| བོད་ཡིག |
118a5 de nas yi ge brgya pa bton la gshegs su gsol lo/ /gtor ma'i cho ga a b+hi yu ka tas mdzad pa rdzogs so/ /[]@##/ /lag pa'i mchod pa bzhugs/ / @##/ /rnal 'byor ma 'khor gtsor
118a6 gyur pa//rdo rje phag mo phyag 'tshal te/ /lag pa'i mchod pa'i cho ga ni/ /lugs ni ji ltar yang dag bsdu/ /tshogs kyi dkyil 'khor la sogs pa'i dus su dpal 'khor lo sdom pa'i rnal 'byor dang ldan pa'i sngags pas/ lag pa g.yon pa'i mthe bo dang / mdzub mo dang / gung mo
118a7 dang /srin lag dang / mthe'u chung dang / de rnams kyi sen mo rnams la rdo rje sems dpa' dang / rnam par snang mdzad dang / 'od dpag med dang / mi bskyod pa dang / rin chen 'byung ldan dang / don yod grub pa'i rang bzhin rnams so/ /go rims ji lta bar dkar po dang /
118b1 ser po dang / dmar po dang / nag po dang dmar ser dang / ljang gu'i kha dog rnams te/ oM ha/ na maHhi/ swA hA hu/ bau Sha Ta he/ hUM hUM ho/ phaT haM gi yi ge rnams bkod de/ lag tu yang glo bur du grub pa'i pad+ma dmar po 'dab ma lnga pa bsams te/ shar la sogs pa'i 'dab ma rnams la g.yon skor
118b2 gyis rim pa ji lta bar/ya mi nI dang / rmongs byed ma dang / skul byed ma dang / skrag byed ma dang / tsaN+Da lI'i rang bzhin rnams/ sngon mo dang / dkar mo dang / ser mo dang / ljang gu dang / du ba'i mdog can rnams/ hoM yoM/ /hriM moM/ /hreM hriM/ hUM hUM/ phaT phaT/ ces bya ba'i
118b3 sa bon gyi yi ge rnams blta'o//pad+ma'i lte ba la rdo rje phag mo'i rang bzhin kha dog dmar po oM baM zhes bya ba'i sa bon te/ 'di rnams kyi gzugs brnyan nam 'khor lo gsum gyi rgyab la yang yongs su gsal bar bya'o/ /de nas lag pa la gnas pa sa dang / chu dang / me
118b4 dang /rlung dang / nam mkha'i khams rnams/ ltung byed ma dang / gsod byed ma dang / 'gugs byed ma dang / gar gyi dbang phyug ma dang / pad+ma 'bar ba rnams kyi rang bzhin du mos par bya'o/ /de nas lag pa la gnas pa'i sa bon de rnams la zhu ba'i rdzas kyis bsku ba
118b5 byas la/lag pa'i mthil der dpa' bo dang / rnal 'byor mar byin gyis brlabs pa'i 'khor lo gsum gyi rang bzhin du mos pa byas la de zhu ba la sogs pa'i rdzas yi ge gsum gyis sam rkang pa brgyad pa'i sngags kyis dbul bar bya'o/ /de nas yang dag par mchod la lhag
118b6 pa dang chad pa bskang ba'i phyir yi ge brgya pa bzlas par byas la 'khor lo byin gyis brlab pa la sogs pa'i don du gsol ba btab la/rdzas de gzhan nam gzhan du bzhag la/ lag pa g.yon pa'i rdzas rnams kyis g.yon pa'i srin lag gis blangs pas snying ga dang / lce dang spyi bo
118b7 la hUM AHoM zhes brjod pa sngon du 'gro bas bsku bar bya'o//de lha'i tshogs rnams bdag nyid la gzhug par mos par bya'o/ /cho ga 'di rnams rnal 'byor ma/ kun du spyod pa dang 'brel pa ste/ lag pa'i mchod pa a b+hi yu ka tas mdzad pa rdzogs so// //
CLOSE WINDOW