CLOSE WINDOW

D1544
བོད་ཡིག

/ //rgya gar gyi mkhan po badzra pA Ni'i zhal snga nas dang / lo tsA ba mtshur gyis bsgyur ba'o// @##/ /rgya gar skad du/ shrI badzra bA rA tI sA d+ha na nA ma/ bod skad du/ dpal rdo rje phag mo sgrub pa'i thabs/ dpal 'khor lo sdom pa la phyag 'tshal lo//dpal ldan nges brjod 'bum pa las btus lha mo'i 'khor lo ni/ /sgom pa'i cho ga sems can don gyi rgyur te drang don dang / /nges don 'di ste drang ba'i don gyis 'og min gnas grub byed/ /nges pa'i don gyis phyag rgya chen po'i mtshan nyid thob par byed/ / drang don brjod par bya ste dang por re zhig rnal 'byor gyi dbang phyug gis bdag bsrung ba'i don du dam tshig gi ri lu khar bcug la phyi nas tshangs pa'i gnas bzhi bsgoms te/ de nas phung po lnga'i nga rgyal bskyed par bya'o/ /gzugs kyi phung po la rnam par snang mdzad do/ /tshor ba'i phung po la rin chen 'byung ldan no//'du shes kyi phung po la pad+ma gar gyi dbang phyug go/ /'du byed kyi phung po la rdo rje rgyal po'o/ /rnam par shes pa'i phung po la rdo rje sems dpa'o/ /de bzhin gshegs pa thams cad kyi bdag nyid ni rdo rje phag mo'o/ /mig dag la gti mug rdo rje'o/ / rna ba dag la zhe sdang rdo rje'o/ /sna dag la phrag dog rdo rje'o/ /kha la 'dod chags rdo rje'o/ /reg la ser sna rdo rje'o/ /skye mched thams cad la dbang phyug rdo rje'o/ /sa'i khams ni ltung byed ma'o/ /chu'i khams ni gsod byed ma'o/ /me'i khams ni 'gugs byed ma'o/ /rlung gi khams ni gar gyi dbang phyug ma'o//nam mkha'i khams la pad+mo 'bar ma'o/ /de ltar phung po dang khams dang skye mched dag la lha rnams kyi rnam par dag pa'o/ /de nas rnal 'byor rgyud kyi cho gas gshin rje gshed la sogs pa'i khro bo'i rgyal po dbang po rnams bsrung ba'i 'khor lo sgom par bya ste/'khor lo'i gtso bo ni rdo rje hUM mdzad do/ /de yang phyag drug pa'i te ru ka'o/ /sngags pa de yis dang por raM las nyi ma'i dkyil 'khor mdun du bsgoms la/ de'i dbus su hUM yig yongs su gyur pa las sna tshogs rdo rje gdong bzhi pa'o/ /sna tshogs rdo rje dang nyi ma de dag ro gcig tu gyur pa las phyogs thams cad du rdo rje'i ra ba dang steng du rdo rje'i gur ro//'og tu rdo rje'i sa gzhi bdud thams cad kyis mi phyed pa'o/ /ra ba'i phyi rol dang steng 'og tu mtshon cha sna tshogs su rung ba bsgom par bya'o/ /khro rgyal rnams la rim pa bzhin/ /gdan ni bstabs par byas nas su//zhal mdog phyag dang mtshon cha dang / /g.yon brkyang ba yi zhabs kyis ni/ /rdo rje ra ba'i dbus su ni/ /'khor lo rtsibs brgyad pa la dgod/ /a yig sa bon las byung ba/ /de ni bsgoms nas de nas yang / /gur gyi yang ni steng 'og tu/ /rtsibs gnyis kyang ni bya ba ste//re pha bcu gcig rnams kyis ni/ /nyi ma'i dkyil 'khor rim pa bzhin/ /nyi ma'i rkang pa de dag kyang / /nyi ma bcu gcig po nyid kyi/ /so so'i nyi ma'i dkyil 'khor du/ /der ni hUM yig dgod par bya/ /hUM yig las byung nyi mar gnas/ /khro rgyal rnams ni bsgom par bya//dbus ma'i nyi gdan la bsgoms pa/ /'dren pa rdo rje hUM mdzad de/ /sngon po zhal gsum phyag drug pa/ /g.yas brkyang ba ni zhabs kyis mnan/ /rtsa ba'i zhal ni sngon po la/ /mi bzad mche gtsigs 'jigs pa po/ /g.yon dang g.yas ni dkar dang dmar/ /ji ltar rtsa gsum gnas pa'o//rdo rje gri gug rtse gsum pa/ /g.yas pa'i phyag ni rim pa bzhin/ /rdo rje dril bu thod pa dang / /kha T+wAM ga yang g.yon na'o/ /sna