བོད་ཡིག |
205a6 @##/ /rgya gar skad du/ Ar+ya sA ga ra nA ga rA dza pa ri pr-i ts+tshA nA ma ma hA yA na sU tre/ bod
205a7 skad du/'phags pa klu'i rgyal po rgya mtshos zhus pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das klu'i rgyal po rgya mtsho'i
205b1 gnas na/dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu bzhugs te/ de nas bcom ldan 'das kyis klu'i rgyal po rgya mtsho la bka' stsal pa/ klu'i
205b2 bdag po chos kyi mdo bzhi po 'di dag brjod na gang dag brjod pas chos kyi phung po brgyad khri bzhi stong brjod par 'gyur ba rnams yin no//bzhi gang zhe na/ 'di lta ste/ 'du byed thams cad mi rtag par/ byang chub sems dpa' sems dpa' chen po rnams kyi
205b3 bstan pa mi zad pa'i shes pa rab tu 'jug pa dang /zag pa dang bcas pa'i chos thams cad sdug bsngal bar/ byang chub sems dpa' sems dpa' chen po rnams kyi bstan pa mi zad pa'i shes pa rab tu 'jug pa dang / chos thams cad la bdag med par byang
205b4 chub sems dpa' sems dpa' chen po rnams kyi bstan pa mi zad pa'i shes pa rab tu 'jug pa dang /mya ngan las 'das pa zhi bar byang chub sems dpa' sems dpa' chen po rnams kyi bstan pa mi zad pa'i shes pa rab tu 'jug pa ste/ klu'i bdag po chos kyi mdo
205b5 bzhi po 'di dag brjod na gang dag brjod pas chos kyi phung po brgyad khri bzhi stong brjod par 'gyur ba rnams yin no//bcom ldan 'das kyis de skad ces bka' stsal nas/ dge slong de dag dang / byang chub sems dpa' de dag yi rangs te/ bcom ldan
205b6 'das kyis gsungs pa la mngon par bstod do// //'phags pa klu'i rgyal po rgya mtshos zhus pa zhes bya ba theg pa chen po'i mdo rdzogs so// //rgya gar gyi mkhan po su ren+d+ra bo d+hi dang / zhu
205b7 chen gyi lots+tsha ba ban+de ye shes sdes bsgyur cing zhus te gtan la phab pa// //
CLOSE WINDOW