CLOSE WINDOW

D1580
བོད་ཡིག

@##/ /rgya gar skad du/ shi Sh+ya a nu gr-ih+Na bid+d+hiH/ bod skad du/ gzhan don slob ma rjes su gzung ba'i cho ga/ /rdo rje rnal 'byor ma la phyag 'tshal lo/ /de nas gsang ba bshad par bya/ /bla ma'i bka' drin rjes dran nas/ /sna tshogs sgrub thabs 'grub don du//slob ma 'bebs pa'i cho ga mchog /dang po re zhig slob dpon gyis slob ma rjes su gzung ba'i don du'am/ shrI he ru ka zhes bya ba'i yi ge bzhi po'i don dang ldan pas rnal 'byor pas/ rang yid dang mthun pa'i gnas su 'jam po'i stan la sogs pa'i gnas su lag pa'i sor mo rnams la sngags bkod la/bdud rtsi lnga dang yang dag par ldan pa'i btung ba bzang po pad+ma'i snod du bzhag la cho ga ji lta ba bzhin sbyangs te zhu ba'i rdzas kyis bdag nyid khrus bya'o/ /de'i rjes su gnas dang / bdag dang rnal 'byor srung ba'i don du se gol gtogs pa sngon du 'gro bar byas nas sum+b+ha ni la sogs pa gdong bzhi pa'i sngags kyi sgra yis mtshams bcad pa dang /go cha'i sngags drug bkod pa dang dag pa gsum gyi sngags brjod pa de nyid kyis sems bsrung bar bya'o//de yi rjes su yongs su dag pa'i sa gzhi la khru gang tsam gyi maN+Dal byug par byas te/ tsan+dan dmar po la sogs pas zur drug pa'i tsi kra bris te/ de'i dbus su rdo rje rnal 'byor ma'i sa bon dgod/ zur drug la 'khor los sgyur ba'i sngags dgod pa sngon du 'gro bas man ngag ji lta ba bzhin du skad cig gis dpa' mo drug dang ldan pa'i bcom ldan 'das ma'i dkyil 'khor bskyed la//de nas phyi rol du khwa gdong ma la sogs pa rnam pa brgyad dang / dur khrod brgyad kyis brgyan par bsam par bya'o/ /de nas ar+g+ha la sogs pas yang dag par mchod/de nas ye shes kyi 'khor lo cho ga bzhin du dgug pa dang / gzhug pa dang / bcing pa dang / dgyes par bya ba dang / sku gsung thugs byin gyis brlab pa la sogs pa dang / bdud rtsi myang ba'i mthar bstod pa dang bzod gsol bya'o/ /sngon du bsnyen pa'o//de nas slob ma rjes su bzung ba'i sngon du tshes bcu la de bzhin du maN+Dal byugs pa'i dbus su lha'i btung ba bzang pos bkang ba'i dbyangs kyi snod yang dag par bzhag la/ de'i steng 'khar ba'i snod dri ma med pa gur gum la sogs pas phyis la sin+d+hu ra'i phye ma btsags la gser gyi smyu gus cho ga bzhin du mngon par bris te/ye shes kyi 'khor lo dgug gzhug byas la/ mchod pa la sogs pas yang dag par mchod la/ /de yi rjes su bcom ldan 'das rdo rje phag mo'i rkang pa brgyad dang ldan pa dang / rdo rje dril bu sngon du 'gro bas bstod la/ras dmar pos g.yogs la gzhag go/ /de nas phyogs skyong rnams la gtor ma phul la/ yi ge brgya pa lan gsum bton la bzod gsol bya'o zhes slob ma rjes su gzung ba'i phyir mchod pa'i cho ga'o// //de'i rjes su mtshan nyid thams cad dang ldan pa'i bum pa yang dag par gzhag par bya'o//ras dmar po'i mgul chings byas pa dang / tsU ta la sogs pa'i lo ma dang ldan pa dang / rin po che lnga dang / sman lnga dang 'bru lnga dang ldan par byas la/ de nyid grub pa'i 'khor lo la ye shes 'khor lo dgug gzhug la sogs pa byas la/ar+g+ha la sogs pa mchod pa mthar phul la/ sku gsung thugs byin gyis brlab