| བོད་ཡིག |
103b1 /rdo rje rnal 'byor ma dpal 'dud// @##/ /rgya gar skad du/ badzra yo gi nI sto tra/ bod skad du/ rdo rje rnal 'byor ma la bstod pa/ /rdo rje mkha' spyod ma la phyag 'tshal lo/ /hrIH las gyur pa'i mkha' spyod ni/ /nyon mongs gdung ba bsil ba'i
103b2 phyir//mkha' la dri med pad zla'i steng / /lang tsho shin tu mdzes pa la/ /bcu drug lon pa lta bu'i tshul/ /'khor ba'i skyon gyis ma gos phyir/ /ston zla'i mdog ltar 'od zer 'phro/ /'gro rnams gnyid las sad mdzad phyir/ /grag stong hUM dang phaT sgra sgrogs/ /bde dang stong pa
103b3 lhan cig skyes//gnyis su med pa'i zung 'jug thugs/ /mkha' la spyod phyir zhabs gnyis ni/ /rgyab nas phrag pa gnyis la bkal/ /'gro rnams mkha' spyod 'dren pa'i phyir/ /b+ha ga rgyas shing shin tu yangs/ /thabs shes gnyis su med pa'i phyir/ /sku smad rus pa'i rgyan
103b4 dang bcas//chags shing bde brgyas pa'i phyir/ /sku sha rgyas shing nu ma 'bur/ /ma rig rtsad nas gcod pa'i phyir/ /phyag g.yas gri gug mkha' la 'phyar/ /gnyis med bdud rtsi mdzes pa'i phyir/ /phyag g.yon thod pa mkha' la 'dzin/ /'gro ba'i don la dgyes mdzad
103b5 phyir//zhal ni 'dzum khro dag dang ldan/ /phyogs bcu'i sangs rgyas gzigs pa'i phyir/ /spyan gsum mkha' la drag tu gzigs/ /sku lnga yongs su rdzogs pa'i phyir/ /dbu la thod skam lnga yis brgyan/ /chos nyid 'gyur ba med pa'i phyir/ /dbu skra mthon mthing
103b6 shin tu gnag /nyon mongs bag chags bsnyil ba'i phyir/ /rus bcas lcang los se stod non/ /sgeg pa'i nyams dang ldan pa'i phyir/ /'gying tshul dar gyi cod pan mdzes/ /yon tan kun gyis brgyan pa'i phyir/ /dbu rgyan snyan cha dpung rgyan dang / /mgul rgyan do
103b7 shal do shal phyed//phyag gdub zhabs gdub rgyan rnams ni/ /rin po che yis rab tu spras/ /rnam rtog spangs phyir mi mgo'i phreng / /brgya phyed dag gis ga shal byas/ /nyon mongs bud shing bsreg pa'i phyir/ /me ri dkar po'i gseb na bzhugs/ /sgyu ma'i don dang
104a1 ldan pa'i phyir//'ja' 'od tshogs kyis kun nas bskor/ /mkha' spyod ma la phyag 'tshal bstod/ /dad brtson dam tshig ldan pa yis/ /mchod bstod gsol ba btab gyur na/ /yang dag mkha' spyod gnas su ni/ /'dren mdzad khyod la phyag
104a2 'tshal bstod//mdun gyi mkha' la lha mo khyod bzhugs nas/ /lus ngag yid gsum byin gyis brlabs pa dang / /bems rig bral tshe bar chod med pa ru/ /yang dag mkha' spyod thugs su drang du gsol/ /mkha' spyod ma dkar mo'i bstod pa/ paN+Di ta dI paM ka ras
mdzad pa rdzogs so/
CLOSE WINDOW