CLOSE WINDOW

D1584
བོད་ཡིག

rgya gar gyi mkhan po a ba d+hU tI pa dpal gnyis med rdo rjes mdzad pa'o// //rnal 'byor pa pradz+nyA shrI dz+nyA na kIrtis rang 'gyur du mdzad pa'o/ /[]@##/ /rgya gar skad du/ badzra yo gi nI maN+Dal b+hi d+hi nA ma/ bod skad du/ rdo rje rnal 'byor ma'i dkyil 'khor gyi cho ga zhes bya ba/ bcom ldan 'das ma rdo rje rnal 'byor ma rnams la phyag 'tshal lo//dri med mnyam pa med pa yum gyi mchog gyur rdo rje mdzes ma las byung chos kyi dris/ /khyab pa'i mkhas pas grangs med rnams kyi sbrang rtsi len mtshungs rgyun du yang dag bsten pa yis/ /bgegs dang nyon mongs tshogs kyi tsha ba 'joms par byed cing yon tan tshogs kyis gang ba yi//mya ngan 'das pa'i bdud rtsi ster byed bla ma'i zhabs kyi pad+ma la ni skyabs su mchi/ /bye brag shes pa dpag tu med pas byas pa'i thar ster lta bu ma yin yang / /'on kyang bya khyung mkha' la spyod phyir bya gzhan mtha' la mi spyod min pa yis//rtogs ldan rnams la bzod gsol rdo rje yid 'ong ma yi 'khor lo'i bya ba rnams/ /lus ngag yid kyi gus pa dang ldan don du bdag gis yang dag brjod par bya/ /'dir gang gi phyir na/ gti mug chen po'i tshogs kyi mun pa rnams kyis shes rab kyi mig bsgribs nas/lam ma yin par 'gro ba'i sems can rnams mthong nas mchog gi snying rje can gyi slob dpon gyis gtso mo'i bzlas pa 'bum dang 'khor gyi khri tsho re re bskyal ba sngon gyi bsnyen pa'o/ /de nas dang por mi dge ba bcu las bzlog cing dge ba bcu la gzhug go/ / bsnyen gnas dang dge bsnyen la sogs pa'i bslab pa dang / dkyil 'khor du 'jug pa la sogs pa mya ngan las 'das pa'i grong khyer du 'jug pa'i lam gyi de dag nye bar bzung ba'o/ /de ltar dad pa la sogs pa mchog gi yon tan dang ldan pa'i slob ma dkyil 'khor du dbang bskur ba'i don du lan gnyis dang lan gsum du gsol ba btab pa dang /de'i tshogs pa ma tshang na de'i lte bar nyi ma'i dkyil 'khor la bkod pa'i yi ge hUM gi 'od zer gyis snying gar gnas pa'i yi ge kaM las byung ba'i sdig pa sha za dang mtshungs par sna nas 'thon pa dang / de nas yi ge hUM snying gar drangs pa las yongs su gyur pa las khro bo'i rgyal po hUM mdzad phyi rol du byung nas/oM suM b+ha ni suM b+ha huM hUM phaT/ oM gr-ih+Na gr-ih+Na huM hUM phaT/ oM gr-ih+NA pa ya gr-ih+NA pa ya huM hUM phaT/ oM A na ya hoH b+ha ga bAn bid+yA rA dza ya a mu ka s+ya sarba pA paM nA sa ya huM hUM phaT swA hA zhes brjod cing khro bo'i rgyal po'i rdo rjes sdig pa la bsnun pas stong par bsam mo//de nas oM badzra kI li kI la ya sarba s+ya sarba bib+h+NAM ban+d+ha huM hUM phaT ces pa'i rdo rje rnal 'byor ma'i bka' byin pa de rang nyid kyis kyang brjod par bya zhing / khaN+Da ro has lte ba man chad phur pa'i rnam pa can gyi phur pas slob ma'i snying ga'i bgegs la gdab par bya'o//phur pa'i 'od zer shin tu rno bas sdang ba thams cad rnam par bsregs te/ slob ma de yi ge saM las kun du bzang mor bsam par bya'o/ /de nas ting nge 'dzin gyis go cha bskon te srung ba dang sngags kyis bsrung bar bya'o/ /de nyid khaN+Da ro ha'i sngags sam bcom ldan 'das ma'i sngags zlos su gzhug go//de ltar byas na de'i bgegs dang log par 'dren pa thams cad brlag par 'gyur zhing / dgos pa'i yo byad thams cad tshegs med par 'dzom par 'gyur ro/ /de ni slob ma gzung ba'i cho ga'i rim pa'o/ /de nas dgos pa'i yo byad thams cad tshogs pa dang /bya ba la mkhas pa'i g.yog dang rig ma dang bcas pa'i slob dpon/ dge ba'i gza' la sogs pa la gtso mo'i nga rgyal dang bcas pas/ phyogs rnams dang gnas kyi bye brag 'ba' zhig tu dkyil 'khor bzhengs pa spang ba go bar byas la grong khyer la sogs pa dbang ldan gyi mtshams su'am/gang yid du 'ong ba'i gnas su byang dang shar gzhol ba'i rab tu bstar ba'i maN+Dal gyi sa gzhi nges par brtags la/ der lci ba la sogs pa'i maN+Dal byas pa dang / dkyil 'khor gyi lha rnams mchod nas nam mkha' la gshegs par bya'o/ /de nas de na gnas pa'i zhing skyong la sogs pa rnams gtor ma dang nye bar spyod pa la sogs pas mchod do//de nas gsol ba btab pa ni/ gang dag 'dir gnas lha dang klu/ /gnod sbyin srin po gzhan dag dang / /de dag rnams la sa gzhi nyid/ /dkyil 'khor don du bdag la sbyin/ /zhes pas lan gsum du'o//rmi lam la sogs par de nyid kyis gnang ba'am dgag pa ma byas na/ nang par gyi thun dang po la bcom ldan 'das ma rdo rje rnal 'byor ma la sogs pa nam mkhar bltas la gsol ba gdab par bya'o/ /nyi ma phyed kyi dus su srung ba'i 'khor lo dang bgegs la phur pa gdab pa bsgom pa'am/drag po'i sbyin sreg gis bgegs rnams bcom la sa gzhi de nyid/ oM AH big+h+NAM ta kr-i ta hUM zhes pa bzlas zhing yungs kar dang thal ba dang chu yis ni ra ma tha bya'o/ /de nyid du sa'i lha mo rdo rje'i 'dug stangs kyis gnas pa gsung bar 'gyur ba'i sku mdog la sogs pa dang ldan par bsgoms la/zhal bsil la sogs pas mchod nas e h+ye hi la sogs pa'am/ lha mo khyod nyid la sogs pas lan gsum du gsol ba btab ste/ de ltar mdzod cig ces gnang ba byin pa dang de yid kyis nam mkha' la bzhugs par bya'o/ /de nas sa gzhi de gegs med par shes par byas la/ba hu na ga'i lto bar bkod nas sbyangs pa dang / sngags kyis sa gzhi dag par bya ba dang ting nge 'dzin gyis dag par bya ba rnams ni sa sbyang ba rnam pa gsum gzhan du shes par bya'o/ /de nas slob dpon phyag rgya lnga yis brgyan la/ me tog gis spras pa'i dkyil 'khor gyi sa gzhi'i dbus su bsdad de/rdo rje dril bu 'dzin pa bri bya'i dkyil 'khor gyi rnal 'byor dang ldan pa srung ba'i 'khor lo la sogs pas bgegs rnams 'joms par byed pas spos snod bzung ste hUM las rdo rje'i lce dang ldan par brjod pa/ phyogs rnams kun na gnas pa yis/ / sangs rgyas bdag la dgongs su gsol/ /'dir ni rdo rje che ge bdag /dkyil 'khor chen po bri bar bya/ /sangs rgyas thams cad byon par zhu/ /'dir ni dngos grub gnang bar mdzod/ /ces pas snyan gsan phab nas mchod de/ mkha' 'gro ma la sogs pa rnal 'byor ma bzhi'i rnal 'byor dang ldan pa'i slob ma phyogs bzhir gnas te rdo rje dang rdo rje dril bu 'dzin pas sam/gcig phyogs bzhi ru rim pas phyin nas brjod pa/ sems dpa' kun la sems chen po/ /rang bzhin dag pas dri ma med/ /kun du bzang po thugs kyi mchog /dkyil 'khor dam pa bshad du gsol//de bzhin gshegs kun rang bzhin bral/ /de bzhin gshegs pa kun gyi gnas/ /chos kun bdag med pa yi mchog /dkyil 'khor dam pa bshad du gsol/ /chos rnams zhi ba las byung mchog /rnam par dag pa'i ye shes spyod/ /kun du bzang po gsung gi mchog /dkyil 'khor dam pa bshad du gsol/ /mtshan nyid thams cad yongs su rdzogs/ /mtshan nyid bral ba rnam par spangs/ /kun du bzang po sku yi mchog /dkyil 'khor dam pa bshad du gsol/ /zhes pa so so nas gsol ba 'debs su gzhug go//de ltar gsol ba 'debs pa med na bdag nyid ting nge 'dzin gyis so/ /de nas sngon du dkyil 'khor gyi 'khor lo spros la/ bsgoms pa'i dkyil 'khor rdo rje khu tshur gnyis kyi mdzub mo rtse sprad de spyi gtsug du kha phyogs pa bzung la/ hUM hUM badzra uta tiSh+Tha zhes brjod de bteg nas nam mkha' la bzhugs su gsol nas skyil krung bshig ste langs la/shar du kha phyogs pa dang rkang pa gshibs nas thal mo spyi bor sbyar ba dang / de bzhin gshegs pa rnams la phyag byas te/ sems can rnams ma rigs pa'i mun pas bsgribs pas bdud kyis byin gyis brlabs pa bltas la/bdud rnams gzhom pa'i phyir skad cig gis rdo rje phag mor bskyed pa la mig gnyis byin gyis brlabs la rdo rje'i lta ba des phyogs kun du blta zhing nga rgyal byas la/ bdag ni rdo rje rnal 'byor ma/ /rdo rje sems ma nyid kyang bdag /bdag ni sangs rgyas rgyal mo che/ / bdag ni rnal 'byor rgyal mo ste/ /bdag ni phyag na rdo rjer brtan/ /zhes brjod pas so/ /de nas rkang pa'i mthil du hUM las byung ba'i 'bar bzhin pa'i rdo rje bsams te/ skabs kyi dbye bas rol pa dang bcas pa'i pad+ma'i lag kor bya zhing / rdo rje gsor zhing dril bu dkrol/ rdo rje 'gros kyis dbang ldan na phar la g.yon skor gyis slob ma dang bcas pas dkyil 'khor gyi sa gzhi la gar bya zhing brjod pas/gnod sbyin dang / srin po dang / yi dwags dang / sha za dang / brjed byed dang / 'byung po dang / mkha' 'gro dang / mkha' 'gro ma dang / smyo byed dang / rgan po dang rgan mo'i 'khor dang bcas pa dang / bya khyung dang / dri za dang / mi'am ci dang / gsang sngags grub pa rnams sa phyogs 'di ma yin pa'i gnas gzhan du rgyu gcig /slob dpon che ge mo bdag slob ma che ge mo mngon par rdzogs par byang chub pa'i don dang / sems can thams cad kyis bla na med pa'i ye shes thob par bya ba'i phyir dpal rdo rje rnal 'byor ma'i dkyil 'khor bri bar bya'o//de'i phyir rdo rje rnal 'byor ma'i bka' stsal gnang nas myur bar 'gro bar gyis shig /gal te gang zhig mi 'gro bar gyur na de'i spyi bor rdo rje 'od zer shin tu 'bar ba 'dis 'bar ba rab tu 'bar nas rdo rje ye shes chen pos mgo tshal pa brgyar byed do zhes pa lan gsum brjod pa dang /mkha' 'gro ma la sogs pa khro bo'i lha mo rnams spros te/ sgrub thabs su gsungs pa'i cho ga'i rim pas bgegs rnams gzhom par byas pas dkyil 'khor gyi sa gzhi'i sa 'og yan chad rdo rje lta bur byin gyis brlab po//de nas rkang pa'i mthil byin gyis brlabs la bcag par bya'o/ /de nas maN+Dal dri yis nye bar byugs te/ me tog la sogs pas mchod pa dang / sgo bzhi nas spos snod bzung la glu dang gar la sogs pas kyang mchod do//de nas sa la reg la bcom ldan 'das ma'i sngags brgya rtsa brgyad dang / yi ge brgya pa lan brgyad bzlas nas/ de nyid du lha mo rnams kyi 'khor lo spro ba dang bsdu ba byas la nyal lo/ /des ni sa yongs su gzung ba'i cho ga'i rim pa'o// //de nas dkyil 'khor gyi sa gzhi'i dbus su dri'i maN+Dal byas nas/baM yig yongs su gyur pa las sa'i lha mor bsam pa dang / ye shes kyi lha mo