180a4 sgron ma bzhi zhes bya ba'i man ngag gi TI kA las/ gsang ba'i sgron ma ste bzhi pa rdzogs so// //rgya gar gyi mkhan po chen po shrI d+ha ra nyid kyi zhabs kyi zhal snga nas kyis bsgyur cing gtan la phab pa'o// @##/ /rgya gar skad du/ shrI badzra bA rA hI sA d+ha naM/ bod skad du/ dpal rdo rje phag mo'i
180a5 sgrub thabs//dpal rdo rje phag mo la phyag 'tshal lo/ /'dir bsgom pa la dbang bar gyur bas/ ri bo la sogs pa ji skad gsungs pa'i gnas su bde ba'i sten la 'dug nas sems can gyi don la mngon par brtson pa'i blos/ rang gi snying gar nyi ma la gnas pa'i baM yig li khri'i mdog ltar
180a6 dmar ba'i 'od zer gyis//bla ma dang sangs rgyas dang byang chub sems dpa' dang bcas pa'i rdo rje phag mo gsal bar bltas la yid las byung ba'i mchod pa rnams kyis yang dag par mchod pa/ sdig pa bshags pa la sogs pa bya'o/ /de nas byams dang snying rje dang / dga' dang btang snyoms
180a7 las 'das pas//chos kun gdod nas gnas pas na/ /ngo bo nyid med des rtogs bya/ /stong pa'i nam mkha' paM byung ba'i/ /chu skyes dmar po'i dbus gnas pa'i/ /dbyangs dang gsal byed las byung ba'i/ /zla ba nyi ma'i rnam par bsgoms/ /de dbus baM las dza ba ltar/ /dmar
180b1 ba'i rdo rje'i me dbus su//slar yang baM yig de 'od spros/ /bsdus las rang lha'i gzugs su rdzogs/ /pad+ma rA ga'i mdog mtshungs pa/ /zhal gsum phyag ni drug pa ste/ /spyan gsum dbu skra grol ba mo/ /thod pa'i phreng bas dbu brgyan cing / /rgyan rnams thams cad yongs su
180b2 rdzogs//sems dpa'i skyil krung gis bzhugs pa'o/ /rdo rje dril bu 'dzin 'khyud cing / /mda' dang gzhu ni 'gengs pas 'dzin/ thod pa kha T+wAM ga bcas dang / /lcags kyu mchog gis dgug pa dang / /rdo rje gsum gyis byin brlabs nas/ /ye shes mchog dang mnyam sbyor bas/ /
180b3 rang snying baM yig las 'od zer/ /spro dang bsdu ba'i bzlas pa bya/ /oM shrI badzra bA rA hI AHbaM hU~M hU~MphaT swA hA/ /sprul ba'i 'khor lor dbyangs kyi dang po thig les rnam par brgyan/ /snying dbus dro ba'i bzhi pa u yig bsil zer stong pas mdzes/ /longs spyod 'khor lo'i dbus su son pa'i rig
180b4 byed dang po nyid//spyi bor k+Sha lhag nA da dang bcas thig les rnam mdzes pa'i/ /srog dang rtsol ba legs bsdams pa'i/ /ye shes me ni rnam par 'bar/ /rlung bral mar me ltar gsal zhing / /glog gi 'od mtshungs gyen song bas/ /thugs kyi rdo rje'i gnas son mchog gi sa bon
180b5 legs bsregs nas//gsung gnas bzhugs dang sku yi rdo rje'i yi ge rnams bcom ste/ /bde chen gnas 'gro lus can rnams kyi skyed byed zhu ba las/ /'dzag pa gang yin 'di ni kun dga' mchog gi gnas ster ba'o/ /mchog tu dga' ba'i mthar gnas pa/ /ye shes ci 'dra de
180b6 'dra ba//rgyun mi 'chad pas mngon goms pas/ /sems ni gnyis su med par 'gro/ /snying gi pad+mar zla ba nyi ma kha sbyar dbus gnas pa/ /phra ba'i thig le gsal ba'i gzugs kyis gnas pa rnam bltas te/ /der ni yang dang yang du srog 'gog sbyor ba las 'das pas/ /mkha'
180b7 mnyam dri med mchog ni rnal 'byor pas mthong 'gyur//lus kyi dbus gnas skud pa la/ /phra ba'i rnam shes 'gro 'ong ba/ /rtse gcig sems kyis goms byas na/ /rtog med ye shes yang dag 'jug /dpal rdo rje phag mo sgrub pa'i thabs/ /A tsar+ya pradz+nyA b+ha dras mdzad pa
rdzogs so/

CLOSE WINDOW