CLOSE WINDOW

D1529
བོད་ཡིག

@##/ /rgya gar skad du/ shrI sam+ba ra u pa de sha mu kha kar+N+Na pa ra tsin+ta ma Ni nA ma/ bod skad du/ dpal sdom pa'i man ngag zhal nas snyan du brgyud pa yid bzhin nor bu zhes bya ba/ dpal rdo rje sems dpa' la phyag 'tshal lo/ /sku gsum bdag nyid dgos 'byung bla ma dam pa'i zhabs pad ze 'bru dri med 'od zer la phyag 'tshal//gsang sngags mthar thug snying po'i bcud byung yid bzhin nor bu mkha' 'gro'i gsung bzhin rtogs pas 'dir gsal bkod/ /bde gshegs thugs la snang ba dri med pany+tsa pa nas rtogs pa ki ri li ru gsang bdag mnyes/ / spyod pas zil mnan lus kyi bkod pas rnal 'byor rjes bzung mdzad pa mtha' yas 'gro rnams stong par byas/ /bslab pa gsum dang rgyud par ldan pa nyams su myong bas 'jug tshul shes pas bla ma dam par shes/ /paN+Di pa dang rigs chad bral ltar rus sbal spu ste mo gsham bu ltar slob ma skyon lnga bral//mchog gi don 'dod gang gis de bstan thog mar dbang bzhis rgyud smin thabs dang shes rab 'brel ba nyid/ /'di don rim par brgyud pa rna bar 'pho byed de tshe sangs rgyas bstan gnas gus par mnyan par gyis/ /sa yi cho ga lhag par gnas pa rig byed slob dpon rig sbyor sogs kyis bum pa'i dbang bskur bya//bslab pas rgyud mdzes thos bsam nor ldan bla mar 'os pa phul la bla mas gsal stong la sogs bskur/ /nyer lnga lhag spangs rigs ldan rgyan spras zag bcas bskul sogs gsum pa byin nas brtul zhugs brtan par bya/ / dga' ba gsum son lhan cig skyes pa rnyog pa dang bral yul du byas sogs 'bras bur shes par gyis/ /dbang bzhi dang 'brel brda yis mtshon pa shes rab bdag nyid sin+d+hu ra la mnyes sogs ston mos brgyan/ /slob dpon bzhi la dbang bzhi dus bzhi byed pa bcu gnyis chos nyid dbang la mtshon du med par byos//dbang gis smin nas rim pa gnyis shes rnal 'byor dbang phyug zung 'jug rgyal ba'i sku bsgrub phyir/ /dbang po'i rim pas dbye dang bsdu ba'i rim pa shes nas 'du 'dzi med pas rgyun du 'bad pas spyad/ /tshangs pa'i gnas bzhi gsol dang khams sogs bslab pa 'khor lo tshogs brten rgyu 'bras nyid dang phra mor brjod//go cha ye shes rgyas gdab sku gsung mchod dang bzlas pa rdzogs rim phrin las phyogs dang thub pa nyid/ /bsdus pa'i sbyor ba tshad med bzhi ldan rdzus te skyes pa skad cig rnal 'byor bzlas pas bcas pa nyid/ / brtan g.yo'i dngos po lhan cig skyes pa snang sems dbyer med non po'i spyod yul zung 'jug rdo rje'i sku/ /kun la khyab pa ngo bo nyid ston gsal rig mtshan nyid thub pa'i dbang po bde gshegs kun gyi gtso/ /gsum gsal bdag gis mngon sum nyid du legs par rtogs nas sgom dang bzlas pa gsal por rab tu phye//chos dbyings skye med rgyal ba'i yum gcig rgyan dang phyogs dang rgyal ba nyid de nam mkha'i ri mor blta/ /brtan dang g.yo ba rten dang brten pa lha yi rang bzhin rang la bcug nas sna yi rtse mor rdo rje bzlas/ /gtor ma byin nas dbang po 'bring pos 'od gsal bsgoms te dbang sogs lam dang dam tshig 'bras bur bsre//bdag 'jug dbang dang bla ma mchod byed nyams chags bskang phyir rdo rje sems dpa' brtan pa'i cho ga bzlas/ /rgyal po blon po dmangs kyi byed pas mtshams kyi kun spyod za nyal 'gro dang khrus sogs rnal 'byor bya//rnam rtog dang bral zla ba drug tu nges par bsams na grub pa'i mtshan ma mthong nas rol par gnas/ /thub pa'i bstan pa rgyas mdzad dngos grub mthar 'byin zab dang rgya che gnyis med dam tshig kun gyi gzhi/ /bag yod bsgom zhing brten dang gsang ba mi gsal mi 'bral bza' bsrung mchog gyur thub pas rab tu gsungs//bslab pa gsum dang rgyu 'bras zhen med dbang sogs 'bras bu rgyud gzhan las gsungs rang sems dran pas bsrung / /sku gsum la brten ting 'dzin gsum gyis rgya cher rab gsal gzhi lam 'bras bus lta ba mtshon par gyis//rnal 'byor