyer/ /dag pa chen por ldan pa dag /'jig rten pha rol la dmigs la/ /blo ldan dkyil 'khor gzhug bya ste/'di yi 'bras bu gnyer mi bya/ /gal te 'di 'bras don gnyer na/ /'jig rten pha rol 'grub mi 'gyur/ /'jig rten pha rol la dmigs na/ /'bad pa med par 'di 'bras 'grub/ /ces bya ba bsgrags la/ de nas slob mas 'di skad gsol ba gdab ste/sangs rgyas mkha' 'gros yongs 'khyud pa'i/ /dpa' chen khyod bdag ston pa ste/ /slob dpon chen po dgongs su gsol/ /byang chub chen po'i tshul bstan pa/ /mgon po chen po bdag 'tshal lo/ /dam tshig de nyid bdag la stsol/ /bdag la byang chub sems kyang stsol//sangs rgyas chos dang dge 'dun te/ /skyabs gsum dag kyang bdag la stsol/ /thar pa chen po'i grong mchog tu/ /mgon po bdag ni gzhug tu gsol/ /de nas slob dpon gyis slob ma la 'di skad brjod do/ /bu tshur shog cig theg chen gyi/ / khyod ni tshul chen snod yin pas/ /sngags spyod tshul gyis cho ga rnams/ /khyod la yang dag bstan par bya/ /sku gsung thugs kyi rdo rje can/ /dus gsum 'byung ba'i sangs rgyas rnams/ /'gro la phan phyir bzhugs pa kun/ /de dag gis ni gsang sngags kyi//cho ga yis ni 'di bsgoms nas/ /dpa' bo byang chub shing drung du/ /thams cad mkhyen pa mtshan med brnyes/ /shAkya seng ge skyob mchog gis/ /gsang sngags sbyor ba mnyam med pas/ /drag po chen po bdud kyi sde/ /dpung chen dag kyang des bcom nas/ /'jig rten mthun par gshegs nas su//'khor lo bskor nas mya ngan 'das/ /de bas kun mkhyen thob bya'i phyir/ /bu yis blo gros 'di byos shig /ces brjod la/ de nas slob mas sems bskyed cing / /sdom pa bzung ste/ dkon mchog gsum la skyabs su mchi/ /sdig pa thams cad so sor bshags//'gro ba'i dge la yi rangs te/ sangs rgyas byang chub yid kyis gzung / /de nas rtsa ba'i sngags kyis bsrungs nas/ spyi bo dang mgrin pa dang snying ga rnams su/ oM AHhUM/ zhes pas byin gyis brlabs la/ de nas khu tshur g.yas pas rdo rje bzung ste langs la/tsan+dan gyi chu dang bcas pas spyi bo la sogs pa'i gnas gsum du yi ge 'bru gsum brjod cing nye reg bya'o/ /de nas sngags dang bcas pas spyi bor me tog /mdun du spos/ mig sngar mar me byin la/ de nas so shing a shwat+tha la sogs pa las byung ba gas chag med cing drang ba sor bcu gnyis pa'i tshad la rtse mo'i phyogs su me tog dang bcas pa la rtsa ba'i sngags mngon par bzlas te byin la rtse mo me tog dang bcas pa 'chos te/ba lang gi ko ba tsam gyis maN+Dal byugs la/ kha shar du bltas te drang por dor ro/ /rtse mo phyogs gang du bltas pa las/las dang dngos grub kyi ltas brtag par bya'o/ /de nas dri'i chu la oM hrIHbi shud+d+haHsarba d+harmAHsarba pA baM nish+tsa saM sho d+ha ya sarba ba ki wAn a pa na ya hUM zhes pas mngon par bsngags la lan gsum blud do/ /de nas yi ge d+hIHzhes bzlas pa'i ku sha sngas su byin la/ ha bzlas pa ni stan du sbyin no/ /de nas AHhUM zhes pa'i skud pas mdud pa gsum dang ldan pa dpung par gdags so/ /de nas spro ba bskyed cing chos bshad do/ /'jig rten du ni kun mkhyen dag /u du m+bA ra'i me tog bzhin/ /brgya lam na ni res 'ga' zhig /'byung 'gyur yang ni mi 'byung srid//gsang sngags spyod pa'i tshul 'byung ba/ /de bas kyang ni dkon pa ste/ /gang gis sems can mnyam med don/ /bla med byed bar nus pa yin/ /bskal bar bye ba du ma ru/ /sngon du sdig pa byas pa gang / /dkyil 'khor 'di 'dra mthong ma thag /de dag zad par 'gyur yin na//grags pa mtha' yas sngags spyod pa'i/ /tshul la gnas na smos ci dgos/ /skyob pa'i gsang sngags bzlas nas ni/ /go 'phang bla na med par 'gyur/ /gang gis spyod pa mchog 'di la/ /blo gros shin tu dri med na/ /sdug bsngal thams cad 'byung ba yi//ngan 'gro de yis gcod par 'gyur/ /bdag nyid chen po khyed rnams kyis/ /rnyed pa mnyam med de ring rnyed/ /gang phyir rgyal ba sras bcas pa'i/ /bdag nyid chen po thams cad kyis/ /bstan pa 'di la khyed rnams kun/ /yongs su bzung ste skye bzhin pas//de phyir khyed rnams theg chen du/ /legs pa nyid du 'gro bar 'gyur/ /theg pa chen po cher 'byung ba/ /lam mchog 'di ni dpal dang ldan/ /khyed rnams der ni dong bas na/ /rang byung skal ba chen po pa/ /'jig rten thams cad mkhyen pa yi/ /de bzhin gshegs pa nyid du 'gyur//zhes brjod la/ de'i rjes la slob ma rtsa ba'i sngags kyis bsrungs la/ thal mo sbyar nas 'di skad ces sdom pa 'dzin du gzhug go/ /mi ldog 'khor lo'i dbang bskur ba/ /mgon pos bdag la stsal nas kyang / /'khor lo lha yi de nyid dang //slob dpon yongs su phrin las dang / /sangs rgyas kun gyi dam tshig dang / /gsang ba'i sdom pa bla med gsungs/ /zhes so/ /de nas rmi lam ci mthong ba nga la smros shig /ces bsgo la rang rang gi gnas su btang ste/ lha la lhag par mos pas nyal la rmi ltas brtag go//de nas slob dpon gyis nang du zhugs te/ slob ma bsrung ba'i phyir/ 'khor lo can gyi sngags bzlas nas gtor ma gtang ngo / /nang par slob ma bos nas rmi ltas dris la/ mi dge ba'i ltas mthong na rtsa ba'i sngags bzlas la bsrung ngo //slob ma sta gon la gnas pa'o/ /de nas thig bri zhing gdab ste/ de yang / ras bal la sogs legs bkal ba'i/ /gsar zhing sbom phra 'jur mdud med/ /dkyil 'khor nyis 'gyur tshad kyis ni/ /mkhas pas dkyil 'khor thig gdab bya//de nas las thams cad pa'i skud pas dkyil 'khor ji lta ba bzhin du thig gdab ste/ de yang / dang por tshangs thig gnyis btab nas/ /de 'og mtshams kyi thig gnyis bris/ /de nas dkyil 'khor tshad dang ni/ /mthun par gru bzhir gdab par bya//phyogs dang mtshams dang thig gi bar/ /mnyam bor cha snyoms gdab par bya/ /de nas slob dpon dbus 'dug la/ /dbus su phur pa btab nas ni/ /thig skud nyis ltab phur la gdags/ /de 'og snying po pho brang ni/ /ji tsam rigs par zlum por bskor/ / de nas dbang ldan phyogs nas ni/ /slob mas rim pa gnyis bskor nas/ /rdo rje'i ra ba me ri bcas/ /zlum po gnyis su bskor byas pas/ /dbus su sna tshogs pad 'dab brgyad/ /rdo rje phreng ba bcas par 'gyur/ /de nas ye shes lnga'i rang bzhin gyi tshon sna lnga kha dog bsgyur ba'i skud pa snod so sor bzhag la bdag nyid dpal he ru ka'i ting nge 'dzin la gnas pa dang /mig gnyis su Ta dang ma las nyi ma dang zla ba bsams la/ 'bar ba'i lta bas de bzhin gshegs pa thams cad nam mkha' la bkug ste/ der dgug pa dang gzhug pa dang bcing ba dang dbang du byas nas bdud rtsi lngas gtor ro//de yang / rab phyung myur bar bskul ba'i mig /mig gi rdzi mas 'gugs byed pa'i/ /'bar ba'i lta