CLOSE WINDOW

D1538
བོད་ཡིག

/rgya gar gyi mkhan po d+harma shrI b+ha dra dang / zhu chen gyi lo tsA ba dge slong rig pa gzhon nus bsgyur cing zhus te gtan la phab pa'o// @##/ /rgya gar skad du/ shrI tsa kra sam+ba ro da ya nA ma maN+Dal no pi kA/ bod skad du/ dpal 'khor lo bde mchog 'byung ba zhes bya ba'i dkyil 'khor gyi cho ga//dpal rdo rje sems dpa' la phyag 'tshal lo/ /rnal 'byor bdud rtsi ro gcig gsol bas rnam par dag pa'i thugs/ /gnas la sogs pa yul du bgrod pas rnam par dag pa'i sku/ /dpal ldan gnas kyi dbus na dkyil 'khor 'khor lo'i mchog /bla ma mchog la rtag tu spyi bos btud de phyag 'tshal lo/ /gang gi rgyud ni de nas shes/ /zhes sogs rdzogs pa gsung che ba/ /'khor lo sdom pa 'dren pa mo/ /rdo rje phag mo de phyag 'tshal/ /lha mo'i phreng bas brgyan cing rin chen sku/ /lus kun la ni rtag tu sa bon gyis mdzes pa//'khor lo la gnas rang bzhin dri ma med/ /rtag tu sdom par sbyor ba'i snying po la phyag 'tshal/ /pad+ma mchog gi nang na snying po yi ge e 'dra'i gzhi/ /de yi dbus na dang ba mchog dang kun+da dkar po ltar skyes thams cad bdag /thams cad mkhyen cing legs pa rnam dag sangs rgyas gzhi dang lha mo'i gzhir gyur mdzes//lhan cig skyes pa dri med mchog tu dga' ba 'dren pa bde mchog dpal la bdag phyag 'tshal/ /dpal ldan rin chen mngon brjod ri ni rdo rje thugs kyi rang bzhin mchog gi gzhi/ /gcig tu dpa' bo bzhugs shing sna tshogs mang por spro ba 'byung gnas sgra yi tshul//rnal 'byor chen po mchog gi 'khor lo bzang po mang po'i dbus su nges par ngo mtshar yang / /de ru gnas nas bdag gzhan skye bo la phan sgrub pa'i thabs bshad bya/ /gcig tu thugs ni snying po lhan cig skyes pa dpe med rdo rje spyod pa'i bdag /rdo rje lha mo phag mo dang ni bla ma mchog gi zhabs la lus kun phul nas phyag byas te/ /dag dang ma dag bdag gis mi shes rtag tu rang yid bde ba skyed pa'i phyir/ /gang zhig bdag gis cung zad thob pa'i dkyil 'khor bri ba'i chog bdag gis bshad//ji ltar ba lang shi ba'i blo las dUr ba'i myu gur skye ba dang / /yung ba dang ni phye mar gyur par rdzas rnams dmar por 'gyur ba dang / /'khor ba'i rdo rnyed pas ni myur du lcags 'khor 'gyur ba bzhin/ /sems la rol pas rnal 'byor pa ni rnal 'byor rin chen de bzhin no//'dir ni gang gis gzhung mang ba'am/ /nyung ba mthong bar 'gyur ba de/ /bla ma'i skyon min bdag blo'i nyes pa yin/ /gang yang dkrugs dang ma dkrugs lugs 'byung lugs bzlog za ba pa yin/ /rgyud 'di bla ma'i man ngag las shes rang nyid dran phyir 'di bri bya/ / gzhan phan la brtson rnal 'byor pa/ /bsam dang bsam med ting 'dzin ldan/ /rnam par mkhas shing rnam par rgyas pa'i zhal/ /rtag tu srid pa zhi bar mdzad pa'i rang bzhin can/ /thog mar chu dang thod la gtsug tor rdo rje dang / bdag po bsnyems par byas dang ming dang rig pa'i dbang //mchog tu dga' bar byas pa gsang ba rnal 'byor ma ni ye shes dbang / /ming btags gyur nas lung bstan dbugs dbyung mtha'/ /dngos grub bsgrub pa'i don du nges par sdom zhes bya ba'i 'khor los sgyur/ /mar ngo'i tshes brgyad dang ni gang zhig mar ngo'i bcu bzhir gyur dang zla ba yi//mtshan mo mchod byas bla ma'i zhabs dang dpa' bo la btud nas/ /dag cing gcig tu dpa' bos skye bo kun la phan pa'i don du der ni brtsam par bya/ /de bzhin du yang gsungs pa la/ /dkyil 'khor ji bzhin de bzhin du/ /gang gis nus par rab tu brtag/ gang gi lhag pa'i lhar sbyor bas/ /sgrub pa'i dkyil 'khor brtag par bya/ /bsod nams don dang slob mas bskul/ /sngags pas sgrub pa'i don du bri/ /gzhan du rdzas kyi don du ni/ /skye ba bye bar dngos grub med/ /lhan cig skyes don bstan pa yi/ /dkyil 'khor bsgrub pa la/ sogs pa/ /'khor lo sdom pa'i rgyud kyi ni/ /dkyil 'khor bri bar mi bya ste/ /dngos grub don du dam bcas nas/ /bde mchog gi ni dkyil 'khor bri/ /gang du'ang mchog tu ma yin zhes/ /nges med don du bdag gis bstan/ /lhan cig skyes byas rnal 'byor ma la myur du gus/ / rmongs pa kun spangs sdig pa kun las grol/ /rnal 'byor snying la sbas shing brda yi dngos po goms/ /bde bar 'dri zhing dag pa'i sems ldan rnal 'byor pa/ /gang la yod pa'i rnam rtog tshes grangs dang ni smyung ba la sogs med/ /de ni bde mchog byang chub mchog 'di nges par rnyed//rang yid nges byas rgyud kyi dkyil 'khor bri bar ldan/ /gcig tu rnal 'byor kun dang gsang ba kun rig pa/ /de nas cho gar ldan par gcig tu gsang sngags 'bum du bzlas/ /yi ge bdun dang snying po yang ni de bzhin gsung / /snying rjer bcas pa'i 'od kyi tshogs kyis bdud kyi las 'jig pa//dpa' bo dpa' mo'i dbang phyug ma yi nges par khri phrag gcig tu bzlas/ /rang yid yongs su dga' zhing he ru ka yi bka' thob dang / /rang bzhin las skyes 'khor lo'i lha dang lha mo'i lung thob dang / /rnal 'byor pa de brtan par gyur cing dkyil 'khor 'dri la brtson//'dir ni nga rgyal can dang brkam chags sems ma yin/ /dpal ldan o D+ya na gnas nas bla ma'i gsung gi rim pa las mngon du/ /bdag nyid dga' ba'i don du thams cad bdag gis smra/ /ji ltar bu ram mngar ba dang / /me ni tsha ba ji bzhin du/ /de bzhin lha mo dpal chen po'i//dga' ba'i ye shes rnam par gnas/ /de la rol pa lta bu yi/ /dkyil 'khor ltar gyur legs par gnas/ /lus kyi dkyil 'khor zhes bstan dang / /rdul tshon dkyil 'khor de bzhin nyid/ /ji srid nad med lus dang ni/ /rnam par mkhas pas brtsam par bya/ / dkyil 'khor gnyis po bsgrub don du/ /de srid he ru ka la brjod/ /g.yul chen mi sdug shin tu 'jigs/ /yi dags mo tshogs 'jigs pa'i sgra/ /'byung po sha za mo dang ce spyang mo la sogs/ /dur khrod du ni nges par sngon du bsnyen pa bya/ /shin tu shes rab la chags snying rjes brlan pa'i sems//rnal 'byor bdud rtsi myang ba'i chogs mi ngoms shing / /byams pa'i legs par spyad pas srid gsum dbang du gyur/ /dkyil 'khor sgrub pa'i thabs don rab tu brtsam/ /gang zhig bstan dang ma bstan pa/ /de kun he ru ka la gnas//'di don legs par shes byas na/ /'dus pa la sogs legs par gnas/ /bla ma'i legs pa'i zhabs gnyis ni/ spyi bo'i gnas su rnam par bsam/ /gnas sogs sbyor bas bkod nas ni/ /leg par mchod nas bsam gtan brtsam/ /g.yon pas brla mnan legs par brtan//rkang pas rdo rje skyil krung gnas/ /phur bu ri ba sngon rig pas/ /phyogs bcur dra ba khro gzugs kyis/ /lag na Da ma ru 'dzin cing / /rdo rje kha T+wAM phyag bsnams pa'i/ /he ru ka dpal zhes bya bsam/ /byang chub yan lag sogs kun gyis/ /legs mdzes de nyid rin chen bsgom//oM sum+b+ha ni sum+b+ha hUM phaT/ /oM gr-i h+Na gr-ih+Na hUM phaT/ /oM gr-ih+Na pa ya gr-ih+NA pa ya hUM phaT/ /oM A na ya ho b+ha ga bAn badzra rA dza hUM phaT/ /gzugs ni rnam par snang mdzad ces bya bar rtag tu 'gyur/ tshor ba rdo rje nyi mar rab tu 'gyur/ /'du shes dpal ldan rdo rje gar te 'du byed ni//rdo rje rgyal po yon tan sna tshogs gzhi/ /rnam par shes pa rdo rje sems te ma lus rgyal/ /rang bzhin tshogs kyi snying po ste/ /nges par he dang rdo rje 'di ni legs par nga rgyal thob par bsam/ /mig ni dpal ldan gti mug rdo rje lhan cig skyes pa yi/ /bde ba yid de rna ba zhe sdang rdo rje'o//sna ni ser sna rdo rje zhes grags kha la ni/ /mchog tu dga' ba las byung 'dod chags rdo rje'o/ /reg la ser sna rdo rje yul dang yang dag ldan gyur khams kyi dag pa de bzhin nyid/ /rnam pa kun gyis legs gnas mchog tu bde ba'i rnam par rnal 'byor ma chogs rol//sa ni dpal ldan spyan zhes grags pa byams pa ltung bar byed ma zhes bya'i lha mor rab tu bstan/ /chu yi khams la gsod byed ma gang rdo rje rigs kyi dngos po snying rje'i sems kyis brgyan/ /me la rno ba'i 'gugs byed ma gnas rlung la gar dbang phyug /nam mkha' la ni pad+ma'i 'od zer bde ba kun mdzad chos dbyings rang bzhin no//lus rjes dran pas dag pa'i chu yi gzugs ni mkha' 'gro ma yis rtag tu mtshan pa'o/ /tshor ba'i ming yang lA ma sgrol ma rlung gi rang bzhin no/ /chos rjes dran byed skye ba ru skyes du ma skyes ma zhes bya/ /sems rjes dran pa'i rang bzhin gzugs can ma de spyan zhes grags//'dun pa rab gtum gtum mig ma ni brtson 'grus rdzu 'phrul rnam par 'phrul/ /'od ldan ma ni dpyod pa sna chen ma ni sems su gyur/ /dpa' bo'i blo ma dad dbang gsungs/ /brtson 'grus dbang po mi thung ma/ /lang ka zhes grags dran ma'i ming //ting 'dzin ming ni ljon grib ma/ /lha mo chen mo sa srung ma/ /shes rab dbang por yang dag byung / /dbang po lngar grags 'di rnams ni/ /lha mo de yi bdag nyid can/ /dad stobs shin tu dpa' mo ste/ /rlung gi shugs ma brtson 'grus so/ /chang 'thung ma ni dran pa nyid//sngo bsangs lha mo ting 'dzin skyes/ /shin tu bzang mo shes rab stobs/ /phyag rgya lnga stobs dag par gsungs/ /rta rna ting 'dzin yan lag gyur/ /brtson 'grus yan lag bya gdong ma/ /'khor lo'i shugs ma rtag tu dga'/ /shin tu dbyangs ma dum skyes ma//chos yan lag ni shoN+Di nyid/ /'khor lo'i go cha dran yan lag /btang snyoms yan lag rab dpa' mo/ /byang chub yan lag bdun grags pa/ /yan lag 'dis ni rtag tu mtshan/ /rnal 'byor sa yi steng na rol/ /yang dag lta ba stobs po che ste yang dag dag ni kun rtog legs par za//yang dag rtog pa legs pa'i 'khor lo ma ste rtag tu sems can mchog phan brtson/ /yang dag rtag tu sna tshogs mdzes pas brgyan pa'i brtson 'grus chen mo yi/ /yang dag las ni pha rol gnon la mkhas pa de ming khwa yi gdong can ma/ /yang dag 'tsho ba nyin re bzhin du mchog tu legs par srung ba 'ug gdong mngon brjod mchog /yang dag rtsol ba rtag tu mdzes pas yang dag brgyan pa lha mo khyi gdong ma/ /yang dag dran pa nye bar spyod pas mdzes pa phag gdong zhes bya nyid/ /lha mo 'di dag thams cad rnam pa kun gyi mchog ldan rang gi las la mkhas pa'o//bsod nams ma skyes bskyed pa gshin rje brtan mar gyur pa nyid/ /dpag tu med par rtag tu bsod nams bskyed pa srung ba gshin rje pho nya mo'o/ /ma skyes pa yi sdig pa spang ba gshin rje mi che bar rab tu grags/ / skyes pa'i sdig pa spong ba gshin rje 'joms mar gsungs/ /bdun pa bzhi'o/ /ting 'dzin yang dag rang bzhin dpal ldan phag mor shin tu legs par gnas/ /sum cu drug tu 'byung ba yi/ /byang chub yan lag de yis rdzogs/ /so dang sen mo'i phyogs su mgon po thod pa'i dum bu ste//thog mar chen po keng rus mtha' ni skra dang spu ru byung / /grub pa'i dpa' bo rkang rus pags pa dri ma rnam dag sha la 'jigs pa'i mche bar gyur/ /dpe med ro yi rang bzhin chad dgra dpag med yon tan rnam 'gyur dpag med 'od ni rus par byung / /yid la byas pa'i snying ni rdo rje 'od kyi rang bzhin dri med snying gi phyogs su rdo rje lus su gyur//mig la myu gu can dgod mkhris pa la ni ral can gnas/ /glo ba la ni dpa' bo chen po rgyu mar hUM mdzad mdzes/ /gnye mar shin tu rab tu bzang po grod par rdo rje bzang / /'jigs byed bshang ba'i lam ste mig mi bzang ni mdoms par mdzes//bad kan stobs po che ste rin chen rdo rje rnag la bsam/ /khrag la rta mgrin nam mkha'i snying po rdul du gyur/ /tshil la he ru ka dpal mchi mar pad+ma gar/ /mchil mar mgon po rnam snang mdzad de snabs la dang po'i sangs rgyas gyur/ /brtan pa dpa' bor yang dag gsungs//rnal 'byor ma ni g.yo bar gnas/ /gnyis po sdud par gyur pa ni/ /he ru ka yi yan lag gsungs/ snying ga'i dbus der rdo rje mgon po hUM yig 'od dang ldan/ /spros pa'i 'od kyis gsal bar bsams nas cho ga bzhin du dang por rdo rje ldan pa'i phur bu sogs dbus su//snying ga mgo bo spyi gtsug phrag pa mig dang yan lag kun te yan lag drug /dgod byas dpe med bde mchog ces bya'i gzi rab 'bar ba gsungs/ /dang po dang ni snang mdzad nyid dang pad+ma gar dbang che/ /he ru ka dang rdo rje nyi ma yan lag drug la rta dang yang dag ldan//oM ha na ma hi swA hA hu bo ShaT he hUM hUM ho phaT haM/ /lte bar phag mo gshin rje ma ni 'bar ba'i phreng ba can te snying gar rnam par gnas/ /kha la gti mug pa ste mgo bor shin tu mdzes pa'i skyod byed ma'o/ /spyi gtsug dbus su skrag byed ma ni 'jigs pa'i gzugs can 'bar ba'i me dang 'dra//yan lag kun gyi phyogs su gtum mo lus la mchog tu brgyan pa'i sngags ni lus kyi go cha'o/ /oM baM haM yoM hriM moM hreM hriM hUM hUM phaT phaT/ /snying po'i gsang sngags bzhi ni lhan cig skyes gyur rtag tu dga' ba'i rang bzhin sems/ /rnam kun gcig tu snying po 'phro ba'i sprin mkha' 'gro yi dra bar rol//rtog dang rtog med las grol thub pa'i yon tan skyes shing bde mchog ces bya shin tu legs par gnas/ /blo bzang pos ni rdo rje mchog gi kha dang lte ba snying ga klad par bsam par bya/ /oM sarba bud+d+ha DA ki nI ye badzra bar+Na nI ye hUM phaT swA hA/ oM badzra bai ro tsa nI ye swA hA/oM hriHha ha hUM hUM phaT/ oM shrI badzra he he ru ru kaM hUM hUM phaT/ DA ki nIdzA la sam+ba ra swA hA/ shar gyi zhal du mkha' 'gro ma/ /g.yon pa'i zhal du lA ma'o/ /rgyab kyi zhal du dum skyes ma/ /lho yi zhal du gzugs can ma'o/ /gcig dang du ma'i rang bzhin mchog tu bde byed rtag pa la sogs rang bzhin can/thod pa bzhi po gang zhig bdud rtsi rang bzhin ldan zhing stong nyid las byung sna tshogs pa/ /dga' kun gcig tu snying pos gsum skyes pad+ma'i lte ba'i phyogs/ /de yang rtag tu rang bzhin las skyes gcig tu dpa' bo sangs rgyas kun gyi rang bzhin dgod//bu ste mgo bor rab gtum mo ni thod pa ldan pa spyi gtsug tu/ /dzA lan+d+ha ra zhes byar keng rus chen po dang ni gtum mig bzhugs/ o ste rna ba g.yas pa o rgyan zhes bya bar/ /keng rus dang bcas 'od ldan ma dang a ni ar bu der gnas pa/ /mche ba rnam par gtsigs dang sna chen ma ni rgyab kyi tshigs par gnas//'di ni stan gyi rnam par dgod pa bde mchog nang nas gsungs/ /go ste rna ba g.yon pa go dA bA ri zhes bya bar/ /dpa' bo'i blo ma dang ldan chang la dpa' bo legs par bzhugs/ /smin ma'i dbus su rA ste rA me shA rar legs par rnam gnas pa//'od dpag med dang ldan pa'i mi thung ma ni khro bo'i gzugs can ma'o/ /de ste mig gi phyogs su de bI ko Ta ri rnam gnas pa/ /dpa' bo chen po rdo rje 'od dang lang+ka'i dbang phyug yang dag ldan/ /mA ste dpung pa'i rtsa bar mA la bar grags shin tu legs gnas pa//rdo rje lus dang shing grib ma ste nye ba'i gnas su rab tu grags/ /thugs kyi 'khor lo'i rang bzhin gyi/ /dpa' bo dpa' mo'i dbang phyug bzhugs/ /mkha' spyod ces pa'i 'khor lo ni/ /'khor lo bde mchog las rab bstan/ /kA zhes pa ni kA ma rU pa mchan khung dag la rnam gnas pa//dpa' chen myu gu can dang e rA wa tIr yang dag ldan/ /o ste nu ma'i phyogs su o T+yer rdo rje ral pa can dang ni/ /'jigs byed chen por ldan par bzhugs zhes mngon par brjod/ /tri ste tri sha ku ner lte ba'i phyogs su rtag bzhugs pa/ /dpa' bo chen por yang dag ldan pa'i rlung gi shugs ma legs pa'i gzugs can ma'o//ko ste sna yi rtse mor rdo rje hUM mdzad ko sa lar/ /chang 'thung ma dang yang dag ldan pa nye ba'i zhing du rab tu grags/ /ka ste kha yi phyogs su sh+yA ma de bir yang dag ldan/ /rab tu bzang por grags pa bsten par gyur pa ka ling+gar ni rdo rje 'chang ba'o//la ste mgrin pa'i phyogs su lam pA ka zhes bya bar rnam gnas pa/ /rdo rje 'od dang shin tu bzang mor yang dag ldan pa tsha n+do ha'o/ /kA ste snying gar dgod pa kA ny+tsi phyogs su rnam grags la/ /dpa' bo chen por yang dag ldan pa'i rta rna ma ni 'jigs pa'i gzugs//hi ste mdoms su 'bar ba chen po mig mi bzang ni bya gdong ma dang yang dag ldan/ /hi mA la ste nye ba'i tshan do zhes su grags/ /gsung gi 'khor lo sa la spyod pa lha mo 'dzum par bcas pa'i dpa' bo yang dag ldan/ /dngos grub thams cad rtag tu byed cing lhan cig skyes pa'i dga' bas legs par gnas//pre ste pre ta pu rir rdo rje'i phyogs su rnam gnas pa/ /stobs po che dang yang dag ldan pa'i 'khor lo'i shugs ma'i rnal 'byor ma'o/ /gr-i ste bshang ba'i gnas su gr-i ha de ba tA dang yang dag ldan/ /dum skyes ma dang rin chen shin tu legs par gnas pa 'dus pa'o//brla yi phyogs su rta mgrin shauN+Di nI dang lhan cig 'di ni 'dod pa'i lha mo'o/ /sau ste sau rASh+Tar rdo rje dra bar ldan ma'o/ /su ste byin pa dag la 'khor lo'i go cha ma nyid dang / /nam mkha'i snying por yang dag ldan pa gser gling la legs gnas/ /de ni dpa' po'i nye ba'i 'dus pa 'on te sor mor legs gnas pa//na ga rar ni he ru ka dang ldan pa'i lha mo shin tu dpa' mo'o/ /si ste sin+d+hur rkang pa'i bol la pad+ma gar gyi dbang phyug dang / /stobs chen mo dang yang dag ldan zhugs dur khrod do/ /ma ste mthe bo'i phyogs su