spyan drangs te/ dam tshig gi lha mo dang ro gcig tu gyur pa sems spro ba dang bcas pa/ kha dog ser mo na bza' dkar po dang rgyan sna tshogs kyis spras pa/ phyag g.yon gyis gser gyi bum pa bzang po bsnams pa/g.yas mi 'jigs pa mdzad pa mdun du bzhugs te/ sgrub pa po la gzigs pa las yon chab sngon du song ba'i sgo nas yang dag par mchod nas mnyes pa dang bcas par bsam pa ni/ oM e hi ye hi ma hA pr-i thi wi lo ka mA ta re sarba rat+Na pu raNe/ de bya a laM ka ra b+hu Shi te ha ra Nu pu ra Nir g+ho She/badzras twa pra b+hu dze te/ gr-i hI ta i daM ar+g+haM maN+Dal karma su sA d+ha ya/ hI hI hI haM swA hA/ zhes pa lan gsum brjod de spyan drang ba dang / nye bar zhugs pa dang / sa gzhi la bzhugs par bya'o/ /yang na/ shAkya seng ge skyob pa yis/ /sa dang pha rol phyin pa la//ji ltar bdud sde bcom pa yi/ /lha mo khyod ni dbang gyur ltar/ /de bzhin bdag gis bdud sde las/ /rgyal bar byas te dkyil 'khor bri/ /zhes pa lan gsum brjod de/ lhag par gnas pa byas pas de ltar bgyi zhes gsungs nas de nyid du thim par bsam mo/ / de nas lag pa rdo rje bcings pas la mnan la/ oM badzri b+ha ba hUM zhes pa lan gsum brjod pas/ rdo rje bcings pa las hUM 'bar bzhin pa'i tshogs spros pa dang / sa 'og gi bar du rdo rje'i rang bzhin du bsams te/ oM badzra dr-i D+ha tiSh+Tha zhes pa lan gsum brjod de/ sa'i lha mo de nyid rang gi dbang du bya'o//cho ga'i rim pa'o/ /de nas dkyil 'khor gyi sa gzhi bdud rtsi lnga dang bcas pa'i dri zhim pos yi ge gsum brjod cing byug par byas pa dang / me tog gis chal par bkram la khrus byas te lus dri dang ldan par bya/ na bza' dkar po bgo/ gsung bar 'gyur ba'i 'khor lo la sogs pa'i sngags kyi byin gyis brlabs pa'i me tog gi phreng bas sku la brgyan la/dkyil 'khor gyi sa gzhi'i dbus su gnas te/ kha shar du phyogs pa'i slob dpon bcom ldan 'das ma'i rnal 'byor dang ldan pas lha mo rnams kyi gnas rnams la bdud rtsi dang bcas pa'i dri zhim pos maN+Dal byas te/dam tshig gi dkyil 'khor ji lta ba bzhin du rnam par bsgoms la/ de rnams la ye shes kyi dkyil 'khor gzhug par bya ste/ sgrub thabs su bshad pa'i cho gas phyi'i mchod pa dang bstod pa dang bdud rtsi myang ba rnams byas la/ de nas byang du kha phyogs te/ bsgoms pa'i dkyil 'khor phyi rol gyi dbang ldan mtshams na gnas pa rnams rtsa ba nag po ma yin pa/ mchu 'phyang ba/ mgrin pa ring ba/ lto ba che ba tsan+dan la sogs pa dkar bas byugs pa/ lha mo rnams kyi mtshan ma btags pa bdud rtsi lnga dang dri zhim pa'i chu dang /rin po che dang / 'bru sna lnga dang sman lnga rnams kyis gang ba/ mdzes pa'i shing lo lngas brgyan pa/ dri ma dang bral ba'i ras zung gis mgrin pa dkris pa/ gsung bar 'gyur ba'i dkyil 'khor gyi mtshan mas rim pa bzhin du mtshan ma dang ldan pa rnams dkyil 'khor gyi rnam pas de dang de rnams dri zhim po'i maN+Dal byas pa'i steng du ji ltar rigs pa'i gdan rnams kyi steng du gzhag par bya'o//de la hUM yig lan bdun brjod cing bcing ba'i skud pa dkar po bdun gyis dkri bar bya ba ni/ oM badzra she kha re ru Ta ma Ta di shAM ban+d+ha ban+d+ha hUM zhes pa'i sngags kyis so//de nas stong pa'i ngang las baM yig yongs su gyur pa las byung ba'i rin po che'i gzugs su gser la sogs pa las byung ba'i bum pa rnams lhag par gnas par bya'o/ /de yang dkyil 'khor gyi dbye bas bum pa'i dbye ba shes par byas la/ las thams cad la khaN+Da ro ha dang bcas pa'o//gal te lha grangs dang mnyam pa ltar na yang las thams cad pa yis lhag pa'o/ /de yang bya ba mang po'am gtso bor byed pa'i don du rnam rgyal gyi bum pa'i steng du dung ngam thod pa bdud rtsi dang dri chu dang bcas pa dang / me tog gi phreng bas bcings pa'i rdo rje hUM zhes brjod cing gzhag go /de nas oM badzra u da ka ThaH hUM zhes pa dang / yi ge gsum lan bdun du bzlas te ye shes kyi bdud rtsir byin gyis brlab po/ /bum pa'i nang rnams su oM tap+te ma hA tap+te swA hA zhes pas spyan drangs pa'i chu'i rang bzhin las gdan dang bcas pa'i lha mo'i 'khor lo rnams skad cig gis rnam par bsgoms la ye shes sems dpa' spyan drangs la ro gcig tu gyur pa yan chad bya/mtshan ma la yang dam tshig gi lha mo rnams ye shes kyi lha mo rnams dang ro gcig tu gyur bar bsam mo/ /de nas hUM zhes brjod cing rdo rje me tog dang bcas pa g.yas pas bzung la 'khor lo'i gtso mo'i snying po'i sngags brgya rtsa brgyad bzlas ba'am/oM badzra u da ka hUM zhes pa bzlas pa'o/ /de ltar khaN+Da ro ha mngon par bzlas la me tog gsum der gzhug par bya'o/ /bum pa gzhan de dang der lha de nyid kyis brgya rtsa brgyad dam bdun bzlas par bya'o/ /de rnams yang dag par mchod nas las thams cad pa'i bum pa'i chu'i shing los bsrung ba'i don du bsang gtor byas pa dang /ji srid dkyil 'khor gyi bya ba ma rdzogs kyi bar du bgegs rnams bsrung ba gyis shig ces brjod nas gtor ma byin la reg la/ mi bskyod rdo rje zhes bya ba la sogs pas bstan te dril bu dkrol lo//bum pa de rnams nas chu cung zad re blangs la dkyil 'khor gyi lho sgo'i shar dang nye ba ru many+dzi'i steng du dung la sogs pa bzhag pa nas/ bdag nyid kyis slob ma la bsang gtor bya'o/ /bum pa rnams la mchod pa nyin re bzhin du dus gsum du bya'o/ /'di ni bum pa lhag par gnas pa'i cho ga'i rim pa'o//de nas gsang ba'i rgyan rnams kyis brgyan pa des dri dang me tog gis lha gnas bkod la/ dkyil 'khor de la rnal 'byor bya ba ni bdag nyid kyi snying ga'i 'od zer gyis spyan drangs pa'i rdo rje rnal 'byor mas gtso bo byas pa'i lha mo'i 'khor la gnas pa rnams la zhabs bsil la sogs pa byin te/bar ma dang mchog dang dbus dang dri dang bcas pa'i chu dang me tog la sogs pas mchod nas bstod de bdud rtsi myang ba dang / pus mo g.yas pa sa la btsugs te lce hUM las byung ba'i rdo rje rtse gcig pa hUM gis mtshan par bskyed la/ lag pas spos snod bzung ste dril bu dkrol zhing brjod pa/bcom ldan rdo rje phag mo nyid/ /rig pa'i rgyal mo la phyag 'tshal/ /lhan skyes 'gyur ba'i dkyil 'khor 'dir/ /mgon po bri bar 'tshal pa yin/ /slob ma rjes su gzung phyir dang / /khyod la mchod par bya ba'i phyir/ /bdag ni bcom ldan ma la gus//bka' drin gyis ni gnang bar rigs/ /lha mo rnams kyi thugs rje yis/ /'gro la 'khor ba'i bya ba byin/ /'bras bu la gnas byang chub sems/ /gzhan yang sngags kyi lha rnams dang / /'jig rten skyong ba'i lha rnams dang / /'byung po byang chub la phyogs dang //bstan pa skyong ba'i sems can te/ /gang zhig rdo rje'i spyan ldan rnams/ /bdag ni rdo rje che ge che/ /gus dang bcas pas zhabs tog tu/ /rdo rje phag mo'i dkyil 'khor ni/ /'gro ba dag phyir bri bar bya/ /slob ma dang bcas bdag nyid la/ /rjes su brtse ba dang ldan pas/ / dkyil 'khor ma lus pa rnams dang / /nyid ni nye bar gnas par rigs/ /zhes pa'i don shes par byas la gsol ba gdab par bya ba dang / de nas de nyid du dam tshig can 'du bar bya'o/ /de ni lha lhag par gnas pa'i cho ga'i rim pa'o/ /de de ltar dkyil 'khor la mchod pa byas te shin tu legs par brtags pa'o//nga rgyal la sogs pa'i skyon dang bral ba/ dge bsnyen la sogs pa'i bslab pa dang ldan pa/ thos pa la sogs pa'i pha rol tu song ba/ bcom ldan 'das bde mchog dang rdo rje rnal 'byor ma mnyes par byed pas maN+Dal sngon du song ba dang / pus mo sa la btsugs te me tog snyim par thogs pa'i slob ma rnams la/'jig rten 'di la bde don dang / /'jig rten pha rol bde don te/ /'on kyang sangs rgyas thob don to/ /blo dang ldan pas 'jug par bya/ /zhes pa'i don bshad pa/ skad cig gis shes rab dang thabs kyi bdag nyid du bskyed pa dang /de nyid kha nas bcug ste lha mo'i pad+ma la gnas pa la bdag nyid kyis dbang bskur bas rdo rje phag mo'i gzugs su bsgom zhing / dkyil 'khor gyi phyi rol na gnas pa rnams gsol ba 'debs su gzhug pa ni/ skye dang rgas dang 'chi ba dang / /chu srin la sogs 'jigs pa yi//'khor ba'i rgya mtsho las 'don khyod/ /nga la ston pa mgon po che/ /bde ba chen po bdag 'tshal bas/ /byang chub chen po'i lam bstan pa/ /dam tshig de ni bdag la stsol/ /byang chub sems kyang bdag la stsol/ /sangs rgyas chos dang dge 'dun dang //skyabs gsum dag kyang bdag la stsol/ /thar pa chen po'i grong khyer du/ /mgon po bdag ni gzhug tu gsol/ /dpa' bo dpa' mo'i dbang phyug ma/ /phag mo he ru ka nyid dang / /gsang ba'i gnas sogs rnam par dag /lus la gnas pa gsung bar zhu/ /zhes brjod de/slob ma gcig gtso bor byas pa mdun du bzhag nas/ bu tshur theg pa chen po la/ /sngags kyi spyod pa'i cho ga yis/ /khyod ni lam chen snod yin pas/ /khyod la yang dag gsol ba 'debs/ /'das pa'i sangs rgyas gang dag dang / /de ltar yang dag ma byon dang / / da ltar byung ba'i sangs rgyas gang / /'gro la phan phyir bzhugs pa dang / /de dag kun gyi gsang ba yi/ /cho ga bzang po 'di rnams kyis/ /thabs dang shes rab gnyis med pa'i/ /sangs rgyas thams cad mkhyen pa thob/ /shAkya seng ge la sogs kyis/ /bdud sde shin tu mi bzad pa//stobs chen rnams kyang gsang sngags kyi/ /sbyor ba mnyam pa med pas bcom/ /de bzhin thams cad mkhyen thob phyir/ /bu la gang dang gang 'dod pa'i/ /cho ga ma lus sbyin par bya/ /byang chub dngos grub thob par gyis/ /zhes pa brjod do/ / sangs rgyas chos dang dge 'dun te/ /nges par gsum la skyabs su mchi/ /'khor lo gsum gyi rang bzhin can/ /bye brag mkha' 'gro ma rnams dang / /dpa' bo dpa' mo'i dbang phyug ma/ /rgyal ba'i sras rnams ma lus dang / /thams cad gus pa'i rang bzhin gyis/ /bla ma rnams la skyabs su mchi//zhes pa lan gsum brjod do/ /de nas thun mong gi sdom pa 'dzin du gzhug cing byang chub kyi sems bskyed par bya ba dang / bye brag gi sdom pa 'dzin du gzhug pa ni sangs rgyas dang byang chub sems dpa' thams cad bdag la dgongs su gsol/ /bdag ming 