tshogs rdo rje ral pa yi/ /cod pan mi bskyod zla phyed yin/ /mgo bo'i phreng ba phrag la gnas/ /spyi bo la ni thod pa nyid/ /phyag rgya lnga ni rus las byas//rked pa stag gi pags pas dkris/ /spyan dgu ljags ni bsgyur ba ste/ /sbrul gyi rgyan gyis klubs pa'o/ /'di 'dra'i rdo rje hUM mdzad ni/ /'dren pa bsgom mo de nas ni/ /hUM yig nag po las byung ba/ /shar gyi nyi mar dgod par bya/ /gshin rje gshed nag drag pa ste//g.yas brkyang ba yi zhabs kyis mnan/ /gnag dang dkar dang dmar ba'i zhal/ /gsus khyim che la spyan gsum pa/ /phyag rgya lnga dang thod pa yi/ /phreng ba rked la stag lpags so/ /kun gyi cod pan tha dad dang / /sku mdog mtshon cha de dag la/ /de bzhin du ni zhabs bzhi pa'o//dbyug pa 'khor lo rdo rje dag /g.yas pa'i phyag na rdo rje bdag /snying gar sdigs mdzub zhags pa dang / /dril bu dgra sta g.yon bsnams la/ /spyi bo sangs rgyas rnam snang mdzad/ /rdo rje cod pan gzhan min pa'o/ /hUM yig dkar po las byung ba/ / dkar dang sngo dang dmar ba'i zhal/ /shes rab mthar byed nyi mar dgod/ /lho ru rin chen cod pan can/ /ral gri rdo rje dbyug pa ni/ /g.yas pa'i phyag na rim pa bzhin/ /snying gar sdigs gas mdzub zhags pa dang / /dril bu dgra sta g.yon pa ni/ /hUM yig dmar po las grub pa/ /dmar dang sngo dang dkar ba'i zhal//pad+ma mthar byed nyi mar dgod/ /nub tu 'od dpag med cod pan/ /gtun shing rdo rje ral gri bsnams/ /g.yas pa'i phyag tu 'dzin pa'o/ /snying gar sdigs mdzub zhags pa dang / /dril bu dgra sta g.yon pa la/ /hUM yig sngon po las byung ba/ /don yod grub pa'i cod pan can//sngo dang dmar dang dkar ba'i zhal/ /mche gtsigs zhal ni 'gyur ba'o/ /sna tshogs rdo rje de bzhin du/ /'khor lo gtun shing g.yas pa na/ /dril bu sdigs mdzub zhags pa dang / /dgra sta yang ni g.yon pa na/ /bgegs mthar byed pa nyi mar dgod/ / byang du bdud rtsi 'khyil pa yang / /hUM yig sngon po las byung ba/ /me ru nyi ma mi g.yo dgod/ /sngo dang dmar dang dkar ba'i zhal/ /dbu rgyan rnam par snang mdzad dpal/ /ral gri rdo rje de bzhin du/ /'khor lo g.yas pa'i phyag na bsnams/ /snying gar sdigs mdzub zhags pa dang //dril bu dgra sta g.yon na'o/ /hUM yig sngon po las byung ba/ /sngo dang dmar dang dkar ba'i zhal/ /srin por 'dod pa'i rgyal po ste/ /rin chen 'byung ldan cod pan can/ /phyag gnyis khams gsum rnam rgyal gyi/ /phyag rgya dag ni bcings pa'o/ /g.yas na rdo rje ral gri ste//g.yon na zhags pa lcags kyu'o/ /hUM yig sngon po las byung ba/ /'od dpag med pa'i cod pan can/ /sngags pas dbyug sngon dgod par bya/ /rlung du nyi ma'i dkyil 'khor la/ /rtsa ba g.yas dang cig shos dag /sngo dang dmar dang dkar ba'i zhal/ /dbyug pa de bzhin ral gri ste//rdo rje phyag g.yas rim pa bzhin/ /g.yon na sdigs mdzub zhags pa dang / /pad+ma nyi ma nyid yin no/ /hUM yig sngon po las byung ba/ /don yod grub pa'i cod pan can/ /stobs po che ni sku mdog sngo/ /dbang ldan nyi mar sngags pas dgod/ /nag dang dmar dang dkar ba'i zhal//'jigs byed gsus pa 'phyang ba'o/ /dbyug pa ral gri de bzhin du/ /'khor lo g.yas la rim pa bzhin/ /snying gar sdigs mdzub zhags pa dang / /rtse gsum dgra sta rim pas so/ /hUM yig ljang gu las byung ba/ /mi bskyod pa yi cod pan can/ /ljang gu dmar dang dkar ba'i zhal//spyan gsum khyab bdag gsus pa 'phyang / /g.yon dang g.yas pa'i phyag gnyis kyis/ /spyi bor