CLOSE WINDOW

D1643
བོད་ཡིག

/ //rgya gar gyi mkhan po zhi ba bzang po dang / bod kyi lo tsA ba 'gos lhas btsas kyis bsgyur cing zhus te gtan la phab pa// @##/ /rgya gar skad du/ mA hA mA yA sA d+ha naM/ bod skad du/ sgyu ma chen mo'i sgrub thabs/rdo rje sems dpa' la phyag 'tshal lo/ /zhal bzhi pa la phyag bzhi pa/ /de bzhin lha mo rnams kyi sku/ /phyogs bzhi po gzhan rnams la/ /sgyu 'phrul che la phyag 'tshal lo/ /rdo rje 'dzin pa chen po nyid/ /snying rjes 'jigs pa'i rnam pa can/ / sgyu ma chen mo zhes bya yis/ /sgrub thabs legs bar bshad par bya/ /'dir bsgom pa'i dbang du byas te/ /lha mo bzhi'i glu bzhis bskul nas rnam par sad pa'i sngags pas nang par sngar langs te/ rang gi snying gi nyi ma gnas pa hUM yig gi 'od zer rnams kyis bdag sbyang ba dang /kha dga' la sogs pa bya'o/ /hUM phaT ces bya bas gnas dang bdag dang rnal 'byor bsrung ba bya ste/ /bsam gtan gyi khang bar zhugs la/ /hUM yig gis yon chab la bzla zhing stan bde ba la 'dug nas/ /mdun gyi nam mkha' la bcom ldan 'das 'khor dang bcas pa bltas la/snying ga'i sngags kyi 'od zer las byung ba'i mchod pa'i yo byad lnga yis yang dag par mchod pa dang / sdig pa bshags pa la sogs pa bya ste/ bdag gi sdig pa thams cad so sor bshags pa dang / sangs rgyas dang byang chub sems dpa' dang /'phags pa dang / so so'i skye bo rnams kyi bsod nams thams cad la rjes su yi rang ba dang / bdag gi dge ba thams cad kyang bla na med pa yang dag par rdzogs pa'i byang chub tu yongs su bsngo ba dang / byang chub kyi bar du dkon mchog gsum la skyabs su mchi ba ni/sangs rgyas dkon mchog dang / chos dkon mchog dang / dge 'dun dkon mchog la'o/ /e ma'o sems can thams cad kyi don dang phan pa dang bde ba'i ched du/ bdag bla na med pa yang dag par rdzogs pa'i byang chub tu mngon par rdzogs par sangs rgyas nas shin tu mthar phyin pa'i mya ngan las 'das pa dang /bla na med pa'i de bzhin gshegs pa'i yi shes la rab tu dgod par bya'o/ /de'i rjes la 'di dag ni sems nyid de/ med pa nyid rnam pa de dang des snang ba'o/ /'di lta ste/ rmi lam ltu bur mos pa byas la//rnam pa thams cad yongs su spangs pa dri ma med pa'i nam mkha' lta bu snang ba med pa mtha' yas pa gsal ba tsam du blta ste/ oM shU n+ya tAdz+nyA na badzra swa b+hA wa At+ma kou0f85ho/ zhes bya bas byin gyis brlab par bya'o/ /de'i rjes la mdun gyi nam mkhar hUM yig gis sna t shogs rdo rje rnam par bsams la/de'i 'od zer 'bar ba 'phros pa rnams kyis 'og tu rdo rje'i sa gzhi dang / phyogs su rdo rje'i ra ba dang / steng du rdo rje'i gur dang / nang du mi'i rus pa'i dur khrod bsgom par bya'o/ /de'i dbus su gzhal yas khang khyams gcig pa rin po che thams cad kyi bdag nyid can blta'o//gru bzhi pa la sgo bzhi pa/ /rta babs bzhi yis brgyan pa'o/ /dra ba la sogs lha mo bzhis/ /stegs bu bzhir ni brgyan pa'o/ /de'i dbus su pad+ma dmar po 'dab ma brgyad pa bsams te/ de'i lte bar thog ma dang tha ma med pa'i ye shes kyi bdud rtsi'i thig le mu tig 'bras bu ltar gsal bar bsam par bya'o//de ltar na 'di ni sbyor ba dang