CLOSE WINDOW

D1526
བོད་ཡིག

/ @##/ /rgya gar skad du/ a mr-i ta mA ri tsA nA ma/ bod skad du/ bdud rtsi 'od zer can zhes bya ba/ dpal bde mchog 'khor la phyag 'tshal lo/ /'khor lo pad+ma dang 'dra ba//rang gi gnas ni nyid du 'khyil/ /sangs rgyas kun gyi gsang ba ste/ /'gro ba kun la rang bzhin gnas/ /yang dag pa ste rab tu bshad/ /yang dag pa yang rnam pa bzhi/ /de ni lus la rang bzhin gnas/ /'di ltar shes pa'i lus nyid ni/ /bde ba chen po sku zhes bya//lte bar gsang ba drug cu bzhi/ /sprul pa'i yig 'bru dkar po dgod/ /A li kA li g.yas dang g.yon/ /ye shes bzhi yi yi ge bsam/ /dbus kyi ri bong 'dzin par ro/ /sprul pa'i 'khor lo zhes su bshad/ /sems kyi gnas lugs chos sku'i brgyad/ / kha dog dkar po'i yi ge dgu/ /hUM b+hUM trAM hrIM khaM yig rnams/ /dbus nas byang du rim bzhin dgod/ /mtshams su lAM mAM pAM tAM la sogs pa bzhi'o/ /mtshan ma med pa'i sku zhes bshad/ /longs spyod rdzogs sku bcu dang drug /mgrin pa'i gnas su yang dag skyes/ /de yi ri bong 'dzin par aM//a wa ra la yi ge rnams/ /shar nas byang du rim bzhin no/ /rtog yul chu rlung gnyis kyis gnas/ /'byung bzhi rtags ni 'dzin par bshad/ /sa bon zla ba rgyas pa 'dra/ /bde ba chen po'i gnas su 'khyil/ /sum cu rtsa gnyis yang dag gnas/ /de yi gnas na A li gnyis//g.yas dang g.yon gnyis mgo dang mjug /gcig tu sprad pas brgyan pa yin/ /de dbus haM ste pra ma Na/ /longs spyod gyen la bde chen thur/ /thabs dang shes rab tshul du gnas/ /chos dang sprul pa de bzhin no/ /kun gyi dbus na ri bong 'dzin/ / 'khor lo yi ge kha dog dkar/ /yaM las 'byung ba rlung gi dkyil/ /ha gnyis gnas su bsam par bya/ /de steng rang byung gru gsum bsam/ /rang gi gnas su bsam par bya/ /de ltar rang bzhin kun shes nas/ /ye shes chen po'i byin rlabs las/ /rlung gis me bus drug cu 'bar//de nyid ye shes zhes bya ba/ /de bzhin gshegs pa lnga bsregs te/ /spyan la sogs pa yang bsregs nas/ /haM las bdud rtsi zla rgyun 'bab/ /kun gyi lus bsregs mgor phyin bsam/ /longs spyod gsum bskor 'byung bzhi bsregs/ /de nas g.yas phyung sangs rgyas nas//sems can kun bsregs dbu ma g.yon/ /thim ste bde chen g.yon nas bskor/ /bsregs pas rna ba g.yas su 'du/ /mkha' 'gro ma kun sems gcig byed/ /a ba d+hU tI'i gnas nas byung / /sangs rgyas sems can gnyis med bsregs//steng gi zhal du pra ma Na/ /bde ba chen po'i lus kyang skyes/ /haM dkar las byung sa bon dkar/ /lus gnas mi gnas ye shes skyes/ /de ru ma nus chu yi rtsa/ /g.yon gyi sar 'du sprul pa ste/ /der ni yang dag rab tu bzung / /de ru mi gnas sam+b+hog /rtsa yi rdo rje'i lam nas 'gro//sam+b+ho ga nas chos sku yi/ /lus rnams yang dag skye bar 'gyur/ /skyes nas bskal ba'i bar du gnas/ /chos kyi gnas su ma skyes na/ /ni rma kA ya'i bar du gnas/ /yang nas yang du 'di bzhin bya/ /rnam rtog med pa'i rnal 'byor bya/ /yar gyis bsreg cing mar gyis gso//rnal 'byor mig gi 'od zer gyis/ /rtag tu 'di la blta bar bya'o/ /nam zhig de la brtan gyur na/ /mtshan ma lnga'am yang na g.yo/ /'bar zhing g.yo na yig mgo bcad/ /bcad pa'i bzhi po yang dag bzhu/ /rtsa yig rdo rje'i lam nas ni/ /til gyi 'bru bzhin rgyas par 'gyur//rnal 'byor mthar phyin 'bras bu ste/ /bde ba chen po'i sku zhes bya/ /gzhan gyi don sogs yon tan rnams/ /'bad pa med par lhun gyis 'byung / /bla na med pa'i dgongs rgyud ni/ /dpal gyi zhabs kyis bdag la bstan/ /skyen dang rnal 'byor gnyis su 'gyur//bde ba chen por rab tu bshad/ /sbyor ba'i lus ni thams cad las/ /rgyal ba rnams kyis spras par bshad/ /shin tu sbyangs la rab gnas pa'i/ /snod ldan bdag nyid chen pos bzung / /lus sems bde bar spyad nas ni/ /nyin mtshan sbyor ba bsten par bya//bdag gis brtsams yin bdud rtsi 'di/ /'di ltar khams gsum kun kyang de/ /shi dang 'dra bar mtshungs pas na/ /yang dag bde bas 'tsho bar shog /rtsa dang rlung gi de kho na'i rnal 'byor dra ba'i 'khor lo bdud rtsi 'od zer bde ba chen pos tshim byed rnal 'byor gyi dbang phyug chen po rat+na shri dz+nyA na'i zhal snga nas gtan la phab pa/

CLOSE WINDOW