ma rur rnam par snang mdzad bzhugs//'dod pa'i dngos grub kun ster dgyes nyid 'khor los sgyur ma'o/ /ku ste pus mo'i phyogs su ku la tA ra ni rnam dag pa/ /rdo rje sems dpa' brtson 'grus chen mor yang dag ldan par rtag tu gyur/ /sku yi 'khor lo sa 'og spyod pa'i lha mo rnam par gnas/ / 'khor lo gsum bkod nang dang phyir bcas gnas par bstan/ /pu la sogs par bkod pa'i dpa' bo rdo rje sems dpa' dang por brjod/ /pad+ma nyi mar ldan pa'i gdan la rnal 'byor mas ni legs par bsrung / /yan lag la dgod smra ba slob dpon gzhan gyi gzhung / /lugs gnyis gang 'dod de blangs nas ni legs par spyad//sa bon thig le yang dag ldan par gang zhig kun du gyur/ /de ni 'bras bu yin zhes rnal 'byor pa yis gsungs/ /thig les kun du khyab cing gang phyir mi 'gyur mtshan nyid gyur pa gang / /de ni dgar gyur dga' las lhan cig skyes par gyur//lhan cig skyes pas 'gro ba bskyed pa bskyed pa'i lhan cig skyes par gyur/ /bskyed pa'i lhan cig skyes pa'i bye brag 'di ni kun rdzob ces su bdag gis bstan/ /lha mo khwa dang 'ug pa'i gdong can dang / /khyi yi gdong dang phag gi gdong can dang / /zhal la dgod par gsungs pa zhal bzhi rnam dag pa//gshin rje brtan ma dang ni gshin rje pho nya mo/ /gshin rje mche ba ma rnams de bzhin nyid/ /gshin rje 'joms ma dang ldan dgod pa ni/ /mtshams su bzhugs par gyur pa'o/ /pha rol phyin bcu rnam dag pa/ /sa bcu rnams su rab tu gnas/ shes pa bcu yi rang bzhin bdag /bcu yi dbye bas rnam par gnas/ /stan ni rab tu dga' ba'i sa/ /de ni sbyin pa'i pha rol phyin/ /dri med tshul khrims yang dag ldan/ /nye ba'i stan du rab tu grags/ /zhing ni 'od byed shes par bya/ /de ni bzod pa'i pha rol phyin//nye ba'i zhing ni brtson 'grus gyur/ /'od 'phro ba dang yang dag ldan/ /tshan+do bsam gtan yang dag ldan/ /mngon gyur zhes bya'i sa ru gnas/ /nye ba'i tshan+do shes rab ste/ /de ni sbyang dka'i sa zhes bya/ /'dus pa rtag tu thabs yin te/ /ring du song ba'i sa ru gnas/ / nye ba'i 'dus pa rtag tu ni/ /mi g.yo ba dang thabs su gnas/ /dur khrod smon lam rtag tu gsungs/ /legs pa'i blo gros sa dang ldan/ /rgyal chen dpal dang he ru ka/ /de ru rol pas legs par bzhugs/ /rnam pa kun gyi mchog ldan pa/ /rang 'byung mchog gi dbang phyug ste//ston pa dpa' bo kun gyi gzhi/ /rnam pa kun gyi mtshan nyid gcig /sa gzhan dang por tshogs ldan tha mar sprin te rtag tu ye shes mchog tu grags/ /nye ba'i dur khrod 'byung po'i gnas te he ru ka chags bdag gis bstan/ /stan ni sdug bsngal dag tu shes/ /nye ba'i stan ni kun 'byung ste//zhing gi ming ni 'gog pa'o/ /lam ni rtag tu nye ba'i zhing / /zad pa shes pa tshan+do ha/ /nye ba'i tshan+do mi skye ba/ /chos ni 'dus pa nyid yin no/ /nye ba'i 'dus pa rjes su shes/ /dur khrod kun rdzob shes pa'o/ /don dam nye ba'i dur khrod do/ /shes pa bcu yi rang bzhin gyis//gnas la sogs pa dag par grags/ /zab mo 'bum gyi mdo las kyang / /ye shes grags par gyur pa yang / /sangs rgyas gzugs kyi rang bzhin du/ /'khor lo bde mchog la gnas pa'o/ /'chad par 'gyur ba'i phyag dang ldan/ /kha dog mtshon cha dang ldan pa//lha mo rnams dang dpa' bo kun/ /pu l+lir la sogs rab bsam bya/ /byang chub kyi chos sum cu bdun/ /rnal 'byor ma yi dag pa'o/ /sen sogs yan lag bkod pa yang / /de ni go cha chen por bran/ /rnal 'byor 'di dang yang dag ldan/ /lhan cig skyes pa gzhan yin no//phyi rol nang dang mnyam ldan pa/ /he ru ka skur yang dag gnas/ /ma skyes pa yi rang bzhin phyir/ /stong pa zhes ni mngon par brjod/ /gang phyir rgyu dang bral ba'i phyir/ /de ni mtshan ma med par brjod/ /oM shU n+ya tA dz+nyA na badzra swa b+hA ba At+ma kou0f85haM/ thog mar s tong bsgoms de rjes mkha' byas rlung dang me dbus chu//gzhi bsam gzhan yang brgya byin rdo rjes mtshan pa'i gzugs su byung / /de steng rtse mo brgyad dang mtshan pa'i ri rab rtse mor gser gyi rdo rje dang ni gzhal yas khang / /gcig tu me tog sna tshogs kyis mdzes sna tshogs mang po'i ras chen bzang pos gcig tu mdzes//dril bu 'phan dang yang dag ldan pa'i sgra yis phyogs su grags shing dril chung snyan pa'i sgra/ /'khor lo'i rnam pa'i rang dbus kha sbyor gsum mchog me tog phreng bas mdzes/ /phyi rol sgo bzhir rta babs chen po nyid kyis mchog tu mdzes/ /dbus su sna tshogs pad+ma la gnas srid pa las byung rdo rje sngon po chen po'o//de'i mthar bde mchog ces grags yul dang yang dag ldan pa 'byung ba lnga yi rang bzhin can/ /sngon po lta bu'i 'od bzang ldan zhing lte bar byas pa yid ni hUM las byung ba mtha' yas mgon po'o/ /spros pa'i shes rab yan lag sbyor ba phyogs su phyir bzlog gyur nas bsdus te rdo rje mgon po'o//sgyu ma lta bu'i rang bzhin srid pa kun dang mnyam pa pad+ma'i dbus su bsgom/ /du ba lta bu'i 'od zer bzang po thog mar gtso bo'i zhal ni zla tshes lta bu yi/ /mche ba ldan zhing g.yon pa'i zhal bzang ljang gu rgyab zhal rnam par 'gyur ba bzang po'i spyan//g.yas par ha har dgod bcas hi hi zhes zhi gser 'dra shin tu 'jigs/ /g.yas pa brkyang bas dus mtshan dang ldan 'jigs byed mnan cing dri med mkha' 'gro dra bas rol/ /mgo bo lnga bcu'i phreng bas brgyud pa'i do shal mdzes par 'phyang bas brla nas phrag pa'i bar//lus ni phyag rgya drug brgyan mi mgo sna tshogs bcings shing dbu skra kham pa gyen du brdzes/ /cod pan zla ba phreng bas mtshan pa sa steng mun pa sel ba spyi bor sna tshogs rdo rjes mtshan/ /sbyangs par gyur pa'i phyag chen po ni mchog gyur mang po zad byed 'phro ba'i dril bu dag pa'i rdo rje'o//gang gi glang po'i pags pa khrag gis brlan pa gyen du 'phyar ba bsnams pas mdzes par bstan/ /g.yas na rno ba'i mdung dang zhags pa mchog ldan Da ma ru dang gri gug go/ /g.yon na kha T+wAM ga dang pad+ma sa gsum las rgyal zhags pa mgo bo bzang pos mdzes/ /rnam kun rang bzhin srid pa kun mnyam de yi gzugs su rab tu byed//phyag na rdo rje ldan zhing gdug pa kun la sdigs mdzub skra grol legs par dmar/ /rab tu chags pas mgrin par 'khyud cing zhal ni khrag gis gang zhing phyag g.yon pad+ma bsnams/ /thabs dang shes rab gcig tu spyor bas lhan cig skyes bde rtag tu dga' sems rang bzhin can//sprin ltar snang ba lha mo'i tshogs ni mtha' yas spro ba lha mo phag mo ste/ /zhal gyi grwa yi phyogs nas khrag 'dzag pas/ /yan lag kun la byugs pas mdzes pa dang / /mgo bo thod dang mgo yi phreng ba dang / /gcer bu mi yi rus pas rnam par brgyan//g.yas pa'i byin pas bdag po yi/ /g.yon pa'i brla ni yongs su 'khyud/ /'khor lo kun bdag sbyor ba yis/ /rnal 'byor pa rnams sems dga' ma/ /rtag tu khros pa phag gdong du/ /bdag gis brtags nas bshad pa'o/ /yang na bud med lta bu'i zhal//'khor lo'i gtso mo bsgom par bya/ /yang na de ni du ba'i mdog /dga' kun mtshan nyid gcig pa yi/ /yid bzhin nor bu lta bu yi/ /rdo rje phag mo bsgom par bya/ /'khor lo'i dbus rtag lha mo ni/ /gang zhig bskyod pa'i sbyor bas gnas/ /rdo rje phag gdong gtso mo ni//skyes pa lta bur byed par gsungs/ /rdo rje phag mo lha mo che/ /lha mo kun dang mnyam ldan pa/ /gtso bo'i gzugs kyis bsgom bya ba/ /bde mchog don du rnam par shes/ /stag gi pags pa'i gos dang ldan/ /spyan gsum rtag tu bsgom par bya/ /sil sil zer ba'i sgra yis ni//brla gnyis mnyam par khyab pa'o/ /'bar ba'i phreng khyab 'jigs pa'o/ /'jigs byed chen po 'jigs par byed/ /lhan cig skyes rol dur khrod de/ /lhan cig skyes dga' he ru ka /chags bcas 'khyud pa yang dag ldan/ /'o byed pas ni rtag tu gnas/ /bskyod pa chen po'i sbyor ba yis//'khor lo'i gtso bo bsgom par bya/ /zla ba'i kha dog lta bu'i khros pa ste/ /spyan gsum zhal ni lha ru gzigs/ /mche ba bzhi yi myu gus brgyan/ /dam pa'i don du rab tu grags/ /g.yas pa'i phyag na sa gsum las rgyal sna tshogs rdo rje gsor bas 'jigs/ / g.yon na dngos grub zla ba ltar dkar snod ni khrag gis bkang ba bsnams/ /phyag gnyis gtso la 'khyud pas lhan cig skyes pa'i bde ldan rdo rje dril bu 'dzin/ /ban du ltar dmar 'od tshogs mang po ldan pa'i rdo rje lha mo bsam/ /mkha' 'gro ma dang lA ma dang / /dum skyes ma dang gzugs can ma//dga' dang bde bas mgu ba yi/ /rdo rje sbyor bas bsgom par bya/ /sngon po ljang gu dmar po'i sku/ /ser ba'i 'od nyid rnal 'byor ma/ /phyogs bzhir pad+ma'i 'dab ma la/ /lhan cig skyes dga' shin tu mdzes/ /grub pa'i rnal 'byor ma bzhi po/ /phyi dang nang na yang dag bzhugs//chu dang rlung dang me chen po/ /sa yi rnam pa'i dngos por byung / /byams pa smon lam mA ma kI/ /btang snyoms ye shes sgrol ma ste/ /gos dkar mo ni stobs su gsungs/ /phyag rgya mngon 'byung byed pa mo/ /btang snyoms spyan mar grags pa ste/ /snying rje dang ni mnyam ldan na//mkha' 'gro ma sogs rnam dag pa/ /bla ma'i rim las 'ongs pas bstan/ /mkha' 'gro ma sogs gzugs bzang ro yis stan byas phyag na pad+ma kha T+wAM ga /g.yas pa'i phyag ni gri gug dang ni Da ma ru ldan bsnams shing skra grol spyan gsum pa'o/ /phyag rgya drug gis sku la brgyan cing mi mgo mchog gi thod 'chang gcer bu'i gzugs can shin tu 'jigs//stan la g.yas brkyang bzhugs shing rnam 'gyur zhal mdzad hUM sgrogs dga' ba'i snying po'o/ /stag gi pags pa'i na bza' dang / /mi ro'i steng na legs par bzhugs/ /dngos grub kun ster bsam par bya//lho dang shar dang rgyab dang ni/ /nub kyi phyogs kyi cha ru ni/ /zhal bzhi zhal rnams nyid kyis ni/ /'o byed par ni rnam par bsam/ /rgyal po dang ni rgyal rigs nyid/ /ma dang pha dang mnyam ldan pa/ /rgyal rigs sogs gzhan blangs nas ni/ /thod pa rnams ni mtshams su gzhag//mchod pa bzhi po legs gsungs pa/ /gti mug chen po rnam dag pa/ /mchod pa'i don gyis 'khor lo yi/ /'khor lo bde mchog dpal las gsungs/ /rab gtum thod pa'i dum bu ni/ /lho yi rtsibs la rnam par gnas/ /gtum mig ma dang yang dag ldan//keng rus chen po shar phyogs su/ /'od ldan ma dang legs sbyor ba/ /keng rus byang gi cha ru'o/ /sna chen ma dang yang dag ldan/ /mche ba rnam gtsigs byang du'o/ /dpa' bo blo ma yang dag ldan/ /chang la dpa' ba bden bral du/ /'od dpag med dang mi thung nyid//rlung gi phyogs su rtag tu bzhugs/ /rdo rje 'od ldan lha mo ni/ /lang+ka'i dbang phyug ma rtag tu/ /dbang ldan phyogs su legs par bzhugs/ /'di dag sems can kun don mdzad/ /me phyogs rdo rje lus dang ni/ /ljon grib ma dang yang dag ldan/ /thugs kyi 'khor lo mkha' spyod du//bde mchog las ni 'di dag gsungs/ /thugs kyi 'khor lo'i phyi rol du/ /rdo rje sngon po'i phreng bas bskor/ /dpa' bo dpa' mo'i dbang phyug sngo/ /sangs rgyas tshogs 'phro yang dag ldan/ /sa srung ma dang yang dag ldan/ /myu gu can ni lho ru dgod//'jigs byed chen po dang lhan cig /rdo rje ral can shar du bzhugs/ /byang du 'jigs byed chen po dang / /rlung gi shugs ma legs par bzhugs/ /nub tu rdo rje hUM mdzad dang / /chang 'thung ma dang yang dag ldan/ /sngo bsangs lha mo legs sbyar ba/ /shin tu bzang po bden bral phyogs//rdo rje bzang dang shin tu bzang / /lhan cig rlung gi phyogs su brten/ /dbang ldan phyogs kyi gnas su ni/ /rta dang shin tu 'jigs byed mdzes/ /me phyogs bya gdong ma dang ni/ /mig mi bzang dang yang dag ldan/ /sa spyod gsung gi 'khor lo ste/ /pad+ma'i phreng dang yang dag ldan//spro zhing bsdu bar byed pa po/ /rtag tu kha dog dmar por bsgom/ /lhor ni rtag tu stobs chen dang / /'khor lo'i shugs mas mdzes pa'o/ /dum skyes ma dang yang dag ldan/ /rin chen rdo rje shar du dgod/ /shauN+Di nI sbyor yang dag ldan/ /rta mgrin byang gi phyogs nyid na'o//nam mkha'i 'khor lo'i go cha ma/ /chu yi phyogs su dgod par bya/ /he ru ka dpal su bI ra/ /rtag tu bden bral du bsgom bya/ /pad+ma gar gyi dbang phyug dang / /stobs chen po ni rlung gi phyogs/ /'khor los sgyur dang gti mug che/ /rtag tu dbang ldan du bsgom bya/ /rdo rje sems dang brtson chen mo//sku yi 'khor lor bsam par bya/ /phyi rol 'khor phreng dkar po'o/ /kha dog dkar por rnam par bsgom/ /'di ni sa 'og 'khor lo yi/ /sbyor ba'i mtshan nyid gyur pa'o/ /dpa' bo thams cad phyag bzhi ste/ /g.yon na kha T+wAM 'dzin pa'o/ /Da ma ru ni g.yas na 'dzin//ral pa bcings pas rnam par mdzes/ /spro zhing sdud pa'i gzugs can te/ /ro yi gdan la legs par bzhugs/ /g.yas brkyang ba dang yang dag ldan/ /rus pa'i phreng bas rnam par brgyan/ /phyag na rdo rje dril bu dang / /lha mo 'khyud la mchog tu brtson/ / gcer bu'i gzugs can hUM zhes sgrogs/ /mgo yi phreng bas nye bar mdzes/ /lhan cig skyes dga' 'khor lor bcas/ /dpa' bo rnal 'byor ma bsgom bya/ /dpa' bo kun dang mnyam sbyor bas/ /bde mchog ces bya rnam par 'byung / /rab gtum mo sogs lha mo de/ /zhal gcig gis ni mdzes pa'o//phyag gnyis dbu skra grol ba ste/ /gcer bu mi rus sogs pas brgyan/ /g.yon na khrag gi thod pa ste/ /g.yas na sdigs mdzub gri gug go/ /thams cad spyan gsum hUM sgrogs pa/ /mchog tu dga' ba'i gzugs su byung / /rig ma'i sked par ske rags te//rab tu 'bad nas bsgom par bya/ /gcig dang du ma'i rang bzhin can/ /gdug pa'i khrag gsol ba la dgyes/ /mkha' 'gro ma sogs lha mo bzhi/ /sngon du g.yon du bskor ba can/ /gang phyir 'gro kun g.yon las byung / /de nas bde mchog las ni gsungs//dkar po sngon po mnyam sbyor bas/ /nges par du ba lta bur gyur/ /mkha' 'gro ma ni sngon por stan/ /de nas mdun du legs par bzhugs/ /khwa dang 'ug pa khyi yi gdong / /phag gi gdong rnams de bzhin du/ /sngon po ljang gu de bzhin dmar/ /ser po'i 'od can sgo ru bzhugs//rtag tu bden bral mtshams su ni/ /gshin rje brtan ma mchog tu 'jigs/ /rlung phyogs rnam par dag bsgom pa/ /gshin rje pho nya mdzes pa'i zhal/ /dbang ldan gshin rje mche ba ma/ /g.yon pa'i sbyor bar gcig tu 'gro/ /shin tu rnam dag gshin rje 'joms//me yi gnas su rtag tu bsam/ /rim pa min dang rim pa yis/ /'di dag shin tu grags pa'o/ /rnal 'byor rgyud la rim min pa/ /rnal 'byor ma las rim pa gsungs/ /lha mo'i gzugs ni gzi brjid che/ /kha dog gnyis dang yang dag ldan/ /mtshams kyi lha mo mchog 'di dag//'gro ba'i bgegs ni rnam 'dren pa/ /g.yon na kha T+wAM pad+ma ste/ /g.yas na cang te'u gri gug go/ /'di dag sgo la sogs par bzhugs/ /he ru ka 'khyud legs par bzhugs/ /pu dzA o a go rA de mA kA o tri ko ka la kA hi pre kr-i sau su na si ma ku/ mkhas pas mgo dang spyi gtsug sogs//pu la sogs pa bsam byas te/ /lhan cig skyes dgas mdzes pa yis/ /'khor lo phyi nas spyan drang ste/ /rkang pa mnan cing gyen du blta/ /gyen du pheM gi sgra bsgrags shing / /phyogs bcu 'jig rten khams bzhugs pa'o/ /dpa' bo rnal 'byor ma rnams dgug /mdzub mo mdud pa byas pa dang / /gung mo sbyar bar byas nas kyang / /mthe bo mnyam par ldan pa ni/ /dpral ba'i phyogs su bzung byas te/ /de ltar phyogs bskor rnal 'byor pas/ /mgu ba'i gsang sngags brjod par bya/ /lhag gnas rang gi 'khor lor bzhugs/ /rdo rje pad+ma mchog dag pa//yi ge bya yis lte ba bskyed/ /yi ge byA las rdo rjer byung / /sngon du yan lag bzhi bkod nas/ /phyis ni bde ba legs par spyad/ /dang po'i dga' ba dpa' bo ste/ /mchog tu dga' ba rnal 'byor ma/ /thams cad lhan cig skyes dga' ste/ /legs par bde ba'i thabs su sbyor//mtho ris sa steng sogs 'jig rten/ /skad cig gis ni sku gcig gyur/ /'khor lo sdom las dga' kun gsungs/ /dpa' bo gnyis med yang dag ldan/ /lha rnams sems kyi rnam par snang / /lhan cig skyes nas 'khor lo'i dbus/ /snying rje che ldan rnal 'byor pas//phyi nang bdag nyid mchod pa yis/ /dkyil 'khor khyab bdag legs par mchod/ /sbyin bdag la sogs mi dmigs pas/ /mtha' gsum sbyor bas legs par gnas/ /gang du mchod cing bstod pa der/ /rgyud rnams las ni mthong ba'o/ /'di don legs par dpyad nas ni//mnyam par bzhag nas dpa' bo mchod/ /dpal ldan rdo rje mkha' 'gro mchog gi rnal 'byor ma yis mgul nas 'khyud/ /sku la dpa' bo'i phreng ba legs par byas shing rnam pa sna tshogs gzugs/ /'khor lo la gnas bde mchog snying rje chen po'i stobs kyis brlab/ khyab bdag khyod kyi zhabs kyi pad+mar rtag tu phyag 'tshal lo/ /ral pa la ni mi bskyod pas mdzes 'bar ba'i phyag rgyas rnam par brgyan/ /sangs rgyas kyi gzhi ru gyur cing dam pa'i don du gsungs pa'o/ /bdag gi bla ma'i blos gsungs pa/ /sna tshogs rdo rje ral pa'i steng / /de ni dbang bskur bar gsungs pa//brtul zhugs spyod pa'i rim las 'ong / /zur bzhi 'khor lo chen po ni/ /'dren pa rin chen 'byung ldan no/ /pad+ma 'dab brgyad de bzhin du/ /ral gri don yong grub pa'o/ /khwa sogs