CLOSE WINDOW

D1614
བོད་ཡིག

/ //[]@##/ /dpal gdan bzhi pa'i za ba don sngon pa shing gcig gi dka' 'grel bzhugs/ @##/ /dpal rdo rje sems dpa' la phyag 'tshal lo/ /gtso mo lha mo thams cad bde/ /de nyid thams cad rab brtson mdzad//gru gsum pad+ma'i dbus gnas pa'i/ /zla ba nyi ma me yis brgyan/ /pad+ma chen po nyer gnas te/ /yi dags chen pos gdan byas par/ /gdan skyes rnal 'byor ma bsgoms na/ /myur du dngos grub thob par 'gyur/ /gdan bzhi pa yi rgyud kyi ni/ /lung gi don gyi rjes 'brangs te//shing gcig la sogs dka' 'grel ni/ /rnal 'byor grub phyir bshad par bya/ /dam tshig ma dang sgrub pa pos/ /rnal 'byor pho mo'i dkyil 'khor la/ /gtor ma'i las ni khyad par du/ /nges pa nyid ni sbyar bar bya/ /zla ba yang ngo'i tshes brgyad dang / / bco lnga dang ni bcu bzhi la/ /rang khyim rnal 'byor ma mchod nas/ /phyi nas gtor ma brtsam par bya/ /rang gzhan de bzhin phyi rol dang / /lus la gnas pa'i lha rnams mchod/ /shing gcig la sogs gnas rnams su/ /gtor dang btung bas yongs su mchod/ /de ltar gyur pa'i sngags kyis ni//rnal 'byor ma kun mchod par bya/ /de ltar sngags kun ma shes par/ /sngags pas phyi rol spyod byed na/ /bskal pa bye ba brgya bsgrubs kyang / /lha rnams mnyes par mi 'gyur ro/ /de phyir rgyud rnams thams cad du/ /bcom ldan 'das kyis rtag sbas pa/ /rnal 'byor rgyud 'di thams cad la//dngos grub thob pa'i rgyu ru ni/ /'di ni rgyas par byas pa la/ /nyon cig bzang po bdag gis bshad/ /oM zhes pa ni mchod pa'i dag /shing gcig la sogs bdun du ni/ /rgyang grags gcig gi nang rol nas/ /shing gzhan dag ni rnam spangs pa/ / shing gcig pa ni thams cad kyis/ /bshad pas shes par mi 'gyur phyir/ /lus ni shing zhes bya bar bshad/ /lag pa yal ga la sogs bya/ /rig byed mtha' yas gsungs pa dang / /rgyud gzhan dag la de skad gsungs/ /steng gi rtsa ba yal ga 'og /a shwad zhes gsungs mi zad pa//me tog 'bras bus yongs su brgyan/ /shing zhes bya bar bshad pa yin/ /lus kyi dbus na a gnas pa'i/ /gsang ba'i shing ni mi shes phyir/ /lte ba nas ni sor bzhin/ /de las lus rten rab tu gnas/ /de las steng 'byung yal ga gsum/ /shing gi bu gur yongs su ldan//lte snying smin ma'i dbus gnas par/ /thig le gsum ni gsungs pa dag /steng du 'og tu 'gro ba las/ /yal ga bcu zhes bya bar bshad/ /me tog 'bras bu rtag tu ldan/ /'dab ma brgyad pa shin tu mdzes/ /gang tshe sna las phyir byung srog /shing gcig pa zhes bya bar bshad//gsang ba'i shing gi shing chen po/ /gsang ba yi ni gnas na gnas/ /mu stegs nyan sogs thams cad kyis/ /shing de rnam par shes mi 'gyur/ /chos 'byung ba yi tshal chen por/ /de yi dbus su yongs gnas par/ /su kra rak+ta rang 'byung ba'o/ / me tog 'bras bus yongs su brgyan/ /de la gnas pa'i rnal 'byor pas/ /thar pa'i dngos grub thob par 'gyur/ /bla ma'i zhal snga'i bka' drin gyis/ /mngon sum nyid du bdag gis bshad/ /pha zhes bya ba su krar brjod/ /ma ni rak+tar yongs su shes/ /yi ge gnyis ni kun sbyong ba//dur khrod du ni rnam par grags/ /dur khrod shi ba'i tshul du shes/ /yi dags kyi ni gnas su bshad/ /gang yang pha yis bsdus pa yi/ /gzugs dang kha dog mdzes pa'o/ /ma las byung ba'i gsum gyi