114b1 / @##/ /rgya gar skad du/ dz+nyA na A be sha bi d+hiH/ bod skad du/ ye shes dbab pa'i cho ga /rdo rje rnal 'byor ma la phyag 'tshal lo/ /lhan cig skyes pa bdag nyid mchog /rdo rje phag mo dpal btud nas/ /de tshe yid ches byed pa yi/ /
114b2 ye shes dbab pa'i cho ga bshad/ /dri dang me tog brgyan pa yi/ /dben pa'i phyogs su bzhugs nas su/ /gnas bdag rnal 'byor bsrung don du/ /hUM phaT brjod par bya ba yin/ /de nas sngags pa mnyam gzhag nas/ /bde ba'i stan la 'dug nas ni/ /lha mo'i sngags kyi
114b3 cho ga bzhin//go cha yan lag la dgod bya/ /rtse mo brgyad pa dbab bya ste/ /mdun du dkyil 'khor dmar po ni/ /me tog dmar po dang ldan pas/ /dag pa'i gsang sngags brjod par bya/ /de nas glang po che yi rgyab/ /'khar ba'i snod mnyam pa'i ngos la/ /lha mo'i
114b4 sngags mchog dam pa yi//lag pa g.yon pas bri bar bya/ /de la khar la sogs sngags/ /lha mo rnams phyogs man ngag bzhin/ /dbus su rdo rje rnal 'byor ma/ /thod pa'i nang du legs par bri/ /sngags kyi phyi rol g.yung drung ngam/ /sna tshogs rdo rjes bskor
114b5 bar bya//rdo rje 'dzin pa'i steng du ni/ /sngar bshad snod ni gsal bar bzhag /mchod yon sogs phul blo bzang gis/ /dzaH hUM baM hoHbrjod pas 'dir/ /lha mo'i 'khor lo bkug nas su/ /bcug ste bcing zhing dge bar bya/ /de nas bdud rtsi dang sgron ma/ /'dod pa'i
114b6 yon tan dang bcas pa'i//mchod pa lnga yis rnam kun tu/ /lha mo 'khor lo mchod par bya/ /nyin re'am thun mtshams so so la/ /ji skad bshad pa'i mchod pa bya/ /de ltar ma lcogs kyang mar ngo'i/ /tshes bcu 'khor lo rtag tu mchod/ /legs par bris pa'i gsang
114b7 sngags ni//mnyam gzhag rdo rje tshig gis bzlas/ /gzhon nu ma'am rnal 'byor ma/ /cho ga bzang pos bstod par bya/ /'di ni phyi rol dag gsang ba'i mchod pa'i cho ga'o// //sprul pa'i shing rta'i yan lag la/ /srog bral brang steng gtum 'od can/ /der ni
115a1 phag gdong snying rje'i bdag /kang ke li king shu ka'i 'od/ /rnam par 'phro ba'i 'od phreng can/ /rdo rjes brgyus pa'i thod phreng gis/ /mgor bcings khrag 'dzag mgo phreng brgyan/ /phyag g.yas gri gug bsnams pa ste/ /sdig sgrib ma lus 'joms par
115a2 byed//khrag gis bkang ba'i thod pa ni/ /g.yon pa'i phyag na 'dzin par mdzad/ /phyogs kyi gos can dga' chen po/ /lus bzang bcu drug lo lon pa/ /spyan gsum mgo skyes grol ba 'phyang / /skyil krung phyed pa'i gar dang ldan/ /sgeg pa la sogs ror bcas
115a3 pa//phyag rgya lnga yis rnam par brgyan/ /phyogs rnams kun tu mkha' 'gro ma/ /tshogs 'phro ba yi gang ba yis/ /rdo rje phag mo bsgom par bya/ /ye shes bkug ste der bcug nas/ /bcings te dgyes par byas nas su/ /mkhas pas yid las byung ba