mchog gi lha mo rnams/ /rdo rje lcags kyu la sogs bsnams/ / lugs gzhan bsgom par bya ba'am/ /brgyad po ro yi steng na bzhugs/ /khwa la sogs pa'i lha mo rnams/ /gsungs pa ji bzhin de yi zhal/ /bdag gi bla ma'i rim las 'ongs/ /rgyu de yis ni bris pa yis/ /gzhan dag lha mo rnams kyi zhal/ /bud med gdong lta bu yin zer//rtag tu rnal 'byor ba yis ni/ /lugs gnyis gang 'dod blang bar bya/ /keng rus chen po dang keng rus/ /rta mgrin dang ni glang sna ma/ /bya gdong ma dang rta rna sogs/ /gsungs pa ji bzhin 'di dag bsgom/ /sna tshogs sprul pa'i gzugs kyis ni/ /dpa' bo la sogs rab tu grags//gsungs pa ji bzhin rnam rol par/ /dpal ldan bde mchog 'di dag bsgom/ /sngon du phung po byin brlabs nas/ /ji srid mchod dang bstod 'gyur ba/ /bskyed pa'i dang po'i sbyor ba ste/ /chung ngu'i sbyor bar mngon par brjod/ /ri rab la gnas sa bon rdzogs/ /dkyil 'khor la sogs rnam bsgom pa//blo yi dbye bas byas pa ni/ /shin tu sbyor ba'i mtshan nyid do/ /skad cig gcig mngon rdzogs byang chub/ /ye shes rtogs pa'i mtshan nyid ni/ /rnal 'byor pas rtag rnal 'byor cher/ /chen po zhes ni rab tu grags/ /rnal 'byor lhag pa'i sbyor dbus su//rnal 'byor chen po rnam par gnas/ /chen po'i yang ni chen po ru/ /rtag tu rnal 'byor kun shes bya/ /rnam pa kun gyi mchog ldan zhing / /lhan cig skyes pa'i dga' bas gang / /dpal ldan dpa' bo kun gyi gzhi/ /rang byung rnal 'byor thams cad rig /dpal ldan smad 'tshong zhabs kyis ni/ /byin gyis brlab pa'i mtshan nyid gsungs/ /de bas bla ma mnyes byas nas/ /rnal 'byor thams cad legs par brtsam/ /dgod pa dang ni ngu ba nyid/ /shin tu yid 'phrog pa yi gar/ /sna tshogs kun byed thams cad mkhyen/ /rnal 'byor ma yi tshogs kyis mdzes//'di nyid las ni gang gsungs pa/ /mnyes byed rnam par dag pa dang / /gsal byed yon tan ldan pa'i mi/ /byang chub phyogs dang go char bcas/ /go cha chen por yang dag ldan/ /thog mar 'di rnams rab tu bya/ /grub na yongs su spang ba dang / / yi ge gsum gyi cho ga yis/ /grub na de la bkod bya ste/ /'khor lo gsum gyi rang bzhin du/ /sku gsung sbyor bas dag pa bya/ /oM ni sku yi 'khor lo ste/ /yi ge AHni ngag tu gnas/ /hUM ni sems la rnam dgod pa/ /byas nas cho ga spang bar bya/ /rtog pa'i dbang gis legs byung ba/ / sems can gzung ba'i rgyu yin no/ /yi ge gsum gyi dgod pa 'di/ /de nyid kyi ni gzugs su sbyor/ /de bzhin du yang gsungs pa dang / /sku yi yi ge skye ba med/ /gsung dang thugs kyang yi ge med/ /nam mkha'i rdo rje rtogs las byung / /log par gzung bas zin pa'o/ /oM ni thams cad gsal byed do//hUM hUM phaT dang yang dag ldan/ /dngos grub bsgrub pa'i rgyu ru ni/ /ming bzlas pa ni legs par brtsam/ /stong pa nyid kyi sngags brjod cing / /gnod mdzes rgyal po de bzhin no/ /rab dra ba bsam byas shing / /rdo rje sa gzhi de bzhin no/ /rlung dang me ni yang dag rdzogs//chu dang sa yi dkyil 'khor la/ /ri rab sna tshogs rdo rje dang / /sna tshogs pad+ma yang dag ldan/ /dpe byad brgyad cu las byung ba/ /de steng zla ba'i dkyil 'khor te/ /zla ba la gnas hUM las byung / /he ru ka yi dkyil 'khor ro/ /phag mo la sogs yang dag ldan/ / kha dog sna tshogs sogs kyis brgyan/ /'jigs byed chen po g.yon brkyang ba/ /sgo skyong rnams dang yang dag ldan/ /dpa' drug rnal 'byor ma go cha/ /go cha chen po yang dag ldan/ /dngos grub kun mdzad dpa' bo ste/ /bde mchog mdzes pa bsgom par bya/ /sngon du yi ge gsum bkod de//bzlas pa legs par brtsam par bya/ /'di ltar dpal ldan bde mchog ni/ /bsgom pa rnal 'byor gzhan dag zer/ /dngos po gang dang gang gis ni/ /mi rnams yid ni yang dag sbyor/ /des ni de yi rang bzhin 'gyur/ /sna tshogs nor bu ji bzhin no/ /oM na mo b+ha ga ba te bI re shA ya hUM hUM phaT/oM ma hA ka lpA g+ni san+ni b+ha ya hUM hUM phaT/ oM dza TA ma ku Tod+k+ya TA ya hUM hUM phaT/ oM daM Sh+T+rA ka rA lo gra b+hI Sha Na mu lA ya hUM hUM phaT/ oM sa ha sra b+hu dza b+hA su rA ya hUM hUM phaT/ oM pa ra shu pA sho d+ya ta shU la kha T+wAM ga d+hA ri Ne hUM hUM phaT/ oM byA g+hA dzi na am+ba ra d+ha rA ye hUM hUM phaT/ oM ma hA d+hu mrA n+d+ha kA ra wa pu ShA ya hUM hUM phaT/ oM ka ra ka ra hUM hUM phaT/ oM ku ru ku ru hUM hUM phaT/ oM ku ru ku ru hUM hUM phaT/ oM ban+d+ha ban+d+ha hUM hUM phaT/ oM trA sa ya trA sa ya hUM hUM phaT/ oM k+Sho b+ha ya k+Sho b+ha ya hUM hUM phaT/ oM hrauM hrauM hUM hUM phaT/ oM hraHhraHhUM hUM phaT/ oM pheM pheM hUM hUM phaT/ thugs kyi 'khor lo'i dpa' bo rtsa ba'i sngags so// //oM da ha da ha hUM hUM phaT/ oM pa tsa pa tsa hUM hUM phaT/ oM b+ha k+Sha b+ha k+Sha hUM hUM phaT/ oM ba sha ru d+hi ra an+t+ra mA lA ba la m+bi ne gr-ih+Na gr-ih+Na hUM hUM phaT/ oM sa p+ta pA tA lA ga ta b+hu dzaM ga sa r+paM pA ta rdza ya ta rdza ya hUM hUM phaT/ oM A ka D+D+h+ya A ka D+D+h+ya hUM hUM phaT/ oM hriM hriM hUM hUM phaT/ oM k+Sh+mAM k+Sh+mAM hUM hUM phaT/gsung gi 'khor lo'i dpa' bo'i rtsa ba'i sngags so// //oM haM haM hUM hUM phaT/ oM hiM hiM hUM hUM phaT/ oM hUM hUM hUM hUM phaT/ oM ki li ki li hUM hUM phaT/ oM si li si li hUM hUM phaT/ oM tsi li tsi li hUM hUM phaT/ oM d+hi li d+hi li hUM hUM phaT/ oM hi li hi li hUM hUM phaT/ sku'i 'khor lo'i dpa' bo'i rtsa ba'i sngags so//ka ra la sogs dpa' mo yi/ /dbang phyug gir grags gzhan dag zer/ /bdag gi bla ma'i lugs nyid kyis/ /dpa' bo rnams kyi sngags su bshad// //oM na mo b+ha ga ba ti badzra bA rA hI a pa ra dzi te trai lo kya mA te bi d+ye shwa ri sarba b+hU ta b+ha yA ba he ma hA badzre badzrA sa ne a dzi ti a pa rA dzi te wa sh+yaM ka ri ne tra b+hA ma Ni/bi Sha sho Sha ro Sha kro d+ha ka rA li tri te trI kA ma nI pra b+he baNI a pa rA dza ya bi dza ya dza m+b+ha ni s+t+wa m+b+ha ni mo ha ni/ badzra bA rA hI ma hA yo gi nI/ kA me shwa ri kha ge/ tar+ya thA/ pro taM ge pro ta ge /ha na ha na prA NAM/kiM ki ni khiM khi ni d+hu na d+hu na/ badzra ha ste/ sho Sha ya sho Sha ya/ badzra kha T+wAM ga ka pA la d+hA ri Ni ma hA pi shi ta mAM sA sa ni/ ma nu ShA n+t+ra prA bri te san+ni d+h+yaM/ na ra shi ro mA lA gran+thi ta d+ha ri Ni su m+b+ha ni su m+w+ha/ ha na ha na prA NAM sarba pA pa s+t+wa nAM/ sarba pa shu naM ma hA mAM sa ts+tshe da ni kro d+ha mU rti/ daM Sh+T+rA ka rA li ni ma hA mu dre shrI he ru ka /de ba s+yA gra ma hi Shi/ sa ha sra shi re sa ha sra bA hA be/ sha ta sa ha srA na ne dz+wa li ta/ te dza s+ya dz+wa la mu khi ping+ga la lo tsa na/ badzra sha rI re badzrA sa ni/ mi li ta tsi li ta/ he he hUM hUM kha kha d+hu d+hu ru ru d+hu ru d+hu ru mu ru mu ru/ a dwe te ma hA yo gi pa Thi ta sid+d+he/ dreM d+haM dreM d+haM/ graM graM/ he he/ ha ha/ b+hI me/ ha sa ha sa/ bI re/ ha ha ho ho hUM hUM trai lo kya bi nA sa ni/ sha ta sa ha sra ko TI ta thA ga ta pa ri bA re hUM phaT/ siM ha rU pe khaHga dza rU pe gaH/ trai lo kye da re sa mu dra me kha le/ gra sa gra sa hUM hUM phaT/ bI ra dwe te hUM hUM hA hA ma hA pa shu mo ha ni yo ge shwa ri t+t+waM DA ki ni/ lo ki ni lo ki kA nAM ban+d+ha ni pad+ya bi d+ye hUM phaT/b+hU ta trA sa ni ma hA bI re pa ra ma sid+d+h+ye bi d+ye shwa ri phaT hUM hUM phaT phaT swA hA// //rnal 'byor pas bzlas sngags 'di rnams/ /'dod pa'i don kun legs par ster/ /rnal 'byor ma dang dpa' bor ldan/ /gzhan bde mchog las byung ba'o/ /in+t+ra b+hU ti'i rim nyid dang //sany+tsa re dang smad 'tshong gzhung / /dpa' bo dang ni lha rnams ni/ /phyag gnyis zhal gcig nyid du bstan/ /dza lan+d+h+ra lan+ta ra dpal zhabs dang / /kats+tsha pa da'i lugs kyis kyang / /dpa' bo rnams dang rnal 'byor ma/ /zhal gcig phyag gnyis rab tu grags/ /mkha' 'gro ma sogs dpa' bor bcas//sgo skyong rnams dang yang dag ldan/ /zhal gcig phyag bzhi rab tu grags/ /khro bo'i gzugs can hUM dang bcas/ /rab gtum ma sogs lha mo rnams/ /kha dog sna tshogs bye brag dang / /phyag gnyis pa dang zhal gcig pa/ /tsar+ya pa yi gzhung yin no//yang na sems kyi rnam dag pas/ /gcig tu kha dog sngon por gnas/ /dpa' bo lha mo rnams dang ldan/ /gzhung 'di legs zhes kha cig gsungs/ /sku gsum dag pa'i dbye ba yis/ /kha dog gsum du rnam par gnas/ /gang phyir 'khor lo gsum gsungs pa//de phyir kha dog gsum du dbye/ /lugs 'di rnams ni gang 'dod pa/ /rnal 'byor rigs pas de bsten bya/ /phyag gnyis thog ma nas brtsams nas/ /ji srid 'bum gyi phyag dang zhal/ /phyag zhal mtha' yas dngos grub phyir/ /bsam mi khyab sbyor gyis bsam bya/ /de ltar blo bzang gis shes bya//spyod dang bral bas sbyar ba min/ /'di kun mchog tu dga' ba ste/ /gang zhig bsgom bya de 'bras bzang / /sngon du gus pa'i sems kyis ni/ /bla mas gsungs pa blang bar bya/ /'bar ba'i phyag rgya bde mchog las/ /slob dpon kha cig gis gsungs pa//he ru ka 'byung rgyud las gsungs/ /bde mchog la ni gnas pa min/ /bdag gis ma bris pa des na/ /dpa' bo rdo rje bzod pa mdzod/ /man ngag gis ni phag mo ni/ /'bar ba'i phyag rgya zhes su grags/ /bde mchog gtor ma'i las dang ni/ /dkyil 'khor dgug pa'i don gyis so//he ru ka 'byung rgyud du ni/ /he ru ka yi phyag na gnas/ /dpa' bo'i bdag po'i sngags gsungs gos kyi don gyis stag gi pags pa rnams/ /bdag gi bla ma yis bstan lhan cig skyes pa gos med rdo rje mkha' 'gro'i gzugs/ /rtag tu drag po'i dud mdog dkar zhing dmar ba'i sku ni rigs drug bsdus pa'i don gyis so//kha dog thog ma 'dra ba'i gzugs te thog ma'i nyi ma lta bu'i zhal te lha mo skra grol ba'o/ /lugs gnyis gyur pa dpyad nas sems la gang 'dod de dag bya/ /g.yas na rtsa gzhan khrag ste myur du 'bab pa me tog ldan pa'o/ / g.yon na khu ba ster ba rgya mtsho lta bu de ni dpa' bo'i rang bzhin no/ /rkang dang rus pa rtsa dang chu dang lnga pa khu bar ldan pa 'di ni pha ru gyur/ /ma ni pags pa sha dang khrag dang snying dang me dang lhan cig pa ste gang 'di gnyis po dngos grub po/ /mgon po dpal ldan he ru ka 'di bskyed pas bskyed pa gang zhig pha dang bye brag med//'dir ni dpal ldan bde mchog ces bya yon tan kun gyi gzhi ste dngos po kun gyi rang bzhin no/ /de ltar shes nas de yi gzugs ni sa gsum bde ba ster ba'i de nyid rnal 'byor pa yis bsgom/ /'byung gnas sgra yi gzugs las ni//rnam par byung sogs gang shes pa/ /de yi don ni bdag gis bstan/ /rab tu 'jug pa'i mtshan nyid ni/ /rab 'jug dkyil 'khor sogs rnams kyi/ /phyi rol rnam pa'i mtshan nyid gcig /dngos po kun gyi rang bzhin te/ /sangs rgyas kun gyis de dag gsungs/ / gang zhig ldog par rtag gsung ba/ /'khor lo bde mchog la legs gnas/ /de ni lhan cig skyes 'dri dngos/ /rtag tu snying la gnas pa'o/ /phyi nang bdag nyid mnyam pa'i dkyil 'khor 'khor lo sems la rnam dgod bstan/ /dpal ldan he ru ka rol lus la gnas par da lta bstan//rnam dag he ru ka yi yan lag lhan cig skyes gnas mnyam par gzhag/ phyis ni rnal 'byor pa yi rim gyis lus skyes rnam par bsgom/ /lhan cig skyes mnyam ma lus phur bu pags pa bcings par rab tu sbyar/ /brtan zhing mkhregs pas bcings pa'i rus pa'i phreng ba dra ba'o//sna tshogs kyis mdzes sna tshogs phyag rgyas brgyan pa'i sku/ /go cha mkhregs pas dag pa de ni go cha chen por ldan/ /gang zhig dmigs dang bral ba'i rtsa ni sems can kun phan 'dod/ /lha dang lha min mi dang bcas pa 'di kun de yis khyab/ /b+he ram pa yi rlung ni rkang pa'i mthil du shin tu legs par gnas//lte bar song ba'i 'bar ba'i dkyil 'khor dmar po'i gzi brjid can/ /lto bar dkar ba'i chu yi gzhi ni yid 'ong gzugs te snying gar dbang pos rnam mdzes ser po'o/ /mgrin pa'i steng na ri bo'i mchog ni brgyad pa dang ldan ri rab ste/ /bdun bskor zla ba nyi ma dbus na 'char zhing nub pa'o//pad+ma'i 'dab ma sum cu rtsa drug ldan par gyur pa'i rdo rje'i dbus/ /grub pa'i A li kA li las byung hUM sgrogs mdzes pa'i mgo /der gnas gser gyi gdan ni sna tshogs dbus/ /ming ni dang po zhes bya las ni lhan cig skyes pa dri med zla ba'i 'od//yan lag kun gyi mtshams su 'gro bar 'gyur ba'i rim pa yis/ /bskyed pa'i pad+ma'i sna yis dbus phyogs su/ /legs par bskul bas mgo bo thog ma med par gyur pa'i sangs rgyas skyes/ /sum cu rtsa drug ro dang ldan pa mdzes pa legs par gyur pa'i rtsa rnams kyis/ / mi mthun phyogs ni bzhad par gyur nas shin tu rnam par dag pa'i khams/ /mkha' 'gro ma yi dra ba zhes pa'i sgra yi don ni de lta bu'o/ /rgya mtsho'i chu ni shin tu rnam pa sna tshogs 'gram na ri yi dbang por ldan/ /zab cing mdzes pa'i snying po thog mar grub pa'i dur khrod do/ /rgyal mtshan sna tshogs 'phan dang dril bu'i do shal mdzes//gsum du byung ba'i 'khor lo'i dkyil 'khor de ni lus yin no/ /mchog tu mdzes shing legs pa'i skud pa dang ni rnga yab kyis mtshan pa/ /dri ma med pa'i mtshon ni rol pas rnam par dag /bum pa la sogs gnas pa de yi dngos dang ldan pas khengs//lhan cig skyes gnas sems las skyes pas bris pa thal ba'o/ /pad+ma la gnas khro spangs shing / /gtsang zhing brtson pa mnyam gzhag pa'i/ /rnal 'byor ye shes mnyam ldan pa'i/ /sems ni he ru ka ru gsungs/ /rgyud lnga dag gi 'bras dag ni/ / rdo rje zhes su mngon par brjod/ /der gnas sa bon rdzogs pa ni/ /de dpal he ru ka ru brjod/ /shrI yi sgra ni gnyis med don/ /he ni rgyu dang bral ba nyid/ /ru ni gzugs dang bral ba'i don/ /ka ni gang du'ang mi gnas pa'o/ /A li kA li mnyam sbyor ba/ /dkar po dmar bo'i rang bzhin no//shri yig tu ni legs gnas pa/ /shin tu thams cad bskyed pa'i rgyu/ /shrI yi brda yis brjod pa ni/ /b+ha ga'i don du mngon par brjod/ /sems ni he ru ka nyid de/ /dpal ldan he ru ka zhes gsungs/ /bA ni dag lam 'das pa'i sgra/ /rA ni rdul dang bral ba nyid/ / hI ni rgyu rnams mi dmigs pa/ /phag mo'i sgra ru rab tu grags/ /ral pa'i rtsa ba zhes grags pa/ /bde ba skyed par byed pa'o/ /sna tshogs sems can don mdzad phyir/ /sna tshogs rdo rje rnam par gnas/ /byang chub sems ni zla bar gsungs/ /dpal ni bde chen 'khor los sgyur//der gnas rtag tu 'dzag pa ni/ /rdo rje pad+ma'i mthar gnas pa'o/ /dus kun yongs su rdzogs pa rgya mtsho'i lam du 'bab pa lta bu yi/ /lte ba'i 'gram du gnas gyur nyi ma bcu drug bsten pa bskyed pa'o/ /stong pa lta bu'i rnal 'byor gyis/ /lha dang lha min mir bcas rnams//gcig gi rang bzhin legs dag pa/ /sdig mdzub legs pa'i mtshan nyid do/ /byang chub sems las byung gyur cing / /yan lag kun la rnam par gnas/ /de phyir rtag tu dag pa nyid/ /phyi dang nang du gnas par bstan/ /yan lag bcu gnyis las byung phyir/ / phyag ni bcu gnyis rnams dang ldan/ /zhal bzhi rnams su legs bstan pa/ /rnam thar bzhi po dag pa nyid/ /lha mo'i gzugs can mkha' 'gro ma/ /dum skyes ma dang lA ma ste/ /grub pa'i rnal 'byor ma bzhi po/ /g.yo dang mi g.yo ba rnams skyong / /gnyis med rnam pa'i rnal 'byor gyis//dbang po la sogs gang 'thung ba/ /de ni gsol ba zhes su bstan/ /phyag rnams kyi ni mtshan nyid ni/ /sku gsung dag phyir mdung thung ste/ /glang po gti mug rnam par spangs/ /dgra ste zhe sdang gcod pa ste/ /lus dang ngag sems las byung ba'o/ /sems can don gyis gri gug rno//'phyar ba brtson 'grus yang dag ldan/ /rtag tu dga' ba'i rang bzhin gyis/ /Da ma ru yi sgra ru brtag /rdo rje stong nyid mi tshig pa'i/ /ye shes lnga yi rang bzhin nyid/ /byang chub sems kyi rang bzhin phyir/ /kha T+wAM yan lag la bsnams gnas/ /bde ba bskyang phyir thod pa dang //zhags pa yul gyi yon tan te/ /mgo bo tshangs pa'i rang bzhin no/ /dril bu shes rab rang bzhin no/ /yi ge lnga bcu rnams kyis ni/ /mgo bo mdzes pa'i rang bzhin nyid/ /yan lag brgyan pa'i mgo yi phreng / /dngos grub kun gzhi bdag nyid can/ /mche ba bzhi dang mnyam ldan pa//bdud bzhi rnam par 'joms pa po/ /zab par 'phro ba dang ldan pa'i/ /rtag tu so yi phreng ba gnyis/ /pha rol phyin drug rnam dag pa'i/ /phyag rgya drug gis brgyan pa'o/ /phyogs kyi gos kyi rang bzhin gyi/ /gzugs su byung ba'i gos dang bral/ /A ni kun nas 'gro ba kun//li la stod par sbyor bar nyid/ /de nas g.yas brkyang zhabs su grags/ /he ru ka yi bye brag go/ /yan lag g.yon pa bskum pa zhes pa yi/ /tshig tu gsungs pa'i legs par thob pa'i mtshan nyid ni/ /g.yas brkyang ba yis kun nas 'khor lo'i tshogs ni dpal he ru ka 'byung ba'o//slob dpon gzhan gyi lugs kyis zhabs g.yas bskum par 'dod/ /blo bzang gang zhig kyang ni gzhan du gar gyi rkang pa zer te bdag ni g.yon par 'dod/ /g.yon pas g.yon pa'i skye bo'i