ba zhes bya ste/ /'gro ba thams cad 'gugs par byed/ /ces so/ /de nas oM a b+ha ga bAn sha shwa swa te su traM pra yats+tsha swa tsa kra sU tra nA ya hUM zhes pas nam mkha' la bzhugs pa'i dkyil 'khor las/ye shes kyi skud pa blangs te/ de yang / phan tshun rjes su rtog pa ste/ /chos kun phan tshun rjes su 'gro/ /chos rnams thams cad rjes su yang / /'gro ba phan tshun rjes su brjod/ /ces brjod la/slob ma rdo rje mkha' 'gro mar bsgoms pa dang gnyis kyis lhan cig tu bsgril te/ oM a n+yo n+ya a nu ga ta sarba d+harmAHsba ra spa ra sarba d+harmAHa nu pra biSh+Tha sarba d+harmA hUM/ zhes brjod cing gcig tu bsgril lo/ /de nas bdag nyid nub phyogs su gnas la/ rdo rje la dkris pa'i skud pa khu tshur g.yon pas bzung ste/shar phyogs na gnas pa'i slob ma la/ dzaHdzaHdzaHzhes gtad la tshangs thig dang po gdab ste/ oM badzra sU tra sa ma ya mA ti kra ma hUM/ sems can don du byed dus su ni/ /nam mkhar bzhugs pa'i de bzhin gshegs/ /de dag 'dir ni gshegs bya'i phyir//thig skud sgra yis bskul bar bya/ /zhes brjod la gdab bo/ /de ltar nam mkha' la thig thebs pa ni thig skud kyi sgras de bzhin gshegs pa rnams bskul te byon par 'gyur ro/ /de nas bskor ba'i phyogs su song ste/ gshin rje'i phyogs su gnas pas byang phyogs na gnas pa'i slob ma dang tshangs thig gnyis pa gdab po//de bzhin sa la yang gdab po/ /de nas me mtshams su song ste/ dbang ldan gyi mtshams na gnas pa dang shar phyogs kyi thig gdab po/ /de bzhin du skor phyogs dang sbyar las thig ji ltar gnas pa de bzhin du/nam mkha' dang sa la yang gdab po/ /de nas oM badzra muHzhes pas ye shes kyi skud pa gshegs su gsol lo/ /de nas bri tshon te/ gser la sogs pa'i tshon rtsi lnga'am/ ma 'byor na 'bras phye la sogs pa'i phye ma zhib tu btags te/ dri zhim pos bdugs te/thod pa'i snod du bzhag nas thig gi skabs dang 'dra bar 'bar ba'i lha'i de bzhin gshegs pa thams cad bkug la/ kha dog ji lta ba bzhin du bstim ste/ oM badzra tsi tra sa ma ya hUM zhes brjod cing mngon par bsngags la/ chos dbyings 'di ni rnam par dag /sems can khams rnams sgrol byed pa'i//he ru ka dpal rgyal chen gyi/ /dkyil 'khor snying po bri bar bya/ /zhes brjod nas lag pa g.yon pa'i khu tshur gyis tshon rtsi rnams so sor bzung la/ dbang ldan gyi phyogs nas brtsams te ri mo phan tshun ma 'byar ba dang / ya yo med par g.yas skor du bri/de'i rim pa la ni nang rol nag po'o/ /de'i phyir dkar po'o/ /de'i phyi rol ser po/ de nas dmar po/ tha mar ljang gu'o/ /de ltar ri mo lnga po cung zad cig bris nas/ kham phor la sogs pas bkab la phyi nas mtshan ma brtag go/ /phyi nas slob ma rnams kyis ci bder bris te/rdo rje phreng bas bskor ba'i snying po'i dkyil 'khor ni dkar po'o/ /de'i phyi rol gyi pad+ma 'dab ma brgyad ni dmar po'o/ /rdo rje phreng ba ni nag po'o/ /de'i phyi rol du nag po la dur khrod brgyad do/ /de'i phyi rol du rdo rje ri rab me 'od dang bcas pa'o/ /dbus kyi snying po pho brang la/nyi ma la gnas pa'i thod pa'am/ kha T+wAM ga bri'o/ /shar du nyi ma'i steng du rdo rje'o/ /lhor nyi ma'i steng du rin po che'i lcug ma'o/ /nub tu nyi ma'i steng du pad+ma'o/ /byang du nyi ma'i steng du ral gri'o/ /phyi rol dur khrod brgyad rnams ni shing lo la gnas pa'i phyogs skyong gi gdan gyi mgo rdo rje'i phreng ba dang me 'od ci rigs par bri'o//de nas bgegs bsal ba ni bdag nyid khro bo las thams cad pa'i skur bsgoms la/ /rdo rje dril bu gsor zhing lan gsum du bskor la/ hUM zhes brjod cing g.yas brkyang la sogs pa las kyi sbyor ba dang / khro bo'i phreng sngags bzlas pa'i ngag gi sbyor ba dang /stong pa nyid bsgoms pa'i sems kyi sbyor bas bgegs bsal lo/ /de nas bum pa gzhung dang mthun par rtsa ba nag po la sogs pa'i skyon med pa lnga la/ lha so so'i mtshan ma bris nas/ /gong du smos pa'i cho gas byin gyis brlabs la/dbus kyi bum par dpal he ru ka yab yum bskyed nas sa bon gyi 'od kyis ye shes kyi lha bkug nas bstim ste/ me tog la sogs pas mchod nas/ rdo rje kha rgyan gyi steng du bzhag ste/ rtsa ba'i sngags 'bru gsum dang bcas pa brgya rtsa brgyad bzlas nas/ de nas yab yub 'od du zhu ste/ye shes kyi bdud rtsi'i chur gyur par bsam mo/ /de bzhin du bum pa bzhi la yang rdzogs par bya'o/ /gzhan yang yon chab la sogs pa'i mchod pa rnams 'bru gsum gyis byin gyis brlabs la gdan dang gos kyis dag pa la sogs pa bya'o/ /de nas dkyil 'khor bsgrub pa ni/dkyil 'khor gyi phyi rol du ba'i lci bas byugs la/ me tog sil ma bkram/ bla bre dang / rgyal mtshan la sogs pa bre/ bum pa kun nas so sor bzhag ste/ rnam par rgyal ba'i bum pa gzhag pa'am yang na shar phyogs kyi sgo'i nang du gzhag go/ / las thams cad pa'i bum pa ni/ bsang gtor bya ba'i phyir sgo'i g.yas phyogs su gzhag go/ /bum pa kun las chu nyung zad bsdus la pad+ma'i snod du blugs te/ rnam par rgyal ba'i bum pa'i steng du gzhag go/ /de nas slob dpon bdag nyid khrus byas te/ rgyan chas ldan par byas la nang du zhugs te/stan bde ba la 'dug nas rim pa 'di gnyis kyis dkyil 'khor sprul par bya ste/ lo bcu gnyis la sogs pa'i mtshan nyid dang ldan pa'i bu mo'am yang na 'od kyi rig ma snying ga nas phyung la/ yab yum gnyis lha'i skur bsgoms nas/ gsang gnas gnyis byin gyis brlabs te/snyoms par zhugs nas bde ba'i sgras/ de bzhin gshegs pa thams cad bkug ste bdag la bcug ste/ bdag la 'khor lo'i tshul du nam mkha'i khams la khyab par spros nas slar bsdus te/ ye shes kyi lha dang 'dres nas so sor zhugs pa'am/yang na stong pa nyid du bsgom pa'i ngang las hUM gi snang ba las ra ba dang dra ba dang sa gzhi bsgoms la/ de'i nang du sna tshogs pad+ma bsams te/ de'i rjes la dbus dang phyogs bzhi char la/ nyi ma la thig le phra mo re re bsgom/ de nas shar phyogs kyi thig le las rdo rje'i rigs dpag tu med pa spros te/ye shes kyi rdo rje'i rigs thams cad bsdus nas/ shar phyogs kyi thig le la thim pas rdo rje mkha' 'gro mar bskyed do/ /de bzhin du mkha' 'gro ma gsum yang bskyed do/ /dbus kyi thig le las rigs lnga char gyi sangs rgyas dang byang chub sems dpa' la sogs pa spros te/slar 'dus te dbus kyi thig le la thim pas sangs rgyas mkha' 'gro ma dang bcas pa'i dpal rdo rje he ru ka bskyed la/ de nas yang yab yum snyoms par zhugs pa'i bde pa'i ngo bo 'od du zhu ste 'od kyi gong bur gnas pa la/ phyogs bzhi'i lha mo bzhis glus bskul bas yab yum dus gcig