CLOSE WINDOW

D1583
བོད་ཡིག

@##/ /rgya gar skad du/ badzra yo gi nI su kha ta re wa saM ba ra maN+Dal ni ra ma ya sA d+ha ka nA ma/ bod skad du/ rdo rje rnal 'byor ma'i bde ba mchog gi sdom pa 'jug pa nges pa don gyi dkyil 'khor gyi sgrub thabs zhes bya ba/ dpal 'khor lo sdom pa la phyag 'tshal lo/ / dang por dpal 'khor lo sdom pa'i dam tshig dang dbang thob pa'i rnal 'byor pas/ bdag dang gzhan gyi don phun sum tshogs pa thob par 'dod pas/ rnam par mi rtog pa'i rang bzhin gyis 'od gsal ba la dmigs te/ dur khrod kyi gnas su rdo rje rnal 'byor ma bsgrub par bya'o//de yang / skye ldan 'dod mthong bla ma mgon po'i zhabs la btud/ /de yi brtse bas rdul bral zhabs kyi pad mo las/ /bdud rtsi kun 'byung bde rnyed pa ni bum pa bzhin/ /rtag tu dran pas rnal 'byor ma ni bdag 'gyur shog /de la sngon du rdo rje rnal 'byor ma'i 'khor lo rab tu gnas pa byas pa'am/dkyil 'khor la ci 'byor pas mchod de/mngon par rtogs pa rtag par bsgrubs la/ phyi dang nang gi mchod pa dang rkang pa brgyad kyis bstod nas dngos grub kyi rdzas bsgrubs te/ ri lu khar bcug la blo bde bas gnas par bya'o//de nas rnal 'byor pa'i bum pa lnga sbyar ba'i chus dag par bya ste/ grub pa'i rdzas kyis g.yung drung 'khyil pa bri bar bya'o/ /dbus su ni btsun mo'i b+ha ga hrIHdang bcas pa'o/ /de nas phag mo lnga bsams te/ cho ga'i rim pa yongs su byas nas me tog gi phreng ba rnam pa lnga yis mchod de/de nas de nyid kyi srad bu la btu ba shes pas sngags bzlas par bya'o/ /de nas dam tshig gi rdzas dang / bzang po gsum gyi ma das bkang la/ phyi nang gi mchod pas mchod de/ 'khyil ba la bab pa 'di ni sngon du bsnyen pa'i cho ga'o//de yang / gsang ba mchog gi dgyes pa na/ /thams cad bdag nyid rtag tu bzhugs/ /sangs rgyas kun dngos sems dpa' ni/ /rdo rje sems dpa' bde ba'i mchog /ces bya ste/ gsang ba ni 'khor lo sdom pa'i dam tshig go//mchog ni sems can gyi don dang bdag gi don gyi dam tshig go/ /dgyes pa ni 'khor lo mchod pa'i dam tshig go/ /thams cad ni rnal 'byor bcu gsum mo/ /bdag nyid ni rtag pa bsgrub pa'o/ /rtag tu bzhugs pa ni de'i rnam dag go/ / sangs rgyas kun ni rnal 'byor ma lnga'o/ /dngos ni dngos kyi sbyor ba ste/ rnal 'byor gyi snod byin gyis brlab pa'i cho ga'o/ /sems dpa' ni rnal 'byor pa yongs su shes pa'i sbyor ba'o/ /rdo rje ni rdo rje'i mchog ste bsngags so/ /sems dpa' ni 'gro 'ong gi phreng ba'o/ /bde ba'i mchog ni 'khyil pa la bab pa'i tshogs so//'dis ni bsnyen pa nges pa'i don du shes par bya'o/ /de nas dur khrod la sogs pa dben pa'i gnas su/ dam tshig gi khyad par byugs pa'i nang du/ rgyus pa mchog sgril ba'i thig /thal ba mchog dang 'o mas sbags la gdab par bya'o//de nas cha brgyad pa'i dkyil 'khor la/ 'byi ba byas nas gcig dang cha gcig bcom ldan 'das ma'i gnas so/ /cha drug dang cha gcig ni mkha' 'gro ma la sogs pa'i'o/ /cha gcig ni gshin rje 'joms ma la sogs pa'i'o/ /sgor ni khwa gdong ma la sogs pa'i'o//gru bzhi pa la sgo bzhi pa/ /rta babs bzhis ni mdzes pa dang / /kha khyer dra