'di zhes bgyi bas dus 'di nas bzung ste/ji srid snying po byang chub la mchis kyi bar du/ byang chub sems ni bla med pa/ /mchog tu bskyed par bya ba ni/ /ji ltar ji srid mgon rnams kyis/ /byang chub tu ni nges mdzad ltar/ /tshul khrims sdom pa'i rnam pa dang / /dge ba'i chos ni sdud pa dang //sems can don byed tshul khrims gsum/ /bdag gis brtan po gzung bar bgyi/ /sangs rgyas chos dang dge 'dun te/ /bla na med pa'i dkon mchog gsum/ /dus 'di nas ni gzung bar bgyi/ /sangs rgyas rnal 'byor sdom pa ni/ /rdo rje rigs mchog chen po la//rdo rje dril bu phyag rgya rnams/ /so so'i rang bzhin gzung bar bgyi/ /slob dpon dag kyang gzung bar gyi/ /nyin re bzhin du dus drug tu/ /rin chen rigs mchog chen po la/ /dam tshig yid du 'ong ba yi/ /sbyin pa rnam bzhi rab tu sbyin/ /byang chub chen po las byung ba'i//pad+ma'i rigs mchog dag pa la/ /phyi dang gsang ba'i theg pa gsum/ /dam pa'i chos rnams so sor gzung / /las kyi rigs mchog chen po la/ /sdom pa thams cad ldan pa ni/ /so sor yongs su gzung bar bgyi/ /mchod pa'i las kyang gus par bgyi/ / byang chub sems ni bla na med/ /dam pa bdag gis bskyed par bgyi/ /sdom pa thams cad ldan pa ni/ /sems can kun gyi don gyi phyir/ /ma bsgral ba rnams sgrol bar bgyi/ /ma grol ba rnams grol bar bgyi/ /dbugs ma phyung ba dbugs dbyung bgyi/ /sems can mya ngan 'das la dgod//ces pa lan gsum brjod do/ /de nas go cha drug gi sngags kyis bsrungs la gnas gsum byin gyis brlab ste/ yang de rnams su dri'i chu dang rdo rjes reg nas me tog la sogs pas mgo bo la sogs pa mchod do/ /de nas byang chub kyi shing la sogs pa las byung ba'i shing sor bcu gnyis pa rtse mo'i cha la me tog dang bcas pa slob ma la sbyin no//de nas maN+Dal gru bzhi pa phyogs re la khru re dang ldan pa la/ /ba lang lci ba la sogs pa byugs pa der byang ngam shar du kha blta bar so shing dor ba ni/ oM badzra ha sa haM zhes brjod de rtse mo bstan nas steng du ltos pa med par dor la//'byung bar 'gyur ba'i dngos grub des brtag pa ni shar la sogs pas zhi ba la sogs pa drug dang / maN+Dal gyi phyi rol du song na dngos grub med do zhes brjod do/ /de nas baM las byung ba'i dri chu la lan bdun bzlas pa dang /oM hrIH bi shud+d+ha d+harma sarba pA pa ni tsAs+ya sho d+ha ya sarba bi ka wan a pa na ya hUM zhes pa lan gsum du brjod cing khyor bar byin te 'thung du gzhug go/ /de nas hUM las byung ba'i ku sha la de nyid lan bdun bzlas te/ stan gyi don dang / yang d+hIH las byung ba la de nyid lan bdun bzlas te sngas kyi don du'o//oM badzra tIk+Sh+Na zhes pa'i sngags kyis sbyin par bya'o/ /de nas skud pa mdud pa gsum byas pa dpung pa g.yon pa la btags pa ni/ oM bud+d+ha mai tri rak+Sha rak+Sha sarbA na swA hA/ zhes pa brjod cing bcings pas so/ /bcom ldan 'das ma'i sngags lan bdun bzlas te me tog gis thod bya'o//de nas gzengs bstod pa ni/ /bskal pa bye ba grangs med par/ /sngon du sdig pa gang bgyis pa/ /dkyil 'khor 'di 'dra mthong ba yis/ /de dag thams cad zad par 'gyur/ /gang dag spyod pa mchog 'di la/ /blo gros shin tu dri med par/ / sdug bsngal rnams la gnas pa yis/ /ngan song skye ba 'joms par 'gyur/ /bdag nyid chen po khyed rnams kyis/ /rnyed pa mnyam med de ring rnyed/ /de phyir rgyal ba sras bcas pas/ /bstan pa 'di la khyed rnams kyis/ /thams cad yongs su gzung bar gyis/ /bdag nyid chen por bskyed pa des//khyed rnams theg pa chen po la/ /legs par bgrod par 'gyur ba yin/ /de phyir 'di ni lam gyi mchog /theg pa chen po 'byung ba'i gzhi/ /gang zhig 'di la 'gro 'gyur ba/ /de bzhin gshegs pa rnams su 'gyur/ /zhes pas so/ /de nas cho ga'i sngags kyis bsrung ste/sngags de nyid bzlas pa'i don du byin la/ nang par snga bar rmi lam zlos shig ces brjod la 'du 'dzi med pa'i gnas su seng ge ltar nyal du gzhug go/ /bdag nyid dkyil 'khor gyi khang par zhugs la bcom ldan 'das ma'i sngags bzlas par bya'o/ /'di ni slob ma lhag par gnas pa'i cho ga'i rim pa'o// //de nas phyag rgya drug gis rgyas btab la bcom ldan 'das ma'i rnal 'byor ma dang ldan pas lhag par gnas par bya ba'i dkyil 'khor gyi lha mo rnams ye shes kyi thig gi don du lha rnams nam mkha' la bteg la shar phyogs su kha phyogs pas mtshan ma rnyed pa dang /me tog gis brlan pa'i shi ba'i skud pa'am/ dpa' bo la nyos pa gzhon nu mas bkal ba ji lta ba bzhin btsos pa thod pa lnga'i nang du bzhag la/ yungs kar gyi phye ma dang bdud rtsi lnga yis sbags pa dang / lag pa g.yon pa'i mthil nas sor mo'i rtse mo'i bar du bkram la/mdun gyi nam mkha' la skad cig gis mkha' 'gro ma la sogs pa mos pa byas nas/ de rnams kyi snying ga nas ye shes kyi skud pa 'od zer gyi rang bzhin gnas pa la/ /oM AH badzra DA ki nI badzra sU tre me pra yats+tsha ma hA maN+Dal sU tra na ya hUM zhes pas mkha' 'gro ma la gsol ba gdab pa'o//de ltar ming brjes pas bla ma la sogs pa la yang gsol ba gdab po/ /de nas mig gnyis la dzraH yig las byung ba'i zla ba dang nyi ma ser po'i bdag nyid bsams la/ oM dr-iSh+Ti aM ku sha dzaH zhes pa brjod pa de rab tu g.yo ba'i mig gi rdzi ma la 'od zer lcags kyu'i rnam pa spros pas mkha' 'gro ma la sogs pa bskul nas spyan drangs te/lag pa la gnas pa'i rang rang gi kha dog dang ldan pa'i skud pa la bstim mo/ /de nas slob ma khaN+Da ro ha'i cha byad byas pa dang bcas pas/ dang po skud pa lnga lnga logs su bsgrims te de nas de ltar lnga po rnams gcig tu bya'o//de ltar lnga gcig tu byas pa'i skud pa la oM a n+yo n+ya a nu ga ta sarba d+harmAH s+pha ra s+pha rA nu pra wiShaTaH sarba d+harmAH a t+yan tA nu pa wiSh+TaH sarba d+harmAH oM AH hUM zhes brjod cing dkyil 'khor gyi nyis 'gyur gyis ring ba la/ /slob dpon gyis mthe bo'i nas tshad du bsgrim par bya'o//de nyid pad+ma'i snod du bzhag la me tog dang bdud rtsi lnga la sogs pas sngags te me tog la sogs pas mchod nas/ phreng ba dang snying po dang nye ba'i snying po'i sngags kyis byin gyis brlabs la/ oM badzra sU tra sa ma ya mA ti kra ma hUM zhes pas lhag par gnas par byas nas/ oM sarba saM sho ni hUM phaT ces sngags kyis bum pa'i chus dkyil 'khor gyi sa gzhi la mngon par gtor ba dang /dri yis kyang nye bar byug par bya sla/ /dri bya'i dkyil 'khor nam mkha' la mngon par dmigs te/ yon chab sngon du song ba'i sgo nas yang dag par mchod la/ rang dang slob ma'i mig gnyis su dzaH las byung ba'i zla ba dang nyi ma'i 'od zer dang ldan pa bsgoms te/rdo rje phyed pa'i 'dug stangs kyis skud pa lag pa g.yon pas lte bar bzung ba dang / dz+dzaHdz+dzaHdz+dzaHzhes brjod cing bsgyur ro/ /byang phyogs kyi sgrub pa pos kyang de ltar bzung la de ltar brjod cing skud pa blangs te nub phyogs su bsdad nas shar phyogs dang /lho phyogs su bsdad nas byang phyogs su lte bar mtshungs par nam mkha'i thig gdab pa ni byang dang shar du bsdad pa lag pa g.yas pa rdo rje dang bcas pa mthe bong dang gung mos se gol gtogs bzhin pas so/ /de yang thig 'debs pa'i dus thams cad du oM badzra sa ma ya sU traM mA ti kra ma hUM hUM oM swaH A zhes brjod cing btab pas de'i sgra yis dpa' bo dang dpa' mo rnams kyis nam mkha'i khams gang nas skud pa la thim par bsam mo//thig 'debs pa'i dus thams cad du slob dpon dang byang phyogs kyi sgrub pa pos g.yon skor gyis phyogs kun du 'gro bar bya zhing phyogs thams cad mnyam pa'i rang bzhin du bsam par bya'o//nam mkha'i thig dang mtshungs par phab ste tshangs thig gnyis po yang dag par bya'o/ /rlung du bsdad nas shar du kha phyogs pas byang phyogs kyi rtsa ba'i thig go/ /de nyid du bsdad nas nub phyogs dang me mtshams su bsdad nas byang phyogs su kha phyogs pas shar phyogs dang /de nyid du bsdad nas nub tu kha phyogs pas lho phyogs kyi rtsa ba'i thig go /bden bral du bsdad nas dbang ldan gyi mtshams kyi thig go/ /me mtshams su bsdad nas rlung mtshams kyi thig go/ / de nyid las bzlog pa rnams su slob ma bsdad pas thig gdab par bya'o/ /de yang ji ltar gdab na/ phra na nad byed chad na brlag /bkra mi shis na dngos grub med/ /g.yas su bskor na slob ma brlag /de nas mnyam gzhag thig gdab bya/ /zhes pa'i don dang ldan pas so/ / tshangs pa'i don thig gi phyi rol gyi g.yas dang g.yon du cha gnyis dang gcig dang gnyis gcig dang gcig spangs pa nges par sgo khyud kyi nang dang phyi rol dang logs kyi nang phyi dang ka ba'i bar dang ka ba rnams kyi thig go /de nas dbus su skud pa btags la rtsa ba'i thig nas tshangs pa'i thig gi bar du nang nas nang du re re zhing sgo'i tshad kyi bzhi bskor ro//ci'i phyir na/ rtsa ba'i thig nas brtsams nas ni/ /zlum po bzhi yi thig nyid kyis/ /bskor te 'khor lo gsum bya ba/ /sgo yi tshad kyis shes par bya/ /lhag ma pad+ma'i 'dab ma brgyad/ /tshad las cung zad lhag chad min/ /rdo rje pad+ma la sogs phreng //thugs 'khor la sogs mu khyud do/ /zhes pas so/ /de'i phyir dang po nas gsum gyi nang dang nang rnams su cha phyed pa rnams spangs te thig zlum pos bskor bar bya'o/ /de nas rdo rje phreng ba'i don du cha gcig bskor bar bya'o/ /de nas lte ba'i don du cha phyed dang bcas pa'i gcig bskor bar bya'o//rtsibs so so'i zhing rnams la cha drug drug go/ /de rnams kyi bar rnams la yang rdo rje la sogs pas bskor bar gang dag 'dod do/ /rtsa ba'i thig gi rgyab nas cha gcig dang gnyis dang gcig pa gcig dang drug rnams kyis bskor ba la rtsig pa'i phyi'i thig dang 'dod yon dang rin chen pha gu dang dra ba dra phyed dang ba ku lI dang kra ma shIR+Sha dang /rta babs dang chos kyi 'khor lo dang rdo rje'i rtse mo dang pad+ma dang rdo rje'i ra ba dang me ri dang dur khrod rnams kyi thig gdab bo/ /rta babs kyi ka ba'i steng gi chu srin gyi kha nas dar dpyangs la sogs pa ji ltar mdzes par