CLOSE WINDOW

D1634
བོད་ཡིག

/ //rgya gar gyi mkhan po kA ma la gup+ta dang zhu chen gyi lo tsA ba rin chen bzang pos bsgyur cing zhus nas gtan la phab pa'o// @##/ /rgya gar skad du/ mA hA mA yA sA d+ha naM/ bod skad du/ sgyu 'phrul chen mo'i sgrub thabs/dpal rdo rje sems dpa' la phyag 'tshal lo/ /sgyu ma chen mo rnam sgeg pas/ /sna tshogs sgyu ma bzhad gad ltar/ /thugs rje'i stobs can dga' ba can/ /sgyu mas rnam rgyal phyag 'tshal lo/ /sdug bsngal gsum gdungs bdag nyid khams gsum pa/ / gang las byung ba'i bde ba chen po yod/ /thugs rje chen po'i rig pa rtog chen po'i/ /de nyid rnam brgyan bla ma bzang la 'dud/ /sgyu ma chen mo'i rjes 'brangs nas/ /snying rje'i stobs can rdo rje yi/ /gang zhig bsgrub par 'dod pa yis/ /bdag gis sgrub thabs 'di brtsams so//snying ga'i nang du zla ba la/ /zla dkyil rang gi sa bon bsam/ /de yi 'od kyis lus reg pas/ /lus kyi dran pa nyer gzhag pa/ /de gyur pa las lus rnams dang / /'jig rten srid pa snang ba la/ /mdun na lha dang sangs rgyas rnams/ /gus pas ma lus mchod par bya'o//dkon mchog gsum la sogs pa yi/ /tshigs bcad gsum ni bsgrag par bya/ /tshangs pa'i gnas bzhi bsgom byas la/ /stong pa nyid ni bsgom byas nas/ /gsang sngags kyang ni brjod par bya/ /bsrung ba'i sngags kyang dran byas la/ /rdo rje ra sogs rnam par bsam//chos kyi dbyings su chud pa yi/ /de nang 'byung ba bsam par bya/ /steng du ri rab bsgom byas te/ /'byung ba'i ri rab gyur pa las/ /gzhal yas khang pa bsam byas te/ /zur bzhi dang ni ldan pas gnas/ /rgyud rnams kun nas 'byung ba bzhin/ / phyi yi phyogs dang mtshams rnams su/ /dur khrod kyis ni rnam par brgyan/ /de yi ming dang mtshan nyid ni/ /ji bzhin lung gis bshad par bya/ /gtum drag gcig ste dbyibs can ni/ /gnyis pa tshang tshing gsum pa yin/ /'bar ba zhes bya bzhi pa yin/ /mi thod ces bya lnga pa yin//mi bzad pa dang ha har dgod/ /brgyad pa g.yeng ka can du 'dod/ /dang po tshig pa zhes bya ste/ /gnyis pa yang ni ma tshig pa/ /gsum pa dum bur gyur pa ste/ /bzhi pa dum bur ma gyur pa/ /lnga pa 'jigs pa zhes bshad de/ /drug pa 'jigs par byed pa yin/ / bdun pa mdung rtse bskyon pa ste/ /brgyad pa sgeg pa zhes bya'o/ /khra dang ce spyang 'ug pa dang / /gtum po'i khyi dang srin po phag /ro langs khro ba dregs khro ma/ /brgyad kyis gtso bo yang dag bskor/ /gzhal yas khang pa'i dbus su ni/ /pad+ma dmar po bsam bya ste/ /de yi dbus su zla ba yi//dkyil 'khor chen po nges 'byung ba'i/ /de yi dbus su sa bon ni/ /rnam pa lnga ni rim bsgoms pas/ /de las spros dang bsdu ba dag /byas nas snying rje'i stobs chen sogs/ /sa bon lnga las bdag nyid lnga/ /ye shes lnga ldan khyab bdag nyid/ /zhal bzhi pa la phyag bzhi pa//spyan gsum sku mdog nag po ljang / /skyil krung phyed pa'i gar gyis bzhugs/ /lha mo'i tshogs kyis rnam par brgyan/ /phyag rgya drug dang yang dag ldan/ /yan lag thal ba'i rdul gyis byug /dum bu'i rgyan gyi ska rags can/ /thod rlon phreng bas brgyan pa ste/ /sngo dang ser dang dkar dang ljang //zhal bzhi po dang ldan pa la/ /thod pa kha T+rAM 'chang ba dang / /de bzhin mda' dang gzhu 'dzin pa/ /lugs 'byung lugs las bzlog pa yi/ /sgeg pa la sogs nyams dang ldan/ /zhal bzhi'i mdog can lha mo bzhi/ /'dab ma bzhi la rnam par bsam/ / zhal bzhi pa la phyag bzhi pa/ /spyan gsum gtso bo'i zhal dang mtshungs/ /shar gyi zhal ni thams cad kyang / /rigs kyi gtso bo dang mthun pa/ /g.yon pa dril bu kha T+wAM