CLOSE WINDOW

D1610
བོད་ཡིག

/slob dpon klu sgrub kyi zhal snga nas mdzad pa/ mchan khung gi sbyor ba zhes bya ba rdzogs so// /[]@##/ /rgya gar skad du/ shrI tsatur pI Tha yo ga tan+t+ra sA d+hano pi ka / bod skad du/ rnal 'byor gyi rgyud dpal gdan bzhi pa'i sgrub thabs/dpal rdo rje sems dpa' la phyag 'tshal lo/ /yi ge bzhi dang phyag rgya ni/ /bzhi la sogs pas rnam brgyan dang / /slob ma man ngag 'gyed pa'i bla/ /klu sgrub la yang phyag 'tshal te/ /cho ga rdzogs shing rnam gsal ba/ /sngags dang phyag rgya sogs pas brgyan/ /sems can kun la phan bskyed ba//rnal 'byor grub pa bshad par bya/ /sde ba sbyor dang ni tshig phrad med/ /sgra yi mtshan nyid rnam spangs la/ /rnal 'byor tshig gis rnal 'byor pa'i/ /rnal 'byor bstan bcos yin par bshad/ /'di la dang por dpal gdan bzhi pa zhes bya ba'i/ rnal 'byor ma'i rgyud chen po'i lha rnams mnyes par byed 'dod pas/ zhi ba la sogs pa'i yon tan dang ldan pa'i rnal 'byor pas yid dang rjes su mthun ba'i gnas gang yang rung pas sems can thams cad la phan pa dang bde bar bya ba'i phyir dpal rnal 'byor gyi nam mkhar bdag nyid gyur cig snyam pa'i bsam pas nang tshangs can gyi stan 'jam po la sogs pa la sems dpa'i skyil mo krung du 'dug ste/dri'i dkyil 'khor khru gang ba/ gru bzhi par mnyam zhing rnam par dag par byas la me tog yid du 'ong ba'i sil mas gtor bar bya'o//de skad du yang / dri la sogs pa g.yas su gzhag /bsang gtor g.yon du gzhag bya zhing / /mdun du mchod yon la sogs dang / /yungs kar me tog tsan+dan gzhag /ces gsungs pa'i phyir ro/ /de nas ting nge 'dzin dang po la dmigs nas lkog mal sogs pa sbyang bar bya ste/lag pa g.yas par nyi ma'i dkyil 'khor dmigs la/ hU~M las byung ba'i rdo rje rtse mo lnga pa la/ /oM hUM suM k+ShuM yuM yongs su gyur pa las/ lha mo rnams rtse mo rnams la bsgom par bya'o/ /lag pa g.yon par zla bar rnam par bkod la/ hrIHlas byung ba'i pad+ma 'dab ma brgyad par oM h+m+r+yu~M s+m+r+yu~M y+m+r+yu u0f83yongs su gyur pa las//byung ba'i lha mo rnams bsam par bya'o/ /dkar po dang dud ka dang dung dang pad+ma la sogs pa ni lag pa g.yas pa'i sor mo la dgod do/ /gi wang dang dri ma gsum dang 'jigs pa dang sa'i gdugs ni g.yon pa la dgod do/ /ye shes dang rnam par shes pa gnyis ni mthe bong gnyis la ste/lag pa la sogs pa'i las can ma rnams so/ /lkog mar zla ba legs par bsams pa la gnas pa'i pad+ma'i 'dab ma gcig gis/ rdo rje bzang po nas 'bru tsam dbus su yi ge oM dang ldan par lce la bsams te sbyang ngo / / snying ga'i nyi ma'i dkyil 'khor gyi rdo rje'i lte ba la gnas pa'i yi ge hU~M gi 'od zer gyi sprin gyi tshogs kyis sems can rnams 'bad pas yang dag par sbyangs nas 'od zer gyi phreng ba rnams skad cig tsam gyis yongs su gyur pa las/ rin po ches brgyan pa'i gnas su pad+ma dang zla ba'i gdan la bzhugs pa dung dang kun+da ltar dkar zhing 'od bzang ba/phyag gnyis pa sems dpa'i skyil mo krung du bzhugs pa/ sangs rgyas lngas dbang bskur pa'i cod pan mnga' ba/ phyag g.yas pa rdo rje thugs kar gdengs shing 'jog pa/ g.yon pa dkur bsten pas dril bu bsnams pa/sku la rgyan thams cad kyis brgyan pa/ /na bza' shin tu mdzes pas brgyan pa/ 'od zer gyi phreng ba dpag tu med pa 'phro bar bsams la/ badzra satwa haM zhes brjod de/ g.yas pas rdo rje gsor nas 'od zer lnga'i tshogs kyis sa 'og rim pa bdun dang / bgegs rnams tshig par gyur par bsam mo//de skad du/ bzhi dang rnam bzhi nyid dang ni/ /gzhi nyid gzhi med ro yis bzhi/ /gzhi bzangs dang ni nges pa'i bzhi/ /sa 'og bdun du bsgrags pa yin/ /zhes pas bshad pas so/ /de ltar yongs su sbyangs nas gzung pa dang 'dzin pa las rnam par grol zhing /sbyin pa rnam par dag pa'i rdo rje'i ra ba rim pa gsum bya'o/ /steng du tshul khrims rnam par dag pa'i rdo rje'i dra ba rnams gsum bya'o/ /'og tu bzod pa rnam par dag pa'i phur bu'i ra ba la gnod par byed pa 'gog par byed pa gzhom pa'i phyir phur bus gdab po//de ltar srung ba'i 'khor lo bsams nas/ lcags kyus ye shes kyi mkha' 'gro ma dang lhan cig sbyor bas bkug la/ dam tshig gi phyag rgya bstan par bya ste/ rdo rje khu tshur gnyis bcings la/ /g.yon pa snying gar bzhag nas g.yas pa dkur bstod de/'jog pa'i dam tshig gi phyag rgya bstan par bya'o/ /de nas gdan dbul bar bya'o/ /rin po che'i seng ge'i gdan gyi steng du pad+ma dang / zla ba'i