bya'o/ /rta babs sgo'i sum 'gyur te//de nyid snam bu bcu gcig pa/ /zhes gsungs pas de yang gser dang ba ku lI dang rin chen snam bu dang rta rmig dang mun pa'i snam bu dang / zlum po dang mun pa'i snam bu dang / ba ku lI dang rin chen snam bu dang / rta rmig har mi'i snam bu rnams las mun pa'i snam bu gnyis las cha phyed dang bcas pa'i re re'o//gzhan snam bu dgu la cha re re'o/ /de yang tshangs pa'i thig las g.yas dang g.yon du phyed dang bcas pa'i cha lnga lnga spangs te phyed dang bcas pa'i cha gnyis gnyis ni snam bu dang po'o/ /de ltar steng dang steng rnams su rim pa ji lta ba bzhin du cha drug drug spangs te/phyed dang bcas pa'i cha gsum gsum dang ldan pa dang / cha bzhi bzhi spangs te cha lnga lnga dang ldan pa dang / phyed dang bcas pa'i cha gsum spangs te phyed dang bcas pa'i cha bzhi bzhi dang ldan pa dang / cha gsum gsum spangs te cha lnga dang ldan pa dang / bdun pa nas snam bu bzhi la bdun bdun dang ldan pa dang /bcu gcig pa cha lnga lnga dang ldan pa ste/ snam bu thams cad kyi phyi dang nang rnams phyir byung ba dang nang du song ba'i dbye bas thig re re'o/ /rta babs kyi steng du chos kyi 'khor lo cha gnyis so/ /de'i 'gram dag tu cha gnyis la ri dwags dag 'khor lo la blta bzhin pa'o//sna tshogs rdo rje'i lte ba la sgo bcu gnyis 'gyur ro/ /rdo rje'i ra'i rtse la cha bcu drug pa'o/ /ra'i rtse rnams kra ma shIR+Sha'i steng nas sboms la cha gsum pa bags kyis phra ba ste/ chos kyi 'khor lo'i phyi rol gyi cha gnyis kyi sa la dbus kyi ra la phyogs pa'o//gang dag pad+ma'i ge sar la cha gnyis 'dod pa yod de/ rdo rje'i ra dang ge sar gyi sa gzhi ste zur rnams la gdugs dang dar dpyangs dang bcas pa cha bzhi la'o/ /de nas g.yon dang g.yas kyi mig dag la hrIH yig dag zla ba dang nyi mar bskyed la phyogs bzhi ru blta zhing bcom ldan 'das ma'i nga rgyal bskyed de/thar pa'i sgo rnam par 'gegs pa'i rang bzhin gyi sgrib pa 'phyag par bsams la/ hI hIH zhes brjod cing sgo rnams kyi re khA dbyi bar bya'o/ /re khA gzhan yang rang gis brtags la dbyi bar bya'o/ /'di ni thig gdab pa'i cho ga'i rim pa'o// //de nas gtor ma byin la zla ba chu shel la sogs pa las byung ba'am/ khams rnams las byung ba'am/ 'bras las byung ba la sogs pa'i sa tshon lnga la dur khrod kyi rus pa la sogs pas byin gyis brlabs te/ skad cig gis mkha' 'gro ma la sogs pa'i rang bzhin du dmigs la/ye shes pa nam mkha' la dmigs pa'i snying ga na ye shes kyi tshon gnas pa thig skud kyi skabs su gsungs pa ltar blta bas bkug ste bcug pa dang / ro gcig tu gyur pa'i ye shes kyi tshon/ oM sarba bud+d+ha DA ki nI zhes pa la sogs pa mngon par bzlas te/oM badzra tsi tra sa ma ya hUM zhes pa'i sngags brgya rtsa brgyad bzlas so/ /de ltar 'bar ba'i lta stangs kyis sbar bar bya zhing hrIH yig gis so so la byin gyis brlab par bya ba dang / bden pa'i byin gyis sbar bar bya ba dang / lha mo rnams shin tu sgrub pa'i stobs kyis sbar ba'o//hUM zhes brjod cing dbus kyi phur pa bton la bdag nyid kyi lag pa'i rdo rje la bcug ste phur khung tshon sna lnga yis dgang bar byas pa dang / /bcom ldan 'das ma'i sngags kyis mtshan ma ngan pa bcom ste chos kyi dbyings rnam par dag par bsgoms la dang por dkyil 'khor gyi dbus su gnas pa dang /byang shar mtshams nas re khA lnga bri bar bya'o/ /de yang / sbom na nad du 'gyur ba'o/ /phra na rdzas rnams nyams par 'gyur/ /yo ba yis ni rtsod par 'gyur/ /chad na nges par 'chi bar 'gyur/ /g.yas su bskor nas bris pa na//tshon gyi dngos grub mi 'byung ngo / /zhes pa'i don go bar byas la legs par bri bar bya'o/ /de yang shar dang byang dang nub dang lho rnams kyi phyogs la nag po dang ljang gu dang dmar po dang ser po rnams so/ /dbus kyi sa gzhi dkar po la pad+ma phyogs kyi kha dog gis so/ / rdo rje phreng ba nag po'o/ /thugs kyi 'khor lo yang nag po'o/ /gsung gi 'khor lo dmar po'o/ /sku'i 'khor lo dkar po'o/ /rdo rje dang pad+ma dang 'khor lo rnams so so dang mtshungs so/ /dbus kyi pad+ma'i lte ba'i nyi ma dang phyogs bzhi'i 'dab ma rnams la gri gug go/ /mtshams kyi 'dab ma rnams la bdud rtsis gang ba'i thod pa'o//thugs la sogs pa'i 'khor lo bzhi rnams sna tshogs pad+ma dang nyi ma rnams la yang gri gug rnams so/ /sgo khyud rnams la zla ba phyed pa rdo rje rin po ches mtshan pa'o/ /rta babs kyi ka ba dang kra ma shIR+Sha gser mdog go//rta babs rtseg gi ka ba glang po che'i steng du seng ges mnan pa'o/ /'dod yon la sogs pa ji ltar mdzes pa'o/ /phyi'i pad+ma'i 'dab ma rnams kha dog lnga'o/ /rdo rje'i phreng ba nag po'o/ /me ri'i phreng ba kha dog lnga'o/ /de'i phyi rol tu phyogs mtshams brgyad du sgrub thabs las gsungs pa ltar dur khrod brgyad bri bar bya'o//de nas bcom ldan 'das ma'i sngags lan bdun bzlas pa'i bdud rtsi lnga'i dri zhim pa'i chu dang bcas pas dkyil 'khor gyi phyi rol rnams la byugs te/ oM AH hUM badzra muHzhes pas ye shes kyi tshon gshegs la rdul tshon gyi snod 'gol ba'i gnas su gzhag go 'di ni tshon gyi cho ga'i rim pa'o// //de nas sngon du lhag gnas byas pa'i bum pa rnams rim pa ji lta ba bzhin g.yon skor gyis dgod par bya'o/ /de nas phyogs mtshams brgyad du ga pur dang tu ru skal sogs pa'i spos snod gzhag par bya'o//de ltar ba dan rnams kyang ngo / /de nas kha nub tu phyogs te dkyil 'khor gyi gtso mo'i nga rgyal gyis bris pa'i dkyil 'khor stong pa'i ngang las srung ba'i 'khor lo la sogs pa rnams bsgoms te/ bo la spangs te ka k+ko la zhes pa'i tshig gis skad cig gis thabs kyi gzugs su bsgoms la/bdag nyid dang mtshungs pa'am phyi'i phyag rgya dang sbyor ba'i sgras ye shes kyi 'khor lo spyan drangs te/ zhabs bsil dang yon chab dang sngon du song bas 'bar ba'i phyag rgya dang bcas pa'i pheM zhes brjod cing mnyes par byas la/ bdag nyid la gzhug par bya'o/ / chags pa chen por zhu nas rdo rje'i lam nas pad+mar ye shes kyi lha mo rnams kyi dkyil du spros pa dang / de rnams dam tshig gi dkyil 'khor la zhugs par bsam mo/ /de nas lha mo rnams spros te yid kyis mchod nas/ /me tog dang bdug spos dang mar me dang dri dang bshos gtsang dang bza' ba dang btung ba dang bldag pa dang bca' ba dang /bu mo dang bu dang glang po dang rta la sogs pa dbul bar bya'o/ /gzugs rdo rje ma la sogs pa'i rang bzhin phyi'i bcu drug gam/ brgyad dam bzhi'i rang rang gi mchod pas mchod nas/ phreng ba'i sngags kyis bstod de bdud rtsi myangs pas bde ba chen po nyams su myang bar byas pa dang /gtso mo'i sngags brgya rtsa brgyad dang 'khor rnams kyi nyi shu rtsa gcig bzlas so/ /las thams cad pa'i gtor ma btang la yi ge brgya pa bzlas par bya'o/ /'di ni dkyil 'khor rab tu gnas pa'i cho ga'i rim pa'o// //de nas slob dpon gyis dkyil 'khor nas thon te slob ma rnams la rmi lam dris la/g.yang du lhung ba la sogs pa rmi ba mthong na go cha'i sngags kyis bsrungs la slob ma rnams dkyil 'khor du 'jug pa'i dus su/ oM pra bi sha b+ha ga bA na ma hA su khaM mok+Sha pu raM sarba sid+d+ha su kha pra daM pa ra ma su u ta ta ma sid+d+h+ya dzaH hUM baM hoH pra sid+d+h+ya swa zhes pas gzengs bstod la/de nas rtse mo'i cha bzung la der 'jug pa ni g.yon skor bya zhing / nub sgo la sogs par bsdad la dkyil 'khor gyi shar phyogs la sogs pa'i sgo dbye ba ni/ /oM badzra ud g+ha Ta ya sa ma ya pra be sha ya hUM zhes pa brjod pa dang //oM pa ra ma hA su kha A sha ya su la li ta bi lA si/ na mi te ra na mA mi b+ha ga bAn+taM dzaH hrUM baM hoH hi hi hi hi hI pra tIts+tsha ku su ma any+dza li nA tha hoH zhes pa'i sngags kyis me tog gi phreng ba phul la slar blangs la bdag nyid kyi mgo bo la btags te/ rtse mos me tog gi phreng bas dbang bskur bar bsam zhing /gsung bar 'gyur ba'i cho gas me tog gi phreng ba'i dbang la sogs pa ste/ slob dpon gyi bya ba thams cad kyi rjes su gnang ba thob pa dang bde ba chen po'i bdag nyid thabs dang shes rab kyi rang bzhin la bstod pa sngon du song bas slob ma gzhug pa'i don dang /dkyil 'khor gyi dngos grub 'dod pa'i don du bden pa'i byin brlab bya ba ni/ sems can kun gyi sems la khyab/ /sems can kun gyi snying la gnas/ /sems can kun gyi mar gyur pa/ /'dod pa'i gtso mo'i dam tshig mchog/ / bden pa'i ye shes mchog gyur pa/ /shes rab thabs dag dkyil 'khor gyi/ /mgon po bdag la bden pa yis/ /'dod pa yongs su rdzogs par mdzod/ /ces brjod pa'o/ /'di ni slob dpon bdag 'jug gi cho ga'i rim pa'o// //de nas slob ma khrus byas te 'khor lo'i gtso mo'am khaN+Da ro ha'i gzugs su bsgoms la/oM sarba ta tha ga ta a nu ta ta ra bo d+hi a laM kA ra bas+t+ra pU dza me g+ha sa mu dra s+phar Na sa ma ye hUM zhes pas na bza' bskon par bya'o/ /oM badzra rak+Sha haM/ zhes pas srung skud bcing bar bya'o/ /oM badzra uSh+NI Sha hUM phaT ces pas thod bcing bar bya'o//oM tsak+Shu ban+d+ha ba ra mA Na ya hUM zhes pa'i sngags kyis mig ras bcing bar bya'o/ /oM AH khaM bI ra hUM zhes brjod cing me tog gi phreng ba gtad do/ /de nas las thams cad pa'i chu yis gtor la gnas gsum du phyag mtshan gsum la gdan gsum gyi steng du kha dog gsum dang ldan pa'i yi ge gsum gyi 'od zer gyis lus la khyab par bsams te/shar sgo la gnas pa de las kyi rdo rjes hUM zhes brjod cing khrid pa la/ kye ho bu sdug khyod su yin zhes pas slob dpon gyis dri bar bya'o/ /bde chen skal ldan bdag lags so/ /zhes des brjod par bya'o/ /de nas oM sarba yo ga tsita taM ut+pA da yA mi zhes brjod de sems bskyed par bya'o//yang rdo rje snying gar bzung la/ oM su ra te sa ma ya s+t+waM sid+d+hi badzra ya thA su khaM zhes pa brjod do/ /yang lag pa rdo rje dang bcas pas de nyid bzung la/ ding khyod de bzhin gshegs pa thams cad kyi dpa' mo rnams kyis byin gyis brlab