tu skur bzhengs par bsgom mo/ /de ltar ye shes kyi dkyil 'khor dang bcas pa'i lha'i 'khor lo sprul nas/ de nas phyi'i mchod pa yon chab la sogs pa rol mo'i bar gyis mchod pa'o/ /nang gi mchod pa ni bdud rtsi myang ba nas nang gi tshogs kyi mchod pa'o//gsang ba'i mchod pa ni dbang po gnyis kyi bde ba'o/ /bla na med pa'i mchod pa ni gnyis su med pa'i bsgom pa'o/ /de nas sngar smos pa'i bstod pas bstod nas lha rnams kyi sngags 'bru gsum dang spel ba ci nus pas bzlas la yang phyi nang gi mchod pas mchod nas/de nas gtor ma rgya chen po gtang ngo / /de nas nang du zhugs te bdag nyid dkyil 'khor du 'jug cing dbang nod pa'i phyir/ byang chub rdo rjes sangs rgyas la/ /mchod chen ji ltar mdzad pa bzhin/ /bdag kyang rab tu bsgral slad du/nam mkha'i rdo rje bdag la stsol/ /zhes lha la gsol ba btab la/ de nas dkyil 'khor gyi bdag pos bdag la gnang ba byin nas dkyil 'khor du zhugs pa nas rjes su gnang ba'i bar du rdzogs par bskur bar bsgom mo/ /de nas dam tshig gi glus bstod de/oM nam mkha' las byung mtshan med phyir/ /thog ma tha ma med pa'i mchog /sems dpa' rdo rje che rang bzhin/ /rdo rje 'dzin par bdag sgrubs shig /dngos grub chen po kun gyi mchog /dbang phyug chen po lhag pa'i lha/ /rdo rje 'dzin pa kun gyi rgyal/ / mi 'gyur mchog tu bdag sgrubs shig /nyes pa med pa rtag pa ste/ 'dod chags kun du rjes su chags/ /'dod chags chen po dga' ba che/ /bcom ldan de nyid bdag sgrubs shig /shin tu dag pa kun gyi mchog /gdod nas grol ba de bzhin gshegs/ / kun du bzang po kun bdag nyid/ /byang chub sems su bdag sgrubs shig /dngos grub chen po mchog gi mchog /dbang phyug chen po rgyal bas rgyal/ /grub pa'i rdo rje cher bstod pas/ /rdo rje snyems ma bdag po'i bdag /sems can kun gyi yid khyab pa/ / sems can kun gyi snying la gnas/ /sems can kun gyi yab nyid de/ /'dod chags mnyam pa'i dam tshig mchog /ces pa'i dam tshig gi glus bstod pa bya'o/ /de nas bden pa'i byin gyi rlabs 'di brjod do/ /shes rab thabs bdag dkyil 'khor gyi/ / bden pa'i byin rlabs gang yin pa/ /bden pa de yis mgon khyod kyis/ /bdag gi 'dod pa skong byed shog /chos rnams gzugs brnyan lta bu ste/ /gsal zhing dag la rnyog pa med/ /gzung du med cing brjod du med/ /rgyu dang las las byung ba dang / /de bzhin kho na nyid las byung //bden pa de yis dkyil 'khor ni/ /gzugs brnyan gsal bar sems can rnams/ /dri med thams cad thob par shog /ces so/ /de nas slob ma gzhug par bya ste/ slob ma khrus byas te gos gsar pa bgos la dar dmar pos gdong g.yogs te/yol ba'i phyi rol du bzhag la las kyi bum pa'i chus gtor te/ me tog bzung ste gnas pa las slob dpon gyis/ 'dod pa dga' ba khyod su yin/ /zhes dri'o/ /des kyang / bdag ni skal bzang bde chen mos/ /zhes smra'o/ /yang slob dpon gyis/ thar pa chen po'i grong mchog tu/ /rab tu 'jug par khyod spro'am/ /slob mas/ thar pa chen po'i grong mchog tu/ /bdag ni 'jug par 'tshal lags so/ /zhes lan gdab po/ /de nas oM sarba yog tsit+ta ut+pA da yA mi zhes pas byang chub tu sems bskyed pa/ de nas sdom pa gzung ste/thog med dus nas 'khor ba nas/ /bdag gis sdig pa ci bgyis dang / /bgyid stsal gang lags di ring bshags/ /gtso la slar yang sdom par 'tshal/ /rgyal ba sras bcas rnams dang ni/ /'gro gzhan dge ba gang bgyid pa/ /de dag kun la yi rang ste/ /byang chub tu ni bdag gis bsngo//sangs rgyas chos dang dge 'dun la/ /di ring bdag nyid skyabs su mchi/ /'khor ba'i sdug bsngal gcod pa dang / /dge ba rnams ni spel ba'i phyir/ /byang chub sems gnyis bskyed nas su/ /'gro rnams bdag gis mgron du gnyer//sangs rgyas gyur nas 'gro ba rnams/ /ma lus srid mtsho las bsgral bgyid/ /de nas me tog dang bcas pa'i rdo rje snying gar bzhag la/ /oM su ra te sa ma ya s+t+waM ho/ sid+d+hi badzra ya thA su khaM zhes lan gsum du brjod do/ /de'i rjes la deng khyod de bzhin gshegs pa thams cad kyi rdo rje ye shes kyis byin gyis brlab par 'gyur gyis/gsang chen dam pa 'di de bzhin gshegs pa thams cad kyi dkyil 'khor du ma zhugs pa rnams la smra bar mi bya zhing / ma dad pa rnams la yang ma yin no zhes bsgo la/ A khaM bI ra hUM zhes pas yol ba'i nang du bcug la/de ring khyod de bzhin gshegs pa thams cad kyi rigs su zhugs te/ ye shes gang gis de bzhin gshegs pa thams cad kyi dngos grub kyang thob par 'gyur na dngos grub gzhan lta ci smos te/ de lta bu'i ye shes ngas bskyed par bya yis/ khyod kyis dkyil 'khor ma mthong ba rnams kyi mdun du smra bar mi bya ste/khyod dam tshig nyams par gyur ta re/ de nas de'i spyi bor rdo rje bzhag la/ 'di ni khyod kyi dam tshig ste/ gal te tshul 'di gang su yang rung ba la smras na khyod dam tshig gi rdo rje 'dis mgo 'gas par byed do zhes brjod la/slar yang rdo rje snying gar bzhag la/ oM rdo rje sems dpa' nyid khyod kyi/ /snying la di ring yang dag zhugs/ /gal te tshul 'di smras na ni/ /de ma thag tu dral te gshegs/ /zhes so/ /de nas mna' bsgags te/ rnam rgyal bum pa'i steng gi pad+ma'i snod kyi chu la/oM badzra a mr-i ta u da ka Sha hUM zhes mngon par bzlas la/ 'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub ni/ /rdo rje bdud rtsi'i chu 'dis 'grub/ /ces brjod de blud la/ de ring tshun chad khyod kyi rdo rje sems dpa' nga yin gyis/ngas gang bsgo ba rnams bu khyod kyis bya dgos la/ nga la brnyas pa yang ma byed cig /byas na ya nga ba ma spangs par shi ba'i dus byas nas sems can dmyal ba chen por ltung bar gyur ta re zhes smos te/ de nas slob mas de bzhin gshegs pa thams cad kyis bdag la byin gyis rlobs la dpal he ru ka bdag la dbab tu gsol/zhes pas gsol ba btab la/ de nas slob ma'i snying gar dbang chen gyi dkyil 'khor rdo rjes mtshan pa la hUM/ mgrin par chu'i dkyil 'khor bum pas mtshan pa la baM/ spyi bor rlung gi dkyil 'khor ba dan gyis mtshan pa la haM/rkang mthil du rlung mes mtshan pa'i dkyil 'khor la dz+haiM dmar po bsgoms la/ rdo rje dril bu gsil zhing 'gying bag dang bcas pas/ oM A be sha ya stam+b+ha ya/ ra ra ra ra tsa la ya tsa la ya/ hUM a hA dz+haiM u zhes lan brgya bzlas la dbab po//babs nas lce la a dmar po bsams la/ gsungs shig rdo rje dge mi dge /zhes dris pas/ legs nyes gang yin pa'i ltas ston par 'gyur te/ de yang thugs babs na yongs su shes pa skye'o/ /gsung babs na sngags smra'o/ /sku babs na nam mkha' la gnas so//de nas oM tiSh+Tha badzra zhes pas babs