CLOSE WINDOW

D1586
བོད་ཡིག

@##/ /rgya gar skad du/ kro d+ha bA rA hI badzra yo gi nI sA d+ha naM/ bod skad du/ rdo rje rnal 'byor ma phag mo khros pa'i sgrub thabs/ dpal rdo rje rnal 'byor ma la phyag 'tshal lo/ /bde chen dkyil 'khor dbus na nyid/ /rtse mo 'jig rten gsum gyi mgon/ /stong nyid snying rje'i thig le mchog /rdo rje rnal 'byor ma dpal bstod// //oM AHhUM/ sngags pas re zhig shin tu nyams dga'i gnas 'dug la/ /lte dbus 'khor lo pad+mo dkar rgyas dri med steng / /bde chen 'byung gnas rab tu dmar ba'i dkyil 'khor bsgom/ /de steng rgyal ba lha mo'i sa bon hrIH yig blta//me tog spos sogs sna tshogs mchod pa rab 'byams dang / /thub pa dgos pa skye ba'i don bsgrub chos kyi sgras/ /mkha' khyab byas nas slar 'ong yongs gyur 'bar ba yi/ /ye shes gri gug rdo rjes mtshan pa gsal por gyur/ /de las slar yang 'phags tshogs mchod dang 'gro ba yi//don bsgrubs byas byung de nyid yongs gyur lha mo'i sku/ /dmar mo 'jigs khros phag zhal bgrad gdangs 'gying bag brtan/ /gri gug thod 'dzin mi mgo'i phreng bas brgyan pa'o/ /de rjes de g.yas grags snyan sngon mo sgeg khros dang / /g.yon du rnam snang gser mdog gzhon nu ma rangs tshul//me long gzugs ltar rtse gcig bsams nas 'od zer gyi/ /lcags kyu rnon pos ye shes sems mar rab gzhug bya/ /dus gsum rgyal bas shin tu byin brlabs dbang bskur ba/ /bde chen ye shes snying rje mchog gi ro myang gzhi/ /rnam dag mchod pas sngon du mchod la de nyid rjes//rdzas dang yid kyis sna tshogs mchod sprin rab 'byams spro/ /mgrin pa lag pa lus kyi gnas rnams byin rlabs kyis/ /dag par bya ba rnal 'byor chen po'i nga rgyal can/ /dam tshig mchod rdzas chang gi mchod pa dang bcas la/ / de yis mnyes gyur snying gi pad+mo'i 'dab ma yi/ /sngags phreng gis bskor sems kyi hrIH yig byi ru'i mdog /snying gi mun sel mkha' la nyi ltar gsal bar blta/ /brtse ba'i rlung bskyod ye shes 'od zer me 'bar bas/ /'gro rnams kun gyi lus ngag yid kyi sdig bsregs nas/ / slar 'ong 'od kyis rang nyid snying gi mun pa dang / /de yi nyer bsdogs dri ma ma lus rnam par bsal/ /mtha' dag sna tshogs rang sems dri med bdag nyid de/ /de bdag bdag nyid mkha' ltar spros bral rnam par dben/ /de nyid 'dir ni bde chen khro mo'i skur bstan pa/ /zab mo'i spyod yul dpa' bo rnams kyis bsgom par bya//oM kro d+ha bud+d+ha DA ki nI ye hUM phaT swA hA/ /oM badzra war+N+Na nI ye hUM phaT swA hA/ oM badzra bai ro tsa nI ye hUM phaT swA hA/ 'bum phrag gcig dang gsum dang bzhi/ /lnga bzlas ma yengs yid can gyis/ /bgegs skrod grong khyer bsdu ba dang / /grong rdal 'jig dang don kun sgrub//dpal ldan mkha' 'gro lha gsum gyi/ /rnal 'byor zab mo bla ma'i bka'/ /legs rnyed sngags grub bsngags pa'i phyir/ /dpal 'dzin gyis byas mchog grub rgyu/ /dpal rdo rje rnal 'byor ma phag mo khros pa'i sgrub thabs/ slob dpon dpal 'dzin gyis mdzad pa rdzogs so// //kha che'i paN+Di ta chen po bud+d+ha shrI b+ha dra dang / bod kyi lo chung gnubs byams pa'i dpal gyis bsgyur ba'o// //oM kro d+ha bud+d+ha DA ki nI ye hUM phaT swA hA/ oM badzra war+N+Na nI ye hUM phaT swA hA/ oM badzra bai ro tsa nI ye hUM phaT swA hA/ 'bum phrag gcig gis bgegs rnams skrod//gsum gyis grong khyer sdud par byed/ /bzhi yis grong rdal 'jig pa dang / /lnga yis don kun sgrub par byed/ /dpal rdo rje rnal 'byor ma phag mo khros ma'i gsang sngags kyi rim pa'o// //stong nyid snying rje'i bdag nyid can/ /khams gsum pa yi ngo bo nyid/ /bskal pa'i me ltar 'bar ba'i 'od/

CLOSE WINDOW