kyis/de bzhin gshegs pa thams cad kyi dpa' mo'i dkyil 'khor dam tshig dang mi ldan pa dang dkyil 'khor chen po ma mthong ba rnams la smra bar ma byed cig ces brjod la/ AH khaM bI ra hUM zhes pa'i sngags kyis yol ba'i nang du gzhug go/ /oM shrI he ru ka ya wid ma he bid+yA rA dza ya d+hi ma he swA hA zhes pa lan bdun bzlas la/rdo rje rnal 'byor ma yi gnas/ /dkyil 'khor 'di yis sgrub pa ste/ /mkha' 'gro ma yi gtso mo ru/ /bdag gis drangs so bu nyid kyi/ /zhes brjod la shar sgo ru/ na ma ste hUM/ na ma mi hUM/ na mo na ma hUM swA hA zhes pas sa stengs la sogs pa'i dbye bas phyag gsum bya'o//yang de nyid du oM sarba bI ra yo gi ni b+h+yaH pU dza u pa s+thA na ya/ A ta ma nAM ni r+yA ta yA mi sarba ta thA ga ta bI ra yo gi n+yo DA ki n+ya a d+hi tiSh+Tha tu mAM zhes brjod do/ /byang sgo ru oM sarba bI ra yo gi nI naM pU dza a b+hi She ka A ta mA nAM nI r+yA ta yA mi sarba ta thA ga ta bI ra yo gi n+yo lA me a b+hi Shiny+tsan tu mAM zhes brjod do//nub sgo ru oM sarba bI ra yo gi ni b+h+yaH/ pU dza pra wa rta na ya A ta ma nAM ni r+yA ta yA mi sarba ta thA ga ta bI ra yo gi n+yo khaN+Da ro he d+harma tsakra pra warta ya mAM zhes brjod do/ /lho sgo ru oM sarba bI ra yo gi ni b+h+yaH/ pU dza karma Ne A ta ma nAM ni nI r+yA ta yA mi/ sarba ta thA ga ta bi ra yo gi n+yo rU pi N+ye karma ku ru mAM zhes pa rnams brjod cing gnas gsum du thal mo sbyar te phyag byed du gzhug go/ /deng khyod de bzhin gshegs pa thams cad kyi dpa' bo dang rnal 'byor ma rnams kyi rigs su zhugs pas de'i phyir khyod la ngas rdo rje ye shes bskyed do/ /ye shes des de bzhin gshegs pa thams cad kyi dngos grub kyang thob na dngos grub gzhan lta smos kyang ci dgos/gal te khyod kyis dkyil 'khor ma mthong ba rnams kyi mdun du brjod par mi bya'o/ /dam tshig 'das na sdug bsngal chen po ster bar 'gyur ro zhes brjod la rdo rje spyi bor bzhag ste/ dril bu dkrol zhing brjod pa/'di ni dam tshig rdo rje ste/ /gal te smras na mgo bo 'gems/ /zhes pa go bar byas nas snying gar rdo rje bzung ste/ rdo rje phag mo ding khyod kyi/ /snying la yang dag gnas pa ste/ /gal te gzhan la smras na ni/ /de ma thag tu dral te gshegs/ /zhes pa'i bka' stsal byin la/lag pa'i mthe bong dang / ming med kyis rnam rgyal gyi bum pa'i steng gi pad+ma'i snod na gnas pa de'i khar sbyin zhing / 'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub thob/ /'thung cig rdo rje bdud rtsi'i chu/ / oM badzra a mr-i ta ung+ka ThaHhUM zhes pa brjod cing mna' chu blud do/ /ding nas brtsams te khyod kyi rdo rje rnal 'byor ma nga yin pas/ ngas gang bsgo ba de khyod kyis nges par bya dgos so/ /de'i phyir bag yod par gyis la mi mthun pas dus byas nas dmyal bar ltung bar ma byed cig ces brjod do//'di ni dam tshig dang mna' chu blud pa'i cho ga'i rim pa'o// //de nas dngos grub nges pa'i don du yan lag tshang ba mtshan nyid dang ldan pa'i slob ma la lha dbab par bya'o/ /de yang gnas 'du 'dzi med par bcom ldan 'das ma'i rnal 'byor dang ldan pas 'khor lo gsal bar bsgoms te/bzlas pa 'bum phrag gcig byas nas mtshan nyid dang ldan pa'i slob ma mngon du byas te/ stong pa'i las baM las byung ba'i bcom ldan 'das mar bltas la/ sarba bI ra yo gi n+ya sh+tsa a d+hi taSh+Thi twaM/ shrI badzra bA rA hI A be sha zhes pa brjod de ji lta ba bzhin du dbab par bya'o//phebs par gyur pa dang rab tu bcug pa'i lha rnams rang gi snying ga'i sa bon la bcug nas slob ma'i mgo la rdo rje gzung ba dang / oM kr-i to waH sarba satwa a r+thaH sid+d+hiM da twA ya thA a nu gAM/ gats+tsha thaM bud+d+ha bi Sha yaM/ bu na rA ga ma nA ya ts+tsha hUM hA a dz+haiH muHzhes pas gshegs su gsol lo//'di ni ye shes dbab pa'i cho ga'i rim pa'o// //de nas slob ma dkyil 'khor la blta ru bcug la mig sngar ci snang dri bar bya'o/ /khyod kyi sems cad don kun mdzad/ /ces sogs skad dod rang sor bzhag pa/ des brjod pa'i dkar po la sogs pa'i kha dog gis zhi ba la sogs pa'i rim par go bar bya'o//de nyid kyis mthe bong lag pa g.yas pa rdo rje dang bcas pa bzung ste/ rdo rje'i gar dang bcas pas bcom ldan 'das ma'i sngags brjod cing / bskor ba byed pa'i dus su bden pa'i byin rlabs 'di ltar bya'o//bdag gis dkyil 'khor 'di nyid du/ /slob ma yang dag gzhug pa yis/ /lha rnams rigs kyi rim pa bzhin/ /de bzhin bsod nams 'byung bar 'gyur/ /rigs kyi rim pa'i snod ldan la/ /de ltar bsod nams nus pa yis/ /de bzhin dngos grub nges par ni//de ltar dkyil 'khor 'di la 'byung / /zhes pa 'di ni slob ma mig ras dang bcas pa'i cho ga'i rim pa'o// //de nas sngon du gtad pa'i me tog gi phreng ba las gcig bton la/ slob ma'i lag par trAM zhes brjod cing gtad do/ / de nas me tog gi phreng bar mos pa bya zhing bdag gis sdig pa dang bral bar dmigs la slob dpon gyis byin gyis brlabs te gus pa sngon du song bas sngon gyi gtso mo 'khor dang bcas pa'i dkyil 'khor la yid kyis dmigs la/ de nyid kyi dbu la me tog pra tI ts+tsha ku su ma a ny+dza li nA tha hoH zhes pa brjod de dor bar bya'o//re khA lnga'i nang du babs na 'di nyid kyis rigs brjod par bya zhing lha de dang de'i rnal 'byor sbyin par bya ba dang dngos grub kyang brtag par bya'o/ /re khA lnga'i phyi ru babs na lan gsum gyi bar du slar dor bar bya'o/ /de ltar na yang dngos grub phra mo tsam mo/ /phyi rol gyi rdo rje phreng ba'i phyi ru babs na dngos grub med pas dkyil 'khor bstan par mi bya'o//dkyil 'khor du dor ba'i phreng ba de nyid la btags te phreng ba de nyid/ /oM pra ti gr-ih+Na twaM i maM sa twa ma hA ba la zhes pas slob ma'i mgo la gdags par bya'o/ /'di ni me tog gi phreng ba'i dbang bskur ba'i cho ga'i rim pa'o// //de nas slob ma'i snying ga'i zla ba la gtso mo dang dpral ba la raM 'bar bzhin pa bsgoms la/ /oM bA rA hI sa yan+te d+ya tsak+ShuH u d+g+ha Ta na tat+pa ra/ ud+g+ha Ta ya ti sarba ak+Sho badzra tsak+Shu ra nut+ta ra/ oM badzra nai tra a pa ha ra pa Ta laM hrIH zhes brjod de mig ras bshus la dkyil 'khor bstan par bya'o//dkyil 'khor dam pa 'di la ltos/ /da ni dad pa rab tu bskyed/ /khyod ni dpa' mo'i rigs su skyes/ /sngags dang phyag rgya byin gyis rlob/ /he badzra pa sh+ya zhes brjod la ming sngon du song bas dkyil 'khor gyi gtso mo nas sgo ma'i bar bstan par bya'o//de nas oM badzra maN+Dal la ma hA maN+Dal pra wiSh+Tou0f85haM/ yo ga maN+Dal ma hA maN+Dal daR+shi tou0f85haM/ gu h+ya maN+Dal la ma hA maN+Dal lA b+hi Shi tou0f85haM zhes brjod de dam tshig brjod pa ni hoH hoH zhes pa ste 'di ni slob dpon gyis dkyil 'khor du gzhug pa'i cho ga'i rim pa'o// // de nas ji ltar 'byor pa'i dbul ba bla ma la phul te pus mo sa la btsugs nas thal mo sbyar la/ byang chub rdo rje sangs rgyas la/ /mchod chen ji ltar sbyin pa ltar/ /bdag kyang bskyab pa'i don gyi phyir/ /rdo rje ma sogs bdag la stsol/ /zhes pa chu'i dbang bskur gyi gsol ba gdab po//de nas gsung bar 'gyur ba'i cho gas slob ma la ni ra many+dza na byas pa dang / snying ga'i sa bon gyi 'od zer gyis spyan drangs pa'i dpa' bo dang dpa' mo rnams mchod de slob ma la dbang bskur ba'i don du gsol ba gdab pa ni/ /'gro ba bskyab phyir rdor 'chang gis/ / yon tan 'byung gnas byin pa ltar/ /de ltar slob ma 'di rnams la/ /dbang bskur dam pa sbyin par mdzod/ /ces pas so/ /de nas shar sgo ru sna tshogs pad+ma bris pa'i steng du bsdad pa'i slob ma'i kha nas zhugs nas lha mo'i pad+mar skad cig gis stong pa'i ngang las hUM las mi bskyod par bskyed pa'am/DA ki nI'i gzugs su bskyed la ye shes sems dpa' dang tha mi dad pa la snga ma ltar spyan drangs pas dpa' bo dang bcas pa'i 'khor lo'i lha mo rnams chags pa chen pos zhu nas rnam par snang mdzad kyi sgo nas zhugs te/ rdo rje'i lam nas byung ba'i khu ba des dbang bskur te sku mdog dang phyag mtshan la sogs pa'i cha byad dang ldan pa pad+ma nas phyung ba la/nam mkha'i gang bar gnas pa'i thabs dang bcas pa'i DA ki nI la sogs pa'i lha mo rnams kyis/ bkra shis kyi glu dang bcas pa'i slob ma rnams la dbang bskur bar bsam zhing bdag nyid kyang bkra shis brjod la/rnam rgyal gyi bum pa la sogs pa nas chu cung zad blangs te pad+ma'i snod dam dung chos su blugs la bya ba'am/ yang na bum pa so so'i rim pa bzhin du byang chub sems kyi bdud rtsi'i gzugs kyi chus kha rgyan dang bcas pa'i rdo rje'i rtse nas 'gro bar bya zhing /dbang bskur ba ni rdo rje che/ /khams gsum kun gyis phyag byas pa/ /gsang ba gsum ni 'byung ba'i gnas/ /byin chig dpa' mo ma lus pas/ /oM AH badzra ung+ka a b+hiShiny+tsa su ra ta s+t+waM a haM zhes brjod cing dbang bskur bar bya'o/ /de nas bde ba chen po thob par bsam pa ste 'di ni chu'i dbang bskur ba'i cho ga'i rim pa'o// //de nas gong ma ltar bla ma la gsol ba 'debs pa'i slob ma/ oM dang rin po che las byung ba'i rin chen 'byung ldan nam gzugs can ma ru skad cig gis bskyed pa ye shes sems dpa' dang ro gcig pa nam mkha' la gnas pa'i lha mo rnams kyis dbang bskur ba dang /gzugs rdo rje la sogs pas bkra shis brjod par bsam mo/ /de nas rdo rje dang dril bu dang ming rnams la yang de ltar bya ba ste/ de nas gser ram ras la sogs pa las byas pa rin chen 'byung ldan du gyur pas de nyid kyi rang bzhin la ye shes sems dpa'i gzugs de bzhin gshegs pa lnga'am lha mo rnams te/rigs bdag dbus su gnas par byin gyis brlab par byas pa de'i mgo'i dpral ba dang / logs gnyis dang / gtsug gtor dang / rgyab rnams la rim pa ji lta ba bzhin du/oM badzra d+hA twI shwa ri a b+hi Shiny+tsa hUM/ oM satwa badzri a b+hiShiny+tsa b+h+rUM/ oM rat+na badzri a b+hiShi ny+tsa trAM/ oM pad+ma badzri a b+hiShiny+tsa hrIH oM karma badzri a b+hi Shiny+tsa aH zhes pa'i sngags lngas byin