gtsug tor 'dzin par mdzad/ /rdo rje pad+ma g.yas dag la/ /gzhan la sdigs mdzub ral gri'o/ /nam mkhar nyi ma gnod pa ni/ /tshangs pa'i gnas su rnam bsam bya//sngon po'i hUM yig las byung ba/ /mi bskyod pa yi cod pan can/ /'og gi nyi mar gnod mdzes rgyal/ /gnag dang dkar dang dmar ba'i zhal/ /rdo rje 'khor lo rin chen dag /g.yas pa'i 'jig rten rim pa bzhin/ /snying gar sdigs mdzub zhags pa dang //ral gri pad+ma g.yon pa la/ /de rnams rnam par bsgoms nas su/ /'jigs byed khro bo dgod pa ni/ /rnal 'byor pa yis nye bar bsdus/ /rang gi lus la gzhug par bya/ /dpung pa g.yon par gshin rje gshed/ /g.yas par shes rab mthar byed dgod/ / lag g.yon pad+ma mthar byed do/ /g.yas la bgegs mthar byed pa dgod/ /g.yon pa'i brla la mi g.yo ba/ /'dod pa'i rgyal po g.yas la'o/ /rkang pa g.yon la dbyug sngon te/ /rkang g.yas pa stobs po che/ /spyi gtsug gnas su gtsug tor che/ /gnod mdzes rgyal po bshang lam dgod//snying gar rdo rje hUM mdzad do/ /rang mtshan yi ge dang bo dgod/ /yaM praM baM baM aM taM naM maM uM suM paM/ /de ltar bsgrub pa'i cho ga ni/ /sngags pas rim bzhin byas nas ni/ /bdag nyid khro bcas rdo rje yis/ /hUM mdzad du ni bsgom par bya/ /sdig pa'i bag chags thams cad ni//gnod mdzes bka' bsgo phur bus gdab/ /oM g+ha g+ha g+hA ta ya sarba duSh+T+raM phaT/ kI la ya shI la ya/ /oM suM b+ha ni suM b+ha hUM/ oM gr-ihA gr-ih+w+ya hUM/ oM gr-ih+N+ra pa ya gr-ig+N+ra pa ya hUM phaT/ oM A na ya hoHb+ha ga w+raM bit+yA rA dza hUM phaT/ khro bo'i gzugs can 'di yis ni//log 'dren bgegs rnams kun nas ni/ /cho ga bzhin du phur bus gdab/ /rnal 'byor 'di yis blo ldan gyis/ /thams cad la'o lte ba nas/ /'og gi cha ni mdung ltar du/ /rnam bsam khro chen bgegs mthar byed/ /stod ni zhal gsum phyag drug pa/ /'og gi bgegs tshogs la gzigs nas//de nas sngags ni yang dag brjod/ /rdo rje phur bu gzung nas ni/ /bgegs kyi lus la g.yo ba med/ /oM g+ha g+ha g+hA ta ya g+hA ta ya sarba duSh+T+raM hUM phaT/ kI la kI la ya sa rba pA paM phaT/ /hUM hUM hUM badzra kI la badzra d+ha ra A dz+nyA pa ya ti/ sarba big+h+na kA ya wAka tsit+taM kI la ya kI la ya hU phaT/rdo rje tho ba phyag bsnams pa'i/ /gnod mdzes rgyal po bsgom par bya/ /sngags rig pa yi cho ga 'dis/ /rdo rje phur bus brdung bar bya/ /oM badzra mung+ga ra A ko Ta yA ko Ta ya/ tiSh+Tha tiSh+Tha da sha ta kI la yed/ duSh+Ti ts+tshe da yed/ de nas kun nas rdo rje'i ma//rnam par 'phro ba nges par bsam/ /de de de yi sreg bzhin du/ /gdug pa rnams ni 'bros par 'gyur/ /de nas rang gi snying gar yi ge a las zla ba'i dkyil 'khor/ de'i steng du baM yig 'od zer sna tshogs rnam par 'phro bar bsam par bya'o/ /de'i snang bas mdun du bla ma dang sangs rgyas la sogs pa rnams bltas la yang dag par mchod de phyag byas bzod pa gsol/de nas dkon mchog gsum la skyabs su 'gro bar bya'o/ /oM swa b+hA ba shud+d+hAHsarba d+harmAHswa b+hA ba shud+d+ro u0f85haM/ yang ni stong par rnam bsam bya /sems tsam la ni nges gnas te/ / byang chub tshogs ni bsgoms pa yis/ /snang ba tsam gyis shes pa la/ /oM shU n+ya tA dz+nyA na badzra swa b+hA ba At+ma kou0f85 haM/ de nas sad nas rten dang brten pa'i tshul gyis bye ram la sogs pa yang dag par gnas pa rnam par bsam mo/ /yaM yig yongs su gyur pa las/ rlung gi dkyil 'khor rgyal mtshan gyis mtshan pa gzhu'i dbyibs