pa brtan par bya'o/ /'di ni dbab pa'i cho ga'o/ /de nas slob mas maN+Dal bya ste/ me tog bkram la lha dang bla ma la yon phul nas/ byang chub rdo rje sangs rgyas la/ /zhes pa la sogs pas gsol ba gdab po/ /de nas slob dpon gyis/snying po'i dkyil 'khor 'di ru ni/ bdag gi slob ma gzhug par bgyi/ /lha yi rigs kyi rim pa bzhin/ /bsod nams gang yin de bzhin shog /'dis ni dngos grub gang 'grub dang / /rigs ni gang gi snod du 'gyur/ /'di yi bsod nams ci yod pa/ / dkyil 'khor du ni de bzhin shog /ces bden pa'i byin gyi rlabs brjod la/ de nas mig sngar snang ba'i 'od kyi bye brag dri'o/ /des kyang smras te/ dkar po la sogs pa gang mthong ba las gang 'grub pa'i lha'i ltas brtag go/ /de nas dkyil 'khor gyi lha rnams la sngar smos pa'i bstod pas bstod la me tog dor bar bya ste/bde gshegs snying po'i dkyil 'khor du/ /rigs pa'i me tog 'di dor bas/ /sngon tshe ye shes bsnyen pa'i lha/ /gang yin de la 'bab gyur cig /pra tIts+tsha hoHzhes brjod pas me tog dor bar bya'o//de nas me tog gang du lhung ba de las/ de dang mthun pa'i lha dbab par bya ste/ de yang / me tog rin chen la sogs pa/ /gang la babs par rigs kyi lha/ /gtso bor rigs de bsgom pa ni/ /dngos grub 'gyur te the tshom med/ /ces brjod nas me tog de slob ma'i mgo la bcing ngo //de nas slob ma'i mig gnyis su oM bsgoms la/ oM rdo rje sems dpa' nyid khyod kyis/ /mig 'byed par ni nan tan byed/ /bye bas thams cad mthong gyur bas/ /rdo rje'i mig ni bla na med/ /ces brjod de gdong g.yogs bkrol la//thar ba chen po'i grong khyer mchog /ltos shig ltos shig sems dpa' che/ /me tog gang du ltung gyur pa/ /de ni khyod kyi lha yin no/ /zhes brjod la/ dkyil 'khor bltar bcug la sgo srung nas yar gtso bo'i bar du ming brjod pa sngon du 'gro bas bstan par bya ste dkyil 'khor du gzhug go//de nas dbang bskur te/ de yang / dbang bskur nas ni de nyid bstan/ /gzhan du na ni dngos grub dag /shin tu ring ba nyid 'gyur ro/ /rdo rje 'dzin pas de skad gsungs/ /de bas na dngos grub kyi phyir rjes su mthun pa'i yon bla ma la phul nas/gsol ba btab la phyag bya'o/ /slob dpon gyis de las dbang bskur ba'i phyir/ /rtsa ba'i dkyil 'khor gyi phyi rol du snying po'i dkyil 'khor gyi phyed tsam gyi dkyil 'khor gru bzhi sgo bzhi pa la dbus su pad+ma 'dab brgyad ge sar dang bcas pa sgo ru lha mo bzhi'i mtshan ma bris la/der slob ma bzhag ste shis pa'i cho ga'o/ /de yang yungs kar la bcom ldan 'das kyi rtsa ba'i sngags bzlas te/ lag pa g.yas g.yon gyi khu tshur gyis bzung nas lan gnyis su bskor nas kham phor gyi me'i nang du blugs so/ /de bzhin du lan gsum du bya'o//de ltar chu'i shis pa yang bya'o/ /de nas yang rtsa ba'i sngags kyis bsrungs la nye reg bya ste/ rtsa ba'i sngags kyis btab pa'i dri snying gar/ me tog mgo la/ mar me mig sngar/ mar dang rdzes bsregs de'i bdug pas bdugs te shis pa'i cho ga'o//de nas he ru kar dmigs la mig la sogs pa byin gyis brlabs la/ steng du bla bre/ g.yas phyogs su hUM bzlas pa'i gdugs dkar po gser gyi yu ba can gzung ngo / /g.yon du rgyal mtshan dang / ba dan bsgreng la zangs dang dung gi bud pa la sogs pa'i rol mo'i sgras nam mkha' gang bar bsams la/rdo rje dang dril bu dkrol te/ phun sum tshogs pa mnga' ba gser gyi ri bo 'dra/ /'jig rten gsum gyi mgon po dri ma gsum spangs pa/ /sangs rgyas pad+ma rgyas pa 'dab 'dra'i spyan mnga' ba/ /'di ni 'jig rten dge ba'i bkra shis dang po yin//de yis nye bar bstan pa'i dam chos mi g.yo ba/ /'jig rten gsum du grags shing lha dang mi yis mchod/ /chos kyi dam pa skye dgu rnams la zhi byed pa/ /de ni 'jig rten dge ba'i bkra shis gnyis pa yin/ /dge 'dun dam pa'i chos ldan thos pa'i bkra shis phyug /lha dang mi dang lha ma yin gyi sbyin pa'i gnas/ /tshogs kyi rab mchog ngo tsha shes dang dpal gyi gzhi/ /de ni 'jig rten dge ba'i bkra shis gsum pa yin/ /zhes bya ba la sogs pa bkra shis kyi glu blangs la dbang bskur te/ /ji ltar bltams pa tsam gyis kyang //de bzhin gshegs pa khrus gsol ba/ /lha yi chu ni dag pa yis/ /de bzhin bdag gis khrus bya'o/ /oM sarba ta thA ga ta sa ma ya shri ye hUM zhes brjod pa'i dang por rnam rgyal gyi bum pa'i chus gtor/ /de nas lha mo rnams kyi bum pas so/ /de nas nang gi dbang bskur te/snying ga'i sa bon gyi 'od zer gyis phyogs bcu'i ye shes kyi 'khor lo nam mkha' la bkug la/ thugs rje'i rang bzhin can rnams kyis/ /'di la dbang bskur rab tu stsol/ /zhes yid kyis dbang bskur nas/ de dag rang gi 'od las byung ba'i dbang bskur bar bsams la/sangs rgyas dag ni thams cad kyi/ /gsang gsum gnas las byung ba yi/ /khams gsum kun gyis phyag byas pa/ /dbang bskur gnang ba chen po sbyin/ badzra a b+hi Shiny+tsa hUM zhes brjod cing bkru'o/ /de nas bcom ldan 'das rig ma dang bcas pa de dag slob ma'i bu gar btsud de/lus thams cad bde ba'i rang bzhin du byas nas/ mi bskyod pa'i cod pan gyi sbyor bas bsams te/ mi bskyod pa'i rang bzhin gyi chu'i dbang ngo / /de nas gser la sogs pa'i khams kyi rang bzhin las byas pa'am/ ma 'byor na dar dang ras la sogs pa las byas pa'i cod pan bcings la/ nam mkha' gang ba'i de bzhin gshegs pa thams cad rin chen 'byung ldan gyi gzugs kyis der zhugs par bsams te/ bdag po rtags kyis mtshan pa yi/ /rtags kyi dam pa cod pan gyis/ /de ring khyod la dbang bskur bas//'gro ba'i mgon skyabs byed par shog /oM rat+na mu ku Ta a b+hi Shiny+tsa zhes pas dbang bskur te/ rin chen 'byung ldan gyi rang bzhin gyi cod pan gyi dbang ngo / /de nas rdo rje rtse lnga pa blangs te/ slob ma'i gnas gsum du gtugs la/ sangs rgyas kyi ni rdo rje'i dbang //di ring khyod la bskur bar bya/ /'di de sangs rgyas thams cad nyid/ /rab tu bsgrub phyir rdo rje gzung / /ma hA badzra hUM zhes pas lag pa g.yas su rdo rje sbyin/ snang ba mtha' yas kyi rang bzhin gyi rdo rje'i dbang ngo / /de nas lag pa g.yas pa dang g.yon par rdo rje dril bu byin la/shes rab dril bu'i dbang bskur ba/ /di ring khyod la sbyin par bya/ /'di de sangs rgyas thams cad kyi/ /shes rab chos kyi dbyings zhes gsungs/ ma hA badzra g+haN+Da aHzhes pas g.yon par dril bu byin la/ g.yas g.yon bsnol te 'khyud pa'i tshul du bya ste/ 'di ni dam tshig rdo rje'i rang bzhin gyi bdag po'i dbang ngo //de nas rdo rje dril bu slob ma'i dbang por bzung la/ gang dang gang snang de dang de/ /he ru ka dpal rang nyid gtso/ /gang