po'i ting nge 'dzin no/ /dbus kyi thig le de nyid las phyogs rnams su thig le rnams spros pas/ sa bon gyi rnam pa yongs su gyur bar blta ba ni go rims bzhin du hUM dang swA dang a dang /hA zhes bya'o/ /de dag las go rims bzhin du rdo rje dang nor bu dang / pad+ma dang / las kyi rigs can dang / /de'i rigs rnams yang dag par spro ba dang / yang de nyid la bsdus nas/ de yongs su gyur pa las rnal 'byor ma bzhi blta ste/shar gyi 'dab ma la rdo rje mkha' 'gro ma sku mdog sngon mo zhal sngo ba dang ser ba dang / dkar po dang ljang gu/ rdo rje dang / thod pa dang dril bu dang dbyug to 'dzin ma'o/ /lho'i 'dab ma la rin chen mkha' 'gro ma sku mdog ser mo/ zhal ser ba dang /sngo ba dang dkar po dang ljang gu/ rin chen sna tshogs dang rtse gsum dang mgrin pa bsdams pa'i ce sbyang dang ba dan 'dzin ma'o/ /nub kyi 'dab ma la pad+ma mkha' mgro ma sku mdog dkar mo/ zhal dkar ba dang / ser ba dang sngo ba dang ljang gu /sna tshogs pad+ma dang / mda' dang thod pa dang gzhu 'dzin ma'o/ /byang gi 'dab ma la sna tshogs mkha' 'gro ma sku mdog ljang gu /zhal ljang gu ser ba dang / dkar ba dang sngo ba'o/ /ral gri dang cang te'u dang / zhags pa dang thod pa 'dzin ma'o/ /thams cad zla ba'i gdan dang 'od/ /lhag ma 'di yi gtso bo bzhin//rdo rje yi ni glu 'di yis/ /de rnams mgon po bzhengs byed yin/ /ha le sa hi b+ha i i a ka ma lu ba b+ho hi u badz+dze/ a la la la la ho ma hA su he Na/ A rA hi u Ned+he/ ra bi ki ra NaM Na bi phu l+li u ka ma lum hA su he Na/ a la la la la ho/ /ma hA su he Na A tA hi u Ne t+taM/de nas glu blangs pa'i nus pas bcom ldan 'das ye shes kyi thig le'i gzugs de bor nas sa bon gnyis kyi rnam par gyur te/ oM dang hUM ngo / /de nas oM yig las rnam par snang mdzad dang / de'i rigs spro ba dang bsdu ba'o/ /hUM yig las rgyal ba lnga dang /de'i rigs rnams kyang ngo / /de nas oM yig las byung ba'i sangs rgyas mkha' 'gro ma dang lhan cig pa bcom ldan 'das he ru ka hUM yig las bskyed par bya'o/ /thal bas byugs shing sku mdog gnag /nyi ma'i gdan dang 'od kyis mdzes/ /dbu skra kham pa gyen du brdzes//thod pa'i dbu rgyan gyis brgyan pa/ /sngo dang ser dang dkar ba che/ /ljang gu'i zhal dang bzhi ba'o/ /thod pa mda' dang khaT+rAM ga dang gzhu 'dzin pa ste bzhi'o/ /sangs rgyas lnga yis rnam par brgyad/ /'khor lo rna cha mgul rgyan can/ /lag gdub dang ni ske rags so//mi yi pags pa'i na bza' 'dzin/ /bcu gnyis spyan te dmar ba'o/ /'bar ba'i phreng bas dkrigs pas khro/ /mchog tu dga' bas mdzes ba yin/ /skyil krung phyed pa'i gar gyis bzhugs/ /gar dgu yi ni nyams dang ldan/ /'od zer mtha' yas las byung ba'i//rgyal ba'i tshogs kyis 'gro don byas/ /bdag po dang mtshungs mtshon cha dmar/ /dpal ldan sangs rgyas mkha' 'gro dmar/ /ser dang dkar dang ljang gu'i zhal/ /sangs rgyas dbang bskur ri khrod ma/ /ji ltar dgyes pa'i rdo rjer gsungs/ /de bzhin sangs rgyas mkha' 'gro ma//he ru ka dang yang dag ldan/ /'di dmar sangs rgyas sems can rnams/ /sangs rgyas sku yis mchod pa'i phyir/ /chos dag pa yi rang bzhin gyis/ /gsung gi bdag po dkar po nyid/ /'dir lta thams cad kyang ro'i snying ga mnan pa'o/ /de'i rjes la bcom ldan 'das kyi mig gi dbang po la oM yig dmar po//rna ba'i dbang po la hUM yig sngon po/ sna'i dbang po la tsi yig ser po/ lce'i dbang bo la a yig dkar bo/ gtsug tor gyi gnas su re pha ljang gu/ yid la khe yig dkar po bsam par bya'o zhes bya ste/ dbang po drug tu yi ge drug bkod pa ni go cha'o/ /oM AHhUM zhes bya ba ni/ sku gzugs thugs byin gyis brlabs pa ste/ go rims bzhin du mgo bo dang mgrin pa dang snying gar ro/ /nu ma'i bar du nyi ma la gnas pa'i rang gi lha'i sa bon ye shes kyi rang bzhin blta ste/ de'i 'od zer gyi lcags kyus ye shes kyi dkyil 'khor spyan drangs la hUM yig gis bgegs bskrad cing yon chab dbul lo//dzaHhA+o+uMbaM hoHzhes pas dgug pa dang gzhug pa dang bcing ba dang dbang du bya ba'o/ /de dang lhan cig tu 'dres par gyur pa'i dam tshig gi dkyil 'khor blta'o/ /de nas ye shes kyi sa bon gyis 'od zer rnams bskul bas/de bzhin gshegs pa rnams kyis btang ba'i rnal 'byor ma lnga 'ong te/ ye shes lnga'i chu yis bkang ba'i rin po che'i bum pas bcom ldan 'das dang rnal 'byor ma rnams dbang bskur bar bya'o/ /dbang bskur bas spyi bor rang gi rigs kyi bdag po bskyed par bya ste/bcom ldan 'das la mi bskyod pa'o/ /sangs rgyas mkha' 'gro ma la sogs pa'i go rims bzhin du rtag pa dang mi bskyod pa dang rin chen bdag po dang gsung gi bdag po dang don yod grub pa'o/ /de nas ye shes kyi sa bon gyi 'od zer gyi sgo nas yo byad lnga dang 'dod pa'i yon tan lnga'i mchod pa rnams kyis bcom ldan 'das dang bcom ldan 'das ma mchod par bya'o//de nas bcom ldan 'das la lha mo'i zhal nas bstod pa/ mche ba gtsigs shing 'jigs chen po/ /rgyu ma'i phreng bas brgyan pa ste/ /sha chen po ni gsol bar mdzad//he ru ka dpal bdag phyag 'tshal/ /de nas phyogs kyi lha mo rnams spros pa'i sbyor bas sangs rgyas mkha' 'gro mar nub par 'gyur ro/ /de nas 'di'i mgo bo dang / snying ga dang / lte ba dang / gsang ba dang / brla dag tu go rims bzhin du/ oM hUM swA AH hA zhes pa de rnams rnam par bsgom mo//de rnams gcig la gcig spros pas/ 'di'i lus mngon par khyab par byas pa des/ hrIHyig las pad+ma dmar bo/ /AHyig las skyes pa mu tig lta bu'i ze 'bru dang / de bzhin du hUM yig las skyes pa'i nor bud/ a nu rA ga ya mi zhes bya ba'i sngags 'dis dga' ba rab tu bsam mo//de nas nor bu gnyis kyis 'od zer bskul bas/ de bzhin gshegs pa rnams byon nas khar rab tu zhugs te/ zhu zhing pad+ma'i nang du lhung ba de ni ye shes lnga'i bdud rtsi ste/ lce rtser zil pas len par byed par bsam zhes bya'o//dkyil 'khor rgyal mchog ces bya ba ting nge 'dzin gnyis pa'o/ /de nas bcom ldan 'das kyis bskul ba'i sangs rgyas mkha' 'gro ma la sogs pa lnga dang / bcom ldan 'das bdag nyid kyi sku las sprin spros pa rnams kyis sems can rnams kyi don byed pa ni go rims bzhin du me long lta bu'i ye shes dang /shin tu rnam par dag pas chos kyi dbyings kyi ye shes dang / mnyam pa nyid kyi ye shes dang / so sor rtog pa'i ye shes dang / bya ba grub pa'i ye shes