steng du bzhugs nas/ gdugs dkar pos brgyan par byas la/ mchod yon dang zhal bsil dang / mchod pa rnam lngas yang dag par mchod de/rdo rje dril bu blangs la oM kA ya tu Sh+ya ho/ bA ka tu Sh+ya ho/ /tsit+ta tu Sh+ya ho/ /zhes dril bu dkrol zhing bstod pa'i mchod pas bstod par bya'o/ /de nas [(]tha ma la [,]tha mal [)]pa'i sbyor bas dmigs la/ lha de nyid kyi spyan sngar bdag nyid dbul bar bya'o/ /oM pany+tsa DA ki nI pu dzo pas+thA nA ya At+ma nAM niR+YA ta yA mi/oM A tsar+ya pU dzo pas+tha nA ya At+ma nAM niR+YA ta yA mi/ oM satwA r+tha ut+ta ra yA ya At+ma nAM niR+YA ta yA mi/ khro dang nga rgyal las ldog cing / /brdzun dang zhe gcod tshig rnams dang / /sdig pa'i grogs dang 'tshe ba'i gzhi/ /ma byin len pas ldog par bgyi/ /sangs rgyas chos dang dge 'dun la//rtag par bdag nyid skyabs su mchi/ /theg pa gsum ni thams cad dang / /rnal 'byor gsang sogs mkha' 'gro ma/ /dpa' bo dpa' mo dbang phyug ma/ /byang chub sems dpa' bdag nyid che/ /khyad par du yang slob dpon la/ /bdag ni rtag par skyabs su mchi//rang nyid kyi byang chub kyi sems tshigs su bcad pa yang brjod par bya ste/ pha dang ma ni gsad pa dang / /rgyal po gtsang sbrar spyod gnyis dang / /pho brang 'khor bcas bcom pa ni/ /dag pa'i lus zhes bya bar bshad/ /de nas snying gi pad+ma dkar po la k+ShuM bsams la/ de las byung ba'i 'od zer gyi tshogs kyis sems can thams cad dang / bdag nyid kyang mi snang bar bya ste/ sgra la 'gags bar bsams la/ /oM swa b+hA ba shud+d+haHsarba d+harmAHswa b+hA ba shud+d+hou0f85haM/ zhes brjod do/ /yu~M k+Shu~M su~M hU~M las rlung dang me dang chu dang sa'i dkyil 'khor bsams la/ k+Shu~M las 'o ma can gyi rgya mtsho//su~M las ri rab bsams pa'i steng du rdo rje'i b+h+rU~M gyi 'od zer gyi tshogs kyis bgegs thams cad bsregs nas/ 'od zer de rnams yongs su gyur pa las/ rin po chen sna tshogs bkod pa'i khang pa brtsegs pa bsam par bya ste/ /zur bzhi pa la sgo bzhi pa/ /rta babs bzhis ni rnam par brgyan//rdo rje'i ka bas brgyan par yang / /sna tshogs mtshan mar rnam par dgod/ /dril bu dra ba'i phreng ba dang / /dra ba dra phyed bskor ba la/ /zur bzhi dag tu rdo rje dang / /rin chen zla ba byed pas brgyan/ /sgo rnams su ni bum pa la/ /gnas pa'i rgyal mtshan bsgreng bar bya/ / shar gyi sgor ni pad+ma la/ /seng ge mtshan ma bsgreng bya ste/ /byang sgor pad+ma rma bya yi/ /mtshan ma dag ni bsgreng bar bya/ /pad+ma dang pas mtshan pa yi/ /rgyal mtshan nub tu gzhag par bya/ /pad+ma chu srin gyis mtshan pa/ /de bzhin lho yi phyogs su gzhag /dang po'i dkyil 'khor phyogs kyi mdog /gnyis pa khrag ltar dmar ba'o/ /gsum pa mkha' ltar sngo bsangs te/ /snam bu gser gyi mdog can no/ /rnal 'byor dbang phyug che rnams kyang / /rtag tu tshul ni 'di bzhin brtag /dbus su seng ge yi ni gdan/ /shar du glang po che yi gdan/ /byad phyogs su ni rma bya'i gdan//nub tu nam mkha' lding gi gdan/ /lho ru ci bgyi zhes bya'i gdan/ /dbang ldan phyogs su seng ge'i gdan/ /me phyogs rdo rje gdong gi gdan/ /bden bral phyogs su ma he'i gdan/ /rlung gi phyogs su ce sbyang gdan/ /sgo bzhi dag tu ngo yi gdan/ /gnyis pa'i 'khor lo zlum po la//pad+ma dang ni zla ba'i gdan/ /rim pa gsum pa nyid la ni/ /'jig rten pa yi rab grags ldan/ /de ltar gdan yongs su brtags nas de bsrung bar bya ba'i phyir/ /rdo rje rab la sogs pa dang / dra ba dang phur bu la sogs pa bya la/ /gtso bo'i gdan pad+ma dkar po la A li yongs su gyur pa las/zla ba'i dkyil 'khor/ de'i steng du kA li yongs su gyur pa las/ nyi ma'i dkyil 'khor te/ gnyis pa de'i steng du yi ge hU~M la phyogs kyi 'dab ma la gnas pa'i lha mo bzhis bskul bar bsam par bya ste/ dza dza dza dza badzra satwa a batra na ra sid+d+hi/ma hA ma hA ha ha ha ha hUM ka ra nA tha/ sa ma yo haM na ma ta mi te/ ba ba ba ba ba badzra spo Ta gu h+yo ng+ga te de ha d+harmA/ a a a a A ho to Sha Ta/ badzra a li me ka shu lo ya na hU~M/ bzhi po des de ltar bskul nas/ yi ge hU~M der thim par gyur par bsams la/ de'i 'od zer yongs su gyur pa las rdo rje rtse lnga pa bsam par bya ste/mnyam pa nyid kyi ye shes so/ /oM badzra shud+d+haHsarba d+harmA badzra shud+d+hou0f85ho/ /zhes brjod la lte ba'i yi ge hU~M gi 'od zer gyi chogs kyis sems can thams cad yongs su sbyongs nas/ bya ba sgrub pa la ro gcig par gyur pa dang / seng