can kha dog sngon po'o//de'i steng du re las me'i dkyil 'khor gru gsum kha dog dmar po'o/ /de'i steng du baM yig yongs su gyur pa las chu'i dkyil 'khor zlum po kha dog dkar po'o/ /de'i steng du laM yig yongs su gyur pa las sa'i dkyil 'khor gru bzhi kha dog ser po'o//de'i steng du suM yig yongs su g.yo ba las ri'i rgyal po ri rab gru bzhi pa rin po che sna bzhi'i rang bzhin can rtse mo brgyad kyis nye bar mdzes pa'o/ /de'i steng du hUM las nges par 'byung ba sna tshogs rdo rje'o/ /de'i steng du paM yongs su gyur pa las sna tshogs pad+ma 'dab ma brgyad pa lte ba dang ge sar du bcas pa'o//de'i steng du A li kA li'i sbyor ba ste/ me long lta bu'i ye shes zla ba dang / mnyam pa nyid kyi ye shes nyi ma'o/ /de dag tu srog song ba ni baM yig tu brjod de so sor rtog pa'i ye shes so/ /de dag gcig tu gyur pa bya ba nan tan gyi ye shes so/ / gzugs yongs su grub pa ni chos nyid dag pa'i ye shes te/ ye shes lnga yi bdag nyid lus/ /rdo rje rnal 'byor ma ru grags/ /de yongs su gyur pa las rdo rje phag mo nyi ma'i dkyil 'khor la bzhugs shing 'jigs byed dang / dus mtshan ma mnan pa 'khor lo dang bcas sgrub pa'i dur khrod brgyad kyis bskor ba'o//de la bcom ldan 'das ma ni sku mdog dmar mo zhal gcig phyag gnyis ma spyan gsum ma dbu skra grol ba gcer bu dum bus brgyan pa'i ske rags can/ zhabs g.yon brkyang bas bzhugs pa/ 'jigs byed chen bo'i cha lugs can/ g.yon pa'i phyag na rdo rje kha T+wI ga dang thod par bdud ma rungs pa'i khrag bsnams pa/g.yas pas phyogs thams cad du gdug pa rnams la sdigs mdzub mdzad pa'i rdo rje can/ bskal pa'i me ltar gzi brjid che/ /khrag la dgyes shing khrag 'dzag pa/ /bde chen thugs rje'i bdag nyid can/ /phyag rgya lnga yis brgyan pa'o//sangs rgyas rnam par snang mdzad che/ /thub pa chen po thub chen ldan/ /gsang sngags tshul chen las byung ba/ /gsang sngags tshul chen bdag nyid can/ /rig pa 'dis ni spyi bor rnam par snang mdzad kyis rgyas btab pa ste/ sna tshogs pa pad+ma'i lte bar rtsa ba'i gdan du rigs ldan ma rdo rje phag mo'o//pad+ma'i shar gyi 'dab mar shar gyi lus 'phags bdag gi gdan du rdo rje mkha' 'gro ma'o/ /lho'i 'dab mar 'dzam bu'i gling gzhan gyi gdan du khA ma'o/ /nub kyi 'dab mar ba longs spyod sngags kyi gdan du khaN+Da ro hA'o/ /byang gi 'dab mar sgra mi snyan de kho na nyid kyi gdan du gzugs can ma'o//thugs gsung ye shes sku ste 'khor lo bzhi'i dbye bas mkha' 'gro ma la sogs pa rnal 'byor ma bzhi nag mo dmar mo ser mo ljang gu ste dngos grub mdzad ma'o/ /zhal gcig phyag bzhi ma/ g.yon gyis kha T+wAM ga dang thod pa bsnams pa/g.yas kyis cang te'u dang gri gug go/ /spyan gsum pa dbu skra grol ba gcer bu g.yas brkyang bas gdan la bzhugs pa/ phyag rgya lnga yis rnam par brgyan ma/ mche ba rnam par gtsigs pa'i zhal/ mi bskyod pa dang / 'od dpag med dang / rin chen 'byung ldan dang / don yod grub pas rnal 'byor ma 'di rnams la rgyas btab pa'o/ /mtshams su gling phran nye ba'i gnas su byang chub kyi sems kyi snod bzhi ste ye shes kyi 'khor lo'i dkyil 'khor ro/ /de nas sa 'og me dang rlung gi dkyil 'khor kyi mtshams su ri rab kyi phyogs mtshams su dmyal ba chen po brgyad de/de la shar gyi dur khrod dkyil 'khor gye shar sgor mdung gis 'bigs par khwa gdong ma'o/ /lho'i dur khrod sgor tshig pa'i ror 'ug gdong ma'o/ /nub kyi