rgyan byas don kun ster bar nus/ /rgyal byed g.yon pas 'tshe ba kun spangs legs pa'i rnal 'byor pa//de phyir cho ga'i thams cad dge ba'i g.yon pas gzung / /gang phyir bde mchog 'dren pas thams cad g.yon pa las byung brtsam/ /sems dang sems med 'gog pa dge ba'i lam du gang zhig brtags pa'i pad+ma la/ /rdo rje'i mtha' las byung ba mnyam zhing ro gcig pa dang mtha' yas pa'o//phag mo mchog tu sbyor ba las byung skyes pa gang phyir gtso bor gnas/ /de phyir g.yon pa'i gzhi yis brgyan pa mchog gi lha mo'i bde mchog go/ /zla ba nyi ma rnam dag srid par skyes pa'i rang bzhin ro dang bcas/ /pad+ma mchog tu byung ba ri bo las byung shin tu mnyam par ldan byung khu ba'o//de ni nam mkhar 'gro ma zhes/ /sangs rgyas khams su rnam par brtag /nam mkha' kun du spyod grub pas/ /mkha' 'gro ma zhes mngon par brjod/ /des bskyed pa yi gzugs gang yin/ /gzugs can ma zhes mngon par brjod//gzugs su skye ba'i rim pa nyid/ /rtogs par gyur pa dum skyes ma/ /gang zhig mdzes par legs brjod pa/ /mi dang bud med sogs par byung / /mtshan nyid thams cad kun rdzogs pa/ /des na lA mar rab tu grags/ /bdud kun la sogs rnam par bral/ /de nas gzhal yas khang du grags//chos kyi dbyings kyi rang bzhin gyis/ /pad+ma sangs rgyas bzhi de'o/ /rtag tu 'dod chags dang bral zhing / /gang du mtshan nyid bzhi sbyor ba/ /rnam pa kun gyi mchog dang ldan/ /de ni dpa' bo zhes su gsungs/ /stong nyid snying rje'i bdag nyid can//der ni dbang phyug legs par thob/ /lhan cig skyes pa dga' ba'i dngos/ /de ni dpa' bo'i dbang phyug gyur/ /gzhom med dpag tu med pa dga' ba bde mchog 'khor lo de ni sde tshan mtha'/ /rtag tu thur du phyogs pa 'di ni yan lag kun la yid du 'ong ba 'dzag /'dod chags la sogs rtswa dang 'dra ba 'bigs pa'i ye shes kyis zos so/ /rnam par mi rtog rang bzhin gyis/ /de ni kun rdzob myong ba'o/ /nam mkha'i pad+mar nam mkha'i dbus su mkha' spyod 'khor lo rol pa'i rang bzhin no/ /der gnas shin tu rnam par brtags pa mkha' spyod 'khor lor legs par grags//b+hu zhes pa ni sa'i dbus gnas skyes pa/ /lte ba'i pad+ma der gnas shin tu rnam par brtags pa sa spyod 'khor lo'o/ /sa 'og ces par gang bstan pad+mar byang chub ltung ba'o/ /phyi rol nges pa'i yid ni sa 'og gnas pa'i mtshan ma'o//chos dang longs spyod sprul rnams kyis/ /he ru ka gzugs legs par gnas/ /A li kA li yang dag ldan/ /lhan cig skyes pa'i dga' bas mdzes/ /a yig sprul pa'i 'khor lo ru/ /pad+mo'i nang du legs par gnas/ /lhan cig skyes pas rol pa yis/ / 'jig rten gsum gyi rgyan du grags/ /oM trAM hrIHkhaM 'dab mar lAM mAM pAM tAM mtshams kyi cha ru'o/ /dbus su he ru ka yi sa bon mchog gi sems ni pad+mar shin tu legs par gnas/ /chos sems pad+ma chen po la/ /stong pa'i rdo rje rnam par gnas/ /der gnas rtag tu 'dzag pa ni/ /'dod pa'i don kun 'grub pa'o//de yi steng du longs spyod la ni phyag 'tshal 'og tu lta ba rtag tu blta/ /A I lhan cig o au mchog gi rnal 'byor ma dang dpa' bor ldan/ /der gnas mgrin pa'i phyogs su ni/ /gang du mkha' 'gro ma rnams rol/ /der ni rtag pa'i dus mchod pa/ / mchog tu dga' bar legs par shes/ /haM ni bde chen 'khor lo ru/ /zla ba lta bu legs pa 'dzag/ bgrod dang bgrod pa ma yin pa/ /der ni mig gis mthong ba min/ /twa ri ti na gyen du grags/ /bA Sh+pa phyogs su rnam par gnas/ /bi bin+b+so ni dbus su gnas/ /bi shwa sh+tha ni thur du grags//rgyu mthun pa dang rnam par smin/ /skyes bu de bzhin dri ma bral/ /'bras bu bzhi po 'di rnams dang / /dga' ba rnams su rab tu grags/ /chung ngu 'bring po chen po dang / /chen po yi yang chen po ste/ /sems kyi dbye bas bzhi rnams su/ /mi la sogs pa rnams su rol//pad+mar sprul pa'i 'khor lo thams cad sems kyi skad cig nges par 'byung / /sems kyi chos kyi rang bzhin 'dren cing rtag tu sdug bsngal sel ba rnam par smin/ /mgrin par gnas pa'i he ru ka mgon mang po rtog pa thams cad dpyod pa'i rang bzhin no/ /shes dang mi shes spyi bor gnas pa nga rgyal dang bral de ni rnam pa'i mtshan nyid rang bzhin no//skad cig bzhi po gang 'di skad cig gcig gis bskyed/ /'khor lor skad cig de ni gtso bo yin te gzhan ni mtha' yas dngos por 'gyur/ /me tog phreng dang tsan+dan bud med sogs/ /ji srid bltas pas bde bar gyur//de srid dga' bar legs par grags/ /sems can kun la legs par gnas/ /rdo rje pad+ma mnyam sbyor bas/ /gang zhig sems ni rnam par gnas/ /de yi sems kyi mtshan nyid gang / /dga' ba chen po zhes su brjod/ /legs par sbyor las bral ba'i sems//bde ba'i mtha' ru legs par gnas/ /de bral zhes pa'i ming du gsungs/ /rnam par sel ba bskyed par grags/ /dga' dang mchog tu dga' ba dang / /dga' dang bral ba gsum pa ste/ /lhan cig skyes pa'i rang bzhin 'di/ /brtan g.yo kun gyi rang bzhin no/ / gang de lhan cig skyes de kun/ /bsam gyis mi khyab ces gsungs so/ /tshig med kun song zhi ba ste/ /ye shes he ru ka ru brjod/ /gzhan gdan zhes pa shes rab bstan/ /bdag gi gdan ni thabs yin te/ /'di dag gnyis med rang bzhin ni/ /sbyor ba'i gdan du rnam par gnas//de nyid bdag ni des bskyed pa'o/ /de spangs pa yi dngos po ni/ /lhan cig skyes zhes yang dag gsungs/ /tshig lam spyod yul las 'das pa'o/ /bdag gi de nyid rtag tu bsngags/ /dkyil 'khor de nyid yang dag ldan/ /chos dang longs spyod sprul ba ni//lus dang rnam par gnas pa'o/ /dmigs pa'i dngos po sangs rgyas te/ /mi dmigs pa ni rdo rje 'dzin/ /gnas gnyis mnyam par dmigs nas ni/ /shes rab gnyis ni bstan pa'o/ /brtan sogs bcu ni sa rnams dang / /pha rol phyin pa bcu mchog go/ /nyi shu rtsa bzhi dbye ba yis//lus kun la ni rnam par gnas/ /rim pa ji lta ba bzhin du 'di dag ste/ mgo dang / spyi gtsug dang / rna ba g.yas pa dang / rgyab kyi tshigs pa dang / rna ba g.yon pa dang / smin ma'i dbus dang / mig dang / dpung pa'i rtsa ba dang / nu ma gnyis dang / lte ba dang / sna'i rtse mo dang / kha dang / mgrin pa'i phyogs dang / snying ga dang / chu so dang / mtshan dang / bshang ba'i lam dang / brla gnyis dang / byin pa dang / sor mo dang / rkang pa'i bol dang / mthe bo dang / pus mo rnams su bdag po la sogs pa skye ba dang gnas pa dang /rab tu thim pa zhes so/ /pul+li ru ni bdag po ste/ /dzA lan+d+ha rar spyod pas gnas/ /o D+ya na du ni thim pas gnas/ /stan la sogs pa'i gnas rnams su/ /yan lag kun du thim gyur pa/ /bde mchog gi ni mtshan nyid do/ /sprul pa ru ni skyes pa ste/ /longs spyod pa ru gnas pa'o//chos kyi sku yi rang bzhin gyis/ /thim par gyur par som nyi med/ /de ltar sku rnams cha shas kyis/ /bdag po longs spyod thim pa'o/ /gnas su ji ltar de bzhin du/ /skye ba dang ni gnas pa nyid/ /thim par gyur pa'i rim pa yis/ /rtag tu dga' ba skye bar 'gyur//gnas byed pa yi sgo nas ni/ /rdo rje mkha' 'gro bskul ba'o/ /dpal ldan dzA lan+d+ha rar ni/ /skad cig de la bde bar 'gyur/ /bde bar bskyed pa'i bsdus pa ni/ /brtan g.yo kun gyi bdag nyid do/ /de ltar he ru ka phag mo/ /dang po'i sangs rgyas dpa' bor ldan/ / de yi phyag sogs sangs rgyas te/ /khams kyi ming ni 'byung ba'o/ /lhan cig skyes pa rnam gnyis te/ /bud med skyes pa la sogs brtag /thams cad yul du rab tu bstan/ /nam mkha' bdud rtsi'i ngo bo'o/ /de la spyod pa gang yin te/ /thams cad nam mkha' spyod par de shes/ / thams cad mkha' 'gro dra ba yi/ /snying po bde mchog mchog yin te/ /'dir ni phreng med bzlas pa med/ /lhan cig skyes par kun du gnas/ /de bas shin tu rtog bral bas/ /gus pa bskyed cing 'bad pa yis/ /'jigs dang mdzem pa rtag spangs nas/ /rnal 'byor rol pas gnas par bya//'dir ni mya ngan 'das dang sbyin sreg rnal 'byor bsam bya dkyil 'khor la sogs pa/ /bum pa rdul tshon thig skud cho ga lus la lhan cig skyes nas rig par bya/ /gtsub shing gtsubs pa'i sbyor ba yis/ /ye shes me ni shin tu 'bar/ /rlung gis bskyod par gyur pa las//lte ba'i pad+ma rnam par gnas/ /du ba rtag tu lha mo ste/ /legs 'bar lhan cig skyes pa'i gzugs/ /ye shes 'khor lo'i sangs rgyas dang / /longs spyod 'khor lor gyur bsregs nas/ /thabs ni rab tu mchod byas nas/ /smin mtshams mdzod pur song gyur nas//o D+ya na zhes ni bya ba yi/ /gnas kyi sgo nas 'phros nas ni/ /dzA lan+d+ha rar rab tu zhugs/ /de bzhin gshegs pa thams cad bsreg /yid kyi shugs ldan lha mo ni/ /mig gis mthong ba ma yin no/ /sangs rgyas snying ga na bzhugs khyab/ /bdud rtsi'i tshogs ni blang byas te//'o ma yi ni rgyun lta bur/ /gser gyi sgo ru rab tu zhugs/ /rkan gyi dbus nas 'dzag pa ni/ /longs spyod 'khor lor legs par gnas/ /zo chu'i 'khrul 'khor bzhin du ni/ /sngon du sems ni rnam par gnas/ /tha ma med par legs par bsreg /legs par sangs rgyas mnyes pa ste//yang ni 'dod dang ldan gyur nas/ /lte ba'i 'khor lor legs par gnas/ /'dir bzhugs yang ni 'gro ba dang / /'ong bar gyur ba de bzhin no/ /kun spyod mkha' 'gro ma rnams kyi/ /'khor lo bde mchog las gsungs so/ /ldog pa yi ni mtshan nyid do/ / 'di dag thams cad bdag gis bshad/ /gang gzhan bde ba'i dngos grub ni/ /bla ma la gus de shes bya/ /sna tshogs sngags bzlas rnal 'byor mkhas pas kun gyi bdag nyid kyis legs mchod/ /'khor lo la gnas bla ma rdo rje dpa' bo'i tshogs dang legs pa'i rnal 'byor ma yi zhabs//nga rgyal bcas pas rgyud rnams kun gyi snying po'i gnas ni legs par brtags/ /phyi nas blo dang ldan pas sems can don 'dod rtsom pas dkyil 'khor brtsam/ /sangs rgyas kun gyi lha rnams ni/ /bri ba smad 'tshong gzhung yin no/ /he ru ka 'byung sogs las kyang / / dzA lan+d+ha ra sogs pa gsungs/ /'dus pa la sogs rgyud rnams kyi/ /ming de ci yi phyir na 'gal/ /sngags pas 'khor lo sdom dkyil 'khor/ /bde mchog don du bri bar bya/ /slob dpon gyi ni mtshan nyid bstan/ /rgyud las ji ltar bstan par 'dod/ /g.yon pa'i lag na kha T+wAM ga / gzhan na cang te'u hUM sgrogs pa/ /yang dag ye shes rgyud shes shing / /he ru ka dpal gsang sngags shes/ /khro med gtsang la mkhas pa dang / /sbyor shes ye shes pha rol son/ /spyi bo las skyes thod pas brgyan/ /yan lag thal bas rjes su byug /bla ma chen pos slob ma la/ / mchod pa la sogs de dag dri/ /dga' bas de ni smra bar bya/ /bdag gis thams cad tshogs par gyur/ /bza' dang btung ba la sogs pa/ /ras dang lha bshos thams cad ldan/ /dpa' bo lha mo mchod pa'i don/ /bdag gis cho ga byed par nus/ /dpa' bo chen pos de nas 'dir/ / shes rab yan lag gnyis med 'dus/ /he ru ka dpal rnal 'byor che/ /'khor lo kun la rnam par gnas/ /mdun du gnas pa'i slob ma ni/ /bsod nams ldan zhing blo dang ldan/ /thog mar srung ba byas nas ne/ /de nas sa ni rnam par brtag /rgyud las bstan pa'i dkyil 'khor gnas//khro bo'i sbyor bas mnan nas kyang / /gnod mdzes gsang sngags bzlas nas ni/ /'bad pas bgegs ni bskrad par bya/ /slob ma mkhas pa legs par gzung / /bde ba'i mchog ni mnyes nus pa/ /bde mchog las gsungs bya ba ldan/ /sngon du phag mo la gus pa/ /bsod nams 'dod cing gtsang la mkhas//dkyil 'khor 'dri ba'i pha rol son/ /dga' zhing sdug pa yang yin te/ /de dang lhan cig legs par brtsam/ /gtor ma sbyin sogs byin nas ni/ /he ru ka dang gnyis med gnas/ /bla ma dpa' bo legs mchod nas/ /sa bzhi dag pa legs par brtsam//ri phug nags kyis mkhregs pa dang / /rgya mtsho chen po'i 'gram du'am/ /sngon du grub pa'i dur khrod du/ /der ni dkyil 'khor bri bar bya/ /der ni lci ba ma lhung bas/ /dkyil 'khor sa ni nye bar byug /dur khrod thal bar ldan pa dang / /bdud rtsi lnga dang mnyam ldan pas//sa de nye bar byug par bya/ /der ni dkyil 'khor brtsam par bya/ /bar ma mchog dang dbugs dbyung dang / /dri yi chu dang lhan cig pas/ /'bad pas mnyam par brdung bar bya/ /sa ni mnyam zhing gtsang bar bya/ /dbus dang thog ma gang bstan pa'i/ /lhag ma'i bshad pa yang dag ldan//bla ma dam pa las shes bya/ /des shes gang de bzhin du min/ /shar dang byang du gzhol ba ni/ /sngags pa rtag tu dngos grub 'gyur/ /dbus su mtho bas rgyal srid dang / /rig pa 'dzin pa'i gnas su 'gyur/ /byang du mtho bas 'chi ba'am/ /yang na nor ni zad par 'gyur//ji skad bshad pa'i shar mtho bas/ /myur du rigs rnams zad par 'gyur/ /dbus su dma' ba'i sa gzhi gang / /sgrub pa po ni 'jigs par 'gyur/ /de ltar mtshan nyid bcas pa yi/ /dpa' bo'i dbang po sogs pas brtag /sa'i mtshan nyid do/ /mgul rgyan dang ni gdu bu nyid//rna rgyan spyi bo'i nor bu dang / /mchod phyir thogs dang thal ba ste/ /phyag rgya drug gis rnam par brgyan/ /mkha' 'gro ma tshogs phyogs bzhi ru/ /rdo rje rnal 'byor ma bzhag nas/ /rdo rje dril bu phyag na 'dzin/ /rang gi gtso la gsol ba gdab/ /de bzhin gshegs pa kun zhi ba//de bzhin gshegs pa kun gyi gnas/ /chos kun bdag med pa yi mchog /dkyil 'khor bdag po bshad du gsol/ /mtshan nyid thams cad yang dag rdzogs/ /mtshan min thams cad spangs pa ste/ /kun du bzang po sku yi mchog /dkyil 'khor dam pa bshad du gsol//zhi ba'i chos ni mchog las byung / /ye shes spyod pa rnam sbyong ba/ /kun du bzang po gsung gi mchog /dkyil 'khor snying po bshad du gsol/ /sems can kun gyi sems chen po/ /rang bzhin dag pa dri med pa/ /kun du bzang po thugs kyi mchog/ dkyil 'khor snying po bshad du gsol/ /gang zhig lag na thod pa dang / /chang la dga' bas myos pa rnams/ /spyod pa gzugs can rnal 'byor ma/ /lha mo chen mo mnyes pa ste/ /khams kyi rang bzhin thams cad dam/ /de bzhin srog dang rtsa rang bzhin/ /rang lhag lha la rab phyogs pas//grub pa'i phyag rgya rab tu bsgyur/ /he ru ka dpal rnal 'byor che/ /bsams nas bgegs ni rab tu gzhom/ /bgegs kyi tshogs ni gzhan rnams dang / /gdug pa'i tshogs ni bskrad par bya/ /rkang pa'i 'og tu dgod bya ba/ /rdo rje 'bar ba hUM las byung / /aM yig mig gnyis shes nas ni//zla ba nyi mar rnam par bsam/ /rdo rje dril bu blangs nas ni/ /g.yas na rdo rje yang dag ldan/ /blo dang ldan pas phyogs kun blta/ /khros pas sems can don la brtson/ /de ru gnas pa'i gdug pa dang / /bdud dang bgegs dang log 'dren dang / /de rnams bskrad pa'i don gyi phyir//tshig 'di dag ni brjod par bya/ /gang zhig sa yi bdag po rnams/ /klu dang gnod sbyin dri za sogs/ /'byung po 'byung mo mkha' 'gro ma/ /sems can don du bya bar brtson/ /myur du 'gro ba nyid du gyis/ /he ru ka yi bka' thos nas/ /myur ba nyid du bor nas ni//khyed rnams 'gro ba nyid du gyis/ /gal te 'gro bar mi 'gyur na/ /rdo rje 'bar ba kha T+wAM gis/ /de yi mgo ni brgyar dgas bya/ /oM sum+b+ha ni sum+b+ha hUM phaT/ /oM gr-ih+Na gr-ih+Na hUM phaT/ /oM gr-ih+NA pa ya gr-ih+NA pa ya hUM phaT/ oM A na ya ho b+ha ga bAn badzra hUM phaT/ dbang ldan phyogs nas brtsams nas ni//g.yon du bskor ba la brtson pas/ /dpa' bo chen po khros pas bskor/ /bskal pa'i me ltar langs nas ni/ /de las byung ba'i 'od sogs kyis/ /bdud la sogs pa thams cad bsregs/ /'di ltar sems pa'i rnal 'byor dag /hUM sgra bsgrags par gar byas te//mya ngan khro dang 'jigs pa med/ /de bzhin drag dang brtse ba gnyis/ /rjes su chags ldan ro 'di dag /dang po zhal la legs par gnas/ /mi sdug pa dang ngo mtshar gang / /'jigs dang g.yo dang de bzhin du/ /rjes su chags gnas ro 'di yis/ /g.yon pa'i zhal du gyur par gsungs//bzhad dang dga' ba dbang phyug dang / /bzhad pa dang ni sgeg pa nyid/ /rjes su chags nas ro nyid dang / /de ni nub kyi zhal yin no/ /smod pa dang ni ngo mtshar nyid/ /brkam par gyur pa gang yin pa/ /dpa' bo 'jigs byed gnas 'di dag /g.yas kyi zhal la de dag gnas//pad+ma rdo rje dbus su ni/ /gang zhig sems ni legs gnas shing / /zhi ba de ni legs dag pa/ /lhan cig skyes pa dga' ba'i gar/ /gar ni chos kyi de nyid du/ /shes pa'i gar du the tshom med/ /'jig rten la phan rgyu yi phyir/ /'jig rten chos can gar bya'o/ / glang po che yi pags pa dang / /mdung dang zhags pa gri gug dang / /Da ma ru dang kha T+wAM dang / /thod pa dang ni zhags pa dang / /mgo bo rdo rje dril bu dang / /mgo bo lnga bcu'i phreng ba dang / /de rnams thogs pa'i snang ba'o/ /mgul rgyan thogs shing g.yon pa dang / /g.yas na gdu bu de bzhin du//rna rgyan rna ba la bkod cing / /g.yon gyi spyi bo nor bu dang / /g.yas pa yis ni thal ba dang / /mchod phyir thogs dang yang dag ldan/ /bde byed lta bu bya ba dang / /ri mo lta bu bya ba'o/ /pad+mo lta bu'i lag byas te/ /pad+ma lta bur gyur pa'o/ /ji srid ri mo lta bu yi/ /gar ni rnal 'byor ma lhan cig /zla ba gnyis po mi 'gyur ba/ /Da ma ru ni skyed