CLOSE WINDOW

D1545
བོད་ཡིག

@##/ /rgya gar skad du/ sid+hi badzra yo ga ni sA d+ha rgo naM/ bod skad du/ grub pa'i rdo rje rnal 'byor ma'i sgrub pa'i thabs/ dpal rdo rje sems dpa' la phyag 'tshal lo/ /dpal ldan rdo rje rnal 'byor ma/ /stong nyid snying rje'i bdag nyid can/ /gzi byin bskal pa'i me ltar 'bar/ /khams gsum rang bzhin bdag phyag 'tshal//rdo rje rnal 'byor ma yi ni/ /sgrub thabs mchog ni mdor bsdus pa/ /rjes gnang gcig gi spyod yul te/ /bla ma brgyud pa'i man ngag bshad/ /dang por re zhig sngags pas bla ma dang / sangs rgyas dag la mi phyed pa'i gus pa'i yid can/ byang chub kyi sems brtan por bzung ba/dbang bskur ba yang dag par thob pa chos thams cad rang bzhin gyis 'od gsal bar lhag par mos pa byas te/ rang dang gzhan gyi don phun sum tshogs pa mngon du bya ba'i phyir/ dur khrod la sogs pa dben pa'i sa phyogs su shin tu 'jam pa'i stan la rnal 'byor gyi rol pas gnas su u rgyan gyi yul du kha bltas te 'dug nas/de'i rjes la lus dang ngag dang yid dag par bya ba'i phyir/ lha rdzas kyi btung ba sbrang ngam bu ram bdud rtsi sbyar ba las byung ba ste/ rnam pa gsum po ji ltar rnyed pa bdud rtsi lnga dang bcas pa mchod yon gyi snod du bzhag ste/ yi ge gsum mngon par bzlas nas/ btung ba de lag pa g.yon pa nas brtsams te yan lag dang nye ba'i yan lag thams cad la sngags kyis khrus bya'o/ /de nyid kyi mchod pa'i rdzas rnams kyang bsang bar bya'o/ /de'i rjes la/ oM baM/ haM yo/ /heM moM/ /hriM hriM/ hUM hUM phaT phaT/ zhes bya ba'i sngags kyi yi ge 'di rnams kyis/lag pa g.yon pa'i sor mo rnams yang dag par spangs te/ dag pa brjod par bya'o/ /oM swa b+ha ba shud+d+haHsar+b+ba d+har+m+mAHswa b+hA ba shud+d+hou0f85haM/ oM badzra shud+d+haHsarba d+har+m+mA badzra shud+d+hou0f85haM/ oM yo ga shud+d+haHsar+b+ba d+har+m+ma yo ga shud+d+hou0f85haM/ de nas rang gi lus khams gsum rnam par dag pa'i gzhal yas khang du bsams nas skad cig gis lte ba'i dkyil du rdo rje phag mo phyag gnyis ma gri gug dang ka pA la dang /kha T+wAM ga bsnams pa/ dbu skra grol ba/ gcer bu spyan gsum ma ste/ na tshod gsar pas mdzes pa la/ /phyag rgya lnga yis rnam par brgyan/ /sangs rgyas lnga yi cod pan che//skyil krung phyed pa'i gar gyis ni/ /zla nyi me yi dbus na bzhugs/ /dza ba sin+d+hu ra yi mdog /'di 'dra'i gzugs 'chang lha mo ni/ /rnal 'byor rigs pas rtag tu bsgom/ /de yi g.yas ni phag gdong ste/ /de bzhin g.yon pa'i khro mo'i zhal/ kun rdzob dang ni don dam gnyis/ /zhal ni gnyis su rab tu brjod/ /bla ma'i man ngag lam gyis ni/ /rim pa rgyas par shes par bya/ /de yi pad+ma'i nang gnas pa'i/ /'khor lo don kun grub gsol ba/ /yon tan gsum brgyan mtshan ma ni/ /'od chen kha dog shin tu 'bar/ sngags kyi yi ge legs par gang / /rdza mkhan 'khor lo bzhin du 'khor/ /srin po'i zhal ni legs bsdams nas/ /me ni kun nas sbar bar bya/ /g.yung drung 'khyil pa 'khor ba yi/ /dkyil 'khor phag gdong nye bar blta/ /phyag rgya gnyis kyi sbyor ba yis/ /'jig rten gsum yang sgrub par byed//skad cig rnam pa'i rnal 'byor dag /rnal 'byor 'grub 'gyur gzhan du min/ /de nas gzhan yang bshad bya ba/ /gsang sngags btu ba'i cho ga mchog /dkyil 'khor gru gsum nyams dga' bar/ /rdo rje a ral+li las byung / /chos kyi 'byung gnas zhes bshad cing //btsun mo'i b+ha ga zhes kyang ngo / /A li kA li dbye bas der/ /sde tshan brgyad ni rim pas bri/ /gzugs me mda' dang thub pa dang / /bug pa drag po 'dod pa yi/ /rim pas man ngag ji bzhin du/ /re mig rnams su dgod par bya/ /dang por a yig nas brtsams te/ /yi ge ha yi mthar thug par//g.yas skor gyis ni sbyor ba yis/ /sdom pa rgya mtshor gsungs pa bzhin/ /tha steng sum 'gyur byas nas ni/ /sgra dang thig les rnam par brgyan/ /b+ha ma thug steng dang tsha steng yig /spyi bor ta log steng mas brgyan/ /tsa sa'i dbus nas blangs nas su/ /de bzhin Da yi 'og mas brgyan//sha log steng ma sha steng bskyon/ /de bzhin yang dag sbyar bar bya/ /li thung 'og gi yi ge la/ /nya yi 'og mas rnam par brgyan/ /ba steng ta log 'og mas sbyar/ /pha steng tha log gis ni