ba phyed pas spras/ /'gram rgyab rin chen pha gu ste/ /ka ba brgyad sogs 'khor yug mdzes/ /sreg byed rdo rje'i nang logs su/ /dur khrod brgyad kyis brgyan pa'o/ / de yang shar dang byang dang nub dang lho ni/ sngo ba dang ljang ba dang dmar ba dang ser ba'o/ /dkyil 'khor phyogs dang po'i mdog go/ /dkar po ni dur khrod kyi rkang rnying pa'i thal bas bya'o/ /nag po ni rus pa snum can gyi thal bas so/ /dmar po ni b+ha gar skyes pa'i gur kum gyis so//ljang gu ni nim pa'i lo ma chur btsos shing bskams pas so/ /ser po ni tsa dur sa mas so/ /gal te bri bar ma nus na/ thig dbye ba la thig le dang bcas pa'am/ me tog gi tshom bus kyang bya'o/ /bcom ldan 'das ma'i ni hrIHd+mar po gzi brjid dang ldan pa la 'khyil pa drug gis bskor ba'i mtshan ma me dang pad+ma dang ro dang nyi ma dang zla ba'i steng du'o//gzhan ni 'khyil par ro/ /sku mdog phyogs dang mthun par ro/ /phyogs ma ni g.yon du bskor ba'o/ /mtshams ma ni g.yas su bskor ba ste/ phyogs gnyis pa'i gzugs can no/ / bri bar ni slob dpon bdag nyid kho nas bya ste/ dam tshig dang ldan pa'i shes rab dang bus kyang rung ngo / /sbyor ba 'di dag thams cad la mi rtog pa'i go cha bgo bar bya ste/ 'di ni rang 'byung bcom ldan 'das/ /gcig pu kho na lhag pa'i lha/ /zhes bya bas bstan to/ /'di ni zhes bya ba ni b+ha ga'i dkyil 'khor ro//rang 'byung ni rdo rje rnal 'byor ma'i bde ba mchog gi sdom pa ste/ de nyid ro gcig pa'i snang ba'o/ /ci zhe na/ bcom ldan 'das te/ mya ngan las 'das pa'i grong khyer gyi bdag po/ longs spyod rdzogs pa'i 'khor lo/ gcig pu ni sems te/kho nas ni lhag pa med par ston to/ /de nyid kyi snang ba rdo rje rnal 'byor ma ni lhag pa'i lha'o/ /de dag gis ni bri ba'i sbyor ba mi rtog pa'i go cha dang bcas pa ston to/ /de yang shes rab kyi pha rol tu phyin pa'i srung ba ni/ mtshan ma'i bdud thams cad gcod pa'i phyir/ dkyil 'khor gyi mtshan ma'i nus pa bskyed par mi nus so zhe na/slob dpon mtshan nyid bzang dang ldan/ /yang dag ye shes de nyid shes/ /zhes pa'i phyir tshogs gnyis kyi 'bras bur 'gyur ro/ /de nas sbyor ba bzhi dang dag pa sngon du 'gro bas/ bsang zhing bsrung la/ gnas drug byin gyis brlabs te/sa bon gyi 'khor lo spyan drangs te/ tshogs bsag par bya'o/ /de nas dag pa gsum gyi sngags kyis sbyangs la/ stong pa'i bar do'i rgyun gyi shes pa sgyu ma lta bu'i ting nge 'dzin srung ba'i 'khor lo b+ha gar 'byung ba bzhi yongs su gyur pa las/ sngar bshad pa'i dkyil 'khor lta bu dur khrod brgyad kyis mdzes pa'i dkyil 'khor du byang chub pa lnga las gyur pa'i rdo rje 'chang ma ye shes kyi bdud rtsi zhu bas/me 'bar ba ro dang pad+ma dang nyi zla mnan pa'i steng du/ hriH dmar po'i 'od zer byin brlab sa bsdus pa dang / drod bsdu ba byas te/ mtshan gnyis yongs su gyur pa las bzhengs pa'i sku lang tsho la bab pa phun sum tshogs pa'i gzugs can skyil krung phyed pa'i gar gyis gnas pa bden pa gnyis kyi zhal can/sna tshogs rdo rje dang sangs rgyas lnga yis mdzes pa/ rdo rje dang zangs gri dang / dril bu dang pad+ma 