ge'i g dan gyi steng du rang gi gnas su sbyang zhing /nyi ma'i dkyil 'khor yang bsams la/ gdugs dkar pos brgyan te/ de nas/ zhal gsum pa dang phyag drug pa/ /sems dpa'i skyil mo krung gis bzhugs/ /skra ni grol zhing rnam par 'phro/ /thod pa'i phreng bas rnam par bcings/ rdo rjes brgyan pa'i rtse bran yang / /sangs rgyas lngas ni rnam par brgyan/ /sku mdog sngo zhing shas cher grags/ /sprul gyi rgyan gyis rnam par brgyan/ /khro bo sgeg pa rnam par bshad/ /zhal gsum spyan ni rnam pa gsum/ /gad rgyangs ha has zhal gdangs pa/ / na bza' dmar pos nye bar mdzes/ /kha T+wA~M ga ni gyen du bsgreng / /gnyis pa la ni dgra sta nyid/ /gsum pa rtag tu rdo rje can/ /g.yon gyi dril bu nges dkrol zhing / /gnyis pas rnal 'byor ba yi snod/ /de bzhin gsum pas ral gri rnams/ /'od zer dpag med ldan par ni/ / mkhas pas dbus su bsgom par bya/ /sku mdog dkar zhing rab mdzes pa'i/ /phyag gnyis mgrin par 'khyud nas su/ /ma mchu tshems kyis 'das par mdzad/ /zhabs kyi tshigs kyis bkres nas su/ /rdo rje pad+mar thim par mdzad/ /yan lag rgyan kun gyis brgyan cing / / shin tu mdzes pa'i gos gsol nas/ /shes rab dang ni 'dus nas bzhugs/ /de nas ba dan gsum pa'i phyag rgyas yi ge brgyad dgod par bya ste/ k+Shu~M ni spyi bor rnam par bsam/ /yi ge hU~M ni mig gnyis su/ /yu~M ni rna ba sna gnyis su/ /su~M ni lce la yang dag 'bar/ /lkog mar s+m+r+yu~M bsam par bya//nang 'tshong de bzhin h+m+r+yu~M bsam/ /snying gi phyogs su y+m+r+yuM ngo / /lte bar k+Sh+m+r+yu~M dgod par bya/ de ltar bsams nas lcags kyu dkar pos ye shes kyi mkha' 'gro ma bkug la/ dam tshig gi phyag rgya bstan cing mchod yon dang / zhal bsil dang gdan bstabs la yang dag par mchod do//oM badzra aM ku sha dzaHhU~M ba~M hoH/ /zhes bya bas yu rnal 'byor yu gyis ni nam mkha'i thugs kar nyi ma'i dkyil 'khor la bcug la/ bcings te dbang du byas nas mnyes par bya'o/ /oM hU~M A swA hA/ zhes bya ba'i sngags 'dis/ nyi ma'i lag bas sangs rgyas lnga'i dbang bskur ba brtag par bya'o//sngags 'dis rgyan gyi phyag rgya dbul bar bya'o/ /bshad ma thag pa'i rim pas gsang sngags kyis bskyed pa'i lha'i sku la mngon par zhen pa gsal bar bya ba'i phyir sngags 'dis brjod par bya ste/ oM yog shud+d+haHsarba d+ha rmA yo ga shud+d+hou0f85haM/ de nas thabs dang shes rab shin tu thim zhing / sgyu ma lta bur lhag par mos pas/ bdag dang gzhan gyi don rdzogs par byed pa'i dkyil 'khor dbyung bar bya ste/ su~M bzlas pa las yang dag byung / /dung dang kun+da zla 'od bcas/ /phyag gnyis skra ni rnam par grol/ / sangs rgyas phreng bas rnam par brgyan/ /yan lag rgyan rnams rnam par brgyan/ /rigs gsum khro bo hUM mdzad pa/ /kha T+wAM ga dang rnal 'byor snod/ /'od zer dpag tu med pa 'bar/ /sham thabs glang po'i pags pa ste/ /na ri'i pags pa gos su mnabs/ /de yi dkyil 'khor 'od 'khor lo//glang chen rol pa'i stabs kyis bzhugs/ /rdo rje lcags kyus bkug nas ni/ /rdo rje mkha' 'gro ma shar du/ /oM AHswA hA/ sa yi dbugs phyin las byung ba/ /A skyes mi bzad mkha' 'gro ma/ /sku mdog ser mo shin tu mdzes/ /rnam par gtsigs pa ha har bzhad//dbu skra gyen du rnam par 'bar/ /sangs rgyas lnga yi dbu rgyan can/ /rma bya'i gdan ni rnam mnan nas/ /skyil krung dag ni phyed pas bzhugs/ /rgyan rnams kun gyis sku la brgyan/ /phyag gnyis rnam par mdzes pas na/ /kha T+wAM rnal 'byor snod dag bsnams/ /me yi dkyil 'khor la bzhugs pas//sham thabs glang po'i pags ba ste/ /na ra'i pags pa gos su mnabs/ /lha mo de ltar bsgom bya ba/ /rtag tu byang gi phyogs su bzhugs/ /oM a+a swA hA/ a+a+a skyes me yi dbugs las byung / /ro langs ma ni nub tu dgod/ /mkha' lding gdan la bzhugs nas ni//tsog bu'i 'dug stangs dag gis bzhugs/ /kha dog dmar zhing shin tu mdzes/ /phyag gnyis 'jigs pa'i hU~M mdzad pas/ /skra ni 'bar zhing rnam par gyes/ /sangs rgyas lnga yis rnam par brgyan/ /kha T+wA~M rnal 'byor snod bsnams shing / /rgyan rnams kun gyis rnam par brgyan//sham thabs glang po'i pags pa ste/ /na ra'i pags pa gos su mnabs/ /mi g.yo 'tshe ba med pa yi/ bsam bas kun nas bsgom par bya/ /oM a+a+aHaM swA hA/ a+a+a skyes rlung gis dbugs 'byin 'byung / /gtum mo lha yi dbang phyug ma/ /mdog snod mi bzang chen mo ste/ / ha ha'i gad rgyangs 'jigs pa sgrogs/ /ci bgyi'i gdan la gnas nas ni/ /pus mo'i skyil krung dag gis bzhugs/ /dbu