dur khrod sgor brnags pa'i drir khyi gdong ma'o/ /byang gi dur khrod sgor rul pa can du phag gdong ma'o/ /de nas dbang ldan gyi mtshams su dur khrod byis pa shi bar gshin rje brtan mo'o//rlung gi mtshams su dur khrod sbrul gyis zin par gshin rje pho nya mo'o/ /srin po'i mtshams su dur khrod 'jigs pa'i dbus su gshin rje mche ba ma'o/ /me'i mtshams kyi dur khrod lhag ma can du gshin rje 'joms ma'o/ / de ltar na g.yas skor dang g.yon skor gyis lugs su 'byung ba dang lugs las bzlog pas dur khrod brgyad du longs spyod ma rnams te/ ji ltar mkha' 'gro ma lus la sogs pa de ltar khwa gdong ma la sogs pa'i sku mdog dang phyag mtshan dang rgyas gdab kyang ngo / /mtshams su gnas ma rnams ni gzugs gnyis ma yid 'phrog pa sems can gyi don mdzad par brtson pa'o//rnal 'byor ma 'di dag thams cad yi dwags kyi gdan can mgo bo'i phreng ba 'dzin pa dpral bar rdo rje'i phreng ba'o/ /de nas gzhan yang bcu gnyis lha'i rnal 'byor gyis sbyar bar bya ste/ de dag kyang gang zhe na/ rab tu dga' ba ni mkha' 'gro ma'o/ /dri ma med pa ni lA ma'o/ /'od byed pa ni khaN+Da ro hI'o/ /'od 'phro ba ni gzugs can ma'o/ /sbyang dka' ba ni khwa gdong ma'o/ /mngon du gyur pa ni 'ug gdong ma'o/ /ring du song ba ni khyi gdong ma'o/ /mi g.yo ba ni phag gdong ma'o/ /legs pa'i blo gros ni gshin rje brtan ma'o//chos kyi sprin ni gshin rje pho nya ma'o/ /de bzhin gshegs pa can ni gshin rje mche ba ma'o/ /rdo rje spyod pa can ni gshin rje 'joms ma'o/ /dbus kyi rdo rje phag mo ni bla na med pa yang dag par rdzogs pa'i byang chub sa bcu rnam par dag pa'o/ /de nas yang dag bshad bya ba//gnas sogs ming yig dang po'o/ /rang gi lus la dgod par bya/ /muM aM paM maM taM ShuM shaM phuM gAM blaM slaM g+haM uM/ rtsa ba'i gdan gsang ba'i 'khor lo rdo rje phag mo rigs ldan ma'o/ /bdag gi gdan snying gi pad+mar rdo rje mkha' 'gro ma'o/ /gzhan gyi gdan lkog ma'i pad+mar khA ma'o//sngags kyi gdan lte ba'i pad+mar khaN+Da ro ha'o/ /de kho na nyid kyi gdan dpral bar gzugs can ma'o/ /thams cad pad+ma'i gdan gtsug tor gyi pad+mar dpal te ru ka'o/ /'di dag ni ye shes kyi 'khor lo ste g.yas skor gyis so/ /khwa gdong ma la sogs pa sgo brgyad du dgod pa brjod par bya ste/mdung gis 'bigs pa kha'i sgor khwa gdong ma'o/ /tshig pa'i ro sna bug g.yas kyi sgor 'ug gdong ma'o/ /brnags pa'i drir bshang ba'i sgor khyi gdong ma'o/ /rul pa can sna bug g.yon pa'i sgor phag gdong ma'o/ /g.yas skor gyis so/ / byis pa shi ba rna ba g.yon pa'i sgor gshin rje brtan ma'o/ /sbrul gyis zos pa rna ba g.yas pa'i sgor gshin rje pho nya ma'o/ /dur khrod 'jigs pa'i dbus su mig g.yas pa'i sgor gshin rje mche ba can ma'o/ /lhag ma spyan mig g.yon pa'i sgor gshin rje 'joms ma'o/ /'di ni g.yon nas bskor ba ste/skad cig rnam pa'i rnal 'byor bdag /skad cig gis ni sku gcig 'gyur/ /de nyid gsum gyes byin gyis brlab par bya ste/ oM AHhUM/ sarba bI ra yo gi ni kA ya wAka tsit+ta badzra swa b+hA wa At+ma kou0f85haM/ oM badzra shud+d+ha sarba d+harmA badzra shud+d+hou0f85haM/ de nas go cha gnyis shes nas//ye shes 'khor lo rnam par sgom/ /sngags dang phyag rgya'i sbyor shes pas/ /dam tshig 'khor lo la myur gzhug /de nas go cha gnyis bshad par bya ste/ oM ha snying gar ro/ /na maHhi spyi bor ro/ /swA hA hu gtsug tor tu'o/ /bo Sha Ta he phrag pa gnyis