CLOSE WINDOW

D1552
བོད་ཡིག

/ //bal po'i A tsAr+ya b+ha ren+d+ra ru tsi dang / lo tsA ba blo ldan shes rab kyis bsgyur ba'o// //'gro kun sangs rgyas myur thob shog/ @##/ /rgya gar skad du/ sarba ar+tha sid+d+hi sA d+ha naM nA ma/ bod skad du/ don thams cad grub pa zhes bya ba'i sgrub thabs/ rdo rje phag mo la phyag 'tshal lo/ /don kun grub pa'i sgrub thabs 'di/ /bla ma nye bar bsten pas brjod/ /man ngag gsang phyir rnal 'byor 'di/ /skal ba can rnams nyid la 'os/ /de la dang por re zhig sngags pas skye bos dben zhing yid dang mthun pa'i sa phyogs su stan bde ba la 'dug ste//dam tshig dang bcas pas gnas dang / bdag dang rnal 'byor bsrung ba'i don du/ /bgegs thams cad nye bar zhi bar byed pa'i sngags brjod par bya ba ni/ oM hrIHg+ha g+ha g+hA ta ya g+hA ta ya sar+b+ba duSh+TA na hUM phaT swA hA/de nas gtor ma sbyin pa sngon du 'gro ba can gyis bcom ldan 'das ma rdo rje phag mo bsgom par bya'o/ /de nas rang gi lte ba'i dbus su 'khor lo gru gsum dmar po bsgoms nas/ de'i dbus su pad+ma dmar po 'dab ma bzhi pa'i lte bar ro dang nyi ma'i dkyil 'khor gyi steng du yi ge hrI dmar po bskal pa'i me 'bar ba blta bar bya'o//de'i rjes la sa bon de yongs su gyur pa las skyes pa'i rdo rje phag mo li khri ltar dmar ba'i mdog can/ pad+ma dang yi dags dang nyi ma'i dkyil 'khor la g.yas brkyang pa'i zhabs kyis bzhugs pa/ skra dang ba spu dang spo gzhung gi spu gyen du langs pa/ /thod pa lngas dpral par brgyan par byas la//mgo bo'i phreng bas sku la brgyan pa/ /phyag rgya lngas mdzes par byas pa/ zhal gcig pa spyan gsum pa/ /zhal khro gnyer bsnyer ba rdo rje'i 'od mnga' zhing ljags 'dril ba/ /gcer bu phyag bzhi pa/ g.yas na rdo rje dang / rdo rje lcags kyu 'dzin pa/ g.yon na thod pa dang / kha T+wAM ga dang / sdigs mdzub dang / zhags pa bsnams pa/ thung zhing gsus pa 'phyang ba/ /gdug pa can thams cad kyis bzod par dka' ba'i gad mo dgod pa/ khro mo'i rang bzhin can de lta bur gyur par bsgom par bya'o/ /de nas ye shes kyi lha mo bkug nas cho ga bzhin du btsug ste/ yang dag par mchod nas//mnyam par gzhag pa'i sems kyis bsnyen pa'i dus su sngags kyi bzlas pa bya'o/ /oM badzra bA rA hI A be sha ya sar+b+ba du Sh+TAM hrI swA hA/ 'khor lo gru gsum la gnas pa'i gsang sngags bzlas pa dang / mchod pa dang / bsgom pa'i cho ga 'bum bzlas pas 'grub ste 'di la the tshom mi bya'o//thang kha la sogs pa'i mdun du sha chen gyi phye ma'i bdug pa sngags 'dis mnyam par gzhag pas dbul lo/ /oM AHhrIM hUM hUM haHhaHzhes pa la lan nyi shu rtsa gcig brjod pa dang bcas pas bdug pa dbul te gzhan du ma yin no/ /oM hriM haM haM/ he he/ ha ha/ hi hi/ pheM pheM pheM/ zhes bya ba'i sngags sgra dang bcas pa brjod cing /mchod pa'i yo byad lnga dang bcas pa'i gtor ma mtshan phyed na dbul bar bya ste/ /gtor ma byin pa 'di yis ni/ /rtag tu bdud sogs zhi bar byed/ /nye bar bstan pa ji lta ba bzhin du gsang nas mchod pa byas na rdo rje rnal 'byor ma 'grub par 'gyur ro/ /de ltar bsnyen pa byas nas dngos grub grub pa'i dus su ni tshogs pa tshang ba can gyis nye bar bstan pa ji lta ba bzhin du thams cad byas na de la rnal 'byor mas byin gyis brlab kyi gzhan du ni ma yin no//don thams cad grub pa'i sgrub thabs slob dpon mkhas pa grub pa brnyes pa a ba d+hU tI pas mdzad pa rdzogs so/

CLOSE WINDOW