skra dmar po rnam par 'thor/ /sangs rgyas lnga yis rnam par brgyan/ /phyag gnyis rnal 'byor snod dang ni/ /kha T+wAM ga ni rab tu bsnams/ / sku la rgyan rnams kun gyis brgyan/ /sham thabs glang po'i pags pa ste/ /na ra'i pags pa gos su mnabs/ /lho ru rtag tu bsgom par bya/ /oM a+a aM swA hA/ r-i yi sa bon las byung ba/ /lha mo'i ming ni seng ge can/ /seng ge'i gdan la rnam par bzhugs/ /rol pa'i stang stabs dag dang ldan//dkar dang ser la sogs mdog can/ /'bar ba'i 'od dang 'dra ba'i 'od/ /phyag gnyis na bza' dmar po bsnams/ /rgyan rnams kun gyis rnam par brgyan/ /lag pa gyen gdengs sa ral gri dang / /g.yon pa sdigs mdzub zhags pa'o/ /bdud rnams thams cad skrag byed pa//dbang ldan phyogs su rnam par dgod/ /oM r-i swA hA/ r-I yi sa bon las byung ba/ /rdo rje chu can zla bas brgyan/ /dkar dang gnag la sogs mdog ldan/ /dkyil 'khor tsham ngam gnas pas bzhugs/ /phyag gnyis khro bo'i bshad par ldan/ /na bza' dmar pos rnam par brgyan//lcags kyu zhags pa sdigs mdzub ldan/ /stag mo me yi phyogs su bkod/ /oM r-I swA hA/ l-i yi sa bon las byung ba/ /wa mo nag mo rnam par mdzes/ /ma he'i gdan la rnam gnas shing / /skyil krung phyed par yang dag ldan/ /phyag gnyis dgra sta zhags pa bsnams/ /me yi dkyil 'khor dag gis brgyan//mche ba'i gzugs ni gtsigs pa dang / /ha ha bzhad cing shin tu 'jigs/ /na bza' dag ni dmar bor mnabs/ /bden bral phyogs kyi lha mo yin/ /oM l-i swA hA/ /l-I yi sa bon las byung ba'i/ /lha mo 'ug pa mi ni dbyung / /sku mdog dmar dang ser bar snang //ce sbyang gi ni gdan la bzhugs/ /tsog bu'i 'dug stangs yang dag ldan/ /phyag gnyis dbyig pa snod bsnams shing / /rgyan rnams kun gyis rnam par brgyan/ /na bza' dag ni dmar po gsol/ /'bar ba'i me dang mnyam pa'i 'od/ /lha mo de ltar bsgom bya ba/ / shan pa rlung gi phyogs su gnas/ /oM l-I swA hA/ nang gi dkyil 'khor sgo rnams su/ /sgo srung rnam pa bzhi dag ni/ /lha 'gugs la sogs rnam par 'grel/ /bsgom ba de nyid bdag gis bsgom/ /rang sngags las byung mkha' 'gro ma/ /rgyal ba'i dbang mo zhes bya ba/ /mdog dkar phyag ni gnyis dang ldan//rgyan rnams kun gyis sku la brgyan/ /gtum mo'i sgra ni rnam par 'thor/ /de yi zhal du phyag 'dzud cing / /ha ha zhes bzhad rab 'jigs ma/ /yi dags kyi ni gdan la bzhugs/ /'gugs pa la ni rab brtson pa'i/ /lha mo shar gyi sgo ru dgong / /oM iM swA hA/rang sngags las byung lha mo ni/ /glang po'i dbang mo zhes bya ba/ /drag mo chen mo sku mdog ser/ /yi dags gdan la rnam par bzhugs/ /phyag gnyis thal mo sbyar ba dang / /dbu skra gyen du me ltar 'bar/ /mi bzad gzugs kyis bzhad bya zhing / /shin tu mdzes pa'i 'od kyis brgya na//'od zer 'bar bas 'khrugs shing gsal/ /byang gi phyogs su rnam par dgod/ /oM A~M swA hA/ rang sngags las byung 'jib ma ni/ /rgyal ba'i dbang mo zhes bya ba/ /mdog dmar 'jigs pa'i sgra sgrogs pa/ /yi dags kyi ni gdan la bzhugs/ / rab mdzes gos ni rnam par mnabs/ /phyag mthil gnyis na srad bu dmar/ /thal mo sbyar bas khrag gsol bas/ /me 'bar ba yi 'od mnga' ba/ /drag po 'ching bar byed pa yi/ /'ji ba ma nub tu bsgom par bya/ /oM hriM ha~M swA hA/ rang sngags las byung lha mo ni/ /kaM bu dzi ni zhes bya ba//mdog gnag ro yi gdan la bzhugs/ /phyag gnyis skra ni rnam par 'thor/ /rab mdzes na bza' dmar po mnabs/ /sangs rgyas kun gyis rnam par brgyan/ /phyag na tho ba sdigs mdzub ldan/ /'gro ba'i sems ni rmongs par byed/ /drag cing me 'bar 'dra pa'i 'od/ /lho phyogs su ni bsgom par bya//rim pa dag ni gnyis pa la/ /rnal 'byor ma rnams mkhas pas dgod/ /spos byed 'du byed gtum mo ni/ /shar gyi phyogs kyi lha mo yin/ /bdud rtsis gang pa'i thod pa la/ /sgeg pa'i phyag ni rnam par mdzes/ /drag po khrag 'thung sha za ma/ /byang gi phyogs kyi lha mo yin//lcags kyu la sogs lnga rnams kyis/ /bkang ba'i thod pa phyag na bsnams/ /gtum 'bar 'jigs su rung ba ni/ /nub kyi phyogs kyi lha mo yin/ /lag pa gnyis kyis pad+ma'i snod/ /thogs pa ru ni rnam par dgod/ /thod can rdo rje can kun ni//lho yi phyogs kyi lha mo yin/ /thod pa bza' btung gis khengs dang / /rdo rje dag ni phyag na bsnams/ /sgeg mo dri ni dbang ldan du/ /pi wang me tog me yi phyogs/ /glu ma bdug spos bden bral du/ /gar ma mar me rlung gi phyogs/ /'dug pa'i lha mo nyi shu yang / / rgyan rnams kun gyis rnam par brgyan/ /'di dag rgyan