su'o//hUM hUM ho mig gnyis la'o/ /phaT haM yan lag thams cad la ste mtshon cha'o/ /dang por rdo rje sems dpa' ste/ /gnyis pa rnam par snang mdzad bzhugs/ /gsum pa pad+ma gar dbang phyug /bzhi pa dpal ldan he ru kar brjod/ /rdo rje nyi ma rta mchog ste/ /go cha drug gis 'di la bsrungs//oM baM rdo rje phag mo'o/ /haM yoM ya mi ni'o/ /hriM mo rmongs byed ma'o/ /hreM hriM skyod byed ma'o/ /hUM hUM 'jigs byed ma'o/ /phaT phaT tsaN+Di ka ste yan lag thams cad la mtshon cha'o/ /lte ba snying ga de bzhin kha/ /mgo dang spyi gtsug mtshon cha nyid/ /mdzub mo mdud byas gung mo nges par sbyar//mthe bong rdo rje brtan po rab tu sbyar/ /de nas dpral ba'i dbus su rab bzhag nas/ /bskor zhing bskor bas kun du sgyur bar byed pa ste/ /rkang pa mnan zhing gyen du blta/ /gyen du pheM gyi sgra sgrogs shing / /phyogs bcu'i 'jig rten khams bzhugs pa'i//dpa' bo rnal 'byor ma rnams dgug /oM yo ga shud+d+haHsarba d+harmA yo ga shud+d+hou0f85haM/ ji ltar bltams pa tsam gyis ni/ /de bzhin kun du khrus gsol ba/ /lha yi chu ni dag pa yis/ /de bzhin bdag gis khrus bya'o/ /oM sarba ta thA ga ta a b+hi She ka sa ma ya shri y e hUM/dbang bskur ba'i sngags so/ /rdo rje phag mo'i snying po'i sngags bzla zhing sbyin sreg bya ste/ oM badzra bai ro tsa ni ye swA hA/ 'di ni snying po'i sngags yi ge bcu pa ste pha rol tu phyin pa bcu'i dag pa'o/ /oM sarba bud+dA DA ki n+di ye badzra war+Na nI ye hUM hUM phaT swA hA/ nye ba'i snying po'i sngags yi ge bcu dgu pa'o//oM baM yoM moM hriM hriM phaT/ 'di ni yi ge brgyad pa'i go cha'i sngags so/ /oM suM b+ha ni suM b+ha badzra DA ki nI hUM hUM phaT/ bcu bzhi pa shar gyi zhal rdo rje mkha' 'gro ma'i sngags so/ /oM greh+Na kr-ih+Na badzra lA me hUM hUM phaT/ yi ge bcu gnyis pa lho'i zhal lA ma'i sngags so//oM gr-ih+NA pa ya gr-ih+NA pa ya badzra khaN+Da ro he hUM hUM phaT/ yi ge bco brgyad pa nub kyi zhal khaN+Da ro hI'i sngags so/ /oM A na ya ho b+ha ga bI badzra rA dza badzra rU pi ni hUM hUM phaT/ yi ge bco brgyad pa byang gi zhal gzugs can ma'i sngags so/ /lha mo bzhi ste gling bzhi pa'i sngags so//oM na mo b+ha ga wa te wI re shA ya badzra kA kA s+ye hUM hUM phaT/ oM ma hA kawA g+ni saM ni b+hA ya badzra u lu kA s+ye hUM hUM phaT/ oM dza Ta ma ku Tong+ka TA ya badzra shwa nA s+ye hUM hUM phaT/ oMdaMSha karA grad+hISha Na mu khA ya badzra sU kA rA s+ye hUM hUM phaT/ oM sa ha sra b+hu dza b+hA su rA ya ya ma da d+hi hUM hUM phaT/ oM pa ra shu pA sho r+ya ta shu la kha T+wAM ga d+ha ri Ni badzra ya ma dru tA+e hUM hUM phaT/ oM byu g+hA dzi na aM ba ra b+ha rA ya badzra ya ma daM Sh+Ta Ni hUM hUM phaT/ oM ma hA d+huMm+b+rAn d+ha kA ra wa bu ShA ya badzra ya ma ma thA nI ye hUM hUM phaT/ lha mo brgyad kyi rkang pa brgyad kyi sngags so/ /gtor ma sbyang ba'i sngags ni/ oM badzra kro d+he shwa ri sarba dra bya Ni bi shwa d+ha ni hUM phaT/oM gyis sbyang ba'o/ /aHyis rtogs pa'o/ /hUM gis gzi brjid bskyed pa'o/ /ho yis bdud rtsir bya'o/ /haM yig gis dgug go/ /k+Sha yig gis gshegs su gsol ba'o/ /lag pa g.yon pas ni sbyang ba'o/ /g.yas kyis ni rtogs par bya'o//thal mo gshibs te brkyang bas don ni gzi brjid bskyed do/ /nam mkha' lding gi phyag rgyas ni bdud rtsir bya'o/ /khams gsum rnam rgyal gyi phyag rgyas ni dgug go/ /rdo rje'i phyag rgyas ni stab