byed pa'o/ /mtshan nyid bdag gis bstan pa'o/ /yongs su ldan pas blta ba'o/ /bde mchog don ni legs mthong nas/ /rnal 'byor ma yi mtshan nyid dang / /gzhan yang gar dang dngos grub dang / /dkyil 'khor don dang cho ga bshad//de ltar bstan pa ni sam+ba ra'i sgra zhes bya ba'o/ /cung zad ngo tsha'i mig zur gyis/ /he ru ka zhal 'o byed cing / /legs pa'i phag mo gang bya'o/ /kun ta zla ba dri med so/ /dmar 'od lta bu hUM sgrogs pa/ /khros pas bgegs kun rlag par byed/ /lhan cig skyes dga' rol pa yis//sems can don ni byed la brtson/ /de dang lhan cig dpa' bo che/ /'khor lo'i sa yi dbus su gnas/ /za ba'i phyag rgya la sogs pas/ /bgegs rnams kun ni bskrad par bya/ /ji srid gar gyi bstan bcos las/ /snying rje'i phyag rgya la sogs pa//he ru ka dpal phyag rgya ste/ /de ni dngos grub kun ster ba'o/ /zhal bzhi la sogs sngags kyis ni/ /phur bu ra ba dra ba dang / /ji bzhin sngon gyi rjes 'brangs nas/ /cho ga thams cad bya ba'o/ /de ltar go bgos bdag nyid ni/ /'og tu mtshon cha nges par gzhag / 'khor lo lhan cig bdag nyid ni/ /steng du mda' ni bri ba'o/ /bdag nyid mkha' spyod dra ba ni/ /de ltar go bgos go dang ldan/ /sum cu gsum pas kyang mi phig /mtha' yi dbyangs yig las byung ba/ /sna tshogs rdo rje gzi brjid bzang / /des na rtag tu mi phig pa/ /'bar ba'i gzugs su rnam par bsam//'dis ni hUM 'byung khro bo yis/ /nam mkha'i dkyil 'khor dgang bar bya/ /yi ge bdun pa bzlas pa yis/ /rdo rje'i lta ba kun du blta/ /sa gzhi dag par bltas nas ni/ /bgegs rnams kun ni rnam par spangs/ /bdud rtsi lnga sogs legs par byug / blo bzang gis ni me tog gtor/ /mkha' 'gro ma rnams yang dag ldan/ /rdo rje sa dbus legs par gnas/ /dpa' bo rdo rje dril bu 'dzin/ /mnga' bdag he ru ka bsgom bya/ /'byung gnas sgra gzugs la sogs pa'i/ /rnal 'byor rigs pas rnal 'byor dmigs/ /dpal ldan bde mchog 'khor lo che//dngos grub sa la brtsam par bya/ /ya sde brgyad pa'i sa bon ni/ /stong bas steng du brgyan par bya/ /de ni lan gsum brjod byas te/ /sa la reg pas sa reg gnas/ /bkug nas mdun du blta bar bya/ /mdzes ma zhes bya'i ma mo ni/ /legs pa'i gzugs can legs gzugs des//he ru ka la dga' bas gsol/ /mgon po bdag gis ci zhig bgyi/ /rdo rje can bdag bka' stsol cig /khyed kyi dkyil 'khor don gyis na/ /bdag gis bum pa gzung bar bya/ /ma la sogs dang yang dag ldan/ /blo dang ldan pas thod pa gzhag /cho gas mchod pa byas nas ni/ /ar+g+ha byin nas lhag par gnas/ /twaM de bI sak+Shi b+hU tA yi sarba bud+d+hA nAM tA yi naM/ tsar+yA na ya bi she She Sh+ya b+hU mi pA ra mi ta su tsa/ mA ra sai n+yaM ya thA b+ha ga shAkya sid+he na tA yi nA/ ta thA mA ra ba laM dzi twa maN+DalaM saM li kha ma haM/ lan gsum brjod pa tsam gyis ni//mdzes ma dga' nas smras pa ni/ /kye mgon po khyod kyi bsod nams ni/ /dri med bsags pa bdag gis shes/ /da ltar khyod ni de phyir rol/ /thams cad khyod kyis dbang du gnas/ /gang zhig bya ba de bka' stsol/ /bdag ni de dag byed pas spro/ /zhes pa'i tshig ni smras gyur nas//sa der thim par gyur bar bsam/ /las kyi dkyil 'khor sgrub pa'i thabs/ /sngags pas de nas byas pa'o/ /sa gzhi lhag par gnas pa'i cho ga'o/ /bdud rtsi lnga yi chu nyid kyis/ /sa ni legs par byugs par mdzes/ /dpa' bo dpa' mo'i dbang phyug gnas/ / blo bzang gis ni maN+Dal bya/ /sna tshogs me tog dgram pa dang / /spos kyi dri yis legs bsgos te/ /mchog tu dga' ba'i sbyor las byung / /legs pa'i 'khor lo der spyan drang / /'byung gnas sgra tshul la sogs pa'i/ /rnal 'byor sngon du dmigs nas ni/ /'khor lo'i gzugs bdag sbyor ba yis//gnas dang gnas su rnam par bsam/ /dpal ldan he ru ka sogs ldan/ /rnam pa kun gyi mtshan nyid gcig /dngos grub kun gyi gzhir sbyor ba/ /bde mchog dngos grub thams cad ster/ /lam la gnas shing 'bras bur gnas/ /dpa' bo dpa' mo dbang phyug mdzes//yul la sogs pa gnas stan du/ /gsang ba spyan drang bsgom bya ste/ /ye shes 'khor lo mnyam sbyor ba/ /dam tshig dkyil 'khor bsam par bya/ /ngo bo gcig pa'i legs dag pa/ /lhan cig skyes dga' shin tu mdzes/ /rkang pa mnan cing gyen du blta/ /gyen du pheM gi sgra bsgrags shing //phyogs bcu'i 'jig rten khams bzhugs pa'i/ /dpa' bo rnal 'byor ma rnams dgug /mdzub mo mdud byas gung mo nges par sbyar/ /mthe bong rdo rje brtan bor rab sbyor te/ /dpral ba'i dbus phyogs legs bzhag nas/ /phyag rgya mchog gis ma tshogs bskul//mkha' spyod la sogs mnyam ldan pa'i/ /ye shes 'khor lo shin tu mdzes/ /g.yon du bskor ba'i bye brag gis/ /bskor ba nyid kyis dgug par bya/ /bdud rtsi lnga dang ldan pa yi/ /pad+ma blangs par gyur nas ni/ /sngags pas de nas ar+g+ha byin/ / zhabs bsil nyid kyi bye brag go/ /dri la sogs pas yongs bkang ba'i/ /pad+ma bzhi pos legs par mchod/ /bdug spos tha dad nyid kyis ni/ /dkyil 'khor mchog ni bdug par bya/ /ye shes dkyil 'khor spyan drangs pa'i cho ga'o/ /gos dang phyag rgya lnga la sogs/ /shes rab yan lag phur bu dra//A li kA li zhes brjod nas/ /rgyu sogs stong pa sngon 'gro dang / /'jug pa sgra la sogs pa nas/ /ji srid gsungs pa'i sbyor ldan pa'o/ /bdud rtsis tshim byed mya ngan 'das/ /lag pa'i mchod pa dbang bskur dang / /go cha chen pos legs par bsrung / / sngags rnams kun gyis mchod pa ste/ /de ltar de nyid bcu bzhi ni/ /dus kun du ni legs par brtsam/ /bde ba'i stan las 'bad pa yis/ /shes rab yan lag stan gyi steng / /mgul rgyan gdu bu dpung rgyan dang / /rna rgyan tshangs pa'i skud pa dang / /mgrin par brgyan byas mgo bo'i phreng //ska rags sil sil sgra sgrogs pa/ /ral pa cod pan dar dang ni/ /bcos pa'i skra yis rgyan du byas/ /rdo rje pad+ma kha T+wAM bcas/ /Da ma ru sgra sgrogs pa dang / /dpa' bo kun dang rnal 'byor ma/ /go cha gsum gyis brgyan byas shing / /he ru ka dpal rgyal po che/ /rnal 'byor dbang phyug nges par byas//sems can kun gyi don gyi phyir/ /bum pa lhag par gnas par bya/ /mgrin pa ring la lto ba che/ /mchu 'phyang rtsa ba rnam par spangs/ /kha dog gnag sogs spangs pa yi/ /bum pa bcu ni bya ba'o/ /de rnams nang nas mchog gcig ni/ /phag mo ru ni rab tu brtag /dgra sta zhags pa de bzhin mdung / /kha T+wAM ga yang legs par bri/ /de ltar khro bo'i rdo rje dang / /pad+ma'i lo ma sogs pas brgyan/ /bdud rtsi lnga yi chu nyid kyis/ /bkang zhing dri yis legs par byug /'bru dang rin chen sman rnams ni/ /so sor lnga dang ldan pa'o/ / lha mo'i sngags kyis bsngags pa yi/ /me tog phreng bas rnam par brgyan/ /ras bzang po yis mgul pa dkri/ /rnal 'byor ma tshogs gtso bo yis/ /rdo rje phag mo'i bum pa che/ /sngags pas sems can don gyi rgyur/ /lho yi sgo yi g.yon du ni/ /'khor lo'i ri mo dang nye bar/ /rnam par rgyal ba'i bum pa gzhag /mkha' 'gro ma tshogs bum pa bzhi/ /de yi mtshan mas mdzes par bya/ /ji lta'i gnas su bzhag nas ni/ /dri drug sogs pas legs par dgang / /bdud rtsi lnga yis legs bkang ba'i/ /thod pa'i mtshan ma legs par brtag /bum pa bzhi po gzhan rnams ni//'bad pas mtshams su gzhag par bya/ /las kun byed pa'i bum pa ni/ /he ru ka yi mtshan mas mtshan/ /bi mu mA ra bid legs bkang / /bgegs kun rnam par sel bar byed/ /mchod nas gus pas gsol btab ste/ /lho yi sgo ru legs par gzhag rtag tu rdo rjes gdug pa kun//myur ba nyid du sel bar byed/ /phyi rol bum pa'i mtshan ma gang / /thams cad ji ltar gsungs bzhin bstan/ /lus kyi dkyil 'khor bum pa yi/ /mtshan nyid lus las byung ba'o/ /bum pa lhag par gnas pa'i cho ga'o/ /lho ru mngon phyogs sngags pa ni//lha mo bzhi dang yang dag ldan/ /he ru ka ma dang sbyor la/ /legs chags 'dzum bcas dga' zhing spro/ /bar ma mchog dang dbus dbyung dang / /me tog spos la sogs pa yis/ /g.yon pa'i spyod pa rtag spyod pas/ /bde mchog dpa' bo mchod par bya/ /g.yon pas blangs pa'i spos dang ni//mi yi sha dang ldan pa yis/ /bdugs par gyur nas sngags pa yis/ /sangs rgyas rnams dang dpal ldan he ru ka sogs nam mkha'i dkyil gyur mkha' spyod sa spyod dang / /sa 'og gnas bzhugs lhan cig skyes pa'i bde dang ldan ba stan dang tshan+do ha lha mo/ / dkyil 'khor gnas pa de kun dus mtha'i me ltar spyod la dngos grub rgyur ni gsol ba btab/ /he ru ka dpal phag mor bcas/ /rig pa'i lha mo rdzu 'phrul che/ /phyogs kun bzhugs pa dpa' bo dang / /byang chub sems dpa' bdag phyag 'tshal/ /rdzu 'phrul chen po kun brnyes shing / /de rnams bzhugs par gyur pa rnams//che ge mo bdag rdo rje che/ /slob ma rnams la brtse ba dang / /khyed rnams la yang mchod pa'i phyir/ /sang ni dkyil 'khor 'dri bar 'tshal/ /brtse bas bskyed par gyur nas ni/ /nye ba nyid du mdzad du gsol/ /dri zhim me tog legs par bsregs//bdud rtsi lnga yi thod pa ni/ /blangs nas spos bdug 'khor lo dang / /skye bo dam pa kun 'dus pa'o/ /lha lhag par gnas pa'i cho ga'o/ /dpa' bo lha mo dkyil 'khor bzang / /mchod cing gsol btab de nas ni/ /phyi rol song nas slob ma bzang / /stobs chen me tog lag na thogs//brtson 'grus che ldan shes rab che/ /rigs dang ldan zhing nga rgyal med/ /bde mchog mnyes byed mkhas pa dang / /phag mo la gus snying du sdug /phyag rgya lnga dang yang dag ldan/ /thal ba yis ni byugs pa dang / /rnal 'byor rgyud kyi cho ga shes/ /rnal 'byor ma rgyud la dad pa'o//gang gang gus dang ldan pa yi/ /sngags dang rgyud la legs par bslabs/ /gzugs bzang shin tu mdzes brtson dang / /chang la dga' bas myos pa la/ /slob ma'i dbang bskur don gyis ni/ /kun nas de la gsol ba gdab/ /dpa' bo dpa' mo'i dbang shes na//'byung gnas la sogs rnam par bsam/ /mnyes byed rnam par dag pa dang / /gsal byed yon tan ldan pa'i mi/ /skyes pa'am bud med 'di don du/ /dpal ldan bde mchog las rab bstan/ /bde mchog lta bur rdzogs nas ni/ /gsol ba 'debs par rnam par bsam//dpa' bo khyod bdag rdo rje che/ /phag mo lhan cig yang dag ldan/ /mgon po chen po bdag 'tshal lo/ /byang chub chen po'i tshul bstan pa/ /dam tshig de nyid bdag la gsol/ /byang chub sems kyang bdag la gsol/ /dpa' bo dpa' mo'i dbang phyug rnams/ /phag mo dang ni he ru ka'i//gsang ba'i stan sogs legs par dag /gnas pa'i lugs ni bstan du gsol/ /slob ma'i gtso bo mdun byas te/ /me tog phreng 'dzin dag sems la/ /g.yon pas kun nas blta byas te/ /rab tu rgyas pa'i bzhin gyis smra/ /bu tshur theg pa chen po yi/ /khyod ni tshul chen snod yin pas//gsang sngags spyod tshul cho ga ni/ /khyod la yang dag bstan par bya/ /rdzogs pa'i sangs rgyas gang 'das dang / /de bzhin gang dag ma byon dang / /da ltar byung ba'i dpa' bo ni/ /'gro la phan phyir bzhugs pa rnams/ /de dag kun gyi gsang sngags kyi/ /cho ga bzang po 'di mkhyen nas//shes rab yan lag gnyis med chub/ /dpa' bos thams cad mkhyen pa thob/ /gsang sngags sbyor ba mnyam med de/ /he ru ka dpal sogs mchog gis/ /bdud sde 'jigs pa chen po yi/ /stobs chen po ni gang gis bcom/ /de bas kun mkhyen thob bya'i phyir/ / bu yis blo gros 'di gyis shig/ /byang chub bsgrub pa'i don gyi rgyud/ /cho ga thams cad khyod la sbyin/ /de nas slob ma ser sna bral/ /dpa' bo chen po rnam dag pa'i/ /bla ma la gsol dga' ba des/ /sdom pa mchog ni bdag la gsol/ /sangs rgyas chos dang dge 'dun dang / /'khor lo gsum gyi rnam gzugs can//mkha' 'gro ma rnams bye brag gis/ /dpa' bo dpa' mo'i dbang phyug gang / /rgyal ba'i sras 'di thams cad la/ /kun la bdag ni skyabs su mchi/ /dngos po kun gyi de nyid kyis/ /bla ma la ni skyabs su mchi/ /'dir ni dngos grub kun mdzad cing / / snying rje'i ro yis khengs gyur pa/ /dpal ldan he ru ka sogs dang / /lha mo kun gyis bdag bsrung mdzod/ /che ge mo bdag dpa' bo che/ /sems can kun la phan par dga'/ /ji srid byang chub snying po'i bar/ /dngos grub sbyin bdag bdag gyur cig /blo ldan ston pa'i khrag gis ni/ /de dag rnams la thig le bya//snying rje sems can don la brtson/ /de dag thams cad bsrung bar 'gyur/ /zhal gyis spyan ras gzigs blangs te/ /mgo yi steng du blugs par bya/ /slob ma 'di dag thams cad ni/ /bsrung bar gyur par the tshom med/ /lhag par gnas pa'i slob ma ni/ / 'bad pas btang ste mnyam par gzhag/ dpa' bo dpa' mo'i dbang dgyes la/ /mchod pa kun gyis mchod byas nas/ /bud med bzhi dang yang dag ldan/ /phag mo'i nu ma 'tshir ba dang / /bza' dang bca' ba la sogs pas/ /kun gyis 'khor lo bde mchog mchod/ /slob ma lhag par gnas pa'i cho ga'o// //nang par dpa' bo chen po ni/ /lha mo bzhi dang mnyam ldan pas/ /phag mor sbyor bar legs gnas pa'i/ /dkyil 'khor 'jigs pa bri bar bya/ /khro med gtsang ma mkhas pa dang / /sbyor shes ye shes pha rol song / /thod pas spyi bo rab brgyan cing //yan lag thal bas byugs pa dang / /sku la phyag rgya drug la sogs/ /rus pa'i phreng bas brgyan pa dang / /kha T+wAM ga ni lag na thogs/ /phreng ba brgya yi phyed kyis brgyan/ /he ru ka yi bdag nyid byas/ /'khor lo snying gar bsam byas te/ /de ltar bdag nyid go bgos shing / / sngags dang phyag rgyas brgyan byas nas/ /dngos grub chen po rab ster ba'i/ /dkyil 'khor 'jigs pa bri bar bya/ /de nas ro yi skud pa ni/ /khrag chen po yis brlan byas te/ /he ru ka dpal go 'phang mchog /dkyil 'khor 'jigs pa thig gdab pa'o/ /khru gang pa'am khru gnyis pa//yang na bzhi pa dag kyang rung / /bcu gnyis pa'am bcu drug las/ /lhag pa yongs su mi brtag go/ /de las gzhan du brtags na ni/ /slob dpon ye shes dman gyur pa/ /gang du sdig can mi 'gro ba'i/ /'jigs pa'i dmyal bar de 'gro 'gyur/ /mkha' 'gro ma sogs rang gzugs su//skad cig tsam gyis legs par byung / /nyi shu rtsa lnga'i dbye ba yis/ /ye shes lnga dang ldan pa'i thig /de bzhin du yang gang gsungs pa/ /sangs rgyas lnga yi ye shes che/ /thig gi dbus su gyur par dgod/ /'di dag sangs rgyas thams cad kyi/ /gsang chen dam pa rmad du byung //mig tu dzaHlas nyi zla bsam/ /he ru ka dpal bdag nyid gnas/ /'bar ba'i blta ba legs bkug nas/ /rang rang thig la gzhug par bya/ /he ru ka sogs 'khor lo bzang / /shes rab thabs dang mnyam ldan pas/ /phyi rol stan gnas bkug nas ni//thig gi dbus su rnam par bsam/ /rtsa sogs pa yi gsang sngags dang / /snying po nye ba'i snying po yis/ /me tog ldan pa'i khrag gis byug /rnal 'byor rig pas thod par gzhag /thig skud legs par mngon par bsngags/ /mkha' 'gro ma yi sngags kyis bsrung / /bdud rtsi lnga dang yang dag ldan//kha dog lnga pa cho ga ldan/ /thig skud de ni gcig tu bsgril/ /sangs rgyas kun gyis byin gyis brlab/ /dpal lha dngos grub kun byed cing / /chos kyi gnas te dri ma med/ /bla ma phreng ldan gyis blangs nas/ /g.yon pas slob ma la byin bya/ /gnyis med rnam pa'i sbyor ba yis//'khor lo'i gtso bo bsgril bar bya/ /legs bsgril slob ma la btang nas/ /dza dza zhes pas bdun du gnas/ /de nas slob mas kyang brjod pa/ /rang gis kyang ni dza dza brjod/ /bla ma slob mas blangs nas ni/ phag mo'i sbyor bas legs par gnas/ /dang po'i las can sngags pa yis//dpa' bo'i dkyil 'khor thig gdab po/ /ye shes cung zad thob pa yis/ /khye'u bzang dang bu mo la/ /dpa' bo rnal 'byor ma phab nas/ /thig gdab phyir na gsol ba btab/ /de yis 'khor lo bde mchog bzang / /stan sogs pa yi lha mo kun/ /lhan cig skyes dang yang dag ldan//mdzes par gsal bar mthong bar 'gyur/ /de bzhin du yang gsungs pa/ rdo rje'i thig ni gdab pa dang / /tshon rtsi dag ni dgye ba dang / /sngags kyi sems pas mi bya ste/ /byas na byang chub rnyed par dka'/ /de bas dam tshig cho ga shes/ /sngags kyi lha rnams bcug nas ni//byin rlabs go gor bsams byas nas/ /dkyil 'khor rnams ni rab tu brtags/ /rdo rje sems dpa' rgyal chen po/ /mA ma kI ni dbab par bya/ /de nyid sngags rnams thams cad kyi/ /gsang ba mchog ste rmad du byung / /rang nyid mkhas par gyur pa yis/ /de ltar byas na nye bar 'gyur//byon par gyur nas gsang ba'i mchog /mnyes par ldan pas 'di dag bri/ /de bzhin du yang gsungs pa/ ji bzhin 'khor lo'i ji bzhin gnas/ /ji bzhin bkod pa 'gro ji bzhin/ /'khor rnams bsdu bar gyur nas ni/ /de ltar 'khor lo mchog rnams spro//dpal ldan rdo rje sems dpa'i lha/ /'khor lo mngon sum mthong gyur ba/ /phyi nas bris par gyur pa yang / /ji bzhin bsod nams brtag pa'o/ /de bzhin du yang gsungs pa/ /rdo rje sgra chen de dang des/ /thig gis thig gdab legs par gnas/ /mtha' yas zhing na thub dbang zla ba rnams//'dir ni sems can don gyi dus la bab/ /thog mar sngags pa yi dags blta/ /'khor lo sa yi byang du gnas/ /nam mkha'i sa la gdab