CLOSE WINDOW

D1620
བོད་ཡིག

@##/ /gdan bzhi'i de kho na nyid bzhi pa bzhugs// @##/ /'phags pa spyan ras gzigs dbang phyug la phyag 'tshal lo/ /nam mkha'i btsun mo dang 'dus las/ /dpal ldan dga' ba bzhi ston pa/ /'jig rten gsum po bskyed pa'i mgon/ /sna tshogs gzugs can de la 'dud/ /gdan bzhi'i rim pa las 'ongs pa//'khor lo bzhi la yang dag gnas/ /de nyid bzhi zhes gang bshad pa/ /de ni bdag gis gsal bar bri/ /dag byas bde ba'i stan gnas te/ /mdun du bde gshegs yang dag mchod/ /blo ldan ma lus stong bsgoms nas/ /rgyud las gsungs pa bsam par bya//lhun po'i rtse mor khang brtsegs ni/ /shin tu mdzes pa yid du 'ong / /der ni byang chub sems nyid las/ /sprul pa'i dkyil 'khor bsgom par bya/ /rkang pa'i mthil du gnas pa yi/ /rlung gi dkyil 'khor gzhu lta bu/ /ji srid lte ba'i mtsho skyes su/ /rim gyis steng du 'gro ba ste/ / de nas me yig las byung ba/ /me yi dkyil 'khor gru gsum tshul/ /'dis ni bdag dang kun bsregs nas/ /sna tshogs nam mkha' mtshungs par bsam/ /de nas sngags dang mtshan ma yi/ /cho ga rim pas lus su bsgom/ /seng ge'i stan la gnas pa yi/ /ri bong can gyi 'od 'dzin 'phro//me dang chu yi dbus gnas pa/ /sna tshogs pad+ma yid 'ong ba/ /der ni kun du rnam 'phro ba'o/ /sde mtshan dang po bsam byas te/ /gangs dang kun da zla 'dra ba'i/ /'od zer tshogs ni shin tu bsil/ /sangs rgyas tshogs chen rnams 'phro ba'o/ /sna tshogs gzugs can nor bu'i 'od/ /ye shes lha mo'i bdag nyid gsal//chos kyi dbyings kyi rang bzhin nyid/ /dbugs kyi rlung la zhon nas su/ /'ba' san ti yi bdud rtsi 'thung / /gzugs dang sgra dang dri dang ro/ /reg bya dang ni chos kyi khams/ /gzhan yang mig dang rna ba dang / /sna dang lce dang lus dang yid/ /rnam shes drug dang 'byung ba dang //'byung las gyur dang phung po lnga/ /brtan pa dang ni g.yo ba'o/ /'gro ba thams cad de las byung / /shar dang lus ngan phyogs su ni/ /dbyangs yig dang po gnyis pa dgod/ /nub tu bcu pa'i mtha' ma ste/ /lho yi 'dab mar de yi mtha'/ /mkha' 'gro ma dang drag mo'i gzugs//ro langs ma dang gtum mo dang / /seng ge stag dang ce spyang mo/ /'ug pa mo ste mtshams bzhir dgod/ /dkar dang ser dang de bzhin dmar/ /sngo dang sngo bsangs bzhi pa'o/ /mtshams su kha dog 'dres ma ru/ /ma ning las skyes bsam par bya/ /zhal gcig phyag gnyis shin tu drag /lha yi rgyan gyis shin tu klubs/ /spyan gsum khro zhing bzhad pa ste/ /kha T+wAM ga dang mi thod ldan/ /mtshams kyi lha mo g.yon na ni/ /sdigs mdzub dang ni zhags pa rnams/ /ral gri lcags kyu dgra sta dang / /dbyug pa rnams te phyag g.yas na'o/ /lha mo rdo rje cod pan can//stag gi pags pa'i sham thabs can/ /mi yi pags pa'i bla gos dang / /sgeg pa yi ni nyams kyis mdzes/ /mche ba can dang cod pan can/ /ngang pa ci bgyi phyogs kyi gdan/ /mtshams su seng ge stag gdong dang / /'ug pa dang ni ce spyang ngo / /mkha' 'gro ma dang mar me ma//'jib ma 'phrog byed rang rgya can/ /ro dang nyi ma'i stan bzhugs pa/ /rang gi gnas kyi mdog bzhin bsam/ /me long mnyam nyid so sor rtog /bya grub shin tu dag rnams las/ /sangs rgyas gzugs