CLOSE WINDOW

D1572
བོད་ཡིག

/ @##/ /rgya gar skad du/ badzra bA rA hI sA d+ha naM/ bod skad du/ rdo rje phag mo'i sgrub thabs/ bcom ldan 'das ma rdo rje phag mo la phyag 'tshal lo/ /yi ge paM yongs su gyur pa las pad+ma dmar po'o/ /de'i steng du yi ge yaM yongs su gyur pa las rlung gi dkyil 'khor kha dog nag po gzhu'i tshul rgyal mtshan gyis brgyan pa'o//yi ger raM yongs su gyur pa las me'i dkyil 'khor dmar zur gsum pa 'bar bas mtshan pa'o/ /yi ge baM yongs su gyur pa las chu'i dkyil 'khor zlum po kha dog dkar po bum pas mtshan pa'o//yi ge laM yongs su gyur pa las sa'i dkyil 'khor zur bzhi pa ljang gu rdo rjes mtshan pa'o/ /yi ge suM yongs su gyur pa las ri rab lhun po zur bzhi pa rin po che bzhi las grub pa rtse mo brgyad kyis nye bar mdzes pa'o/ /de'i dbus su yi ge baM yongs su gyur pa las sna tshogs pad+ma'o//de'i dbus su yi ge hUM yongs su gyur pa las sna tshogs rdo rje'i/ /de'i dbus su A li kA li'i sbyor ba'o/ /de'i dbus su yi ge baM yongs su gyur pa las rdo rje ste/ de'i lte ba la yi ge baM mo/ /de yongs su gyur ba las rje btsun ma rdo rje phag mo sku mdog dmar po skra bshig pa gcer mo//'og pag dum bus brgyan pa/ mi'i mgo bo rlon pa lnga bcu'i phreng ba dpyangs pa/ phyag g.yon pa'i thod pa na sdang ba bdud la sogs pa'i khrag bsnams pa/ g.yas pa phyogs thams cad du sdang ba las bsdigs pa'i rdo rje can gyis sdigs mdzub mdzad pa/ bskal pa'i me bzhin cher 'bar ba/ /khrag la dgyes pa khrag 'dzag pa/ g.yas brkyang pas gdan la bzhugs pa/ /mkha' 'gro de bzhin lA ma dang / dum skyes ma dang gzugs can ma/ 'di'i bzlas pa'i sngags ni oM badzra bai ro tsa nI ye hUM hUM phaT phaT swA hA/ snying po'i sngags so/ /oM sarba bud+d+ha DA ki nI ye/badzra war+NA nI ye hUM hUM hUM phaT phaT phaT swA hA/ nye ba'i snying po'i sngags so/ /dpal u rgyan rdo rje rnal 'byor ma'i gnas nas rnam par byung ba rdo rje phag mo'i sgrub thabs rdzogs so// //bod kyi lo tsA ba ban+de mar ba chos kyi dbang phyug nyid kyis bsgyur ba'o// //

CLOSE WINDOW