cing lag pa'i rgyab tu se gol gsum gyis gshegs su gsol lo/ /oM badzra a ral+li ho/dzaHhUM baM hoHbadzra DA ki nI sa ma ya s+t+waM dr-i sh+ya ho/ mtshan phyed na rdo rje thal mo kha gyen du phye la gtor ma gtang ngo / /oM kha kha khA hi khA hi sarba yak+Sha rAk+Sha sa/ b+hU ta/ pre ta/ pi shA tsa/ uM ma da/ a pa sma ra/ DA ki n+ya da ya/ i maM ba liM gr-ih+Na na tu/ sa ma ya rak+ShaM tu/ ma ma sarba sid+d+hi pra yats+tsha na tu/ya thai baM/ ya the Sh+ThaM/ b+hAM dza tha/ pi pa tha/ mA ti kra ma tha/ ma ma sarba ka ra ta ya/ sad+su khaM bi brid+he ye sa hA yi ka b+ha ban+du hUM hUM phaT phaT swA hA/ gtor ma gtang ba'i sngags so/ /yul dang grong gi bdag po la gtor ma sbyin te/ yi ge mi mnyam pa ni thog ma'am dbus sam tha ma'i yi ge'o//yi ge mnyam pa ni dang po'am tha ma'i yi ge'o/ /de nyid gsum gyis byin gyis brlabs te/ oM AHhUM k+She tra pa la ba li gr-ih+Na gr-ih+Na sa pa ri wA re d+h+yaHsarba satwa nAM shAM ti tsit+ta ni ku ru swA hA/ oM ha ri ti paN+De kyi pra tA+ec+tsha swA hA/ 'phrog ma la chang bu gnyis byin nas/oM du ti kye a gra gra saM dratI ts+tsha swA hA/ kha kha khA hi khA hi u tsiSh+Ta ba liM u tsiSh+Ta b+hak+Sha b+hak+Sha swA hA/ bstabs pa'i cho ga bshad par bya ste/ oM a ho k+Sha rim pas gnas pa rnams kyis sbyang ba la sogs pa bya'o/ /zla ba zhu ba lta bur bsgom ste/ rim gyis snod de nas ni thig le zla ba'i 'od zer dag gis nges par lag pa'i pad+ma'i ming med ni sa gzhir phyi rol ni/gru gsum byas nas nang du nyi ma'i dkyil 'khor lta bu'i zlum po de'i dbus su ni/ ye shes 'khor lo srid pa gsum yang chud pa'i dkyil 'khor 'khor lo bsam bya dang / zhing gsal de la sngags kyi tshig 'di rnams kyis bstabs par bya ste/oM AHhUM ho sku gsung thugs rdo rje can la'o/ /de nas a A i I r-i r-I u U l-i l-I aM AH/ rnam par shes pa la sogs pa'i phung po dang / nam mkha' la sogs pa'i khams rnams so/ /a A e ai ar Ar o au a la A la aM aH/ dbang po drug dang yul drug go/ /ha hA ya yA ra rA wa wA la lA haM haH/thabs dang shes rab kyi lus can rnams te/ las kyi dbang po zhe sdang rdo rje la sogs pa'i rang bzhin no/ /ka kA kha khA ga gA g+ha g+hA nga dA/ tsa tsA tsha tshA dza dzA dz+ha dz+nyA nya hA/ Ta TA Tha ThA Da DA D+hA Na NA/ pa pA pha phA ba bA b+ha b+hA ma mA/ ta tA tha thA da dA d+ha d+hA na nA/ sa sA da dA sha shA Sha ShA/ng+ka sh+kA ha hA ya yA ra rA la lA wa wA k+Sha k+Shu/ thabs dang shes rab sum cu rtsa drug gi rigs rnams la rnal 'byor pas bstabs pa'i cho ga 'di dag par bya'o/ /phung po drug po gzugs sogs ni/ /sum cu rtsa drug rtag tu mchod/ /sa chu dang ni me dang rlung / /de bzhin khu ba dang ni rdul// khams drug tu ni 'di la bshad/ /lus can rnams kyi gzugs po'o/ /shog ma rkan dang spyi bo dang / /mchu dang so rjes sna ldan te/ /'du shes kyang ni drug tu bshad/ /dngos dang dngos med ston byed pa/ /blta dang nyan dang snom pa dang / /lce lus yid kyi dbang rnams kyis/ /mig la sogs pa rnam pa drug /rnam shes phung por bshad pa yin/ /de bzhin gzugs dang sgra dang ni/ /dri dang yang ni ro dang ste/ /reg bya dang ni chos kyi khams/ /myong ba las ni tshor bar brjod/ /de bzhin dbang po drug sgo nas/ /rnam par shes rnams rab 'jug pa/ /'du byed rnam pa drug tu brjod//yul rnams la ni 'jug byed pa'i/ /srog dang rtsol ba'i nyin mtshan gang / /steng dang 