115a4 yi//mchod pa de la cho ga bzhin/ /mchod pa bya ste de nas yang / /de yi nu ma'i bar du ni/ /chu skyes byu ru lta bu yi/ /kha phye rgyas par gyur pa ni/ /rang bzhin med pa bdag med mchog /mdzes dga' skyes par byed pa'o/ /thur ltas ro chen po dang ldan/ /
115a5 'od zer gsal bas bskor ba ni/ /sna rtser mig gtad bsgom par bya/ /sa yis phur pa'i gnyen po ni/ /sprul par me tog dmar po la/ /pad+ma rA ga ltar 'od dmar/ /myur du 'khor bar bsgom par bya/ /de nas sngar bshad de de yis/ /'khor bas reg pas
115a6 'khor bar spa//bsgoms te bsgoms pa'i bdag nyid can/ /bde ba'i rgyun du nub bltas te/ /de ltar rtag tu sgom byed pas/ /mgon po dang bcas bdag nyid che/ /phyag rgya chen po'i dngos grub ni/ /'grub 'gyur 'di la the tshom med/ /ldang bar 'dod na mkhar
115a7 gnas pa'i//bla ma lha mor phyag 'tshal nas/ /muHzhes brjod de langs nas su/ /cho ga de nyid rig pas bya/ /'di ni bsgom pa'i cho ga'o// //maN+Dal bris ma byed pa yi/ /slob mas gsol btab bsngags pa'i sa/ /cho ga tshang bar tshes bcu'i tshe/ /de dag rjes su
115b1 gzung bar bya//rnal 'byor ma yi 'khor lo sngar/ /mchod pa cho ga bzhin mchod cing / /sngar bstan rnal 'byor mchog byas nas/ /slob ma'i drung du 'gro bar bya/ /maN+Dal byed pa'i slob ma ni/ /yon phul 'greng ste gnas nas su/ /me tog phreng ba 'dzin pa la/ /mgon po
115b2 can gyis blta bar bya//de nas ji skad gsungs pa bzhin/ /slob ma bzhi yi 'khor lor bsam/ /me tog chang dang bcas pa yis/ /lha mo yang dang yang du mchod/ /lha mo'i gsang sngags bzlas nas su/ /lag pa spos thogs brdeg par bya/ /tshangs pa'i dang po la sogs
115b3 can//bden pa lan gsum brjod pa'i mthar/ /ri dgra gri gug gdon par bya/ /ltung byed mo yi chung ma ni/ /phyis nas rim pa bzhin du bzlas/ /ji srid babs par ma gyur par/ /sngags de dag ni bsgom par bya/ /ye shes babs nas slob ma ni/ /ba spu ldang zhing
115b4 'dar dang 'gyel//gal te cho ga bzhin bris nas/ /dge mi dge des ston par 'gyur/ /rang gi rang bzhin du gnas na/ /de nas bsgom par bstan par bya/ /lha mo'i sngags dang mchod pa dang / /lhan cig skyes bdag de nyid bshad/ /blo bzang ye shes
115b5 babs pa yis//de yi mdo la yid ches pa/ /de la bstan gyis gus dman pa'i/ /slob ma la ni nam yang min/ /'di ni slob ma rjes su gzung ba'i cho ga'o// //lha mo gang gis bris pa dang / /cho ga bzhin du de yi sngags/ /bris pa de yis nus
115b6 pa kun//kun nas gdon las bzlog pa yin/ /ye shes dbab pa'i cho ga 'dis/ /yid ches rang gis yang dag mthong / /nyes pa thams cad 'joms byed pa/ /'di ni 'bad pas bdag gis bris/ /ye shes dbab pa'i cho ga 'bad pa yis/ /bdag
115b7 gis las byas skyes pa'i dge ba gang //de yis myur du yang dag ye shes can/ /bde gshegs 'gro ba rnams kyis thob par shog /ye shes dbab pa'i cho ga rdzogs so// //


CLOSE WINDOW