gyis brlabs la mgo bor bzung ste gong gi tshigs bcad brjod la/oM AH badzra mu ku Ta a b+hiShi ny+tsa su ra ta s+t+waM a haM zhes pa dang / badzra tu Sh+ya hoH zhes brjod de mnyes par bya ba 'di ni cod pan gyi dbang bskur ba'i cho ga'i rim pa'o// //de nas oM hUM trAM hrIH aH zhes pa'i sngags kyis dar dpyangs sam me tog phreng ba dpral bar bcing bar bya'o//de nas de ltar gsol ba 'debs pa la hrIH dang pad+ma la sogs pa la 'od dpag med kyi gzugs sam khaN+Da ro ha skad cig gis ye shes sems dpa' dang tha mi dad par bsams la gong gi tshigs bcad brjod de/ /sangs rgyas rnams kyi rdo rje'i dbang / /thob pa de bzhin khyod nyid kyis//de ring sangs rgyas thams cad kyi/ /dngos grub dam pa 'di nyid long / /zhes brjod de slob ma'i gnas gsum du rdo rje reg nas lag pa g.yas pas rdo rje sbyin no/ /'di ni rdo rje'i dbang bskur ba'i cho ga'i rim pa'o// //de nas de ltar gsol ba 'debs pa'i slob ma la khaM dang ral gri dag las byung ba'i don yod grub pa'am lA ma'i gzugs su ye shes sems dpa' dang tha mi dad par skad cig gis bskyed de/de ltar bskyed la de nyid kyi lag pa g.yon par byin te/ rdo rje dang dril bu dang ldan pa'i phyag rgya bcas la/gong gi tshigs su bcad pa brjod pa dang / oM badzra a d+hi pa ti twaM a b+hi Shiny+tsa mi tiSh+Tha badzra sa ma ya s+t+waM zhes pa dang / oM badzra g+ha Na Da a gra hi to shri ma b+ha ga bAn me sA na ni hi to b+ha ba zhes brjod do/ /'di ni bdag po'i dbang gi cho ga'i rim pa'o// // de nas de ltar gsol ba btab pa dang / oM dang 'khor lo las byung ba'i rnam par snang mdzad dam gtso mo'i gzugs su skad cig gis bskyed pa'i ye shes sems dpa' dang tha mi dad par bya ste/ mgo la rdo rje dang dril bu bzung la dbang bskur ba zhes pa la sogs pa'i tshigs su bcad pa brjod nas/oM he ru ka a d+hi pa ti twaM a b+hi Shiny+tsA mi badzra nA ma a b+hi Shi ka taHpa ra mAr+ya badzra twaM zhes pa la sogs pas me tog lhung ba'i dbye ba'i ming gis rnam par snang mdzad dam bcom ldan 'das ma'i rang bzhin la dbang bskur ba ni/ ming gi dbang bskur ba'i cho ga'i rim pa'o// // de yang dbang 'di rnams thob pa'i slob mas bya ba dang spyod pa'i rgyud la nyan pa dang 'chad pa dang sngags bsgrub pa rnams la dbang ba ste/ lhan cig skyes pa'i dbang dang bral bar rnal 'byor ma'i rgyud la ni ma yin no/ /de nas slob ma de nyid kyis thal mo sbyar te gsol ba gdab pa ni/ /khyod nyid kyi ni bka' drin gyis//bdag la rang dang gzhan gyi don/ /rdzogs phyir rdo rje slob dpon dbang / /thugs rje mchog dang ldan pas byin/ /zhes pas so/ /hUM las byung ba'i rdo rje'i rang bzhin du bsgoms la/ /thog mtha' med pa'i sems dpa' ni/ /rdo rje sems dpa' dga' ba che//mkha' 'gro ma tshogs rang bzhin te/ /rdo rje snyems tshul bdag po'i bdag /ces brjod de de kho na'i rang bzhin rdo rje blang bar bya'o/ /'di ni rdo rje'i dam tshig gi cho ga'i rim pa'o// //de nas aHlas byung ba'i dril bu ru bsgoms te/ 'di ni sangs rgyas thams cad kyi//dril bu'i sgra yi mtshan nyid can/ /khyod kyis rgyun du bzung ba yis/ /byang chub mchog tu rgyal bas gsungs/ /zhes brjod de/ de kho na'i rang bzhin blang bar bya'o/ /slob mas blangs la dkrol zhing brjod pa/ /srid pa ngo bo nyid kyis dag/ ngo bo nyid kyis dngos byas pa/ /rang bzhin dag pa'i sems dpa' 'di/ /srid pa dam pa byed par 'gyur/ /zhes pa 'di ni dril bu'i dam tshig gi cho ga'i rim pa'o// //de nas phyag rgya'i dam tshig brjod par bya ste/ yid kyi gzugs ni brtan byas la/ /ji ltar gzugs rnams brtan pa der//de la phyag rgya rab tu bsgrags/ /ye shes phyag rgyas byin rlabs la/ /'dod pa thams cad nye bar spyad/ /dngos grub thams cad bsgrub par bya/ /zhes pa brjod la/ slob ma rdo rje sems dpa'i cha byad can gyis ye shes kyi phyag rgya dang kha sbyor du byin gyis brlabs la 'khyud pa'i dbyings su bya'o//'di ni phyag rgya'i dam tshig gi cho ga ste dam tshig gsum sbyin pa'i cho ga'i rim pa'o// //de nas dam tshig gsum blangs pa'i slob mas sngon gyi cho ga ltar shar gyi sgo'i sngon du bsdad la rdo rje sems ma'am bcom ldan 'das ma'i sku ru bsgom pa dang /chu'i dbang gi cho ga dang / dbang bskur ba'i bya ba la sogs pa'i bar byas la/ oM AHsarba ta thA ga ta a b+hi She ka ta sa ma ya shrI ye hUM swA hA/ zhes brjod cing mngon par dbang bskur bar bya'o/ /de nas 'khor lo'i lha mo rnams de nyid las ye shes sems dpa'i gzugs kyis gzhug par byas nas/oM su pra tiSh+Tha badzre swA hA zhes pas byin gyis brlabs la de la me tog la sogs pa dbul bar bya'o/ /de ltar yang gsungs pa/ slob dpon dbang bskur 'dod pa yis/ /shes rab bcu drug ma nyid la/ /rdo rje dril bu mnyam sbyor ba'i//lag pa dag gis mnyam par 'khyud/ /ces pas so/ /de yang bsdus na rnam par snang mdzad rnam par dag pa gzhal yas khang dang / phung po lnga bsdus pa sangs rgyas lnga'i dag pa ste/ phyir mi ldog pa'am slob dpon gyi dbang gi cho ga'i rim pa'o// // de nas bdag nyid kyis snying po la sogs pa'i sngags lan gsum bzlas nas/ dat+tA si ma ya b+ha ga bA na/ a smin/ san+ni hi to b+ha ba/ zhes pa brjod la slob ma la sbyin no/ /slob mas kyang / sa tu gri hi to/ /si ma yA/ d+ha ga bAn+ma yi san+ni hi to b+ha ba/ zhes pa brjod cing blang ba ni lan gsum brjod pas so//'di ni sngags rjes su gnang ba'i cho ga'i rim pa'o// //de nas gser ram dngul gyi snod du mar sbrang rtsi gser gyi thur mas blangs te/ slob ma'i mig dag tu yi ge praM bsgoms te/ oM badzra ne tra a pa ha ra pa Ta laM hrIHzhes pa brjod cing dbye ba ni/ji ltar mig mkhan rgyal po yis/ /'jig rten rab rib bsal ba ltar/ /bu khyod kyi ni mi shes pa'i/ /rab rib rgyal ba rnams kyis bsal/ /zhes pa'o/ /'di ni mig sman gyi cho ga'i rim pa'o// //de nas me long blangs te aHzhes mngon par bzlas shing slob ma la bstan pa ni/chos rnams gzugs brnyan dang mtshungs par/ /dag cing gsal la dri ma med/ /gzung du med cing brjod du med/ /rgyu dang las las yang dag byung / /rdo rje ma ni me long mtshungs/ /dpa' mo kun gyi gtso mo ste//bu khyod snying la yang dag gnas/ /khyod ni 'dren pa'i spyan dang ldan/ /ngo bo med cing gnas med pa/ /'di ltar chos rnams shes gyis la/ /sems can don ni mnyam med gyis/ /zhes pa ni me long gi cho ga'i rim pa'o// //de nas hoHyig las byung ba'i gzhu ho zhes pas byin la yang /oM sarba ta thA ga ta a ru rA ga ya ya swa zhes brjod par bya'o/ /slob mas kyang mda' bkang bzhin pas oM sarba ta thA ga ta na a nu rA ga ya mi zhes brjod cing blos bgegs la dbug par bsam zhing phyogs mtshams steng 'og rnams su'o//'di ni mda' gzhu'i cho ga'i rim pa'o// //de nas slob ma rdo rje sems dpa' 'am rdo rje phag mo'i gzugs su bsgoms nas/ 'di ni dpa' mo thams cad dang / /rdo rje sems ma'i phyag na gnas/ /khyod kyis rgyun tu gzung bar bya/ /rdo rje ma yi brtul zhugs brtan//zhes brjod de rdo rje gtad do/ /oM sarba bI ra twaM sid+d+hi badzra sa ma ya tiSh+Tha e Sha twaM d+hA ra yA mi badzra satwa hIHhi hi hi hi hUM zhes brjod de blang par bya'o/ /'di ni rdo rje'i brtul zhugs kyi cho ga'i rim pa'o// //de nas slob ma rdo rje phag mo'i gzugs su bsgoms te/kha T+wAM gri gug pad+ma'i snod/ /rdo rje phag mo'i phyag mtshan 'di/ /phyi dang nang na yang dag gnas/ /byin pa zung cig dpa' mo yis/ /zhes brjod pa dang / bcom ldan 'das ma'i sngags kyis byin gyis brlabs la byin par bya'o/ /'di ni kha T+wAM ga la sogs pa'i cho ga'i rim pa'o// //de nas slob ma de ltar bsgoms la bdag nyid kyi snying ga'i sa bon gyi 'od zer gyis spyan drangs pa'i mi bskyod pa la sogs pa 'khor lo la sogs pa la gzhug pa ni/ /mi bskyod pa ni 'khor lo'i gzugs/ /'od dpag med pa rna rgyan te/ /rin chen nyid ni mgul rgyan no//rnam par snang mdzad lag gdub gsungs/ /don grub ska rags nyid la bstan/ /zhes gsungs pas rim pa bzhin du/ oM badzra bai ro tsa nI ye hUM hUM phaT ces pa bzlas te 'khor lo mgo bor ro/ /de ltar thod pa lnga la yang ngo / /oM hrIH ha ha hUM hUM phaT ces pa rna rgyan dag la'o//oM sarba bud+d+ha DA ki nI ye badzra war+N+Na nI ye huM hUM phaT ces pa mgul rgyan la'o/ /oM ha/ na maHhi/ swA hA hu/ bau Sha Ta he/ hUM hUM ho/ /phaT haM zhes pa lag gdub dag la'o/ /oM baM/ haM yoM/ hriM moM/ /hreM hriM/ hUM hUM/ phaT phaT ces pa lan gsum bzlas la ska rags te de ltar gsum gsum kun la go bar bya'o//'di ni 'khor lo la sogs pa'i brtul zhugs sbyin pa'i cho ga'i rim pa'o// //de nas lung bstan ni phyag rgya dang bcas pas brjod la/ /srid pa'i ngan 'gro las bton nas/ /srid pa mchog tu zhi ba'i phyir//rdo rje sems dpa' de bzhin gshegs/ /bdag gis khyod ni lung bstan bgyi/ /zhes pa dang / me tog lhung ba'i sgo nas rang gi rigs kyi ming dang bcas te brjod pa/ sarba ta thA ga ta sid+d+h+ya sa ma ya s+t+waM b+hur b+hu ba swaHzhes pas so/ /'di ni lung bstan pa'i cho ga'i rim pa'o// //de nas yol ba la sogs pas dben par byas pa'i gnas su gzhon nu ma gzugs dang lang tsho la sogs pa'i dam tshig dang ldan pa'i phyag rgya slob mas bla ma la phul te/ thal mo sbyar nas bla ma bcom ldan 'das mar mos pa byas te/khyod nyid kyi ni bka' drin gyis/ /bla na med pa'i bya ba thob/ /de phyir gsang ba yin dbang / /mgon po rjes su gzung bar mdzod/ /ces pas gsol ba [(]gtab [,]gdab [)]par bya'o/ /de nas slob dpon gyis lha mo'i nga rgyal spangs te bde mchog gi cha byad dam/thabs kyi cha byad du gnas/ phyag rgya tha mal gyi bdag nyid stong pa'i ngang las lha mor bskyed pa dang / rdo rje pad+ma byin gyis brlabs pa sngon du song ba snyoms par zhugs pa dang / oM sarba ta thA ga ta a nu rA ga Na badzra swa b+hA ba At+ma kou0f85haM zhes brjod p a dang /snying ga'i sa bon gyis spyan drangs pa'i lha mo so so rnams dang snyoms par zhugs pa dang de rnams bdag nyid