phyir chos rnams rnam dag pas/ /sangs rgyas ye shes rang bzhin nyid/ /oM badzra satwa s+t+waM a b+hi Shiny+tsa mAM/ badzra a b+hi She ka ta zhes pas ming gi dbang bskur te/ kya dpal che ge mo zhes rigs dang mthun pa'i ming las gang 'dod pa sbyin no/ /'di ni rtag pa'i rang bzhin gyi ming gi dbang ngo / /de dag go rims bzhin du/ me long lta bu dang / mnyam pa nyid dang / so sor rtog pa dang / bya ba grub pa dang /chos kyi dbyings rnam par dag pa'i ye shes te/ ye shes lnga'i rang bzhin no/ /dbang bskur ba lnga po de dag gis rgyud la sogs pa nyan pa dang / bshad pa dang sgrub pa'i snod du 'gyur ro/ /de dag gis ni spyan la sogs pa'i rig pa lnga'i las yin pa dang / ma rig pa bzlog pas rig pa'i dbang lnga'o//de nas slob dpon gyi dbang bskur te/ bdag dang gzhan gyi don gyi phyir/ /rdo rje slob dpon dbang bskur ba/ /thugs rje can khyod bka' drin gyis/ /de ring bdag la stsal du gsol/ /zhes pas gsol ba btab la/ rdo rje che dang dril bu che/ / zung shig rdo rjes byin gyis brlabs/ /de ring rdo rje slob dpon gyur/ /slob ma'i tshogs rnams bsdu bar gyis/ /zhes slob ma la bskul la/ de'i rjes la dam tshig gsum po 'dzin du gzhug ste/ hUM gis rdo rje bsgoms la/ 'di de sangs rgyas thams cad nyid/ /rdo rje sems dpa'i phyag na gnas//rtag tu khyod kyis gzung bar bya/ /phyag na rdo rje'i brtul zhugs brtan/ /oM sarba ta thA ga ta sid+d+hi badzra sa ma ya tiSh+Tha e Sha twaM d+ha ra ya mI hi hi hi hi hUM zhes rdo rje gtad de gzung bas/ de kho na nyid 'di brjod de/ thog mtha' med pa'i sems dpa' ni/ /rdo rje sems dpa' de bzhin gshegs//kun du bzang po kun bdag nyid/ /rdo rje snying po bdag nyid gtso/ /bcom ldan 'das dpal mchog dang po'i skyes bu'o/ /de nas AHlas skyes pa'i dril bu byin la/ 'di ni sangs rgyas thams cad kyis/ /shes rab thabs kyi rjes 'gror brjod//khyod kyis kyang ni rtag tu bcang / /byang chub mchog tu rgyal ba bzhed/ /ces pas dril bu byin la/ srid pa rang bzhin dag pa'i phyir/ /ngo bo nyid kyis gdod nas dag /rang bzhin dag pa'i sems dpa' yis/ /srid pa dag pa'i mchog tu byed/ oM badzra g+haN+De ra Ni ta pra ra Ni ta saM pra ra Ni ta sarba bud+d+ha k+She tra pra tsa li pra dz+nyA pA ra mi tra/nA da swa b+hA ba badzra d+ha ra hr-i da ya/ a ba to Sha ni hUM hUM hUM phaT phaT phaT swA hA/ zhes pas dkrol bar bya ste/ dril bu'i brtul zhugs so/ /de nas phyag rgya'i brtul zhugs sbyin te/ de yang / shes rab lo grangs bcu gnyis ma/ /lag gnyis mgul du 'khyud byas te/ /rdo rje dril bu'i sbyor ba yis/ /slob dpon gyi ni dbang du 'dod/ /ces so/ /de bas na rang gi phyag rgyar byin gyis brlabs pa'o/ /de yang / yid kyi lus ni brtan pa'i phyir//dam tshig phyag rgyar rab tu grags/ /gang gis las kun brtan byed pa/ /de ni phyag rgyar rab tu grags/ /zhes pas rang gi lha'i rnam par mngon par rtogs pa bskyed la/ de nas me tog la sogs pas kun nas mchod cing bstod pa bya ste/ de yang snyems pa dang bcas pas me tog gcig slob ma'i mgo la dor la/deng nas brtsams te rdzogs sangs rgyas/ /sras dang bcas rnams rnam rol cing / /rdo rje snyems pa'i rab sbyor gyis/ /dga' ston bde ba'i mchod pa gyis/ /a/ sgeg dang bcas pa'i phreng ba 'phang //sangs rgyas thams cad mchod par bya/ /des ni bcom ldan 'bral mi 'gyur/ /phreng ba de yi rgyan yin no/ /oM/ lus can rnams la dam chos kyi/ /khyod kyis glu ni blang bar bya/ /de yis bde gshegs dngos grub ni/ /myur du bde ba myong bar 'gyur//gI/ de nyid thal mo gar gyis ni/ /sangs rgyas thams cad chags par mos/ /sangs rgyas 'du ba'i phrin las kyis/ /gar mkhan tshul du bsgyur bar gyis/ /hoH/ rdzogs sangs rgyas la spos btul la/ /brtul zhugs bzang pos legs tshim gyis//lus can bde gshegs cha lugs su/ /yi shes kyis ni tshim par gyis/ /a/ sangs rgyas rnams la me tog dor/ /byang chub yan lag tshogs gyur pas/ /mtshan dang dpe byad ldan pa yi/ /bde gshegs sku ni thob par 'gyur/ /b+h+rUM/ chos kyi me ni legs spar bas/ /rdo rje chos dang 'dra ba ru/ /sems can ma rig ldongs pa la/ /ye shes sgron mas sbar bar gyis/ /pra/ rgyal ba rnams la dri phul bas/ /tshul khrims de bzhin gshegs rab dang / /rnam grol ye shes mthong ba yis/ /byang chub lus can rnams la bsgos//gA/ de'i rjes la gser gyi thur ma la bcom ldan 'das kyi rtsa ba'i sngags bzlas te/ ji ltar mig mkhan rgyal po yis/ /'jig rten ling tog bsal ba ltar/ /bu khyod kyis ni mi shes pa'i/ /ling tog rgyal ba rnams kyis bsal//oM badzra ni trA ya a pa hA ra pa tra laM hrIH/ de nas me long bstan te/ chos rnams sgyu ma lta bu ste/ /gsal zhing dag la rnyog pa med/ /gzung du med cing brjod du med/ /rgyu dang las las kun du 'byung / /rang bzhin dag cing bdag med pa/ /de ltar chos rnams shes byas nas//sems can don ni mnyam med byos/ /'on kyang rgyal ba'i sras su skye/ de nas hoHzhes mda' gzhu byin nas/ de bzhin gshegs pa thams cad rjes su chags par byos shig ces bsgo la phyogs bzhir mda' re 'phang ba dang / steng 'og tu yang mda' re 'phen du gzhug go//de nas oM badzra he tu kruM zhes bya bas 'khor lo rkang pa'i bar du bzhag la/ yang oM badzra b+ha Sha raM zhes byas pas/ lag pa g.yas su dung gtad nas g.yon par ma hA mA yA'i pu sti byin te/ dril bu yang dkrol zhing / deng nas brtsams te sems bskyed pa/ /tsam gyis chos kyi 'khor lo bskor//khyod kyis the tshom dogs med pas/ /yid gnyis med pa'i sems kyis su/ /chos kyi dung ni bla med pa/ /dri med kun du gang bar gyis/ /sngags kyi spyod tshul cho ga rnams/ /skye bo rnams la rtag tu shod/ /de ltar byas na sangs rgyas la//phan 'dogs drin du gzo zhes bya/ /rdo rje 'dzin pa de kun yang / /khyod la rtag tu bsrung bar mdzad/ /ces brjod la/ de nas so so'i 'khor los sgyur ba'i cha lugs su bya ste/ sems can kun la phan pa'i phyir/ /'jig rten khams ni thams cad du//ji ltar sna tshogs 'dul gyur pa'i/ /chos kyi 'khor lo rab tu bskor/ /de bzhin du chos kyi gnas su rdo rje dang / rin po che dang / pad+ma dang / las kyi tshig bcug la/ tshigs su bcad pa lngas rjes su gnang ba byin la/ de nas yang /zhi rgyas dbang dang gsang ba dang / /dgug dang skrag dang bskrad pa dang / /dbye dang gnan pa la sogs pa'i/ /las de thams cad bsgrub par gyis/ /ral gri mig sman sa 'og dang / /mchil lham de bzhin ri lu ste/ /rnal 'byor ma yi dngos grub rnams//de dag ci dgar bsgrub par gyis/ /zhes bya ba rjes su gnang ba'o/ /de nas