ga /slar yang lha mo g.yas pa la/ /rdo rje dang ni thod pa bsnams/ /gnyis pa lho yi 'dab ma la/ /ser mo zhal gyi kha dog ni//ser dang sngo dang dkar dang ljang / /kha dog ldan pas rnam par bzhugs/ /phyag ni g.yon pa steng dag na/ /thod dang ce spyang bsnams pa ste/ /g.yas na rin chen mdung dag dang / /chu khams rin chen mkha' 'gro ma/ /gsum pa nub kyi 'dab ma la/ /me yi khams kyi rang bzhin can//dkar dmar mdangs kyi 'od gsal ba/ /rnal 'byor pad+ma'i mkha' 'gro ma'i/ /dkar dang sngo dang shin tu ser/ /ljang gu'i mdog ste zhal bzhi pa/ /sna tshogs pad+ma mda' dang bcas/ /g.yon pa thod pa gzhu 'dzin ma'o/ /byang gi phyogs kyi 'dab ma la/ /rnal 'byor sna tshogs mkha' 'gro ma//ljang sngon de bzhin ser po dang / /dkar po'i zhal can phyag bzhi pa/ /ral gri dang ni cang te'u dag /g.yas na rtag tu 'dzin pa dang / /g.yon na thod pa zhags pa bsnams/ /rlung gi khams kyi mkha' 'gro ma/ /de ltar rnam par bsgom par bya/ /rang rang sa bon gang yin dgod//sngags kyis skur ni bsgom byas la/ /ye shes dkyil 'khor chen po ni/ /dbang bskur chen po bsam par bya/ /gtso bo'i dbu la mi bskyod pa/ /mchod cing bstod la bdud rtsi myang / /byas nas bzlas dang brtul zhugs spyad/ /sgra med bzlas pa bya ba dang //hra'iHyi yi ge bzlas pa'i gzugs/ /aM sogs rnal 'byor ma sogs la/ /dbugs rngub pa yis rgyun du ni/ /brgyad pa'i mtha' dang yang dag ldan/ /drug pa dang ni thig ler bcas/ /dbugs dbyung ba yang rnal 'byor pas/ /bsgom dang bsgom min rnam par spang //sngags dang dbyibs dang chos bdag nyid/ /rnal 'byor 'gro ba'i gtso bor 'gyur/ /gzhan yang rdo rje bzlas pa dang / /bzlas dang rdo rje 'chang ba bsgom/ /bzlas pa gnyis pa byas nas ni/ /grangs med mnyam par gzhag pa yis/ /mthar yang yi ge gsum gyis ni/ /brgyad pa'i mtha' las rnam par gnas//u yi yi ge thung ngur bcas/ /yi ge mchog ni dam pa ste/ /a sogs yi ge rnal 'byor ma/ /hrIHyi yi ger yang dag sbyor/ /a yi mtha' dang yang dag ldan/ /sa bon lnga yis dgos par bcas/ /pad+ma kha bye byas nas ni/ /yi ge rnams ni bsgom par bya/ / de ltar rnal 'byor rtog byas nas/ /'dod pa'i don grub rdo rje can/ /sngags kyis byin brlabs de nas ni/ /rnal 'byor chen po de mnyam gzhag /rang bzhin shes rab yan lag gi/ /gsang ba'i ze'u 'bru'i spyod yul du/ /lte bar gnas pa'i ri mo la/ /de la gnas par sbyar bar bya/ /A li kA li mnyam byas nas//'bar ba la sogs sngags pa yi/ /seng ge'i rnal 'byor phyag rgya ni/ /bcings te gtum mo gzhug par bya/ /gzugs med lha yi rnal 'byor byas/ /rtog pas yang dag bsgyur nas ni/ /brgyad pa'i mthar ni thig ler bcas/ /bde ba chen po 'dzag par 'gyur//lan gnyis lan gsum goms byas te/ /bde ba chen po 'dzag pa na/ /rnal 'byor ngal bso gnas bya'o/ /gzhan yang rnal 'byor la bos nas/ /rnal 'byor ma yis slong bar byed/ /kye ma mnyam mchog rdo rje yi/ /'od kyi pad+ma kha bye zhig /a la la la la ha/ /bde ba chen po rab tu dgyes pa'i gar mdzod cig /nyi ma'i 'od kyis pad+ma kha rab 'byed pa bzhin/ /bde ba chen po rab tu dgyes pa'i gar mdzod cig /de ltar thugs ni dgyes gyur nas/ /sgeg pa chen po rnam par bsgyings/ /lha mo'i tshogs kyi dbus na ni/ /dgyes pa'i dga' bas rnam par rol//bdag gis sgrub thabs 'di byas pa'i/ /bsod nams 'di yis 'gro ba kun/ /sgyu 'phrul chen mo khyab bdag gi / gtso bo'i bdag nyid thob par shog /slob dpon chen po dpal rin chen rdo rje'i zhal snga nas mdzad pa'i sgyu 'phrul chen mo'i sgrub thabs rdzogs so/

CLOSE WINDOW