'dzin pa gcer bu skra grol zhing phyag rgya lnga yis mdzes pa/sgeg pa'i nyams kha T+wAM ga dang ldan pa/ khrag 'dzag pa'i phreng ba dang / bde ba'i ros rgyas pas bzhugs pa'o/ /de la sngon gyi bcom ldan 'das ma'i byin gyis brlabs pa dang / gsum byin gyis brlabs pa dang / drug gi go cha dgod pa dang /dbang blang ba dang / gsang ba'i mchod pa dang / bstod pa dang / brtan par byas nas phyogs ma dang mtshams ma skad cig gis sprul pa'i tshogs kyis bkod de/ gong ltar bsgrub par bya'o/ /de nas bdud rtsi myang bar byas nas/ ji snyed pa'i sngags kyis bum pa bsgrub par ro/ / de nas grub pa'i rdzas kyi sbyor ba phyi'i mchod pa lnga dang / chang dang lag pa dang mad dang / sin+d+hu ra'i mchod pas dmigs par bya'o/ /de nas nges pa'i 'jug pas bdag nyid zhugs la mchog gi mtshan nyid can gyi slob ma gsang ba'i khang par bcug ste/ me tog ldan zhing gcer bur gnas pa'i cha byad kyis/bla ma'i zhabs la 'jus la 'di skad ces brjod do/ /bla ma rdo rje 'chang sku gsung thugs kyi 'khor lo/ /bde ba mchog gi sdom pa dang ldan pas/ bcom ldan 'das ma rdo rje rnal 'byor ma thams cad kyi 'jug pa stsal du gsol/ bdag byin gyis brlab tu gsol/bde ba chen po'i ye shes mdzad du gsol zhes so/ /de nas lus brkyang pa'i spyi bo'i gtsug zhabs kyi pad mo la btud pa'i/ zhabs g.yas pa'i mthe bong 'od zer gyi rgyun gyis/ bde ba'i ye shes 'khor lo'i gnas khyab par bsgom pas/ byin gyi rlabs kyis rlung 'khrug cing byin gyis rlob par 'gyur ro//de bas na/ rnal 'byor pa nyid bsod nams mchog /dag byed sdig pa 'jig byed pa/ /gsang sngags kyi ni bzlas brjod dang / /bsam gtan gyis ni 'grub par 'gyur/ /zhes pa'i don te/ rnal 'byor ni zung du 'jug pa'o/ /pa ni ldan pa'i don te/nyid ni dkyil 'khor nyid sbyor ba'o/ /bsod nams mchog ni grub pa rdzas kyi mchod pa'o/ /dag byed ni bdag nyid nges par 'jug pa'o/ /sdig pa ni slob ma'i bag chags te/ 'dir zhugs pas 'jig pa'o/ /gsang sngags ni rnal 'byor ma thams cad de/ kyi ni grub pa'i sngags so/ /bzlas brjod ni bsnyen pa dang 'pho ba'o/ /de gcig pus sam zhe na ma yin te/ bsam gtan gyis so/ /de kho nas kyang ma yin te/ kyang zhes pas sngags dang ldan pas 'grub par 'gyur ro/ /de nas b+ha ga sar pa me tog gcal bkram pa'i steng du slob ma bzhag ste/dkyil 'khor ting nge 'dzin gyis bltas nas/ ji snyed pa'i mchod pa bya'o/ /gal te dngos grub mchog 'dod na/ /spos dang dri la sogs pa dang / /mar me brgya yang dbul bar bya/ /zhes bya ba dang / dbugs 'byin par ni mchog dag dang / /dri yi chu dang bcas pas kyang //rtag tu dus kyi khyad par gyis/ /rigs ldan rnams ni mchod par bya/ /de nas sin+d+hu ra'i 'khor lo slob ma la blos bcug ste/ ba spu'i bu gar de bzhin gshegs pa thams cad bsdu bar bya ste/ bzang po gsum gyi khu bas byin gyis brlabs pa 'thungs pa dang / cod pan gyi thig le bla mas byin gyis brlab pa'i sbyor ba dang / dam tshig snying po nas snying por bcug pa dang / sgra dang bcas pa'i rol mo'i ched du brjod pas chos thams cad la sgra brnyan lta bur yid 'jug pa dang / rdo