pa la sogs pa dang / dbang bskur ba dang / bdud rtsi myang ba'i bar cho ga bzhin byas la/ mchod yon la sogs pas yang dag par mchod la/ rkang pa brgyad pa'i sngags kyis bstod par bya'o//me tog dmar po'i phreng ba dang ldan pa'i rdo rje bum pa'i khar bzhag la/ de dag gi sngags ji srid 'dod pa'i bar du bzlas la/ me tog dmar po gtor bas 'khor lo de nyid zhu/ /de nyid kyi ngo bor blta bar bya'o zhes slob ma rjes su gzung ba las bum pa lhag par gnas pa'i cho ga'o// //de nas de'i rjes su bla ma dang sangs rgyas dag la mi phyed pa'i gus pa'i yid can slob ma dam pas maN+Dal byas la yang nas yang du gsol ba gdab ste/ sangs rgyas kun gyi rang bzhin sku/ /bla ma la ni skyabs su mchi/ /dpal ldan rdo rje rnal 'byor mas//bdag ni byin gyis brlab tu gsol/ /byang chub rdo rje sangs rgyas la/ /mchod chen ji ltar stsal ba ltar/ /bdag kyang rjes su drang ba'i phyir/ /nam mkha'i rdo rje bdag la gsol/ /zhes so/ /tshes bcu'i dus su thugs rje dang ldan pa'i bla mas slob ma'i lag pa nas bzung la 'di skad gsungs so//rtog pas g.yogs pa'i sems kyis ni/ /legs pa'i sangs phyir bzlog pa ltar/ /dad pa'i chu yis bkrus pa'i sems/ /phan pa'i sems kyis 'dir gzhug bya/ /dad pa med pa'i sems can la/ /dkar po'i chos rnams mi 'byung ste//ji ltar sa bon tshig pa la/ /myu gu sngon po skye mi srid/ /ces gsungs so/ /ji ltar slob ma dad ldan gyis/ /gsang sngags byin rlabs bsgrub pa la/ /yon dang bcas pas phyag byas nas/ /thal mo sbyar te spyi bor gzhag /de yi rjes su slob dpon gyis//bum pa'i chu ni gzung byas nas/ /cho ga bzhin du khrus byas la/ /de nas ras dmar pos gdong bcings la thal mo snying gar sbyor du bcug ste/ u rgyan gyi phyogs su kha bltas te/ cho ga bzhin du slob ma gzhag / de nas sum+b+ha ni la sogs pa'i sngags kyi sgras bsrung ba dang / mtshams bcad pa byas mnyam par bzhag la/ rkang 'og rlung gi dkyil 'khor ni/ /gzhu yi dbyibs can du ba'i mdog /de steng sprul pa'i 'khor lo ru/ /gru gsum me ni 'bar ba ltar/ /phung po la sogs dri dag phyir//dag pa'i sngags ni brjod par bya/ /rang gi phung po sgyu ma bzhin/ /sprul pa ru ni yang bsgrub bya/ /skad cig gis ni lha mo bsam/ /phag mo snying rje'i bdag nyid can/ /kun nas kun du skad cig ste/ /skad cig gis ni gsang sngags brjod/ /sprul pa'i 'khor lo la sogs sems//g.yung drung 'khyil pa dge bar blta/ /smin mtshams gnas pa'i thig le ni/ /drag tu 'khor ba'i 'khor lor blta/ /phyag rgya gnyis kyi sbyor ba yis/ /so sor bsdu ba'i rim pa'o/ /bla ma'i man ngag rim gyis ni/ /rim pa rgyas par shes par bya//de ltar bstan pa'i sems kyis ni/ /grub pa'i rtags ni 'byung bar 'gyur/ /ye shes thob pa'i slob ma la/ /de yi tshe ni ba spu ldang / /mchi ma 'byung dang chu 'dzag dang / /tsha ba dang ni grang ba dang / /'dar ba dang ni g.yo ba dang / /oM tiSh+Tha badzra zhes brjod de//de dus brtan par gyur zhes brjod/ /rang bzhin du ni gnas pa la/ /bsgom pa phyi nas bstan par bya/ /mchod pa gsang sngags lha mo yi/ /lhan cig skyes pa bdag nyid do/ /zhes slob ma rjes su gzung ba las ye shes 'bebs pa'i cho ga'o// //de