CLOSE WINDOW

D1642
བོད་ཡིག

de re re las he ru ka mang po spro ba dang / bsdu ba byas pa las/ bdag dang gzhan gyi don rdzogs par bsam mo/ /de nas rten 'brel gyi sngags kyis mjug bsdu'o// @##/ /rgya gar skad du/ ma hA mA yA i ti kram/bod skad du/ sgyu 'phrul chen mo'i rdzogs pa'i rim pa/ dpal rdo rje mkha' 'gro ma la phyag 'tshal lo/ /oM shU n+ya tA dz+nyA na badzra swa b+hA ba At+ma kou0f85haM/ zhes brjod pas dngos po thams cad rnam par dag nas/ so sor rang rig pa'i ngo bo nyid thig le yungs kar tsam z hig tu gsal bar bsgom/de nas thig le de las 'od zer 'phros pas sems can thams cad kyi lus dang ngag dang yid kyi rnam rtog thams cad bsregs nas/ sgyu 'phrul chen mo'i skur gsal bar byas te/ de nas slar 'dus te thig le la thim nas thig le de yang 'od du zhu bas/ rdo rje'i gur dang dur khrod brgyad dang / gzhal yas khang dang / lha mo bzhi dang ldan pa sgyu 'phrul chen mo bskyed do/ /de nas de dag kyang sgyu 'phrul chen mo la bsdu ste/ rdo rje'i gur ni dur khrod la thim dur khrod brgyad gzhal yas khang la thim/ /gzhal yas khang lha mo bzhi la thim/lha mo bzhi rig ma'i zhal bzhir thim/ rig ma thabs la thim pa dang / de nas sgyu 'phrul chen mo'i snying ga'i pad+ma'i nang na gnas pa'i yi ge a'i gzugs de pad+ma dmar po 'dab ma bzhi par bsam par bya'o/ /de'i lte ba gsang ba na gnas pa'i rlung dang / snying ga na gnas pa'i chu'i rlung rnam par dag pa zla ba'i dkyil 'khor du bsams te/de ni rdo rje mkha' 'gro dang rin chen mkha' 'gro ma gnyis kyi rang bzhin no/ /de'i steng du rang gi rig pa'i ngo bo nyid sgyu 'phrul chen mo'i 'od kyi thig le yungs 'bru tsam 'od zer lnga dang ldan pa cig bsam mo//de'i steng du mgrin pa na gnas pa'i me'i rlung dang / /spyi bor gnas pa'i rlung gi dkyil 'khor dang gnyis rnam par dag pa nyi ma'i dkyil 'khor du bsams la/ de ni pad+ma mkha' 'gro dang / sna tshogs mkha' 'gro'i rang bzhin no/ / de ltar bskyed nas nyi zla gnyis kyi bar na/ sgyu 'phrul chen mo rang rig pa'i ngo bo nyid thig le de 'od zer lnga dang ldan par dmigs par bsam mo/ /de ltar yang dang yang du 'dris par bsams pas gyen du rgyu ba dang / thur du rgyu ba'i rlung rim pa ji ltar 'gog pa de bzhin du mtshan ma rim gyis skye bar 'gyur ro//gsang ba'i sa snying gar gnas pa'i chu la thim pas ni/ kun mnyam pa'i blos zag pa med pa'i lam gyi ye shes dang po skye'o/ /chu me la thim pas ni sems la dbang thob ste du ba dang 'dra bar mthong ngo / /me rlung la thim pas ni ting nge 'dzin 'ba' zhig dang ldan te glog gi rnam pa lta bur mthong ngo //rlung rnam par rig pa la thim pas 'dod pa thams cad dang bral te/ mar me lta pur mthong ngo / /rnam par rig pa nam mkha' dang mnyam pa'i bde ba la thim pas thams cad snang ba rang rig pa nam mkha' lta bur mthong ngo //rang rig pa sprin med pa'i nam mkha' lta bus smon lam dang snying rje chen po'i dbang gis 'gro ba'i don du gzugs sku rnam pa gnyis su snang bar gyur te/ ji ltar 'dul ba bzhin du'o/ /slob dpon chos kyi zhabs kyi zhal snga nas kyis mdzad pa sgyu 'phrul chen mo'i rdzogs pa'i rim pa'i man ngag rdzogs so/

CLOSE WINDOW