'og gi lam gsum du/ /rtsa ni drug po rab rgyu ba/ /ye shes kyang ni rnam pa drug /sum cu bdun pa sems chen po/ /sum cu rtsa drug rnal 'byor ma/ /khams rnams kyis bskor rnal 'byor pa/ /lha yi gzugs kyis rnal 'byor spyod//rdo rje phag mo'i sngags gang yin/ /mgrin pa'i mgul dngos rnam par brgyan/ /lha yi snying po'i sngags kyis ni/ /phreng ba brgya yi phyed kyis brgyan/ /yi ge bdun pa'i sngags kyis ni/ /rna cha yis ni rna ba brgyan/ /sangs rgyas kun gyi mkha' 'gro mas/ / lag pa gnyis kyis gdu bu'o/ /rnal 'byor ma drug sngags kyis ni/ /ske rags kyis ni rked pa brgyan/ /'khor lo kun gyis rnal 'byor ma'i/ /sngags kyis btung ba'i thod pa yin/ /rnam par snang mdzad sngags gang yin/ /thod pas mgo bo rnam par brgyan/ /de ltar bdag nyid rnam bsams nas//tsham ngam sngags kyis shin tu bsrung / /tshangs par spyod pa rtag 'gyur bas/ /mi 'gyur rnal 'byor bsgom bya ste/ /de ltar legs bsams rnal 'byor bdag /'jigs pa thams cad rnam par spangs/ /de nyid rnal 'byor yang dag ldan/ /rnal 'byor blo ldan rnam par spyod//nges pa'i don gyis lha mo bsgom pa brjod par bya ste/ 'di yi dngos med med mi 'gyur/ /dngos pos stong don mthong phyir ro/ /sgyu ma rmi lam mig 'phrul bzhin/ /snang ba tsam gyis ye shes ni/ /skye med rang bzhin 'jig rten gsum/ /lus gnas ye shes chen po la/ / kun du rtogs pa thams cad spangs/ /dngos po kun gyis khyab byed de/ /lus la gnas kyang lus skyes min/ /sangs rgyas kun gyis sdom pa ni/ /e waM yi ger rab tu gnas/ /lus ngag yid kyi rtsa gsum la/ /lus ngag yid kyi dngos po rnams/ /rdo rje gsum rnams yang dag spyod//dung can mar ni ye shes dngos/ /de bzhin lha mo mkha' 'gro gdong / /e waM yi ger rab tu gnas/ /yi ge e yis stong nyid rgyu/ /waM yig gis ni snying rje 'bar/ /stong nyid snying rje dbyer med la/ /byang chub sems zhes de la brjod/ /sems ni nam mkhar zhen pas ni/ / mig ni phab ste rdo rje yi/ /lam du rab tu chud byas pas/ /stong pa la ni du ba smig rgyu rab gsal dri med srin bu me khyer sgron ma nyid/ /'bar ba dang ni zla nyi rdo rje yang ni mchog gi cha ni mthong gyur thig le can/ /de yi dbus su sangs rgyas gzugs ni yul las rnam grol longs spyod rdzogs sku du ma'o/ / ji ltar chu la chu 'dres dang / /ji ltar mar la mar bzhin du/ /rang gi ye shes lnga yi dngos/ /rang nyid kyis ni 'dir mthong 'gyur/ /dngos po med la bsgom pa'i dngos/ /bsgom par bya ba bsgom pa min/ /de bas dngos po dngos med pas/ /bsgom pa dmigs su med pa'o/ /gang su dag gi mthu yis ni//gang du der ni yang dag gnas/ /dus kyi nges pa yongs spangs pas/ /go 'phang mchog ni thob par 'gyur/ /de ni sngags bzlas dka' thub ho/ /dkyil 'khor dkyil 'khor pa yang de/ /phyag rgya chen po'i don bsgoms la/ /yon tan kun gyi gzhir gyur pa'i/ / rdo rje stong pa nyid du brjod/ /phag mo yang ni snying rjer grags/ /stong nyid snying rje gcig pa la/ /rdo rje phag mo zhes su brjod/ /'di ni bdag gis nges pa'i don bsgom pa bshad pa yin no/ /dpal rgya nag byang phyogs lam gyi rim pa/ rje btsun rdo rje phag mo sgrub pa'i thabs byang chub sems dpa' rgyal po seng ge'i gdong can khyab 'jug spangs pas nges par sbyar ba rdzogs so// //rgya gar kyi mkhan po dpal a wa d+hU tI pa chen po/ rgyal po'i sras 'jigs med lha'i zhal sngar shAkya'i dge slong rje btsun pradz+nyA tI rtis bsgyur ba'o// //

CLOSE WINDOW