CLOSE WINDOW

D1615
བོད་ཡིག

sdig pa rnams ni rnam byang zhing / /bsod nams rnams ni 'phel ba rnams/ /bde ba can du 'gro par shog /shing gcig pa'i dka' 'grel slob dpon 'phags pa'i lha'i zhal snga nas mdzad pa rdzogs so/ /[]@##/ /rgya gar skad du/ badzra g+haN+Ta pU dza kra ma sA d+ha naM/ bod skad du/ rdo rje dril thabs kyis mchod pa'i thabs kyi rim pa/ /dpal rdo rje can la phyag 'tshal lo/ /sgrib gnyis spong zhing tshogs gnyis bsgrub/ /mchod pa dag la rtag dga' phyir/ /rdo rje dril bu'i sgrub pa ni/ /bde mchog gsad la btud de bshad/ /yid dang mthun zhing dben gnas su//yang dag don ldan rnal 'byor gyis/ /rdo rje dril bu byin gyis brlab/ /mdzes pa'i maN+Dal steng dag tu/ /me tog tshom bu gnyis bzhag ste/ /rdo rje dril bu steng du bzhag /dang por dag pa'i khrus bya ste/ /mos pa tsam gyis lhar bskyed nas/ /'od kyis brtag gnyis sbyang bya ste//stong pa'i ngang las AHhUM bskyed/ /de nas rdo rje dril bu gnyis/ /de nas dpal ldan yab yum bskyed/ /de la ye shes 'khor lo gzhug /gnyis med bstim nas dbang bskur zhing / /byin gyis brlabs nas mchod cing bstod/ /de 'od zhu las rdor dril gyur//bzlas pa byas nas blang bar bya/ /g.yon gyis steng 'og tshul du blang / /de nas g.yas su rdo rje blang / /snying ga dag tu bzung nas ni/ /dril bu g.yon gyi dku ru bsten/ /de nas g.yon du gar bcas te/ /g.yas la thug pa dgu ru bskor/ /de nas gong bzhin gzung bar bya//dang po thun mong bshad bya ste/ /gar bskor rdo rje dril bu gnyis/ /gong bzhin 'dzin pa bca' ba ste/ /de nas dril bu len gsum dkrol/ /de nas gnyis kas lan gsum ste/ /tha mas steng du bskor nas ni/ /gar bskor gong bzhin 'dzin pa ni/ / kun gyi sngon du 'gro ba yin/ /ba dan phyar ba'i rnam pa la/ /drang por 'dzin dang dril bu 'khrol/ /rdo dril gsor gsil bcas pa la/ /gnyis ka 'dzin pa sbyor min te/ /dkrol ba ba dan g.yob pa la/ /dang po la sogs lugs bzhin te/ /ba dan mi g.yo ba bting pa la/ / mi dkrol mi gsor so ru bzhag /ba dan 'gugs pa'i dus dag tu/ /dran pa chu bur bzhin du dkrol/ /sems can don brtson gyur pa na/ /mdung thabs zhes ni bya ba ste/ /nyon mongs tha ba 'bigs pa'i tshul/ /dang po dril bu gsum yin te/ /g.yas su 'phang pa'i 'bigs bzhin te//g.yon du gnyi gas byed pa yin/ /sgrib pa gnyis ni 'joms pa ste/ /lan gsum bskor ba dngos grub len/ /steng du bskor ba brtan par byed/ /snying gar bzung bas bkrag mdangs bskyed/ /don grub sbyor ba bshad bya ste/ /g.yas kyis rgya gram sbyor ba dang //g.yon dang dbus kyi sbyor ba ni/ /sku gsung thugs kyi sbyor ba ste/ /snying ga la ni rten par byed/ /dril bu'i cha la rab brtags nas/ /spyi bo mgrin pa snying ga yi/ /thad kar 'dzin cing bskor ba ni/ /sa 'og sa bla sa steng gi / srid gsum sprul pas 'grub pa'o/ /rdo rje sems 'gugs sbyor ba la//dang por phar la spros pa ni/ /rang gi mchod pa byed pa ste/ /snying gar 'gugs pa dngos grub len/ /rdo rje bsnol brtan zhes bya ba/ /gnyis ka'i dbang du byas pa ste/ /kar 'dzin gnyis kyi thad ka ru/ /bzung ba steng 'og byed pa'o/ /g.yas brtan pa ni thabs yin te//g.yon brtan pa ni shes rab yin/ /gnyis brtan pa ni sbyor ba'o/ /gong du sbyor ba'i byang chub sems/ /gnyis brtan nas ni 'bul bar byed/ /de yis rgyal ba thams cad mnyes/ /rol pa'i cho ga byed pa ni/ /lag pa bsnol mar byed pa ste//shes rab ye shes gnas skabs dang / /gsang ba yi ni spyod pa dang / /gsang ba'i spyod pa'i skabs su shod/ /gzhan yang yon tan brjod las 'das/ /bla med gsang ba'i bla na med/ /gtso bo mchog gi las sbyor ba/ /khyad par gyi ni bshad bya ste//dang po'i las dang tha ma'i las/ /gong ma bzhin te thun mong ngo / /'khor lo 'dzin sogs lnga po dang / /snying gar 'dzin pas shes par bya/ /mdun du spos phor 'dzin pa dang / /gyen la me tog 'thor ba dang / /sor mo mar me'i tshul du bsgreng / / gdengs pas byug pa'i tshul du byug /mnyes pa yi ni thabs su bshad/ /zhi ba yi ni sbyor ba ste/ /rdo rje dri bu'i thad bzung nas/ /gang la phog pas de byed bsam/ /rgyas pa steng du 'phyar ba ste/ /ye shes khams gsum bcud len byed/ /dbang ni gyen la phyogs nas su/ /lag pa'i 'og tu 'jug tshul lo//drag po gsang ba'i cho ga ni/ /gdul bya mdun du gnas pa la/ /steng du 'phyar zhing thur du 'gugs/ /rengs pa yi ni sbyor ba ste/ /gdul bya mdun du bas ma bya ste/ /gyen thur thad kar phyar ba yis/ /spyi bo rkang pa'i bar dag tu/ /rdo rje ring po bsgeng bar byed//bstab pa'i cho ga'i las byed pa/ /rdo rje gdengs ba'i sbyor ba yis/ /thur bsags la ni len pa ste/ /gyen du phyar nas bteg byas nas/ /de nas mdun du bstan pa'o/ /de la sogs pa'i sbyor ba mchog /gsang ba de nyid rjes 'brangs nas/ /blo dman don du bshad pa yin//'di la nyes par gyur pa kun/ /'phags dang mkhas la bzod par gsol/ /bdag gis 'di brtsams bsod nams kyis/ /khams gsum thams cad bla med shog /rdo rje dril thabs kyis mchod pa'i rim pa slob dpon 'phags pa ltas mdzad pa rdzogs so/

CLOSE WINDOW