srog rtsol sangs rgyas lnga bdag g.yon dang g.yas su rim pa ji bzhin rgyu ma nges pa ste/ /mnyam par gzhag pas 'jug pa'i rlung nyid bum pa can du byas nas brtan pa'i go 'phang so sor thob/ /rlung gi sbyor ba de nyid las dang mi shes las dang las min 'grub rig pas ni 'bras bu ster//bsdams pa che dang bzlas pa'i rim pa goms pas dge dang mi dge 'chi bzlog rlung rig pas ni shes/ /dbye dang phyed las chos mtshungs rgyun mtshan bsdam pa'i sbyor ba'i bskyed rim goms pas mthun pa'i rkyen dang ldan/ / gsang spyod la gnas sdug bsngal bzod pa lus gnad gsum ldan dmigs pa bzhi la sbyor ba'i skyon bsal te/ /steng 'og bar dang 'bugs pa'i sbyor ba li khri'i tshul du sgo gsum sbyong bar bya phyir nges par rol/ /rdo rje'i bzlas pa yig 'bru gsum la goms shing sangs rgyas lnga la kha dog so sor bslab par bya//'byung ba lnga yi rlung zin pas ni du ba smig rgyu me khyer mar me sprin med nam mkha' 'byung / /brtan pa'i rtags su zla zer nyi zer glog gi zer dang 'ja' tshon nyi zla bsres pa dngos su mthong / /spyod lam dang ni sbyor ba mkhas pas dug sogs gzhom dang 'chi ba brtag par sna tshogs bsgyur//rtsa dang rlung dang thig le 'dres pas bde gsal mi rtog rgyun mi 'chad pa'i rgyal por 'gyur ro kye/ /rim pa 'di nyid 'phel bar bya phyir snang dmigs dngos po sgyu mar bsams la dben pa'i gnas su ni/ /rdo rje sems dpa' mtshan dpes spras pa'i gzugs brnyan la ni rab tu dmigs la dngos po chu zla ltar//bcu gnyis sgyu ma'i dpe yis mtshon te mnyam rjes la ni chos brgyad las 'das mkha' bzhin snyoms par 'gyur/ /de ltar shes pas mi bya ba med sngags zlos srung sogs mi dgos dge slong sogs la phyag mi bya//'di dang mtshan dus bsre zhing sbyang dang goms pas gyen du 'phangs te bde gshegs bltas la chos sogs mnyan/ /rmi lam med dus gnad dang ldan pas 'dod chags la sogs brgyad cu 'gags nas snang ba gsum 'das te/ /rgyun chad med pa'i 'od gsal chen pos sa bcur gyur pa lam bgrod na ni rnam shes gong du 'pho//sna tshogs don chen mthong nas shes pa spo ste rim pa gnyis ldan 'jug phyir gzhan gyis mi 'gyur ro/ /chags dang chags bral 'di ma shes par gzhan ni don med dus gsum sangs rgyas bgrod pa gcig pa'i lam/ / ri bor brgyug dang zla ba chu 'dzin dus dang 'brel pa bslab bcas sangs rgyas dgongs pa mi shes phyir/ /sgo gsum gnad kyis sbyang ba bya zhing ngal na sna rtser bltas la nges shes skyes nas chen por blta/ /dang po'i las kyis yid 'ong la brten goms pas sngags las zhing dang lhan cig skyes sogs rtsa bsnyen bya//cig car mgon po bsgoms nas mtha' gnas rdo rje'i bzlas pa rtsa la mkhas pas pad+ma'i skyon bzhi bsal/ /bde ba'i lam drang ye shes mtshon pa mar me 'du ba rgyu 'bras shes nas shes bya'i dkyil 'khor blta/ /thur sel bcud nas glang chen seng ge rma bya 'dren dang bya rgod stag mo snang dmigs bde bar 'char//sbyor ba dngas ma rlung dang mnyam zhing rig mas bde ba lus la spros nas rtsa mdud dgrol bar bya/ /bde ba nyams skyes tshogs drug kun la ro mnyam lugs las 'byung dang bzlog pas dga' bzhi mtshon par bya//dga' ba gsum dang dpe don bsres nas rgyu tshogs gzung 'dzin chos nyid goms nas rtsol med 'bras bu 'char/ /ye shes gsal byed dbang gi 'bras bu rdo rje lus la 'khor lo mdud pa spyi bor grol ba'i gnas/ /sgo dgu 'gags nas sgo bzhi thim pa nyid kyis rnam grol ye shes lus can sgra brnyan lta bu bral//mig sogs stong dang bdud bzhi grol ba chos nyid la mkhas gsum pa gcig gyur ye shes rgyun chad med/ /gzhi lam 'bras bu gcig gyur bde chen dngos po ro mnyam yi ge bzhi don 'bras bu mngon du 'gyur/ /mthar ma skyol na nye bar spyod pa lus ldan gzhi dang nges shes rtags te ngo sprod shes par bya//skye shi'i bar do shes pa snga phyi gnyis dus dran