dngos/ /de bzhin pha las byung ba'ang gsum/ /'gyur ba drug po bsdus pa ni//dur khrod du ni rnam par grags/ /de phyir shi ba'i tshal du bshad/ /lus po yis ni brten byas pa/ /dbang po bcu po la sogs kun/ /'dus pa dang ni khu bar 'gyur/ /srog ni dur khrod zhes byar brjod/ /rim gyis 'byung sogs ngo bo ni/ /tshigs bcad dang por gang gsungs pa//de lta bar ni gsang ba'i gzugs/ /shes rab pad+ma'i mkha' khams su/ /ri dgas 'dzin pa'i tshul gyis su/ /'byung po thams cad ltung ba'i gnas/ /dur khrod du ni yongs su brtag /ri zhes bya ba'i ri bor bshad/ /lha rnams gnas su sa 'dzin te/ /lus kyang ri zhes bya bar brjod//gsum 'dus pa ni yang dag ldan/ /dbang po bya yis yongs su gang / /ri dgas la sogs sna tshogs ldan/ /lus rir gnas pa'i lha rnams ni/ /gtor dang btung bas mchod par bya/ /srog kyang ri zhes bya bar bshad/ rgyu dang mi rgyur bcas pa 'dzin//'bras bu shing gis kun tu gang / /ba spu rtsa yi phreng bas gang / /chu ni yongs su 'bab par ldan/ /grub pa'i rnal 'byor ma bsnyen pa/ /pa zhes pa ni pad+mar bshad/ /rba zhes bya ba rdo rjer shes/ /ta zhes pa ni bde ba che/ /de phyir ri la ri zhes brjod/ /gang yang ri yi phyogs gcig gnas/ / de la gnas pa'i lha rnams ni/ /mkhas pa yis ni mchod par bya/ /dbang po sgo dgu'i gnas rnams ni/ /sna tshogs cho ga yi ni gnas/ /de phyir gcong rong zhes su bshad/ /srog gi gcong rong gcong rong ni/ /ka zhes pa ni lus kyi dngos/ /de ni srog gi rlung gis bzung / /de phyir gcong rong zhes su btags//ye shes bdud rtsi'i chu 'bab pas/ /b+ha ga gcong rong zhes su gsungs/ /gang yang 'dod chags zhu ba yis/ /khu ba yi ni gzugs su gnas/ /ka zhes pa ni myos pa'i mdog /da zhes pa ni zhu ba'i bdag /ri zhes pa ni dga' ba'i bdag /gcong rong de ni de ltar bshad//phug ni phyi nas bshad tshul gyis/ /sgrub pa po yi gnas su gsungs/ /bye ba brgyad cu'i rnal 'byor pas/ /gang du gnas ni rab brtags pa/ /de ni phug ces bya ba'i ming / /lus kun de dang 'dra bar gsungs/ /rkang pa'i mthil nas spyi bo'i bar/ /gsang char khyab pa rlung gi gzugs//rtag tu rlung gi gzugs su gnas/ /phug ces bya bar bshad pa yin/ /gsang ba'i gsang bar gnas pa'i lha/ /de ni lha dang mi la gsang / /rgyud dang rgyud ni thams cad las/ /sba bar gsang ba yin par bshad/ /skye bo gnas la grong 'dab tu/ /gtor dang btung bas mchod par bya//dbang po'i grong gis kun tu gang / /'dab ni lus la rnam par gnas/ /rang gi bdag po'i lha bsgoms la/ /nus pa yis ni mchod par bya/ /lus kyi grong khyer spyi bor gnas/ /'dab ni mtha' yi rnam par gnas/ /dbang du gnas pa'i nang gi gang / grong gi 'dab ces bya bar bshad/ /grong khyer gang la gnas pa ni/ /skye ba'i byin gyi rlabs las byung / /shes rab dbyings kyi dngos po ni/ /grong khyer bya ba'i ming du gsungs/ /rtse gcig pa dang rtse gnyis pa/ /gsum po dag ni bzhi mdo ru/ /lha yi mchod pa sngar bshams te//lam du gnas te mchod par bya/ /las bcu la ni gnas pa ni/ /lam zhes pa ni lus la gnas/ /gcig pa rtog pa las byung ba/ /gnyis po gnyis kyis khyad par gyi/ /sum mdo theg pa'i khyad par du/ /rnal 'byor pas ni rtag ces bya/ / srog ni sum mdo zhes su gsungs/ /gsher dang dmar ser skam pa