CLOSE WINDOW

D1609
བོད་ཡིག

@##/ /rgya gar skad du/ ka k+Sha pata/ bod skad du/ mchan khung gi sbyor ba/ rdo rje mkha' 'gro ma la phyag 'tshal lo/ /rgyal po lhan cig gtsug phud dza ri lags/ mgo dang mchi ma gzhon nu dang / /nyi ma ral ba 'jigs rmongs dang / /dbang po dang ni rdo rje rnams/ bzhi cha bzhi ru byas pa ste/ /lnga yi lus kyi yang bsres na/ /skyes pa bud med dbang du byed pa sum cu rtsa bzhi cha/ /sa bdag mig dang bcu gsum phyogs dang thub pa drag po klu dang ni/ /phyogs bcu mda' dang gza' dang dus dang ni/ /nyi ma zla ba tshes kyi rim pa'i cha/ /dang po'i mtshams kyi bzhi ni yongs su bya'o//gnyis bas ni byug par bya'o/ /gsum pas ni bza' bar bya'o/ /bzhi bas ni bdag gi bsku mnye bya'o/ /rgyal po la sogs pa bzhi'i go rims ni dbang gi las shes so/ /thub pa la sogs lho ni byug par bshad/ /na bza' la sogs blo ni byang du bshad/ / klu ni rkang par shes bar bya/ /dbang phyug spyi bor yang dag gnas/ /nyi ma zla ba dbus gnas pas/ /dgos pa thams cad rtag tu byed/ /de ltar bsdus pa'i lus de ni/ /sum cu pas kyang mchod par 'gyur/ /bdug pa bcu drug pa la sogs/ /sa bdag phyag 'tshal dga' bar byed/ / bza' sogs bsku mnye bya bar shes/ /dus sogs mig sman sbyar bar bshad/ /mda' la sogs pa khrus kyi las/ /drag po la sogs bza' ba nyid/ /phyogs gzhan la yang sbyar bar bya/ /sa bdag dag ni gza' nyid dang / /dus dang mig tu sbyar ba yi/ /de yis thig ler byas pa yin//'jig rten gsum po dbang du byed/ /nyi ma bcu gsum phyogs dang ni/ /thub pa dang ni sngon sbyar ba/ /stobs med skye gnas gnas bcug na/ /bcu gnyis lo ru mngag gzhug byed/ /zla ba dbang bo klu dang drag /rdo rje 'dam du rab tu grags/ /tshes grangs dus dang phyogs mda' yi//ri lu yis ni dbang du byed/ /sa bdag dang ni gza' nyid dang / /phyogs dang thub bar yang dag ldan/ /spyi bo'i gtsug tu rnam brtags nas/ /me ni sdom pa byed pa'i mchog /thub pa dang ni tshes nyid dang / /dus dang gza' ni kun nas ldan/ /lus kun la ni byugs nas ni/ / nya bzhin du ni chu la rgyu/ /mda' dang dus dang mi dang drag /ri lu byas te khar bcug na/ /lam du bgrod kyang mi ngal zhing / /bkres dang skom pas 'chi mi 'gyur/ /gsum dang bcu drug phyogs dang mda'/ /rab myos dug dang byug pa yis/ /phan tshun sbyor ba'i blo yis ni//sbrul dang lhan cig rtse bar byed/ /bcu gsum sbrul dang phyogs mig gis/ /rang gi lus la byugs byas na/ /gang gis 'di ni blo ldan pa/ /sbrul dang lhan cig phan tshun rtse/ /sum cu phyogs dang drag po nyid/ /klu dang yang dag ldan pa yis/ /mngal dang b+ha gar byugs byas na//bde bar btsa' bar 'gyur ba'o/ /sbrul dang nyid dang phyogs dang ni/ /thub pa gza' ni yang dag ldan/ /lag pa byugs par byas pa yis/ /cho lo rtse na gzhan las rgyal/ /dbang po dang ni bcu gsum dang / /mig dang dus su ldan pa yis/ /sbyar ba'i ri lu khar bcug na//mtshan mo 'jigs pa'ang 'jigs dang bral/ /mi dang thub pa phyogs mig dang / /yang dag tu ni ldan gyur pa/ /bud med kyi ni mngal bcos so/ /bdun nyid dang ni bcu gsum dang / /phyogs dang dus dang yang dag ldan/ /zla mtshan dus kyi bud med de/ /mkhas pa yis ni b+ha gar byug de la bu ni 'byung bar 'gyur//skye ba snga ma yang dag ldan/ /'di yi yan lag mchog byugs na/ /de yis nor rnams mang por rnyed/ /gang zhig phan par 'dod pa'i mi/ /phyogs dang chos dang dus dang mig /'di rnams ri lu khar bcug na/ /ji srid 'dod pa'i bar du ni/ /khu ba sdom par byed pa'i mchog /bcu gsum rang ni phyogs mig klu'i/ /'di rnams nye bar bsdus nas ni/ /phye ma rang gi lus bskus pas/ /phye ma ru ni byas nas su/ /swa rtsi dang ni yang dag ldan/ /dbang du bya ba'i don du ni/ /bud med rnams ni thams cad du/ /smyo bar byed pa mchog yin no//mda' dang dus dang gzar sa bdag /phye mar nye bar bslu ba dang / /lag gnyis stobs kyis mnyes pa yis/ /myur du dmag dang rkun po 'gros/ /phyogs dang dus dang tshes dang mig /rang gi dmar skyes dang sbyar nas/ /dus su lag mthil bzung na ni/ /lcags bsregs kha ba lta bur bsil//bcu gsum nyi ma zla ba klu/ /dmar skyes dang ni gcig tu byas/ /ka ra ny+dza yi rdog po tsam/ /mi yi khar ni bcug pa yis/ /dug ni sdom par byed pa'i mchog /drag po mda' dang sa bdag phyogs/ /lhan cig byug dang lce yis bza'/ /lha yi lus dang 'dra bar 'gyur//dus dang nam mkha'i mig dang ni/ /bcu gsum phye mar thum bu ni/ /khron pa'i nang du bcug byas na/ /chu la nye bar longs spyod cing / /'gro ba thams cad dbang du byed/ /sa dang nyi zla thub pa yis/ /rkang pa'i mthil du byugs byas na/ /skyes bu chu nang zhugs gyur na//rtag tu thang la 'gro bzhin rgyu/ /phyogs dang klu dang thub pa mda'/ /gang gis mngon du sbyor ba yis/ /rims dang dbyig dug ma lus bzlog /bcu pa nyi ma zla ba phyogs/ /mtshon dang char pa dmag chen rnams/ /rim par sbyar bas 'joms par byed/ /mda' dang drag po phyogs dang klus//sna tshogs klu yi che ba dang / /khyad par du yang chu srin gyi/ /dug ni 'phrog bar byed pa rnams/ /rgyal po lhan cig gtsug phud la sogs bshad/ /bzhi pos lhag ma'i sum cu'i sbyor bskyed pa/ /skyes pa bud med mi rnams rjes bzung ba'i/ /ched du 'di byas thams cad dus su bza'/

CLOSE WINDOW