dang / rdo rje 'dzin pa chen pa'i go 'phang thob par bskyed cing /rang gi sku'i sprin rnams rtsa ba'i sku ru bsdus pa zhes bya ba ni ting nge 'dzin gsum pa'o/ /gang gi tshe yang rnal 'byor pa/ sems brtan par byed par 'dod pas/ ting nge 'dzin thams cad myur du rdzogs par byed pa de'i tshe/ mdor bsdus nas ting nge 'dzin gsum po bsgom par bya'o//lte ba'i pad+ma'i ze'u 'bru la zla ba dang nyi ma'i kha sbyor mtha' skor mtshams med par bsams te/ de'i dbus su yungs kar phra mo tsam la dkar zhing gsal ba ye shes kyi thig le'i gzugs bde ba chen po'i bdag nyid dpa' bo chen po bsam par bya'o//de'i 'od zer gyi ri mo pad+ma'i skud pa lta bu zla ba'i dbus nas byung bas kha sbyor gyi ngos gnyis lan gsum dkris shing bcings te gnas par blta'o/ /zla ba'i steng du gnas pa dkris pa gsum gyi phyed la so sor yi ge bcu drug gis brgyus par blta'o//dpal sdom pa bla ma las gsungs pa/ ka ye la sogs nga yi mthar/ /nga nya spangs te dgod par bya/ /d+ha yig la sogs k+Sha yi mthar/ /phreng ba gnyis po mnyam par bri/ /dbus su a yi phreng ba ste/ /dgod bya rna ba'i dkyil 'khor la/ /zhes bya'o/ / 'dir yang gsungs pa/ bzang po yi ge'i phreng ba yis/ /zhes bya'o/ /de ltar lte ba'i pad+ma ze'u 'bru la/ /nyi ma dang zla ba kha sbyar gyi nang du dpa' bo bsgom par bya'o/ /bsgoms pa yongs su smin par mos par bya ba de'i phyir/ gnyis pa nyid de 'od zer phra mo'i ri mo 'bar zhing gcig gyed du 'bar ba'i gnas skabs blta'o//de'i 'od kyis 'dzag pa'i bdud rtsis gang ba thob pa'i dpa' bo dang 'od zer de yang 'dra ba'o/ /de nas dpa' bo nges par byas pas ji srid sems brtan pa thob ba'i mtshan ma nye bar mtshan pa de srid du blta'o/ / nye bar mtshon pa brtan pa bde ba'i tshe/ 'od zer gyi ri mo gsal bar snang bas sna tshogs pa snang bar bsams te/ thams cad lag mthil gyi skyu ru ra bzhin du blta'o/ /ting nge 'dzin thams cad myur du rdzogs par byed pa zhes bya ste/ thig le'i rnal 'byor ro/ /rig pa bzlas pa'i dngos grub ces bas bzlas pa brjod par bya ste/de bzhin du lha drug gi 'khor lo dang ldan pa'i rnal 'byor bas/ lte bar pad+ma'i ze'u 'bru la gnas pa nyi ma dang zla ba kha sbyar gyi nang du dpa' bo bsam par bya'o/ /de nyid kyi 'od zer gyi ri mo la yi ge'i phreng ba gsum gyis brgyan pa de la ka sbyor dkris shing bcing bar sngags kyi bzlas pa bya'o//rgyud 'dir sngags kyi yi ge gsum ste/ de la bcom ldan 'das kyi sngags ni oM hUM hUM ngo / /sangs rgyas mkha' 'gro ma la sogs pa'i go rims bzhin du oM oM hUM ngo / /oM hUM hUM ngo / / oM swA hUM ngo / /oM AHhUM ngo / oM hA hUM ngo / /ji ltar bzlas pa bya zhe na/ kha sbyar gyi nang du bzlas bar bya ste/ sa bon gyi yi ge bkod la/ de'i mgo bor dpa' bo blang bar bya'o/ /oM yig yi ge brjod pa na/ dpa' bo las 'od zer gyi ri mo dbugs dbyung ba'i rlung dang lhan cig steng du song ba des snang bar byas nas/'gro ba rnams sangs rgyas kyi bdag nyid du bya'o/ /sa bon gyi yi ge hUM brjod pa na/ sangs rgyas de thams cad rang gi lha'i rang bzhin du mos par bya'o/ /tha ma'i hUM yig brjod pa na/ dbugs rngub