bya ste/ /blo ldan thig ni g.yon pas bskor/ /oM badzra sa ma ya su tra mA ti kra ma hUM/ /phyogs bcu 'jig rten khams bzhugs pa//sems can don phyir de bzhin gshegs/ /dpa' bo dpa' mo'i dbang phyug ma'i/ /lha mo'i thig gi sgra yis bskul/ /shar du gnas nas nub bltas te/ /tshangs thig gnyis pa yang gdab po/ /me ru gnas nas nub tu zhal/ /lho yi phyogs su thig gdab po//nub phyogs gnas nas shar du blta/ /byang gi phyogs kyi thig gdab po/ /bskor nas slob dpon rlung gnas te/ /lho ru mngon par phyogs gyur nas/ /nub kyi cha ru legs par gdab/ /byang du mngon phyogs sngags pa ni/ /me yi gnas su rnam gnas te/ /shar gyi cha yi thig brtsam mo//dbang ldan mer gnas rnal 'byor pa/ /mtshams kyi thig ni gdab par bya/ /phyogs la sogs pa'i dbye shes nas/ /thig gdab pa ni legs par brtsam/ /tshangs thig dang po dbus su ni/ /thig bzhi rnams ni gdab par bya/ /thugs dang gsung dang sku 'khor lo/ / rdo rje phreng ba la sogs bya/ /kha sbyor dbus su ri mo lnga/ /blo dang ldan pas zlum por bya/ /ri mo bzhi po gzhan rnams ni/ /rdo rje phreng ba la sogs bya/ /dma' bas nad de chad pas zad/ /yo bas dngos grub med par 'gyur/ /g.yas su bsdu ba'i sbyor ba yis/ /slob ma rnams ni brlag par 'gyur//'khor lo nyis 'gyur ring ba ste/ /sgo yi nyi shu'i char gyur pa/ /he ru kar bdag 'dug nas ni/ /thig skud kyis ni thig gdab po/ /zur bzhi pa dang sgo bzhi pa/ /rta babs bzhis ni rnam par brgyan/ /sa 'og gnas pa'i lha mo rnams/ /'khor lo'i phreng ba sogs pas bskor//thig bzhi dang ni yang dag ldan/ /'phan dang me tog phreng bas bskor/ /mtshams kyi cha ni thams cad dang / /sgo khyud kyi ni mtshams rnams su/ /rdo rje rin chen gyis brgyan par/ /phyi rol dkyil 'khor thig gdab po/ /de yi dbus su pad+ma ni/ /'dab ma brgyad pa lte bar bcas//phyi rol rdo rje phreng bas bskor/ /'phro ba'i rdo rje'i tshogs sprul ba'o/ /'khor lo rtsibs brgyad legs par bri/ /dngos grub kun dang yon tan gzhi/ /phyi rol du ni nag pos bskor/ /ming ni mkha' spyod ces bya'o/ /rtsibs brgyad la sogs 'khor lo ste/ /pad+ma'i ka ba'i phreng gis bskor//sa 'og gnas pa'i lha mo ni/ /'khor lo'i phreng bas dang por bskor/ /rtsibs kyi mtshams su rdo rje ni/ /mnyam gzhag rnal 'byor pa yis bri/ /'khor lo phreng ba'i mthar thug par/ /'bar ba'i ri mo de bzhin no/ /he ru ka dpal rnal 'byor che/ /'khor lo'i dbus su legs gnas nas//hi sgrogs khro bo'i lta ba yis/ /de nas sgo ni dbye bar bya/ /sgo ni 'khor lo'i brgyad cha ste/ /kha khyer dag ni yangs pa'o/ /sgo khyud dang ni sgo yi tshad/ /lha yi snam bu'ang de bzhin no/ /kha khyer kun nas sgo yi phyed/ /'gram dang logs dang de bzhin no//dra ba dra phyed nyi zla dang / /'phan dang me tog phreng bas spras/ /tshon gyi sa ni de yi phyed/ /rtsa ba'i thig gi sa yi rgyab/ /rdo rje la sogs ka ba yi/ /sa ni tshon gyi sa dang mnyam/ /rta babs sgo las sum 'gyur te/ /'phan dang dril bu dang ldan pa/ /dril bu rlung gis bskyod pa yi/ /'phan ni phyi rol mtshams su'o//dang por nam mkha'i thig yin no/ /de yi 'og tu ye shes thig /phyogs kun mnyam par bgrod nas ni/ /rnal 'byor pa yi cho gas gdab/ /lugs byung lugs bzlog pa 'dis ni/ /phyi rol dkyil 'khor thig yin no/ /de bzhin nang gi bdag nyid lus/ / tshogs pa las byung mgon po yis/ /lus kyi dkyil 'khor thig gdab po/ /lhan cig skyes shing rang bzhin dag /dpa' bo dpa' mo'i dbang phyug ldan/ /phyi dang nang gi thig gdab pa'i cho ga'o// //dur khrod rus pa legs par blang / /thal ba lo ma la so phag dang / /ba bla dag dang ldan pa yis//legs bris he ru ka 'khor lo/ /thod par rdul tshon bzhag nas ni/ /blo bzang thig gdab cho gas so/ /'bar ba'i lta bas bkug nas ni/ /ye shes 'khor lo'i snying po gzhug /sangs rgyas kun gyi mkha' 'gro ma'i/ /gsang sngags nyid kyis mngon bsngags te//dpal ldan he ru ka rgyal bdag /'khor lo'i dbus su legs par gzhug /dur khrod las byung thams cad ni/ /dbang phyug mchog gi phyag rgya'o/ /nyi shu rtsa bzhi'i dbye ba yis/ /rdul tshon bri ba brtsam par bya/ /lag pa g.yon pas me phyogs nas/ / blo dang ldan pas g.yon du bskor/ /dkar po ser po de bzhin du/ /dmar mo ljang gu de bzhin nyid/ /lha mo bzhi dang mnyam ldan zhing / /dpa' bo bzhis ni bskor ba'o/ /dag cing bar du nas kyi tshad/ /ri mo lnga po bri bar bya/ /ji lta ba bzhin du gsungs pa/ /sgo yi nyi shu cha ru ni/ / mnyam par dgyes pas bri bar bya/ /sbom pas nad ni 'byung bar 'gyur/ /phra ba yis ni nor zad cing / /yon po yis ni rnam par sdang / /chad pas slob dpon slob ma 'chi/ /g.yas su bskor nas bris pa yis/ /rdul tshon rnams ni mthu med 'gyur/ /lho yi sa ni nag po ste/ /shar ljang de bzhin byang du dmar//nub phyogs sa ni ser po bri/ /gsang sngags rim pas yid 'ong bar/ /dbus su pad+ma'i 'dab ma ni/ /phyogs kyi mdog tu brtag par bya/ /rnal 'byor ma yi 'khor lo 'byung / /he ru ka yi dkyil 'khor bya/ /sngon po dmar po dkar po che/ /thugs gsung sku yi 'khor lo'o//gzhan ma thams cad ci mdzes par/ /phyi rol rta babs bri bar bya/ /lha mo chen mo dang ldan pa'i/ /dpa' bo lte bar dgod par bya/ /mkha' 'gro ma sogs yang dag ldan/ /he ru ka rdor 'dab ma la'o/ /de bzhin khra sogs lha mo rnams/ /he ru ka sogs yang dag ldan/ / sgo dang mtshams kyi cha rnams su/ /sngags pas mnyam par bzhag pas bri/ /phyi rol yi dags gnas de bzhin/ /srin mo la sogs yang dag ldan/ /'od zer 'phro zhing kha gyes pa'i/ /rdo rje rta babs steng du'o/ /rdul tshon bkye bas rnam mdzes pa'o/ /phyi rol gyi ni dkyil 'khor bstan//bla ma mnyes byas blo ldan pas/ /nang gi bdag nyid rnam shes bya/ /bsam gyis mi khyab sbyor ba yis/ /rdul tshon bri ba skyon yin no/ /lhan cig skyes dga' rol pa yis/ /dga' ba'i sems kyis bdag nyid bri/ /dkyil 'khor la sogs rtsom pa yi/ /rlung la sogs pa byung ba na//he ru ka dpal bdag sbyor bas/ /gdug pa thams cad bsal bar bya/ /phyi dang nang gi tshon dgye ba'i cho ga'o// //bu yi thog ma'i ye shes rnams/ /rtsibs su kha dog bzang po gang / /bsam gtan de yi 'od zer gyis/ /ye shes 'khor lo mnyam par dgug /lha mo'i tshogs ni du ma dang //byang chub sems dpa' rdzu 'phrul che/ /de nyid yang dag rin chen brgyan/ /gzhan pa'i dpa' bo stobs chen rnams/ /rtag tu rgyud las byung cho gas/ /'khor lo bde mchog blo ldan pas/ /yang na sarba bud+d+ha sogs/ /rgyud las mchod pa'i cho gas mnyes/ / dkar po ser po de bzhin dmar/ /ljang gu dang ni nag po nyid/ /gcig tu me tog phyag rgya ni/ /'dod pa'i yon tan lnga rang bzhin/ /rgya skyegs pa bla rams mchog dang / /tshon sna lnga la rjes su bcos/ /dkar po lnga yi rang bzhin rgyas/ /mnyam par mchod pas 'grub par 'gyur/ / khams kyi rang bzhin thams cad dang / /de bzhin srog dang rtsa rang bzhin/ /rnam pa sna tshogs dri dang ldan/ /sngon bzhin mnyam par 'grub par 'gyur/ /tsan+dan gnyis dang ri dgas skyes dang ga pur bcas/ /sha la ka dang na ga'i spos ni bu ram ldan/ /las kun rab sgrub spos la sogs/ / gu gul sa rdza ra dang ga bur dang / /ri dgas las skyes spos rnams ni/ /rdzas 'di rnams ni bcos pa yi/ /mar khus sbar ba'i snang ba bya/ /tsan+dan gur kum pri kwa dang / /ga pur ri dgas las skyes spos/ /bcos shing gdug par grub pa'i ras/ /phyag rgya bzang po'i ras yin no/ / kak+ko la dang e le dang / /mu sta kaM dang ga pur dang / /ri dgas las byung ba yi dri/ /'di rnams zhib mor btags nas ni/ /seng ldeng ri lur dgod par bya/ /twa ga 'dab ma lo d+ha dang / /ma ri tsa dang ga pur rnams/ /rab tu bsten par bya ba'o/ /sa hA kA ri'i mar khu ldan/ /kha la bsgos pas zhes su dran//de 'og gtor ma'i mchod pa sbyin/ /rnam par bsgyings ma bcos pa'i chang / /chang dang bdud rtsi de bzhin no/ /dpa' bo gcig dang rgun 'bru dang / /glad pa dang ni bi Ta dang / /sh+tse Ti rnams ni de bzhin no/ /lan tshwa la sogs ro rnams kun/ /sha ka ra sogs bdud rtsi 'dra//thams cad bdag nyid ros dngos grub/ /ma lus lus pa med pa sgrub/ /sna tshogs ston mos dngos grub ni/ /chang dang sha dang yang dag ldan/ /'dod pa nye bar longs spyod dang / /skal bzang che mchog rab tu 'grub/ /pa kwa'i 'bras bu pa nas/ /rgun 'bru dang ni na le ka /a lu ka la sogs pa yi/ /'bras bu'i phyag rgya 'di gtan du/ /dngos grub kun gyi 'bras bur spro/ /sha ka ra dang sbyar rtsir byug /a mra'i rus pa rnams la byug /sa ha ka ri'i mar khu sogs/ /mnyam pa'i dri ru rab tu gyur/ /ji ltar rigs par shun pa sogs/ /ba bla rgya skyegs kyis btsos te//mchod pa'i dus su dbul bar bya/ /lus skyes pa dang yang dag ldan/ /phyi rol mchod pa bdag gis bstan/ /legs par mchod par mnyes byas te/ /phyi rol song ste gtor ma sbyin/ /gcer bu skra grol gyur pa dang / /kha T+wAM ga thogs legs gnas te/ /chang dang sha dang yang dag ldan//mkha' 'gro ma sogs la 'bul lo/ /'byung gnas la sogs rnal 'byor che/ /blo dang ldan pas spangs byas shing / /lho ru mngon par phyogs byas te/ /gnas ni mthon por rnam par gnas/ /g.yon pas g.yas pa'i rkang pa mnan/ /gyen du lta bas bltas nas ni//'bar ba'i phyag rgya yang dag ldan/ /pheM brjod pa yi bdag nyid can/ /oM a ral+li ho dzaHhUM baM hoH/ /oM badzra DA ki nI sa ma ya s+t+waM dr-i sh+ya ho/ /gcig dang lnga dang de bdun du/ /sngon du gsang sngags brjod par bya/ /dam tshig rdzas dang yang dag ldan/ /thod pa'i nang du rnam par bsam//rdo rje thal mo gyen kha dbye/ /phreng ba'i phyag rgyar rab tu grags/ /dpa' bo dpa' mo'i dbang phyug kun/ /lam la gnas rnams mnyes pa'o/ /phyogs skyong yi dags 'byung po la/ /mnyam par bzhag nas gtor ma sbyin/ /kha kha la sogs sngags 'di yis/ /'dod pa thams cad bsgrub pa'o//oM kha kha khA hi khA hi/ sarba yak+Sha rA kA sA b+hU ta pre ta pi shA tsi un+mA da a pa smAr badzra DA ki n+yA da ya/ /i maM ba'i gr-ih+Na n+tu sarba sid+d+hi m+me pra ya ts+tshan+tu ya the baM ya the Sh+TaM b+hu dza tha pi pa tha mA ti kra ma tha/ /ma ma sarba kArta ya pad+su kha bi shud+d+hA ye sa ha yi kA b+ha ban+tu hUM hUM phaT phaT swA hA/ gtor ma byin nas de'i 'og tu//sngags pas spyad dang bza' ba brtsam/ /dpa' bo dpa' mo'i dbang phyug ldan/ /snying rje'i stobs kyi sbyor ba can/ /rdo rjes mtshan cing khro bo'i gzugs can ro yi kha ni gdangs pa spyi bor zla ba phyed pas bcings/ /yid 'ong dril bu'i sgra yis mdzes shing sna tshogs mang pos 'phyang ba'i rgyal mtshan tshogs//brgyan pa'i drag po'i sgra dang sna tshogs mang po'i me tog gis mtshan phreng ba bcings/ /kha T+wAM ga ni 'bar ba mchog tu dga' ba bskyed pa rdo rje rnal 'byor pas gzung ngo / /dpal ldan rdo rje lha mo de rjes bla ma mchog dang he ru ka 'khor mgon po la phyag 'tshal/ / slob ma bzang po yon tan mchog ldan dang ni mchod pa kun gyi bye brag blangs nas ni/ /g.yas na 'khrol ba'i legs pa'i Da ma ru ni dri med hUM sgrogs dga' ba'i mchog/ /slob dpon rol pa mdzad pas nges par dkyil 'khor khang ba'i dbus su 'jug/ /lho yi sgo ru song nas ni/ /lhag ma rnams su yongs su bskor//lha mo rgyud gsungs rim pa'o/ /rnal 'byor rgyud rigs shar sogs nas/ /lho yi sgo ru 'gro ba ni/ /gang bstan bde bar gsungs pa yi/ /dkyil 'khor bri bar brtag pa ni/ /kun rdzob don du rtogs par bya/ /phyogs ni mtha' yas cha shas kyis/ /lho la sogs pa brtags na ni//lho yi zhal ni gang yin nyid/ /rnal 'byor pas ni kun rdzob nyid/ /dang por dpa' bo drug dang lha mo'i bkod pa srung ba'i 'khor lo bya/ /sngags kyis mngon bsngags chog ldan pas dkyil 'khor bsgrub pa de nas bya/ /bde ba'i stan la 'bad pa yis/ /shes rab yan lag stan gyi steng //dkyil 'khor sa yi dbus su ni/ /sngon du bstan pa'i mtshan nyid ldan/ /mdzes pa'i gser dang rin chen kun/ /dkyil 'khor la ni gtor bar bya/ /sha chen po dang yang dag ldan/ /gnas brgyad du ni legs par bdug /mar khu chen po dang ldan pa'i//mar me brgyad ni dbul bar bya/ /me tog sna tshogs rnam par dgram/ /sna tshogs dri yis legs par bsgo/ /sgo bzhi ru ni dpa' bo dang / /rnal 'byor ma dang gnyis med gnas/ /lus la phyag rgya lnga la sogs/ /mgo bo lnga yis mtshan pa dang / /gang yang gcer bu'i gos dang ni//chang la dga' bas myos pa'o/ /thams cad ral pa'i cod pan bcas/ /spyad dang bza' ba mchog tu brtson/ /mtshams kyi cha ni gzhan rnams su/ /dpa' bo dpa' mo'i dbang phyug ldan/ /rdo rje dril bu mnyam 'khyud cing / /nu ma 'tshir ba la brtson pa'o//tshogs kyi gtso bo'i bdag po ni/ /dpal ldan 'khor los sgyur legs gnas/ /lha mo bzhi dang yang dag ldan/ /phag mo'i zhal la'o byed pa'o/ /la la glu yis glu len cing / /la la gar byed rnal 'byor pa/ /la la bzhad pa rab tu byed/ /bza' dang spyod pa la chags pa'o//la la rdza yi rnga brdung dang / /bkra shis glu ni sna tshogs kyis/ /'khor lo bde mchog bde ba yi/ /dpa' bo chen po la mchod do/ /thams cad dpa' bo drug dang ldan/ /rnal 'byor mas ni rgyan du byas/ /go cha la sogs yang dag ldan/ /rdo rje dkyil 'khor legs par gnas/ / de ltar go bgos bdag nyid ni/ /sum cu gsum pas kyang mi shigs/ /he ru ka la spro byas nas/ /bza' dang ston mo legs par brtsam/ /phyi dang nang gi bdag nyid kyi dkyil 'khor gyi lha dang dpa' bo dang dbang phyug ma la mchod pa'i cho ga'o/ /dam tshig 'khor lo drug pa ni/ /ye shes 'khor lo yang dag ldan//sems kyis kha sbyor byas pa ste/ /gyen du lta bas bltas nas ni/ /sngon du spyan drangs phyag rgyar bcas/ /sngags dang pheM sgrogs sbyar ba yis/ /mtha' yas phyogs na bzhugs pa yi/ /lha rnams mnyes nas dngos grub ster/ /dpa' bo dpa' mo'i dbang phyug ldan//sngon gyi mtshan ma sogs pas brgyan/ /'jig rten mgon po snying brtse can/ /rdzogs pa'i sangs rgyas gshegs par 'gyur/ /gnyis su med pa'i dngos grub thob/ /dkyil 'khor he ru ka yi zhing / /byin rlabs go 'phang yid 'ong bar/ /byed pa som nyi med pa'o/ / phyi dang nang gi ye shes kyi 'khor lo spyan drang pa'i cho ga'o// //phyi dang nang gi sems kyis ni/ /rnal 'byor ma yi 'khor lo mchod/ /rang 'byung gi ni me tog nyid/ /bu sogs gnas na legs par bzhugs/ /de yis gdong ni bskus nas ni/ /gang yang gzhan pa'i 'khor lor gnas//gnyis med gnyis su med sngags kyis/ /mngon par bsngags nas byin gyis brlab/ /mkha' 'gro ma yi gsang sngags kyis/ /sgo dang sgo ru byin gyis brlab/ /brgyad brgya mchog tu bzlas pa ni/ /mnyam gzhag sngags pa nyid kyis bya/ /A li kA li bzlas nas ni/ /phyi nas dkyil 'khor byin gyis brlab//'jigs pa'i sgra ni mang po dang / /'jigs pa'i lha mo'i lus bzang ba/ /khyim lnga yi ni lha mo mchog /byon par gyur nas mdun du bzhugs/ /sgrub pa po la dngos grub ni/ /rgya chen ster bar the tshom med/ /de bzhin du yang gsungs pa/ rtag tu de ni mchi ma 'byung //bdag nyid las byung zas de bzhin/ /rdo rje la ni 'gom mi byed/ /de bzhin gcer bur gyur bas mchod/ /g.yon pa'i dbang phyug thams cad kyis/ /'di de phyag rgya'i tshogs kyi rim/ /bza' dang spyad pas yang dag 'grub/ /mgrin pa legs bzung sgrub pa po//rang gnas song nas de mnyes shing / /rnal 'byor ma rnams grub 'dod pa'o/ /rdzu 'phrul che rtogs sngags pa ni/ /he ru ka ni mchog tu skye/ /yang na mkha' spyod 'khor lo dang / /sa spyod la sogs yang dag ldan/ /brtse zhing he ru kar gyur nas/ /'dod pa'i don kun sgrub pa'o//dpal ldan sangs rgyas zhing bskor nas/ /sangs rgyas kun gyis mchod par 'gyur/ /yang na bsod nams zhan pa'i phyir/ /dkyil 'khor gnas pa ma grub na/ /sems can don la gcig tu brtson/ /bza' dang spyad pa brtsam pa'o/ /bzhad dang sgeg pa la sogs ldan//glu dang gar gyis dga' ba'o/ /sna tshogs sten mos dpa' bo dang / /rnal 'byor ma rnams mchod par 'gyur/ /gar gyi bstan bcos thams cad ni/ /byed pa'i phyag rgya la sogs pa/ /de ni he ru ka dpal rgya/ /dngos grub thams cad rab ster ba/ /nang gi bdag nyid sbyin sreg gis//dpa' bo lha mo legs par mchod/ /dpal ldan bde mchog yang dag langs/ /dngos grub thams cad rab tu ster/ /zhi ba'i btung bar gyur pa'i sems/ /rtag pa mchog gi go 'phang ngo / /zhi ba'i btung ba gzhan ma ni/ /chang dang sha sogs yang dag ldan/ /oM sarba bud+d+ha DA ki nI sarba b+hak+ShaM sho d+ha ya gu h+ya badzri Ni hUM swA hA/mngon par bsngags nas byin gyis brlab/ /yang na lhan cig skyes pa'i gzugs/ /bza' ba kun sogs rnal 'byor pas/ /shes nas kha zas bza' ba blo ldan rnal 'byor pa mos pas/ /lhan cig skyes pa'i lto ba thab khung lte ba'i pad+ma 'dab brgyad ni//lte bar dga' bar 'byung ba shin tu 'jigs pa'i he ru ka yi zhal/ /nges par 'dab