bdag nyid langs te/ sangs rgyas kyi gzugs dmigs la/ /g.yon pa snying gar chos gos 'dzin pa'i tshul du byas la/ g.yas mi 'jigs pa sbyin pa ltar byas te/ rdo rje'i ming gis dbang bskur bas lung bstan pa'o/ /'di ni khyod la ngas lung bstan/ /rdo rje sems dpa' de bzhin gshegs/ /srid pa shin tu dag pas na/ /srid pa'i ngan 'gro dag las bton/ he badzra nA ma ta thA ga ta b+hur b+hu ba swaHgang la tshul 'di dang phyag rgya chen po mchog tu gsang ba'i cho ga 'dis lung bstan pa de la sangs rgyas dang byang chub sems dpa' dkyil 'khor 'khor lo dang bcas pa rnams kyis//mgrin gcig tu bla na med pa'i byang chub chen por lung ston par mdzad de/ sngags 'di dang phyag rgya 'di'i mthu yin no zhes pas dad pa bskyed pa'o//de nas gsang ba bsgrags te/ 'dod chags bral ba lta bu'i sdig /khams gsum na ni med pa ste/ /de bas 'dod la chags bral bar/ /nam yang bya ba ma yin no/ /ma hA sa ma ya ha na hUM/ de nas slob ma'i spyi bor gdugs bzung la//gdugs dang bcas pas bskor ba lan gsum byas la/ de nas dkyil 'khor gyi sgo ru gdugs dang bcas par spyi bos gtugs la/ sngags rnams 'dzin par gyur pa yis/ /slob ma 'di ni phul ba lags/ /zhes brjod de/ gdugs bzhag la 'di skad ces brjod do//di ring dkyil 'khor slob dpon gyur/ /sngags dang rgyud rnams 'dzin par gyur/ /sangs rgyas byang chub sems dpa' dang / /lha rnams kun gyis mthun par gsungs/ /sems can kun la rjes brtse bas/ /dkyil 'khor cho ga bzhin du bris//khyod kyis nan tan bskyed nas su/ /sgrub pa po rnams sngags la sbyor/ /de nas dbugs dbyung bar bya ste/ /gsang chen mchog gi dkyil 'khor du/ /bcug pa dang ni mthong ba yis/ /sdig pa kun las rnam grol te/ /di ring khyod ni dge bar gnas//bde chen theg pa 'di la ni/ /phyin chad 'chi ba yod min te/ /mi thub gnod pa yod min la/ /cis kyang mi 'jigs dga' bar gyis/ /srid pa shin tu dag pas na/ /srid dang sdug bsngal las 'das so/ /rdo rje zhes bya'i phyag rgya dang / /byang chub sems ni spang mi bya//gang zhig skyes pa tsam gyis kyang / /sangs rgyas nyid 'gyur the tshom med/ /dam pa'i chos kyang smad mi bya/ /nam yang dor bar mi bya ste/ /mi shes pa'am rmongs pa la/ /de ni bstan par mi bya'o/ /rdo rje dril bu mi spang zhing //slob dpon nam yang smad mi bya/ /sangs rgyas kun dang mtshungs pas na/ /de ni rtag tu sdug bsngal 'thob/ /nga bdag yongs su spangs nas su/ /dka' thub kyis ni gdung mi bya/ /ji ltar bde bar bde gnas na/ /'di ni ma 'ongs rdzogs sangs rgyas//khyod nyon de ring 'bras bu yod/ /lha dang bcas pa mnyam 'gyur te/ /rdo rje sems dpa' dang mtshungs par/ /rtag tu khyod rnams 'gro bar 'gyur/ /dbugs dbyung ba'o/ /de nas slob mas phyag byas te/ /gtso bos ji ltar bka' stsal pa//de dag thams cad bdag gis bgyi/ /zhes khas blang ngo / /slob dpon gyi dbang bskur ba'o/ /de nas gsang ba'i dbang bskur te/ /sa phyogs dben par bya ste/ yol bas bcad nas rgyud las gsungs pa'i lo bcu gnyis ma la sogs pa'i dam tshig can bla ma la phul la//kye bcom ldan zhi ba dga' ba che/ /rdo rje sbyor las yang dag byung / /mi phyed phyag rgya rab tu bsgrub/ /rdo rje sbyor ba gcig la gus/ /bdag nyid chen po khyod de bzhin/ /gtso bos bdag ni mdzad du gsol//'khor ba'i 'dam gyi rgya mtsho ru/ /bying ba skyabs med bdag la skyob/ /ces gsol ba btab la/ de nas dpal ldan slob dpon ni/ /rjes su brtse dang ldan pa yis/ /snying rje slob ma la bskyed de/ /rdo rje 'dzin par mdzad pa la/ /sha chang bza' btung yid 'ong dang //me tog bdug spos dri la sogs/ /rgyal mtshan dril bur bcas pa yis/ /slob mas rdo rje can la mchod/ /de nas phyag rgya byin gyis brlab pa sngon du 'gro bas ji srid du phyag rgya khu ba dang ldan pa de srid du brten la/ /snyoms par 'jug pa las byung ba de slob ma dang phyag rgya gnyis ka mig bkab la//slob ma la dbang bskur te/ /ji ltar bde gshegs thub chen gyis/ /byang chub sras la dbang bskur ltar/ /de bzhin gsang ba'i dbang bskur ba/ /bdag gis sems rgyun 'di yis bkru//bo d+hi tsit+ta a b+hi Shiny+tsa/ slob mas kyang a ho su kha zhes brjod de/ bde bar gshegs par bzhugs so/ /shes rab kyis kyang de bzhin du bya ste/ thabs dang shes rab kyi gsang ba'i dbang bskur ba'o/ /de'i rjes la shes rab ye shes kyi dbang bskur te//slob mas snga ma ltar gsol ba btab nas mtshan dang ldan pa'i shes rab ma byin gyis brlabs te/ gtad la mgo bor lag pa bzhag ste/ dga' ster gnas ster bu mo 'di/ /sna tshogs gzugs can yid 'ong ma/ /zung shig zung shig sems dpa' che//bzung nas mchod pa rab tu bya/ /thabs gzhan gyis ni sangs mi rgya/ /'gro ba gsum po 'di yis bdag /de bas khyod kyis nam yang ni/ /'dod dang bral bar mi bya ste/ /'di ni sangs rgyas thams cad kyi/ /rig pa'i brtul zhugs bla na med/ / blun po gang zhig 'di spong ba/ /de la mchog gi dngos grub med/ /ces brjod la sbyin no/ /des kyang 'di skad brjod de/ bshang gcig khrag dang khu ba dang / /sha chen la sogs bza' pa dang / /bud med rnams la rtag tu gus/ /glu ni blang bar bya ba ste/ /de yis bde gshegs dngos grub ni//myur du bde ba myong bar 'gyur/ /b+ha ga'i pad+mar 'o byed pa/ /bu khyod spro bar byed nus sam/ des kyang / lha mo ci phyir bdag mi spro/ /khu khrag la sogs bza' ba dang / /bud med rnams la rtag gus shing / /b+ha ga'i pad+mar 'o bgyid do//zhes brjod do/ /yang shes rab kyis/ e ma bdag gi pad+ma 'di/ /bde ba kun dang yang dag ldan/ /bde chen phyag rgya chen po ni/ /'di nyid du ni rtag tu gnas/ /blun po gang zhig 'di spong ba/ /de la mchog gi dngos grub med/ /ces so/ /de'i rjes la ji skad du bshad pa'i ka ra na bya bas snyoms par zhugs te/bla ma'i man ngag gis de'i skad cig mtshon par bya'o/ /dbang bzhi pa ni bla ma'i man ngag las shes par bya'o/ /de nas bdag dang slob ma'i don du sbyin sreg bya ste/ de yang / dkyil 'khor rab gnas ma gtogs par//rab gnas 'dir ni yod ma yin/ /zhes 'byung bas sbyin sreg gi cho ga bstan par bya ste/ de yang / sdig pa bsreg cing bgegs rnams zhi bya dang / /sngags kyis gzi bskyed lha rnams mnyes bya'i phyir/ /bzlas dang bsgom pa'i thog mtha' thams cad du//sngags pas sbyin sreg cho ga gzhung bzhin bya/ /zhes so/ /de bas na dkyil 'khor ram gtsug lag khang la sogs pa'i shar phyogs su sa'i cho ga sngon du 'gro bas zhi ba'i thab khung bya'o/ /de bzhin du lho ru rgyas pa bya'o/ /nub tu dgug pa'i bya'o//byang du ni mngon spyod kyi thab khung bya'o/ /de