rje rnal 'byor mas ni nam mkha' dang mnyam par khyab ste/de ltar yid la byos shig /badzra bA rA hI'i rtog pa thams cad dang bral bar khyod kyi snying la zhugs so/ /zhes pa dang / kye rdo rje rnal 'byor ma'i 'khor lo 'dir brag ca lta bu'i gsung gis 'gro ba thams cad thugs bskyed cing / skal ba bzang po dang ldan pa nye bar zungs shig /rdo rje rnal 'byor sgyu ma'i gzugs ni/ 'dod pa'i yon tan lngas mchod na grub pa'i rgyur 'gyur ro zhes pa dang gnas lnga dang / yan lag gi rtsa ba bzhi pa dang / lo ma bzhir ni thig le bcas te/ rten du byin gyis brlabs pa dang / thams cad kyi mtha' la hoH dang hUM dang phaT kyis mdzes pas mchod pa dang /bstod pa dang / bsdu ba bya ba dang / dag pa rnam gsum brjod pa dang / rdo rje rnal 'byor ma'i dkyil 'khor dus kyi khyad par la mchod cig ces pa dang / dam tshig gi bsngags pa brjod la brtan pa dang / kye rdo rje khyod nyid ni rdo rje rnal 'byor ma'i 'khor lo ste/bde ba chen po'i sems kyis rigs thams cad la kun tu spyod cig ces pa dang / de bzhin gshegs pa thams cad kyi sku gsung thugs btsun mo'i b+ha ga la bzhugs pa ni rdo rje khyod nyid do/ /'khor ba dang mya ngan las 'das pa gnyis kyis shigs pa med pa'i ye shes brtul zhugs kyi dam tshig gis mchod cig ces pa dang /'dod chags bral ba lta bu'i sdig /khams gsum na ni sdig med de/ /de bas 'dod la chags bral bar/ /khyod kyis nam yang mi bya'o/ /zhes bya bas tshogs thams cad kyi rol pa la 'jug par bya ba dang /kye rdo rjes dang chu dang me dang rlung dang nam mkha'i rang bzhin du gyur pa dang / sangs rgyas dang byang chub sems dpa' dang / rdo rje rnal 'byor ma thams cad dang / ngas kyang lung bstan to/ /bu rdo rje ye shes kyi dbang thob khyod kyi drung du mchog tu gyur pa rnams lhags nas ba spu'i bu ga re re zhing sangs rgyas grangs med pa bzhugs nas/de nyid nas byung ste/ sems can thams cad kyi don mdzad pa yin no/ /rdo rje rnal 'byor ma nyid kyi/ /gsang ba mchog gi dkyil 'khor 'di/ /mthong ba dang ni reg pa dang / /thos pa dang ni dran pas kyang / /sdig pa kun las grol bar 'gyur//de ltar 'di la the tshom med/ /sbyor ba phun sum tshogs pa de lta bus ni/ nges pa'i don gyi 'jug pa'i rim pa yongs su rdzogs par 'gyur ro/ /des ni de'i rab tu 'byed pa bshad par bya ste/ de yang / 'byung gnas sgra tshul nges 'byung rnams/ /dam tshig spyod pa'i spyod yul min//thog ma dbus mthar yang dag gnas/ /'jig rten gsum du rnyed dka' bas/ /zhes pas bstan de 'byung gnas ni/ /b+ha ga sar bar me tog gis gcal bkram pa'o/ /sgra'i tshul ni sgra brnyan te/ de lta bu'i mchod pa'i tshogs kyis rab tu mchod pa'o/ /nges pa ni nir na ste mi slu ba'i 'khor lo'o//chu byin gyis brlabs pa'i khu bas rnam par rtog pa 'khru ba dang / dbang chen bla ma'i sbyor ba'i cod pan dang / me'i snying por bcug pa'i dbyer mi phyed pa brda dang / rlung yul rnams la 'jug pa'i sgra brnyan dang / nam mkha' badzra bA rA hI khyod la bzhugs pas khyod nyid ces bya ba'i ming ngo //dam tshig ni gzhan gyi don gtso bor gyur pa ste/ rdo rje