CLOSE WINDOW

D1635
བོད་ཡིག

/ //rgya gar gyi mkhan po mkhas pa chen po dz+nyA na shrI b+ha dra dang / bod kyi lo tsA ba dge slong 'phags pa shes rab kyis bsgyur ba'o// @##/ /rgya gar skad du/ shrI bud+d+ha TA ki nI sA d+ha naM/ bod skad du/ /dpal sangs rgyas mkha' 'gro ma'i sgrub thabs/'jig rten dbang phyug la phyag 'tshal lo/ /mtshan nyid dang ldan pa'i rnal 'byor pas/ dur khrod la sogs par gnas la/ sngar langs te phyi nang gi khrus byas la mchod pa la sogs bshams la/ bde ba'i stan la 'dug ste/ rang gi snying gar nyi ma la aM bsams la/de'i 'od zer gyis bla ma dang sangs rgyas dang byang chub sems dpa' thams cad yang dag par bskul nas bar snang la bsams la/ mchod pa rnams kyis mchod pa dang / sdig pa bshags pa la sogs pa bya ste/ bdag gis sdig pa thams cad so sor bshags pa dang bsod nams la rjes su yi rang ba dang /bsod nams yongs su bsngo ba dang / dkon mchog gsum la skyabs su 'gro ba dang / byang chub tu sems bskyed pa dang / lam bsten pa dang / bdag gi dngos po dbul ba dang / bstod pa la sogs pa byas te gshegs su gsol bar bya'o//de nas oM shU n+ya tA dz+nyA na badzra swa b+hA wa At+ma kou0f85haM/ zhes pas stong pa nyid du bsgom par bya'o/ /de nas srung ba'i 'khor lo dur khrod dang bcas pa bsgom par bya ste/ /der pad+ma dmar po 'dab ma bzhi pa bsams la/ /de'i lte bar oM dang bcas pa'i thig le bltas la/ de las phyogs bzhir nyi ma'i steng du thig le bzhi spros pa las lha mo bzhi bskyed par bya ste/ shar phyogs kyi lha mo ni sku mdog sngon mo zhal bzhi pa ste/ sngon mo dang ser ba dang / dkar ba dang / ljang gu'o/ /phyag bzhi pa ste rdo rje dang kha TAM ga /dril bu dang thod pa bsnams pa'o//lho phyogs kyi lha mo ni sku mdog ser mo/ /ser mo dang / sngo ba dang / dkar ba dang / ljang gu'i zhal bzhi ba phyag bzhi pa ste/ rin po che dang / tri shU la ba dan dang bcas pa dang / thod pa dang ce spyang bsnams pa'o/ /nub kyi lha mo ni sku mdog dkar po/ dkar ba dang / ser ba dang / sngo ba dang / ljang gu'i zhal bzhi pa phyag bzhi pa ste/ sna tshogs pad+ma dang mda' dang / thod pa dang / gzhu bsnams pa'o/ /byang gi lha mo ni sku mdog ljang gu/ ljang gu dang / ser ba dang / dkar ba dang / sngon po'i zhal bzhi pa phyag bzhi pa ste/ ral gri dang / cang te'u dang /thod pa dang / zhags pa bsnams pa'o/ /lha mo thams cad kyang spyan gsum pa mche ba gtsigs pa/ skra kham pa gyen du 'bar ba/ phyag rgya lnga dang ldan pa/ sgeg pa la sogs pa'i nyams dang ldan pa/ mi mgo lnga bcus brgyan pa/ nyi ma la skyil krung phyed pas brgyan pa bsam par bya'o//de nas lha mo bzhi'i glus bskul bar bya ste/ sangs rgyas mkha' 'gro la sku mdog dmar mo/ /dmar ba dang / ser ba dang / dkar ba dang / ljang gu'i zhal bzhi phyag bzhi pa ste/ mda' dang thod pa dang / gzhu dang kha T+wAM ga bsnams pa'o/ /de nas skye mched byin gyis brlabs pa dang / sku gsung thugs byin gyis brlabs pa la/snying ga'i sa bon gyi 'od zer gyis ye shes kyi 'khor lo spyan drangs la/ bgegs bskrad la mchod pa rnams phul te/ dzaHhUM baM hoH/ zhes pas dgug pa dang / gzhug pa dang / bcing ba dang / dbang du byas te dbyer med par bya'o/ /de nas sa bon gyis de bzhin gshegs pa rnams spyan drangs la/mchod de gsol ba btab pas dbang bskur te/ rang gi rigs kyi bdag po bsam par bya ste/ sangs rgyas mkha' 'gro ma la sogs pa go rims bzhin du rnam par snang mdzad la sogs pa bsam par bya'o/ /de nas mchod pa rnams kyis mchod pa dang / bstod pa dang bdud rtsi myang bar bya'o//de nas gnas bzhir 'khor lo bzhi bsgom pa dang / de la yi ge rnams dgod pa dang / gtum mo sbar ba dang / rang gi 'khor lo bsreg pa dang / de bzhin gshegs pa'i 'khor lo bzhi bzhu btul bya ba dang / rang gi gnas bzhir bde ba 'pho ba la sogs pa bya'o//de nas bzlas pa bya ste/ oM bud+d+ha TA ki nI AHhrIHhUM/ zhes bya ba la sogs pa bya'o/ /de nas dkyil 'khor gyi lha la mchod pa dang / dkyil 'khor bsdu ba bya la/ spyod lam gyi ting nge 'dzin la sogs pa thams cad bya'o/ /bza' ba thams cad la sa bon lngas sbyang ba dang /khrus byed na lha dbang bskur ltar bya'o/ /nyi ma phyed dang dgongs ka'i dus su dbang bskur ba la sogs pa cho ga thams cad bya'o/ /de nas langs nas spyod lam gyi ting nge 'dzin la sogs pa thams cad bya'o/ /nam phyed kyi dus su yang dag par mchod pa dang / ye shes kyi lha gshegs su gsol ba dang /dam tshig gi dkyil 'khor rang gis bon la bsdus te/ snang stong dbyer med byang chub kyi sems su myos par byas la mnyam par bya'o/ /de ltar nyin dang mtshan du dngos grub kyi mtshan ma nye bar thob pa de srid kyi bar du bsgom par bya'o/ /sgyu 'phrul chen mo'i sgrub gzhung gi//sangs rgyas mkha' 'gro'i sgrub thabs 'di/ /bdag gis dad pas byas pa la/ /mkhas pa rnams kyis bzod par mdzod/ /sgyu 'phrul chen mo'i sgrub pa'i thabs/ /byas las bsod nams gang skyes las/ /bdag dang khams gsum sems can rnams/ /rdo rje 'dzin gyi sa thob shog /

CLOSE WINDOW