la zhi ba'i thab khung ni sa gzhi dkar po la thab zlum po rgyar khru gang / zabs su de'i phyed pa/ de'i dbus su rgyar sor brgyad pa dpangs su sor bzhi pa la pad+ma 'dab brgyad bya/ de'i lte ba la nyi ma la gnas pa'i thod pa/ phyogs bzhi'i 'dab ma la lha mo bzhi'i mtshan ma dgod de/ rdo rje phreng bas bskor ba'o/ /thab khung gi kha khyer phyir sor bzhi bor ba la/ rgya dang dpangs mnyam pa'i sor bzhi pa rdo rjes bskor bar bya'o/ /de'i phyi rol du gru bzhi byas la/ mtshams bzhi ru zla bas mtshan pa'i rdo rje rtse gsum dgod do//de nas sa dkar po dang dri dkar pos byugs me tog dkar pos gtor ro/ /rgyas pa'i thab khung ni sa gzhi ser po la gru bzhi khru do zhabs su de'i phyed brkos la/ /kha khyer zhi ba las nyis 'gyur byas te/ lhag ma ni snga ma dang 'dra'o//de nas sa ser po dang / /dri ser pos byug /me tog ser pos gtor ro/ /dbang gi thab khung ni gru gsum pa la rgyar sor nyi shu pa zabs su sor bcu pa brkos la/ sor gsum pa'i kha khyer gyis kha skor lhag ma snga ma bzhin du bya'o/ /de nas sa dmar po dang dri dmar pos byug /me tog dmar pos gtor ro/ /dgug pa dang gsad pa la yang de dang 'dra ba las/ khyad par du bya ba ni sa phyogs gnag cing snying po ma yin pa dang / gas pa dang / tsha sgo can du bya ste/ dur khrod kyi thal ba dang / bong bu dang rnga mo'i rtug pas byug cing / me tog nag pos gtor ro/ /thab khung gi cho ga'o/ /da ni dgang gzar dang blugs gzar gyi rnam pa bstan te/ de la gser ram dngul lam zangs sam lcags las byas pa'am/ yang na mchod sbyin gyi shing las byas pa yang rung ste/ yu ba'i mthar sor drug pa'i rdo rje rin po che bya'o//dbyug pa ni sor bcu drug par bya'o/ /dbyug pa'i steng gi char sor bzhi pa'i rdo rje'o/ /dkyus ni rgyar sor bzhi pa zabs su sor gnyis brkos pa/ dbus su rdo rje rtse lnga pas mtshan pa/ mchu las bcud 'dzag pa'i mthe chung gi tshad tsam pa 'di ni dgang gzar ro/ / blugs gzar ni pad+ma'i dbyibs lta bu zlum po ste/ rgyar sor gnyis pa zabs su sor gcig pa ste/ dkyil du rdo rje rtse lnga pas mtshan pa'o/ /lhag ma ni snga ma bzhin no/ /gnyis ka'i yu ba ni rdo rje'i khu tshur gyis gzung du rung ba ste/ de ltar na ni de dag khru re bar bstan no//ci ste dgang gzar dang blugs gzar dag med na/ dgang gzar ni sor mo lngas bskyod pas byas la/ blugs gzar ni sor mo gsum pas byas pa'o/ /da ni yam shing dang bud shing gi khyad par bstan te/ de la zhi ba'i yam shing ni a mra dang u du m+bA ra la sogs pa'i cha las byung ba'i mtho gang tsam gyi cha la gsar zhing 'dab mar bcas pa sbrang rtsi dang mar dang 'o ma la sogs pas rtse mo gnyis sbags pa dri dkar po'i chus gtor ba'i yam shing 'dab ma gnyis pa/rtse mo gcig pa mthe bong dang srin lag gis bzung ste bsreg go/ / rgyas pa'i yam shing de dang 'dra ba las khyad par du dbus kyi cha las byung ba khru gang ba dri ser po'i chus gtor te/ sbrang rtsi la sogs pa'o/ /dbang gi yam shing tsam pa ka la sogs pa las byung ba/ sor lnga pa 'dab ma dang me tog dang bcas pa 'bras bu skyur ba dang kha dog dmar bo dang /khyad par du yang ut+pal dmar po dag ni dbang gi'o/ /dgug pa la ni de dag gi tsher ma lcags kyu lta bu'o/ /mngon spyod kyi yam shing ni nim pa dang seng ldeng dang 'bi lo ta la sogs pa shing kha ba can dang tsha ba dang tsher ma can dang dur khrod kyi shing las byas pa'i sor bcu pa/rtse mo gnyis rnon por gzhogs shing khrag dang yungs mar la sogs pa'o/ /zhi ba'i bud shing ni mchod sbyin gyi shing srog chags med pa'am/ nags kyi ba lang gi lci ba yang rung ste/ thab khung bas bag dma' bar bya'o/ /rgyas pa ba lang gi lci ba ma gtogs par 'bras bu can gyi shing rnams la bya'o//dbang la skyur po dang / me tog can rnams la bya'o/ /dgug pa la tsher ma lcags kyu lta bu'o/ /mngon spyod la ni shing kha ba can dang tsha ba dang tsher ma can dang dur khrod kyi shing dang bong bu dang rnga mo'i rtug pa rnams la bya ste/yam shing dang bud shing bstan pa'o/ /de la zhi ba'i sreg rdzas ni mar dang til dkar po dang / zas mchog dang ku sha gsar pa dang / dUr ba dang / tsu ta'i 'dab ma dang / tsan+dan dang / 'bru dang / 'bras so ba dang / zho dang / 'o ma dang /me tog dkar po rnams te/ de dag las ci 'byor pa dbul zhing bsreg go/ /rgyas pa la de dag dang nim pa dang / 'bras sA lu dang / ke sa dang kar+Ni ka'i me tog dang / 'bru rnams so/ /dbang dang dgug pa la ni mar nag dang til nag po dang /yungs nag dang / ske tshe dang / lan tshwa dang / nim pa'i 'dab ma dang / dur khrod kyi thal ba dang / dgra bo'i rkang rjes kyi rdul dang / bong bu dang / rnga mo'i rtug pa rnams ci rnyed rnyed dam thams cad kyang rung ste/ dug dang khrag dang / lan tshwa dang sbyar nas dgra bo'i gzugs brnyan byas la bdug cing bsreg par bya ste/sreg rdzas bstan pa'o/ /de la zhi ba'i las la ni khrus dang gtsang sbra byas te dri zhim pos byugs gos dang rgyan dkar pos brgyan la/ kha nub tu bltas te stan nang tshangs can 'jam pa'am pad+ma yang rung ste/ 'jam pa la 'dug nas byams pa dang zhi ba'i sems kyang rung yar ngo'i tshes gcig gi tho rangs nas brtsams te bya'o/ /rgyas pa la gos dang rgyan ser po dang me tog ser po'i phreng bas brgyan te/ stan bzang po la 'dug nas dga' zhing byams pa'i sems kyis kha byang du bltas la nyin mo snga dro nas brtsams te bya'o//dbang la gos dang rgyan la sogs pa dmar pos brgyan te/ chags shing zhen pa'i sems kyis stan mthon po la 'dug la/ rdo rje'i skyil krung gis gnas nas phyi dro'i dus su kha shar du blta bar bya'o/ /dgug pa yang de bzhin te/ khyad par du yang kha byang du bltas la bya'o/ /mngon spyod la ni gos dang rgyan sngon po dang khrag dang chus spangs pa bgos la/ stan la bran mo'am/ bsgrub bya'i gzugs brnyan gyi snying gar 'dug pa'am stan med par yang rung ste/ gshin rje'i phyogs su kha bltas la mar ngo'i tshes gnyis sam gzhan yang rung ste/bsgrub bya sdig pa la sogs pa la bzlog pa'i phyir/ khro zhing gtum pa'i sems kyis nyi ma phyed dam mtshan phyed na hUM las byung ba'i rdo rje lcags kyus bsgrub bya'i bsrung ba bcad la bya'o/ /sgrub pa po bstan pa'o/ /zhi ba'i ar+g+ha'i snod ni dngul lam rdo dang dung dang nya phyis la sogs pa dang shing lo bskyod pa yang rung ste/nas dang 'o ma dang / dri dkar po dang ldan pa'i chu blugs la/ rang gi lha'i sngags kyi mthar swA hA dang ldan pas lan bdun bzlas par bya'o/ /rgyas