slob dpon no/ /spyod pa ni sku gsung thugs kyi dam tshig ste/ de yang nges pa don gyi rigs dbang sngon du song ba'i spyod yul yin pa'o/ /thog ma ni slob dpon gyi las te/ de yang 'jug pa'i dang / bsten pa'i dang / rnal 'byor gyi dang /las kyi dang / zas mchog gi thog ma yin pas so/ /dbus ni rjes su srung ba ste/ snying po la spyod pas so/ /mtha' ni brtul zhugs te las dang bsags pa mthar byed cing mngon par 'du ma byas pa'i mtshan nyid do/ /yang dag ni bde ba chen po mdog 'gyur ba'i 'dod pa'i yon tan lnga ste/ de gnyug ma'i sems gnas par byed do/ /'jig rten gsum ni 'dod pa la sogs pa ste/ du zhes pa de dag thams cad kyi rang bzhin du lung bstan pa'o/ /rnyed par dka' ba ste/ de thob pa'i phan yon ni dbugs dbyung ba dang gzengs bstod pa'o/ /de ltar rim pa thams cad la mchod pas mnyes par bya ste/oM oM oM sarba bud+d+ha DA ki nI ye badzra war+N+Na nI ye badzra bai ro tsa ni ye hUM hUM hUM phaT phaT swA hA/ mkha' 'gro ma la sogs pa ni rang rang gi ming brjod pa'i mthar yi ge gsum gyis spel ba'o/ /de'i rjes la rkang pa brgyad pa'i sngags kyis bstod pa dang / de'i mthu brtan par byed pas kyang ngo //de yang / 'khor lo kun ni sngags pa yin te// sngags kyi las kun byed pas na/ /mchod dang bstod dang bsgrub pa yang / /sngags nyid kyis ni dbye bar 'gyur/ /zhes pas shes par bya'o/ /de las gzhan pa'i sbyor ba brjod pa ni/ /dpal dang ldan pa'i bcom ldan 'das ma khyod//mkha' mnyam bde rol 'gro ba kun bdag mo/ /longs spyod sgyu ma'i gzugs dang chags pa'i mdangs/ /mkha' 'gro dra ba'i sdom la phyag 'tshal lo/ /rnam dag mi g.yo bskyod med chos kyi dbyings/ /lhan cig skyes pa'i bden pa ston pa'i zhal/ / rgyu med rdo rje sprul pa'i gzugs 'dzin ma/ /badzra bA rA hI zhabs rdul la 'dud/ /rgyal ba'i bdag mo lnga yi phyag rgya can/ /rnam dag sku la mi bskyod rtags kyis mdzes/ /rigs drug 'khor los sgyur ba'i go char ldan/ /'khor lo kun gyi yum la phyag 'tshal lo/ /khyod nyid rnam dag phung po lnga ston cing //'byung ba rnam dag tshangs pa'i gnas bzhir gnas/ /bdud mthar mdzad pas sprul pa'i zhabs 'chang ma/ /'khor lo sdom pa'i zhabs la rtag tu 'dud/ /thog ma nas bsags bag chags sdig pa'i mthus/ /rnam smin gsar du bskyod cing brtas gyur pa'i//sdig dang nyon mongs ji snyed mchis pa rnams/ /bcom ldan 'das ma'i 'khor lo khyed la bshags/ /'das dang ma 'ongs da ltar dus rnams la/ /nyan thos rang rgyal byang chub sems dpa' dang / /'bras bu rgyud bzhi 'khor lo sdom pa yi/ /dge 'dun kun la bdag ni rjes yi rang //khyod ni 'das dang ma 'ongs thams cad du/ /mi 'gyur nam mkha' lta bur bzhugs na yang / /dogs pa'i sa las sems can bsgral ba'i phyir/ /mya ngan mi 'da' brtse bas bzhugs su gsol/ /'khor ba ji srid bar du bzhugs nas kyang //sems can dman dang bar ma mchog rnams la/ /thugs rjes chags pa'i spyan gyis gzigs nas kyang / /bde ba mchog gi 'khor lo bshad du gsol/ /rnam par rtog pa kun las 'das pa yi/ /bde chen 'khor lo zag pa med pa'i dbyings/ /A li kA li snyoms 'jug rtog med ma//bsngags