sogs phyogs dang mtshungs/ /pad+ma zla ba'i steng na gnas/ /gsum pa gzhan gyi gdan la ni/ /shar sgor khyab 'jug gsol ka'i tshul/ /tshangs pa lag na rnga yab bsnams/ /byang gi sgor ni rnam par gnas/ /drag po la sogs bstod sgrar ldan//nub kyi sgor ni gzhag par bya/ /brgya byin rin chen gdugs thogs la/ /lho yi phyogs su gzhag par bya/ /rnga dag brdung zhing rnga yab thogs/ /gar dang glu yis brgyan pa dang / /sder bcas chung mar bcas pa yi/ /brgya byin byang shar mtshams su gzhag / lag na rin chen myu gu thogs/ /mu tig do shal dag gis brgyan/ /sde dang bcas shing chung mar bcas/ /ku be ra ni shar lho gzhag/ /rgyal mtshan gdugs dang bla brer bcas/ /sde dang bcas shing chung mar bcas/ /'byung po'i tshogs kyi rgyal dbang po/ /lho nub phyogs su gzhag par bya//pi wang gling bu dum yis/ /glu dang gar la sogs pa mkhas/ /chung mar bcas pa'i klu dbang ni/ /nub byang mtshams su gzhag par bya/ /de ltar dkyil 'khor ba'i lha'i 'khor lo'i gnas ji lta ba bzhin du gzhag la/ yang lcags kyu dkar pos ye shes kyi dkyil 'khor spyan drangs nas/dam tshig dkyil 'khor la gzhag ste/ sngar bshad pa'i sngags dang phyag rgya dang bcas pas dam tshig gi phyag rgya bstan la/ rang gi gzugs rnams la ye shes sems dpa' gzhug par bya'o/ /de rnams kyi thugs kar sngags kyi phreng bar rab tu 'bar ba ni chos kyi phyag rgya'o//spro ba dang bsdu ba ni las kyi phyag rgya'o/ /de ltar phyag rgya bzhi dang sbyar nas thams cad kyi cod pan la rnal 'byor nam mkha'i dbang bskur ba nyid du bsam par bya'o/ /de nas phyag rgya bstan par bya ba'i phyir gsungs pa/ de rnams ming gi gsang sngags ni/ oM dang bsregs pa'i mtha' ma'o//dri ma gsum gyi tshigs gsum la/ /ro tsa na ni lcags kyur sbyar/ /oM a kAR+ShA Ni hU~M phaT swA hA/ 'jig rten pa la sogs pa dgug pa'i sngags dang phyag rgya'o/ /khu tshur gnyis sbyar brtan bcings nas/ /dri ma gsum gyi bdug spos btang / /gnyis po reg pa'i sbyor ba yis//rdo rje mdung thung bstan par bya/ /oM tiSh+Tha A sa na swA hA/ gdan gyi sngags dang phyag rgya'o/ /pad+ma ye shes dkris pa yis/ /sa yi gdugs dang rnam shes mnan/ /gnyis po lcags sgrog dkris nas ni/ /lhag ma ba dan gsum par bsgreng / /dri ma gsum ni bdug spos reg /rdo rje rtse ni lnga pa yin/ /oM hU~M ha swA hA/ rnal 'byor nam mkha'i sngags dang phyag rgya'o/ /khu tshur gnyis ni brtan bcings la/ /gung mo gnyis ni brkyang bar bya/ /mdzub mo mdun du kha sprad la/ /ye shes lha mo dag la bstan/ /oM oM a swA hA/ ye shes mkha' 'gro ma'i sngags dang phyag rgya'o//lag pa dang ni lag par sbyar/ /mthe bong dbus su gzhug par bya/ /yang dang yang du bskyod byas la/ /shar gyi rdo rje can la bstan/ /oM su~M sa swA hA/ rdo rje can ma'i sngags dang phyag rgya'o/ /khu tshur mnyam par brtan bcing la/ /mthe bong gnyis ni rnam par brkyang //drag mo la ni phyag rgya bstan/ /byang gi phyogs su brtsam par bya/ /oM k+Shu~M k+Sha swA hA/ drag mo'i sngags dang phyag rgya'o/ /'di yi phyag rgya brtan bcings la/ /gung mo gnyis ni rnam par brkyang / /nub kyi phyogs su ro langs ma/ /phyag rgya la sbyar bar bya/ /oM yu~M ya swA hA/ ro langs ma'i sngags dang phyag rgya'o/ /phyag rgya de nyid brtan bcings la/ /mthe'u chung gnyis ni rnam par brkyang / /lho yi phyogs su gtum mo la/ /phyag rgya de ni rnam par brkyang / /oM hU~M swA hA/ gtum mo'i sngags dang phyag rgya'o/ /phyag rgya kun gyi dang po ru/ /pad+ma'i bskor ba sngon du bya//rdo rje bsdams pa gnyis byas la/ /ro tsa na dkar po'i lcags sgrog yin/ oM smra~M swA hA/ seng ge ma'i sngags dang phyag rgya'o/ /de yi phyag rgya brtan bcings la/ /dri ma gsum dang bdug spos btang / /oM h+m+r+yu~M swA hA/ stag mo'i sngags dang phyag rgya'o//de yi phyag rgya brtan bcings la/ /sa yi gdugs dang pad lcags sgrog/ /oM y+m+r+yu~M swA hA/ wa mo'i sngags yu dang phyag rgya'o/ /rdo rje bcings ba gnyis las ni/ /phan tshun du ni mngon par bskyod/ /oM k+Sh+maM swA hA/ 'ug pa mo'i sngags yu dang phyag rgya'o/ /lag pa gnyis ka khar bcug ste//dgod pa bla na med pa bya/ /oM hU~M hu swA hA/ mkha' 'gro rgyal po'i dbang yu mo'i sngags dang phyag rgya'o/ /thal mo spyi bor sbyar nas gzhag /oM phaT hU~M swA hA/ sgrol ma'i sngags dang phyag rgya'o/ /yi dags thal mo khar bcug ste/ /hU~M zhes bya ba rab tu sgrogs/ / oM pheM hU~M swA hA/ 'jib ma'i sngags