nas yang dag rab bshad bya/ /tshogs kyi 'khor lo'i cho ga mchog /dad pa chen po'i sbyin bdag gis/ /sbyin pa po ni snying rje ldan/ /rang gi khyim mam dben pa ru/ /tsan+dan la sogs byug par bya/ /bla na med pa'i don du ni/ /tshogs kyi 'khor lo bskor bar bya'o//dad pa chen po'i sbyin bdag gis/ /dang po'i bla ma phyag 'tshal nas/ /ji ltar 'byor pa ldan pa yis/ /lha rnams la ni snyan gsan dbab/ /mnyam par gzhag pa'i bla ma la/ /rdo rje dril bu yang dag ldan/ /thod pa la sogs brgyan pa la/ / rnal 'byor bzhi dang yang dag ldan/ /thog mar gtor ma mdun du gzhag /cho ga bzhin du mchod par bgyi/ /snyan gsan phab pa byon pa la/ /rtsa ba yis ni zhabs bkru bya/ /yongs su sbyangs pa'i khang pa ru/ /der zhugs gdan gyi rim pa la/ /rgan dang gzhon pa'i rim pa yis//bla ma phyag 'tshal 'dug par bya/ /skal ba med dang nga rgyal can/ /tshogs kyi 'khor lor spang bar bya/ /bsgom par ldan pa shes byas la/ /de tshe mchod pa'i cho ga bya/ /khyad par du ni tsan+dan dang / /gur gum la sogs ldan pa dang / /me tog phreng ba dmar ba dang //mchod pa lnga yis mchod par bya/ /las kyi rdo rje mkhas pa yis/ /dang por lcags kyu gzung byas la/ /sbrang ngam bu ram sbyar ba'am/ /ji ltar rnyed pa gzung byas la/ /chos 'di la ni khyod ltos la/ /med pa'i rnam rtog dor byas nas/ / khyi dang bram ze gdol pa yang / /rang bzhin gcig tu shes par gyis/ /zhes tshigs su bcad pa 'dis dbul bar bgyi'o/ /rin thang med las legs 'ongs chos/ /'dod chags dri ma dag bya'i phyir/ /gzung ba dang ni 'dzin pa spangs/ /de nyid kyis ni phyag 'tshal lo//zhes pa des blang bar bgyi'o/ /las kyi rdo rje mkhas pa yis/ /thun mong du ni dbul bar bgyi/ /bza' ba dang ni btung ba dang / /nya dang sha ni de bzhin du/ /bza' ba la sogs rdzogs pa la/ /slob dpon gyis ni byin brlab bya/ /yi ge gsum gyis byin gyis brlabs//kha dog dri yang dag par bya/ /oM sar+b+ba badzra kA mi ni sar+b+ba bak+ShaM ming sho d+ha ni gu h+ya badzra pA Ni hUM swA hA/ zhes pas so/ /de nas mdun du maN+Dal byas/ /pus mo phab la thal mo sbyar/ /sems can kun gyi don slad du/ /de la smon lam gdab par bya/ /gnas la sogs pa bcu yi ming //sa dang pha rol phyin la sogs/ /dpa' bo dpa' mo dbang phyug rnams/ /gus par bdag gi phyag 'tshal lo/ /lha mo tshad ma dam tshig tshad/ /des gsungs mchog tu tshad ma ste/ /bden pa dag gi lha mo yis/ /de dag gis ni rjes 'dzin shog /ji snyed rdo rje mkha' 'gro ma/ /kun du rtog pas 'ching gcod cing / /'jig rten bya ba rab 'jug ma/ /de snyed rnams la bdag phyag 'tshal/ /dga' bas byas pa'i tshogs 'khor la/ /tshigs bcad gsum pos bstod bya ste/ /snying rje ldan pa'i sbyin bdag pos//ji ltar dgyes par gsol bar zhu/ /de nas lha la phud phul nas/ /cho ga bzhin du bza' bar gyis/ /btung ba dgyes par gyur pa yi/ /rdo rje'i glu ni blang bar bya/ /cang te'u la sogs sgra dang ni/ /sna tshogs lnga yis yid 'phrog byed/ / sngags dang phyag rgya'i rnal 'byor gyis/ /mchog tu dga' bar gar bya'o/ /de nas tshogs kyi slob dpon gyis/ /sbyin pa po la dgyes sems dang / /rnal 'byor ma rnams 'dus pa yis/ /bkra shis de la sbyin par bya/ /lag pa 'khyud dang so rtsi dang / /khyad par du ni yon dang bcas//khro ba bral ba'i yon tan gyis/ /thun mong du ni dbul bar bgyi/ /rdzogs sangs rgyas dang lha rnams dang / /de sras bcas dang tshangs la sogs/ /'jig rten skyong rnams theg 'byung ba/ /cho ga 'di la bzod par mdzod/ /ces pas bzod par gsol bar bya//lha mo'i tshogs kyi 'khor lo la/ /lhag par bsdus pa'i gtor ma ni/ /'byung po yi dwags kun la sbyin/ /zhes slob ma rjes su gzung ba las tshogs kyi 'khor lo'i cho ga'o// //da nas yang dag bshad bya ba/ / gzhon nu ma'am rnal 'byor ma/ /rdo rje rnal 'byor ma yi dngos/ /cho ga ldan pas mchod par bgyi/ /nag po'i phyogs kyi tshes bcu'am/ /dkar po'am ni de bzhin du/ /dang ba'i sems kyis snyan gsan dbab/ /gus pa'i sems kyis khrus sogs bya/ /gcig gam gnyis sam bzhi'am lnga//drug po gnyis ni de bzhin du/ /ji srid nyi shu rtsa bzhi dang / /pU dza la sogs gnas gnas pa/ /yid 'ong gnas su tshur bkug la/ /dri dang me tog la sogs ldan/ /ku sha'i chun po gzung byas nas/ /de yi mdun du gdan du dbul//gnas la sogs pa bsrung don du/ /sum+b+ha ni sogs sngags kyis gdab/ /nub phyogs kha ni bltar bcug la/ /cho ga bzhin du lhar bskyed de/ /sin+d+hu ra yis dpral bar bsku/ /gla rtsi gur gum ga pur dang / /khyad par du ni tsan+dan bcas/ /lag pa rkang pa gdong pa dang //rkang mthil lag mthil bsku bar bya/ /me tog dmar po'i phreng bas brgyan/ /de bzhin na bza' dmar po dang / /mig sman nag po spyan la bsku/ /spos kyi du bas bdug pa dang / /lha yi btung ba ldan par bya/ /bza' dang bcas pa yang dag ldan//gtor ma sngon du 'gro byas la/ /tsA ru'i sgron ma dbul bar bgyi/ /rdo rje rnal 'byor ma mchod la/ /sngags kyi bzlas pa ldan pa yis/ /dge dang mi dge las byung ba/ /de la rtags ni rtogs par 'gyur/ /bde mchog rgyud las gsungs pa bzhin/ / rim pa rgyas par shes par bya/ /de phyir kun nas 'bad pa yis/ /rnal 'byor shes pas mchod par bgyi/ /yongs su rdzogs pa'i byang chub tu/ /'gro ba'i don du yongs su bsngo/ /so rtsi yon du phul byas nas/ /cho ga bzhin du gshegs su gsol/ /zhes slob ma rjes su gzung ba las gzhon nu ma'i mchod pa'o// //de nas yang dag rab bshad bya/ /gtor ma las kyi cho ga ni/ /gtor ma'i las dang bral ba las/ /dngos grub mchog ni de la med/ /de phyir kun la 'bad pa yis/ /gtor mas mchod pa byed pa la//'dod pa'i don ni de yis thob/ /thams cad rgyud las gsungs pa bzhin/ /dang por re zhig rnal 'byor bas dpal rdo rje rnal 'byor ma'i rnal 'byor dang ldan pas/ kha zas la sogs pa mdun du yang dag par mchod par sbyang bar bya'o/ /yaM las rlung gi dkyil 'khor/ de'i steng du raM las me'i dkyil 'khor/ de nas a yig dkar po las pad+ma'i snod dkar po de mgo bo gsum gyi sgyed [(]bu'i [,]pu'i [)]steng du gzhag go/ /de'i nang dam tshig gi rdzas kyis bkang la/ oM aM traM khaM hUM laM maM paM tAM hUM ngo / /de rnams kyis byin gyis brlabs la bdud rtsi lnga dang sgron ma lnga'i ngo bor bsgrub par bya'o//de'i steng du zla ba'i dkyil 'khor hUM las kha T+wAM ga dkar po kha thur du bltas pa'o/ /de'i rjes la rlung