pa'i chos rnams thams cad bsngo bar bgyi/ /zhing dang nye ba'i zhing sogs bcu gnyis su/ /dam tshig brda dang bde spyod rol pa yis/ /bu bzhin dgongs pas bdag sgrib dag 'gyur te/ /bde ba mchog gi sa la gnas par shog//bla ma'i zhabs la rtag tu 'dud byed cing / /rdo rje rnal 'byor ma ni dran 'gyur nas/ /btsun mo'i shu kra'i tshogs la bdag spyod cing / /zhabs kyi pad+mo mchod cing mchod byed shog /dpa' mo bcom ldan 'das ma nyi shu bzhi/ /zhal mthong de yi ngo bor bdag gyur te//'gro ba bde bas phongs pa thams cad la/ /nyer 'tsho rin chen lta bur bdag gyur cig /de ltar rnal 'byor ma'i 'khor lo'i nges par sbyong ba la ni zhugs na ni/ bcom ldan 'das ma 'khor lo sdom pa'i dngos grub myur du thob par 'gyur ro/ /des ni slob dpon rab mnyam gzhag /rab tu 'dud pa byas nas ni/ /g.yon nas brtsams pa'i rim pa 'dis/ /de nas bskor ba rab tu bya/ /dkyil 'khor dang ni bla ma la/ /ji bzhin cho gas phyag bya'o/ /de nas bla ma dag la yon/ /de bzhin gshegs pas gsungs pa dbul/ /gser ni brgya stong dbul ba dang //rin chen rnam pa sna tshogs dang / /ras ni zung 'gyur brgya nyid dang / /glang po rta dang yul 'khor ram/ /rna rgyan dang ni gdu bu dang / /mgul gdub sor gdub dam pa dang / /gser las byas pa mchod phyir thogs/ /chung ma bzang dang bu mo nyid/ /bran pho bran mo sring mo dang //deng nas brtsams te bran du ni/ /khyod la bdag ni 'bul lags shes/ /blo ldan kun nas dang ba yis/ /bdag nyid kyang ni dbul bar bya/ /de ltar nges par bya ba ni/ /sgrub pa po yis rab nges bya/ /de nas de la mkha' 'gro mas/ /rnal 'byor ma rnams mnyes par 'gyur/ / mkha' 'gro ma dang lA ma dang / /khaN+Da ra he gzugs can ma/ /sgrub po mkha' 'gro ma lhan cig /de dang rnam spyod 'gro ba kun/ /sgrub pa po ni de dag gis/ /ci bde byed par the tshom med/ /rnal 'byor de ni grub gyur na/ /'jig rten gsum du mi bzlogs shing / /mi snang phug dang nam mkhar rgyu//rkang mgyogs de bzhin bcud kyis len/ /sgrub pa po ni 'dod tsam gyis/ /rtag par rgyun du skyed par 'gyur/ /gzugs ni du ma byed pa dang / /nam mkha' la ni 'gro bar 'gyur/ /mkha' 'gro rnams kyang khyad par du/ /des gnon 'gro ba thams cad kyang / /lhan cig bltas pa'i sbyor ba yis//skad cig gis ni sbyor nyid bskyed/ /sngags pa dkyil 'khor ma mthong bar/ /gang zhig rnal 'byor pa nyid 'dod/ /mkha' la khu tshur gyis brdeg dang / /smig rgyu'i chu ni 'thung dang mtshungs/ /rnal 'byor 'di ni mchog rab dang / /sbyor ba kun gyi dam pa yin//gang zhig rtag tu 'dod 'gyur ba/ /'dis ni lha min zil gnon 'gro/ /dkyil 'khor 'di ni dbang bskur ba/ /rgyud rnams kun gyi sgrub par gsungs/ /dgod pa blta dang lag bcangs dang / /gnyis gnyis 'khyud pa la sogs dag /rgyud rnams kun gyi dam pa yin/ / de la dbang bskur byas pa yin/ /zhes rgyud dang mthun pa'i bsnyen bkur bya'o/ /ji ltar nges pa'i don de ltar byin gyis brlabs pa dang ldan pa ni zhes pa bstan par bya'o/ rdo rje rnal 'byor ma'i bde ba mchog gi sdom pa/ 'jug pa nges pa don gyi dkyil 'khor zhes bya ba rdzogs so// //

CLOSE WINDOW