mas dkris pa chen po lha mo'i pad+ma thod par ni/ /de yi rjes su 'khor lo gsum dang sgo skyong rnams dang ldan/ /sna tshogs mang ba'i ro ster bgyis pa dpal gyi bdud rtsi sogs//sna tshogs mchog gi sreg rdzas kyis ni phung po'i bud shing rab 'bar ba/ /skad cig gyur pa kun mkhyen me yi rang bzhin la/ /sngags pa bzang pos rtag tu 'di dag der ni sbyin sreg bya/ /de bzhin du yang gsungs pa/ /rdo rje nang gi bdag nyid nyon/ /ji ltar sbyin sreg rab 'grub pa//'bar ba chen po gzi brjid che/ /rnam par mi rtog pa ru bsreg /bza' ba btung ba gang cung zad/ /de dag thams cad mkhas pas bsreg /ji ltar bstan pa'i yam shing ni/ /gzugs phung la sogs rang bzhin dag /rnam par mi rtog pa yis bsreg /gang zhig sems ni rang bzhin kun//khu ba khrag dang de bzhin sha /bshang dang gci ba lnga pa ste/ /rnam par mi rtog pa yis bza'/ /rang bzhin med pa'i blo ldan pas/ /de bzhin nga rgyal gti mug che/ /zhe sdang 'dod chags de bzhin du/ /phrag dog ser sna phra ma ste/ /dam tshig bsten pa dri ma med//de nyid bzang por mnyam sbyor bas/ /lus kyi dkyil 'khor lhan cig skyes/ /gtor ma la sogs gang cung zad/ /lus kyi dkyil 'khor 'khor lor sbyin sreg bya/ /mtshan mo skra grol gyur pa dang / /gcer bus phyi rol gtor ma sbyin/ /sngon du bstan pa'i cho ga yis//lam la gnas shing gzi brjid che/ /rnal 'byor ma dang dpa' bor ldan/ /gtor ma byin pas mnyes par 'gyur/ /sems can bsam pa dang mthun par/ /phyi rol gyi ni sbyin sreg bshad/ /rnal 'byor rgyud dpal las bstan pa/ /lus kyi 'khor lor sbyin sreg bya//gang phyir lus kyi sangs rgyas ni/ /dam tshig des na de bsreg bya/ /rten dang brten pa pad+ma'o/ /dbus su sbyin sreg bya ba'o/ /sha dang bdud rtsi bza' ba ste/ /chang ni btung bar yang dag ldan/ /de bzhin du yang gsungs pa/ phung po'i bud shing sgrib pas brlan zhing g.yogs pa yang / / ye shes me ni byed pa'i rlung gis bskul bas de/ /du ba 'byung zhing me lce 'bar ba nyid kyis bsreg /khyab cing rgyal ba de ni chos kyi dbyings su mthong / /lus kyi sbyin sreg yang dag ldan/ /phyi rol sbyin sreg gis mnyes te/ /rdo rje bdud rtsi la sogs bsten/ /phyi rol sbyin sreg yang dag brtsam//khru gang tsam gyi thab khung gyur/ /thod pa lta bus mdzes pa'o/ /lho ru kha bltas cho ga yis/ /de la kha bltas bskor bas 'grub/ /dbus su pad+ma 'dab brgyad ni/ /ri yi steng na legs par gnas/ /pad+mar dgra ste de bzhin zhags/ /mdud dang kha T+wAM yang dag ldan/ /khro bo lta bu shin tu 'jigs//rdo rje lte bar dgod pa dang / /phyi rol rdo rje phreng ba bya/ /pad+ma lta bu'i kha khyer bzang / /rnal 'byor rgyud kyi dgang gzar dang / /blugs gzar nyid kyang de bzhin no/ /cung zad kha la thod pa 'dra/ /dbus su khro bo'i rdo rje bri/ /A li kA li legs par brjod/ / 'byung gnas la sogs rnal 'byor rig /g.yon du sbyin sreg la sogs rdzas/ /g.yon pa'i spyod pas sbyin sreg bya/ /gnyis med la sogs rgyud chen las/ /mchod pa bya ba'i cho ga yis/ /me dang he ru ka dpal sogs/ /sbyin sreg byas nas yon blang ngo / /mi dang ba lang rnga mo dang / / ce spyang rta dang glang po yi/ /sha ni dngos grub 'dod pa des/ /rnal 'byor rig pas sbyin sreg bya/ /gsang bar skra grol gcer bu dang / /sngon du spyad cing bza' ba yis/ /dpal ldan bde mchog rnal 'byor ches/ /gtor ma'i las ni legs par brtsam/ /phyi dang nang gi sbyin sreg gi cho ga'o// //sngags pa rnal 'byor ma lhan cig /lho ru bltas shing lho ru ni/ /dkyil 'khor la gnas slob ma la/ /cho ga yis ni 'di skad smra/ /bu yis nges par rab 'bad pas/ /sdom pa'i mchog rnams srung bar gyis/ /dpal ldan bde mchog las mchog med/ /lhan cig skyes pas nye bar mtshon//dkyil 'khor gyi ni mdun byas te/ /yang na gsungs par gyur pa ste/ /ma la sogs pa thod par gnas/ /slob ma'i sdig pa sel ba ste/ /g.yon pa'i lag pas legs par blangs/ /yi ge bdun pa rjes su dran/ /he ru ka yi sbyor dmigs te//nga rgyal bcas pas legs par gnas/ /phag mo dang ni 'o byed pa/ /slob ma kun gyi kha ru ni/ /nus pa 'phrog cing bdud med pa/ /blo bzang [(]kyis [,]gis [)]ni rim par gtor/ /dpa' bo drug sogs sngags kyis las/ /byas nas slob ma shin tu bsrung / mkha' 'gro'i sngags kyis bsngags pa yi//dar dpyangs bcing bar bya ba'o/ /rgyan rnams kun gyis brgyan pa yi/ /slob mas lho nas gsol ba btab/ /dngos grub thams cad bsgrub pa yi/ /skye bo la ni dngos grub ste/ /de nas bla ma'i lag g.yon gyis/ /rtag tu slob ma bzung nas kyang / /lho yi sgo ru bzhag nas ni//po tang gi yi tshig gis dri/ /slob mas kyang ni de nas tshig /pra ti po tang gi kye khyab bdag /he ru ka yis gA ya dri/ /de nas dpa' bos brjod par bya/ /oM shrI he ru kA ya bid ma he bid+yA rA dza ya d+hI ma he swA hA/ 'di ni gA ya dri'o/ /dkyil 'khor 'dir ni dngos grub ste//mkha' 'gro ma yi dra ba'i gtso/ /bde mchog gi ni gzhir gyur pa/ /bu khyod kyis ni blang bar gyis/ /lho sgor slob mas 'di skad brjod/ /oM na ma te hUM/ na ma mi hUM/ na mo na ma hUM swA hA/ zhes so/ /mkha' spyod la sogs rab dbye bas/ /phyag gsum dag ni bya ba'o/ / thal mo spyi bor byas nas ni/ /yan lag kun gyis phyag bya'o/ /oM sarba bA ri yo gi nI b+h+yaHpU dzo ba s+tha nA ya/ At+ma nAM ni d+yA ta yA mi sarba ta thA ga ta bI ra yo gi n+ya tAM DA ki n+yai a d+hi taSh+Thi swa mAM/ g.yon pas thal mo sbyar nas ni/ /snying ga ru ni byas nas ni/ /yon tan kun gyi gzhir gyur pa/ /slob mas sgo kun la phyag bya//oM sarba bI ra yo gi nAM pU dza a b+hi She kA ya At+mA nAM ni r+yA ta yA mi/ sarba ta thA ga ta bI ra yo gi n+yA t+ma lA mA yi a b+hi Shiny+tsa mAM/ g.yon pa'i thal mo 'phral ba ru/ /byas par gyur nas de nas yang / /byang gi sgo ru brten nas ni/ /rnal 'byor ma la phyag bya'o/ /oM sarba bI ra yo gi nI/ b+h+yaHpU dza pra brta nA yAt+ma naM ni r+yA ta yA mi/sarba ta thA ga ta bI ra yo gi n+yA t+maM khaN+Da ro hA yi pra brtA ya mAM/ sngags pas de nas phyi nas sgor/ /spyi bor thal mo byas nas ni/ /sngon du gsang sngags brjod pa yis/ /dpa' bo he ru kar phyag bya/ /oM sarba bI ra yo gi nI naM pU dza karma Ni At+mA nAM ni r+yA ta yA me/sarba ta thA ga ta bI ra yo gi n+yA t+maM rU pi N+yai karma ku ru mAM/ phyag bzhi'i cho ga'o/ /lho yi sgo ru song nas ni/ /lho ru bltas nas legs par gnas/ /g.yon pas slob ma bzung nas ni/ /sdom pa'i mchog ni sbyin par bya/ /sangs rgyas chos dang dge 'dun te/ /dkon mchog gsum la skyabs su song //'dir ni sangs rgyas rigs yid 'ong / /sdom pa brtan por gyur pa'o/ /rdo rje dril bu phyag rgya yang / /blo chen khyod kyis gzung bar bya/ /byang chub sems gang rdo rje ste/ /shes rab dril bu zhes bya'o/ /slob dpon khyod kyis gzung bar bya/ /bla ma sangs rgyas kun dang mnyam//'di ni rdo rje'i rigs dag pa'o/ /sdom pa dam tshig ces su brjod/ /rin chen rigs la rtag tu ni/ /nyi ma re re dus drug tu/ /zang zing mi 'jigs chos dang byams/ /sbyin pa rnam bzhi sbyin par bya/ /phyi nang gsang ba'i theg pa gsum/ /dam pa'i chos ni khyod kyis gzung //'di ni pad+ma'i rigs dag pa'i/ /sdom pa mchog gi go 'phang ngo / /sdom pa thams cad yang dag ldan/ /bdag gis brtan por so sor gzung / /mchod pa'i las kyang ci nus bgyi/ /las kyi rigs chen rtag pa'o/ /sdom pa'i cho ga'o// //bu skyes so sor gnas par gyis//rigs kyi de nyid kun du blta/ /dpa' bo lha mo legs par byung / /he ru ka ltar shin tu mdzes/ /gang gis bskyed pa mkha' ltar stong / /mchog gi go 'phang thob par 'gyur/ /he ru ka dpal ye shes de/ /nga yis mchog ni khyod la sbyin/ /dkyil 'khor ma mthong ba rnams la//khyod kyis kyang ni smra mi bya/ /gal te smras na bu khyod kyi/ /dam tshig nyams par gyur ta re/ /dpal ldan phag mo khyod nyid kyi/ /snying la yang dag zhugs pa 'di/ /gal te tshul 'di smras na ni/ /de ma thag tu dral nas gshegs/ /bdud rtsi lnga yi chu yi snod//slob ma mchog la sbyin par bya/ /mkha' 'gro ma yi sngags bzlas shing / /tshig 'di dag ni brjod par bya/ /'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub 'ong / /bdud rtsi lnga yi chu 'thung shig /oM pany+tsa amr-i tod ka tha hUM/ded phan chod khyod kyi dpal phag mo nga yin gyis/ gang nga yis smras pa de 'bad pas bya dgos so/ /khyod kyis nga la brnyas par ma byed cig /khyod ya nga ba ma spangs par dus byas nas/ /dmyal bar ltung bar gyur ta re/ /bu yis 'di dag smra bar gyis/ /dpa' bo dang rnal 'byor ma rnams bdag la byin gyis rlob la/dpal he ru ka la sogs pa bdag la dbab tu gsol/ /gos ngan khrag ni blangs nas ni/ /bdud rtsi lnga dang gu gul dang / /byi la'i rtug pa yang dag ldan/ /bdug pa byas nas bsngags nas ni/ /thod pa'i nang du gzhag par bya/ / ro bsregs me yis legs par bdug/ khros shing bsgyings bcas sems dang ni/ /gnyis su med pas bsngags par bya/ /sngon du bstan pa'i rgyan dang ldan/ /go cha yan lag de bzhin no/ /slob ma'i lus la blo ldan pas/ /yang ni 'khor lo thams cad gzhug /lte ba'i pad gnas 'khor lo bzang //gsal zhing 'od dang bcas pa'o/ /rkang pa'i 'og tu rlung gis bskyod/ /slob ma la ni dbab par blta/ /gnyis su med pa'i gsang sngags bzlas/ /g.yas brkyang stan la yang dag ldan/ /mkhas pas sngon du bstan pa yi/ /bdug pa rnams kyis bdug par bya/ / oM tiSh+Tha ma hA kro d+ha A be sha hUM/ oM shrI he ru kA ya bid ma he ba bir+yA dza ya d+hi ma he swAhA/ zhes bya bas dpa' bo rab tu bskul la/ de yi lag nas lag pas bzung / /mig phye nas ni bstan par bya/ /dpal ldan phag mo da khyod kyis/ /mig 'byed par ni brtson par mdzad/ /thams cad mig ni 'byed gyur pa//rdo rje mig ni bla na med/ /oM sarba bud+d+ha DA ki nI ye badzra bar+Na nI ye hUM phaT swA hA/ dad pa'i shugs kyis da lta ni/ /dkyil 'khor 'di la blta bar gyis/ /khyod ni rnal 'byor ma rigs skyes/ /sngags dang phyag rgyas byin gyis brlabs/ /me tog gtor ba la bltas te//stan sogs gnas na legs par gnas/ /gang du me tog ltung ba de/ /de la dngos grub 'gyur ba'o/ /phyi rol dbab pa'i cho ga'o/ /rnal 'byor kha cig phyi rol 'dod/ /bdag gi bla ma'i dbab pa'i lugs/ /bdag nyid byin gyis brlab par gyur/ /dkyil 'khor bya ba'i cho ga ni//cung zad bsgoms pa'i brtul zhugs can/ /byin gyis brlab pa'i rim pa nyid/ /rnal 'byor ma yi lus kyis gsungs/ /lus kyi rin chen bskyod pa ni/ /skad cig gis ni rang bzhin 'phar/ /rnal 'byor bzang pos 'das pa'i rigs/ /ma 'ongs pa yang mthong bar 'gyur//dbab pa'i cho ga'o// //he ru ka dang gnyis med gnas/ /dpa' bo che la bu yis ltos/ /pad+ma'i 'dab mar lha mo bzhi/ mchod pa bzhi dang yang dag ldan/ /'khor lo gsum gyi bdag nyid can/ /sgo skyong la sogs rnams kyis srung / /blo gros chen po dbus gnas pa'i/ / 'khor lo bde mchog bde ba'i mchog /bla ma'i zhabs la phyag byas te/ /slob ma gus shing yid 'ong bzang / /g.yon pa thal sbyar snying gar gzhag/ /dbang skur don du gsol ba gdab/ /he ru ka dpal dbang skur ba/ /'gro ba skyob phyir gzi brjid can/ /rdo rje sems dpas ji ltar byin//de bzhin bdag la deng gsol cig /lho yi sgo ru rab zhugs nas/ /he ru ka sogs bdag sems la/ /seng ge'i stan la gnas pa yi/ /sna tshogs pad+ma la 'phan sogs/ /slob ma phyag rgya lnga dang ldan/ /kha T+wAM ga brten legs par gnas/ /steng du gdugs bzang lha mos gzung //Da ma ru ni lag na thogs/ /rnal 'byor ma dang dpa' tshogs kyis/ /bskor nas dbus su bsgyur nas ni/ /glu la sogs pa'i bkra shis kyis/ /'bad nas mchod pa byas nas ni/ /thog mar gnas pa'i dngos grub don/ /blangs nas sngags dang yang dag ldan//gsang sngags rig pas dpa' bo dang / /rnal 'byor ma tshogs 'khor lor gtor/ /de nas dgyes pas langs nas ni/ /dpa' bo he ru ka dpal sogs/ /dbang bskur rin chen chen po yi/ /gnyis med chu ni ster bar byed/ /he ru ka yi bka' thob nas/ /thog mar snying po bzlas pa yis//dbang bskur ba ni sbyin par bya/ /gzhan dag tu ni bzhad gad 'gyur/ /nus pa med gyur rnal 'byor ma'i/ /snying ga'i dkyil 'khor 'od zer gyis/ /slob ma'i lus la bkang nas ni/ /dbang bskur sbyin pa bsam par bya/ /dbang bskur ba ni bcu bzhi ni/ / sngon gyi rnal 'byor pas gang bstan/ /rgyas pa dgos pa med pa'i phyir/ /thams cad bdag gis ma bris so/ /bskyed pa rnal 'byor rgyud du'o/ /rdzogs pa rnal 'byor ma yi rim/ /bdag gis de bgros rdzogs pa yi/ /rim pa 'di ni rab tu bsgrags/ /yungs kar 'od zer du ni bstan//gang phyir des ni legs bskul ba'o/ /sangs rgyas rol pa 'di lta bu/ /bdag nyid chen po phab nas ni/ /sangs rgyas lnga yi rang bzhin te/ /brtan g.yo kun gyi bdag nyid do/ /des na thog mar dbang bskur lnga/ /bde zhing 'byor pa sbyin par bya/ /'gro ba rgyu dang mi rgyu ba/ / dbang bskur skad cig gis rdzogs so/ /gang phyir 'gro dbang ngo bo ste/ /de phyir dbang bskur sbyin mi bya/ /mi shes de nyid mi rig ste/ /de yang de nyid rang bzhin no/ /rdzogs pa'i ye shes bskyed pa ni/ /yang ni smra bar bya ba'o/ /thog mar chu ni sbyin par bya/ /mkha' 'gro ma yi sngags kyis bsngags//phyi nas dbu rgyan sbyin par bya/ /sangs rgyas kun gyi rim pas so/ /ji lta ba bzhin du gsungs pa/ /chos kyi dbyings kyi rang bzhin nam/ /de bzhin srog dang rtsa rang bzhin/ /thod pa'i phreng ba'i dbu rgyan te/ /rdo rje gtsug gi nor bu thod/ /sna tshogs kun gyi bla ma dang / / thams cad kun gyi slob dpon phyir/ /ma lus lus pa med 'grub cing / /rgyal srid thams cad rab tu 'grub/ /sna tshogs rang bzhin pad+ma gcig /sna tshogs kyis mdzes de bzhin no/ /sangs rgyas pad+ma'i dbang bskur bas/ /slob ma thams cad dbang bskur te/ /gsang sngags 'di nyid brjod par bya//oM sarba bud+d+ha DA ki nI ye badzra bar+Na nI ye hUM phaT swA hA/ snying gar gnas pa'i thugs rdo rje/ /de rjes kyang ni dbang bsgur te/ /bdag nyid he ru ka rdor che/ /yid du 'ong ba'i tshig 'di brjod/ /dpa' bo rdo rje dbang bsgur bas/ /de ring khyod la dbang bskur bya/ /dpa' bo kun du rab 'grub phyir//rdo rje 'di ni khyod kyis long / /rdo rje dril bu'i lag pa yis/ /he ru ka yi sbyor bas 'khyud/ /de yi g.yas pa'i brla steng du/ /g.yon pa'i byin pas mnan pa'o/ /oM he ru ka a d+hi pa ti twAM a b+hi Shiny+tsA mi tiSh+Tha bI ra sa ma ya staM/ bdag pa'o/ /oM shrI he ru ka a d+hi pa ti twaM a b+hi Shiny+tsA mi shrI he ri ka nA ma a b+hi She ka ta/yang na rnal 'byor ma yi gtso/ /lha mo rgyud las thams cad du/ /de ming rnal 'byor ma lung bstan/ /de nyid rig pas sbyin par bya/ /oM shrI he ru ka a d+hi pa ti twaM a b+hi Sha ny+yA mi shrI he ru ka nA ma a b+hi She ka ta/ gdod nas chos la ming med de//kun rdzob tu ni ming du grags/ /dam pa'i don gyi rang bzhin gyis/ /ming med ming dang ldan pa'ang med/ /shin tu rnam dag chu yin te/ /mnyam pa nyid ni dbu rgyan gyur/ /rdo rje rtag tu so sor rtog /bdag po dam tshig las byung ba'o/ /brtul zhugs lung bstan dbugs dbyung ba//dpal ldan rnam snang gtso bo'o/ /dbang bskur 'di dag yang dag ldan/ /bum pa'i dbang du rnam par bstan/ /'di de sangs rgyas thams cad kyi/ /he ru ka yi phyag na gnas/ /khyod kyis kyang ni rtag tu bcang / /he ru ka yi brtul zhugs brtan/ /oM sarba bI ra twaM sid+d+hi badzra sa ma ya tiSh+Tha e Sha s+t+waM d+ha ra yA mi hi hi hi hi hUM/rdo rje brtul zhugs de byin te/ /de yi rdo rje sbyor bas bzung / /thog mtha' med pa'i sems dpa' ni/ /rdo rje sems dpa' dga' ba che/ /mkha' 'gro dra ba kun bdag nyid/ /rdo rje bsnyems pa bdag po'i bdag /dril bu de nyid gzugs kyis ni//rnam par mkhas pas de la sbyin/ /'di de rnal 'byor ma kun gyi/ /shes rab dbyangs ni rjes su dran/ /khyod kyis kyang ni rtag tu bcang / /byang chub mchog tu rgyal ba zhes/ /srid pa ngo bo nyid kyis dag/ ngo bo nyid kyis dngos byas pa/ /rang bzhin dag pa'i sems dpa' yis//dam pa'i srid pa byed pa'o/ /dpa' bo chen po chen po sbyin/ /kha T+wAM ga mchog gzung bar gyis/ /he ru ka dpal sku yan lag /brtan g.yo'i bdag nyid kun yan lag /bu yis rtag tu dam du ni/ /rab tu 'bad pas gzung bar gyis/ /thod pa'i phreng ba yang dag ldan//dbu rgyan mchog tu gzung bar gyis/ /gar dang glu dang de bzhin phreng / /dri dang bdug pa de bzhin te/ /'di dag lhan cig skyes par grags/ /'khor dang shin tu mdzes pa'o/ /me long ye shes me long dang / /dung ni de bzhin bde ba'o/ /mig sman bde ba ces byar gsungs//sems can kun la rab tu bskur/ /phyi rol gyi ni bum pa 'di/ /slob dpon thams cad bzhed pa'o/ /bum pa gzhan ni lhan cig skyes/ /lus la rtag tu gnas pa'o/ /ka ni byang chub ces su gsungs/ /'bar ba ldan par gang zhig gyur/ /de ni bum