gis me sbar bas sa bon rnams zhu bar gyur pas/ nyi ma gzhon nu lta bu'i kha dog 'dra bar bltas la/ oM AH hUM gi yi ge rnams rim gyis steng nas steng du gnas pa'i sku gsung thugs kyi lha spros pa las/'gro ba'i don du sngon du 'gro ba byas la ji lta ba bzhin du de rnams zhugs par bltas la/ de nas hUM la sogs pa rim pa bzhin du zhugs par blta'o/ /'bru gsum gyis byin gyis brlab par bya'o//de nas 'bar ba'i phyag rgya bcings la de'i sngags dang bcas pas ye shes kyi 'khor lo mdun du yang dag par bzhag la/ ar+g+ha la sogs pas mchod la bdud rtsi myang ba'i cho gas mchod par bya'o/ /mngon par 'dod pa'i don du gdon par bya'o/ /lha mo tshad ma dam tshig tshad//des gsungs mchog tu tshad ma ste/ /bden pa dag gi lha mo yis/ /de dag bdag la rjes 'dzin shog /mchod po mchod bya mchod pa rnams/ /mi phyed par ni blta bar bya/ /de nas rdo rje thal mo phye ste/ bdud rtsi'i snod lag pa'i mthil du bzhag la g.yon dang g.yas su bskor bar bya'o//lce yi rdo rje'i sbyor ba yis/ /lha mo'i tshogs ni tshim par byas/ /de nas dur khrod brgyad la gnas pa'i phyogs skyong rnams la/ oM kha kha khA hi khA hi la sogs pa sngags kyis phyogs rnams la g.yon skor/ mtshams rnams la g.yas skor gyis phul la/de rnams kyi bdud rtsi myangs pas bde ba chen po thob par bsams la/ de nas mchod pa la sogs pas yang dag par mchod pa dang / rkang pa brgyad pa'i sngags kyis bstod la/ mngon par 'dod pa'i don du gsol ba gdab bo//chad lhag kha bskang ba'i don du yi ge brgya pa lan gsum brjod do/ /de'i rjes su oM badzra muHzhes brjod la/ pad+ma'i phyag rgyas bskor bas dgyes par byas la nye bar bsdus la bdag nyid la gzhug go/ /de nas se gol gtogs pa sngon du 'gro bas/ lhag ma'i gtor ma bsdu bya ste//dam tshig gis ni kha bskang la/ /'bar ba'i phyag rgya bcing bar bya/ /drag po'i hUM yig gdon byas nas/ /lhag ma gtor ma'i snod du dbul/ /oM sar+b+ba b+ha k+Sha kha kha khA hi khA hi u ts+tshi Sh+Ta b+ha k+Sha b+h+yaH swA hA zhes gshegs su gsol/ slob ma rjes su gzung ba las gtor ma'i cho ga'o// //de nas sbyin sreg gi cho ga bshad pa/ /rdo rje rnal 'byor ma mchod de/ /phyi dang nang gi dbye ba yis/ /sbyin sreg yang ni gnyis su 'gyur/ /phyi yi las kyi dbye ba yis/ /sbyin sreg yang ni bzhi ru bshad/ / nang gi sbyin sreg gnyis su shes/ /ro dang tshim par bya ba'o/ /phyi ni 'di ru bshad par bya/ /rdo rje rnal 'byor ma bsgrub pa/ /de bzhin cho ga lhag chad dag /sbyin sreg gis ni bskang bar bya/ /rnal 'byor nub tu kha bltas la/ /rgyan cha dmar ba yis brgyan la//skye gnas lta bu'i thab khung du/ /phyed ni brkos la dmar por bya/ /cha gsum dor ba'i dbus su ni/ /rdo rje dmar po 'bar ba dgod/ /phyi rol rdo rje'i phreng bas bskor/ /khyad par du ni gri gug bskor/ /gsang sngags bzhi yi bsrung bya dang / / mtshams dang de bzhin gcad par bya/ /ar+g+ha la sogs snod kyang ni/ /sreg pa'i rdzas rnams g.yon du bzhag /yam shing 'o ma can ni brtsigs/ /cho ga yis ni bsang bar bya/ /me ni raM yig las byung ba/ /rlung g.yab kyis ni g.yab bar bya/ /zhal gcig pa la kha dog dmar//spyi blugs mchog