su bskyed nas su/ /rang gi rigs kyi phyag rgyas gdab/ / gang zhig phyi rol dkyil 'khor dga'/ /de yis de dag lus bsgoms nas/ /dbyangs yig dang po thig le'i gzugs/ /sngar bstan bzhin du lte bar bsgom/ /bdag nyid de ltar bsgoms nas su/ /dngos grub thams cad bsgrub par bya/ /sngags kyis bdag nyid ma bsten par//las rnams bya bar nus min pas/ /ji srid snang bar mthong ba'i bar/ /rnal 'byor can gyis de srid bsgom/ /mtshan ma thob na myur du ni/ /rtag tu grol ba'i dngos grub 'gro/ /kha sna mig dang rna ba ni/ /rang gi lag pas bsdams nas su/ /ma yengs blo yis bltas nas ni/ /yang dag sbyor bas thig le mthong //rlung dang me dang sa dang chu/ /'khor lor bsgyur ba'i thig le ste/ /de yi mtshan nyid shes byas nas/ /las ni ji bzhin sbyar bar bya/ /dkar po snang na zhi bar bya/ /ser zhing dmar bas rgyas pa ste/ /sngon pos nang gi las ni bya/ /du ba'i mdog gis bskrad cing gsad//lag gnyis gsang bar mnyam gzhag ste/ /mchod rten 'og tu thur sel la/ /ka sha'i yi ge bltas nas su/ /shin tu mnyam par gzhag nas bsdam/ /mig gnyis sna rtser bltas nas su/ /rlung gis lte bar gsal bar bsam/ /gzugs ni stong par brtan byas na//yid bcing ba yi dam pa yin/ /rnam par snang mdzad dbyangs dang po/ /de bzhin sangs rgyas lngar ldan pas/ /rang gi lha yi sbyor ba ni/ /'byung dang 'jug pas bzlas par bya/ /drod mtha' tsheg drag bcas pa dang / /de nyid dgu pas brgyan pa dang //me la gnas shing i yis brgyan/ /'di yis rdzas rnams byin gyis brlab/ oM AHhUM swA hA/ bzlas pa'o/ /ha ho hrIHbyin gyis brlab pa'o/ /a A aM aHr-i r-I l-i l-I/ phuM pheM phroM phriM/ dkyil 'khor gyi 'khor lo'i sa bon no/ /rlung dang me yi dkyil 'khor la/ / gnas pa yi ni thod pa la/ /lus las byung ba thams cad bsam/ /zla ba zhu ba'i tshul du gyur/ /de nas zla ba bar snang 'dzag/ /pad+ma'i dbang phyug shin tu mdog mdzes shing / /rnam par snang mdzad dri zhim btung bar mdzod/ /phyag na rdo rje ro bro rdo rje dbang / /rnam gsum lha gsum du ni gzung bar bya//lte bar me yi rang bzhin bsam bya ba/ /'od gsal 'od zer dra ba'i tshogs 'phro ba/ /nyi mar gnas la dag pa'i blo yis ni/ /bsreg pa'i lha la gtor na gos mi 'gyur/ /nang gi sems las sprul pa yi/ /bdag gi gdan ni bsgom pa dang / /sngags dang thig le'i de kho na nyid kyi dum bu ste dang po'o// //ye shes lus su bsgoms nas ni/ /thur sel rlung ni bsdams nas kyang / /steng du drangs te bsdam byas la/ /'byung dang 'jug pa'i brtan por bya/ /chu shing me tog lta bu'i rtsa/ /snying gar gnas shing 'og tu lta/ /sna tshogs pad+mas mdzes pa la//sa bon dag gis dgod bya ste/ /de yi dbus gyur sa bon ni/ /sangs rgyas kun gyi bdag nyid mchog/ /dbyug pa 'jig rten dbang phyug mgon/ /gya gyur rdo rje 'dzin pa'i gtso/ /yan lag dam tshig rdo rje ste/ /mgo ni rin chen rgyal po yin/ /thig le sgra dang bcas pa ni//sangs rgyas gtso bo zhes byar grags/ /zla ba'i zer ltar dri med pa'i/ /rigs kyis khyab pa'i 'od zer 'phro/ /gal te sna tshogs sgrub 'dod na/ /shes rab can gyis 'di bsam bya/ /de nas drod kyi gsum pa dang / /brgyad kyi mtha' dang bdun pa yi/ /dang po de bzhin drod pa'i mtha'//sgra dang bcas pas yang dag brgyan/ /shar gyi phyogs su mkha' 'gro ma/ /de bzhin byang du drag mo bsgom/ /nub kyi phyogs su ro langs ma/ /lho phyogs mkha' 'gro gtum mo ste/ /sngon du bstan pa'i mdog bzhin du/ /phyogs kyi 'dab mar bsgom par bya/ /mtshams su kha dog 'dren ma ru//brtsegs pa'i sa bon bzhi po bsam/ /yan lag brgyad kyi go cha gang / /sngags de nyid kyis rnal 'byor ldan/ /'od zer 'bar ba'i phreng 'khrug pa'i/ /sngags de dag ni blta bar bya/ /las bzhi yi ni gnas skabs la/ /rjes su mthun pa'i mi shigs bsgoms//de bzhin las bzhi sgrub byed pas/ /lus kyang kha dog bzhi ru dgod/ /zhal gcig phyag gnyis la sogs pa/ /zhal phyag ji snyed 'dod par bya/ /drag la khro bor bsgom par bya/ /zhi ba la ni zhi ba'i lus/ /rlung dang me yi steng du ni/ /nyi ma la gnas drag por bya/ /sa chu zla ba la gnas te//zhi ba'i las ni bsgom par bya/ /oM suM k+ShuM yuM hUM hUM/ smraM h+m+raM y+m+raM k+Sh+m+raM/ phuM pheM phroM phriM/ dkyil 'khor gyi sa bon no/ /oM hrI Ta Ta d+ha ra hUM hUM hUM phu phu phu/ /A A A phaT phaT phaT/ klu brgyad kyi dug dbrog pa'o/ /oM hr-I kriM k+ShuM swA hA/ /grong khyer dkrugs pa'i'o/ /oM bat+tA li rak+Sha rak+Sha hUM hUM phu phuM phaT/dam tshig srung ba'i 'khor lo 'di bris nas/ yu yu yu yu/ dpung par btags te bsrung bar mos/ /nad pa nad las grol gyur zhing / /dus la bab pas mtho ris 'gro/ /rdo rje 'dzin par snyoms zhugs nas/ /gzhan gyi gdan ni bstan pa ste/ /dngos grub sna tshogs byed pa'i gnas//dngos grub thams cad kyis ni gnas/ /tshes gcig sogs la rkang g.yon gyi/ /mthe bong sogs 'phel mgo bor gnas/ /de nas g.yas kyi cha la ni/ /zla ba gnyis kyis 'ju bar 'gyur/ /rlung dang me dang nyi ma la/ /gnas pa'i rang la sa bon blta//thams cad dbang bskur phyag rgya ni/ /blo dang ldan pas gsang sngags kyi/ /sbyor ba 'di yis slob ma dbab/ /ra ma ra ma tu hUM badzra sa ma ya ma nu pA la ya oM AM hUM hrI/ sngags 'di gnas bzhir bkod nas su/ /rdzas bcu dag ni bzung nas kyang //'bum du bzlas nas bsgrub par bya/ /de ni kha ru blugs tsam gyis/ /slob ma myur du babs nas ni/ /gang gis 'khor lo'i steng du ni/ /shin tu myur bar 'khor zhing gnas/ /des ni 'khor ba sgyu ma dang / /smig rgyu lta bur mthong bar 'gyur/ /snying gar rdo rje bkod nas su//tiSh+Tha badzra zhes brjod la/ /zhi bar shes nas mi g.yo zhing / /byung chub sems ni brtan par bgyi/ /zhes brjod do/ /ri dgas dbang zhon rdo rje gzhu dang mda'/ /thogs shing rang 'od btsun mo thod pa dril/ /bsnams pa'i zhal gsum phyag drug mdog sngo ba//snying ga'i phyogs su rnam par bsgom byas nas/ /rdzogs ldan yi ge 'bum phrag gcig tu bzlas/ /gnyis ldan dus su sngags pas 'bum phrag gnyis/ /gsum ldan la ni sum 'gyur bya ba ste/ /rtsod dus bye ba gsum dang 'bum phrag bzhi/ /le lo'i nyes pa phan min gdams ngag dang //spro ba nyams dang yul la chags pa dang / /dad pa dang bral dge ba'i rtsa ba nyams/ /de dag thub pa'i bka' ni 'grub mi 'gyur/ /nang gi sems las sprul pa yi/ /byin gyis brlabs pa'i rim pa dang bcas pa'i gzhan gyi gdan bsgom