la bstim mo/ /chags pa chen pos zhu nas a ba d+hU tI nas 'thon te rdo rje'i nor bur lhan cig skyes pa brtan par byas la/ mthe bo dang ming med kyis rdo rje'i nor bu bzung la pad+ma nas byung ste/de bzhin gshegs pa zhu ba dang bdag nyid kyis byang chub kyi sems tha mi dad par dmigs nas slob ma gsung rdo rje'i gzugs su bskyed la mthong na ma gus pa skye bas mig ras kyis bcings la lag pa dang / mig gi spyod yul ma yin par kha ru dbab pa ni/sangs rgyas rnams ni sras rnams la/ /rdo rje 'dzin sogs byang chub sems/ /yid du 'ong bas dbang bskur ltar/ /de ltar bskur cig bu rnams la/ /zhes pa dang dkyil 'khor gyi gtso mo'i sngags dang bcas pas brjod cing ngo / /des kyang de bzhin gshegs pa thams cad kyis bla ma'i tshogs kyis kye ma bde'o zhes brjod cing btung bar bya'o//phyag rgya ma langs te gos dang bral bar byas la rang gi pad+ma na gnas pa'i thig le de'i khar dbab par bya'o/ /des kyang de ltar btung bar bya'o/ /de yang thabs dang shes rab kyi kun rdzob byang chub sems gsang bas na gsang ba'i dbang ngo //'di ni gsang ba'i dbang gi cho ga'i rim pa'o// //de nas slob mas brjod pa/ /byang chub rdo rje sangs rgyas la/ /zhes pa la sogs pas gsol ba gdab pa dang / 'di ni khyod kyi yid 'dzin ma/ /bsnyen par sangs rgyas nyid kyis brtags//'khor lo bskor ba'i sbyor ba yis/ /bde ba dam pa nyams su myong / /rdo rje skyil krung mtshan pa yis/ /nor bu'i mtha' ru blta bar bya/ /zhes pa brjod la/ de nyid dam phyag rgya gzhan cig gtad par bya'o/ /de yang gur kum la sogs pa dri zhim pos lus la byugs te/slob ma la chu skyes bstan cing / kye ma/ bdag gi pad+ma ngo mtshar che/ /bde ba kun gyi gzhi dang ldan/ /cho ga ji bzhin bsten byas nas/ /de yi mdun du bdag gnas so/ /pad+ma'i bya ba byed bzhin pas/ /yang dag sangs rgyas mnyes byed na//bde chen po ni 'di nyid la/ /bdag nyid rgyun du yang dag gnas/ /b+hany+dza mok+Sha hoHzhes brjod pa dang / de nas rang nyid lha'i cha byad byas te/ shes rab lha mo'i gzugs su bskyed/ /de nas hUM dkar po dang A dmar pos rdo rje dang pad+mar bskyed/ byA dang d+yA yis bum pa dang ze'u 'brur byas pa la de dag gis byin gyis brlabs pa dang /g.yon gyis g.yon na gnas pa'i rtsa mdzub mo'i rtsa la hrIHdmar po gcig bsam pa dang / lce yis sI zhes brjod cing bskyed do/ /oM sI sI sI ha ha ha swA hA/ zhes pa dang / oM sarba ta thA ga ta a nu rA ga Na badzra swa b+hA ba At+ma kou0f85haM zhes pa yang brjod cing bla ma'i gdams ngag las dga' ba'i dbye ba rnams shes par byas la/bdag nyid kyi snying ga'i sa bon gyi 'od zer gyis spyan drangs pa'i de bzhin gshegs pas rang gi lus byin gyis brlabs te bla mas kyang de bzhin gshegs pa dpag tu med pa bcug pas ro gcig tu gyur par bsam zhing snyoms par 'jug tu gzhug go//'khor lo bskor ba'i sbyor ba yis/ /bde ba dam pa nyams su myong / /rdo rje skyil krung mtshan pa yis/ /nor bu'i mtha' ru blta bar bya/ /zhes pa'i don go bar bya ste ji ltar rigs pa ltar bzung la dal gyis dal gyis btang zhing pad+ma nas lces blang bar bya ste/de kho na'i rang bzhin du btung bar bya'o/ /'di ni shes rab ye shes kyi dbang gi cho ga'i rim pa'o// //de nas dbang gsum pa blangs pa de la bzhi pa tshig dbang sbyin pa ni/ shes rab ye shes des gnas skabs kyi bye brag thob pa bsgoms pas byang chub kyi sems 'phel zhing nyon mongs pa dag nas chos thams cad bsam du med pa dag dang rnam par rtog pa'i spyod yul ma yin pa phyag rgya chen po'i bdag nyid rdo rje 'dzin pa chen po'i rang bzhin 'di rnams kyi don brjod pa 'di ni dbang bzhi pa'i cho ga'i rim pa'o// //de nas phyag rgya'i lag pa slob ma'i lag tu gtad pa dang / de dag slob dpon gyi lag pa g.yon pas bzung la/ g.yas pa rdo rje dang bcas pa slob ma'i mgo la bzhag ste brjod pa/ khyod la ngas 'di gtad pa'i dpang po de bzhin gshegs pa rnams yin no//zhes pas so/ /de ltar de bzhin gshegs pa rnams kyis dpang po byas te/ de ltar rnam par sbyor ba 'dis/ /khams gsum rnam par dag byed pas/ /gang gis byed par mi 'gyur na/ /thabs gzhan gyis ni sangs rgyas min//'di ni sangs rgyas thams cad kyi/ /rig ma'i brtul zhugs bla na med/ /rmongs pa gang zhig 'das pa na/ /de la dngos grub ga la yod/ /ces brjod la rig ma'i brtul zhugs sbyin no/ /'di ni rig ma'i brtul zhugs kyi cho ga'i rim pa'o// //de nas/ bzhi pa de yang de bzhin no/ / zhes pa'i don ni/ byang chub sems kyi dbang bskur gyis/ /slob ma'i dri ma rnam par dag /de nas rjes su gnang ba sbyin/ /zhes pa'i tshig gis slob ma gang zhig stan la bsdad pa las/ b+h+ruM las chos kyi 'khor lo/ oM badzra he tu maM zhes brjod de rkang pa dag la sbyin no/ / aHlas byung ba'i dung dang dbyangs yig dang po las byung ba'i po ti dang / dbyangs yig tha ma las byung ba'i dril bu rnams lag pa g.yas pa dang g.yon pa ru gtad la/ /slob ma de nyid dril bu 'khrol du gzhug cing brjod pa/ /thams cad nam mkha'i mtshan nyid de/ /nam mkha' nyid la mtshan nyid bral/ /nam mkha' dang ni mtshungs pa yis//kun gyi mchog ste de nyid gsal/ /deng nas brtsams pa tsam gyis kyang / /chos kyi dung ni bla med pa/ /kun tu gang bar byed bzhin pas/ /chos kyi 'khor lo rab tu bskor//zhes pas so/ /de ltar thun mong gi rjes su gnang ba byin la/ khyad par gyi rjes su gnang ba ni/ rim pa ji lta ba bzhin du slob ma rnam par snang mdzad la sogs pa'am/ bcom ldan 'das ma la sogs pa'i gzugs su bsgoms la/ sems can kun la phan bya'i phyir//'jig rten ma lus thams cad la/ /ji ltar 'dul ba'i chos rnams kyi/ /'khor lo rab tu bskor bar gyis/ /thabs dang shes rab rang bzhin bdag /yid bzhin nor bu dang mtshungs par/ /dal med dmigs pa rnams dang bral/ /sems can don rnams de ring gyis//zhes pa ste/ chos kyi gnas su rdo rje dang rin po che dang pad+ma dang las rnams kyi sgra lan lnga brjod cing rjes su gnang ba sbyin par bya'o/ /des kyang phyag 'tshal te brjod pa'o/ /mnga' bdag bka' stsal de ltar bgyi/ /zhes pa 'di ni rjes su gnang ba'i cho ga'i rim pa'o// //de nas shar sgor slob ma'i steng du gdugs bzung la thal mo sbyar te brjod pa/ slob ma 'di ni khyod la gtad/ /rgyud kyi 'dzin pa po ru mdzod/ /ces dkyil 'khor gyi gtso bo la gsol ba btab pa dang / gdugs gzhan du bzhag ste brjod pa/da ni dkyil 'khor slob dpon 'gyur/ /sngags dang rgyud kyi 'dzin pa khyod/ /sangs rgyas rnams dang byang sems dang / /lha rnams kun kyang mnyes par 'gyur/ /sems can kun la brtse ba yis/ /mchog bzhin dkyil 'khor khyod nyid kyis/ /shin tu rtsol bas bri bar mdzod//sgrub pa po yi rgyud la zhugs/ /gsang ba mchog gi dkyil 'khor du/ /mchog tu blta zhing zhugs pa yis/ /de ring khyod kyi sdig pa rnams/ /ma lus grol nas yang dag gnas/ /gzhan yang khyod la 'pho ba med/ /bde chen theg pa 'di nyid kyis/ /'khor ba shin tu dag byas nas//'khor ba'i sdug bsngal rnams las log /tshe ldan de ring dbang nyid kyis/ /sangs rgyas kun kyang rdo rjer bcas/ /khams gsum kun gyi rgyal srid kyi/ /rje bor khyod nyid nges pa'o/ /'dod chags bral ba'i sdig lta bu/ /khams gsum na ni yod pa min//de phyir 'dod chags dang bral ba/ /khyod kyis nam yang ma byed cig /chags pa kun la nye bar spyod/ /bde chen nam yang 'jigs ma byed/ /sha lnga bdud rtsi dang bcas spyod/ /dam tshig gzhan yang de bzhin bsrung / /srog gcod pa ni nam yang min//dpal gyi rin chen spang mi bya/ /sdom pa spang bar mi bya zhing / /khyod kyis slob dpon mi spong ngo / /de bzhin gshegs pas gsungs pa ltar/ /mi bya ba ni ci yang med/ /shes rab thabs kyi sems bstan pas/ /khyod la sdig med 'jigs mi dgos/ /cho ga ji lta ba bzhin dbang bskur bas//yid du 'ong ba'i bu la bya ba ltar/ /brtse ba'i yid kyis dpa' bo rnams dang ni/ /dpa' mo kun la gus pas mnyam par zhog /nyid kyi nyid kyis gus pas rgyun mi 'chad pa dang / /dam tshig dag gis mi zad bde ba ster ba ni/ /bde mchog la gnas rdo rje rnal 'byor ma rnams dang //mnyam pa'i mi 'gyur ba ru khyod rnams 'gyur ba'o/ /zhes pa ni dbugs dbyung ba'i cho ga'i rim pa'o// //de nas slob ma de ltar dbang bskur ba thob pa dang / de ring bdag cag 'bras bur bcas/ /de ring bdag ni srog dang ldan/ /de ring sangs rgyas rigs su skyes//de ring sangs rgyas gnas su 'gyur/ /zhes brjod nas rta dang glang po rin po che dang gser dang dngul dang gos dang rgyan dang ba lang dang g.yog po dang g.yog mo dang chung ma dang bu la sogs pa ji ltar 'byor pa bla ma la dbul bar bya'o/ /de nas nyin mo'i dus su gzhon nu ma dang dge slong dang dge slong ma rnams la ston mo dang chos ston drangs la ji ltar nus pa'i lnga'am bcu gsum mam nyi shu rtsa gcig gam nyi shu rtsa dgu'am sum cu so drug gi dpa' bo'am dpa' mo rnams mtshan mo'i dus su gzhan gyis ma tshor bar 'du 'dzi med pa'i gnas su dkyil 'khor gyi 'khor lo'i rnam par ji ltar snyed pa'i gdan las gos dang bral ba skra grol ba gri gug dang thod pa 'dzin pa phyag rgya lngas brgyan pa dang /kha T+wAM ga dang Da ma ru 'dzin pa'i dam tshig dang ldan pa dang dam tshig dang ldan ma rnams so/ /slob dpon gyi g.yon du rdo rje'i rig ma bzhag go/ /de ltar rnyed pa'i sder rnams dgram par bya'o//de nas slob dpon gyi chang la sogs pa la sgrub thabs su bshad pa'i cho ga ltar sbyangs la dkyil 'khor gyi 'khor lo la sogs pa'i lha'i tshogs rnams yang dag par mchod pa dang / dag par byas pa'i chang gis lag pa g.yon pa'i ming med kyis maN+Dal gyi dbus su zlum po phyi rol du chos 'byung bris la/de'i dbus su sa bon gyi 'od zer gyis spyan drangs pa'i lha'i tshogs bzhugs pa mnyes par bya'o/ /phyi'i rnal 'byor ma rnams la yang de ltar lha mo'i tshogs bcug la bdag nyid dkyil 'khor gyi gtso mor bsgom pa dang /dam tshig gi rdzas rnams snga ma ltar dag par byas pa'am/ oM sarba badzra DA