pa zhes su bstan//sems can kun la legs par gnas/ /bum pas legs par dbang bskur bar/ /sems can thams cad som nyi med/ /bla ma'i man ngag rim med pas/ /bum pa shes par mi 'gyur ro/ /de bar nus pa 'khor lo dbus su kun gyi snying po ni/ /bla ma dang ni rnal 'byor ma dang dpa' bo'i 'khor lo la gus kyis//skye bo ngan pa'i tshogs dang gdug pa'i sems sogs spongs/ /lhan cig skyes par 'byung ba'i sems dang he ru ka yi rdo rje khyod nyid do/ /bum pas dbang bskur slob ma yis/ /nam mkha' lding gi tshul gnas la/ /snyan pa'i tshig gis smra bar bya//bgrod dang mi bgrod sogs mtshan nyid/ /zhi dang rgyas sogs gang cung zad/ /ral gri mig sman rkang mgyogs dang / /rnal 'byor ma yi sgrub pa gang / /las de thams cad bsgrub par bya/ /nang par sngar langs sems dag nyid/ /thams cad lus la byas nas ni/ /bgrod dang mi bgrod gang cung zad//kun la sbyar bas bya ba'o/ /lus kyi sdug bsngal yongs spangs nas/ /dam tshig dang ni sdom pa bzung / /bde mchog gis ni byin pa bzhin/ /bu yis rtag tu sbyin par bya/ /rgyal dang stong dang de bzhin gang / /phyogs ni gnyi ga la de bzhin/ /rnal 'byor ma dang dpa' bo mchod//rang nyid kyis ni 'bad nas mchod/ /dpa' bo dpa' mo'i dbang phyug tshogs/ /chad la dga' bas rol bar bya/ /'khor lo bde mchog dkyil 'khor du/ /bu khyod kyis ni rtag tu rol/ /dpa' bo phyogs la rab 'bad pas/ /lag pa'i brda ni sbyin par bya/ / dpa' bo dam tshig shes nas ni/ /de dang lhan cig bza' zhing spyad/ /theg pa dman la dga' ba ni/ /bzang pos nam yang mi bya'o/ /'khor ba dag kyang mi gtong zhing / /mya ngan 'das rtag dga' mi bya/ /rnal 'byor ma dang dpa' bo'i tshogs/ /gnod pa'i bsam pa mi bya'o/ /dpa' bo spyod pa'i brtul zhugs blta//rtsa ba'i sngags ni rtag tu bzlas/ /bde mchog mnyes pas dngos grub tu/ /'gyur bar the tshom med pa'o/ /de nas 'bad pas skyong ba ni/ /dam tshig grub pa the tshom med/ /gsang ba'i dam tshig bskyang ba yis/ /spyod cing mos par 'gyur ba'o/ /bskal pa mtha' yas brgya yis kyang //nyams par gyur pas mi 'grub po/ /bla ma'i zhabs kyi pad+ma la/ /dngos po kun gyis phyag byas nas/ /khyab bdag khyod kyis ji ltar bstan/ /kun mkhyen bdag ni bgyi bar 'tshal/ /sdom pa bskyang ba'i cho ga'o/ /lhan cig skyes pa'i sems kyis ni/ / mi bya ba ni ci yang med/ /tshangs par spyod pas brtags nas ni/ /'dod pa lnga la spyad par bya/ /'dod pa kun la longs spyod pas/ /ji ltar 'dod pa yid kyis bsten/ /he ru ka dpal rnal 'byor che/ /bsams nas thams cad rab tu brtag /bdag nyid sangs rgyas thams cad nyid/ /yan lag thams cad mkha' 'gro'i gnas//de bas kun nas rab 'bad bya/ /bdag nyid he ru ka mchod do/ /'dod chags bral ba lta bu yi/ /khams gsum na ni sdig gzhan med/ /de bas chags dang chags bral bar/ /khyod kyis gzung bar mi bya'o/ /dam tshig bsrung ba'i cho ga'o/ / g.yas pas chos gos bzung nas ni/ /g.yon pas mchog sbyin legs gnas dpa' bo yis/ /nam mkha' lding ltar gnas pa'i slob ma dngos po kun byas te/ /'di ltar nga yis lung bstan khyod/ /he ru ka dpal de bzhin gshegs/ /srid pa mchog tu dag pa'i phyir/ /srid pa ngan 'gro rnams las 'don//shrI he ru ka ni rma Nata thA ga ta sid+d+hi sa ma ya s+t+waM b+hur b+hu ba swa/ don yong grub pa'i phyag rgya chen por rnam par gnas pa'i thabs 'dis/ mchog tu gsang ba'i cho gas rgyal ba rnams kyis mgrin gcig tu lung bstan pa ste de he ru kar 'gyur ro/ /lung bstan pa'i cho ga'o//khams gsum kun gyi rgyal srid che/ /rgyal po'i bdag por brtan pa dang / /di ring bdud las rnam rgyal zhing / /grong khyer mchog tu zhugs pa yin/ /dbang 'di bskur ba tsam gyis ni/ /deng ni sangs rgyas nyid du ni/ /thob par 'gyur bar the tshom med/ / chu dang dbu rgyan rgyu mthun te/ /rdo rje bdag pos mtshon pa smin/ /rdzogs sangs rgyas dbang skyes bu ste/ /gsang bar sbyor ba dri ma med/ /ma dang bu mo sring mo dang / /tsha mo nyid de pho nya mo/ /gtum mo dang ni gar mkhan nam/ /gzhan ma la yang sems sbyin te/ /de rnams nang nas me tog ldan//sngags pa bzang pos gzung byas te/ /dbang skur ba la spro ba che/ /rgyud kyi mtshan nyid yang dag ldan/ /dpal ldan me tog sha lnga dang / /pad+mar gnas byas blo bzang bas/ /phyag rgya 'di dag dkyil 'khor du/ /rgyud bsrungs bsrung bar the tshom med/ /phyag rgya drug dang thal bar ldan zhing gos dang bral ba skra grol phyag rgya ni//phyag rgya g.yon na kha T+wAM ga ste g.yas na Da ma ru ni dri med dkrol ba yi/ /mdun gyi phyogs su blangs nas brla g.yon dbus su slob ma mkha' lding kha byas te/ /bza' ba legs gnas rab mchog bla ma mchog gis zla ba'i 'dod pa bya//rnal 'byor ba yis spros par gyur pa gang zhig dri med de ni lce yis rab blangs nas/ /de nas de yi thod par rab tu rgyas pa'i zhal gyis slob ma la ni gsang ba sbyin/ /pad+ma la gnas mchog tu dga' bar 'byung zhing snying por gyur pa khyod kyis lce yis long / /de nas lag nas bzung ste cho ga bzhin du skyon med rnal 'byor ma ni de la sbyin//lha mo 'di ni dngos grub ster/ /khams lnga bcud kyi bdag nyid can/ /he ru ka bdag sbyor ba yis/ /bde la legs par myang bar gyis/ /bu kye mdun du dga' bas mtsho skyes mchog ni dga' bas brtan par 'khyud/ / tshig med brjod du med pa gang zhig legs pa'i mthu ni bde mchog rang bzhin snying po'o/ /gzhan pa thams cad ji ltar bstan pa bde ba skyes pas dga' ba'i ngo bo la sogs de/ /shes par byas nas phyis ni ji ltar 'dod pa bya zhing nyin dang mtshan du de nyid rin chen bsgom/ /lha mo'i mtshan nyid mngon du bstan pas rdo rje'i dbyangs kyis smra bar bya//dpa' bo khyod ni ci la spro/ /pad+ma las byung bza' ba dang / /dga' ba bzhi po gang yin dang / /de yang mi phyed legs pa'i blo/ /nus sam he ru ka yis smros/ /slob mas kyang ni de nas smra/ /rtag tu bdag gis byed par nus/ / pad+ma rgyas pa mgu ba yis/ /dag pa'i sems la smra bar bya/ /pad+mar ji ltar bya bar gyis/ /bde mchog mnyes pa la sogs pa/ /'jigs dang ngo tsha rtag tu thong / /bde ba'i mchog la rol bar gyis/ /slob dpon gyis ni ji ltar bstan/ /blo bzang gis ni de kun ni/ /sangs rgyas bzhi yi stan la gnas//rdo rje pad+ma legs par gnas/ /dga' ba bzhi yi mtshan nyid ni/ /rim pa nyid kyis rjes su spyad/ /de 'og 'byung ba legs bza' zhing / /bla ma rnal 'byor ma phyag bya/ /rdo rje snying po dben par mnyam pa'i ro la rab tu dga' bas he ru ka yis bya//lha mo'i tshogs ni dpa' bo dang bcas mang po'i ro dang bcud ni khro dang sgyu las rnam par grol/ /pad+ma la gnas sbyor ba'i sems ni mchog tu dga' bar 'byung ba zla ba'i 'od rang bzhin/ /gcig tu rol pa la chags snying po lhan cig skyes pa'i rang bzhin sangs rgyas kun gyi dngos//dga' ba dang bcas dpa' bo mgon pos nges par bzhi ba'i mtshan nyid gsungs/ /de ni kun mkhyen rang bzhin sa gsum dang bcas bde mchog snying po'o/ /lhag ma'i brtul zhugs la sogs sbyin zhing bde mchog tu sbas gang yin sems ni bde bar bya//rnal 'byor ma yis gsang ba'i mtshan nyid nges par rgyud kyi snying pos nges par brdar bstan bya/ /rnal 'byor sems kyi mtshan nyid ni/ /bde mchog gzhi las ma shes na/ /rnal 'byor ma tshogs ci yi don/ /sems can la bstan ci yi don/ /don 'di dag dang yang dag ldan/ / dbang bskur ba ni rnam pa bzhi/ /dpal ldan bde mchog rgyud las ni/ /ji ltar bstan pa de bzhin gsungs/ /de bzhin du yang gsungs pa/ /bum pa'i dbang ni dang po ste/ /gnyis pa gsang ba'i dbang yin no/ /shes rab ye shes gsum pa ste/ /bzhi pa de nas yang de bzhin/ /dpal ldan 'dus pa'i rgyud las mchog tu dga' ba'i mtshan nyid gcig pa'i rang bzhin ni//legs par bsngags pa'i dngos grub gsungs pa lhan cig skyes mi gnas/ /dpal ldan bde mchog rgyud du thog mar lhan cig skyes pa'i sems ni rnam par bkod/ /blo dang ldan pas mngon du brda yis bstan pas go bar bya//lhan cig skyes pa'i dga' bar 'khor bar thams cad rnal 'byor pa ni rtag tu 'gyur/ /de nyid du ni sngags dang phyag rgya lhan cig skyes par chog tha dad gsungs/ /lhan cig skyes pa he ru kar brjod pa'i/ /dga' ba bstan pa mi shes ni/ /de ni bde mchog phyi rol 'khor//de ni dngos grub shin tu ring / /rtag pa'i dus su bde mchog gang / /'dus pa zhes byar des gsungs so/ /'dus pa dang ni bde mchog dag /rten cing 'brel bar 'byung bar gnas/ /'dus pa zhes bya chogs bstan/ /'khor lo bde mchog de las byung //'dus pa bde mchog ces bya ste/ /de kun he ru ka ru brjod/ /gang zhig bde mchog lhan cig skyes pa thog med sangs rgyas te/ /rang rig chogs rnam par sprul pa sna tshogs gzugs/ /rdo rje pad+mar 'byor pa rgyu las ma skyes dpal ldan 'di ni he ru ka bcas mgon par gyur//yon tan kun gnas rgyud las ni/ /'di yi don ni legs par gsungs/ /he ru ka dpal legs sbyor ba/ /'dod pa'i don kun sgrub pa po/ /pha rol yan lag ces grags pa/ /gang yin slob ma dbang bskur ba'o/ /de nyid lhan cig skyes yan lag /ces pa rnal 'byor ma lus grags//lhan cig skyes ma gzugs can ma/ /yan lag phyag rgya 'di spangs nas/ /gang zhig yang dag rig 'dod pa/ /gzhan du sdug bsngal skal ba can/ /ji ltar chags pa'i cho ga yin/ /bde mchog las ni sems can 'dzin/ /lhan cig skyes dga' stong pa nyid/ / 'khor ba na ni mchog yin no/ /de gsungs pa/ rdo rje bdag po thams cad kyis/ /'dod chags de nyid don bsam zhing / /'dod chags las skyes byang chub bya/ /sems can kun la phan pa yi/ /sngags pas khong du chud don 'di/ /sku dang gsung dang thugs su 'dod/ /de kun rtogs pa'i blo yis ni//cho ga yis ni las bya'o/ /grub pa'i dam tshig sdom pa ni/ /'di ni rtag tu bsrung bar bya/ /sangs rgyas kun gyis legs par gsungs/ /gnang ba'i mchog 'di brtag pa'o/ /gang gsungs pa/ 'bras bu 'byung ba mang po rgyas pa ni/ /gsang sngags smra bas bstan pa ni//sems kyi sgrub pa'i khyad par gyis/ /sems las rdzogs pa'i byang chub 'byung / /de gsungs pa/ byang chub sems kyi 'bras bu gang / /de ni sangs rgyas ye shes mchog /rdo rje he ru ka 'di mngon du 'gyur/ /chos dang longs spyod sprul pa yi/ /dpa' bo rnal 'byor ma rnams gzugs//rnam pa sna tshogs mchog gis sems/ /lhan cig skyes byas mnyes nas ni/ /gsang sngags zlos la mchog tu brtson/ /rdul tshon lhan cig skyes pa'i gzugs/ /legs mchod nas ni gshegs su gsol/ /rdul tshon bag tsam don byin nas/ /chu bo chen po sogs par 'dor//de nas dpa' bo lha mo rnams/ /mtshan mo phyed nas mkhas pa yis/ /spyad dang bza' ba sngon byas te/ /rgyud nyid kyis ni mchod pa bya/ /dkyil 'khor sa yi gnas su ni/ /'ongs par gyur nas bla ma mchod/ /phyi dang nang du yang dag ldan/ /'dod pa lnga la nye bar spyod//he ru ji bzhin lha mo bzhin/ /bla ma yang ni de bzhin no/ /he ru lha mo bla ma la/ /mchod pa'i 'bras bu 'dra ba'o/ /de nas bla ma la dbul ba/ /de bzhin gshegs pa gsungs pa'i yon/ /gser ni brgya stong dbul ba dang / /rin chen rnam pa sna tshogs dang / ras ni zung gyur brgya nyid dang //glang po rta dang yul 'khor dang / /rna rgyan dang ni lag rgyan dang / /mgul rgyan sor gdub dam pa dang / /gser las byas pa'i mchod phyir thogs/ /rang gi chung ma bu mo dang / /bran dang bran mo sring mo rnams/ /phyag byas nas ni dbul bar bya/ /dngos po kun gyi bdag nyid kyis//blo dang ldan pas bla mar rab dbul bya/ /deng nas brtsams te bdag bran du/ /khyod la bdag ni phul ba lags/ /de ltar cho ga de byas nas/ /sgrub pa po yis shin tu nges/ /de nas de dang de yi ni/ /mkha' 'gro ma dang sbyor ba'o/ /DA ki nI dang lA ma dang / / khaN+Da ro hA rU pi Ni/ /'di dag 'gro bar rnam par spyod/ /mkha' 'gro ma dang sgrub por bcas/ /thams cad de yi bran bzhin du/ /sgrub pa po ni so ma nyi med/ /sbyor ba grub par gyur pa de'i/ /'jig rten gsum gyis mi bzlogs so/ /slob dpon lus su gnas nas ni//'bad pa yis ni mchod pa len/ /'di don bdag gis rab tu bstan/ /bla ma la ni mchod pa bya/ /he ru ka sogs bde mchog la/ /dngos po kun gyis legs mchod pa/ /rdzogs par gyur nas mkhas pa yis/ /de yi 'og tu spyod pa bya/ /dbang bskur ba'i cho ga'o// // yang na yid ni mngon dga'i gnas su 'khor lo'i bdag nyid rnal 'byor ldan pa yi/ /dbang bskur don du yid 'ong ba yi 'khor lor cho ga thams cad byas/ /sngon du bstan pa'i rnal 'byor ldan pa'i sngags pas zas bzang po yi rgyan dang cho ga ni/ /sngon du bstan pa'i de 'dra'i slob ma la ni dbang bskur sbyin//gnas der rnal 'byor pa ni dang po'i dpa' bo dang ni dbus dang g.yon par ldan/ /g.yon pa'i spyod pa'i cho gas shin tu mdzes pa thams cad rtag tu sbyin/ /shin tu rgyud du sngas pa'i dga' ba bzhi yi cho ga legs par bstan/ /snying rje'i stobs ni lhan cig skyes par legs gnas bshad par gyis//pad+ma'i nang na mchog gi sna yi rtse mo ru/ /rdo rje las byung 'o ma rgya mtsho gzugs ni yid bzhin nor bu 'gro kun rang bzhin no/ /dpal ldan bde mchog rig pa rtag tu 'bab/ /gtor ma'i cho ga bsrung 'khor lo/ /kha sbyor grol ba bzang po dang / / sngags btu ba dang de bzhin bsrung / /spobs pa dkyil 'khor sgrub thabs te/ /de dag thams cad yang dag ldan/ /slob dpon des ni bstan par bya/ /de yi lag tu 'ongs pa'i dpal/ /'dod pa thams cad rab ster ba'o/ /dpal ldan 'dus pa'i rgyud du bden sbas gyur pa'i dbang bskur shes//slob ma la ni bla ma des ni rgyud du de bzhin gsungs/ /phyi rol gyi dkyil 'khor du dbang bskur bar 'dod pa'i cho ga'o/ /legs par rab gnas cho ga 'di/ /gdod nas dag pa skyon med pa'i/ /dkyil 'khor kun dang yang dag ldan/ /rnam pa kun gyis legs par dkris/ / gang phyir 'gro ba sems las byung / /lhan cig skyes pa'i mtshan nyid do/ /de yi phyir na gnas kun du/ /blo bzang gis ni rab gnas kyis/ /lugs ma dang ni glegs bam ni/ /'jig rten don du rab gnas gsungs/ /'jig rten kun rdzob la brten nas/ /mkhas pa yis ni rab gnas bya//nye ba'i snying pos ri lu grub pa de yi yul la lhag par gnas pa gsungs/ /de ni bgrod nas sngags pa bzang pos rab tu gnas pa mdor bsdus bya/ /zla ba'i btung ba sngon byas nas/ /rgyan rnams kun gyis rnam par brgyan/ /dpa' bo'i srung ba yang dag ldan/ /rab tu 'jug lam la legs gnas//A li kA li legs brjod nas/ /lha rnams lhag par gnas par bya/ /lugs ma glegs bam la sogs rnams/ /de kun rab tu gnas par bya/ /a A/ i I/ u U/ r-i r-I/ l-i l-I/ e ai/ o au/ aM aHka kha ga g+ha nga / tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+ShaH /rnam rgyal bum pa bzlas pa yis/ /mkhas pas lha yi khrus bya'o/ /de nas bum pa gzhan gyis kyang / /dngos grub rgyur ni dbang bskur ro/ /rnal 'byor chung ngu rdo rje sems/ /de lta bur ni mtshan nyid gyur//cho ga thams cad bya ba ste/ /rgyud las ji ltar bstan pa 'dod/ /'das pa bar ma'i sbyor ba yis/ /rten la bar ma'i cho ga bya/ /rab gnas la sogs gang yin kun/ /gang bstan pa ni de bzhin gsungs/ /lhan cig skyes pa'i dga' ldan bdag /dpa' bo'i yid ni mi g.yo ba'o//chen po'i yon tan dang ldan pas/ /sems tsam nyid du kun la spyad/ /skad cig gis ni thams cad nyid/ /rab tu gnas par nges par gyur/ /rnam pa kun gyi mchog ldan zhing / /rdzogs pa'i sangs rgyas kun gyis bsngags/ /chen po yang ni chen po yi/ /rnal 'byor gnyis med mtshan nyid do//dpal ldan 'khor lo kun gyi gzhi/ /rang 'byung bde mchog las byung ba'o/ /rnam pa bzhir gyur rnal 'byor pa/ /dga' ba bzhi yi mtshan nyid dang / /mtshan nyid bzhi dang yang dag ldan/ /sangs rgyas thams cad rab tu mchod/ /zla ba'i btung ba la sogs bya//bzhad dang sgeg pa la sogs ldan/ /mtshan mo dga' ba chen pos der/ /dpa' bo dpa' mo'i dbang phyug ldan/ /'dus pa la sogs legs brten nas/ /rab tu gnas pa'i cho ga mchog /rtag tu g.yon du bsgyur ba yis/ /blo dang ldan pas thams cad bya//rab tu gnas pa'i cho ga'o// //dpal ldan bde mchog 'khor lo che/ /bde mchog lta bu'i sbyor ba yis/ /bcangs na bde mchog tu 'gyur ro/ /e lta bu yi dbus phyogs su/ /dpal ldan mkhas pas gsang sngags rgyal po bri/ /gro gur gum tsan+dan sogs/ /cho gas dpal ldan ngang pa'i rgyal po nyid//gnod pa kun sel rgyal byed legs pa'i dpung par rtag tu bcing / /gsang sngags sna tshogs bzlas shing cho gas dngos grub ster/ /zhi la mtha' ru swA hA bri/ /rgyas pa la ni phyag 'tshal te/ /dbang la hoHdang yang dag ldan/ /bsad la hUM phaT sbyar bar bya//he ru ka sbyor mi shes na/ /sems can don la brtson par gnas/ /dub cing ngal ba de rnams kyi/ /sems can don du mi 'gyur ro/ /sgrub thabs gtor ma sbyin sreg dang / /rab gnas dkyil 'khor de bzhin te/ /'di dag thams cad yang dag ldan/ /he ru ka dpal lus mtshan nyid/

CLOSE WINDOW