CLOSE WINDOW

D1605
བོད་ཡིག

rdo rje phag mo don kun grub pa'i sgrub thabs rdzogs so// //rgya gar shar phyogs kyi paN+Di ta chen po shrI ban rat+na'i zhal snga nas dang / lo tsA ba 'jam dpal ye shes kyis bsgyur ba'o// @##/ /rgya gar skad du/ badzra g+ho na sA d+ha naM/ bod skad du/ rdo rje phag mo'i sgrub thabs/ rje btsun rdo rje phag mo la phyag 'tshal lo/ /de yang dang por sgrub pa pos bla ma'i spyan sngar gdams pa thob par byas nas/ yid du 'ong ba'i gnas su bde ba'i stan la 'dug ste/ skyabs su 'gro ba sngon du btang nas/ tshangs pa'i gnas bzhi bsgom par bya'o/ /de'i rjes su chos thams cad stong pa nyid du bsams nas/oM shU n+ya tA dz+nyA na badzra swa b+hA wa At+ma kou0f85haM zhes bya ba 'dis byin gyis brlab par bya'o/ /oM hrIM g+hA ta ya sarba duSh+Tan hUM phaT swA hA zhes pas mdun gyi rten gyi lha la gtor ma phul nas/ oM AHhrIM hUM ha haMHzhes pa 'dis sha chen gyi phye ma'i b dug spos phul te/bsam gtan bsgom par bya'o/ /de nas stong pa'i ngang las hrIH dmar po yongs su gyur pa las/ bdag nyid rdo rje phag mo phag gi gdong can zhal gcig phyag bzhi ma/ spyan gsum dmar la zlum pa/ zhabs g.yas brkyang g.yon bskum pa'i tshul gyis ro'i steng na bzhugs pa/sku gcer mo/ ral pa dmar ser gyen du brdzes pa/ thod pa skam po lnga'i dbu rgyan dang / phyag rgya lngas yang dag par brgyan pa/ phyag g.yas pa gnyis kyis rdo rje dang rdo rje lcags kyu 'dzin pa/ g.yon pa gnyis kyis bdud bzhi'i khrag gis gang ba'i thod pa dang rdo rje'i zhags pa 'dzin pa/gru mo g.yon pa'i phyogs su kha T+wAM ga bsten pa/ khro gnyer dang mche ba gtsigs pa/ gsus khyim che zhing ljags 'dril ba/ brgya phyed kyi mi'i mgo bo'i phreng ba'i do shal 'phyang ba/ shin tu 'jigs su rung ba'i lha mor rnam par bsgom par bya'o/ /de'i lta bar me ri gru gsum pa 'bar ba'i dbus su/ pad+ma dmar po 'dab ma bzhi pa/ de'i lte bar yi ge hrIHbskal pa'i me lta bur 'bar ba/ de yongs su gyur pa las/ rdo rje phag mo sku mdog dmar mo sngon du brjod pa lta bu'i phyag mtshan dang bzhugs stabs can bsam par bya'o/ /de'i thugs kar sa bon hrIH sa mtshan pa dang / 'dab ma bzhi la bdud rtsis gang ba'i thod pas mtshan pa bsam par bya'o//thugs ka'i hrIH'i 'od zer gyis ye shes sems dpa'i lha mdun gyi nam mkhar spyan drangs te/ de la a r+g+ha la sogs pas mchod pa dang / phyag 'tshal ba dang / skyabs su 'gro ba dang / sdig pa bshags pa dang / dge ba la rjes su yi rang ba dang / bsod nams yongs su bsngo ba dang /mchog gi byang chub tu sems bskyed pa rnams byas nas/ lte ba'i dam tshig sems dpa' dang dbyer med du gyur par blta'o/ /dbang bskur bar 'dod na/ hrIH las 'phros pa'i 'od zer gyis rigs lnga 'khor bcas spyan drangs/ dbang bskur ba las/ rnam par snang mdzad kyis rigs kyi bdag po nyid du bya'o//de nas sngags bzlas par bya ste/ sngags phreng dmar po phag gi zhal las byung ba'i 'od kyis/ phyogs bcu'i sangs rgyas byang chub sems dpa'/ grub pa/ rig pa 'dzin pa/ nor bu dang sman la sogs pa'i nus pa dang bcud thams cad bsdus nas/ sngags kyi phreng ba la gzhug cing /sngags phreng pad+ma nas zhugs/ d+hU tI'i lam la song / slar yang zhal nas 'thon te/ mgal me'i 'khor lo ltar bsam zhing / oM hUM hrIM hAM/ snying po'o/ /oM badzra wA rA hI A be sha ya sarba duSh+TA na hrIM swA hA/ nye ba'i snying po'o/ /sngon du bsnyen pa ni 'bum phrag gcig tu brtson pas bzlas so//oM hrIM hUM haHhIHpheM pheM pheM phaT ces bya ba 'dis bdud thams cad zhi ba'i don du mtshan mo gtor ma byin no/ /de'i rjes su yang dag par mchod nas/ chos dbyings rnam par dag phyir bdag med nyid kyis ni/ /nyal ba'i ro la zhabs g.yas brkyang pas rnam rol zhing / /g.yon bskum stabs kyis rab dman dag pa'i chos dbyings kyis//rang bzhin las byung khyod la spyi bos phyag 'tshal lo/ /lha mo khyod kyi phyag gi 'dam skyes steng gi ni/ /khrag gi phung pos rab tu gang ba'i thod pa 'di/ /nyi ma gzhon nu'i gzugs brnyan gnyis dbus bkod gyur pa'i/ /'od 'phro'i ri dwags can gyis rnam par mdzes pa snyam//bdag ni khyod cag thogs med blo ngan 'joms so zhes/ /kun gyis phyag 'os gyur pa 'di yi g.yas pa na/ /'dzin pa'i rdo rje 'di ltar kun du bkod pa ni/ /rtse mo gyen du phyogs pas lha rnams dbugs phyung gyur/ /hrIH yig las skyes lha mo thod skam phreng ba dkar pos mgo bor yongs su mdzes pa can//sku mchog bskal pa'i me ltar lhag par gzi ldan rlon pa'i mgo bo brtsegs pa'i do shal 'phyang / /g.yon gyi glor ni kha T+wAM bstan la ba dan dag dang nor bus mdzes byas zhags pa thogs/ /g.yas par lcags kyu nyid de de la dus kun du ni btud pa'i mgo bos phyag bgyi'o//zhes bya bas yang dag par bstod la/ mngon par 'dod pa'i don gsol zhing / dge ba byang chub tu yongs su bsngo ba dang / spyod lam thams cad lha mo'i nga rgyal gyis yongs su bskyang bar bya'o/ /gang zhig rdo rje phag gi zhal ma brtson pas bsgoms gyur na//de yi gos dang bza' ba dang ni btung ba nor dang 'bru/ /rgya che'i sa dang khang brtsegs lha yi mal stan rgyan dang ni/ /bu mo dag dang rig pa sna tshogs lhag par thob par 'gyur/ /shin tu brtson ldan sngags rig pas/ /dka' ba med par 'jig rten gsum/ /dbang du byed 'gyur mthar thug ni//bla med byang chub thob par 'gyur/ /rdo rje phag mo'i sgrub thabs rgya gar shar phyogs kyi paN+Di ta chen po shrI ban rat+na'i zhabs kyis mdzad pa rdzogs so// //paN+Di ta de nyid dang / lo tsA ba 'jam dpal ye shes kyis bsgyur ba'o// //

CLOSE WINDOW