dbye/ /ha dang ni log dbus yig la/ /na log steng na gnas pas brgyan/ / sha yi 'og na gnas pas gzung / /b+ha mthug 'og man log gi /'og ma yis ni gdan du bya/ /ha steng gnas pa'i yi ge nyid/ /ra steng ra yi steng mas sbyar/ /ta log steng na gnas pa yi/ /spyi bor sbyar ba yongs su grags/ /pha steng tha log 'og ma yis/ /rnam par sbyar bar brjod par bya//nya yi steng du na log ste/ /sbyar ba man ngag gis shes bya/ /tsa sa'i dbus nas blangs nas ni/ /b+ham thug 'og ma na log gi /'og ma yis ni gdan du bya/ /de bzhin tsa yi steng nas blangs/ /ta yi steng na gnas pas brgyan/ /tha steng na log 'og la brgyan/ /de bzhin pha yi 'og gnas yig /d+ha ba'i dbus gnas yi ge la/ /tha log 'og mas rnam par brgyan/ /nya la'i dbus gnas yi ge la/ /na log steng mas rnam par brgyan/ /sa ya'i dbus gnas yi ge la/ /r-I ring 'og mas dbye bar bya/ /thig le nA dar yang dag ldan/ /de yang sum 'gyur bya ba nyid//na yi 'og nas ta log dbye/ /der yang sum 'gyur bya ba'o/ /sha log 'og gnas sha log zhon/ /nya 'og gnas las dbye bar bya/ /ma wa'i dbus gnas yang dag ldan/ /dz+ha mthug rgyab kyi dbyangs kyis brgyan/ /bla ma'i man ngag lam gyis ni/ /gsang sngags btu ba shes par bya//glegs bam las ni gzung ba'i sngags/ /yang dag blang ba byas pa yis/ /bskal pa bye ba brgyar yang ni/ /dngos grub rnams su mi 'gyur nyid/ /de nas yang dag bshad par bya/ /mchod pa'i rdo rje kun 'byung ba/ /tshes bcu'i dus su bab pa na/ /mchod pa lnga dang yang dag ldan//bza' bca' de bzhin btung ba dang / /phyi dang gsang bar yang dag ldan/ /dri med snod ni yang dag par/ /gur gum sogs kyis byugs nas su/ /bzang po btung ba yang dag ldan/ /sin+d+hur phye ma btsags pa la/ /gser smyug gi ni sbyor ba yis/ /mkhas pas e waM rnam par bri//dbus su gsang sngags rgyal po 'di/ /bstan bcos kyis ni dbye bas bri/ /g.yung drung dge ba'i phyag rgya ni/ /'khor lo yi ni logs su dgod/ /me tog rnam pa sna tshogs pa/ /chu dang de bzhin thang las skyes/ /sgron ma tsA ru dam tshig ces/ /de bzhin gzhon nu ma dag mchod/ /mchod pa'i las ni khyad par du//gdon mi za bar bya ba ste/ /skra grol gcer bur byas pa yis/ /sngar bshad phyogs su kha bltas nas/ /mnyam par gzhag pas mchod pa yis/ /dus su shin tu gsang ste bya/ /ma gsang bgegs ni 'byung bar 'gyur/ /de bzhin du yang dngos grub nyams//nad kyi rnam pa sna tshogs pa/ /dam tshig nyams las byung bar 'gyur/ /srog ni yongs su gtong ba'am/ /'chi ba dang ni phrad kyang sla/ /gal te dngos grub mchod 'dod na/ /dam tshig rtag tu bsrung bar bya/ /'gro kun g.yon las 'byung ba ste/ /'jig rten gsum po brtan dang g.yo//rtag tu rnal 'byor g.yon pas spyad/ /rkang pa g.yon pa sngon du dor/ /mchod pa lag pa g.yon gyis bya/ /g.yon gyis bstabs shing bza' bar bya/ /rigs lnga kun du spyod pas na/ /rigs gcig tu ni brtag par bya/ /bza' dang bza' min de bzhin btung / /gtsang sme ngo tsha spang bar bya//kun rtog kun las nges grol bas/ /gnyis pa thams cad rnam par spangs/ /rnal 'byor dra ba'i sdom pa yis/ /rnal 'byor seng ge bzhin du spyod/ /gsang sngags rnal 'byor ma yi dngos/ /rnal 'byor ma yang gsang sngags dngos/ /gal te go 'phang mchog 'dod na//de dag tha dad mi bya ste/ /bsam pa gang dang gang gis ni/ /mi rnams yid ni yang dag sbyor/ /de dang de yi ngo bor 'gyur/ /sna tshogs nor bu ji bzhin no/ /sems ni rjes mthun rnal 'byor gyis/ /gang zhig goms par byed pa ni/ /bsod nams chung ba'i mi yis kyang / /'grub 'gyur 'di la the tshom med//bla ma sangs rgyas bla ma chos/ /bla ma de bzhin dge 'dun te/ /bla ma dpal ldan rdo rje can/ /'dir ni bla yi rgyu yin no/ /sangs rgyas go 'phang 'dod pa yis/ /de phyir bla ma mnyes par bya/ /dgos pa bla na med pa nyid/ /dpal ldan u rgyan gnas kyi'o/ / dpal ldan rdo rje rnal 'byor ma'i gsang ba snyan nas snyan zhal nas zhal du brgyud pa'i rjes su gnang ba'i gzhung lugs/ /slob dpon chen po dpal u rgyan gyi mi dbang in+d+ra b+hU tis mdzad pa rdzogs so// //rgya gar gyi mkhan po dpal na len+d+ra pa dang / /lo tsA ba dge slong pradz+nya kI rtis bsgyur ba'o/

CLOSE WINDOW