CLOSE WINDOW

D1558
བོད་ཡིག

@//rje btsun rdo rje rnal 'byor ma'i sgrub thabs bzhugs so/ / @##/ /rdo rje rnal 'byor ma la phyag 'tshal lo/ /bla ma rje btsun mnga' bdag ri khrod pa'i/ /zhabs kyi rdul la bdag ni phyag 'tshal lo/ /rdo rje rnal 'byor ma yi mchod pa yi/ /thabs ni bla ma'i gsung bzhin dran nas bris//rnal 'byor pa yis dang por ni/ /gru bzhi la sogs dkyil 'khor bya/ /me tog lha yi grangs bzhin dgod/ /mchod sogs gtor ma ji bzhin byas/ /bdag nyid 'dod pa'i lha yi ni/ /skad cig nga rgyal gnas pa la/ /lag pa g.yon pas reg byas pas/ /dpa' bo drug gi go cha dang / / dpa' mo'i cho ga de bzhin bya/ /oM ha ni snying gar ro/ /na ma hi ni mgo bo la'o/ /swA hA hu ni spyi gtsug tu'o/ /bauShaT he ni phrag pa gnyis la'o/ /hUM hUM ho ni mig dag la'o/ /mtshon char phaT phaT haM ni yan lag thams cad la'o/ /oM baM ni lte bar ro/ /haM yoM ni snying gar ro/ /hriM moM ni kha la'o//hreM hriM ni mgo la'o/ /hUM hUM ni spyi gtsug tu'o/ /mtshon char phaT phaT ni yan lag thams cad la'o/ /de ltar go chag gnyis bgos nas/ /dang po sbyar bar bya ba ni/ /yaM las rlung dang raM las me/ /de steng a las mgo gsum dang / /de yi steng du ka pA la/ /b+hUM AM dzr-IM khaM hUM/ de dag yongs su gyur pa las//bshang la sogs pa bdud rtsi lnga/ /de steng yi ge lnga nyid las/ /go ku la sogs rnam lngar 'gyur/ /oM gyi yi ges sbyang bar bya/ /AHyi yi ges rtogs par bya/ /hUM gi yi ges rab tu 'bar/ /ho yi yi ges bdud rtsir 'gyur/ /g.yon pa'i lag pas sbyang bar bya//g.yas pa'i lag pas rtogs par bya/ /thal mo bkab pas 'bar bar byed/ /bya khyung phyag rgyas bdud rtsir bsgyur/ /zla ba zhu ba'i rang bzhin te/ /de nas g.yon pa'i ming med kyi/ /rang gi thigs pa blangs nas su/ /sa la chos 'byung gru gsum bya/ /de yi dbus su zlum po ni/ /thig le yi ni gzugs su bya//dkyil 'khor 'khor lo bsam par bya/ /de nas thig le mchod par bya/ /rang gi mgrin par myang bar bya/ /oM AHhUM/ thabs dang shes rab tshim par byed pa'i cho ga ste thun mong ba'o/ /g.yon pa'i lag pa'i mthil la ni/ /pad+ma dmar po 'dab lnga bsgom/ / dbus su oM baM rdo rje phag/ /gshin rje yum mtshams 'dab ma la/ /haM yo dag ni ya mi ni/ /hriM moM dag ni rmongs byed ma/ /hreM hriM dag ni skyed byed ma/ /phaT phaT dag ni tsaN+Ti ka'o/ /rgan po la ni rdo rje sems/ /mdzub mo la ni rnam snang mdzad/ /pad+ma gar dbang gung mo la/ /he ru ka dpal ming med la'o//rdo rje nyi ma mthe'u chung la'o/ /rta mchog rdo rje sen phreng la'o/ /de ltar yid kyis bsgom pa ni/ /sngags kyi yi ge'i gzugs nyid dam/ /yang na kha dog dbyibs kyi gzugs/ /rang gi ming brjod me tog bcas/ /de dag gis ni dgod par bya/ /de la me tog spos kyis mchod//chang gis kyang ni tshim par bya/ /de nas maN+Dal steng du blugs/ /slar yang rang gi mgo la gzhag /phyi nas 'khor lo sdom pa mchod/ /dkyil 'khor 'khor lo rdzogs pa'am/ /yang na bcu gsum bdag nyid sogs/ /rang gi snying ga'i sa bon