ki nI sarba b+hak+ShaM sho d+ha ya gu h+ya badzre Ni hUM swA hA zhes pa'i sngags kyis skad cig gis bdud rtsir byas la drangs pa ni yon bdag gis maN+Dal byas nas phyag byas la ci bde bar gsol bar zhu zhes brjod do//de nas las kyi rdo rjes myos byed kyi snod lag pa g.yas par gzhag la g.yon pa steng du phyogs pas/ ltos shig rang gi sems nyid la/ /'di la the tshom ma byed cig /bram ze khyi dang gdol pa rnams/ /rang bzhin gcig tu bza' bar gyis/ /zhes brjod de drang bar bya'o//rnal 'byor pa dang rnal 'byor ma rnams kyang pad+ma'i lag kor byas la/ bde gshegs chos rnams 'gyur ba med/ /dri ma med cing gzung du med/ /'di la 'dzin par byed pa med/ /'khrul pa med par skyabs su mchi/ /zhes brjod la de ltar blang bar bya'o//de nyid kyi phud slob dpon la phul la de nas rang gis btung bar bya'o/ /de nas btung ba dang bldag pa dang bza' ba la sogs pa snod bye brag tu drang ba ni slob dpon la myos byed kyi snod la sogs pa nyis 'gyur du drang bar byed do/ /de ltar myos byed la sogs pas sems bteg nas slob dpon la gnang ba zhus la mnyen la phra ba rdo rje'i glu blang bar bya ba ni de dang de'i phyag rgya bya zhing gar dang bcas pas so//'gro ba dang 'ong ba'i dus su yang gnang ba zhu bar bya'o/ /de nas myos byed la sogs pas mnyes par byas la/ sems shin tu btegs par gyur na mig zur gyis lta ba dang 'o dang 'khyud pa dang nu ma la reg pa la sogs pa'i ka ra Na dpag tu med pa bya ba ni rnam rtog dang ngo tsha la sogs pa spangs la bya'o//de'i dus su yan lag ma tshang zhing gzugs ngan par gyur kyang spang bar mi bya'o//de nas lhag ma gral mjug nas bsdus la mdun du bzhag ste de ru yang myos byed la sogs blugs la/ myos byed kyis kha bkang ste 'bar ba'i phyag rgya bcings pa nas hUM zhes brjod cing de ru blugs so/ /de nas oM kha kha khA hi khA hi uts+tshi Sh+Ta ba liM uts+tshi Sh+Ti b+ha k+Sha ka swA hA zhes pas byin gyis brlabs te lhag ma'i gtor ma mar me dang bcas pa phyi rol du khyer la gtad par bya'o//de nas yon gyi bdag pos ji ltar 'byor pa'i yon phul la maN+Dal byas te phyag btsal nas/ bsod nams 'di yis sems can thams cad phyag rgya chen po'i dngos grub thob par gyur cig ces brjod do//'di ni tshogs kyi 'khor lo'i cho ga'i rim pa'o// //de nas mtshan mo'i dus su lugs ma la sogs pa mdun du byas te/ stong pa'i ngang las skad cig gis lugs ma la sogs pa rnams rang rang gi snying ga'i sa bon dang bcas par bsam pa dang dkyil 'khor du bcug la/dkyil 'khor gyi shar phyogs su khrus byas nas zhal bsil byin la nir many+dza bya ba ni/ oM baM haM yoM hriM moM/ /hreM hriM hUM hUM phaT phaT ces pa'am/ oM AH big+ha nAn ta kr-i ta hUM zhes pa dang / hUM zhes pa brjod cing lan bdun bzlas pa ni lag pa g.yas pa dang g.yon pas yungs kar blangs la g.yas dang g.yon du lan gnyis su bskor zhing /oM sarba pA pa da ha na badzra satwa s+ya sarba pA pa da ha swA hA zhes pas brabs pa'i yungs kar me la bsreg go/ /de ltar chu dang kham phor dkar po dang dU rba dang lci ba'i chang bu zan gyi chang bu bsil byed kyi ras rnams kyang ngo //lag pa gnyis kyis reg par byas la me tog la sogs pas mchod par bya'o/ /'di ni nir many+dza na'i cho ga'i rim pa'o// //de nas bdud rtsi lnga dang ba'i rnam lnga la/ oM hUM trAM hrIH aH zhes pa brjod cing lugs ma la sogs pa la byug pa'o//bris sku la sogs pa la me long la khrus bya'o/ /de nas bum pa la sogs pa'i chus bkra shis kyi glu sngon du song bas/ byang chub rdo rje zhes pa la sogs pa yang brjod de khrus byas la na bza' bskon/ bstod pa byas la gshegs su gsol lo/ /'di lha lhag par gnas pa'i cho ga'i rim pa'o// //de nas rgyud dang rgyud kyi lha'i bye brag go bar byas pa dang / stong pa'i ngang las skad cig gis lugs ma la sogs pa'i dam tshig sems dpa' bskyed do/ /po ti dang lha khang la sogs pa rnams hrIH dang b+h+rUM las 'od dpag med la sogs pa'i gzugs su bsam par bya'o//ye shes sems dpa' bcug ste slob ma dang mtshungs par dbang bskur ro/ /de nas lha so so'i sngags kyis na bza' dbul lo/ /yang na oM AH dang por de brjod/ de na bza' ba la sogs pa bar du bcug ste/ hUM swA hA mtha' mar sbyar ba'o//oM AH sarba sho d+ha ni hUM phaT ces pas rnam par sbyangs la/ oM badzre swA hA zhes pas 'bras bu la sogs pa dbul lo/ /oM badzra satwa AH zhes pas me long bstan no/ /de nas sbyin sreg gis mnyes par bya'o/ /dngul gyi snod la gnas pa yi/ /sbrang rtsi gser gyi thur ma yis//oM tsak+Shu tsak+Shu sa man+ta tsa k+Shur bi sho d+ha ni swA hA zhes pa'i sngags kyis byugs la spyan dbye bar bya'o/ /oM di byaM an+ne sa mA d+hi d+h+yA na prI Na ne swA hA/ zhes pas 'o ma la btsos pa'i thug pa drang ngo / /zhal bsil la sogs pa drangs te/ oM hUM trAM hrIH aH zhes pas dam tshig bsgrags la po ti la sogs pa 'od dpag med la sogs pa rig ma dang bcas pa zhu ba dang yi ge dang lha khang la sogs pa'i gzugs sam/lugs ma la sogs pa stong pa'i ngang las skad cig gis dam tshig gi sems dpa'i gzugs su bskyed la/ de la ye shes sems dpa' rang gi sa bon gyis bcug la bum pa'i chus dbang bskur zhing snying ga'i sa bon gyis drangs pa'i de bzhin gshegs pa rnams kyis kyang dbang bskur bar bsam mo//de nyid kyi sngags brgya rtsa brgyad bzlas pa ni rab tu gnas pa'o/ /de nas thal mo sbyar te/ ji ltar sangs rgyas thams cad kyis//dga' ldan gnas na bzhugs nas kyang / /sgyu ma lha mdzes la zhugs ltar/ /de ltar 'di la brtan par bzhugs/ /mgon po rgyun du 'dir bzhugs la/ /byang chub sems nyid 'phel bya'i phyir/ /mchod pa la sogs 'di dag rnams//che ge'i don du bzhes par zhu/ /zhes pas gsol ba gdab pa dang bstod pa byas nas yi ge brgya pa gdon/ bzod gsol bya/ rab tu gnas pa'i lha ma yin pa rnams gshegs su gsol bar byas pa dang / slob dpon la ji ltar rigs pa'i yon dbul lo/ / 'di ni rab tu gnas pa'i cho ga'i rim pa'o// //de nas dbang bskur ba dang rab tu gnas pa la sbyin sreg gsungs pas de'i phyir sbyin sreg bshad par bya'o/ /de yang zhi ba la thab khung dkar la zlum pa shar du phyogs pa khru gang ba'o/ /rgyas pa la gru bzhi pa ser po lho ru phyogs pa gong gi tshad do//bsad pa la sor brgyad pa nag po gru gsum byang du phyogs pa'o/ /dbang du gru gsum dmar po nub tu kha phyogs pa/ sor bcu gnyis pa'o/ /thab khung thams cad kyi rgya'i phyed gting du/ mchu la brgyad cha de'i phyed kyis phyi'i mu khyud do/ /mchu'i tshad kyis de'i phyi'i stegs bu'o//thab khung rnams kyi dbus dang / stegs bu rnams la rdo rje dang 'khor lo la sogs pa'i mtshan ma rnams bri'o/ /de'i nang du 'o ma can gyi shing la sogs pa ji lta ba bzhin brtsig go/ /de nas slob dpon las dang mthun pa'i chos dang ldan pas thab khung dang mtshungs pa'i dbyibs kyi stan la bsdad de/stong pa'i ngang las skad cig gis rdo rje rnal 'byor ma'i sku bsgoms la thab kyi dbus su raM dmar po la sogs pa las byung ba'i phreng ba dang mi 'jigs pa dang dbyug pa dang spyi blugs rnams lag pa g.yas pa dang g.yon pa rnams kyis bsnams pa'i kha dog dmar po la sogs pa'o//de nyid kyi pad+ma dang nyi ma la gnas pa raM gyi 'od zer gyis spyan drangs pa'i ye shes sems dpa' dang ro gcig tu gyur pa de'i snying ga'i pad+ma la bdag nyid kyi sa bon gyis spyan drangs pa'i dkyil 'khor gyi 'khor lo gzhug par bya'o//de nas mchod pa sngon du song ba dang / oM ag+na ye swA hA/ zhes pas dang por dgang blugs sbyin no/ /de nas oM na maH sa man+ta bud+d+hA nAM che ge shAn+tiM ku ru swA hA zhes pa la sogs pa ste/ de nas me'i dge ba dang mi dge ba brtag par bya'o/ /de nas lha so so'i sngags brjod cing de nyid kyi snying gar dkyil 'khor 'khor lo bltas la/zhi ba la sogs pa'i las kyi dbye bas bsreg par bya ba ni de yang a shwad+tha dang / pa la k+Sha dang / u dum bA ra dang / 'o ma can gyi shing dang / til dang / 'bras dang / so ba dang / zho dang bcas pa'i zan dang /dUrba dang / ku sha rnams kyis rim pa ji lta ba bzhin/ oM badzra la dA ya swA hA/ oM badzra ya dz+nyA ya swA hA/ oM badzra ku be ra ye swA hA/ oM sarba pA pa da ha na badzrA ya swA hA/ oM badzra puSh+Ta ye swA hA/ oM sarba saM pa de swA hA/ oM badzra A yu She swA hA/ oM a pra ti ha ta badzrA ya swA hA/ zhes pa'i sngags kyis bsreg par bya'o/ /de nas dgang blugs byin la zhal bsil dang so rtsi byin te lha'i 'khor lo rang la bcug la/ oM kr-i to zhes pa la sogs pa brjod de gshegs su gsol lo/ /'di ni sbyin sreg gi cho ga'i rim pa'o// //de nas slob dpon gyis snga ma ltar 'khor lo mchod de shar sgo ru kha phyogs te rdo rje dril bu bzung la/ rang gi snying gar ye shes kyi 'khor lo bcug la/ bum pa'i mgul chings gzhon nu ma la byin te/ a sho ka'i 'dab ma'am rang gi lag pa'i rdo rjes tshangs pa'i thig gi lam bde ba chen po'i 'khor lo'i bar du dbye bar bya'o//pad+ma la sogs pa phyags te rang gi mgo bor rdul tshon cung zad cig bzhag la/ rdul tshon thams cad phyags la bum par blugs nas glang po la sogs par bkal ba dang gdugs la sogs pas brgyan la/rgya mtsho chen por 'bab pa'i chu la dbo bar bya'o/ /de nas bum pa de chus bkang ste dkyil 'khor gyi khang par 'ongs la gtor te ba lang gi lci ba la sogs pas byug pa dang / gzhon nu ma la mngar ba la sogs pa'i ston mos mnyes par byas nas yon phul la btang ngo //mtshan mo'i dus su dpa' bo dang dpa' mo la ston mo byas la sdug phongs la yang ston mo bya'o/ /rdo rje phag mo'i dkyil 'khor chog /bdag gis byas pa'i dge ba yis/ /khams gsum 'gro ba ma lus pas/ /de yi zhabs nyid thob par shog /bcom ldan 'das ma'i dkyil 'khor gyi cho ga shrI u ma pa ti dat+tas mdzad pa rdzogs so// //rgya gar gyi mkhan po paN+Di ta chen po wA gI shwa ra gup+ta dang / lo tsA ba dge slong chos rab kyis bsgyur cing zhus te gtan la phab pa'o// //

CLOSE WINDOW