dang phyag rgya'o/ /zla ba'i khu tshur brtan bcings la/ /rna ba'i rtsa ru sbyar bar bya/ /oM hrI hU~M swA hA/ kaM po dzi'i sngags dang phyag rgya'o/ /dkyil 'khor nang gi lha mo bcu gsum gyi sngags dang phyag rgya'o/ /zla ba'i lag pa brkyang nas su/ /rnam shes dag ni dgug bar bya//mdun gyi gnyis ni sbyar bar bya/ /bdud rtsi'i chu ni sngon 'gro ba'i/ /oM ha ho hriHswA hA/ shar gyi phyogs kyi rnal 'byor ma gsum gyi sngags dang phyag rgya'o/ /nyi ma zla ba sbyar nas ni/ /nyi ma'i steng du sbyar bar bya/ /oM griM g+h+ra swA hA/ byang gi phyogs kyi rnal 'byor ma/ / gsum gyi sngags dang phyag rgya'o/ /rdo rje thal mo brtan bcings la/ /nyi ma dang ni zla ba spro/ /oM ku ru ku ru swA hA/ nub kyi phyogs kyi rnal 'byor ma gsum gyi sngags dang phyag rgya'o/ /zla ba nyi ma gnyis brkyang nas/ /rgyab kyi rgyab tu sbyar bar bya/ /sor mo'i rtse mo sprad pa ni/ /lho yi rnal 'byor ma gsum rgya//oM bet+tA lI hU~M swA hA/ rdo rje khu tshur gnyis bcings la/ /rked pa gnyis kyi mtshams su gzhag /oM hUM ho swA hA/ sgeg mo'i sngags dang phyag rgya'o/ /zla ba'i khu tshur brgyang nas su/ /mthe bong bsgreng bar shes byas la/ /bzung nas nyi ma'i lag pa ni/ /dung ltar sbyar ba dri yi rgya//oM su pri ya gan+d+he hU~M swA hA/ dri'i sngags dang phyag rgya'o/ /pi wang 'dra ba'i pi wang gis/ /oM hU~M swA hA/ pi wang gi sngags dang phyag rgya'o/ /thal mo gnyis ka sbyar nas ni/ /spyi bor bskor nas dbye bar bya/ /oM shrIM swA hA/ me tog gi sngags dang phyag rgya'o/ / rdo rje khu tshur gnyis bcings te/ /dkar po bteg nas mdun du sbyar/ /glu len pa ltar bya ba ni/ /glu yi phyag rgya yin par bshad/ /oM hU~M oM swA hA/ glu'i sngags dang phyag rgya'o/ /rdo rje khu tshur brtan bcings la/ /zla bas mtshan ni gzung bar bya/ /oM i swA hA/ bdug pa'i sngags dang phyag rgya'o//zla ba'i lag pa g.yas pa yi/ /phrag pa dag tu rnam par gzhag /oM su nri t+ye swA hA/ gar gyi sngags dang phyag rgya'o/ /thal mo bcings nas spyi bor gzhag /oM k+Shu~M swA hA/ mar me'i sngags dang phyag rgya'o/ /rim pa gnyis pa'i lha mo nyi shu'i sngags dang phyag rgya bshad zin to//nyi ma'i khu tshur bcings nas su/ /gyen du rnam par dgrol bar bya/ /oM k+Shu~M swA hA/ khyab 'jug gi sngags dang phyag rgya'o/ /rdo rje khu tshur bcings nas ni/ /snying ga dag tu rnam par bskyod/ /oM sa swA hA/ tshangs pa'i sngags dang phyag rgya'o/ /ba dan gsum pa gyen du bsgreng / /oM hU~M hU~M swA hA/drag po'i sngags dang phyag rgya'o/ /zla ba'i khu tshur brtan bcings la/ /de nas nyi ma'i lag pa brkyang / /ro tsa ni ni gzhug par bya/ /oM ma~M mu hU~M swA hA/ brgya byin gyi sngags dang phyag rgya'o/ /nyi ma'i khu tshur brtan bcings la/ /dkar po dud pa bsgreng bar bya/ /dpral ba'i steng gi thad sor byug /dbang po yi ni dam tshig 'dod/ /oM mu mu swA hA/ dbang po'i sngags dang phyag rgya'o/ /rdo rje khu tshur brtan bcings la/ /ro tsan ni dkar po brkyang / /sngon ma gnyis ni kha sprad la/ /rin chen lta bur sbyar bar bya/ /oM d+ha nA gre hU~M swA hA/ ku ba ra'i sngags dang phyag rgya'o/ /lag pa gnyis ni brkyang nas ni//oM g+hA d+ha ni hU~M phaT swA hA/ 'byung po'i sngags dang phyag rgya'o/ /khu tshur byas nas dkar po bsgreng / /oM b+hur b+hu ba swA hA/ klu'i bdag po'i sngags dang phyag rgya'o/ /lag pa g.yon pa rgyab bstan cing / /lag pa g.yas pa mdun bstan la/ /dbang ldan gyi ni phyogs dag tu//lan gsum bar du bskyod par bya/ oM badzra prA ka ra hU~M phaT/ rdo rje ra ba'i sngags dang phyag rgya'o/ /lag pa gnyis ni brkyang nas su/ /rtse mo dag tu reg par bya/ /oM dzu~M swA hA/ rdo rje ra ba'i sngags dang phyag rgya'o/ /lag g.yon khu tshur byas nas su/ /mthe bong brkyang nas smad par bya//oM bru~M swA hA/ phur bu'i sngags dang phyag rgya'o/ /nyi ma'i lag pa brkyang nas ni/ /rnal 'byor ma rnams kun la bsnyen/ /oM pra tI tsh+tsha su gan+d+he hU~M swA hA/ dri'i sngags dang phyag rgya'o/ /de nyid legs par bcings nas ni/ /rked pa'i 'og tu sbyar bar bya/ oM puSh+pe swA hA/me tog gi'o/ /de nyid bcing la bdug spos dbul/ /oM d+hU pe mA li ni hU~M swA hA/ /bdug pa'i'o/ /nyi ma'i khu tshur mthe mong brkyang / oM na dri tI kaSh+Na dI pe hU~M swA hA/ mar me'o/ /lag pa gnyis ni brkyang nas kyang / /dbus su mthe bong bskyod par bya/ /oM ku ru ku ru ma hA b+hak+Sha shrI shrI hUM swA hA/lha