sbyin dbyug pa dang / /bgrang phreng de bzhin 'dzin pa la/ /lag pa g.yas dang g.yon pa yi/ /mthe bong gnyis kyis dgug par bya/ /oM e h+ye hi ma hA b+hU ta de ba r-i Shi dwi dza sa twa ma gri hi twa a hu ti ma hA a smin san+ni hi to b+ha bA/zhes pas/ ye shes me ni de la gzhug /de la 'thor 'thung mchod yon sogs/ /khrus kyi cho ga de bzhin dbul/ /raM yig sa bon lce la bsam/ /de la dgang blugs dbul bar bya/ /oM na maH sa man+ta bud+d+hA nAM/ oM ag+na ye a mu ka s+ya sar+b+ba sid+d+hi ku ru zhes so/ /ji ltar de nyid rim gsum gyis/ /sreg rdzas thams cad bsreg par bya/ /bsreg dang bsreg pa'i sreg rdzas rnams/ /don gyi khyad par sgrub par byed/ /oM ag+na ye swA hA/ mar gyi'o/ /oM sar+b+ba pA paM da ha na badzrA ya swA hA/til gyi'o/ /oM badzra A yu She swA hA/ dUr ba'i'o/ /oM badzra puSh+Ta ye swA hA/ 'bras ma nyams pa'i'o/ /oM badzra sam+ba de swA hA/ zho zan gyi'o/ /oM badzra be gA ya swA hA/ gro'i'o/ /oM a pra ti ha ta badzrA ya swA hA/ ku sha'i'o/ /oM bo d+hi br-ik+ShA ya swA hA/ yam shing gi'o/ /lhag ma kun de nyid gsum gyis bsreg par bya'o/ /de nas dgang blugs dbul lo/ /mchod pa dang bstod pas bstod la/ de'i thugs kar nyi ma'i dkyil 'khor la/ snying rje'i bdag nyid phag mo ni/ /cho ga bzhin du bsam par bya/ /cho ga yis ni ye shes dgug /dam tshig la ni yang dag gzhug /'thor 'thung mchod yon la sogs dang / /cho ga'i rim pas de la dbul/ /lce la hUM yig byung ba yis/ /de la dgang blugs dbul bar bgyi/ /las kyi dngos grub bye brag gis/ /sreg rdzas kun ni bsreg par bgyi//mchod pas mchod cing bstod pas bstod/ /bzod par gsol dang dngos grub blang / /yang dang yang du gsol byas la/ /oM badzra muHzhes cho ga bzhin du gshegs su gsol/ /lhag pa dang ni chad pa las/ /yongs su rdzogs pa'i don du ni//sreg rdzas kun ni bsreg par bya/ /yi ge brgya pa gdon par bgyi/ /slob ma rjes su gzung ba las sbyin sreg gi cho ga'o// //de nas srung 'khor rab bshad bya/ /rdo rje sems dpa' nyid gsungs pa/ /gang la btags pa tsam gyis ni//nas kun dang ni bral bar byed/ /gur gum dang ni gi wang bsres/ /rgyal gyi nyi ma dge ba las/ /rtsibs drug 'khor lo bri bar bya/ /go cha'i sngags ni mkhas pas dgod/ /su m+b+ha la sogs sngags dang ni/ /rdo rje phreng bas bskor bar bya/ /gtsang ma'i ras dang dar la'am//yang na smyug shun gro ga la/ /dbus su ming yig srung ba dang / /mgrin pa'am ni dpung pa la/ /yang na spyi bo'i gtsug tu ni/ /dus ni rtag tu bcang bar bya/ /'byung po la sogs 'jigs dang bral/ /tshe ni ring ba thob par 'gyur/ / yang na bum pa dkar po la/ /tsan+dan chu yis dgang bar bya/ /dam pa'i 'khor lo der bcug la/ /cho ga bzhin du bsgom par bya/ /gang gi khyim du gzhag pa la/ /de yis sdug bsngal zhi bar byed/ /me tog dmar pos dus gsum du/ /cho ga bzhin du rtag tu mchod//ces slob ma rjes su gzung ba las srung ba'i 'khor lo'i cho ga'o// //de nas gzhan yang rab bshad bya/ /dkon mchog gsum la gnod byed dang / /sems can 'tshe bar byed pa dang / /da ni sum+b+ha'i cho ga mchog /dug dang ske tshe lan tshwa dang //nim pa dang ni da du ra/ /dur