pa'i de kho na nyid de dum bu gnyis pa'o// //sbyor ba'i gdan la gnas pa yi/ /'dab ma bcu drug pad+ma che/ /gnas der gnas pa'i lha mo rnams/ /sna tshogs gzugs can yid dga' ma/ /yi ge'i dbang phyug dbus sa bon/ /sangs rgyas kun gyi rang bzhin te/ /ma mo'i tshogs dang yang dag ldan//ri dgas mtshan ma'i bdud rtsi 'dzin/ /shar du ma mo gsum yin te/ /de bzhin byang du rnam pa gsum/ /nub kyi phyogs su'ang gsum yin te/ /lho yi phyogs su rnam gsum dgod/ /mtshams su ma ning sa bon rnams/ /sngon bzhin 'dren mar shes par bya//phyogs kyi 'dab ma'i sa bon rnams/ /phyogs kyi bde gshegs mdog tu blta/ /mchod rten rtse mo'i sgo ru ni/ /blo ldan yi ge'i dbang phyug bsam/ /de 'od bdud rtsir 'dzag pa yis/ /chos kyi dkyil 'khor bkru bar bya/ /de yi 'og tu 'bab bsgyur bas/ / sa yi bu gar thim par bya/ /bdud rtsi char pa las byung des/ /lha mo thams cad bskyangs par 'gyur/ /shin tu mnyam gzhag sems kyis ni/ /srid pa stong nyid bsgoms byas nas/ /mngon sum sangs rgyas nyid 'gyur na/ /dngos grub gzhan lta smos ci dgos/ /'di ni sngon por bsgom gyur na//nad dang skra dkar 'byung mi 'gyur/ /dbang chen la gnas bsams nas ni/ /dpung rnams thams cad bcing bar 'gyur/ /dkar po'i mdog gis ltas mkhan dang / /dri ma med pa'i snyan dngags 'gyur/ /zla drug tsam du goms pa yis/ / dngos grub 'dir 'gyur the tshom med/ /ye shes lha mor kun 'khyud pa'i/ /rdo rje sems dpar rnam bsgoms la/ /dngos grub kun byed gdan dang ni/ /sngags kyis pha rol son shes bya/ /'di ni sbyor ba'i gdan shes bya/ /rnal 'byor thams cad yang dag 'byung / / snying po las kyang snying po sbyor/ /sangs rgyas ye shes sgrub byed pa/ /thub pa'i dbang po zhes bya ste/ /gdan de 'dod pa thams cad pa'o/ /de las longs spyod spyad byas na/ /der ni chags las khyad par 'gro/ /steng gi lam du 'bar ba dag /ji srid mgrin pa'i bar du dmigs//mgrin par 'khyud nas lha mo rnams/ /gang yang mgrin par yang dag rig /g.yas g.yon gyi ni mthe bo yis/ /steng du 'gro ba btsir bar bya/ /rgyas pa'i 'og tu bskyod pa yis/ /bde ba dam pa rig par bya'o/ /thog mtha' spangs pa'i skad cig ste/ / der ni dngos po dmigs mi 'gyur/ /byang chub sems ni bde ba che/ /rang rig pa ni skye gyur pa/ /brjod las ring du song ba ste/ /mthong med gang na'ang gnas pa min/ /bla ma'i bsnyen bkur brtson pa yis/ /bsod nams las ni rang gi rtogs/ /de lta mod kyis lus dang ni//bla ma'i man ngag gis mtshon cha/ /de nyid kha dog med cing mtshan nyid med/ /thub dbang 'chi ba'i gnas skabs lta bur rtogs/ /dag pa'i lus su bsgoms nas sngags kyi ni/ /man ngag ji bzhin sgo rnams bsdams nas su/ /rnam shes sa bon rlung la yang dag gnas//tshigs dgu nas ni steng du 'pho bar bya/ /'khor ba'i rgya mtsho 'jigs su rung ba'i 'dam du bying ba yi/ /'tshe zhing rmongs par 'gro bar zhugs gang yin/ /nyi ma stong gis mngon shes drug ldan lus/ /bla na med pa'i go 'phang thob par 'gyur//nang gi sems las sprul pa'i sbyor ba'i gdan gyi bsam gtan gyi de kho na nyid dang / bdag med ma'i mngon par byang chub pa dang / /gong du 'pho ba ste dum bu gsum pa'o// //ri