las/ / dam tshig 'khor lo spro bar bya/ /ye shes 'khor lo de nas gzhug /me tog la sogs re re yang / /snying po sngags sam nye snying gis/ /rdo rje phag mo mchod par bya/ /mkha' 'gro la sogs lha mo rnams/ /rang gi ming brjod sngags la ni/ /oM ni thog mar hUM hUM mthar/ /sbyar ba yis ni mchod par bya//phyogs rnams dag ni g.yon skor te/ /mtshams rnams dag ni g.yas skor du'o/ /rkang pa brgyad pa'i bstod pas mchod/ /de ltar mchod pa rdzogs pa dang / /snod gzhan dag ni byin brlabs la/ /snod gnyis gcig tu bsre bar bya/ /tsA ru'i bza' ba de la bshad/ de nas gtor ma byin brlabs la/ /dang po sngags kyis snyan gsan dbab/ /kha kha la sogs sngags kyis ni/ /gtor ma rjes su dbul bar bya/ /de nas rnal 'byor tshul ji bzhin/ /'dod pa'i longs spyod rnams la gnas/ /glu dang gar sogs thams cad bya/ /badzra maN+Dal muHzhes pa'i//sngags kyi mthar ni gshegs su gsol/ /lhag ma rnams ni sngon bzhin du/ /gtor ma byin gyis brlab par bya/ /zos shing 'thungs pa'i lhag ma rnams/ /sor mo lnga las bdud rtsi'i rgyun/ /bab par bsams nas yi dags kyi/ /tshogs dag la ni sbyin par bya/ /de dag ni tshogs kyi 'khor lo dang thun mong pa'i cho ga'o//tshes bcu la sogs dus dag tu/ /gzhan yang bla ma'i gdams dus su/ /gong bzhin maN+Dal byas pa la/ /rnal 'byor ma yi mtshan ma ni/ /g.yung drung 'khyil pa bri bar bya/ /mtshams kyi char ni thig le bya/ /de yi dbus su mchod bya ba/ / slar yang de bzhin dri med phyir/ /snod du mdzes ma legs par btsags/ /chos 'byung kha sbyor 'khor lo dbus/ /gsang sngags ma smad pa zhes 'di/ /cho ga bzhin du dben par bri/ /'khor lo'i mtshams su phag mo sogs/ /go cha'i lha mo mtshan ma drug /g.yung drung 'khyil pa'i mtshan ma bri//me tog dri zhim phreng bas bskor/ /'bras bu bzhi dang khur sna bzhi dag dang / /khyad par can gyi mchod pa dri zhim me tog dang / /mchod pa rnam pa du mas 'khor lo legs par mchod/ /grong khyer 'jig par gyur pa 'di ni mchog yin no/ /'dir ni lha mo'i snying po dang / nye ba'i snying po'i sngags ni rgyun mi 'chad par bzlas la brtson pa na/'gro ba'i don byed pa la dka' ba yod pa ma yin te/ chos don 'dod pa thams cad 'grub 'gyur te/ de dag ni thun mong ma yin pa'i cho ga'o/ /rnal 'byor pa yis rtag tu ni/ /gal te yi dam du byed na/ /des na snga dro'i dus dag tu/ /cho ga bzhin du dkyil 'khor bya//rang 'dod lta yi grangs bzhin du/ /me tog dag ni dgram par bya/ /rang gi snying ga'i sa bon las/ /spros pa'i dam tshig sems dpa' gzhag /ye shes sems dpa' de la gzhug /de nas me tog la sogs pa/ /snying po sngags dang nye snying po/ /rkang pa brgyad pa'i sngags kyis mchod//mkha' 'gro ma sogs thams cad ni/ /rang gi ming brjod sngags la ni/ /thog mar oM dang hUM hUM phaT/ /mthar sbyar ba yi sngags kyis mchod/ /de lta'i tshul du rgyas par byas/ /phyag rgya che la mchog gzhol zhing / /de lta'i lam la zhugs pa dag /'og ma'i lam du mi 'gro zhes/

CLOSE WINDOW