khrod sol ba tsha ba'i mar/ /rang gi sdigs mdzub khrag dang ni/ /de dag rdzas ni bzung byas nas/ /mkhas pa yis ni sbyar snag bya/ /khra yi sgro yi smyu gu yis/ /mnyam par gzhag pas 'khor lo bris/ /dur khrod ras sam yang na ni//mtshon gyis bsad pa'i gos la ni/ /rnal 'byor khros pas lhor bltas pas/ /cho ga yis ni gsang sngags dgod/ /rtsibs drug 'khor lo'i dbus su ni/ /hUM yig gis ni spel bar bya/ /drug po mA ra ya dang ldan/ /phyi rol hUM gi phreng bas bskor//grog mkhar gyi ni sa blangs la/ /rkang rjes dag gis dang ni/ /de bzhin dri chu song ba'i sas/ /bsgrub bya yi ni gzugs byas la/ /de yi snying gar 'khor lo gzhug /de nas kha sbyor dbye ba dang / /thod pa ru ni gzhag byas la/ /de la phur bu gdab par bya//nyi shu gsum mam nyi shu dgu/ /nyi ma phyed dam nam phyed na/ /me yi sgyed [(]bu'i [,]pu'i [)]'og tu sba/ /bsgrub bya de ru gnas pa yi/ /shin tu bred cing 'dar bar byed/ /khra dang 'ug pa ce spyang dang / /khyi dang srin bu me khyer dang / / de rnams za ba tsam gyis ni/ /rdo rje 'dzin pa brlag par byed/ /las 'di shin tu sba bar bya/ /snying rje ldan pa'i rnal 'byor gyis/ /bla ma'i bka' ni thob byas la/ /'di ni nges par thob par 'gyur/ /rnal 'byor snying rje bral ba dang / /bla ma'i man ngag med pa las/ / 'bras bu thob par mi 'gyur ro/ /zhes slob ma rjes su gzung ba las sum+b+ha'i cho ga'o// //de nas phyir bzlog 'khor lo ni/ /bsdus pa yis ni bshad par bya/ /bdag nyid srung ba'i sbyor ba las/ /sngags dang 'khor los zlog par byed/ /rang gi khyim mam dben pa ru//gnyis pa thams cad spangs byas nas/ /rnal 'byor de ni mchog bsgrub bya/ /thub pa yis ni de ltar bya/ /oM na mo b+ha ga ba ti badzra bA rA ni hI/ uSh+NI Sha tsakra wa rti ni/ sar+b+ba lo ki ka lo kot+ta ra Ni yan+t+ra man+t+ra tan+t+ra wi sha tsur+N+Na pra yo gi d+hi ni ma ma kr-i te/ ye na ke na tsit+te/kr-i ta ni/ ke ri ta ni/ ta na sar+b+ba ni/ tshin+da tshin+da/ b+hin+da b+hin+da/ ku Ta ku Ta/ ha na ha na/ da ha da ha/ pa tsa pa tsa/ bi d+h+waM sA ya/ bi d+h+waM sA ya/ sa ta sa ha pra d+ha bi tsur+N+Na ya bi tsur+N+Na ya/ oM uSh+NI Sha tsa krA warti ni/ badzra bA rA hI/ b+h+ruM b+h+ruM b+h+ruM/ hUM hUM hUM/ phaT phaT phaT swA hA/de nas srung ba'i 'khor lo'i dbus su gnas pa'i dpal rdo rje phag mo'i rnal 'byor pas/ rang gi snying gar hUM las rtsibs drug pa'i 'khor lo 'khor los sgyur ba drug dang ldan pa'i phyi rol du 'khor lo rtsibs bcu pa las/ phyogs mtshams rnams su khwa gdong ma la sogs pa rnam pa brgyad kyis bskor ba dang /steng dang 'og tu mkha' spyod ma dang sa spyod ma bsam par bya'o/ /de'i dbus su dpal rdo rje phag mo'i ngo bo bdag nyid man ngag la gnas pas 'khor lo de nyid g.yon skor du myur du 'khor bar bsam par bya'o zhes dkon mchog gsum la gnod pa byed pa de la de nyid kyi 'bras bu smin par 'gyur ro zhes bcom ldan 'das kyis gsungs so//slob ma rjes su gzung ba las phyir bzlog pa'i 'khor lo dang bsgom pa dang bri ba'i cho ga'o/ /rdo rje rnal 'byor ma'i zhal gyi man ngag bla ma ba ran+d+ra ru tses mdzad pa rdzogs so// //

CLOSE WINDOW