yi rtser gnas ge sar dang / /sna tshogs 'dab ma 'jam pa la//de yi dbus gnas dpa' bo ni/ /'dod don thams cad sgrub byed pa/ /'byung po kun gyi gnas yin te/ /thams cad bskyed pa'i rgyu yang yin/ /lus can kun la khyab pa ste/ /thams cad thams cad bdag nyid gnas/ /haM gi sa bon yang dag 'byung / /'jig rten gsum bskyed gtso bo yin//yid bzhin nor bu'i bdag nyid de/ /rin chen sna tshogs 'bras bu 'byung / /mtshan ni sum cu rtsa gnyis ldan/ /dpe byad bzang po brgyad cur bcas/ /rlung bskyod pa la zhon nas su/ /rtag tu lte bar 'gro 'ong byed/ /mgo bo mtha' na rlung dkyil 'khor//gzhu yi dbyibs ltar gnas pa ste/ /steng dang 'og gi rlung la ni/ /'dab ma bzhi po yang dag gnas/ /lce dang rkan ni sbyar nas su/ /rtag tu sgra dang bcas byed pa/ /gcig tu gyur cing thim gyur pa/ /der ni phyag rgya chen por brjod/ /'jug pa'i rlung ni bsdams nas su//steng du drangs te sbyar bar bya/ /ji snyed ldog par 'gyur bar du/ /rnal 'byor pa yis brtsir bar bya/ /ji ltar mar la mar blugs shing / /ji ltar chu la chu bzhag dang / /nam mkha' dang ni nam mkha' bzhin/ /rang gis rang ni rig par 'gyur/ /'jug dang 'byung dang gnas pa yi//dal zhing ngal ba'i ris kyis su/ /cha med dge ba rab zhi nas/ /rang bzhin med pa nyid du 'gro/ /ye shes 'di ni rang rig ste/ /kun du rtog pa thams cad spangs/ /bdag byin brlab pa'i rim gyis ni/ /de nyid rnal 'byor can shes bya/ /kun du dga' la sogs rim dang //nye bar bstan pa la sogs bye brag dang / /rnal 'byor la sogs rim pa yis/ /bla ma'i lung las mchog tu bde/ /sa bon med cing bsgom pa med/ /rang bzhin stong pa gnas med pa/ /ma lus bsreg par gshegs par bya/ /khyad par 'gro ba'i bde ba dang //gang phyir chags pa'ang rnam rtog ste/ /chags bral de yis dri mar bcas/ /gti mug spangs pa gang yin pa/ /gnyid log sad pa bzhin shes bya/ /sa 'og sa steng mtho ris su/ /skad cig gcig gis sku gcig 'gyur/ /bdag dang gzhan gyi rtog pa yis//bcing bar nus pa ma yin no/ /sngags kyi rjes 'brangs man ngag shin tu bstan/ /gang yin dngos rnams chu zla lta bur blta/ /yul la mngon zhen dag ni bzlog 'gyur zhing / /thub pa'i dbang po'i lam ni nye bar 'gyur/ /rang gi sems nyid bdud yin pas/ /de bas sems ni dbang du bya//rang sems dbang du byas nas ni/ /bdud dang dgra dag yod ma yin/ /dper na ge sar dri zhim la/ /myos pa'i bung ba spang nang du/ nyi ma nub pas bcings nas su/ /sdug bsngal sna tshogs myong bar 'gyur/ /de bzhin bla ma'i lung ni nyi ma nub pa'i sems can gang / /'khor ba rab 'jigs rab rib bde ba'i zhags pas bcing gyur pa//de shar ba yis de kho na nyid lam ni nyer mtshon nas/ /rjes su mthun pa'i lam gyis go 'phang mchog ni thob par 'gyur/ /dper na zas la longs spyod dang / /'dod la mngon par zhen pa bzhin/ /de bzhin du ni goms byas pas/ / dngos kun stong pa nyid du mthong / /'khor lo bzhi la gnas pa yis/ /gdan bzhi pa yi de bzhin bzhi/ /dgra las rgyal ba'i slob dpon gyis/ /rang gis myong ba bzhin du bris/ /gdan bzhi pa'i shes rab ye shes kyis mngon par byang chub gtan la phab pa ste dum bu bzhi pa'o// //

CLOSE WINDOW