yi/ /bzhi mdo ru ni shes par bya/ /skyor ba la sogs rnam pa bzhi/ /steng dang 'og gi khyad par gyi/ /sum mdo zhes ni yongs su grags/ /steng du tshangs pa'i lam zhes bya/ /de bzhin 'og tu khyab 'jug dran//drag po dbus su rnam par shes/ /lam ni sum mdo dag tu bshad/ /gru bzhi yon tan kun ldan pa/ /gsang ba yi ni pad+mar gnas/ /gru gsum lam gsum du shes bya/ /gnyis kyis gzugs su gnyis su 'gro/ /gang tshe dngos po gcig gyur pa//'gro ba rnams kyis gnas kyi dngos/ /de ltar lam gcig shes bya ste/ /thar pa yi ni gzugs su gnas/ /btab pa'i lam ni yongs thob pa'i/ /zhing brgyad du ni gnas par bya/ /shin tu dgod dang spyod pa'i gnas/ /de bzhin du ni rigs kyi ri/ /rgyal ba dang ni nye rgyal dang //de bzhin rab mchog chu yi gnas/ /char pa'i rtse dang de brgyad dang / /de dag zhing zhes bya bar grags/ /gnas de dag tu 'dug gnas kyang / /gtor ma a yis mchod par bya/ /zhing gi 'gram na gnas pa ni/ /nye ba yi ni zhing du bstan/ /zhing brgyad dag ni gnas rnams ni//lus la gnas pa'i bdag gis bshad/ /bla ma'i zhal snga'i bka' drin gyis/ /rim pa ci bzhin bdag gis dgrol/ /shin tu dgod pa kha la gnas/ /spyod ma'i gnas ni smin ma'i mtshams/ /rigs can rna ba dag tu brjod/ /rgyal ba sum mdo yi ni mdun//nye rgyal de bzhin snying gar gsungs/ /rab mchog sna yi rtse mo la/ /chu yi gnas ni mig tu shes/ /char ba'i rtse mo spyi bor gnas/ /tshan+do ha ni sdom par gsungs/ /gsang ba yi ni pad+mar gnas/ /ze 'bru dang ni ze bar ldan/ /'dab ma brgyad kyis rnam par brgyan//de lta bas na brgyad du shes/ /ye shes dbang phyug ma dang ldan/ /lus ni zhing zhes bya bar gsungs/ /zhing ma shes rab tu shes bya/ /rnam pa kun gyis stong pas na/ /khyim stong du ni rab tu bshad/ /de na gnas pa'i lha rnams ni/ /cho ga snga mas mchod par bya//dngos po thams cad rnam spangs pas/ /lus kyang stong pa nyid du brjod/ /khyim stong zhes pa lus la gzung / /bsgom pas lha rnams bsgoms nas ni/ /sna tshogs mchod pa drug cho gas/ /rtag tu rnal 'byor pa yis mchod/ /gzugs kyi stong pa de nyid ltar/ /na di bcu po'ang de bzhin no//de la gnas pa'i ye shes ni/ /yid kyi sbyor bas mchod par bya/ /stong pa'i ye shes rdo rje yis/ /gnas gang la ni rab gnas pa/ /chos 'byung zhes bya ba yi khyim/ /ye shes rnam shes dag dang ldan/ /de la gnas pa'i lha mo rnams/ /me tog chu yis mchod par bya//sgrub pos dngos grub thob pa'i phyir/ /gsang ba las kyang gsang ba ste/ /gang dang gang du gang bsnyen pas/ /de phyir bsnyen pa zhes su gsungs/ /de dag las kyang gnas rgyu ru/ /gnas nas kyang ni mchog tu 'gro/ /'khor ba'i rgya mtsho las brgal ba'o/ /'gram du phyin pas chu 'gram gnas//rab dga' la sogs sa brgyad dang / /lags pa'i blo gros dang bcas dgu/ /zhing brgyad khyad par du brjod pa/ /zhing dgu'i bdag por shes par bya/ /'dod pa srog ces byar bar shes/ /sa bon zhes bya dbang phyug go/ /'dod pa las byung nga rgyal ni//de ni rdo rje 'dzin pa che/ /'dod pa'i spyi bor yongs gnas te/ /rkang pa nas ni spyi bor khyab/ /'dod pa gsum dor bab pas ni/ /der ni 'gro ba gsum po rmongs/ /sa la sogs pa de bzhin drug /'dod pa yi ni gzugs su gnas/ /gzhan du bdud rtsi lnga yang brjod/ / dbang phyug dang sogs dngos grub brgyad/ /mi rnams gang gis sgrub byed pa/ /chung ngu la sogs sgrub par ldan/ /'dod pa lus kyi yan lag ste/ /de nas glang chen zhes su bshad/ /gnas de dag la gnas pa yi/ /lha rnams su ni rab grags pa/ /lnga po lnga po'i bdag nyid kyis//sngags pas rtag tu mchod par bya/ /dbang po phyogs nas brtsams nas ni/ /ji srid dbang ldan mtshams bar du/ /g.yas dang g.yon du bskor ba yi/ /rim pa brgyad pa shes par bya/ /dang po drag nag ces bya ba/ /rkang pa yi ni mthe bong bar/ /dus med drag po zhes grags pa//lha mo yi ni 'khor gyis bskor/ /gsang ba'i gnas su drag chen dang / /lus kyi yan lag kun la khyab/ /lte ba'i gnas la lha byin te/ /sgyu ma yi ni gzugs kyi tshul/ /snying gar gnas pa'i nag po che/ /sgyu ma chen po mchog gi mchog /gtsigs pa kha yi phyogs gnas te//rdo rje mtshon ni mtshon chen po/ /'jigs byed mchu la rtag tu gnas/ /'bar ba'i me dang mnyam pa'i 'od/ /mgo bor gnas pa dag pa che/ /tshangs pa'i bug las rnam par byung / /sna yi bar du rtag gnas pa/ /bgegs kyi rgyal po gtso bo che/ / de dag mtshams su gnas pa ni/ /dbang ldan la sogs rim pa bzhin/ /tsa mu N+Di ni mgo bo'i gnas/ /be tA lI ni shing la brten/ /A g+ho tsir ni sum mdor gnas/ /de nyid gsum po lam gsum bzhi/ /mgo zhes bya bar sgra chen po/ /bcu gnyis kyi ni mtshams su gnas//shin tu dgod pa dgod chen po/ /bgegs med kyi sa ni rnam par 'joms/ /bi bad tsha yis 'joms pa ste/ /snying ga yi ni pad+mar gnas/ /lha mo sgyu ma zhes su grags/ /'gro rnams smos pas rmongs par bshad/ /lha mo u ma klad par gnas/ /klad pas ni tshugs 'dod pa ma//rgyal mo lha sogs lha mo che/ /na li yi ni gzugs su gnas/ /pus mo byin pa nag po sogs/ /bzhi po dag ni chen po yin/ /dbang mo la sogs lha mo'i tshogs/ /snying ga yi ni pad+mar gnas/ /gzugs la sogs pa'i bye brag drug /reg bya yi ni gzugs su gnas//ze'u 'bru la ni a yi gzugs/ /rdo rje sems dpa' rnam par bzhugs/ /ngag 'phrog la sogs lha mo che/ /nye ba'i na li bzhi por 'dod/ /ngag 'phrog ma ni gsang bar gnas/ /'bar byed ma ni spyir gnas te/ /sreg ma dang ni mched mar byed//dbang phyug chen mo me yi gzugs/ /'jib byed ma ni rkan la gnas/ /rlung gi gzugs can dbang phyug ngag /'jigs pa'i gzugs kyi lha mo ni/ /mkha' 'gro ma dang 'dus pa'i tshul/ /lce yi rtsa bar gnas pa yi/ /de ni chu yi gzugs su gnas/ / 'jigs byed la sogs lha mo bzhi/ /lam bzhi ru ni gnas pa yin/ /rnal 'byor rnal 'byor ma yi tshogs/ /de ni sgra yi gzugs su gnas/ /thod pa'i phreng gis phreng bcings pa'i/ /lha mo bzhi ni chen mo yin/ /thig le gnas na rtags 'byung ba/ /shak+ti yi ni gzugs su gnas//ral gri la sogs 'dzin pas brgyan/ /lag pa dang ni rkang par gzhag /'dod pa la sogs nyon mongs gcod/ /rgol ba thams cad phyi mthar byed/ /bgegs rnams thams cad 'joms pa'i lta/ /pad+ma dbyings kyi rjes su 'gro/ /zhi sogs las kyi dngos grub dang //mkha' 'gro ma la sgrub pa la/ /de bzhin gshegs pa'i sku chen po/ /rdo rje sems dpa' khyab pa'i gtso/ /bdag nyid de ltar bsgoms nas ni/ /kun tu sngags pa yis ni mchod/ /bza' dang btung ba gos dag kyang / /phreng ba dri dang gos la sogs/ /lus kyi de nyid la gnas