pa la yang de bzhin te/ khyad par du gser la sogs pa'i snod du dri ser po'i chu dang til dang zho dang ldan pa ste/oM gyi mtha' dang ldan par bzlas pa bya'o/ /dbang la ni zangs la sogs pa'i snod du dri dmar po'i chu ste/ ho'i mtha' dang ldan par bzlas so/ /mngon spyod la lcags dang thod pa la sogs pa'i snod du dri zhim pa dang /gang pa dang bcas pa'i snod du ba gcin dang / kro ta pa dang ldan pa'i phaT kyi mtha' dang ldan pa ste/ mchod yon gyi cho ga'o/ /de la zhi ba dang rgyas pa dang dbang dang dgug pa rnams la ni las thams cad pa'i chu la hUM yongs su bzlas pa dang / ar+g+ha'i snod gnyis g.yon du bzhag la/ yang de nyid yongs su bzlas pa'i chu de las lag pa g.yas pas blangs te/ yam shing dang bud shing la sogs pa'i sreg rdzas la bsang gtor byas la g.yas phyogs su gzhag go/ /drag po la de las bzlog ste gzhag pa'o//dgang gzar dang blugs gzar dang mar khu ni mdun du gzhag go/ /de nas thab kyi khung bu'i tshad tsam pa'i bud shing brtsigs la/ zhi ba la ni shing 'o ma can gtsubs pa las byung ba'am/ bram ze'i sbyin sreg gi mes bya'o/ /rgyas pa la dge 'dun gyi bsro khang gi me'am/rgyal rigs dang rje rigs kyi khyim gyi mes bya'o/ /dbang la rje rigs dang smad 'tshong ma'i khyim gyi mes bya'o/ /dgug pa la gar mkhan dang kun du rgyu dang lam du bus pa'i me la bya'o/ /drag po la dur khrod kyi shing dang rdo gtsubs pa dang shan pa'i khyim gyi mes bya'o//de nas hUM bzlas pa'i chu ku sha'i rtse mos blangs la bsang gtor lan gsum du byas te/ gtsang zhing skam pa'i rtswa dang lhan cig tu bcug ste rlung g.yab kyis sbar la/ oM badzra dz+wa la dz+wa la hUM hUM zhes lan gsum bzlas pa'i mar gyis sbar la/ oM badzra satwa AH zhes yongs su bzlas pa'i ku sha rlon pa sbal ma nyams pa shin tu ring ba ma yin pa'i rtse mo shar du bstan te/ thab khung gi phyi rol du rim pas g.yogs la yi ge hUM gis thab khung bskyed de/ de'i nang du raM las me lha las dang rjes su mthun pa'i mdog dang rgyan dang phreng ba can/phyag gnyis na bgrang phreng dang ril ba spyi blugs thogs pa/ gsus pa 'phyang zhing ral pa'i thor tshugs can bskyed la/ oM ag+na ye ma hA te dza sarba karma pra sa ka ru Na kr-i twa sa man+ta ar+tha a smin san+ni hi to b+ha wa/ zhes pas ye shes kyi me lha bkug la/dzaHhUM baM hoH/ zhes bya bas de nyid du dgug pa dang gzhug pa la sogs pa byas nas/ de nas yon chab dang / zhal bsil/ zhabs bkru phul te/ mig la sogs pa byin gyis brlabs pa dang / dbang bskur ba'i bar du byas la/ de nas phyi nang gi mchod pas mchod de/de'i lce hUM gis rdo rjer bsams te/ zhal cung zad tsam gdangs par bsam la/ gzar bu gnyis thogs pa'i gru mo gnyis pus mo gnyis kyi nang du bcug la/ oM ag+na ye swA hA/ zhes bya bas gang ba'i sbyin sreg dbul lo/ /dang po la ni zhal shin tu yang dag par gdangs par bsams la/ tsha ba'i mar nag dbul lo/ /de bzhin du sreg rdzas thams cad rim pas dbul lo/ /de la me'i mtshan nyid brtag ste/ 'ja' tshon ltar dang so ti ka dang rnga ma dang / lham bu chu gsher lta bu'i mdog dge ba'i ltas so/ /gzhan yang dri med cing sgra zab pa dang / rtse mo shin tu 'bar ba ni shis pa ste/de yang zhi ba la khyad par du mdog dkar po'o/ /rgyas pa la ser po/ dbang la dmar po/ mngon spyod la mdog nag po dang sngo ba'o/ /bgegs dang bcas pa'i me ni du ba che zhing me stag 'phro ba'o/ /dal bus 'bar ba dang / /zhan pa dang me lce chad pa dang / 'od med cing sngo ba dang mdung rtse gsum pa lta bu dang zhi ba me lta bu dang /ba lang gi gdong gi dbyibs lta bu dang / mi ro'i dri dang dri med pa'am yang na drag tu 'bar ba'o/ /de ltar bgegs dang bcas par shes nas snga ma bzhin du bsang gtor byas la rtsa ba'i sngags bzlas pas bsangs te/ gang gi sbyin sreg gsum mam bdun dbul lo//de nas yam shing la sogs pa'i sreg rdzas kun so so'i rdzas sngags kyis ci 'byor pa phul la/ bsang gtor dang 'thor 'thung phul nas de nas bstod pa byas te/ oM tshangs dbang 'jig rten mgon gyi sras/ me lha'i rgyal po drang srong mchog /'byung po yongs la bskyab pa'i phyir/ /thugs rje'i dbang gis skur sprul ba/ /rig pa grub pa drang srong tshul/ /nyon mongs bsregs pa'i shes rab 'od/ /bdud rtsi'i bcud ldan spyi blugs dang / /bgrang phreng dag ni 'dzin par byed/ /de bas bstod de phyag 'tshal 'dud//de nas gang 'dod don gsol ba gdab ste/ de'i rjes la 'bar ba'i phreng bar gyur par lta'o/ /de nas sgrub thabs nas 'byung ba bzhin du las dang rjes su mthun pa'i lha der bskyed la ye shes sems dpa' spyan drangs nas/ yon chab la sogs pa phul la/dam tshig sems dpa' la bstims nas/ sku gsung thugs byin gyis brlabs te/ ljags la rdo rje bsams la/ zhi ba dang rgyas pa dang dbang la zhal cung zad dbye la/ drag po la shin tu gdangs pa bskyed la bsreg cing dbul lo/ /de la ag+na ye swA hA/ mar gyi'o/ /oM sarba pA paM da ha na badzra a mu kaM sra ban+d+d+ha swA hA/ til gyi'o/ /oM badzra puSh+Ta ye swA hA/ 'bras kyi'o/ /oM badzra yadz+nyA ya swA hA/ yam shing gi'o/ /oM badzra bi dzA ye swA hA/ 'bru sna'i'o/ /oM badzra A yu She swA hA/ dUr ba yi'o/ /oM a pra ti ha ta badzra swA hA/ ku sha'i 'o/ /oM sarba saM pa de swA hA/ zho la sogs pa'i'o/ /de ltar ci 'byor pa bsregs te phul nas yang bsang gtor dang 'thor 'thung la sogs pa phul te/ yang dag par mchod nas de nyid kyi bstod pas bstod la/ 'dod pa'i don la gsol ba btab nas bzod gsol bya ste/ma 'byor pa dang nyams pa dang / /gang yang bdag rmongs blo yis ni/ /bgyid pa dang ni bgyid stsal ba/ /de kun mgon pos bzod par gsol/ /zhes gsol ba byas la/ de nas yi ge brgya pa'i mthar muHbrjod nas gshegs su gsol lo//de nas yang thab khung gi lte ba la me lha bsams la/ sreg rdzas lhag ma'i rdzas la sbyin sreg phul te/ de nas thab de nyid du mar dang mngar gsum las tsA ru bcos la/ tsA ru'i phud sbyin sreg tu dbul lo/ /de nas slob ma'i lag pa slob dpon gyis bzung nas gong gi sbyin sreg phul la/dngos grub kyi phyir gsol ba btab ste/ bdag dang gzhan gyi don rnams ni/ /bsgrubs te sbyin sreg gsol la bzhud/ /slar yang dus bzhin gshegs nas su/ /bdag gi sngags kyi dngos grub mdzod//ces gshegs su gsol lo/ sgyu 'phrul chen mo'i sgrub gzhung la/ /dad cing 'jug pa'i don gyi phyir/ /bla ma'i lung bzhin bsdebs te bris/ /dge rtsa phyi rabs rnams la bsngo/ /dpal sgyu 'phrul chen mo'i dkyil 'khor gyi cho ga sbyin sreg dang bcas pa/

CLOSE WINDOW