bshos kyi'o/ /de ltar sngags dang phyag rgya dang bcas pa'i mchod pa rnam pa nyi shu hU~M dang sbyar bas lha mo rnams kyis mchod cing bstod bzhin pa'i bdag nyid ye shes mkha' 'gro ma'i gzugs su bsam par bya'o/ /de nas bdag dang gzhan mchod bar bya ba'i phyir/ bdud rtsis bkang pa'i dung chos blang la//rnal 'byor ma thams cad kyi mdun du/ sngags 'dis se gol gsum gtogs par bya'o/ /oM ha ho hrI swA hA/ bdud rtsi lnga sbyin pa'i sngags dang phyag rgya'o/ /sngar bshad pa'i rnam par dag pa'i rdo rje dang dril bu blangs la/ /yi ge hU~M gi dbyangs dang bcas pa'i sngags 'di 'don par bya'o//oM hU~M hU~M/ oM pradz+nyA hU~M hU~M hU~M/ oM pheM g+he/ oM phaiM g+he// oM g+h+ra~M g+h+ra~M g+h+ra~M hUM~M swA hA/ mnyes pa chen por bya ba'i sngags so/ /de nas rdo rje dril bu dkrol/ /'bad pa yis ni gsang sngags 'don/ /rdo rje khu tshur gnyis bcings la/ /rgyab kyi rgyab tu sbyar bar bya/ / sa gdugs pad+ma bcings pa dang / /hU~M la sogs pas bskyod par bya/ /oM badzra g+haN+Ta ho/ /oM badzra g+haN+Da ra ni ta pra ra N-i ta/ sarba bud+d+ha k+She tra pra tsa li te/ pradz+nyA pA ra mi tA nA da swa b+hA be badzra d+harmA hr-i da ya saM to Sha Ni hU~M hU~M hU~M swA hA/ rdo rje dril bu'i sngags so/ /rdo rje khu tshur gnyis bcings nas/ /[(]rkad [,]rked [)]pa'i mtshams su gzhag par bya//khro bo'i bgegs dang bzhad pa dang / /lus ni dgug gsum ltar gzhag ste/ /sgeg mo'i tshul gyis sgeg pa dang / /pi wang tshul gyis pi wang dang / /gling bu'i tshul gyis 'bud pa dang / /sil snyan tshul gyis dkrol ba dang / /brdabs pa'i tshul gyis brdebs pa dang //gar gyi tshul gyis yan lag bskyod/ /rlung yab tshul gyis g.yob pa dang / /rgyal mtshan tshul gyis bsgreng pa dang / /bla bre'i tshul gyis bre ba dang / /ba dan tshul gyis 'phyar ba dang / /gdugs kyi tshul gyis dgab pa dang / /cang te'u'i tshul gyis brdegs pa dang //rnga yi tshul gyis brdung ba dang / /bzhad pa'i tshul du 'dzum pa dang / /gar gyi tshul gyis gar byed pa/ /khro bo'i tshul gyis khro ba dang / /sgeg pa'i tshul gyis sgeg pa dang / /'gying pa'i tshul gyis bsgyings pa dang / /mda' 'dren nu ma 'khyud pa dang / /rdo rje gsor zhing phyag 'tshal ba'i//tshul gyis 'dud par byed pa ste/ /mchod pa nyi shu de nyid kyis/ /hU~M gi glu dang sbyar bar bya/ /de nas bstod pas mchod bya ste/ /sems dpa' chen po dang po'i mchog/ /dgyes chen rnams kyi dga' ba che/ /kun du bzang po kun gzigs pa'i/ /rdo rje snyems pa bdag po'i bdag /thugs kyi sems dpa'i ting 'dzin mchog /rdo rje chen po stobs po che/ /kun du bzang po spyod pa'i mchog /snying por gyur cing bdud 'joms pa'i/ /sangs rgyas kun gyi byang chub che/ /sangs rgyas byang chub rdzogs pa'i mchog /hU~M mdzad hU~M ste 'jig rten gyi/ /bdag po thugs kyi gtso bo nyid//'dod chags chen po bde ba che/ /'dod dang thar pa'i nor che ba/ /dus gsum srid gsum mchog gsum ste/ /'jig rten gsum mchog khams gsum pa/ /mi rgyu ba na mchog tu gsal/ /shin tu phra dang sbom pa'i tshogs/ /rgyu ba rnams kyi rab mchog bsnyams//srid pa'i 'khor lo sbyong mdzad pa/ /thog mtha' med cing gsal ba min/ /sngon du sdug pa rnam par gnas/ /thugs kyi phyag rgya sbyor ba che/ /dam tshig de nyid blo gros che/ /rdo rje khro bo che/ /'bar zhing 'jigs pa 'dul ba'o/ /gdug pa mchog ni gdug pa che/ /drag cing khro la 'jigs par byed//de bzhin gshegs pa'i dngos grub che/ /mchog gi las can las chen po/ /dam tshig las ni bzang po'i lam/ /byang chub sems ni rtogs mdzad pa/ /thams cad dag byas pad+ma che/ /shes rab thabs kyi nor che ba/ /'dod chags dag pa'i ting 'dzin mchog /sna tshogs pa yi dbang phyug che/ /nam mkha' mtha' yas rtag pa'i nor/ /sems can kun gyi gnas chen po/ /dpal gyi 'byor pa 'byor pa'i dpal/ /bsam pa thams cad rdzogs mdzad pa/ /phyag 'tshal bdud rtsi phyag 'tshal 'dud/ /phyag 'tshal bdud rtsi phyag 'tshal lo//dad pas khyod la 'jug bgyid pas/ /deng bdag rdo rje sems grub mdzod/ /rdo rje dril bu'i sgra dang ni/ /bstod pa 'di yis bstod par bya/ /de nas rdo rje glu la sogs pa blang bar bya ste/ hU~M hU~M hU~M/ de pa'u pa'u na ra sa/ /ba ru do nA da ling ga na jo ya ba yu/ /ha bad dza'u ste Na Na hU~M/te te hU~M/ b+ha bA b+ha bA/ bi mud ti de se su b+hu dza na/ ku ti ma ra ra ho/ /pu dzi ni bo ti kadz+dza ti hi/ de na Na hU~M hU~M/ te na na te te hU~M/ a ma ti/ a na ga g+ha/ a sad ti/ bi mud ti/ sun na bi sun na/ naM sa na sa ra/ bI da ni bI/ te na na hU~M hU~M te na na hU~M/ te te hU~M ma ra pa pa na tse ba hU~M ba ha de hU~M/ su na san sa re kadz+dzu tu hU~M ha'u dza na pa te te na na hU~M/de nas phyi rol gyi rnal 'byor ma dpag tu med pas kyang / /pa'u na go na dam hU~M li ni shan nam/ d+ha ba la sangs ga /ka ma ni ti na ma/ a mi ta bi bi shud+d+ha si hi d+ha nu kan tsa kan tsa/ na ba ra ta d+ha NuM ka Na ti ma hU~M/ a ti ba sa g+ho re ma Na Di na yi/ sadz+dza ka ba le so ni bak+Sha khe/ dzA ya dzA ya/ ud d+ha ri te b+ha ba hU~M/ ma ra ga ya ra ya/ so ru hi hU~M/ kin tu ba ra b+hi sa na g+ho ru dan Da/ sa dza ba ka la ma/ ba s+ya mi te ba Na mi pa hU~M/ so hi li lu Ni tsha bi dz+dza lu/ mu tra tri pa/ da pa hU~M/ mA ra bi d+ha ra ru na ko ta yaM na ma hA ma hA hU~M/ rnga yi ni pa hUM/ rdo rje'i glu ni de nyid dang / /rdo rje dril bu'i rab mchod cing / / pany+tsa ma dang ko shi ka /bsres pa'i mtshan nyid bzang pos blang / /de nas rim pa gsum pa 'jig rten pa la sogs pa bstod par byed pa/ /dpal ldan de nyid rgyal po'i dbang phyug dam pa cod pan mdzes/ /gsang ba'i gdan la sku mchog 'od 'bar dang ldan zhing / /dpal ldan rdo rje dril bu bskyod sgras rnal 'byor mnyes//dpal gyi ye shes dam pa'i dbang phyug longs spyod rnams la spyod/ /de la sogs pa'i bstod pa rnam pa sna tshogs pas bstod par bya'o/ /rdo rje thal mo sbyar nas ni/ /snying ga'i phyogs su gzhag par bya/ /oM shud+d+ha d+ha rmA hUM/ oM a oM a swA hA/ de ltar mnyes par byas nas/ji skad bshad pa'i lha mo'i 'khor lo thun bzhi'i rim pa ji lta ba bzhin du bsgom par bya'o/ /bsgom pas skyon gsang sngags bzlas bya ste/ ha cang myur min dal ba min/ /gsal ba ma yin gsang sngags ni/ /ma tshang ba yang ma yin pas/ /kun rtog thams cad spangs te bzla//de nas kyang ni skyo gyur na/ /bstod de rdo rje bzung nas ni/ /rdo rje dril bus rab bskul la/ /'khor lo can rnams glu yis bstod/ /gus pas legs par mchod nas ni/ /dge ba rnams ni yongs su bsngo/ /mnyes par byas nas gshegs su gsol/ /slar yang gshegs pa mdzad par gsol//gshegs su gsol ba'i sbyor ba yi/ /rdo rje thal mo snying gar bsdam/ /oM na ma ste hU~M/ na ma mi hU~M/ na mo na ma hU~M swA hA/ rdo rje khu tshur gnyis bcings la/ /snying ga ru ni zla ba bsdams/ /nyi ma sa la bzhag nas ni/ /gsang sngags 'bad da brjed par bya/ /oM gats+tsha gats+tsha swa b+hA ba naM hU~M swA hA/'jig rten las 'das pa'i ye shes kyi lha rnams gshegs su gsol ba'o/ /oM gats+tsha gats+tsha pu na rA ga ma na ya hU~M phaT swA hA/ se gol lan gsum brdeb pa dang bcas pa ni 'jig rten pa'i lha rnams gtang ba'i sngags so/ /de ltar dkyil 'khor ba'i ye shes kyi dkyil 'khor gyi lha rnams gshegs su gsol nas/dam tshig gi lha rnams snying ga'i pad+ma dkar po la thim par gyur par bsams la/ go cha chen po dang / ngang pa'i gshog pa la sogs pa byas la/ yi ge brgya bas brtan pa nyid du bya'o/ /de la yi ge brgya pa ni 'di yin te/ oM dz+nyA na DA ki nI sa ma ya/ma nu pA la ya/ dz+nyA na DA ki rI twe no pa tiSh+Tha/ dr-i D+ho me b+ha ba/ su to Sh+yo me b+ha ba/ a nu rak+to me b+ha ba/ su po Sh+yo me b+ha ba/ sarba sid+d+hi m+me pra yats+tsha/ sarba karma su tsa me/ tsit+taM shre yaHku ru hUM/ ha ha ha ha hoHb+ha ga wa tI dz+nyA na DA ki nI/ mA me muny+tsa badzrI b+ha ba ma hA sa ma ya sa twa aHzhes pas phyag rgya chen por dbang bskur la/ba ra ka ba tse na oM Tu zhes bya ba dang / sngar bshad pa'i phyag rgya nyid kyi go cha bcings nas phyogs bcu na bzhugs pa'i de bzhin gshegs pa thams cad la bcom ldan 'das ji ltar bde bar mdzod cig /ces gsol ba btab ste ldang bar bya'o//rim pa 'dis lha'i yid la bya ba nyid kyis/ ji srid mchog dam pa ma thob pa'i bar du rtag tu gnas par bya'o/ /de nas rgyud las gsungs pa yi/ /sprul pa'i cho ga'i man ngag gis/ /nges par bdag gis bsgrub par bya/ /oM hU~M hU~M g+h+ri/ dzrIM miM pIM hU~M/ khruM hoM ho/ / dam tshig bcu pa'i sa bon ni de dag go/ /sbyang zhing rtog dang de bzhin sbyar/ /mi rtog pa yi sems kyis ni/ /dga' ba'i sems dang bza' bya zhing / /de bzhin gshegs kun tshim par bya/ /dpal gdan bzhi pa zhes bya ba'i rnal 'byor chen po'i rgyud kyi sgrub pa'i thabs slob dpon rje btsun Ar+ya de ba'i zhal snga nas kyis mdzad pa rdzogs so/

CLOSE WINDOW