te//rnal 'byor rig pas rtag tu mchod/ /ji ltar de nyid rjes 'brang ste/ /de yi gtor las cho ga bshad/ /khrag ni rab tu mchod sbyin te/ /chu yi gnas ni de bzhin nya/ /til gyi khur ba char ba'i rtse/ /shin tu dgod pa mkhur skya ba/ /kha dog lnga pa spyod pa'i gnas/ /sha ni rigs kyi ri'u gsungs//A li de bzhin rgyal ba'i gnas/ /nye bar rgyal ba'i ba dan gsungs/ /zhi brgyad kyis ni mtshan pa'o/ /de nas zhing gi bdag po rnams bshad par bya ste/ /shar phyogs su ni shin tu dgod pa la/ /zhi ba'i mig can gser bsreg pa'i mdog lta bu phyag na rdo rje bsnams shing ka dam ba la gnas pa'o//me'i phyogs su ni spyod pa nag mo'i lha mo kha dog dmar mo/ /phyag na shak+ti bsnams shing ka rany+dza la gnas pa'o/ /lho phyogs su ni ki li gi ris mtshan pa'i lha chen po kha dog nag po dbyug pa bsnams pa'o/ /bden bral du ni rgyal ba can te/shing nim pa la gnas pa/ phyag na ral gri bsnams pa du ba'i mdog can zhal 'bar ba dang / nub phyogs su ni nye rgyal te sgyu 'phrul chen po dang / shing a shwat+tha la gnas pa'i zhags pa bsnams pa'o/ /rlung gi phyogs su ni mchod sbyin la rlung gi shugs can te/ba dan bsnams shing rlung gi mdog can shing u dum bA ra la gnas pa'o/ /byang gi phyogs su ni shing ka ri dbyug pa bsnams pa la/ kha dog ser bo shing ta la la gnas pa'o/ /dbang ldan gyi phyogs su ni char pa'i rtse la rna bo che/ mdog dmar po rtse gsum pa bsnams pa/shing wa ta la gnas pa'o/ /de dag ni shing gi bdag por shes par bya zhing mkha' 'gro ma lnga'i rang bzhin nyid do/ /karkaDa dang ro hi ta ni sna'i steng du'o/ /chu srin dang mo hi ta ni sna'i 'og tu'o/ /bi bA dang tsa ba na dang / k+ShuM dang du ba dang me'o//seng ge dang mi ki ri dang / hUM dang pad+ma dang sa'o/ /gzhon nu ma dang / bi tri dang / dkar mo dang / suM dang chu'o/ /'dod pa dang gzhu dang / yuM dang rlung ste/ de dag sna bug g.yas pa la'o/ /glang dang kuM ma dang k+Sh+m+r+yuM dang ro tsa na dang me'o/ /bum pa dang mo hi ta dang / h+m+r+yuM dang dri med gsum dang sa'o//nya dang b+ha tra dang s+m+r+yuM dang chu dang sa'i gdugs so/ /'khrig pa dang chu srin dang y+m+r+yuM dang dbye ba dang rlung ngo / /de dag sna bug g.yon pa la'o/ /srid dang aM dang ye shes dang / rdo rje sems dpa' dang nam mkha'o/ /a dang ye shes mkha' 'gro ma dang / /lug dang rnam par shes pa dang /nam mkha'i rtsa'o/ /bla ma'i zhal gyi rim pa 'di ni dngos grub 'dod pa'i phyir gsang bar bya'o/ /dang po la ni nor btang bya/ /gnyis pa la ni nor bsdu'o/ /gsum pa la ni zhing las bya/ /bzhi pa la ni sa bon gdab/ /lnga pa la ni khyim du 'jug/ / drug pa la ni khyim bzhi'i gnas/ /bdun pa la ni las bya ba/ /gos dang rgyan dang longs spyod rdzogs/ /song ba dag ni phyir mi ldog /sangs rgyas dngos grub sgrub rnams kyis/ /bla ma mchod phyir rang phyag rgya/ /rang gi phyag rgya bstan pa yis/ /dngos grub thob par rgyud las gsungs//gzhan las dngos grub thob mi 'gyur/ /phyi rol bskul pas dam tshig med/ /dpal ldan sangs rgyas kun gyi dngos/ /slob dpon byang chub rdo rje nyid/ /dngos rnams sgyu ma lta bu la/ /spro ba dang ni bsdu ba mdzad/ /rnal 'byor chen po skal ldan rnams/ /

CLOSE WINDOW