mtshams 'chi ba'i dus dran phra rags thim nas ni/ /'od gsal chen po de ma rtogs na bla ma sogs kyi skyel bsus nying mtshams rlung gsum bcings pa'i phyir//yon tan rdzogs pa bar do longs sku yon tan bdun ldan de ma brtan na dug gsum las gyur pa'i/ /rtog par bcas la dbang dus nyams dang lha sogs sgyu ma zung du 'jug pa slob dang mi slob pa/ /bdun phrag re la brgyal bar 'gyur ba de ma khegs na skye ba sna tshogs sprul skus nying mtshams sbyar//bar do gsum la 'dod chags la sogs dus gsum shes pa zag med 'od gsal sgyu mar bsres la bsgom/ /'di don rim pas 'khor ba dang ni mya ngan 'das rgyal gnyis med zung 'jug phyag rgya chen por 'gyur/ /dbang dang dam tshig 'brel bar shes pa gdod nas dag pa rkyen gyi bskur tshul nyams su blangs dang rtogs//bum sogs dam tshig mnyam gzhag rjes spyod mi 'bral bza' bsrung spros bcas spros med yan lag bshags bya nyid/ /dbang dus lta sogs mtshon par bya la bdud rigs ngos gzung zil gyis mnan nas bsgom dang rtags su 'brel//tha ma 'bring dang rab dang mchog gyur 'jug sgo shes pas sgom la sbyar te gang dang gang la sogs/ /mchog gi dngos grub tshe 'dir 'dod pas dus dang 'brel bar spyod pa byas nas gol sa gcad par bya/ /bya spyod la sogs tshogs su bsgyur la phrin las byed pa rab gnas sbyin sreg rnam bzhis 'dod dgur bsgyur//'khor lo bzhi la sku bzhir yan lag bdun ldan rdo rje sems dpa' sgo gsum ngo sprod mtshan dpes spras/ /rgyud rnams snying phyung man ngag bcud bsdus lam gyi rim pa bde gshegs kun thugs yid bzhin nor bu nyid//mi mthun phyogs las rgyal bar bya phyir 'jug pa'i tshul dang zhugs pa'i 'bras bu gsal ba'i thabs nyid do/ /lus la go gyon ngag gis g.yul sprad sems kyis mtshon bsnun sku gsum khrus bcud rlung dang 'khor lo bskor/ /rtsa ba drug la yan lag so dgu nad la sman dpyad par chad srung 'khor gnad bral gags bsal to//sa la sogs pa'i ro bzhi ngos gzung 'khor lo bzhi yis ro bzhi bsnyams la zhi gnas phyogs la ni/ /thabs dang ldan pas pi wang sgra sogs rtsa rlung la ni shes rab sku gsum mthun sbyor rdzas sogs lnga/ /zin dang ma zin legs par shes nas lus kyi gnad la nyi ma zla sogs brdzis nas rdul sprugs byed//'byung bzhi'i rlung la lte ba la sogs stong ra bcas nas na tsha bogs 'don gsal 'khyims la sogs bsal/ /bcu pa'i rlung shes ting 'dzin rang grol sman pa lta bus brgyad po bsal nas rdul chu ltar spyad bya//dngas ma bsgrubs na skyon rnams sel phyir bdag lta'i bud shing bsregs nas 'od gsal chos skur bkral/ /'di don rim brgyud bla ma la brten gus pas blang phyir byin rlabs lam khyer snyan nas snyan du brgyud/ /mchog gi blo can brtse ba chen pos theg gzhan spangs la smin dang grol ba rim pa gnyis la 'bad//snod bcud la sogs gzhal yas khang dang phung po khams sogs lha ru dag pas rgyal ba thams cad bsdu/ /rdo rje lus la bde chen gnas pa pho nya la sogs spros dang spros med 'khor lo zung du 'jug /rim pa 'di la mos pa brtan pas sprul pa mthong zhing skyon yon dang bcas chung ngu phyir tshogs pa//skad cig bzhi yis dga' ba gsum son 'bring po'i drod de lhan cig skyes pa d+d+hu tI'i lam zhugs nas/ /'jig rten las 'das brgya phrag bdun po yon tan gyis spras gnas dang nye gnas nyi shu bzhi sogs la//dngas ma yas byon pul+li sogs khyab rgyu ba mas brten bde chen brtol nas ma chags pad+ma'i sa/ /rab bkram chen po phrag bdun yon tan ye shes gsal byed chos sku'i bdag nyid rdo rje 'dzin par 'gyur// //'khor lo sdom pa'i bskyed rdzogs la sogs gting dpag dka' ba gsal por rab phye snyan brgyud mkha' 'gro'i gsang //dri med bsags pa'i dge ba des ni sa gsum gnas pa rdo rje 'dzin pa'i go 'phang thob par shog /yid bzhin nor bu zhes bya ba mkha' 'gro ma'i gsang tshig rdzogs so// //

CLOSE WINDOW