pa'i rlung dang lhan cig 'gugs pas sangs rgyas kyi bdag nyid 'gro ba de rnams dpa' bo la bsdu bar bya'o//de ltar ji srid mi skyo ba'i bar du yang dang yang du bya'o/ /skyo na ngal bso ste/ dge ba 'di dag thams cad bla na med pa yang dag par rdzogs pa'i byang chub dang mngon par 'dod pa'i dngos grub kyi ched du yongs su bsngo'o//snga ma bzhin du mchod pa bya ste/ rang gi snying ga'i yi ge la dkyil 'khor nub par bya'o/ /de nas langs nas/ rang gi lha'i ngo bor bdag nyid mos par bya zhing byed pa thams cad dang bza' ba thams cad sa bon lnga ye shes lnga'i bdag nyid du bya ste/ /rang gi snying gar lha'i 'khor lo mos par bsam par bya'o//lce'i hom gzar las 'dzag pa'i bdud rtsi bsreg par bya'o/ /khrus byed pa na lha'i dbang bskur ba'i cho gar mos par bya'o/ /nyi ma phyed dang dgongs ka'i dus su dkyil 'khor gyi khang par bzhugs shing / rang gi snying ga'i 'od zer gyis rten gyi dkyil 'khor sprul par bya'o//de nas sa bon de nyid las rnal 'byor ma bzhi po rim gyis spros te/ gnas ji lta ba bzhin du dgod par bya'o/ /snga ma bzhin du dbang la sogs pa cho ga thams cad rjes su bsgrub pa dang dkyil 'khor nub par bya'o/ /de nas langs pa na snga ma bzhin du mnyam par gzhag pa'i rnal 'byor bya'o//nam phyed kyi dus su khyad par 'di yin te/ yang dag par mchod pa dang yon chab phul te/ oM badzra muHzhes bya bas ye shes kyi dkyil 'khor gshegs su gsol ba dang / rang gi ye shes kyi sa bon la dam tshig gi dkyil 'khor nub pa dang /snang ba med pa'i byang chub kyi sems su mos par byas pas nyal lo/ /de ltar nyi ma gzhan la yang lha mo'i glus bskul nas ldang ba dang thams cad sngam bzhin bya'o/ /de ltar nyin re bzhin du ji srid dngos grub kyi mtshan ma rnyed pa de srid du'o/ /de la dkyil 'khor gyi bdag po'i sngags 'bum bzlas bas 'grub po//lhag ma ni khri bzlas pas 'grub po/ /phreng ba'i sngags ni rgyud gzhan las blang bar bya'o/ /de thams cad rang gi snying gar nyi ma'am zla ba la ci rigs par zlum bor byas la/ mar me'i phreng ba bzhin 'bar ba sems kyis mngon par byis shing /yid kyis brjod pa bzhin bzlas pa bya'o/ /sgyu 'phrul chen mo'i sgrub pa'i thabs/ /bdag gis smras las gang skyes pa'i/ /dge ba de yis bdag sangs rgyas/ /sna tshogs don grub dbang ldan shog /slob dpon mkhas pa chen po dpal rin chen 'byung gnas zhi ba'i zhal snga nas mdzad pa rdzogs so// //paN+Di ta chen po zhi ba bzang po dang / bod kyi lo tsA ba 'gos lhas btsas kyis bsgyur cing zhus te gtan la phab pa'o// //oM AHhrIHhUM phaT/ bzlas pa'i sngags so/ /shrI he ru ka ma hA badzra A gats+tsha ya/pra be sha ya pra be sha ya/ ban+d+ha ya ban+d+ha ya/ to Sha ya to Sha ya/ sarba DA ki nI naM/ hr-i da ya hUM phaT/ oM bud+d+ha DA ki nI pratI ts+tsha maM ba liM hUM oM/ oM badzra DA ki nI pra tIts+tsha maM ba liM hUM hUM/ oM ra t+na DA ki nI pra tI ts+tsha maM ba liM hUM swA/ oM pad+ma DA ki nI pra tIts+tsha maM ba liM hUM AH/ oM bi shwa DA ki nI pra tIts+tsha maM ba liM hUM hAHoM sarba DA ki nI yo gi ni pra tIts+tsha maM ba liM hUM ha ha ha ha hrIH/

CLOSE WINDOW